رواية العشق الأبدي 2 (توأم روحي) الفصل الثاني عشر 12 بقلم لبنى دراز
رواية العشق الأبدي 2 (توأم روحي) الفصل الثاني عشر 12 بقلم لبنى دراز
رواية العشق الأبدي 2 (توأم روحي) البارت الثاني عشر
رواية العشق الأبدي 2 (توأم روحي) الجزء الثاني عشر
رواية العشق الأبدي 2 (توأم روحي) الحلقة الثانية عشر
ما جاء في حديث أم سلمة -رضي الله عنها- أنها قالت: (سَمِعْتُ رَسولَ اللهِ صَلَّى اللَّهُ عليه وَسَلَّمَ يقولُ: ما مِن عَبْدٍ تُصِيبُهُ مُصِيبَةٌ، فيَقولُ: {إنَّا لِلَّهِ وإنَّا إلَيْهِ رَاجِعُونَ}، اللَّهُمَّ أْجُرْنِي في مُصِيبَتِي، وَأَخْلِفْ لي خَيْرًا منها، إلَّا أَجَرَهُ اللَّهُ في مُصِيبَتِهِ، وَأَخْلَفَ له خَيْرًا منها
صدق رسول الله صلى الله عليه وسلم
توأم روحي بقلمى✍️__________لبنى دراز
فـ ڤيلا داغر
داغر قاعد فـ مكتبه بعد ما بعت فيديو الحادثة لـ فارس وحلم بيكلم نفسه و بضحكة شر هاهاهاهاهاهاها
و أخيراً هشوفك مكسـ ـورة يا بنت الرشيدي و من بين اسنانه و لسة يا حلم أنتى و فارس ياما هتشوفوا مني
و حق السنين اللي عدت من عمري دى
كلها لااااااازم أدفعكم تمنها و يكون غالى أوى و أبتدا دفع اول قسط النهاردة هاهاهاهاهاهاهاهاها و نده ع روز اللى جات جرى
روز:: دخلت المكتب بقلق .. أوامرك بوص
داغر:: بضحك .. أنا مبسوط أوى روز
روز:: بتنهيدة راحة .. أسمحلى أعرف السبب ؟
داغر:: حققت إنجاز عظيييم روز
روز:: كونجراتيوليشن بوص
داغر:: عايز أحتفل النهاردة بإنجازي
روز أعزمي كل أصدقائنا عايزها حفلة
كبيرة جدا و بغمزة ماتنسيش الحلويات عايز انبسط كمان و كمان
روز:: قربت منه بدلع .. أنت تؤمر بوص
داغر:: قام من ورا مكتبه و هو خارج برة الاوضة و بنظرة كلها رغبة عايز افتتح أحتفالى و أختمه بيكى ياقمر
أبعتى الدعوات للأصدقاء و حصلينى
روز:: أوامرك بوص ، أؤمر و روز رهن أشارتك ، بس ما قولتليش بوص ايه هو الإنجاز العظيم اللى حققته
داغر:: بص لها بهدوء .. مع أنى مابحبش اللى بيتدخل فـ اللى مايخصوش روز بس هقولك عشان انا مبسوط و مش عايز حاجة تعكر مزاجي و تعكنن عليا ، النهاردة قدرت أخيراً أكسب جولة من حلم الرشيدى
وفارس المنصوري ولسة باقى الجولات و بشرود لاااااازم أكسبها لااااازم أقضي عليهم نهائي
روز:: أسمح لي أخمن بوص أخدت من حلم صفقة و أحبطت قضية لـ فارس
داغر:: تؤتؤتؤتؤ أكبر روز
روز:: دبرت قضية جديدة لـ حلم مش هتعرف تخرج منها
داغر:: لالالالا أكبر أكبر
روز:: طيب دبرت قضية لـ فارس تقضي ع مستقبله المهني و تسجنه
داغر:: بضحكة شر .. أكبررر أكبرررر من كدا بكتيييير روز
روز:: قربت منه بدلع أكبر و لفت دراعاتها حوالين رقبته .. غُلبت و مش عارفة أخمن بوص
داغر:: حاوطها بدراعه و ضمها لحضنه .. اصطادت اول واحدة من ولادهم و هى فـ عربيتها و فجأة بوووووووم و زمانهم يا حرام مش عارفين يلموا أشلائها هاهاهاهاهاهاها
روز:: انتفضت جواها من كتر خوفها بس بسرعة قدرت تداريه و أبتسمت مبروك بوص
داغر:: باسها فـ خدها حقى أحتفل بقى و لا لأ
روز:: وهى ع نفس وضعها .. أكيد من حقك طبعا تحتفل بوص وتبقى السهرة للصبح ، و جواها نفسي أعرف فى ايه بينك و بينهم داغر
يخليك بتنـ ـتقم منهم بالطريقة دي
____________________________
فـ المزرعة
بيت حازم نفس وقت الحادثة
قاعدة الاء بتتفرج ع التليفزيون مع
ولادها و هما بيعاكسوا فيها زى عوايدهم هى عايزة المسلسل اللى بتتفرج عليه و هما عايزين القنوات الرياضية و أخدت منهم الريموت عشان ما يغيروش المحطة اللى عليها المسلسل
عامر:: بغيظ مصطنع .. هاتى يا ماما الريموت بقى
الاء:: لأ لما تخلص الحلقة
عمر:: بتذمر .. يا ماما الماتش هيبتدى هاتى بقى خلينا نلحقه من اوله
الاء:: لـ عمر و انا قولت لأ
عامر:: خليكى حلوة بقى يا لولو و اتفرجي عليها فى الإعادة و هاتى الماتش
الاء:: ببرود .. مش بحب اتفرج ع الإعادة
عمر:: بحزن مصطنع لـ عامر مش عارف انا ايه الناس دى يا اخى لا راضيين يجيبولنا شاشة فـ اوضتنا و لا سايبينا نتفرج براحتنا
عامر:: بنفس الحزن .. ناس ظالمة اومال لو ماكناش ولادهم كانوا عملوا فينا ايه بس ياربي
عمر:: شكلهم كدا لاقونا ع باب المزرعة يابنى عشان كدا بيعاملونا المعاملة دي
عامر:: قولتلى بقى و انا أقول بابا بيغير مننا ليييييه اتاريه عارف اننا مش ولاده
عمر:: أيوا يابنى اومال انت كنت فاكر ايه
عامر:: امممممم طيب تفتكر مين أبونا و أمنا
عمر:: مش عارف يا اخى ، يلا بقى خلينا هنا لغاية ما نعرف هما مين
الاء:: حطت رجل ع رجل و حطت كوعها ع رجلها و كف ايدها تحت دقنها و بصت لهم برفعة حاجب و قالت و بعدهالكم يا ولاد حازم
هتفضلوا تغنوا و تردوا ع بعض كتير كدا
عامر:: ببراءة .. طيب هاتى الريموت و احنا نسكت
الاء:: لما الحلقة تخلـ…….. و قطعت كلامها فجأة لما شافت خبر عاجل و بتعلي صوت التليفزيون
المذيعة:: جاءنا الأن البيان التالى تعرضت نجلة سيدة الأعمال حلم الرشيدى الى حادث مروع أودى بحياتها ….
الاء:: بصريخ لااااااااااااااااااا يااااااارب
لاااااااا
عامر:: بخوف استنى يا ماما لما نفهم الاول
عمر:: بنفس الخوف اهدوا شوية نسمع الاول و نتاكد و رفع صوت التليفزيون. تانى
المذيعة:: هذا عبر ما نقلته وكالات الأنباء ومراسلينا من قلب الحدث حيث كانت تسنيم المنصوري أبنة سيدة الأعمال الشهيرة حلم الرشيدي و اللواء فارس المنصوري رئيس قطاع الأمن الوطني تسير بسرعة جنونية مما أدى إلى انقلاب السيارة بها أكثر من مرة ثم انفـ ـجارها و هى بداخلها
الاء:: بانهيار لاااااااااا مش ممكن مستحيل الخبر ده أكيد كدب تليفونى فين انا لازم اتأكد من الخبر ده ، و هى بتدور ع فونها عشان تتصل تتأكد
حازم:: دخل جرى و هو منهار و لـ الاء تسنيم بنت حلم
الاء:: قطعته بصريخ لاااااااااااااااا ما تقولش ان الخبر ده صح يا حازم ارجوك
حازم:: بحزن للأسف صح لسة أمجد متصل بيا و بلغنى
الاء:: طلعت تجرى ع باب البيت
عامر:: وقفها بدموع ماما هتروحى بهدوم البيت كدا
انتبهت الاء لنفسها و رجعت تغير هدومها و بالفعل كلهم طلعوا غيروا هدومهم و جريوا ركبوا عربياتهم و رجعوا السويس عشان حلم و فارس
________________________
فـ مكان الحادثة
فـ ثوانى الدنيا انقلبت بعد انتشار الخبر صحافة و اعلام و اسعاف و مطافى و نيابة و تحقيقات ناس رايحة و ناس جاية و زحمة كتيرة جدا اما فارس و حلم و حور و جاسر و أحمد واقفين مش مستوعبين الخبر
و حاسين انهم فـ كابوس و هيصحوا منه يلاقوا تسنيم عايشة
رائف:: بحزن ..قرب من أحمد بيحاول يفوقه .. فوق يا أحمد عشان خاطر طنط حلم و عمو فارس ، فوق عشان تقدر تكمل اللى جاى و تتابع التحقيقات و تفهم ايه اللى حصل
أحمد:: بشرود و قلب موجوع .. دى توأمى حتة من روحى نصي التانى يعنى ايه تروح كدا مرة واحدة مني
رائف:: لازم تهدى و تتماسك أرجوك
أحمد:: بانهيار بقووووولك توأمى اننننتتت عااااااارف يعنى ايه تسنييم تروح و تسيبني ؟ استنجدت بيااااااااا و ملحقتهاااااااش يا راااااائف ملحقتهااااااااااش أاااااااااااااااااه و دينى لو طولته هقـ ـطع من لحمه حي هخلييييييه يشوف الموووووووووت
بعينيه فـ الثانية مليييييون مرة و يتمناه و ما يطولوووووش
سامر:: قرب لـ حلم بعد ما الاسعاف شالت جـ ـثـ ـة تسنيم و مشيت .. يلا يا حبيبتى نمشي و لـ فارس يلا يا عمى بينا الواقفة هنا مالهاش لازمة
ياسين:: عندك حق يا سامر و لـ جاسر يلا نروح المشـ ـرحة عشان نخلص الإجراءات و ندفـ…….
جاسر:: بانهيار لااااااااااااااا أختى عايشة تسنيم مماتتش ماحدش يقول انها ماتت تسنيم عايشة أنتوا فاهمين عااااااايشة عااااااايشة
فارس أدهم:: لـ جاسر و أحمد اللى منهارين و بيصرخوا من قلبهم ع أختهم و توأم روحهم بوجع لما انتوا كدا عمى و طنط يعملوا ايه أجمدوا بقى علشان خاطرهم و يلا بينا
وبالفعل ركبوا عربياتهم كلهم و راحوا
ورا عربية الأسعاف و اول ما وصلوا المشـ ـرحة دخلت حلم هى و فارس مع سامر بخطوات تقيلة بيقدموا رجل و يأخروا التانية عشان يشوفوا بنتهم
حلم:: بإيد بترتعش بترفع الغطا من ع وشها و لما شافتها صرخت لااااااا دى مش بنتى مش تسنيم
فارس:: شاف شكلها وهى متفحمة و معالمها رايحة و غمض عينيه بوجع و بكل الغـ ـضب اللى جواه خبط قبضة إيده فـ الحيط من غير ولا كلمة
سامر:: لـ حلم يا حبيبتى انا عارف انه صعب عليكى انك تشوفيها كدا بس خلاص أمر ربنا نفذ
حلم:: بانهيار بقووووولك مش بنتى و قربت من فارس مسكته من بدلته عااااايزة بنتى يا فارس هاتلى بنتى تسنيييييم يا فااااااارس ياما قولتلك لو جرا حاجة لحد من ولادى هروح فيهاااااا قولتلى متخافيش مش
هيقدر يقرب لهم و اهوووووو قدرررررر يا فااااااااارس قدر وقرب لولادى قرب و خطـ ـف بنتى من حضنى يا فااااارس وسلمها للمووووت
فارس:: شدها لحضنه و قلبه رافض يصدق اللى حصل زيها و من بين اسنانه و رحمة أمى و أبويا ما هرتاح الا لما اجيبه و أكله باسنانى أكل
حلم:: هتجيـ…… و قبل ما تكمل كلامها
وقعت بين إيدين فارس فاقدة الوعى
فارس:: زادت ضربات قلبه و بصريخ و انهيار حللللللللم فووووقى أرجوووووكى و شالها و خرج جرى بيها برة المشـ ـرحة و كل العيلة جريت وراه
هشام:: بص لـ سامر و باقى شباب العيلة ياسين و فارس أدهم و أدم و شادى و كان معاهم زياد أمجد حتى عامر و عمر اللى وصلوا لحظة ما فارس خرج جرى وهو شايل حلم ، و قال خليكم هنا و خلصوا الإجراءات و بص لـ فتنة و عاليا و ياسمين خليكم هنا انتوا كمان عشان الغُسل
وطلع جرى ورا فارس و احمد و جاسر
ع المستشفى
_____________________
فـ المستشفى
دخل فارس جرى و هو شايلها و معاه أدهم و أمل و دخلوها اوضة الكشف بيحاولوا يفوقوها لكنها مش بتفوق و أضطر أدهم يدخلها العناية المركزة بسرعة بسبب سرعة ضربات قلبها عشان ينظمها لها من خوفه أن قلبها يقف مرة تانية و بص لـ فارس بقلب بيتقطع بعد ما وصل حلم بالأجهزة
أدهم:: يلا يا فارس نطلع برة و أمل معاها شوية و هتفوق
فارس:: بيهز دماغه بـ لأ و عينيه عليها من غير ولا كلمة
أمل:: بدموع سيبه يا أدهم أخوك مش هيخرج من جنبها لغاية ما تفوق يلا نطلع احنا برة و نسيبه معاها
وفعلا طلعوا و كان برة العناية أحمد و جاسر و رائف و قصى و سيف و أمجد و هاجر و حازم و الاء و حسام و هشام حتى بنات العيلة كلهم علا و هنا و لوجين و رؤى و روڤان مع حور وكمان رودينا و روفيدة بنات هاجر حتى أحلام الرشيدي و بناتها و خديجة و فاروق اللى جم جرى لما سمعوا الخبر فـ التلفزيون و الكل تحت تأثير الصدمة و رغم كل اللي حصل ماحدش قادر يستوعب حاجة
قصى:: بوجع لـ أدهم حلم عاملة ايه يا ادهم فاقت ولا لسة
أدهم:: بيأس حلم رافضة تفوق يا قصى و خايف تدخل فـ غيبوبة او قلبها يقف زى ما حصل لها قبل كدا يوم وفاة مامتها
حسام:: بخوف ع أخته .. يعنى ايه يا أدهم الكلام ده اتصرف بأى طريقة لازم حلم تفووووق انت فاهم
سيف:: أهدى يا بشمهندس أكيد أدهم مش هيتأخر و هيعمل كل اللي عليه
أدهم:: صدقنى يا حسام انا عملت كل اللي اقدر عليه عشان ما تدخلش فـ الغيبوبة و حاولت بقدر المستطاع انظم لها ضربات قلبها بس للأسف هى اللى رافضة الواقع و مافيش فى إيدنا حاجة نعملها غير اننا ندعيلها تفوق و تعدى الازمة دى
جوة العناية
فارس بقلب موجوع و دموع مابتقفش ماسك إيدها .. أرجوكى يا حلم فوقى ماتسيبنيش انا ماقدرش
أعيش من غيرك قومى عشان خاطرى
عشان تقوينى ع اللى جاى انا مش حمل خسارتك أنتى كمان و بتنهيدة وجع .. عارف أنك زعلانة منى عشان ماكنتش قد وعدى بس صدقينى حاولت اوصل له لكن فشلت ، فشلت يا حلم غصب عنى و بانهيار لأول مرة ينهار بالشكل ده أنا فااااااااشل فااااااااشل فشلت أنى أحميكى و أحمى ولاااااااادى انا ما أستحقش اعييييييش ما أستحقش أكون أب انااااااا ما كنتش قد وعدى و خذلتك بس أرجووووووكى فوووووووقى ، و بكل الغضـ ـب اللى جواه بلاااااااش تهرررررربى أنااااااا مش هسمحلك تهرررررربي و تسيبينى وحدي أنتى فااااااااهمة و هو بيهز فيها جامد .. بقوووولك فووووووقى و كفاااااااية هروووووب قومى واجهى بكل قووووتك معاياااا عشان نلحق باقى ولادنا قومى يا حلم بقولك قوووومى
أدهم:: سمعه هو و أمل من برة و دخلوا جرى عشان يهدوه و قال .. أهدى يا فارس هون ع نفسك يا حبيبى عشان تقدر تكمل
فارس:: أترمى فـ حضن أخوه و وصرخ بكل قوته صرخة هزت جدران المستشفى و قلوب كل اللي موجودين .. ااااااااااااااااااااااااااااااااه
أدهم:: بوجع ع أخوه .. أهدى يا حبيبى أنا عمرى ماشوفتك بالضعف ده طول عمرك انت اللى بتسندنا و بنتقوى بيك
فارس:: هى اللى بتقوينى و بتسندنى يا أدهم من يوم ما دخلت حياتى و انا بتقوى بيها ماينفعش تسيبني دلوقتي انا ضعيف أوى من غيرها مش هقدر استحمل خسارتها هى و تسنيم فـ يوم
واحد
أدهم:: خرج فارس من حضنه و مسكه من كتافه هى ما اتعودتش عليك ضعيف يا فارس قوى نفسك يا حبيب
أخوك و صدقنى وقتها حلم هتفوق
أمل:: واقفة بتتابع حالة حلم رغم الوجع اللي مالى قلبها و فجأة حست بحركة إيدها و شافتها بتحاول تفتح عينها و لـ أدهم حلم بتفوق يا أدهم بتحاول تحرك ايديها
فارس:: جرى عليها لما سمع أمل و قرب منها يكلمها عشان تستجيب و ترد عليه
برة العناية
حور مازالت مصدومة و مش بتتكلم و مافيش أى رد فعل غير أنها بترتعش وتهز جسمها جامد من غير ولا كلمة و لا حتى دموع و بصة للفراغ اللى قدامها و بس و البنات بتحاول رغم وجعهم و حزنهم ع تسنيم الا انهم بيحاولوا يخرجوها من حالتها دى
علا:: أرجوكى يا حور ما تسكتيش كدا
عيطى عشان تفوقى أخرجى من اللى انتى فيه ده
روڤان:: أصرخى يا حور طلعى اللى جواكى بس بلاش تقلقينا عليكى بالشكل ده
حور:: فـ عالم تانى خالص مش شايفة ولا سامعة غير تسنيم و ذكرياتهم سوا من صغرهم
“فلاش باك”
تسنيم:: بخ بتعملى ايه يا روروووو
حور:: بخضة .. أخص عليكى يا توتة خضتينى
تسنيم:: ايه اللى واخد عقلك يا قمر
حور:: المذاكرة ياختى هيكون ايه يعنى
تسنيم:: المذاكرة برضو و بغمزة ولا سينو أبن عمتو القمر ده
حور:: قامت من ورا مكتبها وجريت وراها أمشي روحي اوضتك يابت انتى و سيبينى أذاكر يلا
تسنيم:: بتجرى و هى بتضحك خلاص خلاص قلبك ابيض يا رورو هههههههه
“عودة للوقت الحالى”
لوچين:: بدموع .. حور أرجوكى ردى علينا عشان خاطرى اتكلمى قولى أى حاجة
حور:: ع نفس وضعها بترتعش و ساكتة بس انتبهت ع صوت هشام و هو بيرد ع فونه
هشام:: رن فونه بيعلن عن مكالمة بأسم سامر و رد .. أيوا يا سامر
سامر:: خلاص يا بابا خلصنا كل حاجة
ومستنيينكم
هشام:: حاضر هبلغ عمك فارس و نيجى كلنا
سامر:: بلاش تخلى عمتو تيجى يا بابا
مش هتستحمل و هتتعب تانى
هشام:: عمتك لغاية دلوقتي مفاقتش يا سامر ، ربنا يستر يا أبنى اقفل انت و أحنا جايين مسافة السكة و بص لـ أحمد سامر خلص كل الإجراءات و لازم نمشي عشان الدفن
حور:: خرجت عن صمتها أخيرا و جريت ع خالها بصريخ دفن مييين
هااااااا هتدفنوا ميييييين ؟ تسنيم !!
و جريت ع أحمد و جاسر هيجيلكم قلب تحطوا عليها التراااااااااب هتقدروووووا تسيبوها لوحدها فـ الضلمة و تقفلوا عليييييهاااااااا
أحمد:: ضمها لحضنه يهديها و حاسس ان روحه بتروح منه .. أهدى يا حبيبتى ده أمر ربنا
جاسر:: مازال فـ حالة رفض و عدم تصديق ..ماتخافيش يا حور تسنيم عايشة صدقينى اللى هتندفن دى مش تسنيم مش هى صدقينى مش هى
سيف:: لـ جاسر أهدى يا جاسر و اجمد
عشان تقدر تتحمل اللى جاى و راح ناحية باب العناية خبط ع الباب و بلغ
أدهم باتصال سامر
جوة العناية
أدهم:: لـ فارس يلا يا حبيبى سامر خلص كل حاجة و مستنينا
فارس:: رفع عينه لـ أدهم بوجع روحوا
انتوا و سيبونى هنا مش هاقدر يا أدهم الموقف أكبر منى
أدهم:: معلش يا حبيبى انت مؤمن بالله و عارف أن ده أمر ربنا و لكل أجل كتاب و ربنا قال فـ كتابه الكريم
أعوذ بالله من الشيطان الرجيم
بسم الله الرحمن الرحيم ( كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ ) صدق الله العلي العظيم .. أستغفر ربنا و قوم عشان نكرم تسنيم و نوصل الأمانة
فارس:: غمض عينيه بقلب موجوع و دموع مش بتقف .. أستغفرك ربي و أتوب إليك الصبر من عندك يارب ، اللهم أجرنى فى مصيبتى و أخلفنى خيراً منها ، و عينيه ع حلم عمره اللى غابت تانى عن الوعى سامحينى يا حبيبتى غصب عنى هسيبك و أمشي
أمل:: قوم يا فارس و ماتقلقش عليها
أنا معاها يلا انت عشان تلحق الوقت
و بالفعل قام خرج برة العناية بخطوات تقيلة و أنكسار روح و سانده أدهم و عينه راحت تلقائى ع حورية قلبه اللى جريت عليه و اترمت فـ حضنه
حور:: برعشة خوف و وجع .. رايح فين يا بابى ماتسبنيش
فارس:: باس جبينها راجع تانى يا حبيبتى بس خليكى جنب مامى عشان ابقى مطمن عليها و عليكى
حور:: بتهز دماغها من غير و لا كلمة و خرجت من حضنه
و خرج بالفعل من المستشفى مع جاسر و أحمد و كل اللى موجودين باستثناء أمل و البنات اللى فضلوا مع حور و حلم
______________________
فـ المشـ ـرحة
وصل فارس و أحمد و جاسر بقلب موجوع ع حتة من روحهم فارقتهم و جواهم رافضين يتقبلوا فكرة موتها
و بص لـ سامر و مش قادر يتكلم
سامر:: أنا عارف يا عمى اللى بيدور فـ دماغك و مش هسكت صدقنى هقلب الدنيا لغاية ما أوصل للى وجع قلوبنا
و لـ أحمد لازم تفوق بأسرع وقت عشان تساعدني نوصله بسرعة
أحمد:: روحي راحت يا سامر أنا بإيدى
رايح أدفنها قول لى أزاى هافوق
فارس أدهم:: لازم تفوق يا أحمد و تريح روحك و روحها و تجيب لها حقها ماحدش غيرك هيقدر يعمل كدا
سيف:: بتنهيدة وجع .. يلا يا أحمد أنت و جاسر أدخلوا مع عمك و خالك هشام طلعوا أختكم عشان نوصلها
جاسر:: بانهيار لاااااااااااااا لااااااااااااا مش قااااااادر مش قااااااادر اللى جوة
دى مش أختى مش تسنيييم لاااااااااا
أدهم:: بزعيق و قلبه واجعه ع أخوه و ولاده .. و بعدين معاك يا جاسر ايه
الكلام اللى بتقوله ده ماحدش ينفع يشيلها غيرك انت و أخوك اتفضل يلا معايا
جاسر:: صدقنى مش قااااادر يا عمى والله ما قادر غصب عني يا ناااااااس
أحمد:: قرب من جاسر و حضنه عارف انه صعب عليك و عليا بس أحنا لازم
نتماسك عشان خاطر بابا يا جاسر شايف حالته عاملة ازاى يلا يا حبيبى عشان خاطرى
جاسر:: بدموع و هو فـ حضن أخوه أزاى هاشيلها بإيدى يا أحمد و انزلها فـ حفرة ضلمة و اسيبها لوحدها ازاى بس قول لى
أحمد:: ع نفس الحالة هو كمان .. ده أمر ربنا يا جاسر بس و غلاوتها عندنا ما هرتاح و لا يهدالى بال غير لما أجيبه تحت رجلى و أقطع من لحمه باسنانى و هو حى
و بالفعل دخلوا الاتنين مع عمهم و خالهم و شالوا النعش و خرجوا بيه من المشـ ـرحة تحت نظرات فارس اللى اول ما شافهم رجله خانته و كان
هيقع لولا سيف و قصى اللى مسكوه
و لحقوه و ابتدوا يتحركوا و كانت جنازة مهيبة و كبيرة جدا و فيها ناس
كتيرة من رجال و سيدات الأعمال المحبيين لـ حلم الرشيدى و كان ع رأسهم حسين العوضي و مراته و كمان اللوا عادل و فريق أحمد و باقى
رجالة الجهاز و كمان رجالة الأمن الوطني كلهم مش فريق فارس بس وصلوا للمسجد صلوا الجنازة و خرجوا ركبوا عربياتهم و راحوا المقابر
و بعد مرور ساعتين خلصت فيهم مراسم الدفن و استقبال العزا
أحمد:: بص للناس .. أحنا اخدنا العزا ع التُرب خلاص و مافيش عزا تانى
شكر الله سعيكم
قصى:: بأندهاش من قرار أحمد .. ازاى يا أحمد الكلام ده ، يعنى ايه مافيش عزا
أحمد:: زى ما سمعت حضرتك مش هعمل عزا قبل ما أجيب حق أختى من اللى كان السبب فـ نومتها دى ، و ده أخر كلام عندى
قصى:: أتنهد بأستسلام .. اللى تشوفه يا أبنى يلا بينا نرجع
أحمد:: اتفضلوا انتوا و انا قاعد شوية
حسام:: قرب من أحمد .. يلا يا حبيبى الوقت اتأخر ما ينفعش تفضل لوحدك هنا و الدنيا ليل و بعدين حلم محتجالكم جنبها دلوقتي
أحمد:: رفع عينه لـ حسام .. عايزنى أسيب أختى لوحدها يا خالى فـ مكان زى ده و وقت زى ده
هشام:: بوجع لـ أحمد .. أنت مؤمن بالله ماينفعش اللى بتقوله ده و بعدين مين قالك انها لوحدها هى دلوقتى بين إيدين ربنا يعنى فـ مكان أفضل من هنا بكتير ، أستهدى بالله يا أبنى و يلا عشان أبوك و أمك محتاجين أبنهم الكبير يكون قوى و يسندهم
أحمد:: حاضر يا خالى
وفعلا سمع أحمد كلام أخواله و مشي معاهم من المقابر و راحوا كلهم ع المستشفى عشان يطمنوا ع حلم
__________________________
ڤيلا داغر
فـ نفس وقت الجنازة عند داغر موسيقى و غُنى و رقص وصخب و أصوات الضحك عالية جدا بسبب الشرب و فجأة رن فونه
داغر:: الوو
المتصل:: ……………
داغر:: قفل المكالمة و هو بيضحك
هاهاهاهاهاهاهاهاها و بص لـ أصدقائه
و رفع إيداه بالكاس لفوق . دعونا نشرب فـ نخب الانتصار العظيم يا أصدقائى
روز:: قربت منه بدلع فـ صحتك بوص
داغر:: شرب الكاس اللى فـ ايده و قرب منها اوى و بغمزة انا طالع اوضتى ابعتيلى حتة من طبق الحلويات اللى حضرتيه روز ههههههه
وفعلا طلع اوضته و روز طلعت وراه و معاها بنت من البنات اللى طلبها وصلتها له و نزلت تكمل الحفلة
________________________
فـ المستشفى
رجع فارس مع كل العيلة بعد ما خلصت مراسم الدفن ع المستشفى عشان يطمنوا ع حلم
حور:: شافتهم و جريت عليهم وقفت قصاد فارس .. فين تسنيم يا بابى وديتها فين ؟ ما جبتهاش معاك ليه ؟
فارس:: خدها فـ حضنه و ساكت مش قادر يتكلم
حور:: خرجت من حضن فارس و بصت لـ أحمد و جاسر طيب قولولى انتوا أختى ماجاتش معاكم ليه؟
أحمد و جاسر بصوا فـ الارض بأنكسار
و سكتوا
حور:: مسكت أحمد من هدومه و بتهز فيه جامد بانهيار وديت تسنيم فيييين يا أحمد وديتها فييييين قدرت تدفنها ؟ ازاااااااى طاوعك قلبببببك و هى توأمك أزاااااااى أييييدك دى و هى بتشده منها طاوعتك تحط عليها الترااااااااب و قربت من جاسر و عملت نفس الحركة
وانت أزااااى قدرت تسيبها لوحدها فـ الوقت ده أزاااااااااى
جاسر:: شدها لحضنه يهديها غصب عني والله غصب عني لو ينفع كنت دفنت نفسي معاها و ماكنتش سيبتها
حور:: عايزة أختى يا جاسر رجعهالى عايزة تسنـ…. وفجأة سكتت
جاسر:: حس بـ جسمها بيترخى بين إيديه و بتاخده وتنزل صرخ لـ أدهم ألحقنى يا عمى حور أغمى عليها و شالها دخلها فـ اوضة الكشف
أدهم:: دخل جرى هو و ياسين و كل العيلة وراهم
ياسين:: بخوف بيحاول يفوقها هو و أدهم لكن هى مش بتفوق
أدهم:: حاول تانى و نده ع هند الممرضة
هند:: جات جرى أفندم يا دكتور
أدهم:: بسرعة جهزي لى حقنة (…) حالا
هند:: حاضر و فعلا جهزت الحقنة وجابتها
ياسين:: أخد منها الحقنة بسرعة و خوف و حقن بيها حور عشان تفوق
حور:: فاقت بس قامت تصرخ ..تسنييييييييييم لاااااااااااااااا
أدهم:: بسرعة إدلها حقنة مهدئ عشان تنام و شاور لـ بناته خليكم جنبها ماتسيبوهاش
هنا:: بدموع ما تقلقش يا بابى انا جنبها لو فى حاجة هتصرف خليك بس مع عمو و طنط
جوة العناية
دخل فارس يطمن ع حلم عمره اللى أبتدت تفوق و اول ما شافته دورت
وشها بعيد عنه
فارس:: بحزن .. لأ يا حلم أرجوكى ما تعمليهاش فيا بلاش
حلم:: وشها الناحية التانية و دموعها نازلة بس مافيش رد
فارس:: عشان خاطري يا حلم اتكلمى قولى أى حاجة بس بلاش تبعدى عنى
بالشكل ده ماتوجعيش قلبى أكتر ماهو موجوع
حلم:: دورت وشها ناحيته و بصت له بعيون كلها لوم و عتاب فـ نظرة طويلة و رجعت بصت للفراغ قصادها
من غير ولا كلمة برضو
فارس:: أنا مش قد نظرة اللوم دى يا بنت الناس ، أنا عارف أنى خذلتك بس
عشان خاطري ماتسيبيش حضنى و تبعدى ، أنا ضعيف أوى من غيرك يا حلم ، لوميني وعاتبينى و انتى جوة حضنى قويني بيكى يا حبيبتى أتكلمى قولى كل اللى جواكى ماتسكتيش
حلم:: برضو ساكتة و دموعها نازلة زى الشلال ع خدها مش بتقف وقلبها بيصرخ من وجعه ع حتة منها راحت
وكل ذنبها أنها بنتها و بنت فارس
أستسلم فارس بيأس لسكوتها و قعد ع الكرسي جنبها و حط راسه ع السرير و دموعه نازلة ع خده و جواه بـ ـركان لو أنـ ـفـ ـجر هيـ ـحـ ـرق العالم كله
برة العناية
وصل سمير بعد ما أتصل بـ سامر من المطار و عرف أنهم فـ المستشفى و بعد ما سلم عليهم سأله
هشام:: تعبت نفسك و نزلت ليه يا سمير ؟
سمير:: بحزن .. ماكانش ينفع يا هشام
أسمع الخبر و ما أنزلش
سامر:: و شغلك يا خالى
سمير:: شغلى يستنى يا سامر انما ماكانش ينفع اتأخر ع فارس باشا و حلم هانم ، لازم أكون جنبهم فـ موقف زى ده يا أبنى ، دول جميلهم فـ رقبتي
ده لولاهم كان زماني مرمي فـ السجن
لغاية ما عفنت و لا كان حد حس بيا
هشام:: اصيل يا سمير
سمير:: طمنى يا هشام هما عاملين ايه دلوقتى
هشام:: أدعيلهم يا سمير ربنا يهونها عليهم و يصبرهم و يصبرنا كلنا ع المصيبة دى
سمير و كل اللى موجودين أمنوا ع كلام هشام
و كانت الليلة على الكل من أصعب الليالى اللى مرت عليهم فـ حياتهم و فـ نفس الوقت كانت من أسعد الليالى اللى مرت ع داغر
لا تأسفن على غدر الزمان لطالما
رقصت على جثث الأسود كلاب
لاتحسبن برقصها تعلو على أسيادها
تبقى الأسود أسوداً والكلاب كلاب
(الأمام الشافعى)
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية العشق الأبدي 2 (توأم روحي))