رواية يا أنا يا أنت الفصل الأول 1 بقلم شيماء صبحي

رواية يا أنا يا أنت الفصل الأول 1 بقلم شيماء صبحي

رواية يا أنا يا أنت البارت الأول

رواية يا أنا يا أنت الجزء الأول

رواية يا أنا يا أنت الحلقة الأولى

رفعت العباية من عند رجليها وقالت بدلع
:لو سمحت ممكن تربطلي الشوز أصلي حامل ومش هقدر أنزل أربطة..
الشخص دا كان لابس بدلة ولسا خارج من عربيه فخمة ولاكنه لما شاف نعومة رجليها وبص في وشها لقاها جميلة هز راسه بالموافقه وقال:طبعا تحت أمرك..
إبتسمت برقة وأول ما نزل يربطلها الجزم”ه لمست كتفه وقالت:هسند عليك علشان دايخة بس..
الراجل دا هز راسه بابتسامه وقال:براحتك يا مدام..
قالت بدلع:شكرا أوي علي وقفتك جمبي..؟
وقف قدامها وهوا بيبص لملامحها وبيقول بإعجاب:دا وجبي وبعدين ازاي جوزك يسيبك كده واقفة لواحدك مش خايف عليكي ..
ضمت حاجبها بحزن وقالت:أصل انا مش متجوزة، أنا مطلقة بس اكتشفت إني حامل بعدما طليقي سافر..
قال بحزن: يا خسارة ربنا معاكي هو انتي اسمك ايه. صحيح.،قصدت انها تسند عليه تاني وقالت:نوال إسمي نوال وحضرتك..؟
عدل جرافتة وقال:أنا صالح النويري صاحب شركة النويري اللي وراكي دي..!
هزت راسها وقالت:تشرفت بيك يا أستاذ صالح حضرتك قولت انك صاحب الشركة دي..
هز راسة بالإيجاب وهيا قالت بابتسامه جذابه:بس حضرتك طلعت أجمل بكتير من الوصف ..
خجل من كلامها ليه وهز راسه وقال:دا بس علشان عيونك حلوه يا نوال..
ضحكت بدلع وقالت وهيا بترفع عبايتها تاني:طيب أستأذنك بق يا أستاذ صالح أصلي عندي شغل ولو وقفت شوية كمان هتأخر وممكن صاحب الشغل يطردني..؟
قال بهمس:دا يبق غبي؟
نوال بدلع:بتقول حاجة يا أستاذ صالح..؟
صالح هز راسه وهو بيبص علي رجليها وقال:لا بقول هشوفك تاني..
نوال:والله مش عارفة بس أتمني أقابل حضرتك تاني أصلك زوق جدا واللي زيك بقوا يتعدوا علي الصوابع..؟
صالح مسح علي دماغه الصلعه بخجل وقال: انتي اللي عسل والله اتمني أشوفك تاني..
نوال هزت راسها وقالت وهيا بتمد ايديها وتسلم عليه:يبق أشوفك تاني يا صالح باشا..
صالح هز راسه ومسك ايديها وفضل يحرك صوابعه عليها وهيا كانت ملاحظة ولاكن مبتسمه..
سحبت ايديها بصعوبه منه وبعدها إبتسمت وهيا بتبصله ومشيت وكان واقف صالح مركز مع مشيتها ومش مصدق إن في واحدة حامل وتكون بالجمال دا ومهتميه بنفسها مش زي مراته اللي حامل ولاكنها علي طول نكديه وبتتخانق معاه ولاكن نوال بالنسباله حاجة غريبه وعجيبه .

أول ما اختفت من قدامه دخل لشركته وكان في إستقبالة المساعد بتاعه واللي قال:أهلا يا صالح بيه حضرتك الإجتماع هيبدأ كمان نص ساعه فانا محتاج المفاتيح من حضرتك علشان أجهز غرفة الاجتماعات ؟
صالح هز راسه وحط ايديه في جيبه علشان يديلة المفتاح ولاكن ملقهوش فبص للمساعد بتاعه وقال:أنا شكلي نسيت المفتاح في البيت روح بسرعه هاتوا هتلاقيه علي مكتبي..
المساعد قال بصدمه:دا كده الوفد الايطالي هيجي قبل ما أوصل.
صالح قال بغضب:روح بسرعه هات المفتاح بدل ما بتضيع وقتك في الرغي الكتير دا..؟
المساعد هز راسه وخرج بسرعه من الشركه وركب عربية صالح بيه واتجهه بيها لبيته…

وفي مكان تاني كانت واقفه تبصله وهيا بتفك الحمل المستعار اللي مركباه وقالت:بس انتَ مش هتروح لوحدك العمليه دي انا هاجي معاك وأعمل حسابك اللي هيكون في الخزنه هيتقسم بالنص مش عاوزه نصب..
بصلها برفع حاجب وقال:يا سلام علي أساس ايه الكلام دا ما إنتي بتاخدي حقك وزيادة كُل مره مش كفاية اني بسيبلك المجوهرات اللي في الخزن ومش بسألك بتوديها فين..؟

رفعت حاجبها وضربته علي كتفه بغضب وقالت:انا أستاهل كل حاجه مش كفايه اني بعرض جسمي للتحر”ش علشان اجبلك المعلومات المهمه والمفاتيح اللي عاوزها!!
وقف وهو بيفكلها الرباط بتاع الحمل وقال:والله دا إختيارك أنتي أنا مطلبتش منك تعملي كده..!
زقته بغضب وقالت:هو انت مش غيران عليا ليه ولا مش بتخاف عليا ليه ممكن توضحلي انا بالنسبالك ايه و بتعتبرني ايه؟
اتنهد وهو بيبعد عنها وبيقول:انا وانتي اصحاب وبس يا كيندا وانسي اي حاجه تانيه في دماغك..؟
كيندا بحزن:يعني مش بتحبني يا ماهر !
ماهر بصلها بصة طويله وبعدها نزل علي الارض تاني وشال شنطته وقال: ما دام حابة تنزلي معايا المره دي جهزي نفسك هنتحرك النهاردة الساعه ٢ بالليل..!

كيندا أخدت نفس طويل وهزت راسها وهوا اتحرك من قدمها وخرج من شقتها..

نزل ماهر بسرعه وخرج من العماره وقبل ما يركب عربيه وقفه البواب واللي إسمه مسعود وقال:ايه يا باشا معقول هتمشي من غير متديني الحلاوه..قال كلامه وهو بيفرك صوابعه وبيطلب منه فلوس..
فتح ماهر العربيه وركب وبص لمسعود وقال:المرة الجايه..
مسعود ضم حاجبه وقال:ماشي يابيه..
بصله وهز راسه وشغل المحرك ولاكن قبل ما يتحرك جت في دماغه فكره ففتح الازاز بتاع العربيه وخرج ايديه بمبلغ كبير وقال:خد يا مسعود بس انا عندي طلب مقابل المبلغ دا؟؟
مسعود اخد الفلوس بلهفة وقال:أوامرك يا باشا..
ماهر بص علي العمارة وقال:الساعه ٢ بالليل هتخرج كيندا هانم من شقتها عايزك تعطلها ومتخليهاش تخرج غير بعد ساعه ولا ساعتين..
مسعود بصله برفع حاجب وقال:يعني اعمل ايه يباشا..؟
ماهر طلع مبلغ تاني وقال:غير كالون البوابه واقفلها ولما تيجي تصحيك عرفها ان دا طلب صاحب العماره واتصرف كإن المفتاح ضاع المهم انها متطلعش من العماره غير بعد ساعتين..
مسعود هز راسه وقال:أوامرك يا ماهر باشا..
ماهر قفل إزاز العربيه واتحرك وقبل ما يبعد عن العماره بص علي شقتها وقال:معلش بق يا دودو العمليه دي هاخدها لوحدي شكرا علي المفاتيح..
قال كلامه وهو بيحرك المفتاح بإيديه وبعدها مشي..؟

وفي شركة صالح النويري ::وصل الوفد واستقبلهم صلاح وقال:اهلا بكم في مصر ولاكن اعذروني يجب ان ننتظر جميعنا في مكتبي لبعض الوقت..؟
كلهم بصوا لبعض وهزوا راسهم وهو رفع ايديه باحترام وشاورلهم علي اتجاه المكتب ومشي وراهم..
وصل المساعد بتاعه وقرب منه وقال بهمس:انا والمدام قلبنا الفيلا علي المفتاح ومش لاقينه؟
وقف صالح بصدمه وقال بهمس:يعني ايه ؟
المساعد حرك كتفه وقال:والله يباشا قلبنا الدنيا كانه فص ملح وداب؟

صالح مسكه من هدومه وخرجة برا المكتب وقال:اسمع روح اكسر الباب ولا هات اي حد يساعدك المهم انك تجيلي خلال خمس دقايق وتبلغني ان الغرفة جاهزه؟
المساعد بصله بصدمه وقال:بس..
صالح زقه وقال بغضب: لو منفذتش اللي طلبته منك اعتبر نفسك مرفود من دلوقت؟

المساعد بصله بصدمه وصالح سابه ودخل تاني للمكتب والمساعد بص علي هدومه اللي مكرمشه بسبب ايد صالح فاتنهد بحزن ومشي !!

_هل هناك مشكله سيدي؟ سألت واحدة من اللي موجودين في المكتب وصالح اتوتر من سؤالها فقال :لا الأمور علي ما يرام .بص في ساعته وكمل ملامه وقال: سيبدأ الإجتماع خلال خمس دقائق.
البنت هزت راسها بتفهم وهوا رجع قعد علي الكرسي وهو بياخد نفسه بصعوبة..!

بعد خمس دقايق وصل المساعد المكتب وشاور لصالح ان كل حاجة تمام ولاكن في مشكله تانيه..
صالح مهتمش لسماع المشكلع وشاور للوفد وقال:هيا بنا الي غرفة الإجتماعات؟

المساعد قرب منه وقال:صالح بيه في مشكله ،..!
صالح تجاهله ومشي ورا الوفد والمساعد اتنهد وقال:عاوز اقولك ان الخزنه اللي فيها الاوراق مقفولة ؟

بدأ الاجتماع وكان صالح بيعرض المشروع بعد انتهاء تصميمه وكان الكل مبهور بالنتيجة ..
وقف صالح وقال:اسمحوا لي ان احضر العقود من الخزنه؟
هزوا راسهم بالموافقه وهو خرج من المكتب وبص للمساعد وقال بتساؤل :جبت العقود؟
المساعد هز راسه وقال:الخزنه الباب بتاعها مقفول والمفتاح طبعا؟؟
صالح اتنهد بضيق وقال:طيب انا هروح افتحها بصمتي تعالا ورايا؟

المساعد:يا فندم البصمة بايظة انا قولت لحضرتك نصلحها وانت رفضت؟
صالح مسكت
ه من هدومة وقال بغضب:بقولك ايه يا شريف بعد الاجتماع دا ما يخلص مش عاوز اشوف وشك تاني في الشركة !
المساعد بصله بصدمه وصالح كمل كلامه وقال:من وقت ما جيت وانت مفيش خبر حلو علي لسانك؟

المساعد مشي من قدامه بزعل وصالح اتنهد ومشي وراه لحدما وصلوا عند الخزنه الكبيره اللي فيها فلوس صالح الخاصة وكل الاوراق المهمه الخاصه بالشركة والعملاء!
صالح بص للمساعد وقال:الحل مع الخزنه دي ايه دلوقت؟
المساعد بص للخزنه وبصله وقال:مقدمناش حل غير اننا نجيب حد يفتحها؟
صالح بصله بغضب وقال:انت اتجننت دي فيها اوراق توديني في داهيه يعني لو حد بس شافها يعني انا انتهيت؟
المساعد هز راسه وقال:خلاص يا فندم افتحها بنفسك اتفضل دا شاكوش ودا شانيور بعد اذنك؟

المساعد مشي وصالح فضل يبص عليه بصدمه فاخد نفس طويل وبص للخزنه وقال:بق كده !!اخد نفس طريل وقرب من باب الخزنه الكبيره وبدأ يفتحها؟

في شقة كيندا كانت خلصت من تنظيف الشقه وحضرت لبسها اللي هتنفذ بيه المهمه بتاعة بالليل !وبعدها قربت من باب الشقه وفتحته وقبل ما تخرج من افتكرت كلام ماهر ليها وقد ايه كان قاسي عليها و جرحها ؟
(انا وانتي اصحاب وبس يا كيندا وانسي اي حاجه تانيه في دماغك..؟ )
قالت بحزن:بق بعد كل الحب اللي اديتهولك تعتبرني مجرد صديقه!! قالت كلامها بحزن وقفلت باب شقتها ونزلت…

كان مسعود البواب قاعد علي الكرسي بتاعه اللي جمب البوابه الرئيسية للعمارة وكان ماسك كوباية شاي وبيشرب منها وبيغني اغنيه للست وردة الجزائرية !

كيندا قربت منه وقالت: اخدت منه كام المرة دي يا مسعود!
مسعود انتبه ليها وقام بسرعه من علي الكرسي وقال:اي دا مين كيندا هانم!

طلعت كيندا مبلغ من شنطتها وادتهوله ومعاهم ورقه وقالت:هاتلي الطلبات دي وخد الباقي!
مسعود اخد الفلوس منها وفتح الورقه بسرعه وبص علي الحجات اللي كتباها ولما عد الفلوس قال بتساؤل:بس الحجات يدوبك علي قد الفلوس ممكن يتبقي عشرين جنيه ولا حاجة!

كيندا هزت راسها وقالت:حلوين ابق هاتلك بيها باكو شاي..انهت كلامها ومشيت وهوا مشي وراها وقال:بس يا هانم!
كيندا ركبت الموتسيكل بتاعها ومشيت بسرعه من غير مترد عليه ..فبصلها بضيق وقال: اه يا وليه يا قرشانه والله تستاهلي اللي هيحصل فيكي النهاردة ..حط ايديه في جيبه ومسك المبلغ اللي اداهوله ماهر وقال بابتسامه:ربنا يخلي ماهر بيه هو وفلوسه ..كمل بتساؤل:بس انا نفسي افهم انتوا بتشتغلوا ايه ؟ ابتسم وهو بيبص للفلوس وقال:بس مش مهم اهم خاجه اني مبسوط معاكم…!

في شركة صالح النويري؟

صالح كان فتح الخزنه بعد ساعه وكان الوفد الايطالي متعصب من تاخيره فأول ما دخل غرفة الاجتماعات لقاهم متضايقين فقال باسف:انا اعتذر عن تاخري ولاكن كان احد موظفيني مريضا فكنت اساعده لكي يستعيد وعيه؟
سألت واحده منهم بقلق وقالت:هل هو بخير؟
ابتسم صالح لنجاحه في خداعهم وقال:نعم انه بخير الان!
بصتله البنت وقالت:انت حقا مدير رائع مستر صالخ؟
بصلها صالح وقال بابتسامه وراها ضيق:اسمي صالح وليس صالخ..
البنت هزت راسها وهو قرب الورق منهم وطلب منهم يمضوا عليه وبعدما كله مضي جه وقت امضته فمضي بكل فرحه وقال:اتمني ان نكون عند حسن ظنكم !
الوفد وقف وبصوله بابتسامه وقالوا:نتمني ذلك..
صالح ابتسم وبص وراه علشان يدي الاوراق للمساعد ولاكن افتكر انه طرده فاتنهد بضيق وقال:تفضلوا سأقوم بتوديعكم بنفسي !
الكل خرج وهما مبتسمين وبعدها قفل الباب بتاع غرفة الاجتماعات ومشي وراهم لحدما خرجوا من الشركة ..
سلم عليهم وقال:ستبقون الليلة في مصر..
هزوا راسهم بالرفض وقالوا: لا سنعود اليوم لإيطاليا طائرتنا ستكون ف ال٩ مساءً!
هز راسه وقال بابتسامه:حسنا اتمني لكم رحلة سعيدة..
ابتسموا وشكروه وكل اتنين ركبوا عربيه واتحركوا…

وصلت كيندا قدام الشركة بتاعت صالح بالموتسيكل وشافت صالح وهوا بيودع الوفد فابتسمت بسخريه وقالت:والله وآن الآوان واشوفك بتصوت زي الحريم يا صالح جه الوقت اللي اخد حقي منك؟
تتوقعوا صالح يقرب لكيندا ايه؟

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية يا أنا يا أنت)