رواية بنت الشيطان الفصل الستون 60 بقلم رحمة نبيل

رواية بنت الشيطان الفصل الستون 60 بقلم رحمة نبيل

رواية بنت الشيطان البارت الستون

رواية بنت الشيطان الجزء الستون

رواية بنت الشيطان الحلقة الستون

الخاتمة
نظر مازن لنور التي يبدو أن مؤشراتها قد تحسنت /جهز يا مراد للعمليه
هز مراد رأسه بايجاب وتحرك لكي يجهز للعملية وهو يفكر في كل ما يحدث لهذه العائله زوجه عمه وآدم وعبده وكأن الحياة اتفقت عليهم من جميع الجهات
نظرت سمر لمازن بدموع / هتكون كويسه صح
مازن ببسمه / بإذن الله هتكون بخير يا سمر انتم بس ادعولها تقوم بخير
سمر / يارب يارب تكون بخير
كانت ملامح ليث مصدومه تقريبا هل هذه هي النهايه هل أخطأ عندما تزوجها ولكن هو فعل ذلك بسبب عشقه لها
اخذ نفس بكل هدوء وتحدث بنبره توحي ان المتحدث بلاك وليس ليث / قولتي ايه
دانه بتعجب من برود بينما عبدالرحمن ابتسم علي صديقه واخته فيبدو ان بلاك عاد للساحه وبقوه
دانه بغيظ من برودة /قولت طلقني ايه صعبة دي
ليث ببسمه مستفزه كثيرا / لا هي مش صعبه هي مستحيله بس
دانه وهي ترفع حاحبها وتبتسم بسخريه / افندم يعني ايه
ليث وهو يقترب ويهمس لها / يعني انسي يا دانه طلاقك مني ده مش هقولك علي جثتي لان حتي علي موتي هتفضلي مراتي وارملتي يا دانه فريحي نفسك بقي
دانه بكل ببرود عندها ونظر ذكرت ليث بمالك ونظراته /اه تمام يبقي كده اتفقنا
ليث بحاجب مرفوع / اتفقنا؟؟؟
دانه ببسمه / قصدي زي ما انت اتجوزتني من غير ما اعرف انا هكمل دور العبيطة اللي رسمته ليا وهعيش حياتي عادي خالص ولا كأني مرتبطه ونتقابل في المحاكم يا ليوثي
قالت آخر كلمه وهي تقلد كاترينا ثم ضحكت وتركته ورحلت للسياره بينما هو قبض علي يده بعنف شديد
ابتسم مالك عليهم ثم تركهم وتوجه للسيارة التي بها سراج ودانه وقادها حتي يذهب لحبيبته
بينما سياره ليث بها عبده ورحمة ذهب عبدة حيث ليث ووضع يدة علي كتفه وتحدث مثل دانه /مش يلا يا ليوثي ولا ايه
نظر له ليث نظره ناريه
عبده /لا ياباشا مش انا اللي باجي بالنظرات دي ويلا عشان رحمه نزفت كتير
ليث بحنق وهو يتجه للسياره / طبعا ما الدنيا معاك قشطا
عبده وهو يخمس بيده / الله اكبر في عينك بعدين انا الحمدلله قولت لرحمة علي الحكايه كلها من الاول وقولتلها متقولش لحد اما انت عملت نفسك الرجل الغامض بسلامته وحبيت اشرب بقي يا كبير
ليث وهو يشغل السياره / والله كلمه كمان وهسييك مع عفريت ماهر هنا اتنيل اركب يلا
صعد عبده بجانبه وهو يتحدث بحنق / عيل رخم
ليث وهو يسير بالسياره / سمعتك وهعديها عشان مش فايق ليك
بعد مرور عده ساعات كانت السيارات تصطف أمام المشفي هبط مالك وهو يركض فقد هاتف مازن وأخبره بما حدث لحبيبته ركض وخلفه دانه والجميع
كان يركض في الممر ووجد خالد يتحدث في الهاتف امسكه بلهفه / نور يا خالد هي فين
خالد وهو يري حاله عمه / اهدي يا عمي طنط نور بخير وهي دخلت العمليات من نص ساعه تقريبا تعالي معايا
ذهب خالد وخلفه الجميع وجد مالك باقي العائله أمام غرفه العمليات اقترب بلهفه / أسد حد خرج طمنكم ولا ايه
أسد وهو يربت علي كتفه / اهدي يا مالك مازن ومراد جوا معاها وبإذن الله خير وتقوم بالسلامه
مالك وهو يستند بظهره علي الحائط خلفه واغمض عينه بألم خوفا علي شريكة حياته فهي منذ دخولها لحياته لم يتخيل في يوم ان يفقدها
مرت ساعات طوليه ومازالت الجراحه مستمره في ذلك الوقت كان عبدالرحمن يقف وهو يمنع دموعه من الهبوط فقد وضع رحمة في غرفه لتعالج زراعها ثم عاد لوالدته وليث ينظر لدانه جيدا ود لو أخذها في احضانه حتي يمحي هذا الحزن عن عينها
استمرت الساعات حتي خرج مراد وهو ينزع كمامتة ويتنهد بتعب ركض له مالك وهو يمسكه من كتفه بلهفه /نور يا مراد نور هي
وضع مراد يده علي كتف عمه وابتسم بفرحه / الحمدلله يا عمي العمليه نجحت وقدرنا اننا نتدارك الوضع
ابتسم مالك بفرحه كبيره ودموعه تهبط بدون وعي عانق مراد بشده وهو يهتف /نور كويسه يا مراد نور كويسه
ركض عبدالرحمن ودانه لمالك وعانقوه بشده ودانه تبكي بفرحه وعبدالرحمن يعانقهم بشده وهم يبكون ويضحكون معا بكي للجميع من هذا المشهد وسمر تمسح دموعها وتنظر لسراج الذي كان زراعه معلق بسبب إصابته به ضربته علي كتفه وهي تقول / عاش يا وحش
صرخ سراج / سمر يا هبله هتموتيني يا حيوانه انتي
ضحكت سمر بشده عليه
بينما عمر نظر لجنه التي تبتسم بفرحه وعناقها وهو يشكر الله علي عوده اخته بخير وكذلك ابنه
أشد وهو يغمز لجميله / احلوت اهي يا جيمي وه….
سمر وهي تنظر لهم / ه.. ايه هاها ه…. ايه قول متتكسفش
أسد وهو ينظر لها بحنق / لا مش هتكسف يا سمر متخافيش
ضحكت سمر بشده
خرج مازن وخلفه الممرضين يجرون سرير نور ركضت ساره لمازن وعانقته بفرحه شديده وهو ابتسم وقبل رأسها بحنان ونظر لمالك الذي ركض لفراش نور وهو يمسك يدها ويقبلها ودموعه تهبط علي يده
مازن وهو يضع يده علي كتفه ويشير للمرضين باخذ الفراش وتحدث /هي هتروح دلوقتي لغرفه العنايه هتفضل تحت 24 ساعه وبعدين هتتنقل غرفة تانيه
ابتسم عبدالرحمن وابتعد عن الجميع وكان علي وشك الخروج ولكن شعر بليث يقف أمامه
نظر له نظره علمها ليث
تنهد ليث ثم تحدث / بلاش يا عبده ارجوك صدقني هتتعب
عبدالرحمن وهو يبتسم بألم / ده وعد اخدته علي نفسي يا ليث لو سمحت خليك جنبهم وانا هخلص المشوار ده وهرجع علي طول سلام
تركه عبدالرحمن ورحل سريعا بينما ليث فرك عينه بتعب ونظر أمامه وجد الجميع ذهب للغرفة التي انتقلت لها نور
ولكن وجد دانه تقف وحدها نظر لها بتعجب وكاد يقترب منها لولا أن وجد رجل يقترب منها وتحدث معها وتدريجيا تغيرت ملامح دانه للاشراق وبسمه كبيره
فتح عينه بصدمه من هذا ولما ابتسمت عندما رأته ضغط علي يده بعصبيه شديده عندما وجدها تضحك معه
ليث بعصبيه / يا نهار ابوكي اسود يا دانه يا بنت مالك
ادخل حسام رأسه من الباب وهو ينظر في أنحاء الغرفه فهو علم من الممرضه الخاصه بها انها الان تنام عاده وهو انتهي من عمله باكرا فقط ليراها وجدها تقف عند النافذه وتنظر للسماء بشرود
ابتسم بحنان واقترب منها ببطئ حتي وقف خلفها وابتسم عليها بشده وهي تضع يدها علي السماء كأنها تحاول أن تمسك النجوم
وجدت يد تمسك بيدها وشخص يضمها من الخلف بكل حنان أدارت رأسها قليلا ثم ابتسمت بينما هو المه قلبه بسبب ملامحها الباهته وعيونها التي غزا السواد اسفلها تحدثت بهمس / حسام انت جاي دلوقتي ليه مش المفروض ترجع من شغلك ترتاح
حسام وهو يقترب منها بحنان ويقبل رأسها / مقدرتش يا سمايا حسيت اني عايز اشوفك اوي بعدين انتي مش نايمه ليه مش ده ميعاد نومك
ابتسمت له ثم نظرت للسماء وهي تستند بظهرها علي صدره / مكنتش عارفه انام فقولت أقف في الهوا شويه
ابتسم وتحدث لها بحب / انا بدأت الشغل الحمدللة والأمور ماشيه كويس وبإذن الله اخلص الشغل في ميعاد خروجك ونرجع مصر مع بعض اتنين تانيين
استدارت له وابتسمت /انت نعمه يا حسام لو فضلت عمري كله اشكر ربنا عليها مش هيكفي ربنا يخليك ليا يارب يا حسام
حسام وهو يبتسم لها / ويديمك يا قلب حسام وترجعي ليا بخير
هبط عبدالرحمن من سيارته واتجه ناحيه بوابه كبيره وجد رجل يجلس عليها
الرجل وهو يدقق النظر / مين
عبدالرحمن ببسمه حنونه / جرا ايه يا عم ابوب هو انت كبرت وخرفت ولا ايه يا عم أيوب
نظر له الرجل بدقه اكثر سرعان ناصاح وهو ينهض ويفتح زراعه / عبدالرحمن باشا يا مرحب يا مرحب
ذهب عبدالرحمن له وعانقه بحب / باشا مين بس يا عم أيوب انا قولتلك بلاش باشا دي
أيوب بحنان / ماشي يا بنتي متأخذنيش بقي النظر بقي ضعيف
عبدالرحمن ببسمه / ربنا يعينك يا عن أيوب
أيوب وهو يبتسم ويفتح البوابه / اتفضل يا بني اتفضل
دخل هب الرحمن من هذه البوابه بينما ان أيوب بقي مكانه فهو يعرف عبدالرحمن دائما يحب البقاء وحدة هنا
اقترب عبدالرحمن من مكان يحتوي علي ثلاث قبور وصل عبدالرحمن وجلس ونظر أمامه وابتسم وتحدث بينما لم تتحمل دموعه فانهارت / حقكم رجع يا شباب
هبطت دموعه اكثر/ هو اي نعم مش اوي
ضحك بخفوت وسط دموعه / عارف ان المنظمه دي كبيره وكبيره جدا بس انا دمرت قاعده فيهم من أهم القواعد وقتلت راس الجيه ماهر حاجه كدة علي قدي
ضحك وهو يمسح دموعه /زمهو اصل انتم مش مصاحبين سوبر مان يعني عشان اخلص عليهم كلهم ههههههههه
كان يضحك وفجأة تحول ضحكه لبكاء علي في المكان /وحشتوني اوي اوي
كانت شهقاته تعلو في المكان اكثر واكثر
عبده /في يوم هجيلكم واكون معاكم
مسح دموعه ونهض / اشوفكم علي خير يا رجاله
ركض ليث حيث دانه وتحدث بصوت عالي وهو ينظر لذلك الطبيب / نعم فيه حاجه
تحدث الطبيب بتعجب / عفوا مين حضرتك وعايز ايه
ليث وهو يتحدث بغضب شديد / حضرتي ابقي جوز الهانم اللي نازل معاها كركر ومرمر
نظرت له دانه وهي تتجاهله / طيب يا سونه اشوفك بعدين لازم نقعد مع بعض
تكلم الطبيب ببسمه محبه / اكيد يا دندون هشوفك
رحلت دانه وهي لم تعي ماذا فعلت بهذا الطبيب المسكين منذ ثواني رحلت ولم تري ملامح ليث التي تحولت كليا
نظر حسن برعب لملامحه / طب عن اذنك عشان….
ليث وهو يقبض علي كتفه وتحدث بنبره مرعبه /علي فين يا سونه بس ده احنا لسه متعرفناش يا راجل تعالي بس عشان نتعرف كويس
حسن وهو يرتجف حرفيا من ملامح ليث وقبضته الشديدة علي كتفه / بعتذر بس انا مشغول شويه
ليث وهو يتحدث باسف / تؤتؤتؤ كده يا سونه يعني انت مش بتفضي غير للبنات ولا ايه بعدين ياراجل بقولك هنتعرف تعالي بس تعالي
ثم اخذ يجره خلفه وملامحه مظلمه بشده
دخل مالك غرفه نور وهذا طبعا بعد شجار كبير مع الأطباء ولكن ادخل مازن واخبرهم انه لا فائدة من منعه فسوف يدخل سواء وافقوا ام لا
دخل وجلس بجانب فراشها مد يده وامسك يدها بكل حنان وقبلها ثم وضع رأسه بجانب رأسها واخيرا اخذ أنفاسه تحدث بصوت خرج بصعوبه بسبب غصه في حلقه / كنت عارف يا نوري إنك هتخرجي لينا تاني كنت واثق انك مش هتقدري تسبينا
هبطت دموعه قليلا / اصل اكيد انتي عارفه كويس اوي اننا من غيرك نموت يا نوري صح.
رفع رأسه ونظر لملامحها الشاحبه مد يده ومسد بها علي خده /قالولي انك اغمي عليكي وانا في المهمه ليه كدة يا نوري مش قولتلك ان كل حاجه هترجع زي الاول واحسن ليه بقي تعملي ده كلي وتزعلي كده وتوصل بيكي الحاله للتعب ده قومي انتي بس وانا هوريكي ازاي تهملي نفسك
ضحك بخفوت علي انكماش ملامحها كأنها تسمعه اقترب منها ببطئ وقبل رأسها وتحدث بحنان / مش هتأخر عليكي يا قلبي كل شويه هدخلك بس لازم اخرج دلوقتي لان فيه حجات لازم اعملها مش هتأخر يا قلبي ماشي
ثم قبلها من رأسها ثانيا وخرج من الغرفه بكل هدوء رأي سراج يستند علي الحائط وهو ينتظره ابتسم مالك علي رفيقه / سراج جمع العيله كلها بما فيهم بلاك عايزهم قدامي في خلال ساعتين
كان حسام كالعاده يعود من عمله كل يوم ويذهب لسما لم يتركها ولو للحظه واحده
ذهب حسام لغرفه الدكتور نويل طرق الباب ودخل بعد أن سمع صوته
ابتسم حسام /مرحبا دكتور نويل
نويل ببسمه مرحبه / مرحبا بك
جلس حسام وتحدث مباشره / لقد طلبت مني الحضور
ابتسم الدكتور نويل / نعم طلبت ذلك لان هناك امر يجب معرفته
نظر له حسام في تعجب
دكتور نويل ببسمه /تقريبا زوجتك تم شفاءها
فتح حسام عينه بفرحه / حقا
هز دكتور نويل رأسه / نعم خلال علاجي لها لاحظت مدي تصميمها علي خوض هذه المعركه ضد مخاوفها وأكثر شئ شجعها علي ذلك هو وجودك بجانبها
حسام بتعجب / انا
دكتور نويل وهو يعدل من نظارته الطبيه / نعم انت أثناء علاجي كانت دائما تردد انها فقط تريد تخطي هذا من أجلك انت فقط
ابتسم حسام بسمة سعيدة وكادت دموعه تسقط حبيبته تحارب لأجله هو
دكتور نويل / لهذا انا طلبت منك الحضور زوجتك تخطت ما حدث لها قديما واستطاعت مواجهته فقط من أجلك ولكن……
نظر له حسام بانتباه
منويل / ولكن إذا حدث وتركتها او اذا شعرت انك لا تحبها او ائ شئ اخر يؤدي الي بعدكم فهذا سوف يسبب لها انتكاسة كبيرة لن تتخطاها بسهوله
تحدث حسام بصدمه / لا أفهم لما هذا
منويل / ببساطه لأنها تقوم بهدم حياتها القديمه كليا وتبني حياه جديده واساس هذه الحياه هو انت واذا رحلت انت سوف تتهدم حياتها
نظر له حسام بحزن وتحدث / لن اتركها ابدا طالما حييت ولكن انت تعرف الموت ليس بيدنا واذا……..
دكتور منويل ببسمه /أطال الله عمرك يا رجل وقتها نري ما نفعله الان لاتفكر سوي بزوجتك وحياتكم معا انا هكذا تقريبا انتهيت من مهمتي بقي فقط أن نسحب كل السموم من جسدها ووقتها سوف تذهب معك
وقف حسام ومد يده وتحدث بسعاده / شكرا لك دكتور نويل لن انسي لك هذا ابدا
نويل / هذا واجبي
رجل حسام وهو يفكر في حياته معها بعد الخروج يجب أن ينهي عمله بسرعه حتي تنتهي هي ويعودوا للجميع
كان مالك يجلس وينظر للعائله بدقه تنهد ثم تحدث / الحمدلله زي ما انتم شايفين كل حاجه رجعت لطبيعتها
كان أثناء تحدثه ينظر كلا من ادم وزينه وغيث لليث غير مصدقين لما عرفوه منذ لحظات ليث يري كانت هذه صدمه العمر
مالك وهو يتحدث وينظر للجميع / اول ما نور تقوم وتبقي كويسه وحسام يرجع هنعمل فرح حسام وسما وخالد وناري ومراد وروجي
ثم ابتسم بخبث / وهيبقي كتب كتاب غيث ونرمين
نظرت نرمين للجميع يخجل شديد بينما غيث ابتسم بشده / طب احيات عيالك لتحليه فرح
ضحك الجميع عليه بينما مالك ابتسم وقال / خلاص هنخليه خطوبه طالما طماع
غيث وهو يقول بسرعه / لا خلاص والله خليه كتب كتاب احسن من مفيش
ضحك الجميع بينما مازال ادم ينظر لغيث نظرات لم يفهمها احد
تنهد مالك ونظر لدانه وتحدث بهدوء / وانتي يا دانه عايز منك قرار نهائي مفيش منه رجوع عشان نخلص موضوعك مع ليث
لم يتفاجأ ادم فقد اخبره ليث سابقا بحبه لدانه وايضا مالك اخبره كل شئ عن علاقتهم ولكن ما لم يخبره احد به هو أن ليث يري
كانت زينه تترجم كل ما يحدث حولها لادم الذي كانت ملامحه فقط جامده
مالك وهو ينظر لدانه /ها يا دانه مستني جوابك الاخير عشان بعدها متقوليش حد جبرني
نظرت له دانه بحزن وتذكرت حديثهم في المشفي
Flash back
بعد أن خرج مالك من عند نور وجد دانه تتجه للغرفة بحنق نظر لها مالك وتنهد بتعب ثم مسك يدها / استني يا دانه عايزك
نظرت دانه له بحزن بينما هو سحبها لاحد المقاعد وجلس عليه تنهد باختناق ثم تحدث / هو بيحبك من عشر سنين يا دانه
نظرت له دانه بتعجب وصدمه ايضا
مالك وهو يهز رأسه / من وقت ما كنتي 12 سنه وهو بيحبك مش بس كده ده كان تقريبا مجنون بيكي في كل مكان كان بيبقي وراكي وطلبك مني بس انتي كنتي صغيره عطيته كلمتي انه لو انتي حبتيه مش هرفض جوازكم غير كده مقدرش اوعده لحد ما كبرتي وقرب منك اكتر وجه وطلب مني يتجوزك عشان المهمه اللي كنا فيها انا وافقت
عشان حاجه واحده بس مش عشان حمايتك والكلام ده لا انا اقدر كويس احميكي بل عشان انا شوفت حبه في عينك يا دانه لولا كده مكنتش عمري هوافق
دانه وهي تنظر له بدموع وتتحدث بضعف / بس انتم كده كنتم بتجبروني وبتحطوني قدام الأمر الواقع
نظر لها مالك بحزن / احنا جبرناكي يا دانه بعد كل اللي قولته ده
تنهد باختناق ثم تحدث / عموما هستني رأيك انهارده يا دانه
Back
نظرت دانه بحزن للجميع ثم تحدثت / لا مش…….
دخل حسام علي سما وجدها تحتضن احدي العرائس التي احضرها لها
وجد الممرضه تقف خلفه وتتحدث ببسمه / لقد أوشكت علي تخطي هذه المحنه
نظر لها حسام ببسمه امل بينما هي اكملت / انها حقا مقاتله رغم كل ما تواجهه الا انها دائما تتحدي رغبتها دائما
انهت حديثها وخرجت وتركته يقف ويتأملها صغيرته الجميله البريئه
شعرت هي بأحد معها في الغرفه نظرت وجدته هو ابتسمت له بينما هو تقدم منها ومسد علي شعرها بحنان / حبيبي عامل ايه انهارده
ابتسمت له بشده وتحدثت بحماس / الحمدلله بخير تعرف اني متعبتش انهارده كتير هو تعبت اه بس شويه صغننين
ابتسم لها حسام وشدها لعناقه /قلبي خلاص هانت وقريب اوي هتكوني معايا علي طول ومش هسيبك ابدا يا حياتي انتي
ضحكت هي بخفوت بينما هو ضمها بشده له
دانه بحزن / لا مش مو…..
نهض ليث بعنف واقترب منها بشده ومال علي مقعدها / اياكي يا دانه اياكي ثم اياكي تفكري انك هتسبيني انتي فاهمه مفيش حد هيعرف يبعدك عني
نظر له مالك ووضع قدم علي قدم وابتسم بسخريه
بينما ليث تجاهل هذا وهمس في اذنها / حتي لو اضطريت اني اخطفك يا دانه فاهمه
ثم ابتعد مره اخري ونظر لمالك وعبدالرحمن الذين ينظرون له باستمتاع وتحدث / اسف يا شيطان بس دانه مكتوبه ليا من يوم ولادتها ومحدش هيقدر يغير دة ابدا
عبدالرحمن /والنبي ايه
ليث بشراسه / ايوه يا عبدالرحمن دانه ليا لو مين وقف قصادي هي ليا انا وبس فاهم
كاد ان يذهب ولكن توقف ونظر لدانه ثانيا واقترب منها بشده وهي مازالت تنظر له بصدمه علي حديثه هذا
تحدث بهمس اذابها / والله يا دانه لو شوفتك واقفه مع الدكتور ده ولا غيره هتزعلي مني واوي كمان
ثم ابتعد ونظر لادم / اريد التحدث معك يا آدم قليلا
هز ادم رأسه بهدوء أقرب للبرود / حسنا
تحدث ليث وهو مازال ينظر لدانه / في انتظارك
ثم رحل بسرعه كبيره خرج وقف أمام سيارته واغمض عينه وهو يتذكر انها كانت علي وشك رفضه ضرب سيارته بعنف وشد شعره وهو يصرخ / ماشي يا دانه ماشي
نظر مالك للجميع وتحدث وهو ينهض / اظن كده كل حاجه بقت واضحه للكل بإذن الله حسام يرجع بالسلامه ونور تبقي كويسه هنعمل الفرح
ثم نظر لدانه وتحدث وهو يكتم ضحكته / وياريت وقتها يا دانه تكوني حليتي مشاكلك مع جوزك
ثم تركهم ورحل بينما نظر عبدالرحمن لدانه التي تنظر بغيظ للجميع وهي تكاد تنفجر
ضحك بشده علي شكلها ثم تركها وذهب لمعذبته فهو لم يراها منذ عادوا من هذه المهمه
اخذت دانه حقيبتها وخرجت من المنزل وهي تتمتم بحنق وتذمر
خرجت صعدت لسيارتها وانطلقت بها وهي لا تعرف أين تذهب
نظر ليث لادم وهو يحاول تجميع كلامه
تحدث بخفوت / ادم انا
قاطع كلامه اندفاع ادم له وصفعه بشدة
نظر له ليث ولم يرد عليه فهو الحق كل الحق معه
ثواني وشعر بادم يندفع له ويعانقه بشده وهو يبكي / اه يا ليث انت تري انت تري يا اخي
ابتعد عنه وهو يمسك رأسه / اه يا عزيزي انت تري انا لا أصدق
بكي وبكي وهو يحدثه / لما ياليث لما اخفيت هذا عني
عانقه ليث بشده وهو يمنع نفسه من البكاء / لم اردان اقحمك في عملي يا آدم اردتك بعيدا عن أي شئ من شأنه ان يضرك يا اخي
ادم وهو يعانقه بشدة / اه يا اخي انا سعيد جدا انت تري وايضا
ابتعد عنه وابتسم / ستتزوج ومن من دانه صدقني لم أكن لاتمني لك خيرا منها يا اخي
ليث ببسمه عاشقه / لم أكن لاجد خيرا منها يا ادم هي واحده فقط دانه واحده فقط
كانت دانه تسير وهي تفكر في حكايتها مع ليث تنهدت بضيق هو يحاول اجبارها ولكن لن تكون دانه ان لم تجعله يندم علي خدعها
بعد مرور اسبوعان علي هذه الأحداث كانت نور بدأت في استعادة صحتها وايضا سما أصبحت بخير حال وحان موعد عودتهم لارض الوطن
حسام وهو ينادي علي سما / يلا يا سما عشان منتأخرش
سما وهي تضع الملابس في الحقيبه وتغلقها / ودي كانت آخر حاجه لينا هنا
نظر لها وغمز / جاهز يا قمر
ضحكت بخفوت / جاهز ياقلب القمر حسام وهو يقترب / بقول ايه مستني لطياره بليل عشان الجو يبقي تراوه
ضحكت سما بشده ودفعته أمامها / طب يلا اجهز عشان الكل وحشني جدا جدا
حسام وهو يدخل للحمام ويحمل ملابسه / طب متزوقيش بس
ضحكت عليه سما بشده واغمضت عينها وحمدت ربها بشده علي هذه النعمة
في مصر
كانت تسير بغضب وهو يسير خلفها ويصرخ بتذمر / علي فكره المفروض انا اللي ازعل مش انتي
استدارت ناري بحده وتحدثت بحنق / لا والله هو انا اللي كنت ماشيه وراك كل ما تمسك اي لبس اقولك لا مش حلو
خالد بعيون تطلق شرار / انتي مسميه اللي كنتي بتختاريه دة لبس انتي بتهزري ولا ايه
ناري بعصبيه / علي فكره عادي دي هتبقي حفله نسائيه مش فيه رجاله
اقترب منها سريعا وامسك يدها وتحدث بغضب / صوتك ميعلاش احنا في الشارع بعدين مراتي محدش يشوف منها حاجه حتي لو ستات زيها فاهمه
ثم تركها ورحل بينما هي وقفت تنظر لاثره بدموع نظرت للارض بحزن وهي تبكي شعرت بأحد يجذب رأسها ويضمه اليه / خلاص بقي مكنش قصدي اتعصب بس والله يا ناري بغير عليكي اعمل ايه والفساتين اللي انتي عايزه تلبسيها دي لوحدها مصيبه اقولك نرجع نختار الفستان الروز اللي شوفتيه في الأول وعجبك
تكلمت بتذمر وهي تضم خصره لها / مانت قولت انه مش حلو
خالد وهو يتنهد بضيق / علي الاقل ارحم من قمصان النوم اللي اخترتيهم بعدين يلا وابعدي كده شويه عشان هنتقفش في فعل فاضح في الطريق العام
ابتعدت ناري وهي تضحك وسارت معه للمول مجددا
طرق الباب فاذن الطارق بالدخول
دخلت هي ببسمتها المعهوده / ممكن ادخل يا دكتور
نظر مراد لها ببسمته الفتاكه وغمز لها / ده المكتب ينور ياقلب الدكتور
ضحكت روجى بشده عليه ودخلت وجلست علي المكتب أمامه وتحدثت بدلع / حبيبي والله يا ميرو
مراد / بغض النظر عن ميرو بس انتي عايزه ايه بقي
نظرت له بتذمر / الله هو انا حرام اتدلع علي زوجي قره عيني
مراد بضحك وهو يجذبها له أكثر / لا طالما فيها زوجي قره عيني يبقي الموضوع خطير احكي
ضحكت هي بخفوت / طبعا انهاردة حفل توديع العزوبيه بتاعكم صح
ابتسم بخبث فقد علم ماذا تريد/ صح
روجى وهي تجذبه لها / وطبعا ميرو حبيبي مش هيعمل حاجه غلط صح
مراد باستمتاع / زي!! ؟؟؟
تحدثت هي تذمر / زي انكم تجيبوا نسوان
ضحك مراد باستمتاع /والله مضمنش انتي عارفه بكره الفرح بقي واخر يوم لينا كعزاب فلازم اااا…..
قاكعته وهي تجذبه من لياقه قميصه وتقرب وجهها له / اوعي يا مراد أنا بحذرك اهو ملكش دعوه بخالد ده هيضيعكم دة
ضحك مراد بشده وتحدث بخبث / عيب عليكي يا عمري
نظر مالك لنور التي تقف علي باب مكتبه وتفرك يدها بتفكير
تحدث وهو يضحك / تعالي يا نور مالك عايزة ايه
تقدمت نور وهي تنظر له وتبتلع ريقها / هو هو انهارده الحفله اللي هتعملوها ا…..
مالك وهو يري ترددها / مالها يعني
نور / حفل توديع عزوبيه
هز مالك رأسه / اه دي فكره خالد والشباب كلهم وافقوا فقولت ليه لا خليهم يفرحوا
نور وهي تقترب منه وتجلس علي قدمه وتتصنع الدلال / طبعا مالوكي حبيب قلبي ملوش دعوه بطيش الشباب ده يعني اي حاجه غلط يعملوها ملكش دعوه
ضحك مالك بشده وهو يضمها له / ايه يانور هو انا ابنك وده اول يوم مدرسه ليا
نور وهي تتدلل عليه أكثر / اكتر من ابني يا مالوكي اوعي يا مالك تجيبوا ستات عشان غلط ماشي
مالك وهو يضمها اكثر بمشاغبه / تدفعي كام
نور وهي تلوي فمها بتذمر / ايه يا مالك انت هتاخد مني فلوس ولا ايه
مالك وهو يجذبها له / لا مش فلوس انا عايز اااااا……
قاطعه إعصار يدخل للغرفة
دانه بصراخ / يا نووووور
نهضت نور من قدم مالك وهي تصرخ بفزع / اييييه في اييييه
نور وهي تنظر بتعجب لمالك الذي ينظر لها بغضب ونور التي تصرح بها
تحدثت بتعجب / في ايه يا جماعه
انقلبت لهجتها لخبث / هو انا قاطعت حاجه لاقدر الله
مالك بغضب / عايزه ايه يا زفته اخلصي
دانه وهي تتضحك / يبقي قاطعت عموما عايزه كيكه فراوله انهاردة
نظر لها مالك بغباء وهو يحاول ان يتمالك نفسه
نور وهي تربت علي كتفه / معلش بنتك برضو استحملها
مالك بكل غيظ /بس مش للدرجه دي يا نور دي غبيه اوي
دانه / تسلم يا ذوق عموما الست نور عملت كيكه الموز لعبده وكيكة البرتقال لرحمه وبنت البطه السوده دانه مش عملت ليها حاجه ولا ايه يا نور
مالك بعصبيه / بررررره
دانه بخوف / ايه ياباشا بس اهدي كده
مالك / انا مش عارف ليث متمسك بيكي ليه مع انه لو فكر كويس هيلاقي انه كسب لما بعدتي عنه
دانه وهي تمسك خصرها / نعممممم وهو هيلاقي احسن مني فين بس
مالك وهو يخرج سلاحه من الدرج ويقوم بتعميره وينظر لها بشر
دانه وهي تنظر للمسدس / احم طب يا نونو يا حبيبه قلبي اقفلي بقي علي الكيكه عشان عامله دايت سلام عليكم
ركضت دانه مثل المجنونه من الغرفه
بينما نور اخذت تضحك بشده عليها نظر لها مالك ببسمه وغمز لها / كنا بنقول اية
سمر وهي تنظر بمكر لسراج وتبتسم بشر بينما هو يقوم بترتيب ثيابه
نظر لها في المرآه بتعجب / فيه حاجه يا سمر
سمر وهي تبتسم بخبث / لا ياقلب سمر مفيش حاجه بس هو انا يعني رايح حفله الأخ الفاضل الكريم خالد
كتم سراج ضحكته / ايوه رايح
سمر وهي تقترب وتجذبه له وتضع يدها علي ظهر من الخلف
بينما هو نظر لها بصدمه / في ايه يا سمر انتي انحرفتي ولا ايه
سمر وهي تنظر له بدلال مصطنع / اوووه يا سروجي هو انا لو دلعت زوجي قره عيني يبقي انحرفت يا عمري
ثم اخذت تحرك رموشها بسرعه كبيره
بينما هو ابتعد بخوف / هروح استقبل حسام وسما سلام
خرج بينما هي ابتسمت بشر / انا طربقت الحفله علي دماغكم مبقاش سمر يا سراج وخالد ده حسابه معايا بعدين عشان أفكاره الزفت دي
أمسكت هاتفها وتحدث بشر / سرسور. حبيبي اجهزي
نظرت ساره لمازن الذي يتجهز جيدا ويبتسم لها ويلقي لها قبله
تحدثت سارة / اية يا سمر بس ما هو مازن قمر اهو
ثم ألقت لمازن قبله
سمر بسخريه / اومال مش لازم يكون قمر عشان المزز بتوع انهارده
نهضت ساره بعنف وهي تصرخ / نعم يا عمرررررررر
نظر لها مازن بتعجب
سمر بصراخ / وطي صوتك يخربيتك بقولك ايه التجمع عند نور عشان نتصرف
نظرت ساره لمازن بعدما أغلقت الهاتف بشك
بينما هو ينظر بتعجب / في ايه يا ساره بتصرخي ليه
ساره وهي تتمسك بهدوئها / ولا حاجه ياباشا
ثم اخذت تربت علي كتفه وتتحدث ببلطجه /بس خلي بالك من أفعالك عشان هتاخد لفه ورجعالك اشطا
ثم تركته ورحلت بمشيه تتصنع فيها البلطجه
بينما مازن ينظر بغباء لما يحدث
/ لازم اخلي سراج يعزل سمر عن الباقي دي بدأت تخرط عليهم وكمان البت دانه برضو تنعزل عنهم
أسد وهو يحدث خالد ويربت علي كتفه بفخر / الله عليك يافخر الصايعين هي دي الحفلات ولا بلاش
جميله وهي تهجم عليهم / والله لوريك يا خالد بقي دي حفله يا جذمه سمر كلمتني وكانت هتقتلني
أسد بتعجب / يعني هي دي حاجه جديده يعني انها عايزه تقتلك
صمتت جميله قليلا / صدق لا بس برضو انا تقولي ابنك الصايع عايز يفسد الرجاله
خالد بسخريه / ده علي اساس انهم قطط مغمضين
جميله وهي تجلس بتعب / انا زهقت منكم كلكم
بعدين يا زفت انت مروحتش تستقبل اختك وجوزها ليه
خالد وهو ينهض بفزع / نسيت سما
ثم ركض خارجا
بينما نظر أسد لجميله وغمز بمشاكسه / ايه
جميله بجهل / ايه
أسد وهو يقترب / ايه بقي يا جيمي بقالك فتره تقلان علينا ياكبير ما تحن يا جن
نظرت له جميله وهي تكبت ضحكاتها / بقيت بلدي يا أسد
أسد وهو يقترب منها اكثر ويضحك / وهو فيه احلي من البلدي يا قلب أسد
عمر وهو ينادي بصوت مرتفع / نرمين يا نيرو
خرجت جنه من المطبخ وهي تهتف / بتكلم غيث في الفون يا عمر عايز حاجه
عمر وهو يمسك قميصه / عايز حد يكوي القميص ده يا جنه
جنه وهي تأخذه ببسمه حب / هات ياقلب جنه انا هكويه بس انت عايزه ليه
عمر وهو يبتسم ويمسك الكوب ليشرب / عشان الحفله بت…..
قاطعه صراخ جنه وهي تلقي القميص بعنف / حفله حفله ايه يا عنيا
عمر بتعجب / في ايه يا جنة الحفله بتاعت بليل
جنه وهي تقترب منه بطريقه مرعبه / قصدك حفله خالد
هز رأسه برعب / اه هو هو….
جنه /عايز تجيب نسوان ياك حش مفاصلك
عمر / هو انتي قعدتي مع نور ولا ايه حتي نور مبقتش تتكلم صعيدي
جنة وهي تنظر له ببسمه مرعبه / ماشي يا عمر قلبي روح الحفله ياباشا وهيص وارقص كمان
ثم حملت القميص ورحلت
عمر بنبره حازم في فيلم الباشا تلميذ / مش متفائل
نرمين من الغرفه / كده يا غيوثي مش هتروح الحفله صح
غيث بضحكه مكتومه / لا ياقلب غيوثك
ابتسمت بفرحه سرعان ما تغيرت عندما سمعت / هروح طبعا
نرمين بغضب / كده يا غيث ماشي خليهم ينفعوك
ثم اغلقت الهاتف ونظرت بشر / والله لزم علي دماغ عمتي سمر مفيش غيرها هي اللي هتقدر ليكم
ابتسم عبدالرحمن وهو يري رحمة تحاول كتم غضبها / والحفلة دي بقي فيها نسوان
عبدالرحمن وهو يدعي البراءه / حشا لله يا شيخه هو انا وش ذلك
رحمه وهي تقترب منه وتهمس له بدلال مصطنع / عارف يا قلب رحمه لو عرفت صدفه ان فيه بنت هيحصل ايه
عبدالرحمن ببسمه مستمتعه / لا ياعمري
رحمه وهي تنظر له بشر وتتحدث مثله /مش هقولك هعمل ايه هترك لخيالك العنان كده تتخيل بنفسك يا عمري
عبدالرحمن بغمزه / يا جامد انت
رحمه وهي تبتعد / طول عمري يابابا
عبدالرحمن وهو يهمس / طب ياباشا استمر بقي علي كده لحد بكره اشطا
رحمة وهي تبعد بخجل / ايه في ايه بقولك ايه علي فكره انا محترمه ومتربيه
عبدالرحمن بضحكه / يخربيتك هو انا شاقطك من جامعة الدول
ضربته رحمة في كتفه وهي تداري وجهها بخجل
بينما هو مازال يضحك عليها
ليث وهو يحدث ادم / حسنا يا آدم اهدء زينه لها حق في الغضب منك بسبب هذه الحفله
……..
اعلم انها حفله عادية ولكنها فقط تغار عليك يا اخي
ضحك ليث / لا انا ايضا قادم فهناك فتاه تحتاج لتقويم
……….
هههههههه لا تقلق اكيد لن اؤذي نفسي يا آدم دانه هي نفسي يا اخي
………
حسنا أراك لاحقا
أغلق معه الهاتف وتذكر ما حدث منذ اسبوع فهو لم يراها منذ ما حدث بينهم
Flas back
كان ليث يجلس مع دانه في المطعم منتظرين الوفد القادم من امريكا
جز ليث علي أسنانه وهو ينظر لها بغضب ويهمس من أسفل اسنانه / والله يا دانه اوريكي علي لبسك ده
نظرت دانه له ببرود وهي تبتسم لتستفزه / ماله بس ماهو عسل اهو
ليث بغضب ناري / وماله يا عسل انا هوريكي
ثواني وكان رجال الوفد يجلسون معهم وبدأت المناقشات بينما احد الرجال لا يرفع عينه من علي دانه وهي تزفر بضيق
لاحظ ليث ضيفها هذا نظر لها بتعجب وجدها تنظر لاحد الرجال الذين ينظرون لها بطريقه قذره هنا يمكن القول ان بلاك خرج اخيرا للعلن نهض بلاك بعنف واقترب من الرجل بسرعه كبيره ثم اخذ يضربه بشده والجميع يجذبه ولكن لا يستطيعون وهو فقط يضربه بغضب اعمي ولا يستطيع السيطره علي نفسه
اقتربت دانه برعب منه / خلاص يا ليث هيموت في ايدك
اما هو فلم يستمع له بل اكمل ضربه حتي فقد وعيه او مات نهض عنه وهو يعدل ثيابه وتحدث بكل برود كأنه لم يقتل شخص للتو / اسف للجميع الصفقه ملغيه
ثم سحب يد دانه وخرج وهي خلفه تكاد تسقط بسبب سرعته وضعها في سيارته بعنف شديد ثم صعد وأغلق الزجاج فحجب الرؤيه نظر لها بشر بينما هي صرخت ونهضت وانتقلت للمقعد الخلفي / ياماماااااااا
نظر لها بعدما استدار بجسده وتحدث بفحيح / بتعندي معايا يا دانه بتعندي معايا في البس يا دااااانه هاااااا انطقييييييييي
نظرت له دانه برعب / لا لا هو بس كان اه اه نور كانت بتغسل بقي عقبال عندك يعني وكان لبسي كله مغسول ملقتش بقي غير الدريس ده
ليث بتشنج / د.. ايه ياختي دريس قصدك قميص نوم يا حلوه
اقسم بالله يا دانه المحك في مره تلبسي ضيق ولا قصير هقتلك بعدين هو مالك سابك ازاي تخرجي كده
تمتم بخفوت/ مكانش في البيت اساسا
تحدثت بصوت عالي وهي تكتف يدها / ملكش فيه واتفضل روحني
ليث بسخريه / سواق الهانم انا ها
ضحكت بصخب / صدق لايق عليك
صرخ بها ليث / بس اخرسي مش عايز اسمع صوتك عشان هقتلك فاهمه يا دانه بس عموما هانت يابنت مالك وهتبقي معايا
نظرت له بتعجب شديد ماذا يقصد هذا ولكنه لم ينظر لها مجددا بل انطلق في طريقه لمنزلها ومنذ ذلك اليوم لم يراها
Back
ليث / هانت يا دانه هانت
وبدأت الحفله في المساء
كان منزل اسد يجلس به جميع الرجال ويضحكون ويتحدثون كثيرا
كان مالك ينظر لهم بسعاده شديده فاخيرا عائلته متجمعة معا والضحكة مرسومه علي وجوههم
سمع ليث رنين هاتفه كاد يجيب عليه ولكن توقف قليلا ونظر لسراج نظره غامضه
سراج وهو يضحك انتبه لنظره بلاك
سراج بسخريه / ايه يا بلاكي هو انا قمر للدرجه دي
غمز له ليث بمشاكسه / واكتر ياقلبي
ثم اخذ يقترب منه وسراج يبتعد للخلف بجهل / في ايه ياض ما تثبت كده هي دانه ضربت عقلك ولا ايه
بينما ليث لم يتوقف واخذ يقترب اكثر واكثر منه وقع سراج وأصبح مسطح علي الارض وفوقه ليث والجميع يشاهد بتعجب
عبدالرحمن / اه يا اختي يا مسكينه طلع نصيبك واحد……
نظر له ليث وغمز بعينه
بينما عبدالرحمن تحدث بدلع / اه يا سافل
ضحك ليث بصخب واقترب من سراج اكثر ومد يده خلف ظهره
بينما سراج انتفض / يخربيتك بتعمل ايه
ثواني وكان ليث ينزع جهاز تصنت من ثياب سراج
نظر له الجميع بتعجب
بينما سراج عاد بذاكرته في الصباح عندما عانقته سمر همس / اه يابنت ال…….
بينما مالك انفجر ضاحكا / يخربيتها بجد يل اخي ايه ده
ضغط ليث علي زر تعطيل الجهاز وضحك بشده / والله زوجتك دي خساره للمخابرات
ضحك للجميع بصخب
بينما أسد غمز لعمر وعمر تحدث في اذن حسام بشئ
ابتسم حسام بشر وخبث ونزع الجهاز من يد ليث واخذ يقوم بعد اشياء به
نظر لهم وقال بضحكه / مش عمتو عملت كده عشان تتأكد ان مفيش بنات احنا نريحها بقي ههههههه
ليث بتعجب / قصدك…….
ضحك عمر بشده / ايون
ليث بضحكه / let’s do it
بينما عند النساء كانوا متجمعين وهو يتنصتون علي الرجال سمر وهي تضع يدها علي فمها برعب /دانه جوزك طلع منهم ده بيعاكس سراج استغفر الله
نظرت لهم دانه بصدمه ثواني وسمعوا صوت عبده
رحمه بفزع / وعبده كمان
نور وهي ترفع يدها / الحمدلله يارب ابعد مالك عن العيال الفاسدة دي
ثواني وشعروا بالصوت ينقطع
نظروا بتعجب
سمر / يمكن مفيش اشاره ولا حاجة
اخذت تضرب علي الجهاز ثواني وعاد الصوت ولكن كان هناك صوت اخر فتح الجميع اعينه بصدمه
دانه / د دد ددد ده صوت بنات
سمر بصراخ / ياويلك يا سراج مني يا ويلك
نور وهي تكاد تبكي / اكيد مالك مش معاهم
سمعت صوت مالك وهو يتحدث / هاتها يا ليث ليا انا هظبطها
وهنا انطلقت ضحكه نسائيه عاليه
دارت رأس نور وكادت تسقط ولكن امسكتها ساره وهي تقول / اثبتي ياختي دول لسه في أول الليله
دانه وهي تشتم ليث / اه ياليث الكلب وعامل نفسك بارد ومفيش حاجه تهمك
سمر بصراخ / اخرسوا خلينا نسمع
مراد بضحكه شديده / لا بس قمر اوي يعني
فتاه / ده انت اللي قمر وجان يخربيت كده
روجي / احيه يابو سوسو احيه احيه
عمر / والنبي انت اللي عسل مش زي الغفر اللي معانا
جنه وهي تنظر لهم وتشير علي نفسها / انا غفر
أسد / العب ياباشا
فتاه اخري / هيهيهيهيهيي
جميله / اه ياقلبي سأموت
امسكتها سمر / استني يا اخت هيام انتي اما نسمع
مازن / ايه ام التفاهة دي
ساره وهي تصفق / الله عليك يابني الله عليك ده زوجي ده قره عيني حبيب قلبي
مازن / خلينا ندخل في الجد علي طول بلاش ضحك وهبل هاتلي دي ياض يا ليث
ساره / ولا اعرفه يا جماعه اساسا احنا هنطلق وفي مشاكل في المحاكم عادي
دانه وهي تلوي فمها / هو ليه كل اللي عايز بنت يقول لليث
سمر بضحكه / هو المشرف يا اوختشي وهيهيهيهيهي
سراج /ياااه يا اخي ده غير اللي بنشوفه خالص
سمر بشر / ده لو لو شوفت بعد كدة يا سراج
خالد بضحكه / هو ليلتنا فل ولا ايه
نظر الجميع لناري التي تجلس بهدوء
نظرت هي بتعجب/ بتبصوا ليه يعني هو عمل حاجه غريبه عليه ماهي عادي يعني
هزت سمر رأسها باقتناع
سما بفخر / وحتي الان سيداتي سادتي مسمعتش صوت……
حسام بضحكه / لا بس ياض يا ليث ايه الصواريخ دي
سما وهي تكمل بحزن وفم ملتوي / حسام
سمر وهي تنظر لهم / قومي يابت منك ليها عشان فيه مجزره النهارده الله يرحمك يا رجوله
نهضت الفتيات
وركضن للسيارات وذهبن لبيت أسد
بينما الشباب يكادون ينفجرون من الضحك
نظر ليث لخالد الذي يمسك اللاب توب ويقوم بتشغيل أصوات نساء ضحك بشده
مالك وهو ينظر باستمتاع / انا لو وافقت علي المهزله دي فعشان حاجه واحده وهي ان نور وحشتني وعايز اشوفها وزمانها جايه معاهم
ضحك الجميع وماهي الا دقائق وكانت للفتيات يهجمن علي المنزل حيث أن جميله كانت تملك المفتاح ركضت الفتيات في كل اتجاه وهن يبحثون عن النساء التي معهم
والرجال تنظر باستمتاع
رحمه لعبده / كده يا خاين الفرح بكره وانت هايص وهيهيهي
ضحك عبدالرحمن بشده عليها
بينما سمر تصرخ / وديتهم فين يا سراج ها انطق هما فين
سراج ببراءه / هما مين يا عمري
سمر بشر / البنات يا ابو البنات
سراج بضحك / بنات مين بس هو انا وش ذلك
سمر بسخريه / ده انت ذلك الوش اخلص هما فين
مالك بكل برود وهو يأخذ نور / طب مع نفسكم بقي يا شباب
اخذ نور وخرج للحديقة
ابتعدت عنه نور بتذمر بينما هو ابتسم واقترب منها وضمها بشدة / حبيبي زعلان ليه
نور وهي تنظر بحزن /جايبين نسوان يا مالك
مالك بضحكه / نسوان مين ياقلب مالك هو مالك عمره بص لست غير نوره
هزت هي رأسها برفض / بس انا سمعت
قاطعها ببسمه / ده كان مونتاج عمله حسام كان اي جمله يكتبه في برنامج تخرج بالصوت اللي انتي عايزاه فعملناه صوت بنت عشان ليث اكتشف جهاز التصنت
نظرت له نور بصدمه وحرج / هو انا مش كنت مصدقه علي فكره بس بس
ضمها مالك وهو يضحك / خلاص ياقلبي اهم جابوكي هنا خليهم بقي يولعوا مع بعض
ثم غمز لها بمشاكسه بينما هي دفنت وجهها به وهي تبتسم بشده
في الداخل اكتشفت سمر خدعتهم نظرت لهم بشر / يعني كنتم بتضحكوا علينا ولا ايه
سراج /يا سلام هو احنا اللي حطينا ليكم جهاز تصنت ولا ايه
سمر بتراجع / اصل اصل هو هو اه عايزين تجيبوا بنات صح
سراج وهو ينظر لها بملل / يارب الصبر
ثواني وكانت ضحكه الفتيات تصدح في المكان بسبب هذا المقلب الذي حدث منذ قليل
بينما دانه تنظر بشر لليث وهو يغمز لها باستمتاع
في اليوم التالي كان قصر الشيطان يضئ ويعمه البهجة فاليوم ميعاد ربط القلوب
كان كل شاب ينظر لزوجته بعشق خالص
اخذ كل واحد منهم يد حبيبته وذهب لساحه الرقص
تحدث عبده بعشق / تعرفي من اول مره شوفتك حسيتك انك مختلفه خالص وكمان اول مره شوفتك فيها كنت بجد في اكتر اوقاتي حزن سمعت كلامك مع عم يونس تلقائي كنت ببتسم لوحدي
ضحكت رحمة / وانت من اول يوم شوفتك قلت عليك مجنون كان وقتها في اكتر أوقاتي وجع
يوم المستشفي فاكر
عبده بغمزه/ ودي حاجه تتنسي برضو ده يوميها مراد ذلني وكل شويه يقولي البنت بتاعت المستشفي ضحكت رحمه بشده
نظر لها عبده ببسمه / بعشقك يا مجنونه انتي
رحمه وهي تستند علي صدره / والمجنونه عشقتك
مراد وهو لا يصدق حبيبه بين يده /ياالله ياروجي واخيرا اتجوزنا
روجي ببسمه / رحله عمر يا مراد انتهت بجواز بجد مش مصدقه اني خلاص بقيت ليك ودايما معاك
مراد وهو يضمها بشده / من صغرنا وانتي حياتي ياروجي كنت دايما باجي عندك وافرمل ممكن اتعصب علي اي حد الا انتي الدمعه منك تخليني احس بحياتي بتنهار
روجي وهي تعانقه بشده / بعشقك يا مراد
مراد / وانا عشقتك وبعشقك وهعشقك يا مجنونتي
حسام / كانت رحله طويله بس النهايه دي تستحق
سما وهي تنظر له بحب /الرحله دي عمري ما كنت هفكر امشي فيها من غيرك يا حسام انت اللي وقفت جنبي دايما ومعايا
حسام / من وقت ما كنت صغير حلفت انك ليا جه وقت وقولت هشيلك من قلبي بس مقدرتش لقيت نفسي تلقائي بنشد ليكي اكتر
سما وهي تضمه بشده / دايما خليك معايا يا حسام
حسام بحب / دايما ياقلب حسام
خالد وهو يضمها بخبث ويغمز لها / اخيرا يا مزتي بقيتي ليا
ضربته ناري / بطل قله ادب يا اخي يخربيت قلت الأدب اللي في دمك دي
خالد وهو يضحك / هو انتي لسه شوفتي…….
نظرت له بغيظ / علي فكره انت مش محترم خالص
خالد وهو يقلدها / وانتي مجنونه خالص
نظرت له بعشق / بيك مجنونه بيك
خالد وهو يحملها / لا كدة كتير يلا نمشي من هنا
ثم حملها للخارج بينما الجميع يضحك ويصفر عليه
واسد يقول / يخربيتك سافل فضحني
عبدالرحمن لرحمة / متيلا ياباشا زيهم
ثم حملها وهو يضحك وهي تدفن وجهها في صدره وهكذا فعل كل شخص مع زوجته
بينما كان غيث يحدث نرمين / مش لو كنا اتجوزنا كان زماني ماشي معاهم
ضربته نرمين / بس بقي هههههه
اخذ مالك يد نور وجذبها خلفه / تعالي معايا
نور بتعجب / هنروح فين
مالك بغمزه / بيتنا الخاص ولا نسيتيه
ضحكت نور وهي تتذكر المنزل الذي احضره لها يوم زفافهم وذهبت معه.
كانت دانه تشاهد الجميع ببسمه وتصفر وتصفق ثواني وشعرت بشخص يكبلها من الخلف ويضع شئ غلي انفها
لم تعد تشعر بشئ سوي انها أصبحت محموله من قبل أحد الأشخاص
وصل مالك ونور بعد عدة ساعات لمنزلهم
نور وهي تتبتسم بسعاده للاضواء الموجودة / نفس زينه اول يوم لينا هنا
مالك وهو يضمها بشدة / حبيت اعملك حاجه تفكرك بأول لحظات حياتنا ياااااه يانور مرت سنين علينا منها الحلو ومنها الوحش واخيرا رجعنا لمكانا الأول
استدارت نور له وابتسمت بشده / بعشقك يا شيطان
مالك وهو يحملها ويبتسم لها / وانا بعشقك يا مجنونتي
ضحكت نور بصخب عليه
علي احدي الجزر كانت دانه تنام علي فراش استيقظت بفزع وهي تتذكر اخر ما حدث / يا نهار اسود اتخطفت
نهضت بسرعه وهي تنظر حولها وجدت الباب يفتح ويدخل منه ليث وهو يبتسم لها / صباح الخير يا عمري
دانه بغضب / انا فين وليه جبتني هنا
ليث وهو يمسك يدها ويجذبها رغم اعتراضها للخارج وجدت نفسها علي جزيره اقل ما يقال عنها قطعه من الجنه نظرت لها بانبهار / ايه ده
ليث وهو يضمها له بشده / دي جزيره جنيه بلاك
نظرت له بتعجب / بتاعتك يا جنيتي
دانه وهي تنظر له بدموع / انا
هز رأسه وهو يمسح دموعها / اه يا حياتي انتي يا عمري دي لينا انا وانتي فقط
دانه وهي تنظر بحزن له / بس انت
قاطعها ليث وهو يركع علي قدمه ويحمل خاتم 💍 مكتوب عليه دانه / دانه تقبلي تتجوزيني
نظرت له دانه بصدمه / ليث انا
ليث / بعشقك والله من يوم ما كنتي صغيره دانه أقبلي وعمرك ما هتندمي صدقيني
دانه وهي تبكي بفرحه وتهز رأسها / موافقه موافقه
ليث وهو ينهض ويلبسها الخاتم وحملها ودار بها وهو يصرخ / عشقتك مجنونتي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)