رواية بنت الشيطان الفصل الثاني والستون 62 بقلم رحمة نبيل
رواية بنت الشيطان الفصل الثاني والستون 62 بقلم رحمة نبيل
رواية بنت الشيطان البارت الثاني والستون
رواية بنت الشيطان الجزء الثاني والستون
رواية بنت الشيطان الحلقة الثانية والستون
الفصل الأول
******ملحوظه الاحداث دي قبل ما دانه تعرف ميسره او تسافر للاقصر
كان ليث يجلس في مكتبه ثم سمع صوت رنين هاتفه امسكه واجاب عليه بنبره جامده / نعم فهمت ولكن لا احب ان اقوم بعمليه مع احد اذا كنت سأفعل ذلك اذا فليكن النمر والا فلا
صمت يستمع للطرف الاخر ثم تحدث بملل/ اعلم بأنه يمتلك مهمه اخري ولكن…..
تنهد بممل / حسنا سأفعل انتظرهم في مكتبي
اغلق ليث هاتفه وتنهد بملل هو لا يحب العمل مع احد واذا كان سيفعل ذلك فليكن مع عبدالرحمن اذا ولكن عبدالرحمن في مهمه اخري خارج البلاد وهو لا يريد العمل مع هذا الفريق في مهمته الجديده فريق الموت الدامي هذا الفريق المزعج اللعين هو لا يحبهم فهم اشخاص سمجه من وجهه نظره بالاضافه ان هذا الفريق يتكون من ثلاث فتيات نظر امامه بتعب وهو يفكر انهم في أي لحظه سيكونون هنا في مكتبه فكر قليلا بأنه من الأفضل الا يقترب من منزله والا تعرف دانه بذلك فهي تقوم بقتل اي فتاه تقترب منه مابالك بثلاث فتيات وسوف يقوم معهن بمهمه كبيره حسنا هو لا يريد أن يتوقع رده فعلها سمع صوت طرق علي بابه اذن الطارق بالدخول فدخل
السكرتير وخلفه ثلاث فتيات يرتدين ثياب من الجلد الأسود يلتصق بجسدهم بطريقه كبيره فتح اعينه بصدمه وهو يجلس ويهمس / الله يرحمكم لو دانه شمت خبركم
تحدثت احداهن وهي تمد يدها / اوووووه واخيرا قابلت بلاك العظيم بنفسي
نظر بلاك ايدها ببرود وهز رأسه فتحدثت هي بغيظ / حسنا انا جوان قائده فريق الموت الدموي وهاتان هن كلوي وديانا
هز ليث رأسه ببرود / تشرفنا
ابتسمت الفتيات له بحالميه فمن لا يعرف بلاك
تحدثت جوان وهي تنظر حولها / اذا هل سنتحدث هنا ام سنتحدث في المنزل
ليث بحاجب مرفوع / منزل؟؟؟؟؟؟
ديانا / نعم منزلك الم تصلك الأوامر بأننا سنقيم لديك حتي تنتهي هذه المهمه
ابتسم ليث وهو ينعي الفتيات بداخله / هي مش المهمه اللي هتنتهي لا ده عمركم شكلكم مستعجلين علي موتكم بقي
اغمض عينه وهو يتحدث / دانه هتعملكم كفته والله
بينما في منزل ليث كانت دانه تقف في المطبخ وتفتح امامها اللاب وهي تتحدث مع احد اون لاين او تترجم لاحد فهي تركت العمل مع ليث لتعتني بابنائها التوأم إياد وزياد أصحاب السنوات الست ولكن تؤسس عمل علي الإنترنت الترجمه التتبعيه نظرت دانه للشخصين الذين يتحدثان أحدهما بريطاني والآخر صيني فهي تترجم لهم كلام بعضهم البعض فكانت ترتدي قميص ابيض وجاكت رسمي من اللون الرمادي ومن الأسفل ترتدي بنطال بيجاما وردي اللون وشبشب علي شكل فأر حيث انه لا يظهر منها سوي النصف العلوي منها كانت دانه تقوم بتقطيع الخضار علي الرخامه أثناء الترجمه وهي تتابع معهم فجأه سمعت طنين القدر علي النار فصرخت بهم وهم لا يتوقفون عن الحديث / يوووه يا عم متستني هو الكلام هيطير اصبر اشوف الرز
ثم تركت العميلين ينظرون لاثرها بصدمه كبيره ثواني وعادت دانه وهي تعدل الجاكت الخاص بها وتتحدث ببسمه غبيه / أين كنا اه تذكر اذا كما قال السيد سميث فإنه التعاون بين الشركتين س……….
قاطع كلامها صوت عالي واياد يدخل للمطبخ وهو يصرخ / إيه يا دانه ساعه بتعملي اكل و……
قاطع كلامه نظرات دانه وهي تشير له بعيونها بتحذير ليخرج نظر إياد حيث تشير فوجد رجلين ينظران لهم بتعجب صرخ إياد صرخه اجفلت الجميع وهو يضع يده علي فمه / ياويحي يا ويحي بتخوني ليث يا دانه ومع آتنين كمان يا ختتتي يا شرفك اللي بقي في الطين يا ليث يا ابن جايكوب
دخل زياد علي الصراخ / إيه دانه ولعت في البيت
إياد وهو يضرب علي راسه كالمرأه العجوزه / امك حطت راسنا كلنا في الطين بتخون ابوك بعد العمر ده كله مطمرش فيها الجزيره اللي باسمها بنت مالك
نظر زياد للاب توب وجد رجلين يبدو عليها الصدمه ويتحدثان بلغات غير مفهومه
زياد / احيه وكمان مستورد كان ماله المحلي يا بنت مالك ولا هو عشان ليث مش عيونه ضيقه زي ده (قالها يشير للصيني) ولا شعره سايح ومسمسم وطويل زي ناديه ( قالها يشير البريطاني)
نظرت دانه لهم وتحدث باعتذار ثم اغلقت اللاب ونظرت لهم بشر / جرا ايه ياض منك ليه خيانه مين
إياد بدراميه / لا لا لا تكذبي اني رأيتكما لا رأيتكما ايه اني رأيتكم معا
هزت دانه رأسه وهي تبتسم ببرود فاكمل زياد المسلسل /
عينى عليك يابلاك يازينة شباب المخابرات ياضنايا
دانه وهي تنخفض وتمسك خفها / آيوه وايه كمان
زياد وهو يراها تحمل خفها /وووو…. هو يستاهل علي فكره اه يستاهل يعني يسيبك كده لوحدك بتعاني من الوحده ويروح الشغل مينفعش هي بنات الناس ايه لعبه ولا إيه
اياد وهو يبتلع ريقه برعب وينظر لها وهي تبتسم لهم بشر / امال ده انا حتي بلاحظ ساعات تعاستك اللي بتحاول تخبيها عننا وتقولي بستحمل عشان عيالي وبتضحي بساعدتك مع واحد زي ده عشان خاطرنا
زياد وهو يصطنع البكاء / قد ايه انتي ام عظيمه
دانه وهي تنظر لهم ببسمه شريره / أنا بقي هوريكم العظمه تتجلي في ابهي صورها
اياد / اسكتي مش احنا نسينا نقولك
دانه وهي تهز رأسهأ / آيوه
زياد وهو ينظر لاياد / أصل احنا تعبنا في المدرسه والممرضه قالتلنا اقعدوا في حته مش فيها عظمه كتير عشان عندنا حساسيه من العظمه
دانه وهي ترفع خفها /يمين بالله أبدا لازم تشوفوا العظمه بعيونكم
ثم ركضت تجاههم وهم يصرخون بشده وهي / يا جذم كده تفضحوني قدام الاجانب يا فضيحتك يا دانه
اياد / اصبري بس هنفهمك
دانه / تعالي بس وانا اللي هفهمك
بينما زياد ركض لهاتف المنزل وضغط أرقام وهو يري دانه تركض خلف إياد وهو يصرخ سمع إياد صوت من علي الجانب الاخر / الو
زيا بصراخ /الحق يا مالك بنتك اتجنت
مالك بتعجب / زياد
زياد / بنتك هتموتنا الحقونا يا حكومه يا ختييي
صرخ زياد وهو ينحني ويري خف دانه يطير تجاه
زياد بصراخ / الحقوووووووووونا
جلست نور بجانب مالك وهي تراه ينظر للهاتف بضحكه غبيه / مالك يا مالِك بتضحك علي إيه
مالك بضحكه عاليه / عداله السماء يا أخت نور
نور بعدم فهم / في إيه مين اللي كان علي التليفون
مالك / ده زياد هههههههههه دانه تقريبا جابت آخرها منهم يلا ربنا بياخد حقك
ضحكت نور بشده ولم تكد تنهي ضحكتها حتي سمعت صراخ رحمه / نهاااااااار ابوكي اسود يا حزينه
ركضت نور للاعلي وجدت ملاك ابنه عبده البالغه من العمر سبع اعوم تفترش ثياب عبده كلها وتقصقصهم وتصنع منهم ثياب للألعاب الخاصه بها
نظر مالك من خلفها ببرود / سبحان الله سبحان الله كما تدين تدان
بينما نور سقطت ضاحكه وهي تشير لمالك / شايف هههههههههههه اه يا مطابخي ونجفي وتلفزيوناتي حقكم بيرجع يا غاليين
مالك بضحك وهو يحمل نور التي تضحك بشده / يلا خليهم يحسوا بمرتبي اللي مكانش بيكمل شهر
نظرت لهم رحمه بفزع / استنوا انتم رايحين فين
مالك وهو يغمز لها / هنروح نستجم بقي
رحمه وهي تكاد تبكي وهي تنظر لملاك التي تتحدث ببراءه شديده / إيه ياماما بتصرخي ليه كده هتصحي سكره
نظرت لها رحمه وهي تكاد تبكي / ابوكي هيطلقني اعاااااااا
عانقتها ملاك بحب / متعيطيش هعملك انتي التانيه فستان من قميص بابا بصي بابا عنده الوان كتير حلوه
نظرت رحمه لثياب عبده التي تفترش الأرض / اها عنده الوان حلوه بقولك ياملوكه احنا هنقوم نرجع اللبس ده مكانه ولا من شاف ولا من دري فهمتي يا ملوكه عشان بابا ميشنقناش انا وانتي بالقمصان ام الوان حلوه ماشي
هزت ابنتها رأسهأ ببسمه وهي لا تفهم ما يحصل سوي انها حصلت لعروستها علي ثياب جديده
نظر خالد لناري وهو يتحدث / يابنتي خلاص بقي سمر قلتلك هتاخد بالها منهم
ناري بحزن / بس انا مش عايزه اسيبهم ياخالد
سمر بسخريه / يا ختي متروحي مع جوزك وانتي ساكته وسيبي بناتك ومتقلقيش انا هخلي بالي منهم المهم انتي تستمتعي بالرحله
خالد وهو يلقي لها قبله في الهواء / قلبي آنتي يا سمر ياللي فيهم انا قولت مش هطمن مع بناتي غير معاكي
سراج وهو يهبط وينظر لهم ويتحدث بحزن مصطنع وهو ينظر لبنات ناري / مكنش يومكم يا مساكين كنتم أطفال بريئه
ناري وهي تنظر لديما التي تبلغ خمس سنوات / خلي بالك من ريما يا ديما
هزت ديما رأسها بينما تحدثت ريما ذات الثلاث أعوام /ماما تروحي بعيد
ناري وهي تقبلها / مش هتأخر يا قلب ماما
اخرج سراج هاتفه والتقط صوره لديما وريما وتحدث بحنين / اخر صوره ليهم وهما أطفال
ضحك خالد بشده عليه / متقليش في العيار يا سمر ماشي
سمر /اشطا يلا سلام غوروا بقي خليني نشوف شغلنا
ثواني وكانت روجي تدخل ومعها مراد وابنهم حازم
نظر خالد لمراد وغمز له /برضو جيت لسمر في الاخر
ضحكت روجي / بابا مازن وساره في المستشفي معظم الوقت ومينفعش اننا نسيب حازم عندهم مش هيلاقي حد يقعد معاه فقلنا ملناش غير البركه بتاعتنا
هز مراد رأسه وانحني يقف قباله صغيره وعدل ثيابه ثم قبله بحنان بالغ وتحدث وهو يعدل له خصلات شعره الناعمه جدا / خلي بالك من نفسك يا قلبي وملكش دعوه باي حاجه تقولها تيته سمر
سمر بشر / انت بتقوله ايه يا بن مازن يا بارد انت
مراد ببسمه وهو يضم روجي / بضمن مستقبل ابني يا سمورتي يلا سلام
ثم اخذ روجي وذهب وخلفهم خالد وهو يضحك بشده / عايزكم تستمعتوا يا سموره باي
نظرت سمر لسراج بتذمر / كل واحد ساحبلي المزة بتاعته ورايحين يتفسحوا
سراج وهو يضمها ويغمز لها بشقاوه / إيه رأيك نودي العيال لمالك واخدك افسحك يا باشا
ضحكت سمر بشده وهي تقبله بحنان من وجنته / لا ياباشا انا اللي هاخد بالي من احفادي لازم اربيهم علي القيم الصحيحه
سراج وهو يضحك بشده / هتقوليلي طب امشي انا لأن الشركه لوحدها والأستاذ خالد بيتفسح
هزت سمر رأسه ثم نظرت للأطفال وابتسمت بسمه خبيثه وتحدث للفتيات / ها بقي قولتولي تعرفوا شارع الهرم ولا لا
نظرت دانه بتذمر لاياد وزياد الذين يحاولون مراضتها
إياد بملل / مخلاص يا أخت دانه ماقلنا اسفين بعدين ده شبشبك لسه معلم علي قفا الواد زياد
زياد وهو يفرك رقبته / آه والله
دانه وهي تنظر لهم بحاجب مرفوع / عشان هزاركم البايخ ده
إياد وهو يضحك بشده / طب بقولك ايه تعالي نهيص شويه قبل ما جوزك القفل ده يجي
ضحكت دانه وغمزت لهم ثم نهضت / يلا ياباشا
ذهب إياد وقام بتشغيل اغاني مهرجانات واخذ يرقص هو وزياد ودانه بحركات شبابيه محترفه
بينما دانه تغني مع الاغنيه بصخب والصوت يهز جدران المنزل وهم يرقصون بجنون كبير كعادتهم
بينما ليث كان يقود بعصبيه وخلفه سياره الفتيات وهو ينظر لهاتفه بملل / ردي يا دانه بقي
ولكن دانه لا تسمع صوت هاتفها بسبب صوت الاغاني
وهي ترقص بجنون امسك إياد المكنسه واخذ يرقص بها بينما هي ترقص علي الكنبه
توقفت سياره ليث امام المنزل وهو يأخذ أنفاسه وهو يتجهز لرده فعل دانه يتوقع بركان سينفجر في وجهه
نظر خلفه وجد الثلاث فتيات اخذ نفس ليهدأ نفسه ثم تقدم للباب ووضع المفتاح وفتح الباب سرعان ما هاجمهم الصوت العالي لاحد الاغاني وابنيه يرقصون ودانه علي الاريكه تهز وسطها بجنون وهي تغني بصوت عالي
وهي مازالت ترتدي ثياب رسميه من فوق ومن الأسفل بنطال بيجاما وردي احد اقدامه مرفوع والآخر لا وترتدي فرده وآحده من الخف
نظرت جوان لهما بسخريه وتحدثت وهي تنظر لليث / اوووه بلاك يبدو أنك تترك أولادك مع الخادمه كثيرا انظر ماذا فعلت لهم
نظر لها بلاك نظره جعلتها تعود للخلف برعب وتبتلع ريقها ثم نظر ليث امامه ومسح وجهه بتعب وهو يستمع لكلمات الاغنيه
شعرت دانه بأحد يقف علي الباب نظرت وجدته ليث ابتسمت له باتساع سرعان ما اختفت بسمتها وهي تري بجانبه ثلاث فتيات ترتدين ثياب من الجلد الأسود ملتصقه في جسدهن نظرت لاياد فذهب واوقف الموسيقي
ونظر لزياد / هو ابوك عرف انها خانته مع آتنين فحب يعلي عليها وجاب ثلاث صواريخ ارض جو بحر ويابس للبيت
زياد وهو يصفر / يا عظمه ابوك ده معلم والله
إياد / احنا نتفق معاه هو وآحده واحنا كل واحد وآحده
دانه وهي تتحدث بخفوت وصل إليهم / اقسم بالله لو ما سكتوا لهعلقكم يا عواجيز انتم
نظر لهم ليث ثم نظر لدانه التي لم ترفع نظرها من علي الفتيات الثلاثة ثم هبطت من الاريكه واتجهت لهم كاد ليث يتحدث ولكن صمت عندما وجدها تدور حولهم وتنظر لهم بتقييم ودقه ثم نظرت لليث بهدوء مخيف / دول جرافيك ولا 3d
ابتسم ليث لها بتوتر / احم دول فريق الموت الدموي
دانه /حصلنا الرعب ايوه بيعملوا ايه هنا ودهنين جسمهم اسود ليه كده كفي الله الشر
ليث / احم لا ده لبسهم كده و….
دانه وهي تنظر لهم ببسمه غبيه /بسم الله ماشاء الله هو كمان فيه لبس
ليث وهو ينظر لها بحنان / دانه هفهمك هو………
دانه وهي تنظر له ببرود وهدوء اخافه / اتفضلوا اتفضلوا واقفين ليه بره ادخلوا اتفضلوا
ديانا وهي تنظر لها / شكرا
دانه وهي تبتسم / وبيفهموا عربي حلو اوي عشان نتكلم بقلب جامد
دخلت جوان بكل غرور وخلفها الباقيين
بينما ليث نظر لدانه بتعجب علي رده فعلها بينما هي تجاهلته ولحقت بالفتيات ثم نظرت لاياد وزياد / يلا يا حبايبي رحبوا بالضيوف
ليث بقلق من صمتها / دانه لحظه اااا……
قاطعته دانه ببسمه تشبه بسمه الذئب قبل هجومه علي فريسته / إيه يا بلاكي مش انت خلاص عملت اللي عليك وجبتهم سيبني بقي انا اعمل اللي عليا وارحب بيهم يا حب
ثم فتحت زراعها وهي تبتسم / منورين يا جماعه بإذن الله تكون زياره سكر علي دماغكم يارب
تحدثت جوان وهي تضع قدم علي قدم / لا هي مش زياره دي هتكون أقامه لحد ما هنخلص المهمه دي
نظرت دانه لها ببسمه جعلت ليث يترحم عليهن / يا سلام وماله
ليث وهو يحاول ان يهدئ الأجواء / عامله ايه يا دانه و…..
دانه وهي تبتسم لهم / بصاره
رفعت ديانا حاجبها بتعجب / ماذا
دانه وهي تهز رأسها / بصاره وعدس ومش بس كده المعلم بوشكاش بيضحي انهارده فيه جبنه قديمه ومش لسه بدوده والله يستاهلكم
كلوي بتعجب / مش بدودو دي أكله يعني
دانه وهي تنهض وتتجه للمطبخ / امال دي هتعجبكم جدا جدا
ثم نظرت لابنائها / إياد…. زياد رحبوا بطنط يا حبايب ماما
ابتسم إياد وهو ينظر لزياد بشر / بس كده انتي تٱمري
نهض ليث واستأذن منهم ولحق بدانه للمطبخ
كانت دانه تستند علي رخامه المطبخ وهي تتنفس بعصبيه وتتذكر نظرات هذه الحقيره / آه يا جذم جايين داهنين جسمهم ورنيش جذم ويقولوا لبس طب والله لاخليهم يكرهوا نفسهم ويكرهوا اليوم اللي رجلهم دبت فيه المحروسه
اقترب منها ليث من الخلف وضم ظهرها لصدره ووضع رأسه علي كتفها وتحدث بحنان واسف / غصب عني اتحطيت معاهم في مهمه حاولت اني اغير الفريق او اني اشتغل لوحدي بس معرفش ليه القائد مصر آوي كده علي اني اشتغل معاهم ومعرفتش بموضوع إقامتهم في بيتي غير من شويه وحاولت اني اكلمك قبل ما اجي عشان متفتكريش اني بحطك تحت الأمر الواقع بس انتي مردتيش
استدرات له دانه ونظرت له بعشق فهو رغم كل شئ لا يحب رؤيه حزنها أبدا مهما كان السبب وضعت يدها علي خده / خلاص يا ليث محصلش حاجه
ليث وهو يضع جبينه علي خاصتها / يعني مش زعلانه
دانه وهي تعانقه وتنظر بشر / لا يا حبيبي مش زعلانه
ثم هتفت في نفسها / بس ده مش معناه اني اسيبهم كده لازم نوجب معاهم خصوصا ام عين زايغه دي
كاد ليث يتحدث لولا سماع صرخات الفتيات في الخارج نظر لها دانه وركض وهو يصرخ / العيال قتلوهم
بينما دانه ابتسمت وهي تتحدث بمزاح / حبايب مامي بدأوا اللعب
ثم لحقت بليث للخارج لتري ماذا فعل صغيريها اللطيفين
سمر وهي تهز وسطها / آيوه كده يا بنتي انتي وهي عايزه اشوف دينا وفيفي قدامي
بينما الفتيات كانوا يرقصون بحركات غبيه وريما تسقط كثيرا فهي مازالت صغيره ولا تستطيع التوازن
سمر بتذمر / شكلي هتعب معاكم زي امكم كانت هبله من صغرها بس روجي كانت فنانه البت عليها هزه وسط ولا أحسنها رقاصه في شارع الهرم يلا الله يسامحه مراد خلاها تتوب بصوا عايزاكم تمشوا مع الموسيقى وخلوا وسطكم يتحرك لوحدة
ديما بتعجب / يتحرك لوحده إزاي يا تيته
سمر بقرف / اسمي سمر يا ختي بعدين اهو كلام بسمعه وخلاص المهم حركي وسطك كده ايوه شطوره
ثم نظرت للخلف وجدت حازم ينظر لهم ببرود شديد يشبه برود مراد
سمر بحنق / واد يابن مراد انت بتبص كده ليه ده بدل ما تقوم تمسك الطبله وتطبلنا
سراج وهو يأتي من الخارج ويضرب كف بكف / يطبلك ايه يا سمر ياخربيتك انتي ناويه علي فساد جماعي ولا إيه ده ناقص تسرحيهم ببانجو يا قادرة
سمر وهي ترفع حاجبها وتتحدث بحنق / إيه يا سراج يعني هي أول مره يعني
سراج وهو ينظر للأطفال بشفقه/ الله يسامحهم أهلكم ملقوش غير مدمره الاجيال دي
ثم نظر لسمر / لا مش اول مره بس انا قولت المفروض انتي يعني جده فيكون ليكي هيبه وعاقله وحكيمه وتكون قراراتك صائبه دايما
سمر وهي تنظر له بفم مفتوح ثم اشارت لنفسها بمعني (انا)
هز سراج بيأس ثم اتجه للاعلي وهو يهز كتفه برقص / كملي يا أبلتي بعتذر علي المقاطعه
ثم تحدث بحنق /الا مبشوف منك هزه كتف يا بعيده منشفاها لحد ما هخونك واتجوز عليكى
سمعتخ ميسره فتحدثت بصراخ / تخوووني يا سراج
كانت تصرخ وهي تركض خلفه علي الدرج بينما هو رأها بهذه الهيئه فركض بسرعه وققز من علي الدرج وهبط علي الارض ثم للمطبخ وامسح أحدي اغطيه الأواني كدرع / استهدي بالله ياسمر خيانه اي بعد العمر ده ده إحنا عندنا أحفاد ده انتي داخله علي الخمسين يا شيخه
سمر بصراخ / نعم يا خوووويا خمسين عفريت لما يركبوك خمسين مين ده عيد ميلادي الثلاثين باقي عليه تلت شهور
سراج بضحك / آيوه عيد ميلادك التلاتين اللي بنحفتل بيه من وقت جوازنا هو السنه التلاتين دي مش هتخلص ولا ايه
سمر بتذمر / سنه كبيسه يا أخي أنت مالك
ثم تحدثت بحزن مصطنع / انت بتفكر بجد في الجواز عليا
نظر لها سراج بحزن فهو احزنها وهو لا يتحمل ان يري اي نظره حزن في عينيها اقترب منها وضمها اليه / إيه يا سموري بس ليه الزعل ده، انا كنت بهزرررررررر….. اااااااااااااه
كان يتحدث وهو يراضيها وفجأه صرخ بسبب عض سمر ليده وهي تصرخ / بقي انا دخلت علي الخمسين
سراج وهو يحاول تحرير يده منها / ياخربيتك ايدي ايدي
بينما كان الصغار يقفون علي باب المطبخ وينظرون لهم بتعجب
ريما / هي تيته بتعمل ايه لجدو
ديما بتعجب / معرفش هي تيته طلعت بتاكل بني ادمين
نظر الجميع لبعضهم برعب ثم نظروا تجاه سراج الذي استطاع نزع يده منها ونظر لها بحنق شديد بينما هي ابتسمت له ثم عانقته وهي تضحك
ديما ببسمه / اهو جدو صالحها دلوقتي بقي هيحطلها قطره زي ما بابا علي طول بيعمل لماما
خرجت سمر من أحضان سراج وقد وصل كلام ديما لها فنظرت سمر لسراج وتحدثت بحنق / أنا برضو اللي هفسد العيال دول عيال خالد ياناس العيال جايه فاسده لوحدها
ثم نظرت تجاه حازم الصامت بطريقه مثيره للتعجب /وانت يا حازم بباك مش بيحط قطره لماما
حازم وهي يتركهم ويغادر وهو يتحدث بعدم اهتمام / لا ماما عينها مش بتوجعها هو بيبوسها بس
نظرت سمر لسراج وفمها مفتوح بينما سراج سقط أرضا من الضحك / طول عمري بقول مراد قليل الادب آكتر من خالد بس مش باين عليه
سمر وهي تصرخ / احفااااااادي يا جذم بوظوا العيال تربيتي يا نااااس
نظر حسام لسما التي تتشاجر مع ابنتها كالعاده حتي ترتدي رابطه للشعر / ما تسبيها يا سما
سما بعنف / آه وتكون مكمبشه يعني يا حسام بنتك بتتدلع
كاد حسام يجيب ولكن قاطعهم صوت الباب فنهض ليري من فاوقفته سما وهي تشير له / لا استني إنت عشان انا عارفه مين اللي جه والله اطلع عينهم هما التلاته عديمين الدم دول
ثم انطلقت تجاه الباب بعنف شديد وهي تفتحه فوجدت من كانت تتوقع تلك الفتاه اللزجه هي واختها الذين انتقلوا في الشقه المقابله لهم منذ اسبوع ومنذ تلك الفتره وهي لا ترتاح لنظراتهم لحسام حين يخرج تلاحظ نظرات الكبيره له وبسمتها المقيته وتحججها باي شئ لتطرق عليهم الباب وتقتحم خصوصياتهم
سما بعنف /نعم
نظرت لها الفتاه الكبيره ( أنغام) /اهلا يا طنط بس كنت عايزه المهندس حسام
سمع حسام من الداخل شهقه سما بطريقه النساء الكبيره فضم حاجبيه بتعجب ونظر لتالا / خليكي عاقله يا تالا وتعمليش حاجه لحد ما اجي
فهزت الصغيره رأسها وخرج حسام فوجد سما او بالتحديد وجد( سمر صغيره) تقف وتنظر لانغام بعدائيه وهي تصرخ وتدردح / نعممممممممم يا اختي طنط مين يا مقشفه ده انتي يابت كاسره الأربعين ولا يكونش شويه الصبغه اللي زي الحرق وطقم السنان اللي مركباه وشد البشره اللي مهبباه ده مقوي قلبك يا دلعدي لا يا قمري ده انا ممكن امسكك مخليش فيكي اي ملامح وبعدين تعوزي جوزي في إيه يا ختي انتي
كادت انغام تجيب عليها بنبره عاليه ولكن لمحت اقتراب حسام الذي تسأل بصدمه وهو ينظر لسما / فيه إيه.
تصنعت أنغام الحزن / يا بشمهندس انا بس كنت عايزه حضرتك تيجي تساعدنا تغير اللمبه انت عارف احنا تلات ولايا لوحدنا
سما بسخريه / آه ومش بينكشفوا علي لمب استغفر الله
تجاهل حسام سخريه سما ثم نظر لانغام / تمام اتفضلي حضرتك وانا هحصلك
ابتسمت أنغام بسمه جعلت سما تحترق من الداخل وهزت رأسها بهدوء / تمام عن اذنك
ثم رحلت وعي تتمختر في مشيتها بينما حسام نظر بشر لسما / إيه صوتك العالي ده يا سما كل ده عشان عايزين مساعده
نظرت له سما بقوه وهي تحاول منع دموعها / لا مش عشان عايزين مساعده عشان عايزين جوزي يا حسام أتفضل عشان متتأخرش
ثم تركته ودخلت للشقه ومنها لغرفتها بينما هو جذب شعره بعنف شديد فسما أصبحت هذه الأيام تتصرف تصرفات غريبه عن سما اللطيفه التي تزوجها والرقيقة
بينما في الغرفه كانت سما تبكي في الهاتف وعلي الجانب الاخر تصرخ سمر بحده / بنت جميله هتوقع ايه منها هبله زي امك لا امك مش هبله علي الاقل مخليه ابوكي مش شايف غيرها وانتي بقي سبتيه يروح الشقه يا حيوانه
سما ببكاء شديد / وانا اعمل ايه يا سمر يعني
سمر بصراخ / تقومي زي الجذمه وتروحي وراه عرفيهم ان اللي حصل من شويه ده عمره ما هيأثر علي أي حاجه وان حسام جوزك انتي
اخذت سما أنفاسها لكي تهدأ / يعني اروح وراه
سمر بصراخ / لسه بتسألني البت قومي يابت انتي وبعدها لينا قاعده كبيره
هزت سما رأسها ثم خرجت من الشقه واتجهت للشقه المقابله وكان الباب مفتوح فدخلت وهو تنادي علي زوجها بحرج من دخولها هكذا ولكن صدمت مما تراه
كانت نور تجلس في أحضان مالك الذي يضمها اليه براحه وحنان شديد فرغم مرور هذ السنين الا ان حبها أصبح يتضخم اكثر واكثر حتي أصبح يخشي ان قلبه لن يتحمل اكثر
تحدثت نور وهي تأخذ أنفاسها براحه / يااااااه بعد كل السنين دي واخيرا الراحه من عيالك والعيله الهبله دي
ضحك مالك بشده / اللي يسمعك يقول انك عاقله آوي
رفعت نور رأسها من احضانه ونظرت له / أنا عاقله يا مالك علي فكره يعني مش ملاحظ اني مش بقيت بعمل اي حاجه عبيطه وبقيت عاقله
رفع مالك حاجبه باستنكار / آه والاسبوع اللي فات مين إللي كانت بتخانق ملاك علي الشوكولاته ولا مين اللي كانت بتعيط عشان الشيبسي بتاعها خلص بلاش دي لما خرجتي مع رحمه عشان تشتروا لبس لملاك
نظرت له نور بحرج / علي فكره انا معملتش حاجه
رفع مالك حاجبه لها وهو يتذكر ما حدث معهم
F. B
كانت نور تسير بجانب رحمه وهم يبحثون عن ثياب جيده لملاك وايضا كانت نور تبحث عن ثياب لاياد وزياد ولكن لفت نظرها شباب يسحبون فتاه وهي تحاول التخلص منهم ودخلوا بها لشارع جانبي فنظرت نور بشك لهم ثم تحدثت لرحمه / بصي في لبس حلو هناك اهو لعيال دانه هروح اشوفه واجي
هزت رحمه رأسها / هروح اشوف في المحل ده
كانت نور تسير ببطئ وهدوء خلف هؤلاء الاشخاص فلاحظت دخولهم لمنطقه نائيه فتحدثت بحماس / هنرجع ايام الشقاوه يا نور
وجدت أحدهم يخرج من باب في آخر الشارع الضيق ويقف في احد أركان الشارع ليشرب سيجاره وهو ينظر امامه بشرود بينما نور استغلت انه يدير ظهره إليها وتسحبت ودخلت للمنزل الذي دخلوا اليه منذ قليل وجدت صاله ضيقه ولها ممر به غرفتان سمعت بكاء يأتي من أحدي الغرف فدخلت إليها بكل هدوء وجدت فتاه تجلس أرضا وهي تبكي بشده
اقتربت منها نور ووضعت يدها عليها فانتفضت الفتاه برعب ونظرت لنور بخوف شديد فاشارت لها نور بالهدوء / اهدي انا هخرجك من هنا متخافيش
كادت الفتاه تجيب عليها ولكن منعتها نور ثم أخرجت هاتفها واجرت اتصال بمالك وهي تهمس بخفوت / الو يا مالك بقولك ايه كان فيه عصابه كده شوفتهم بياخدوا بنت ودخلوا بيها لبيت مشبوه اه اه شكلهم كده زي المجرمين المهم اني دخلت وراهم عشان…..
لم تكمل كلامها وهي تسمع صراخ مالك من الجانب الاخر فوصل صوته للفتاه فنظرت لها نور ببسمه غبيه / اهدي بس أعصابك هوصفلك الطريق و……
نظر مالك للهاتف برعب / الو نور الو نور انتي سمعاني
لم يجد اي اجابه منها فصرخ بغضب شديد ثم فتح هاتفه ونظر جيدا فهو دائما ما يجعل نور ترتدي قلاده بها متتبع للأماكن نظر للمكان الذي به وذهب لمكتبه واحضر مسدسه وخرج بسرعه كبيره وهو يكاد يحترق فنور ستبقي نور وستظل تجلب له المشاكل دائما مهما كبرت من المفترض أن تكون اعقل ولكن نور كلما كبرت كلما أصبحت اكثر مما سبق
كان مالك يقود سيارته وبعنف وهو يضرب المقود بقلق
بينما نظرت نور للفتاه ولم تكد تتحدث حتي شعرت بأحد يجذبها بشده التفتت نور للخلف برعب ونظرت له بينما هو كان يبتسم لها باسنان غير نظريفه وشكل قذر ابتاعت ريقها ولعنت نفسها في داخلها علي التسرع فكان بإمكانها ان تتصل بمالك ولا تدخل ولكن كيف وهي نور مغناطيس للمشاكل
تحدث الشاب وهو ينظر لنور نظرة شهوانية رغم كبر سنها الا انها احتفظت بجمالها / هو احنا نهارنا ابيض ولا إيه
نظرت له نور بتقزز / يلا يا عسل سيبنا نمشي دلوقتي مش لأجلي لا لأجل اللي هيحصل ليكم بعد شويه
ضحك الرجل بصخب / وايه بقي يا والدتي اللي هيحصل بعد شوية
نور ببسمه / هسيبك تشوف بنفسك
اقترب منها الرجل بعصبيه شديده بسبب هذا البرود وجذبها بعنف فنظرت له نور وحدثت نفسها في بالها /كان لازم لسانك ينسحب منك يا بلوة انتي استلمي بقي
بينما هي نظرت لثيابها التي يجذبها بغضب شديد / انت ياولد نزل ايديك المعفنه دي انت قفشت حرامي غسيل ولا إيه
نظر لها الشاب برعب لوهله وتركها ثم استوعب ما حدث فاقترب مجددا وكاد يجذبها لولا سماع صراخ بعض الرجال في الخارج فابتسمت نور وقد علمت بوصول مالك ثواني وكان الباب ينفتح بعنف شديد ومالك يدخل إليهم بغضب جحيمي ولك تمر دقائق حتي كان الشاب يتسطح أرضا من الألم فرغم مرور السنين الا ان مالك لم يهمل نفسه ولم يتوقف عن ممارسه الرياضه أبدا اقترب بشر من نور بينما هي ابتسمت بغباء وتقوم بتحية الشرطه / باشا منور المكان والله
اقترب منها وهو يٱكل شفتيه بعنف شديد ثم امسكها من ثيابها من الخلف / اعمل فيكي ايه اعلقك هنا واسيبك لحد ما تكبري وتعقلي ولا اعمل ايه
نور وهي تنظر له بضحكه وتشير بعينها للفتاه التي لم ترفع عينها عن مالك منذ الدخول / باشا برستيجي
نظر مالك للفتاه وهز رأسه ببطئ بتحيه لها بينما الفتاه ابتسمت له الفتاه باعجاب كبير
B
ضحكت نور بشده / ما خلاص بقي يا شيطان كنت حابه ارجع ايام الشباب
ضحك مالك وضمها اليه / آه رجعي يا قلبي رجعي عشان مبصش لبرة
نهضت نور بحده ونظرت له بعنف بينما هو انفجر ضاحكا عليها ثم ضمها اليه بشده / لو مرت السنين واسنانك وقعت يا نوري برضو هتفضلي لآخر نفس بنت الشيطان
ضمته نور بعشق بينما هو انتبه لاهتزاز هاتفه فامسكه ثم جز علي أسنانه فهذه الفتاه التي تدعي سجي منذ ذلك اليوم الذي انقذها به مع نور وهي تزعجه ولا تضع في بالها السن فهو يكبرها بعشرين سنه علي الاقل ولكن هي فتاه مزعجه جدا اغمض عينه بغضب يجب وضع حد لها هذه الفتاه المجنونه فهي لا تفكر بعقلها فهي من سن أولاده او اكبر بقليلا من دانه ولكن هي انبهرت به من الخارج ومظهره وهيبته وصممت انها ستكون معه دائما
بينما نور كانت تشعر بتصلب عضلات مالك وشروده في نقطة بعيده تنهدت بتعب وهي لا تعرف مابه فهو هكذا دائما يشرد منذ….. منذ ذلك اليوم
خرجت دانه بسرعه مع ليث وجدت الفتيات يقفون علي الاريكه برعب واياد يحمل الافعي التي صمم ان يربيها في المنزل وزياد يحمل نمر صغير لم ينضج بعد ولكن الافعي كانت كبيره جدا فكانت اكبر من إياد نفسه وكانت تخرج لسانها بفحيح والفتيات تصرخ برعب شديد
نظرت دانه بتعجب لليث / هما مش المفروض عمليات خاصه ومش بيخافوا والشغل ده ايه الهباب ده
ضحك ليث عليها ثم ذهب ليبعد أولاده تحدث بحسم / إياد زياد بتعملوا ايه
تحدث إياد ببراءه / بوريهم سيد يابابا بس هما خوفوه
دانه وهي تنظر لهم بحزن مصطنع / القاسيين خوفوا سيد المسكين
نظر لهم ليث بتشنج ثم أشار لأولاده بالرحيل فذهب كل منهم لغرفه الحيوانات التي يربون بها حيوانات مختلفه
بينما دانه أشارت لهم بتحيه
بينما هبطت الفتيات من علي الاريكه وتحدثت جوان / هذا غير مسموح ليث ماذا فعل أولادك هل هكذا يرحبون بنا
جاء إياد وزياد ووقفوا بجانب والدتهم وهم يدعون البراءه تحدث زياد وهو يدعي البكاء ويختبئ في قدم دانه /هما زعلوا يا ماما عشان بنرحب بيهم
نظرت دانه لهم واكملت التمثيليه / يا حبيب ماما معلش هما وحشين
جلست الفتيات ووضعت جوان قدم علي الاخري وهي تنظر لدانه بقرف / لم تخبرني ليث هل تزوجت عن حب
نظرت لها دانه بحاجب مرفوع / آه يا مسلوعه متجوزين عن حب وعشق وغرام مش كده يا ليثي
كانت تتحدث وهي تضع يدها علي كتف ليث بينما هو رغم معرفته انها تفعل ذلك فقط لتغيظ الفتيات الا انه كان يجاهد نفسه الا يأخذها الان من أمامهم ويذهب بها بعيدا وحدهم تحدث ليث بعدما آفاق / احم احم اه طبعا انا ودانه متجوزين عن حب.
تحدثت كلوي بقرف / بس مش شايف ان مراتك مش آوي يعني
نظرت دانه لنفسها ثم لاحظت عدم وجود فرده الخف الاخري فوجدتها بجانب مقعدها فارتدتها وعدلت من ثيابها / ماله هو اللكلوك مش عاجبهم ولا إيه عندي واحد أرنب
همس زياد باذنها / والله يا ولدتي من وجهه نظري التي لا قيمه لها علي الاطلاق علي الاطلاق انها مش قصدها علي اللكلوك يعني هي قصدها عليكي انتي كدانه
دانه وهي تنظر له / ياراجل
زياد بتأكيد وهو يهز رأسه / آه….. والله اعلم
دانه وهي وتنظر لهم ببسمه مخيفه وهي تنحني بتمسك به / بس برضو اللكلوك ليه دور في القصه والروايه
كاد زياد يرد لولا سماع الجميع لصراخ ليث بصوت عالي هز جدران المنزل
نظر الجميع له برعب بينما دانه ابتلعت ريقها مما تري……..
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بنت الشيطان)