رواية بنت الشيطان الفصل الحادي والستون 61 بقلم رحمة نبيل

رواية بنت الشيطان الفصل الحادي والستون 61 بقلم رحمة نبيل

رواية بنت الشيطان البارت الحادي والستون

رواية بنت الشيطان الجزء الحادي والستون

رواية بنت الشيطان الحلقة الحادية والستون

كانت دانه تنظر لليث وهو نائم بهدوء شديد وتتخيل ماذا سيفعل لها في أول عيد زواج لهم هل سيفاجأها ام يأخذها الي مكان هادئ وحدهم ام ام
تنهدت بحزن قليلا فمنذ اسبوع تقريبا وهو يتجاهلها تماما ويتحجج بعمله دائما
شعرت به يتقلب في فراشة فابتعدت ومثلت انها نائمه لتري رده فعله شعرت به ينهض من جانبها وقترب من جهتها كثيرا حتي كاد يلتصق بها اغمضت عينه وتكاد بسمه تنفلت منها ولكن ثواني وكانت البسمه تختفي ويحل محلها صدمه وهي تراه يأخذ هاتفه ويبتعد عنها ويذهب للشرفه
نظرت في اثره بخيبة امل هل تراه توقف عن حبها بعد مرور عام كامل علي زواجها سمعته يضحك بخفوت نهضت بفزع وركضت لباب الشرفه واختبئت عند الباب وسمعت حديثه
ليث ببسمه / ايوه لالا فاضي تماما مفيش حاجه انهارده مهمه اه تمام اقدر اقابلك
دانه بغيظ / مفيش حاجه مهمه يابن جايكوب
سمعته يضحك / اه اكيد فاكر شكلك كويس مش ناسي تمام هستناكي هناك متتأخريش
تمام
دانه / اه يا ليث ماشي انا دانه يتعمل فيا كدة ماشي ماشي
خرج ليث من الشرفه بعد أن ركضت دانه للفراش وادعت الموت
نظر لها ليث ببسمه ثم اتجه للدوره المياه
بينما دانه كانت تنظر بغيظ وحنق شديد / ماشي يا ليث ماشي
أمسكت هاتفها واجرت اتصال /الو لا اصحي ليا كدة محتجاكي ضروري تمام هروح هناك
ابتسمت دانه بخبث / اشطا يا سمورتي
نظرت لباب الحمام وابتسمت بمكر / ماشي يا ليث هوريك
دخل ليث للشركه وكالعادة الجمود يظهر عليه وبشدة صعد لمكتبه وجلس دقائق وشعر بشخص يقتحم مكتبه نظر ببرود لما كان يفعله ولم يكلف نفسه ان يرفع عينه فهو يعرف من هذا وماذا يريد
تحدث عبده بحده / انت حيوان ياض بقي تقولي هاجي معاك المهمه وفي الاخر تلبسني في هشام
صرخ بشده / هشام ياليث اللي يطيق العمي ولا يطيقني انت انهبلت
عاد ليث للخلف ببرود شديد / في ايه اهدي كده بعدين انا اعتذرت عن. المهمه دي لاني عندي حجات شغلتني مش اكتر وبعدين انا مرشحتش هشام للمهمه
عبدالرحمن بغضب / لا ده انت بتستهبل ما انت عارف ان سمير في مهمة واي غياب ليه او ليك بيلزقوا هشام ليا وانت عارف مش بيطيقني ولا بطيقه
نظر ليث له بملل / انت عقلك صغير يابني هو احنا بنلعب
عبدالرحمن وهو يجلس وينظر له بغيظ / لا مش بنلعب بس لما البيه يجي معايا المهمه ويتنك علي الأوامر يبقي فيها مشكله ولا لا المهمة كانت هتبوظ لولا ستر ربنا
ليث وهو يلعب بالقلم ببرود / وانت بتقولي ليه اشتكي للقاده
نهض عبدالرحمن وابتسم ببرود بسمه مرعبه / ده اللي هيحصل اما انت بقي هوريك يا ليث
ثم تركه وخرج
ضحك ليث بشده عليه / صحيح تؤام فعلا انت واختك زي بعض بالضبط
خرج عبدالرحمن وهو يزفر بضيق بسبب هذه المهمه التي أوشكت علي الفشل ولكن لقت نظرة شخص ما يدخل للشركه ابتسم بشر / اوووه اختي العزيزه هي اللي هتجيب حقي يا ليوثي يا عمري
نظرت سمر لدانه بخيبة امل وهي تهز رأسها بحزن / تؤ تؤ تؤ يا خسارة تربيتي ليكي يا دانه وتعبي وشقايا اللي راح علي الارض
نظرت لهم نور بقرق وهي تأكل فشار كأنها تشاهد فيلما
دانه بتأثر /اسفين يا معلمه والله غصب عني
سمر بحده / غصب عنك غصب عنك ايه يا ختي جوزك نسي عيد جوازكم وانتي تعديها بالساهل كدة من غير نكد ليه يعني هي القيامه هتقوم ولا ايه
جاءت رحمة سريعا وهي تحمل طبق مسليات / ها يا نور فاتني كتير
نور وهي تشاهدهم بانتباه / لا لسه بدأين
رحمه وهي تأكل مع نور / دي هتبقي مدعكه ياباشا
سمر وهي تنظر لهم / ممكن هدوء شويه فيه مستقبل بنت بيضيع هنا
رحمه وهي تشير بيدها / اتفضل يا ريس كمل اسفين المقاطعه
سمر وهي تعيد نظرها لدانه / ناس فصيله وانتي يابت انتي اسمعي اليوم ده مش هيعدي غير بطريقتين يا ما تنكدي عليه عيشته عشان نسي يا ما هو يفتكر ويتجنب الحرب اللي هتقوم
دانه وهي تنظر لها بدقه وتضيق عينها / رأيك كدة يا أبلتي
سمر / طبعا يا روح ابلتك هما الرجاله كدة لازم لهم العين الحمرا
دانه وهي تنظر لها وتفكر بجدية / امممم عايزة اسلوب نكد حلو وجديد كدة فهماني يعني اسلوب كدة متعملش قبل كدة اول مره يتنكد بيه علي شخص عايزة النكد يكون جديد ومودرن كدة
عبدالرحمن وهو يدخل للمنزل / حبيبه قلب اخوكي انا اللي هقولك تنكدي ازاي
دخل ليث للمطعم وبجانبه هذه الفتاه التي تكاد تلتهمه باعينها
ذهبوا لطاولة بعيده بعض الشئ وجلس عليها نظر لها وابتسم ببرود / ايوه يا استاذه مروة حضرتك طلبتي تقابليني ليه
مروه وهي تنظر لملامحه المتجهمه بضيق / هو انا بس كنت عايزه اقابلك عشان موضوع رأفت
ابتسم بسخريه شديده / وهو بقي بعتك ليا ومفكر انك هتقنعينى
مروه وهي تحاول أن تجعله يرضي / لا بس هو عرف اننا يعني كنا معرفه قديمه فقال
قاطعها ليث بسخريه / فقال يبعت ليا زوجته عشان تتوسط ليه عندي عشان انسحب من الصفقه الجديده واسيبها ليه انتي بتهزري ولا بتضيعي وقتي وخلاص
دخلت المطعم وهي تتلفت حولها وتبحث عنه وقعت عينها عليه وهو يبتسم لهذه اللزجه ويضحك ركضت عنده وهي تصرخ بدراميه / بتخوني يا ليث
التفت ليث بسرعه وصدمه من صوت دانه وتحدث بتعجب / بخونك ايه
دانه وهي تنظر لتلك الفتاه التي تنظر لها باستهزاء وقرف وتحدثت بدردحه / في ايه يا اوختشي اجبلك مخلل تحدقي بيه بدل ما انتي مش طايقه نفسك كدة
تحدثت الفتاه بقرف / ايه الكلام البيئه ده
ليث وهو يفرك عينه / يا دانه افهمي
دانه وهي تلتفت له / استني انت حسابك معايا بعد السنيورة دي فعلا عبده كان معاه حق لما قال انك بطلت تحبني وبتخوني
جز ليث علي أسنانه بغيظ / عبده
سمع صوت عبده وهو يقترب منهم ويعانق دانه / ايوة عبده يا خاين انت عبده اللي كسرت قلب اخته وحطمتها لقطع صغيرة يا محطم القلوب انت
هزت دانه رأسها بتأثر وهي تحتضن / اه حطمني لحتت صغيره يا عبدة
عبده وهو ينظر له باشمئزاز مصطنع / تؤ تؤ تؤ كنت أتوقع اي حاجه الا انك تحكمها و تخونها اخص عليك اخص يا نوتي
ليث وهو ينظر له بغضب / انت بتردها في ايه يا حيوان انت ده ملهوش دعوه باللي حصل انت بتنتقم باختك ده مجنونة بنت مجانين وهتطلق
نور وهي تقترب بدراميه / المجانين كلهم هنا سوري الناس كلها هنا ولعبتك انكشفت يا ليث طلق البنت
دانه وهي تبتعد بفزع من أحضان عبده / اوعي يابا يطلق مين ياما ده انا اشرحكم هنا
نور وهي تغمز لها / بس يا هبله يابنت الهبلة انتي هتبهدلي الدنيا
دانه وهي تتذكر الخطة وتعود لاحضان عبدالرحمن بتأثر / اه يا نور ظلمني القاسي ودمر زهرة شبابي وحولها لحزمه جرجير
نور وهي تتصنع الفزع / حزمة جرجير
دانه وهي تهز رأسها / حزمه جرير صفره كمان
عبده وهو يضمها ويبتسم بخبث لليث / يا حبيبتي يا ختي ياللي مظلومه دايما يا للي مشوفتيش يوم عدل من وقت جوازتك الشوم دي يا ما قولتلك ليث من النوع اللي مش بيعيش كتير
دانه وهي تهز رأسها بتأثر / فعلا وملهوش ضمان يا عبده وبيبوظ بسرعه
رفع ليث حاجبه ولوي فمه بتشنج / لا والنبي ايه ومش بيسرب مايه كمان
هزت دانه رأسها بايجاب / تخيلي يا ماما اقوله عايزة كيس شيتوس مستخسره فيا
ليث بسخريه / والنبي ايه وكراتين الشيتوس اللي بتاكليها كل يوم لحد ما الدكتور منعك منها عشان تعبتي ايه هتنكري
سمر وهي تتدخل في الحوار وتجذب دانه من عبده / تعالي يا ضنايا يا مكسوره الجناح انتي انا قولتلك الواد ده مينفعكيش ابدا اهو مستخسر فيكي كام كيس شيتوس ربنا علي الظالم والمفتري احنا نجرجره في المحاكم عشان يعرف ان الله حق
ليث /اهي كملت وسمر كمان يا صلاه النبي
دانه وهي تتحدث بحزن مصطنع / شايفين اللي بيحصلي يا ناس
تحدثت للفتاه بتعجب / هو ايه اللي بيحصل
خرجت دانه بحده من أحضان سمر / اخرسي يابت انتي دلوقتي عشان منتفش شعرك خرجتيني بره الموود مش شيفاني بتكلم ها مش شيفاني
نظر لهم ليث بتعجب
ليث بتعجب / هو انا عملت ايه في حياتي عشان أقع في عيله زي دي ليه بس كده
استغفر الله
وقع نظره علي دانه التي تنظر له من داخل أحضان سمر
نظر لها بغضب ثم نظر لهذه الفتاه التي تدعي مروه وتحدث ببسمه حنونه مصطنعه / اظن ان الخروجه اتخربت شويه يا مروه ايه رأيك اي وقت تاني تكوني فاضيه فيه نخرج شويه ونكمل كلامنا
مروه ببسمه لظنها انها نجحت في اقناعه
بينما دانه كانت نظراتها تحرقه حرفيا بينما هو ابتسم لها باستفزاز ثم نظر لعبده بغضب وهمس له همس وصل اليه / حسابك معايا يازفت انت
عبدة وهو يحرك حاجبه باستمتاع / حبيي يا كبير
سمر وهي تهمس لدانه / انتى يازفته انتى نمتي ولا ايه
دانه وهي مازالت تنظر لليث / لا متنيله اهو
عاد ليث لشركته وهي يزفر بضيق / ماشي يا عبده الكلب انت اما وريتك مبقاش بلاك يا جذمه الظاهر اني اخفيت بلاك كتير
تذكر دانه ومشاغبتها وما فعلته فانفجر ضاحكا / يخربيتك حلاوتك يا شيخه رغم كل اللي بتعمليه مازلت بعشقك يابنتي
اغمض عينه وهي يستحضر صورتها ارتسمت بسمه تلقائية علي فمه ولكن قاطع هذه اللحظة الهاتف لذا حمله وهو يتحدث بعمليه / جهزت كل حاجه طب تمام شكرا جدا
أغلق للهاتف وابتسم / ودلوقتي جه وقتي الخاص معاكي يا جنيتي
عاد الجميع لمنزل مالك وجدوا مالك يجلس وينتظرهم وملامحه بارده جدا / كنتم فين
نظر الجميع لنور ببسمه غبيه
نور وهي تتحدث بحده / لا اوعوا تقولوا انكم…….
لم تكمل حديثها فاسرع الجميع للاعلي
نور بخيبة امل /هتسيبوني لوحدي
نظر مالك لاثرهم ثم أعاد نظره لها وحرك حاجبه وارتسمت بسمة علي شفتيه / ها يا نوري سابوكي لوحدك كالعادة هتقولي كنتي فين ولا ايه
نور وهي تنظر للدرج بغيظ / اصلهم جذم ابو شكلكم واحد واحد يا جذم
ثم اعادت النظر لمالك وهي تبتسم بلطف وتقترب منه وتعانق رقبته / مالكي حبيبي وحشتني اوي علي فكره
مالك وهو يضمها له بشده / وانتي اكتر يا قلب مالك بس نخلص حوارنا الأول بعدين نشوف وحشتني دي
نور وهي تبتعد بخيبة / يعني مفيش امل انك تنسي الموضوع خالص
هز مالك رأسه ببرود
نور وهي تتحدث بيأس / بص ياباشا انا هعترف عليهم واحد واحد
ركضت دانه للغرفة التي بها رحمة وسمر وعبده الذي يلاعب طفله الصغير الذي يبلغ عمره بضعة أشهر / باعتنا نور باعتنا وهتعترف لمالك علي كل حاجه
سمر بملل / هي امك كده مفكره يعني هتقدري انك تخليها تحامي عنكم يابنتي ده وانتم صغيرين كانت شايله بلاوي عايزاها تشيليها في كبرها كمان
عبده وهو يلاعب صغيره ويضحك / الله مش أولادها ولازم تحامي عننا
سمر بقرف / امك دي هبله اساسا لو انا كنت اعترفت عليكم بعسليه واحدة وحياتك
دانه وهي تنظر لسمر / سيبك منه يا سمر وقوليلي اعمل ايه
سمر بتفكير / جوزك دة مش بيجي بالعند ده عايز حاجه خاصه ليه
نظرت نور بتعجب لها / خاصه ازاي
سمر ببسمه ماكره / هنستخدم معاه أحدث أساليب الحرب
وضع عبده يده علي اذن رحمة / متسمعيش ياماما اللي هيقولوه دول شياطين بلاش يفتحوا عينك
رحمه وهي تحاول نزع يده / استني بس عايزه اعرف
عبده بتذمر / بس يا عسل تعرفي ايه دول خرابات بيوت
دانه / ايوه ايه هي
سمر ببسمه خبيثه / الإغراء
عاد ليث للمنزل وهو يري الهدوء والظلام يعم المكان نظر بدقه اذا لم تعد دانه بعد من عند والدها
تنهد بضيق كيف سينفذ……..
قاطع تفكيره ضوء خافت ينير درجات السلم ودانه تقترب من الضوء ثواني وفتح فمه بشدة علي مايراه ماهذا هل هذه دانه
اغمض عينه وفتحها ثانيا ليتأكد فرك عينه بشده ماذا يحدث في هذا المنزل
هبطت دانه ببطئ علي السلم وهي تنظر له باغراء وهي ترتدي فستان قصير وشعرها ثائر خلفها اقتربت منه ببطئ وهي تسير بغنج وتتمايل
بينما هو يدقق النظر ماذا تريد بفعلتها هذه وضعت يدها خلف رقبته وتحدثت بدلع كبير / ليووووثي حبيبي وحشتني مووت.
نظر ليث حوله بصدمه ثم أشار علي نفسه
هزت هي رأسها / ايوه انت يا ليووث قلبي
ليث وهو يرفع حاجبه / اوووه هووو ده الأسياد راضيين عننا ولا ايه
رفعت دانه حاجبها بتعجب
وابتعدت عنه / الاسياد؟؟؟؟
ليث وهو يبتعد ويصعد الأعلي / اها اصل شايفك متشيكه ومتدلعه كده غريبه
دانه بتعجب من الأسفل / غريبه
ليث وهو يضحك بشده ويدخل لغرفتهم / اها الاسطا دانه بقت مره واحده زي البنات كده اخيييي عليكي يابنتي مش لايق عليكي الجو ده يا دندون انا وانتي عارفين كويس اوي مين هيا اسطا دانه ههههههههههه
نظرت دانه للباب الذي دخل منه بصدمه / اسطا دانه انا اسطا دانه يا ليث
دخل ليث للغرفة وهو يضحك بشدة عليها ثم اخرج هاتفه / يلا بسرعه
ثواني وكانت دانه تقتحم الغرفه بصراخ / ليث يابن ام ليث مين اللي اسطا يا ليث ها قول مين هي اللي اسطا انا ده انا مززززة المززز يابا
ليث بسخريه / بعد مزززز و يابا دي مظنش
دانه بنظره مرعبه / ليث انت ع…
قاطع كلامها وضع ليث يده علي عنقها بحب
نظرت له بانجذاب بينما هو ابتسم ابتسامته الرائعه واقترب منها وهي ابتسمت بخجل ثواني وكانت تقع بين يديه ابتسم فهو تعمد الضغط علي رقبتها في جزء معين حتي تهدأ قليلا نظر لها بعشق لم يقل ولو ذرة بل علي العكس زاد وزاد متي فاض من قلبه تنهد بعشق وحملها اليه بخفه وابتسم واخذها و البسها ثياب خروج وحملها للخارج وصعد لسيارته ووضعها بها ثم قادها ولمده اكثر من خمس ساعات حتي وصل واحد من أكبر منتجعات مصر في منطقه نويبع ابتسم وهو ينظر لها وهي تنام بملائكيه هبط وذهب للجهه الخاصه به وحملها بكل حنان وذهب للمكان الذي استأجره كان عباره عن كوخ من طابق واحد كبير وجميل جدا دخل ووضعها علي الفراش وابتسم وذهب ليجهز الأمور التي جاء من أجلها
حل المساء وخي مازالت نائمه استيقظت بانزعاج ونظرت حولها وهي تجهل اين هي علمت انها في كوخ وهي تتجول به ابتسمت وهي تتخيل ان ليث هو من جاء بها لهنا اخذت جوله في الكوخ وهي تفتح الباب وتخرج وجدت نفسها علي شاطئ جميل والمياه تعكس شكل الشمس وهي تغرب فتصبح باللون الأحمر الجذاب استنشقت الهواء وهي تغمض عينها باستمتاع ولكن عكر صفو لحظتها وهي تستمع لصوت خلفها / اووووه شوفوا مين اللي هنا دانه مالك بنفسها
التفت دانه وهي تنظر حتي ابتسمت بسخريه وهي ترفع حاجبها
كان ليث يسير وهو يحمل هديه ويبتسم ويتحدث في الهاتف / لا ياباشا سرك باتع
سمر بضحكه / عيب عليك يا ابني ده انا ماما
ليث بضحك / لا بس انا انصدمت لما لقيتها كده والله يا سمر
سمر بضحك / عشان تعرف بس المهم استمتعوا ياباشا ودعولي ولما تروحوا البحر اكتبوا ورقه عليها البحر يشتاق لك يا حسن يا جرجاوي
ضحك ليث بصخب وهو يقترب من الكوخ حتي فتح فمه / طب ياسمر سلام عشان دانه هتقتل قتيل دلوقتي
ضحكت سمر / طب الحقها
ركض ليث وهو ينادي بتعجب / دانه
نظر الجميع له فتحدثت الفتاه التي تشاجر دانه وهي تنظر له باعجاب / اوووه مين ده
اقترب منها ليث وهو يضمها له /فيه ايه اللي بيحصل هنا
تحدثت الفتاه بسرعه / لا ابدا اصل…..
قاطعتها دانه بقرف / لا اصل استاذه صوفيا كانت بترمي السلام وهتغور قصدي هتمشي
صوفيا وهي تتجاهلها وتنظر لليث وتمد يدها / انا صوفيا ابقي صديقه دانه من الجامعة
دانه بقرف وهي تسخر منها / سديقه لا يا ختي مكنش عندي اسدقاء زيك
صوفيا بسخريه / صح اصل انا وقتها كنت مش بصاحب حد زيك
دانه بتشنج / نعم يا معفنه مين دي اللي مش بتصاحب زي انتي نسيتي نفسك يا معفنه ولا ايه
شدها ليث له وهو ينظر للفتاة بغضب /خلاص يا دانه خلينا نرجع
صوفيا بغضب لدانه /اعرفي انتي بتكلمي مين يا دانه هانم انا دلوقتي بشتغل في أكبر شركات سياحيه مش زيك تلاقيكي لسه في الشركه المعفنة اللي كنتي فيها
دانه وهي تبعد زراع ليث بعنف / اوعي ياليث اوعي بس سيبني عشان هقتلها
دانه وهي تصرخ بها / مين دي يا ختي اللي معفنه الجذمه جذمه حتي لو حطينا فيها دهب يا عره انتي تعاليلي بقي
ثم انطلقت دانه في ضربها بشدة والفتيات المصاحبة لصوفيا تحاول جذبها من أسفل دانه وليث يسحب دانه التي تشبه القطه وهي تضربها ضحك بشدة وهو يجذبها حسنا هذه الصوفيا تستحق ما يحدث لها نجح ليث في سحبها وهو ينظر للفتاة / اتمني يا انسه تبعدي عن زوجتي وتحترمي نفسك وانتي بتكلمي زوجة ليث جايكوب
ثم اخذ دانه ورحل تحت نظرات الفتيات التي كانت تعبر عن ذهولها بسبب سماع اسمه ماذا دانه تزوجت ملك الاقتصاد في العالم ليث جايكوب اذا ماذا ستكون رده فعلهم اذا علموا بهوية بلاك
اخذ ليث دانه وعاد الكوخ وهو يضحك عليها
دانه / انا شدتني ليه لسه ماقلعتش شعرها بنت القرعه دي
ضحك ليث ثم وقف / يابنتي ارحمي بقي انا جايبك هنا عشان تتخانقي يعني
دانه وهي تتوقف بتعجب / اه صحيح احنا جاين هنا ليه وازاي محستش
نظر لها ليث بعشق كبير ثم انحني وحملها بحنان وحب بينما هي تنظر لعينه بتعجب ذهب لنهاية الكوخ حيث المطبخ وبه باب خشبي جميل التصميم فتحه بقدمه وخرج منه حيث الجزء الخاص به الذي يطل علي البحر وكانت المصابيح والشمع تنتشر علي الرمال مكتوب بها جنيه بلاك وضعها بلاك أرضا وهو ينظر لرده فعلها بحب بينما هي كادت تبكي
ابتسم ليث بشدة وعانقها من الخلف ثم أشار لها علي السماء نظرت للسماء وجدت صواريخ تنطلق علي شكل قلب به كلمه love you ضحكت بشدة وعينها تدمع ثم استدارت له وعانقته بشدة وصرخت بفرحه / بعشقك يا ليث بعشقك انا….. انا… انا فكرتك نسيت انا مش
قاطعها وهو يجذبها لحضنه بعشق ويضحك / انسي ايه بس يا قلب ليث انسي ان في اليوم ده بقيتي ملكي في اليوم دة حققت حلم حياتي انك تكوني ليا
دانه ودموعها تنهمر وهي تبتسم بسعادة وتمسك يدها وتضعها علي بطنها / وفي اليوم ده بدأت ثمر حبنا يا ليث
نظر لها ليث بصدمه وهو ينظر بعينها يترجاها الا تكون تمزح معه
بينما هي هزت رأسها بفرحه / ايوة انا حامل
تحدث وهو لا يعي حرفيا ما يحدث / من امتي
دانه بضحك وسعاده / امبارح وقولت اخليها انهاردة عشان تبقي هدية عيد جوازنا
ابتسم بسعاده وجذبها له / واحلي هدية
اخذت تضحك بشدة وهو يدور بها انزلها وهي مستمر في الضحك
اخذ يدها وجذبها خلفه بسرعه نظرت له وجدته يركض بها تجاه المياه ضحكت بصوت عالي وهو يحملها ويصرخ بحبها وهي تضحك بشدة عليه اخذ يرمي المياة عليها وهو يضحك بشدة وهي تبادله الضحك جذبها له وهم مازالو في البحر وتحدث وهو يستند بجبهته علي خاصتها / بعشقك بعشقك يا جنيه بلاك
دانه بعشق / وانا بعشقك يا ليثي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)