رواية العشق الأبدي 2 (توأم روحي) الفصل التاسع 9 بقلم لبنى دراز
رواية العشق الأبدي 2 (توأم روحي) الفصل التاسع 9 بقلم لبنى دراز
رواية العشق الأبدي 2 (توأم روحي) البارت التاسع
رواية العشق الأبدي 2 (توأم روحي) الجزء التاسع
رواية العشق الأبدي 2 (توأم روحي) الحلقة التاسعة
أحياناً نضحك والهموم تلف بنا من كل جهة، ليس لأنّنا عديمي الإحساس، ولكن لأنّنا نملك أنفساً تؤمن بأنّ بعد العسر يسراً.
توأم روحي بقلمى ✍️___________لبنى دراز
فـ ڤيلا البوص
نازل ع السلم غضـ ـبان جدا و كأنه بـ ـركـ ـان هيـ ـنفـ ـجر و يـ ـحـ ـرق كل اللى هيقف قصاده و زعق بغـ ـضب جحـ ـيمى
البوص:: فيرووووووز أدرياااااااااان أنتوا يا بهااااااااااايم ياللى هنا
فيروز:: جات جرى و هى مرعوبة من صوته الغضـ ـبان .. أوامرك بوص
البوص:: شووووفيلى الزفت أدريااااان فيييين حااااااالا
فيروز:: بتوتر و قلق حـ حـ حصل ايه بوص عشان تغضب كدا
البوص:: فيرووووووز مابحبش اللى بيتدخل فى اللى مالووووش فييييه غوووورى شوفيلى أدريان فيييين و انتى ساكتة .. سابها و دخل مكتبه و الغضب ماليه و مستنى أدريان بفارغ صبر .. و شوية و سمع خبط ع باب المكتب و كان
أدريان:: داخل بيرتعش من كتر الخوف و عارف انها ممكن تكون نهايته .. أأأأاوامرك بوص
البوص:: بغـ ـضب خبط عصايته فى الارض .. غلطاتك كترت أوى أدريااااااااان
أدريان:: غـ غـ غـ غلطات إيه ببببوص أنا بنفذ اللى بتؤمر بيه بالحرف
البوص:: حلم الرشييييييدى طلعت برااااااااءة أزااااااااااى أدرياااااااااااان
أدريان:: ممممش ععععارف بوص أنا صفّيت العيال اللي اتقبض عليهم قبل ما يترحلوا ع النيابة زى ما أمرت
البوص:: خبط تانى بعصايته بغـ ـضب أكبر عشاااااان غبيييييي أدريااااااااان أحمد المنصورى لععععب بينا كلناااااا بسبب غبااااااائك و سبقنا و خلى العيال أعترفوووووا جوة القسسسسم
أدريان:: بصدمة .. أعترفوا ؟!
البوص:: و هو بيقف و يمسك سـ ـلا حه و بيوجهه على أدريان ببرود ظاهر عكس اللى جواه .. أعترفوا أدريان تخيل !
أدريان:: بنفس توتره أزاى أعترفوا أنا حطيت ليهم السم بنفسي و اتأكدت من موتهم جوة القسم بوص
البوص:: و هو بيمد إيده بالمـ ـسـ ـدس لـ أدريان .. مش بقولك غبي أدريان . أمسك يلا صفي نفسك حالا
أدريان:: بيبلع ريقه و صوته مش طالع من كتر خوفه سامحنى بوص و أدينى فرصة تانية أرجوك
البوص:: تؤتؤتؤتؤ فرصك خلصت أدريان أمسك يلا المـ ـسـ ـدس و خلص ع نفسك بنفسك
أدريان:: و هو ع نفس وضعه و بيرتعش جدا من شدة الخوف أرجوك بوص غلطة مش هتتكرر بس أدينى فرصة كمان
البوص:: بغـ ـضب جحـ ـيمى أمسسسسك المـ ـسـ ـدس يلاااااااا أخللللللص
أدريان:: أخد منه الـ ـسـ ـلاح و حطه ع دماغه و عينيه ع البوص بتترجاه يسامحه
البوص:: واقف جامد و عينيه ع أدريان و بزعيق أضرررررب يلاااااا قبل ما ينفد صبررررري و أقـ ـطـ ـع لحمك حى و أرميه لـ كلابى
أدريان:: بالفعل ضـ ـرب نفسه بالـ ـنـ ـار وقع ميت فى الحال
البوص:: لنفسه غبي أدريان قولتلك دى أخر فرصة ليك لكن انت بقى اللى كنت مصمم تموت .. و بزعيق نده فيرووووووووز
فيروز:: دخلت جرى على صوته و قبل ما تتكلم شافت جـ ـثة أدريان أرتعشت و قالت أأأوامرك بوص ننننعم
البوص وهو بيخرج من المكتب أبعتى حد ينضف الزبالة دى و يرمى جـ ـثته للكلاب يلاااااااااا
فيروز:: بتوتر ..حححاضر بوص تحت أمرك
و بالفعل بعتت لأتنين من الأمن يشيلوا جـ ـثة أدريان و ينضفوا المكتب من أثار الدم
__________________________
فـ أمريكا🇺🇸
ڤيلا سمير فـ نفس الوقت
قاعدة روڤان فى أوضتها بعد مكالمة سامر و هشام يبلغوهم ان حلم طلعت براءة ، و ماسكة ألبوم صور بتتفرج عليه و شافت فيه صورة ليها مع خالها و جنبها أحمد فضلت كتير تتفرج ع الصورة و دموعها نزلت غصب عنها و لنفسها بقى كدا يا أحمد هونت عليك قدرت ازاى تنسانى و تنسى حبي ليك ، و فجأة رن موبايلها برقم دولى و ردت .. ألو
أحمد:: بأشتياق .. وحشتينى أوى يا بنت خالى
روڤان:: سمعت صوته و ساكتة و مافيش غير ضـ ـربات قلبها اللى زادت بطريقة ملحوظة و دموعها زادت أضعاف
أحمد:: سامع أنفاسها و عرف أنها بتعيط .. أنا غبي و حـ ـمار بس سامحينى لو بتحبينى زى ما أنا بحبك
روڤان:: ع نفس وضعها و سامعة صوته بس مش بترد
أحمد:: طيب ردى عليا عشان خاطرى قولى أى حاجة اشتمينى زعقيلى ثورى عليا بس ماتسكتيش كدا
روڤان:: غمضت عينيها و أخيرا اتكلمت .. ماعنديش كلام أقوله يا أبن عمتى بعد اللى شوفته بعينى
أحمد:: بدفاع عن نفسه .. كدب اللى شوفتيه كله كدب صدقينى ، أنا عمرى ما حبيت و لا هاحب غيرك يا روڤى
روڤان:: بأنهيار .. اومااااال تسمى اللى انا شوووووفته ده اييييه يا أحمد ، تسمى اللى أنت قولته و البنت اللى كانت معاااااااك دى أييييييييه قووووول ريحنى
أحمد:: صدقينى كل ده كان خطة عشان أقدر أثبت بيها براءة أمى و البنت دى كانت بتساعدنى مش أكتر لكن مافيش بينى و بينها حاجة نهائى .. انا عمرى ما نسيتك و لا عمرى فكرت ولا هافكر فـ غيرك يا روڤان
روڤان:: مش قادرة أتخطى اللى شوفته واللى سمعته منك
أحمد:: حقك على قلبى يا حب عمرى بس سامحينى و أرجعى يا روڤى كفاية بُعد عشان خاطرى
روڤان:: دموعها نازلة و سكتت شوية و بعدها قالت بحاول يا أحمد بس مش قادرة سيب لى فرصة استوعب اللى قولته سلام و قفلت المكالمة من قبل ما تسمع رده .
فى نفس الوقت كان سمير بيخبط ع باب اوضتها عشان يطمن عليها و أذنت له يدخل و شاف دموعها و الموبايل فـ إيدها و الصورة فـ إيدها التانية و سألها:: انتى بتحبيه اوى كدا ؟
روڤان:: أوى يا خالو بس مش قادرة أنسى اللى حصل منه
سمير:: حبيبتى انتى عرفتى من سامر انه كان عامل كدا عشان يثبت براءة مامته يعنى كل ده كان خطة و شغل مش أكتر
روڤان:: مهما كان يا خالو المفروض يقول يعرفنى مش يسيبنى كدا و ينسى أنى حبيبته و كمان يجيب بنت تانية تساعده
سمير:: روڤى حبيبة خالو ممكن تهدى و تفكرى بالعقل شوية . هو كان عامل كدا عشان يقدر يدخل الاماكن اللى دخلها دى تفتكرى ممكن يجيب مين يساعده ؟
روڤان:: بتسرع يقول لى و انا اساعده
سمير:: بهدوء .. انتى كنتى عايزاه يعرضك لمواقف زى دى ؟ و ياخدك مكان زى ده ؟ طيب تفتكرى لو هو وافق هشام و سامر هيرضوا ؟
روڤان:: بيأس .. أكيد لأ طبعا
سمير:: يبقى يا حبيبتى لازم نفهم طبيعة شغله و نقدرها و كمان نلتمس له العذر و نقف جنبه طالما عرفنا ان كل ده كان تمثيل
روڤان:: حضرتك عايزنى أعمل ايه
سمير:: حضرتى عايزك ترجعى مصر و تحافظى على حبك و تمسكى فيه ماتضيعيهوش من إيدك ، فاهمة يا حبيبتى
روڤان:: بمرح .. يعنى انت عايزنى أمشي من هنا لحقت زهقت منى يا سمرة
سمير:: ضمها لحضنه .. حبيبة قلب سمرة أنا نفسي تعيشى معايا ع طول انتى و فُتنة بس برضوا هناك بابا و سامر مايستغنوش عنكم و بغمزة و كمان حبيب القلب مش قادر على بُعدك قولتى ايه
روڤان:: حاضر يا خالو
و بالفعل قررت ترجع مصر بعد ما عرفت الحقيقة من سامر و بعدها مكالمة أحمد و كلام خالها شجعها أكتر
انها تحافظ على حبها و ماتضحيش بيه
______________________
فـ ڤيلا فارس
بعد مرور كام يوم على ظهور براءتها اتفاجئت حلم هى و فارس بدخول أحمد الڤيلا و معاه رودينا علشان يعرفهم عليها و كانت عاملة شعرها كيرلى و لابسة توب حمالة ع بنطالون ليجن و رابطة الشميز ع وسطها
أحمد:: السلام عليكم ورحمة الله
فارس:: وعليكم السلام ورحمة الله
حلم:: وعليكم السلام حمد الله ع السلامة يا حبيبى
أحمد:: باس إيدها الله يسلمك يا حبيبتى
فارس:: بغيظ .. مش تعرّفنا يا كابتن
أحمد:: بأبتسامة .. دكتورة رودينا اللى بسببها سافرت المأمورية الأخيرة و هى تكرمت و قبلت تساعدنى فى قضية ماما
حلم:: بأبتسامة ترحيب .. أهلا بيكى يا دكتورة أتفضلى
رودينا:: بهدوء .. أهلا بحضرتك يا طنط و مبروك لحضرتك ع البراءة و لـ أحمد انت انقذت حياتى و كان لازم أرد لك لو حاجة صغننة من اللى انت عملته معايا
جاسر:: قاعد مركز معاها أوى و فجأة ما تقوليلها كفارة أحسن يا مزة .. بس حلو اوى برضوا ان الأجانب بيعرفوا يردوا الجميل
أحمد:: بغيظ من بين أسنانه .. جااااسر أتلم شوية مايصحش كدا
جاسر:: لـ أحمد الله هو انا اتكلمت يا جدع ده ايه ده يا أخى ده
تسنيم:: ضيقت عينيها وبصت لـ رودينا هى القمر منين شكلك بيقول انك حتة أجنبي و أول مرة تنزلى مصر
رودينا:: يس اول مرة انزل مصر عمرى كله فـ چيرمني.. بس أنا بابى و مامى مصريين
جاسر:: ضيق عينيه أوى هو كمان و رفع حاجبه .. امممممم و لما انتى اول مرة تنزلى مصر بتتكلمى مصرى كويس اوى كدا أزاى يعنى
رودينا:: بابى و مامى كانوا بيعلمونا أنا و أخواتى نتكلم مصرى لابليب
تسنيم:: برفعة حاجب .. لأ واضح أنك بتتكلمى مصرى لابليب فعلا
أحمد:: أشتد غيظه من أخواته .. وبعديييييين
تسنيم:: بهمس لـ أحمد جبتها منين دى يا شقى . فينك يا روڤان يا بنت خالى تيجى تشوفى
أحمد:: بنفس الهمس أتلمى يا خفة شوية لا تيجى تنط دلوقتي و الحكاية مش ناقصة
حلم:: بضحك لـ رودينا.. اسمها لبلب يا رودينا مش لابليب هههههههههههه
رودينا::وير إيفر .. المهم انى بعرف اتكلم كويس و خلاص
فارس:: بهمس لـ حلم أبنك وقع عليها فين دى
حلم:: مش عارفة يا حبيبى .. أه يا خوفى ربنا يستر
و فجأة جرس الباب رن و فاتن فتحت و كان أدهم و أمل و ولادهم
أدهم:: السلام عليكم يا قوم
فارس:: و عليكم السلام يا حبيبى
أمل:: أزيك يا عم العيال و أنتى يا سلفتشى عاملة ايه
فارس و حلم :: الحمدلله يا أمل انتى أخبارك ايه
لوچين:: دخلت و عينها ع رودينا و لـ تسنيم هى مين المزة ؟
تسنيم:: بهمس بلوة و أتحدفت علينا
فارس أدهم:: اول ما شافها رودى أزيك عاملة ايه
رودينا:: بسعادة .. هاى فارس ازيك يا مفترس
جاسر:: بأندهاش .. مفترس !! اه يا جاحد بقى تفترسها لوحدك من غير ماتبعت لأبن عمك حبيبك
فارس أدهم:: بغيظ .. أتلم ياض أنت أحسنلك
أدهم:: بضحك لـ فارس مش عيب يا أبنى تفترس البنت و هى بريئة و كيوتة كدا
أمل:: بغيظ ..أدهههههم و بعدييين
فارس أدهم:: جرا إيه يا بابا انت هتفهم غلط انت كمان و لا ايه
أحمد:: بضحك لـ رودينا أسمه الفك المفترس وضحى انتى تقصدى ايه فى ناس هنا بتفهم غلط
فارس أدهم:: بغيظ لـ أحمد أنت كدا وضحتها يعنى يا فالح و بص لـ أدهم هى تقصد أسمى الحركى يا بابا عشان كنت مع أحمد فى مأموريته
فارس:: لـ رودينا نورتى يا بنتى أهلا وسهلا بيكى
رودينا:: ميرسيه يا أونكل
جاسر:: بمرح ..طبعا لازم تنور يا باشا ما هى ماشاء الله لمبة ليد ڤولتها عالى مش زى لمبات الجاز اللى هنا دول
تسنيم و هنا و لوچين فى نفس واحد:: نععععععععم مين دول اللى لمبات جاز يا سى جاسر
أدهم:: بضحك ألحق أجرى يا جاسر قبل ما يمسكوك بنات دراكولا دول
هنا:: بغيظ يا سلام يا سي بابى بقى أحنا بنات دراكولا ؟!
حلم:: بضحك لـ هنا لا يا حبيبتى انتوا اجمل قمرات منورين حياتنا
هنا:: حدفت لها بوسة فـ الهوا .. حبيبتى يا انطشى
لوچين:: لـ رودينا هى الشحرورة منين
رودينا:: مش عارفة مين شرحورة دى
هنا:: بتريقة .. اسمها شحرورة ياختى مش شرحورة
لوچين:: قامت و لفت حواليها و بتتكلم و هى بتطوحلها شعرها و تشد فى بلوزتها و تلسعها ع دراعها اللى باين .. أنتى يا غندورة شعرك العجيب ده و هدومك اللى نسيتى تلبسيها دى و دراعاتك الحلوين دووول بيقولوا انك مش من حِدانا
رودينا:: لـ لوچين بضيق و هى مش فاهمة بتعمل فيها كدا ليه .. نو انا مش من حِدانا انا من چيرمني بس بشتغل فى باربادوس
هنا:: بأستغراب .. بتشتغلى فين ياختى !!
أحمد:: بتوضيح .. الكاريبي يا هنا أمريكا الشمالية
هنا:: أااااااه قوووولتلييي .. اممممم تيب
فارس:: لـ أحمد بهمس انا بقول تاخد ضيفتك و تجرى قبل بنات ريا و سكينة دول ما ينقضوا عليها
أحمد:: بنفس الهمس هو أنا ما قولتلكش انها هتفضل هنا كام يوم ؟
فارس:: لأ ما حصلش
أحمد:: طيب يا باشا أدينى قولتلك
جاسر:: نط وسط أحمد و فارس .. أنتوا بتقولوا ايه شكلكم بتتكلموا ع المزة و بعلو صوته يا ماماااااااا ألحقى جوزك و أبنك هيضيعوا منك و بيخبط كف ع كف عليه العوض و منه العوض الراجل و أبنه اتجننوا ع كبر
فارس:: لـ جاسر أتلم يا حيواااان بدل ما تتعلق زى زمان
حلم:: مالك يا جاسر فى ايه بتزعق ليه كدا
جاسر:: لـ فارس بهمس هتقول كنت بتقول ايه انت و أبنك ع المزة و لا أجتهد أنا و أقول لحلم حياتى ؟
فارس:: بغيظ من جاسر لـ حلم ياريت يا حبيبتى تؤمرى بتجهيز أوضة لدكتورة رودينا هتنزل عندنا ضيفة كام يوم و لـ جاسر بهمس مش فارس المنصورى اللى يتلوى دراعه يا حيوان
حلم:: بأبتسامة حاضر يا حبيبى
لوچين:: بهمس سمعته حلم و فارس .. لـ جاسر أنت لازم تمشي من هنا طول ما البت دى موجودة فى بيتكم انا بقولك أهو
حلم:: بضحك لـ فارس .. الكلام ده مابيفكركش بحاجة ههههههههههههه
فارس:: سبحان الله كأن الزمن بيعيد نفسه .. نفس الكلام اللى قالته أمل لـ أدهم لما جات ضحى ههههههههههههه
جاسر:: بغمزة لـ لوچين .. هو الجميل غيران ولا أيه
لوچين:: بصراحة بقى أه يا جاسر انت ما تنضمنش و البت دى شكلها متحررة زيادة عن اللزوم
جاسر:: بيرقص حواجبه و بيغنى .. لوچين ليلاتى مدمرة حياتى حياتى لوچين ليلاتى مدمرة حياتى بغيرتها كدا ليه
لوچين:: بقى انا مدمرة حياتك يا جاسر .. عشان بحبك و بغير عليك أبقى مدمرة حياتك و راحت ضـ ـرباه كوع فى دراعه ماااااشى يا أبن عمى انا هوريك التدمير على حق
جاسر:: بوجع أه .. يا بنت المجنونة
____________________
فـ المطار نفس الوقت
أمجد و هاجر رجعوا مع ولادهم زياد و روفيدة زيارة لأول مرة من وقت ما قرر أمجد يهاجر و يستقر فى ألمانيا بعد زن كتير من زياد انه عايز ينزل يشوف بلده اللى بيسمع عنها بس منهم و هم خارجين من المطار فى الطريق رايحين شقتهم
هاجر:: بأنبهار ياااااه يا أمجد البلد أتغيرت خالص
أمجد:: بحنين .. فعلا يا هاجر معالمها أتغيرت تماماً سنين كتير أوى بعدنا عنها.. بس رغم التغيير ده لسة ريحتها حلوة زى ما هى
روفيدة:: بأستغراب .. ريحتها حلوة ازاى يعنى يا ميجو ؟!
أمجد:: مهما أشرحلك يعنى ايه يا روفا مش هتفهمى
زياد:: لأ بجد يا بابا عايزين نفهم صحيح بلدكم شكلها حلو بس برضوا مش فاهمين إيه ريحتها دى
هاجر:: لـ زياد و روفيدة .. ريحة جوها الهوا الأرض ريحة الطين الزرع ريحة الناس الطيبة اللى بتخلق من قلب الأزمة ضحكة تهون بيها ع نفسها حياة تانية خالص غير الحياة اللى عايشينها فـ ألمانيا
أمجد:: لما تعيشوا هنا و تتعرفوا ع الناس هتعرفوا معنى كلامنا ده
روفيدة:: سورى ميجو نو واى أعيش هنا انت صحيح علمتنا ازاى نتكلم لغة بلدكم لكن ما تحلمش داد اننا نعيش هنا
هاجر:: بعصبية ايه حكاية بلدكم دى انتى و أخوكى أسمها بلدنا مش بلدكم .. مش معنى انكم اتولدتوا برة و معاكم الجنسية الألمانية تبقوا مش مصريين يا عيال أمجد
أمجد:: الله عليكى يا چورى إديهم كمان و كمان
هاجر:: أيوا يا ميجو سخني عشان أديهم كمان ههههههههههه
زياد:: ببراءة .. ليه بس يا مامى هو انا أتكلمت أنا ساكت أهو و بتفرج من الشباك هى البت دى اللى مش ساكتة خالص
هاجر:: أهى البت دى بقى هشوفلها عريس هنا عشان ترجع لأصلها .. فينك يا رودى دايما مريحانى
روفيدة:: بغيظ .. ع فكرة بقى رودينا كمان مش هتكون عايزة تفضل هنا فـ بلدكم دى
أمجد:: بهدوء لـ روفيدة ما تحكميش ع البلد من غير ما تعيشي فيها أصبري مش يمكن انتى اللى تقررى تفضلى هنا و ماترجعيش تانى ألمانيا .
زياد:: مش لما نوصل الاول يا دوك و نشوف بيتنا ده شكله أيه و بعدين نتكلم و نقرر
هاجر:: خلاص وصلنا يا أخرة صبري كلها دقيقتين بالظبط
و بالفعل بعد مشاكسات طول الطريق بينهم وصلوا أخيرا و انبهر زياد و روفيدة بشقتهم رغم بساطتها بس لاقوها نضيفة و مترتبة و لما سألوا هاجر قالتلهم انها كلمت صاحبتها ألاء و طلبت منها تعمل كدا علشان خاطر لما يوصلوا يكون المكان نضيف و مترتب و ما يتعبوش فى تنضيفه
____________________________
فـ ڤيلا فارس
قاعد أحمد بيحكى لكل الموجودين عن ريان و ازاى أتعرف عليه و ساعده فى قضية رودينا و أزاى اتفق مع فارس أبن عمه يروحله و يرجعوها بأسم لوچين بعد ما أوهموا المنظمة انها ماتت و فجأة
لوچين:: بصدمة نععععععم ؟! هى ميييين دى اللى إديتوها أسمى و بتشاور ع رودينا بقى السحلية دى اللى قفاها لازق فـ وشها ماحدش عارفها رايحة و لا راجعة تاخد أسمى انا ليييييه
فارس أدهم:: بهدوء ..لوچى حبيبتى ممكن تهدى شوية ده مجرد شغل يا قلبى
لوچين:: بتذمر يعنى يا أبيه تسفرونى و ترجعونى و انا نايمة فـ بيتنا ما اعرفش حاجة كدا ينفع يعنى
جاسر:: تؤتؤتؤ ينفعش يا مزتى طبعا ده تسيّب أزاى يعملوا كدا أزااااى
أدهم:: بغيظ .. ولا يا جاسر أتلم و ماتنساش إنى قاعد مفهوم
جاسر:: لأ مش ناسي يا عمى و من الأخر كدا أنا عايز أتجوزها إيه قولك بقى
فارس:: مش لما تخلص كليتك الأول يا بغل أنت بعدين تبقى تقول عايز اتجوز
جاسر:: برفعة حاجب لـ فارس إيه علاقة الكلية بالجواز يا باشا ؟ ثم انا و المزة فـ أخر سنة و كله شهر او اقل ع الأمتحانات يعنى مالكش حجة
أحمد:: طيب أتلم و أطلع ذاكر كلمتين ينفعوك قبل الأمتحانات
جاسر:: لـ أحمد وأنت مالك انت مش طالع ليك شوق فـ حاجة ؟
تسنيم:: بتشاور بصابع إيدها 👍 لـ جاسر .. أنت كدا أستمر أستمر
بعد شوية و هم قاعدين دخلت عاليا و سيف و ولادهم و كمان ياسمين و قصي و ولادهم وبعد السلام و الترحيب
شادى:: عينه ع رودينا مش تعرفونا بالصـ ـاروخ الهارب من ناسا ده
جاسر:: لـ شادى صـ ـاروخ ايه ياض دى الدكتورة ليد قصدى لمبة يووووه ركز يا أبنى الدكتورة رودينا ضيفة أحمد باشا
فارس:: بتريقة .. هو برضوا اللى يركز يا أخر صبري و لا أنت ؟
جاسر:: بزعل مصطنع .. جرا أيه يا بابا واخدنى عدوك ليه ده أنا أبنك حبيبك حتى .. ولا أكونش أبن مراتك من ام تانية
سيف:: لـ جاسر بتحريض .. أعترض ياض و أعمل أحتجاج ع جبروت الظالم ده و طالب بحقك
جاسر:: أيوا يا عمو حرضنى جامد عشان أثور ع حكم الراجل ده
فارس:: قام وقف من غير ما يتكلم
جاسر:: شافه بيقف بس و طلع يجرى ع الجنينة خلاااااص حررررمت و لـ سيف عاجبك كدا فضلت تحرضنى و تسخني عليه اهو هيقوم يعلقنى منك لعاليا و الـ ـسـ ـاطـ ـور يا عمو
ياسمين:: بضحك لـ سيف اوبااااااا هى وصلت لـ الـ ـسـ ـاطـ ـور يا سيف
سيف:: بغيظ مصطنع .. اه ياختى هى أخت مييين يعنى و عينه ع فارس .. ربنا ع المفترى
قصي:: لـ سيف أشترى نفسك يا أبنى بدل ما تلاقى نفسك متعلق زى زمان
رودينا:: بأنبهار لـ فارس واااو حضرتك كنت بتعلقهم ؟ كنت بتعملها أزاى و فين ؟
حلم:: بضحك لأ يا رودى مش بيعلقهم زى ما فهمتى هو بس كان بيجرى وراهم مش أكتر
رودينا:: اوووه يعنى مش بيشيلهم كدا و يعلقهم ع الحيط او فـ أسمه ايه ده اه السقف ؟
فارس:: ههههههههههههه و من بين ضحكه بذمتك يا رودينا يا بنتى و هو بيشاور ع سيف الكائن ده يتعلق ازاى فـ السقف
سيف:: بغيظ حقيقى لـ رودينا .. ع فكرة بقى يا قمر أنتى كان بيعلق جاسر فـ باب الڤيلا و يعذبه كمان
رودينا:: بأستغراب لـ فارس .. اوه نو مش ممكن معقول يا أونكل حضرتك تعمل كدا
فارس:: اه كنت بعمل كدا لما بيغلط و احب اعاقبه لكن أكيد مش بعذبه يعنى كنت بعلقه بس
جاسر:: داخل من الجنينة و سامع فارس و لـ رودينا و هو بيرقص حواجبه تحبى تجربي يا قمر
أدم:: لـ جاسر و عينه ع رودينا أكيد ما تحبش تجرب يا ظريف المزة الكيوتة دى عايزة تتعامل برقة
شادى:: لـ رودينا أنا بقول نتعرف يا قمر انا شكشك سنجل بائس ايه رأيك نبقى ديو سوا سوا
أدم:: لـ شادى ولا يا شكشك اتلم ياض المزة القمر دى عايزة واد حليوة و مخلّص زيى و لـ رودينا سيبك من الواد ده انا دومى و ما عنديش مانع أبقى دومك يا جـ ـمر و نبقى كابل فورتيكة قولتى ايه
أحمد:: بزعيق .. وبعدييين منك ليه له مش نتلم بقى و لا اييييه
قصي:: لـ أحمد لو أتلموا يبقوا كوارث أزاى يعنى يا أبو حميد
فارس أدهم:: عندك حق و الله يا عمي دول يجرالهم حاجة لو عقلوا شوية
هنا:: لـ فارس وهى بتحط دراعها ع كتفه .. بعد الشر عنهم من العقل يا ابو الفوارس ياخويا
ياسمين:: بضحك .. بعد الشر عنهم من إيه يا هنا ؟!
هنا:: من العقل يا مزتى
حلم:: ليه يا هنا بس كدا ده انا نفسي يعقلوا شوية
هنا:: تؤتؤتؤتؤ العقل مرض مزمن يا أنطشى بيخلى صاحبه دمه تقيل و بهمس سمعوه كل اللى قاعدين . زى أحمد و ياسين و فارس كدا اعوذ بالله منهم لما يضـ ـربوا البوز يا ستااار
ياسين:: كان داخل من باب الڤيلا .. بقى أنا دمى تقيل يا هنا مااااشى يا بنت خالى انا هوريكى تقل الدم شكله ايه
فارس أدهم:: لـ ياسين هى قالت عليك لوحدك يعنى سيبك منها انا هعلقها لما نرجع البيت
حلم:: شافت ياسين داخل لوحده سألت .. حور مش معاك ليه يا ياسين
ياسين:: عندها عمليات كتير النهاردة و رفضت إنى استنى معاها لغاية ما تخلص قولت أجى اطمنكم بنفسي عشان ماتقلقوش عليها .
و بالفعل بعد فترة طويلة من الهزار و الضحك اتعرفت رودينا ع عيلة المنصورى و بعد شوية وقت أدهم و أخواته البنات و ولادهم رجعوا بيوتهم و فارس و حلم و ولادهم طلعوا أوضهم يرتاحوا
_________________________
فـ ألمانيا 🇩🇪
قاعد ألبرت فـ مكتب داغر و بيكلم نفسه و هو بيشرب:: أمتى يجى اليوم اللى أخلص منك فيه يا داغر الكـ ـلب و أبقى أنا زعيم المنظمة دى كلها و أبقى الكل فـ الكل هنا و فى العالم كله و بيفتكر لما داغر رجعه تانى ألمانيا بعد قـ ـتـ ـل حصان حلم
“فلاش باك”
داغر قاعد فى قلعته الحصينة و نده على ألبرت
ألبرت:: جه جرى ع صوته .. أوامرك بوص
داغر:: بزعيق .. من أمتى ألبرت بتمشي بدماغك و مابتنفذش أوامرى؟
ألبرت:: بأندهاش .. أنا بوص ؟!
داغر:: أيوا أنت ألبرت
ألبرت:: أبدا بوص صدقنى انا بنفذ أوامرك بالحرف الواحد
داغر:: بغـ ـضب .. تبقى كبرت و خرفت ألبررررت ولااااااازم تنـ ـضـ ـرب بالـ ـنـ ـار زى خيل الحكومة لما تكبر و تعجز
ألبرت:: وشه أصفر من كتر خوفه من غـ ـضب داغر و بتوتر .. لـ لـ ليييه بس بوص أأأأنا عملت ايه
داغر:: مسك مـ ـسـ ـدسه و وجهه ع ألبرت .. عشان غبى ألبرت غبييييي و أنا مش بحب الأغبياء اللى حافظين بس مش فاهمين
ألبرت:: بتوتر أكبر و عدم فهم .. ممممش ففففاهم تقصد أيه بوص
داغر:: و هو ع نفس وضعه .. أقصد حلم الرشيدي و حصانها ألبررررت اللى أنت قـ ـتـ ـلته
ألبرت:: مممماله بوص ؟
داغر:: بفحيح الأفعى من بين أسنانه .. قولتلك لما تقـ ـتـ ـله تسيييب رسالة تخوفهم مش تعرّفهم أحنا مييييين ألبرت
ألبرت:: أأأأأنا عملت كدا بالظبط بوص سيبت فارغ الـ ـرصـ ـاص جنب جـ ـثة الحصان زى ما أمرت
داغر:: بغـ ـضب جحـ ـيمى .. و ده الغباااااء بعيييينه ألبرررت .. أنت خليتهم عرفوا مييين اللى بيحـ ـاربهم
ألبرت:: هيعرفوا منين بس بوص
داغر:: مش عايز غبااااااء ألبرت .. أنت نااااااسي فارس المنصورى و أبنه بيشتغلوا ايييييييه و فيييييين و طبيعى يعرفووووا من الفارغ اللى رميته نوع الـ ـرصـ ـاصة و الـ ـسلاااااااح كمااااان
ألبرت:: بقلق من داغر واللى ممكن يعمله .. فاتتنى دى بوص غلطة و مش هتتكرر تاني
داغر:: ألبرت أنا سبق و قولتلك أكتر من مرة الـ ـقـ ـتـ ـل عندى أسهل حاجة .. بس أنت نظير خدمتك ليا سنييين كتيرة هرحمك و أعفيك من مكانك و أرجعك ألمانيا و أبعت أجيب أدريان بدالك
ألبرت:: بغيظ جواه .. بلاش أدريان بوص و أنا هاخد بالى المرة الجاية
داغر:: مافيش مرة جاية ألبرت .. حالا تطلع ع المطار و ترجع ألمانيا مايطلعش النهار عليك هنا و إلا ماتلومنيش ألبرت
“عودة للوقت الحالى”
قـ ـطع تفكيره رنة موبايله و شاف المتصل روز و رد .. الووو
روز:: الوو ألبرت ازيك
ألبرت:: بحنين .. وحشتينى روز مشتاق لك كتير
روز:: و انت كمان ألبرت وحشتنى .. مش ناوى ترجع تاني ؟
ألبرت:: بغيظ .. أنتى عارفة روز داغر حاكم عليا افضل هنا وما أنزلش مصر و الا هيـ ـقـ ـتلنى
روز:: داغر خلاص أتجنن ألبرت و ماحدش قادر عليه و ماشى يدوس ع الكل بسبب انتـ ـقامه
ألبرت:: و أيه الجديد روز داغر طول عمره ماحدش بيقدر عليه و بيدوس ع أى حد .. انا بس اللى حظى حلو و نفدت من تحت إيده
روز:: عندك حق انت فعلا حظك حلو انه عاقبك بس برجوعك ألمانيا..تخيل أنه قـ ـتـ ـل أدريان بسبب حلم الرشيدي و مش عارفة ناوى ع أيه تانى ألبرت بجد انا بقيت بخاف منه
ألبرت:: كان ماسك كاس الويسكى فـ إيده اول ما سمع أسم أدريان وقع منه و سألها بوجع قولتى قـ ـتـ ـل أدريان ؟
روز:: أيوا ألبرت قـ ـتـ ـله .. مسكين أدريان داغر خلاه حط المـ ـسـ ـدس فى دماغه و قـ ـتـ ـل نفسه
ألبرت:: خبط ع المكتب بغـ ـضب و لنفسه نهايتك قربت داغر ، قربت أوى
روز:: مالك ألبرت بتقول أيه مش سامعاك
ألبرت:: مابقولش روز يلا أقفلى باى
وقفل المكالمة وهو بيتوعد لداغر بكل كره و غل بعد ما قـ ـتـ ـل أدريان
_________________________
فـ ڤيلا فارس
بعد مرور كام يوم رجعت روڤان هى و فُتنة من أمريكا و راحوا عند حلم عشان يسلموا عليها و يباركوا ليها و هما لسة داخلين من باب الڤيلا شافوا
رودينا نازلة من ع السلم لابسة برمودة چينز و بادى كت و رافعة شعرها ديل حصان و أول ما شافت روڤان أبتسمت:: هاى و بتمد إيدها تسلم .. أزيك
روڤان:: بأندهاش من غير ما تمد إيدها .. أنتى ؟!
رودينا:: يس أنا رودينا
روڤان:: اتجمعت دموعها فـ عينيها و لـ حلم بتعمل ايه البت دى هنا يا عمتو ؟
حلم:: بقلق من رد فعلها .. دى ضيفة أحمد
روڤان:: بغيظ يعنى ايه ضيفة يا عمتو بالمنظر ده ؟
رودينا:: يعنى قاعدة عندهم شوية علشان مش عندى مكان أقعد فيه
روڤان:: نعم ياختى ده اللى هو أزاى بقى أن شاء الله
رودينا:: هزت كتافها .. معرفش أسألى أحمد هو اللى قال أجى أقعد هنا
روڤان:: شافت أحمد نازل ع السلم و بزعيق .. أنت اللى جبت البت دى هنا ؟ أننننطققق . أنت مش قوووولت أنها كااااانت مجرد حد بيساعدك عشان قضية عمتووووو تقدرررر تقوووول دلوقتى بتعمل ايييييه هنا يا أحمد
أحمد:: لسة هيتكلم …..
رودينا:: غمزتله يسكت و لـ روڤان مش قالك قبل كدا انى حبيبته الجديدة و انتى راحت عليكى
أحمد:: جواه يخربيييتك يا بعيدة ده انا ماصدقت انها رجعت و بص لـ روڤان بعيون بتترجاها ما تصدقش رودينا
روڤان:: بصدمة نععععم ؟!
رودينا:: و هى بتقرب منه .. يس حبيبته الجديدة
روڤان:: بصت لـ أحمد الكلام اللى بتقوله البت دى صح ؟! رررررد
دخلت علا هى و عاليا بعد ما اتقابلوا ع الباب مع فارس أدهم فـ نفس اللحظة اللى بتتكلم فيها روڤان مع أحمد و قبل ما يرد عليها
رودينا:: شافت فارس داخل و بأبتسامة هاى فاروسة المفترس
علا:: برفعة حاجب .. نعم ياختى فروسة ايه
رودينا:: ببراءة .. المفترس
علا:: بغيظ لـ فارس أدهم من أمتى و أنت فاروسة يا أستاذ و مييين ديييييي يا فااااااارس
حلم:: شافت علا و روڤان شايطين .. أهدوا يا بنات و أقعدوا
علا:: و هى واقفة بتشمر درعها لأ يا طنط مش هقعد غير لما أفهم من الباشا ده إيه حكاية فاروسة دى
رودينا:: أنا أقولك يا أسمك ايه
علا:: قولى يا منحنحة
فارس أدهم:: بهمس لـ أحمد ألحق سكتها قبل ما تروح فريسة تحت إيد بنت عمتك
أحمد:: بنفس الهمس.. يا شيخ اتنيل هو انا لو كنت عرفت اسكتها كان ده بقى حال روڤان و عينه عليها و هى واقفة بتتنفس غيظ و بص ع الباب شاف باقى بنات و شباب العيلة داخلين مع أخواته راجعين من النادى و لـ فارس كملت يا أبن عمى ربنا يستر
فارس أدهم:: ألللعب البت دى قعدتها هنا خطر يا باشا لازم ترحلها
أحمد:: أعمل ايه لازم تفضل هنا تحت حمايتى شوية
لوچين:: دخلت و شافت رودينا بلبسها اللى نزلت بيه من اوضتها و بغيظ هو انتى ع طول ناسية هدومك كدا
رودينا:: نو انا مش ناسية هدومى .. انا معايا هدوم كتير فوق
تسنيم:: بتوضيح .. قصدها انك ناسية تلبسي هدومك
رودينا:: نو توتة انا لابسة هدومى اهو مش ناسية ولا حاجة
جاسر:: بمرح و هو بيغيظ لوچين .. دكتورة ليد قصدى رودي سيبك من الناس المعقدة دى و خليكى براحتك
لوچين:: نعععععم يا سى جاااااسرر بقى أحنا معقدين و أستاذة من غير هدوم دى هى اللى فري
جاسر::و هو بيرقص حواجبه.. حصل يا بنت عمى انتوا بالنسبة ليها غفر و بص لـ أدم و شادى مش كدا يا شوباب
أدم و شادى:: حصل يا جاسور
روڤان:: بصت لـ أحمد .. أنا عاااايزة أفهههههم سبب وجود البت دى هنااا إيه بالظبط يا حضرة الظابط
أحمد:: طيب أهدى شوية و انا هفهمك
روڤان:: بعصبية .. لأ مش ههدى يا أحمد انت هتتكلم و دلوقتي حالا
أحمد لسة هيرد اتدخلت رودينا بهزار و هى بتحط إيدها ع كتفه من غير ما تنتبه لـ الشـ ـرار اللى طالع من روڤان و علا و لوچين:: أحمد حبيبى و انا حبيبته و طبيعى اكون فـ بيته يا أسمك إيه
أحمد:: غمض عينيه و فتحها تانى و شال إيدها من ع كتفه و أتكلم بعصبية .. دكتورة رودينا أرجوكى ده مش وقت هزار خالص و بص لـ روڤان ممكن تهدى و تسمعينى بقى و بطلى تبقى زى الطـ ـور الـ ـهـ ـايج كدا و أفهـ…..
روڤان:: بمقاطعة و بزعيق لـ أحمد أنا بقى هوريك الطـ ـور الهـ ـايج ده هيعمل ايه و فجأة جابت رودينا من شعرها وقعتها فـ الارض و قعدت عليها و نزلت فيها ضـ ـرب
فارس أدهم:: بسرعة .. ألحق يا أحمد خلصها من إيد روڤان قبل ما تموت فى إيدها
علا:: نعععععم يا سي فاااارس قلبك عليها اوى طاااااايب و دخلت مع روڤان تضـ ـرب فـ رودينا و مافيش حد عارف يحوش عنها و هى خلاص هتموت فـ إيديهم من كتر الضـ ـرب
هنا:: مرة واحدة صرخت جوووووون أحسن يا بنات عاش وحوش إدى يا جدى يا معلم يا معلم يا معلم
جاسر:: بغيظ .. أتنيلى يا هنا و اسكتى و لا ادخلى فكى الاشتباك ده .. ده مش ماتش كورة يا بنت المجانين عشان تهللى كدا .. البت هتفرفر فـ إيديهم و دخل وسطهم حاول يخلصها منهم و معرفش
لوچين:: بخبث لـ جاسر عنك يا أبن عمى سيب لى انا الطالعة دى وسعلى بس كدا شوية
جاسر:: لـ لوچين هاحبك أكتر من كدا ايه بس
لوچين:: وسع بقى كدا و دخلت تكمل مع علا و روڤان ضـ ـرب
جاسر:: اه يا بنت المجنونة و لـ فارس أدهم بغيظ أنت وااااقف تتفرررج ألحق أختك و خطيبتك هيموتوا البت
فارس أدهم:: ببرود أنا قولت لـ أخوك هيفترسوها ماصدقنيش
أحمد:: لـ فارس بغيظ يا برودك يا أخى أتحرك هات أختك و سكتها
جاسر:: لـ أحمد و بالنسبة لبنات دراكولا التانيين دول يا باشا هنعمل معاهم ايه يعنى
حلم:: قامت بعصبية و زعقت و بعديييين معاكم روڤااااااان علاااااااا ما يصحش كدا … روڤان و علا .لا حياة لمن تنادى مش سامعين و لا شايفين غير رودينا و هى بتصرخ تحت إيديهم و لوچين بتعمل نفسها بتخلصها و هى قاعدة تعض فيها و فجأة وقفت و ندهت ع تسنيم و هنا و حور و رؤى يدخلوا معاها فـ نفس اللحظة دخل فارس و معاه سيف
سيف:: بأندهاش أوبااااااا و لـ فارس انت فتحت حلبة مصارعة فـ بيتك و لا أيه يا عم انت
فارس:: مش عارف والله و زعق بصوته كله .. بسسسسس فى اييييييه
البنات قاموا من الأرض ع صوت فارس و سابوا رودينا واقعة بتعيط من كتر الضـ ـرب و بتقولهم .. يا متوحشين يا مفترسين ..خنازير همجيين
علا:: بغيظ أنتى لسة فيكى نفس و كمان بتشتمى
فارس:: بعصبية .. علاااااا و بص لـ أحمد أيه اللى بيحصل هنا بالظبط
أحمد:: أبدا يا بابا رودينا كانت بتهزر معاهم بس هما ما عجبهمش هزارها
فارس:: وقف و حط أيده فى وسطه و بص للبنات .. بقى عشان هزارها ما عجبكمش تعملوا فيها كدا ، و قال بحسم . اتفضلوا اعتذرولها يلا
رودينا:: بدموع الوجع .. نو واى يا اونكل مش عايزة اعتذار انا هطلع اخد هدومى و أمشي
فارس:: لـ رودينا انتى مش هتمشي من هنا و هما هيعتذروا و حالا و بص للبنات تانى قولت أعتذرولها يلا
روڤان:: سكتت و دورت وشها عنها و نفخت بغيظ
علا:: بصت لـ فارس و سيف و رجعت بصت لـ رودينا بغيظ و برضوا ساكتة
لوچين:: بغيظ لـ فارس لأ بقى يا عمو مش هنعتذر هى اصلا بت مستفزة و تستاهل العلقة اللى كلتها بس ها
فارس:: بزعيق .. لوچيين و انا قولت هتعتذروا ايييه مافيش سمعان كلاااام . أتفضلوا يلا انتوا التلاتة أعتذروا ومش هكرر كلامى تانى يلااااااا
روڤان و علا و لوچين سمعوا كلام فارس و اعتذروا لـ رودينا و هما هيفرقعوا من كتر الغيظ و بعد شوية وقت الكل مشيوا روحوا بيوتهم و فارس عاتب أحمد و حلم ع الموقف اللي حصل و أعتذر بنفسه لـ رودينا و عزمها تقضي كام يوم فى المزرعة تعويض ليها عن العلقة اللى اخدتها
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية العشق الأبدي 2 (توأم روحي))