رواية الملاك والقاسي الفصل التاسع والعشرون 29 بقلم جنات

رواية الملاك والقاسي الفصل التاسع والعشرون 29 بقلم جنات

رواية الملاك والقاسي البارت التاسع والعشرون

رواية الملاك والقاسي الجزء التاسع والعشرون

رواية الملاك والقاسي الحلقة التاسعة والعشرون

صباح تانى يوم فرح بدات تفوق ودماغها كانت بتوجعها اوى وعينيها لسه مغششه
فرح:اااااه هو ايه اللى حصل
فرحت بدات تفتح وكانت فى اوضه ليها شباك كبير من الازاز وقدامهاا بحر والاوضه كانت حاجه كدا روعه:هو انا موت وفى الجنه ولا فى ايه بظبط
وبصت على هدومها كانت لابسه قميص نوم اسود قصير فرحت شهقت:نهااااار اسود ايه اللى انا لابساه ده
سمعت صوت فارس بيضحك:لا انتى مموتيش ياحبيبتى انتى على ارض الواقع واللبس ده انا اللى لبستهولك
فرح:فارس احنا فين مش كنا فى الجناح وبناكل سواا
فارس قعد جمبها:حبيت اخطف فرحه قلبي وعشان اعوضها على كل اللى حصل معايا ونعمل احلى شهر عسل سوااا ايه رايك
فرح فرحت:بجد …طب احنا فين
فارس:تعالى معايا
فرح:فين
فارس:هنخرج برا
فرح:نهار اسود اجى معاك كدا يافارس
فارس:انتى مجنونه يافرح هو انا هخرجك كدا قومى غيرى يلاا عشان نخرج
فرح:فرح قربت من الشباك الازاز الكبير وبصت حوليها برااا وصوتت جاااامد اوى
فارس:يابنت المجنونه مالك
فرح لفت ليه:احنا فى المالديف
فارس ضحك:كل ده عشان احنا فى المالديف
فرح:انت محسسنى انى بجيها كل يوم يافارس دى حلم كل بنت
فارس:انتى احلمى وانا عليا التنفيذ
فرح حضنته بقوة:انا بحبك بحبك بحبك اوى
فارس:طب ايه تغيرى ونخرج ولا نفضل هنا وانا افضل الاختيار التانى
فرح:لا هغير طبعااااا
فرح وفارس خرجو سوااا وفرح كانت فرحانه اوى وقضو يوم جميل سوا وفارس فرجها على الجزيرة وخلص اليوم وروحو عشان ينامووو
~~~~~~~~~~~~~~~~~~~~~~~
صباح يوم جديد
عند ملك وزياد وبنتهم ليليان اللى ليل نهار بتعيط
ملك:يازيااااااااااااد
زياد جه بسرعه:فى ايه ياملك بتصرخى ليه
ملك:بنتك دى مش بتسكت ابدا انا تعبت
زياد اخدها منها وفضل يتمشي بيها فى الشقه لحد مانامت ونيمها مكانها وقرب من ملك اللى باين عليها التعب:روحى نامى ياحبيبتى ولو صحت انا معاها متخافيش
ملك عيطت:انا حاسه انى ام فاشله مش عارفه اعملها اى حاجه
زياد اخدها فى حضنه:دى اول بنوته ليكى ياملك لازم تكونى خايفه ومش عارفه تتصرفي ياقلبي واحده واحده هتتعودى وهتكونى احلى واطعم وارق ماما
ملك ضحكت:ربنا يخليك ليا انا بحبك اوى يازياد
زياد:وانا بعشقك ياملاكى بقولك ايه
ملك:ايه
زياد:بما ان لولى نايمه ده مش بيحصل كتير ماتيجى اقولك كلمه سر لانك وحشانى جدااا
ملك ضحكت وخبت وشها فى حضن زياد اللى شالها ودخل بيها اوضتهم ليبث لها عشقه واشتياقه ليها
~~~~~~~~~~~~~~~~~~~~~~~
عند عامر وسارة
عامر شايل زين اللى بيعيط وبيلف بيه فى الصاله وسارة فى المطبخ
عامر:مابنى ماتسكت شويا بقي انا تعبتلك والله
كامل بيضحك عليه:انت لسه شوفت حاجه ده بيسخن بس
عامر:نعم بيسخن ده احنا طول الليل بنسكت فى الباشا وهو بردو بيعيط
كامل:هما فى الاول بيبقو كدا ياحبيبي
عامر بصوت عالى:سااااارة
سارة جت من المطبخ:فى ايه معلى صوتك ليه
عامر:ابنك ده انا جبت اخرى منه كل اللى بيعملو فينا ده من اول شهر بعد كدا هيعمل فينا ايه
سارة وهى بتاخد زين من عامر:براحته يعمل اللى يعجبك مش كدا يا زيزو ياقمر
عامر:انا مااااااشي
سارة:رايح فين ياعامر
عامر:هطلع انام شويا مانا مش اخد اجازة عشان اقعد اسكت فى القمر
سارة وكامل ضحكو عليه وكامل اخد زين من سارة وفضل يلاعبه
~~~~~~~~~~~~~~~~~~~~~~~
فى قصر الالفى عادل وفاطمه قاعدين بيكلمو اكرم فيديو
عادل:انت عامل ايه ياحبيبي
اكرم:انا بخير يابابا الحمدلله اهم حاجه صحتك انت
عادل:بخير ياحبيبي متقلقتش
اكرم:وانتى عمتو ياقمر عامله ايه
فاطمه:بخير يابنى طول مانت بخير
اكرم:اومال فين فارس كنت عايز اسلم عليه
فاطمه:فارس اخد فرح وسافر يغيرو جو
اكرم:كويس ياعمتو وفرح عامله ايه الوقت
فاطمه:الحمدلله ياحبيبي ربنا يعوضهم خير
اكرم:يارب… انا هقفل معاكو عشان عندى اجتماع مهم هابقي اكلمكو بعدين
عادل:حاضر ياحبيبي ربنا يوفقك يارب
اكرم:يارب ياحاج
اكرم قفل وفاطمه باصت لعادل:ربنا يحميه ويباركلك فيه ياعادل
عادل:انا فرحان وفخور بيه اوى على المجهود اللى بيعمله هناك
فاطمه:هو كان عايز حد يشجعه ياعادل والحمدلله بقي راجل اد المسؤليه
عادل:الحمدلله
~~~~~~~~~~~~~~~~~~~~~~~
عند فارس وفرح
فارس صحى ماكنتش فرح جمبه قام يشوف هى فين لاقاها قاعده قدام الحمام السباحه
فارس قعد جمبها:صباح الجمال
فرح:صباح الخير ياحبيبي
فارس:الجميل سرحان فى ايه
فرح:فى كل حاجه حصلت معانا الحمدلله عدت واحنا عايشين مبسوطين لس خايفه السعاده دى مطولش زى كل مرة
فارس مسك ايدها:احنا نهينا على كل الشر اللى كان حولينا يافرح وان شاء الله هنعيش سوا احلى ايام وهتبقي كلها سعاده وفرحه
فرح:يارب يافارس يارب
فارس:تيجى ننزل البحر
فرح:بس انا مش بعرف اعوم
فارس:انا معاكى يافروحه يلا
فرح:طب خلينا فى حمام السباحه ده احسن بلاش البحر
فارس:البحر هنا تحفه يلا ننزل قومى البسي مايوه يلا
فرح برقت:نعم مايييوه لا طبعاااا
فارس:اومال هتنزل بهدومك كدا
فرح:مايوه ازاى يافارس وانزل قدام الناس بيه كدا
فارس:مش بقولك مجنونه مايوه اسلامى ياروحى يلا قومى
فرح:ااااه قول كدا بقي
فارس قربها منه وهمس قدام شفايفها:لا ماهو المايوه اللى جه فى دماغك هتلبسيع بس مش هنا
فرح:هاااا
فارس ضحك:هااا ايه يافرح
فرح:اومال هلبسه فين
فارس:لما نرجع القصر فى الحمام السباحه اللى فى الجنينه الخاصه بالجناح
فرح بعدت عنه:لالا مستحيل انا البس كدا
فارس:طب روحى البسي ده ونبقي نشوف الموضوع ده لما نروح
فرح جرت على جوااا عشان تغير وفارس ضحك عليهااا وبعد شويا خرجت فرح وفارس كان لابس شورت قصير بس ونزلو البحر وفرح كان مرعوبه وماسكه فى فارس
فارس:انتى ماسكه حرامى يافرح
فرح:يوووه انا قولتك بخاف
فارس:مش عيب فى حق فارس الالفى لما تقولى خايفه وانتى فى حضنى
فرح بصتله اوى
فارس:انسي اى خوف وانا معاكى يافرح وعيشي كل لحظه فى حياتك واستمتعى بيها
فرح ابتسمت:حاضر
فرح نست خوفهااا وكانت مبسوطه وهى مع حبيبها وقضو وقت رومانسي مع بعض وبعد فترة مش قليله طلعو مش البحر ودخلوو غيرو واكلو سواااا وفارس اخد فرحه قلبه على عالمه الخاص
~~~~~~~~~~~~~~~~~~~~~~~
عدى شهر
فارس وفرح عاشو احلى ايامهم سوااا وجه الوقت انهم يرجعو تانى القصر
فى قصر الالفى فاطمه وفوز بيجهزو الاكل وفرحانين ان فارس وفرح راجعين وعامر وسارة وملك وزياد جايبن عشان يتعشو معاهم
بعد شويا فارس وفرح وصلو وكان باين عليهم الفرح
فارس:السلام عليكم
فاطمه:وعليكم السلام ورحمه الله وبركاته ياحبيبي حمدلله على السلامه ياحبايبى
فاطمه حضنت فارس وفرح سواااا وفوز كمان سلمت عليهم
عادل نازل من على السلم:حمدلله على السلامه ياولاد
فارس حضنه:الله يسلمك ياعمى
فرح سلمت عليه
فاطمه:على اد مانتو وحشنى بس فرحانه عشان شايفه الفرحه فى عيونكووو ربنا يسعدكو العمر كله ياولاد
فارس وفرح:يارب ياعمتوو
فاطمه:اطلعو ارتاحو شويا والشباب والبنات جايين يتعشو معانا النهارده
فارس:والله وحشونى
فرح:ليليان وزين وحشونى اوى
فاطمه:ارتاحو شويا عما مايجووو
فارس وفرح طلعووو
فرح دخلت الجناح:ياااااه والله اوضتى حبيبتى وحشتنى
فارس:يعنى مش هنسافر تانى
فرح:لا انا عايزة افضل هنا مع عمتو وعمو وفوز والشباب والبنات والصغنين اللى وحشنى
فارس حضنها:طب وانا
فرح حاوطت رقبته بايدها:انتى معايا على طول هو انا اقدر ابعد عنك
فارس باس راسها:يلا ياروحى ننام شويا قبل مايجو
فرح:هاخد شاور واغير
فارس:تمام
~~~~~~~~~~~~~~~~~~~~~~~
بليل كان الشباب والبنات وصلو ومعاهم الصغيرين
فرحه نزلت بسرعه وجرت على البنات حضنتهم:وحشتونى اوى اوى
سارة:اه ناس ليها المالديف وناس تفضل سرحانه طول الليل مع زين باشا
كلهم ضحكو عليها
فارس نزل وسلم على الشباب وحضن ملك:رغم انكو بطلو عينى بس وحشتونى
عامر:طبعااا ماحنا عارفين
زياد:انت هتبدا ولا ايه
فرح اشتالت ليليان وباستها من خدها:ايه الحلاوة والجمال ده شبهك خالص ياملك
فارس اخد زين من عامر:شكله شقى لابوه
عامر:شقى ده عفريت
سارة:متقولش على ابنى عفريت ياعامر
زياد:اسكت احسنلك
فاطمه:يلا ياولاد عشان نتعشي
كلهم اعدو على السفرة واكلو سوا فى جو عائلى مافيش اروع منه وبعد ماخلصو اكل خرجو كلهم قاعدو فى الجنينه وطبعاا القاعده مبتخلاش من مشاكسه عامر لفارس اللى لما زهق منه خلى ماكس يجرى ورا والكل بيضحك عليهم وبعد وقت كبير عدى عليهم بسرعه كل يوم رجع على بيته وفارس وفرح طلعوو على الجناح وفرح كان باين عليها التعب
فارس:مالك يافرح شكلك تعبانه
فرح:مش عارفه مالى مع ان كنت كويسه الصبح
فارس:تحبي اجبلك الدكتورة
فرح:لا انا هنام وهابقي كويسه يافارس
فارس:متاكده
فرح:اه هدخل اغير عشان ننام عشان نصحى بدرى لشركه
فارس:لو فضلتى تعبانه مش هتنزلى الشركه
فرح:حاضر
فارس وفرح غيرو ونامووو
~~~~~~~~~~~~~~~~~~~~~~~
تانى يوم فرح صحت وكانت تعبانه وفارس رفض انها تروح معاه الشركه لحد ماتتحسن وراح هو الشركه وفرح فضلت مع فاطمه وفوز وكانت معاهم فى المطبخ اول ماشمت ريحه الاكل جرت على الحوض رجعت
فاطمه :مالك ياحبيبتى
فرح:مش عارفه مش طايقه ريحه اى حاجه ودايخه اوى
فلطمه وفوز بصو لبعض وضحكو
فاطمه:يعنى نقول مبروك
فرح بصتلهم وفهمت قصدهم:يعنى ممكن اكون حامل
فوز:اه ياحبيبتى
فاطمه:انا هخلى كد يجبلنا اختبار نتاكد
فرح:حاضر
فاطمه جابت الاختبار واديته لفرح وطلهن اوضتها وكانت خايفه متكنوش حامل دخلت الحمام وخرجت وهى مش مصدقه انها اخير ا حامل ونزلت بسرعه عند فاطمه وفوز اللى مستنينها على نار
فرح جرت على حضن فاطمه:انا حامل يافطوم حامل
فاطمه:الف مبروك ياحبيبه قلبي
فرح:الله يبارك فيك
فوز:مبروك يابنتى
فرح حضنته:الله يبارك فيك يافوز
فاطمه:فارس هيفرح اوى
فرح:ممكن محظش يقوله انا عايزة اقوله انا
فاطمه:حاضر يافروحه
فرح:هطلع اكلم سارة وملك واقولهم
فاطمه:اطلعى ياحبيبتى
فرح كلمت ملك وسارة مكالمه جماعيه وقالتلهم وفرحو جدا عشانها وفرح قفلت معاهم وكلمت زياد قالتله وطلبت منه مايقولش لفارس
~~~~~~~~~~~~~~~~~~~~~~~
بليل فارس وصل القصر كان عادل وفاطمه قاعدين فى الجنينه
فارس:مساء الخير
عادل وفاطمه:مساء الخير ياحبيبي
فارس:اومال فين فرح
فاطمه:طلعت ترتاح فى اوضتها شويا
فارس بقلق:هى لسه تعبانه ياعمتو
فاطمه:لا بقت احسن ياحبيبي اطلع اطمن عليها بنفسك
فارس:حاضر
فارس طلع كانت فرح قاعده على السرير ومستنياه واول مافتح الباب جرت على حضنه
فارس:دانا كنت واحشك اوى بقي
فرح بعدت عن حضنه:انت بتوحشنى حتى وانت معايا
فارس:ايه الرومانسيه دى كلهااا
فرح:ممكن تدخل تغير وننزل نقعد فى الجنينه بتاعتنا شويا
فارس بغمزة:طب ايه رايك ننزل حمام السباحه
فرح افتكرت كلامه:لا طبعااااا مستحيل
فارس ضحك:ماشي يافرح
فارس غير ونزل مع فرح على الجنينه الخاصه بالجناح وبيفتح النور لاقى لوحه كبيرة مكتوب عليها(I Love U dady)
فارس بص لفرح وحرك راسه بمعنى ايه ده
فرح حضنته:كمان ٩ شهور هتكون احلى بابا فى الدنيا
فارس بصلها اوى:انتى حامل يافرح
فرح هزت راسها باه
فارس حضنها ولف بيها وكان طاير من الفرحه:مبروك ياحبيبتى
فرح:مبروك علينا ياحبيبي
فارس:عرفتى امته
فرح:النهارده عمتو جابتلى اختبار وطلع ايجابي
فارس:بكرة هاجى معاكى ونروح نطمن عند الدكتورة
فرح ضحكتها اختفت واتكلمت بخوف:لالا يافارس انا مش هخرج من القصر ابداااا مش هيحصل معايا زى ماحصل المرة اللى فاتت
مستحيل يحصله حاجه لو جراله حاجه انا هموت
فارس:اهدى يافرح مافيش حاجه لكل ده ياحبيبتى قولتلك قبل كدا كل اللى كانو بيكرهونا وبيمنولنا الشر فى السجن ومش هيخرجو منه ابداااا
فرح:بس
فارس:مش غير بس ياحبيبتى هنعيش حياتنا وهننسي اى خوف يافرح ممكن بقي ضحكتك تنور وشك تانى
فرح ابتسمت:حاضر
فارس اشتالها:يلا عشان ننام ياقمرى
فرح:يلاا……..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية الملاك والقاسي)