رواية أسرار الماضي لبنت الناس الفصل التسعون 90 بقلم رينا الهادي

رواية أسرار الماضي لبنت الناس الفصل التسعون 90 بقلم رينا الهادي

رواية أسرار الماضي لبنت الناس البارت التسعون

رواية أسرار الماضي لبنت الناس الجزء التسعون

رواية أسرار الماضي لبنت الناس الحلقة التسعون

اسرار الماضي لبنت ناس
بقلم / رينا الهادي
الجزء الثاني الفصل الثامن والاربعون
المفاجئة
أنهت نهر الكلية مبكرا لخوف لناس من الخروج فقد إستفحل وباء كورونا و معظم من بالمدارس و الجامعات لا يذهبون الا للضرورة مع السماح لبعض الصفوف الاولي باخذ اجازات جبرية لتخفيف العبء والكثافة المرورية كانت نهر في الفترة الماضية قد اشترت متوسيكل صغير لها كي لا تركب مواصلات كثيرا حتي أنها تسافر بة لامها ذهبت لبيت المغتربات التي كان اقل من نصفة مشغول واخذت شور وجمعت كل ما تريد من صور و كتالوجات واخذت اللاب توب الخاص بها واتجهت الي حيث الشقة الموآجرة لبرهان أغا كانت تعرف أنة بصحبة خبير في الاجهزة الطبيةعندما زنت الجرس فتح لها أدو .
آدو : حمد الله بالسلامة .
نهر : الله يسلمك , إية الاخبار جيتوا من زمان خلعت حذائها و إتجهت مباشرة إلي الحمام الخارجي تغسل وجهها ويدها ثم خرجت ولبست حذاء بيتي كانت إبتاعتة عندما تم تأجير المكان كل ذلك و إدوارد يحكي لها عن برهان أغا وصديقة بصوت منخفض فقد كان كلا من برهان و إيمري بصالة الإستقبال يشاهدون بكل آسي تطورات الأحداث بالعالم نتيجة هذا الوباء .
نهر : السلام عليكم ورحمة الله وبركاتة .
برهان و إيمري : وعليكم السلام .
برهان : تخيلت إنك ستستقبلينا وليس صديقك لما كل هذا التاخير ؟
نهر : تعرف إني أدرس كان عندي تقديم لوحات وهنا معظم الدرجات علي اعمال السنة و ربما لن يكون هناك إمتحانات آخر العام لذلك كان لابد من الحضور ثم أني دائما أستعين بأدو و هو ايضا يستعين بي في معطم أعمالنا مدت يدها لتقول لايميري ,اسمي رينا اهلا بكم في مصر .
قاطعها برهان : بدون سلام رينا بدون ملامسة ألم تتعلمي بعد من كل تلك الكوارث لقد أصبحت كل البلاد تقريبا تكتب شريطا علي جميع القنوات بعدد المصابين والموتي .
نهر بعد أن سحبت يدها : عندك حق أغا , صراحة كنت أشك في قدومكم لهنا في تلك الظروف فمعظم البلاد منعت السفر ولا أعرف تقسيرا لافتتاح المشفي وسط كل هذا القلق والتوتر .
إيمري : بالعكس هو وقت صائب تماما سمعت عن عدم قدرت المستشفيات هنا علي إستيعاب المصابين لدرجة أصبح الحجر في بعض المدارس بعد إغلاقها من الطلبة .
نهر : إسمحوا لي أن أجلس أولا أشار برهان براسة لتجلس وجلس أدوارد ايضا علي كرسي بعيد .
نهر : هذا هو الحال في معظم الدول خصوصا مع الإنتشار الواسع و السريع و الاغرب أن دول متقدمة مثل إيطاليا يكون فيها كمية هذة الحالات لدرجة عمل مقابر جماعية .
برهان : مادام لم يتم عمل مصل فطبيعي أن الدول التي تعتمد علي السياحة تكون هذا حالها الصين للأسف التي ظهر فيها بداية الوباء لها علاقات بكل دول العالم ولو ركزتي هتلاقي المنتجات الصينية في كل بلاد العالم و طبيعي ينتشر مع إنتشار الوفود الصينية للتجارة في كل البلدان و أعتقد مصر أيضا من الدول التي تعتمد علي السياحة .
نهر : بعد الثورة السياحة لسة بعافية عندنا مرجعتش أبدا زي الأول رغم الجهود الكبيرة لكن المنطقة كلها مش زي زمان فنقول الحمد لله المشكلة الحقيقة إن معظم الأرياف بدا يرجع المغتربينالي كانوا برة البلد لها وللاسف هنا الأرياف أقل حيطة و حظر في موضوع الكحول و الكمامات غير الفقر للأسف يعني رب الأسرة هيجيب أكل و شرب و لبس ولا كحول و منظفات .
برهان : المهم رتبتي دخولنا المشفي بالليل ؟
نهر : هتستريحوا النهاردة و بكرة بالليل هنتحرك و دة لان اليوم صعب لوجود بعض التركيبات وعمال كثر مع ان الشغل كان في الشهور الأخيرة بطئ جدا لوجود مشاكل في التكييف المركزى والكهرباء كتير غير تاخر وصول الفرش والأدوات الطبية .
إيمري : كان فية فعلا تاخر بسيط في الوصول لكن الجمارك هنا أخرت الموضوع أكتر غير أصلا معاذ إتاخر علي الإستلام من ميناء الإسكندرية ، فهمت من الاغا ان الدور المراد زيارتة سري مش ممكن تكون فية كاميرات مراقبة او حراسة مشددة ؟
نهر : فية طبعا كاميرات مراقبة و فية أوضة مراقبة في المستشفي من الخارج و طبعا دي عملت حسابها و هتتعطل بكرة لمدة ساعتين و أنا إلي هعطلها و هثبت الصورة و إلي هيساعدني ان الدور مقفول من ثلاث أيام وممنوع حد يدخلة أصلا لآنة كمان هيبدا يشتغل بعد تشغيل المستشفي بكذا يوم ولانة سري و الدنيا واقفة زي ما إنتم عارفين لسة طاقم الحراسة الأجنبي ما جاش من الخارج غدا الواحدة ليلا أدو هياخدكم وأنا هدخلكم .
برهان : بالبساطة دي هما أكيد عاملين رمز سري لدخول الدور رينا عرفتية ؟
نهر : الكاميرا الثلاثة ركبتها من إسبوعين في الغرفة الي بتفتح جدرها و ينزل سلم للدور و كلمة السر حاليا بتتغير كل أسبوع فايوة عرفتها من الكاميرا دلوقتي آدي صور لكتالوجات الاجهزة و آدي فلاشة عليها بعض الفيديوهات للاطلاع و علشان نتفق هننزل و نطلع من المكان إزاي.
بعد كثير من الوقت في المشاهدة والمناقشة قطع كلامهم إادوارد : بقالكم أربع ساعات بتتكلموا وأنا مش فاهم معظم الكلام بالقط بعض الكلمات إللي إتعلمتها بس خلاص حرام عليكم هموت من الجوع متفقتيش معايا علي كدة ثم هتروحي إزاي دلوقتي فاضل نصف ساعة علي ما بيت المغتربات يقفل هتهببي إية يا آخرت صبري ؟
نهر : يا خبر و إنت كمان إتاخرت عن شغلك .
إدوارد : شغل إية ؟ ميدينا إجازة إجبارية غير مدفوعة الأجر ياختي ما إنت الفترة إللي فاتت مش بشوفك يا إما بتجهزي حاجات هنا يا أما في البلد أو في شغل الكلية .
نهر : يعني إية إجازة اجبارية ؟
إدوارد : يعني قسمونا و قالوا هنشتغل نصف الشهر و ناخد نصف المرتب و إلي مش عاجبة يستقيل لانة الإشغال ضعيف ومفيش لا حفالات ولا إجتماعات المهم دلوقتي معدتي جعاااان .
برهان : عذرا و أنا ايضا جوعت ولابد ان أخذ ادويتي ولم ناكل من فترة كبيرة ( نظر لإيمري و تكلم بالتركية )الشاب جاع إيمري و رينا منذ أن دخلت لم تاخذ حتي مشروب وقد أوضحت إنها أتت من كليتها لهنا فلناخذ إستراحة لناكل .
نهر : لا أنسحب أنا يا دوب الحق البيت قبل ما يغلق .
إيمري : إلي أين يوجد هنا ثلاث غرف بعد أن ناكل و نكمل مناقشة أدخلي الغرفة الثلاثة و إغلقي الباب من الداخل أن أحببت لن تخرجي اليوم إنسي هل عندك كلية غداً .
نهر : اليوم كان آخر يوم ولا أستطيع ان أنام هنا فأمي لن ترضي بذلك .
برهان : ومن سيقول لأمك أهو هذا الفتي لا تقلقي لن تعلم .
نهر : أنا من سيقول و أعرف جيدا رائيها لن تسمح لي أنتم أغراب عني ولا يجب أن أنام بشقة فيها أغراب رجال حتي لو كانوا كبيري السن .
إيمري بابتسامة : إبنتي سناكل أولا جميعا و أوعدك ساحل مشكلة النوم و لن تغضب والدتك وعد .
نهر : رقية مستحيل توافق .
إيمري : لن نعرف أن نتصل بأحد للقدوم بالطعام ولن نستطيع الطلب اساسا .
نهر : ادو معكم والاغا يعرف العربية يستطيع التفاهم مع ادو غير إني مجهزة الثلاجة والديب فريز بآكلات وفواكهة وخضروات حتي العيش موجود وكل ما يحتاجة المطبخ كانت تتكلم و هي تجمع اشياؤها .
ليقول إيمري بمقاطعة و صوت صارم : لن تتركي المكان و إن لم توافق والدتك سإنزل معك بنفسي و أحجز لك حجرة بفندق أنتهي ، ماذا ستطلوبون لانني أعتقد أننا سنسهر كثيرا .
نظرت نهر لادو : مش عاوزني أمشي غير لما آكل الأول ونخلص كلام وبيقول لو أنة ما وفقتش علي بياتي هنا هيحجز لي غرفة بفندق طبعا هو فاهم أن معظم الفنادق الإشغال بتعها ضعيف .
إدوارد : إحنا كدة ماما هتنفخنا إحنا الاثنين شورتك الهباب إننا ما نقولش لها إن الاغا جاي مصر و هنرافقة للمستشفي .
نهر : إنت عارف هي قد إية خايفة علينا من الموصوع دة وازاي خلتني أسيب الشغل في الموقع لكن الأغا يومين وماشي و أكيد هقول لها بعد ما يمشي .
كان كلا من إيمري والاغا ينظران لهما و قد فهما كل ما قالا فقد علمت رقية إيمري الكثير من الكلمات العامية المصرية لكنة لم يكشف لأحد أنة يعرف اللغة أما الأغا فطبعا يعرف اللغة من نديم و أولادة الذين ما زالوا يشاهدون فيلم مصري كل أسبوع غير معاذ الذي يتكلم مع حفيدتة بالمصري كثيراً .
إيمري : هاااة أغا ماذا تريد من طعام ؟
برهان : أحب ان أخذ شوربة و زبادي و حبة فاكهة .
ايمري : وأنا توست بالجبن وآخر بالمربي وزفاكهة و إطلبوا أنتم ما يشاؤون و سأحاسب أنا ، إطلبي ما تريدين ولا تقيدي نفسك بنا أعلم لم تتناولي الغذا بعد وكذلك ذلك الشاب .
ترجمت نهر ما قالوا ليشهق إدوارد : إية أكل العيانين دة طب انا جعان بجد كنت عاوز نجيب من الحاتي .
نهر : عاوز إية يعني خلصني ؟
إدوارد : نصف فرخة مشوية ونصف كفتة وسلطات وممكن لو ربع كبدة .
نهر : إنت عازم حد ؟ إية دة يا بابا كرشك دة ولا بيبان حاجة علية هو حاجة واحدة بكرة إبقي أعملك أكل هتكسف اطلب كل دة وفي الاخر اديهم توست وشوربة .
إدوارد : انا جعان جعاااان و لما بجوع ما بفكرش و بعدين إية شوبة دي هتجيبي شوربة منين و شوربة إية اصلا ؟
نهر : انا هدخل المطبخ هعمل الشوبة والتوست وأعمل شوية مكرونة وفية فراخ متبلة أعملها واطلع أعمل كبدة وامري لله و هعمل لك سلطة طحينة ماشي أهدي بقي شكلنا إحنا إلي هنخلص الأكل هنا تعالي ساعدني يلا .
إدوارد : و أنا مالي يا لمبي .
نهر : تعالي يا بابا أعمل بلوقمتك .
أبتسم إيمري بمرح بعلاقة نهر و إدوارد و أستاذن ليدخل حجرتة و ما إن دخل حتي إتصل برقية التي يناديها عائشة .
إيمري : مساء الخير .
رقية : مساء الخير ايمري وصلت القاهرة ؟
إيمري: من حوالي ثمن ساعات لكن إنشغلت مع برهان أغا و إنتهزت فرصة إنشغال الجميع لاتصل بك لا أصدق أنني بمصر و لا استطيع رؤيتك أو زيارتك عائشة .
رقية : وقت وصولكم غريب إيمري ثم ان نهر مشغولة بالكلية و قالت أنة جاء لها عمل خاص و معها إدوارد و تعلم أن عمر معي حاليا غير رضا و أبناؤها لكننا دائما علي إتصال .
ايمري : عائشة إتصلت لأخبرك بأمر هام فأرجوك إلا تتعصبي و إهدئي .
عائشة : ربنا يستر أهم حاجة والدي بخير .
إيمري : بخير .
عائشة : هو دة المهم عندي شكرا لأنك وافقت تصاحبة في الظروف دي ديما واقف معايا قول مفيش حاجة ممكن تضايقني دلوقتي .
ايمري : بصراحة كنت متحمس أشوف الاغا هيدخل إزاي المشفي و متحمس أكتر أشوف الدور لكن الشك بدا يتسرب ليا لما إستقبلنا شاب اسمة إدوارد ووبعدين عرفت من الأغا اننا هننتظر بنت إسمها رينا طبعا أنا عارف ان تهر بتشتغل تحت إسم رينا والشك أصبح يقين لما شوفتها طبعا بشوف صورها مع سينام لكن هي اخر مرة كلمتني من سنين أنا عرفتها لكن هي لأ ما عرفتنيش دلوقتي هي عاوزة تمشي بعد ما نتعشي مع بعض للعلم هي جت من الكلية علي هنا ماعتقدش إنها إتغدت أصلا طلبت منها تنام هنا في الغرفة الفاضية رفضت بحجة إن أمها مش ممكن توافق بانها تبات في شقة مع إثنين رجالة أغراب إقنعيها عائش .
لم ترد عائشة
لينظر إيمري لهاتفة للتاكد أن المكالمة لم تفصل ثم بصوت مرتفع قليلا :عائشة أين أنت ؟
عائشة : بسمع إيمري مش مصدقة نهر وأدو ماقلوش ليا غير إن عندهم شغل لية نهر مالقتش إنها هتكمل مع الاغا هل عرفت حاجة ؟
ايمري : إتكلمت مع أدو و عرفت إنك السبب لترك العمل مع الاغا لخوفك عليها من معاذ و رفيق عندك حق طبعا خاقت أن تقلقي وقالت أنة مجرد يومين فقط وأعتقد سوف يعود عليها بعائد مادي جيد خصوصا أنها لم تاخذ باقي حقوقها المادية من الأغا علي عملها السابق والحالي .
رقية : وهذا أيضا يقلقني إيمري أبي أعرفة جيدا كان يعمل دائما بالحديث الشريف أعط للاجير حقة قبل ان يجف عرقة لما يتعامل بشكل مختلف معها بل علمت انة يعاملها بشكل جاف جدا .
ايمري : أشهد أنا أيضا أن الأغا ليس من طبعة أن يتاخر بدفع المستحقات لموطفية لكن لاحظت أن نهر او رينا تتعامل معة بندية و تفرض رائيها علية كان يريد ان يري الطابق في وقت سابق لكنها منعتة ساري لا تخافي عليها بالعكس تقربهما من بعضهما جيد جداً أنا بجانبها كما كنتم بجانب إبنتي وقبل أن تقولي شيئا العمل في هذا الوقت أون لاين عندي أي لا اتعطل عن العمل أرجو منك الإتصال بها والموافقة أن تبيت الليلة هنا و إلي ان نسافر .
عائشة : وماذا أقول إن سالتني من أين عرفتي؟ هل أقول منك ؟
إيمري : بالطبع إنت دائما تقولين الحقيقة لها غير أنك تخفين بعض الأشياء قولي لها ، علي الأقل تطمن أن والد صديقتها وصديقك بجانبها .
عائشة : أنت لست صديقي ايمري أنت أخي و هي تعلم ذلك لدرجة أنها احيانا كثيرة تغير منك و تقول أسرارك مع عمو إيمري و خالتي إنتصار لست مطمئنة من تلك الخطوة لكن واثقة بانك ستحمي إبنتي سلام إيمري .
بعد أن أغلق ايمري مع عائشة إتصل بسينام ليطمئن عليها مضي بعض الوقت ثم إتجه الي المطبخ .
إيمري بالتركية : كل هذا الوقت لتحضير الطعام ؟
نهر بإحراج : عمو آسفة إني لم أتعرف عليك كان لازم أفهم من أول ما عرفت إنك تخصص أجهزة طبية .
إيمري بمرح : هتنامي اليوم في الغرفة الفاضية صح ؟
نهر : روووقة وافقت طبعا لأنها بتثق في حضرتك .
إيمري : إنت مثل سينام نهر وأخاف عليك المهم أين عشائي وعشاء الاغا تاخرتوا كثيرا .
نهر : انا خلصت التوست و بعدين آنة إتكلمت التفت لاقيت آدو اكلهم هعمل تاني .
إيمري بتفكير : لأ آدو متوصي علية جامد من سينام قولي لة أنني ساكل طعامة ما دام أكل طعامي أحب أن اري رد فعلة .
نهر ضحكت بمرح : لأ آدو مع المثل القائل عض قلبي ولا تعض رغيفي ثم إن طعامة دسم عليك دي هياكل كبدة بالسمن والثوم و الطحينة .
إيمري : اعملي لي سندويشة واحدة وآخرللاغا و اثنين لة لكن لا تقولي لة أنة سيأخذ شيئا فقط أني قررت أن أكل طعامة هذة شوربة الاغا ساعطيها لة وأخذ معي الزبادي ابلغية هيا لنمرح معة .
ما أن أبلغت نهر إدوارد حتي غضب .
إدوارد : ازاي يعني أنا كنت بمسح زوري بس هو التوست دة هيشبع و بعدين كنت هعمل لة بدل إللي أكلتة ثم هما لسة ما حسبوناش علي الشقة أو حتي الأكل إلي مالي الثلاجة دة ماليش دعوة شكلها شغلانة هباب .
دخل إيمري وأخذ بعض الفاكهة و مشي ليضعها علي منضدة الانترية أمام الاغا .
ثم رجع ليجد إدوارد يتمم بغضب بكلماتة و نهر تعمل بجد الطحينية و تضعها في طبق ثم أخرجت الكبدة و وضعتها بالعيش لكن أصبحوا ست سندوتشات ليشهق إدوارد : هو هياكل ستة و هو راجل كبير كدة ما يقدرش يهضمهم يا نهر و انا اكلت بس اثنين توست العدل بيقول ياخد إثنين مكان إثنين .
ليرد إيمري بالعربية : لا حبيبي العدل أخذ طعامك ما دام أكلت طعامي .
شهق إدوارد : إنت بتعرف عربي ومدكن طب إية ؟ انا خايف علي صحتك في السن دة السمنة الكتير غلط عليك يا حج .
إنفجرت نهر و ايمري بالضحك .
إيمري : لا تخف علي صحتي أعتقد اني ساسهر مع نهر اليوم ولن انام بعد العشاء .
إدوارد : نهر (نظر لنهر ) هو عرف أسمك منين مش المفروض عارف إن إسمك رينا .
نهر : صح عمو نادي عليا رينا ما دام في الشغل (نظرت لادوارد ) أعرفك يا آدو دة عمو إيمري أبو سينام وآنة إقتنعت ابات هنا لأنها واثقة فية .
إدوارد إقترب من نهر ليقول بصوت منخفض : كان لازم أعرف نفس غلاسة بنتة .
ليمد ايمري يدة و يمسك اذنة : انا عائشة علمتني عربي وصوتك عالي وإنت متوصي عليك جامد من سينام إحفظ لسانك بقي وروح ودي الاكل .
إدوارد : أودية لية مالنا مش هاكل .
نهر : آدو معقول دول ضيوفنا مالك كدة معدتك ماثرة علي تفكيرك جامد .
ايمري : يا حرام فعلا زي ما قالت سينام بيعشق الأكل عموما أكيد مش ليا كل دة انا هآكل واحد واقنع الاغا ياكل واحد والباقي انت ونهر .
نهر : لا الباقي لة لوحدة أنا عملت شوية مكرونة وفراخ و هاكل هنا .
فكر إيمري أنها محرجة منهم فأحب أن يتركها كما تحب حتي تتعود عليهم وفعلا أكلوا جميعا وقد أعجب ايمري بالسندويش وأخذ اخر وأصر علي برهان أغا أن ياكل واحد وسط ذهول إدوارد ليلتفت إلية إيمري : عارف إني قولت هاكل واحد لكن طلع لذيذ عندك إعتراض .
إدوارد : انا لأ ، معدتي آة هقول لنهر تعملي واحد تاني بدل إلي راح .
برهان أغا : إنت عرفت عربي أمتي إيمري فاجئتني إنك بتتكلم عربي .
ايمري : ليس عربي أغا لكن عامية مصرية علمتني صديقة مصرية وابنتي فهي تأتي مصر كثيرا.
بعد الأكل نظف المكان إدوارد وإيمري بينما نهر غسلت الأطباق وعملت قهوة للجميع و بدوا يتناقشون فيما سيحدث غدا لكن بالتركي لأنها أسهل من المصرية علي الاغا وايمري الي أن إنتهوا بوقت متأخر لينظر برهان لادوارد .
برهان بالعربي: الن تتركنا لتعود لبيتك ؟
إدوارد : لأ ماقدرش أترك رينا معاكم لوحدها ماما تزعل مني لازم أكون معاها .
برهان : معاها فين ؟
إدوارد : هي هتنام في الغرفة وأنا في الصالة وأنتم في غرفكم .
ايمري : إتركة أغا فهم توأم روح لكن أنا ساسهر سافتح التلفاز حتي يأتي لي النوم .
فهمت نهر أنة يريد أن يتكلم معها أو أن يتعرف عليها أكثر .
برهان : انا سادخل لانام سصبحون علي خير .
ايمري : ادخل إدوارد غرفتي وخذ غطاء حتي لا تأخذ برد في هذا الأيام وأترك لي غطاء .
كان يوجد كنبتين واحدة كبيرة والاخري صغيرة وعدد من الكراسي سحب ايمري نهر وجلس علي الصغيرة حتي أن آتي إدوارد ينام علي الكبيرة .
ايمري بالتركية : لما لم تقولي للاغا عن طبيعة الأجهزة أنت لك خبرة بهذة الأجهزة لانك تساعدين والدتك في بعض الأحيان كان من الممكن أن يأتي من غيري .
نهر : هو لا يثق في أنا غريبة بالنسبة لة وهو رجل عملي يحب أن يأخذ المعلومات من متخصصين .
ايمري بتفكير : لما ساعدتة نهر رغم أن هذا العمل لم يدر عليك المال الازم كان يمكنك أن تكسبي أكثر من عملك بالسياحة .
نهر : أولا لاني استفدت بعملي هذا من إني اراجع التصميمات مع الأعمال خطوة بخطوة كمان قدرت أفهم طريقة عمل حاجات كتير و دة سهل عليا التفكير والتصميم ما تنساش إني قسم عمارة كمان هو من حقة يعرف إية بيحصل في مبني ملكة هو صحيح المدير زوج حفيدتة لكن مش مفروض يستغلة والسبب الاخير إني متغاضة جدا من رفيق ومعاذ وطريقة تعاملهم مع الناس مش إنتقام منهم لكن بطفي حرقتي من معاملتهم ليا ولغيري .
ظلا يتكلمان إلي أن علا صوت شخير إدوارد ليدخل كلا منهم غرفتة .
في مساء اليوم التالي .
سبقتهم نهر باكثر من ساعتين للموقع وأخذهم إدوارد لهناك وجهزت نهر طريقة دخولهم وعطلت الكاميرات الخاصة بالدور ثم قابلتهم ودخلت بهم القبو ليري كلا منهم الدور بكل تجهيزاتة .
إيمري : الدور دة فعلا مشفي مصغر فية حجرة عمليات وغرفة ولادة وغرف معزولة صوتيا مش فاهم لية وغرف مرضي وعيادات مختلفة التخصص ودة بيوضحة الأجهزة الموجودة بكل عيادة .
الاغا : ممكن ندخل المبني المجاور التابع لرفيق .
نهر : لأ مش معايا مفتاحة دة ولا حتي مفتاح الباب المشترك بين المشفي وبينة الموجود بالسور لكن الباب قصاد الغرفة العلوية اللي بينزل منها السلم علي هنا ومعني كدة أن سهل وصول أي شئ من المبني المجاور لهنا زي ما سهل الوصول من أي شارع حوالينا للمبني هنا بفضل الشارع الداخلي الموجود بالخارج بيوصل الشارعين ببعض .
برهان : إختيار ذكي من رفيق أن المدخل يكون علي ممر السيارت الداخلي اللي بيوصل بين الشارعين لكن أمتي قدر يصمم الدور دة لآنة حفر بعد ما اخذ التصميمات بشهر واحد وكمان المفروض أنة عمل تعديل علي انشائي المبني لانة الحمل بقي اكبر .
نهر : التعديل هيكون في الاساسات والدور دة اغا الأدوار الباقية التعديلات بسيطة وكمان التعديل كان في كبر مناطق المناورة الواصلة لهنا وطريقة تهوية المكان أما بخصوص أمتي عمل دة اعتقد أنة سهل معاذ يتطلع علي تصميمات المشفي من اي حد زي زوجتة أو عمران هانم أو حتي فيروز هانم .
إيمري : لية مش آدم ؟
نهر : آدم مش بيطيقة ورفيق برضوا ما فيش عمار بينهم وآدم ذكي مش هيخلي حد يستغلة .
برهان بانتباة : وإنت إية عرفك بعلاقة آدم ومعاذ ؟
نهر : انا صديقة آدم عمرنا ما شوفنا بعض لكن اصدقاء علي الفيس أغا وأحيانا بيفرغ غضبة أو حزنة أو حتي فرحة مع حد هو شايف أنة بعيد عنة وانا كمان قايلة لة علي بعض أسراري وبنتناقش احيانا في بعض القضايا أو حتي الشغل .
برهان : حفيدي انا يعرفك .
نهر : مش كل حاجة عني لكل آدم غير ما حضرتك فاهم وعلي فكرة محتاج انك تحتويه وايوة مش بيطيقة أو يحب معاذ لكن بيقف في صفة أمامك خوفا علي حزن أختة و أمة لكن معرفة حدودة كويس .
إرتجفت قدما برهان لتسرع نهر تسندة .
نهر : آدو هات كرسي متحرك للاغا بسرعة الحمد لله جنب السلم ramp نقدر نطلع علية هوصلكم الميكروباص و أرجع الكرسي مكانة و يلا علشان مفيش وقت .
صباحا في صالة المعيشة .
برهان : عاوز أبلغ السلطات المصرية عن الدور و أبلغ عن رفيق أنة بني دور بدون علمي هل ممكن أن تهدم السلطات المشفي .
نهر : حاليا في شئ مستجد أسمة تصالح دة أولا ممكن تدفع مبلغ نتيجة الدور الزيادة ومعتقدش المبني سيهدم لانة ٱتعمل من غير علمك غير إنك غير مصري يعني إستثمار أجنبي وحاليا فية تسهيلات كتير للأجانب لتشجيع الاستثمار دة غير أن أي مشفي جديد هيدخل الخدمة بترحيب في ظل الظروف الحالية .
برهان : تعرفي محامي كويس أو حد ممكن يساعدنا .
نهر : عمو محمود في الداخلية صحيح هو في قسم مختلف بس أكيد يعرف ويقدر يدلنا .
برهان : واثقة فية ؟
نهر : جدا هاخد ميعاد و أحكي لة ملخص الموضوع ممكن يجي مع محامي معاة و نعرف الخطوات .
ايمري : محمود صاحب أمجد بية ولا غيرة ؟
نهر : هو عمو .
برهان : أري إنكم تقاربتم من بعض كثيرا إيمري نهر بسن إبنتك .
ايمري بابتسامة و قد أدرك غيرة برهان علي نهر : بل رينا أصغر من ابنتي بسنتين و عددة أشهر وكما تري تنادي لي عمي و هي بمنزلة إبنة لي ولكني معجب بذاكائها ونشاطاتها حتي رسوماتها التي لا أفهم منها شيء التي تظل ترسمها طوال اليوم .
بعد عددة أيام و بعد ان التقي برهان بمحمود والمحامي وكان معهم نهر لترجمة ما يصعب فهمة للطرفين وفي وجود ايمري .
إتصل برهان برفيق و أخبرة أنة يريدة بالمشفي و يأتي وحدة ضروري لمناقشة بعض الأعمال وأن يترك رفيق خبر للقائمين علي المشفي بدخول برهان هو ورفاقة لانة صاحب المشفي وقد فعل واتجة للمشفي بسرعة .
دخل برهان المشفي و إتجة لغرفة الإجتماعات و كان معة ايمري ومحمود والمحامي ووقف علي باب الغرفة اثنين من البودي جارد التابع لبرهان مع قيام نهر بتسجيل ما يحدث بالغرفة من خلال غرفة التحكم والمراقبة وكان معها إدوارد .
دخل رفيق و إتجة فورا لبرهان و سلم علية وقبل يدة كتقليد لما يحدث بتركيا من الأبناء والأحفاد لابائهم لكن برهان سحب يدة بسرعة وهو يقول بصوت صارم .
برهان : أجلس رفيق يوجد كلام مهم يجب سماعة .
رفيق : لقد بحثت عنك أغا ولم أستطيع الوصول للفندق الموجود بة ل…..قاطعة برهان : لست بفندق رفيق ولا تضيع من وقتي و وقتك الذي تحتاج إلية كي تجمع ما لك هنا و ترحل لاي بلد آخر قبل أن تغلق المطارات نظرا للظروف الحالية .
رفيق : أجمع ما لي ؟
برهان : انظر لما سيعرض علي الشاشة .
شغل إيمري الشاشة ليري رفيق كلا من برهان أغا و إيمري في دور القبو المخفي يتجولان بين الغرف ثم صعودهم الي الغرفة العلوية و فتح الجدار بالاقام السرية كان رفيق يحملق في الشاشة بعدم استيعاب وتوتر .
أغلقت الشاشة ليقول المحامي : الاغا قدم ما يثبت أن الدور دة اتبني من غير معرفتة والبلاغ هيتقدم للنائب العام بذات نفسة وطبعا كونك بتمثل الشركة المنفذة غير إنك ماقدمتش تراخيص أو رسومات في البلدية عن الدور دة فأنت اقل حكم هيكون شطبك من النقابة و السجن وممكن توصل للحجز علي املاكك هنا لو هربت غير السمعة .
برهان : انا لخاطر نديم الله يرحمة كنت حبستك لانك مش استغليت اني في بلد تاني وقمت انت واخوك باستغفالي واستغلال ثقتي انا متاكد أن الدور دة كان لأعمال منافية للمواثيق البلد هنا علشان طمعكم وحبكم للمال علي حساب اي شئ .
رفيق بندفاع : حضرتك فاهم غلط دة ….
قاطعة برهان : هتقول اية هتقولي زي ما قولت للمهندسين مكان مخازن وحجر صحي لأ يا رفيق إيمري متخصص في الأجهزة الطبية إلي تحت مشفي مصغر بغرفة عمليات وعيادات لكل التخصصات تقريبا وغرف للنزلاء كفاية كذب قدامة تقريبا ست ساعات وهيحي يتقبض عليك انا عملت اللي عليا واتفضل دة حجوزات السفر لأمريكا البلد الي اخذت منها شهادة الهندسة لأنك لو نزلت مصر ثاني هيتقبض عليك .
إيمري : إنت حر عاوز تبقي هنا براحتك لكن حضرتة ضابط وحضرتة محامي وانت بس لازم تتحمل نتيجة اخطاءك .
رفيق : بس انا عندي هنا ممتلكات هروح أمريكا أشحت هناك .
برهان : إنت عايش في القصر إلي بناة نديم للعيلة القصر هيكون للعيلة زي ما هو فية اخواتك وأمك بالنسبة للمبني المجاور للمشفي والي انت اخذت الأرض بتاعة كهدية لأنك وسيط لما اشترينا ارض المشفي وبرضو بنيتة بتحميل تكلفتة علي تكلفة المشفي يعني مفيش جنية دفعتة لاني كنت متكفل برواتب الجميع مع ذلك انا هشترية منك بسعر عادل ودة ورق تمضي علية كي يكون المبني تبع المشفي ودة ورق تاني حط فية إسم حد تثق فية يتنقل فية ملكية شركتك لية يقدر يشغلها أو يبيعها لأن بعد البلاغ ممكن يتحجز علي أملاكك ويبقي يبعت ثمنها لك بعدين .
رفيق : ممكن أفهم حضرتك عرفت بالدور دة ازاي وكمان بالمبني ؟
برهان : إتفقت مع ناس متخصصة يعرفوا كل كبيرة وصغيرة دة مكان ملكي يا رفيق وإنت وأخوك ما ينفعش أعطيكم ثقتي بعد إلي عملة أخوك وإنت عارف كويس عمل إية نصيحة بسرعة إنقل ملكية الشركة قبل ما يتقبض عليك والمحامي ممكن يساعدك .
رفيق : هنقل الملكية لأختي وادي توقيعي علي بيع المبني المجاور .
برهان للمحامي : إتفضل معاة خلص الأوراق الأزمة لكل شيء وبعدها وصلة من فضلك المطار ، نصحية تانية بلاش تتصل بمعاذ لأن تلفونك متراقب علشان ما أتخدش ضدك إجراء يندمك العمر كلة فلوس المبني هتتحول ليك علي حسابك اتفضل مع المحامي .

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية أسرار الماضي لبنت الناس)