رواية رحم للإيجار 3 (حب الفرسان) الفصل الخمسون 50 بقلم ريحانة الجنة

رواية رحم للإيجار 3 (حب الفرسان) الفصل الخمسون 50 بقلم ريحانة الجنة

رواية رحم للإيجار 3 (حب الفرسان) البارت الخمسون

رواية رحم للإيجار 3 (حب الفرسان) الجزء الخمسون

رواية رحم للإيجار 3 (حب الفرسان) الحلقة الخمسون

الوقت اللي جمعهم والليالي اللي عدت عليهم وهما سوا لوحدهم كانت بالنسبة ليهم مكافأة من الزمن والقدر…هدية طيبت خاطر كل واحد فيهم من بعد ايام حرمان وشهور معافرة ومجاهدة وسنين وجع وحرب مع الدنيا اللي حرمت كل واحد منهم من دنيته وفرحته …كل واحد فيهم ليه حكاية مختلفة واسباب وجعته ووصلته لحالة الضعف والاحتياج دي بشكل مختلف ….بس في النهاية وفي الحكاية دي اللي جمعهم كلمتين محملين وجع وقهر وضايع كبييير بين حروفهم…(الظلم &الاهمال) كل واحد منهم ليه كلمة من نصيبه ضاع واتكوي واتوجع ايام وسنين بين حروفها ومعناها وذاق مرار تفاصيلها…
البحر قصادهم والهدوء حاوليهم كانت نسمات الهوا بتداعب ملامحهم بحنية وهدوء…
هو كان مستمتع بإحتوائه ليها في حضنه بحنان اب…وصدق صديق…ومشاعر واحتياج رجل حقيقي يمكن لسة مش حب ويمكن لسة مش عشق…بس الاكيد اعجابه بيها وراحته معاها هي مشاعر وليها نصيب من حياته واحساسه…
كان بيبتسم من ضمتها ليه براحة غريبة وهي بتحاول كل ما تحس انها هتبعد عن حضنه تقرب تاني بشكل اقوي واعنف وتضمنه بقوة…
من اجمل الاحاسيس اللي اي انسان محتاجها وهو بالاخص اتحرم منها سنين وسنين واللي حرمته منها كانت حب عمر وسنين وليالي …لكن للاسف مهما كانت الاسباب ..الحرمان اتمكن منه واخد من وجعه وناره كتييير اوي…
اما هي كانت في دنيا تانية عالم تاني…عالم جميل لاول مرة تحس بالدفئ والامان والراحة دي!! والسؤال اللي جواها وبيرن بين ضلوعها من اول ليلة قابلته فيها…هو كان فين من زمان!؟؟ ليه اتحرمت منه ومن حنانه واحتوائه ده كله كل السنين دي !!؟ ليه ما عرفتهوش من زمان وداوا جرحها ووجعها وحرمانها وظلم السنين ليها!!؟ ليه عاشت كل الالم والخوف والحرمان ده وهو كان موجود في الحياة !! بيتنفس وعايش وسط الناس!!
عشق اتنهدت بخوف وهي في حضنه : عدي ممكن اطلب منك طلب!!؟
عدي ابتسم وعيونه نزلت لملامحها اللي تقريبا مش قادر يميز منها حاجة من دفنها لملامحها وجسمها جوا حضنه..
عدي بحنان: اؤمري !! عايزة ايه يا فاتنة الفاتنات !!؟
عشق ابتسمت وخرجت من حضنه علي مضض وبعنيها في عيونه : ممكن نقعد هنا كمان كام يوم !! انا مش عايزة ارجع القاهرة دلوقتي خالينا شوية انا لسة ما شبعتش منك… الوقت معاك يا عدي ليه طعم تاني الراحة اللي شوفتها الايام اللي فاتت دي كنت محرومة منها اوي…
عدي اتنهد وابتسم بهدوء: صدقيني انا كمان مرتاح معاكي وحاسس بهدوء وراحة ماتتوصفش…انا لو عليا مش عايز ارجع ولا اشوف حد …ولادي كنت فاكر انهم مشتاقنلي وعايزني وسطهم وده حصل مع اول وصولي…بس بمجرد ما انتي ظهرتي وكل واحد فيهم اخد جنب بعيد عني حتي نظراتهم ليا كلها غضب وغيظ…ماحدش فيهم كلف خاطره يعاتبني ويسألني مالي وفيا ايه…
التفت ليها بحزن: عشق انا ماتوقعتش اشوف حنية منك بالشكل ده ولا رقة في المعاملة كدة!! عشق انتي رجعتيلي احساس وحنين سنين فاااتت وشباب راح وضاع…انا بجد مستغرب هو انتي شايفة ايه شدك في راجل في سني !! ايه السعادة اللي في عيونك دي وانا معاكي!!.. ايه الراحة اللي بلاقيها من دفي حضنك وانتي جنبي دي!!…. عشق انا محتار في امرك !؟ هو انتي فعلا احساسك ده حقيقي!!؟ ولا انتي بتتقني لعبتك ودورك بحرفية ومهارة!!؟
عشق استقامت في قعدتها قصاده وابتسمت بوجع وذكريات مؤلمة شيبتها في عز شبابها…وكبرتها قبل اوانها….وورتها الدنيا وناسها بكل صنف ولون…
عشق بهدوء: انت من اول ما اتقابلنا وانت دايما تسألني حكايتي ايه!! وازاي عرفت رعد وازاي في سني ده انا موجودة في السوق وازاي !!..وازاي..وازااي!!؟
انا هقولك المختصر والمجمل من حكايتي لان التفاصيل كتييير اوي وكلها تعب ووجع…
انا كنت زي اي بنت لسة بتقول للدنيا تعالي بوشك ووريني حلوك.. بنت لسة بتخطي اول خطوة ليها في اول سنة في جامعتها وراجعة بيتها بمتهي السعادة لقت اسوء خبر ممكن تسمعه ابوكي انصاب بأزمة قلبيه ودخل المستشفي. ومن هنا بدأت معاناتي وبدأت الدنيا يني ظهرها واسواء ما عندها…
بابا كان شركة اسمنت ويعتبر رجل اعمال مش زيك ولا زي رعد لكن علي الاقل كان ليه اسمه ومكانه في السوق وليه كمان سمعته…كان ليه صاحب بيثق فيه وياتمنه علي عمره كله …اقنعه انهم يتوسعوا في التجارة وان شركة الاسمنت تبقي ضمن مجموعة شركات المقاولات اللي هيأسسوها سوا ومعاهم شريك ثالث راجل مسؤل في البلد وليه صلاحيات كتيير هتسهل شغلهم وكمان هيكون شريك معاهم برأس المال …بابا اتحمس اوي وحلم بشغل كبير وعالم جديد ومستوي ليه ولماما وليا كمان مختلف…فجأة صاحبه ده قاله لازم نبيع شركة الاسمنت لحد تاني من الباطن ونبدأ الشراكة في المجموعة الجديدة علي نضافة ..و علشان كمان الشركة مش هينفع انها تنضم لاسم المجموعة الجديدة وهي بالاسم والكيان القديم وحدة كدة مش هتروح بعيد دي مجرد حركة سورية علي الورق لكن الشركة هتفضل بتاعته…
وقتها بابا يمكن اتحمس!! يمكن طمع!! يمكن عقله وقف وطموحه في المستقبل عماه انه يحسبها صح او يفكر في اي غدر او خسارة!؟؟
وافق بابا والشركة اتنقلت بورق سوري لشخص تاني هو ما شافهوش ولا يعرفه كل اللي قالهوله صاحبه عنه انه شخص بسيط ومالوش اي دخل ولا وجود ويعتبره شخصية وهمية وان الشركة لسة ومازالت ملك بابا..ومضي بابا علي ورقة الضد اللي فيها ثمن الشركة وارباحها واضعافها كمان واللي بتضمن حقه فيها وكمان عليها امضاء الشخص الشاري للشركة واللي اصبح المالك الجديد ليها واللي يعتبر بيقر بالورقة دي انه مديون لبابا بكل المبلغ الضخم ده!!
بابا تخيل كدة انه علي اول طريق المال والاعمال اللي هتدخله دنيا جديدة !! وفعلا دخل دنيا جديدة من وقتها…صاحب بابا طلب منه انه ياخد اجازة كام يوم لحد ما يخلصوا اجراءات المجموعة الجديدة وورقها ..وكمان بابا يلحق يستمتع معايا انا وماما قبل بداية الدراسة واللي كانت علي الابواب وقتها ..بحجة انه اول ما هتخلص الرسوم والاجراءات مش هيكون فاضي لينا ولا عنده وقت وان المجموعة الجديدة هتاخد كل وقتهم وطاقتهم… بابا اقتنع و بعد ايام بسيطة سافرنا وقضينا اجازة ماتتنسيش كان منطلق ومستمتع ومبسوط وسعيد بشكل غريب…ورجعنا قبل الدراسة بيومين …كان دايما يحاول يتصل بصاحبه وهو بيتهرب ومش عارف يوصله…لحد اليوم اللي جاتله فيه الازمة لما عرف الصدمة والحقيقة المرة…انه اكتشف ان صاحبه سرق من خزنته ورقة الضد واللي كانت بأسم الشخص المالك الجديد للشركة وان الشركة خلاص اتسجلت واتباعت بأسم صاحبه لان الشخص ده باعها في نفس اليوم لصاحب بابا وهو نقلها باسمه وسجلها بشكل قانوني …وقتها بابا كان هيتجنن وطلب منه يرجعله شركته وفلوسه طرده واهانه ورماه في الشارع بعد ما اخد شقي عمره وتعبه بحيلة وخداع …بابا ما استحملش وحصلتله الازمة وبعد ايام قليلة مات ما قدرش يتحمل الصدمة …وقتها ليقيت امي فجأة وبعد ايام قليلة بتبلغني اننا تقريبا مابقاش عندنا اي شئ ولا نملك اي حاجة حتي البيت اللي عايشين فيه مش هنقدر نسدد باقي اقساطه ولازم نسيبه في اقرب وقت…واخدتني لبيت جدتي وعشنا هناك فترة معاها…لحد ما حاتني في يوم وقالتلي اسوء خبر سمعته من بعد موت بابا وهو انها جالها عريس وهتتجوز وتسافر معاه ولازم تطمن عليا قبل ما تسافر..عارف كانت عايزة تطمن ازاي!!؟
عدي كان بيسمعها بإهتمام وتأثر وحزن في نفس الوقت: ازاي يا عشق!!؟
عشق بدموع واقفة في عيونها وذكري زل ووجع مؤلمة: صاحب بابا اللي كان السبب في كل اللي وصلناله وشوفناه وموت ابويا بقهرته وحرقة قلبه..عايز يتجوزني…وهي بتقنعني انه فهمها اللي حصل وانه ما سرقش بابا و ان بابا هو اللي خسر فلوسه وشركته واتهمه بكدة علشان يعوض خسارته وانه سند بابا كتيير ووقف جنبه وانه اشتري منه الشركة بيع وشراء وبابا اخد الفلوس وضيعها ورجع يطالبه بالشركة وحقه فيها !!
متخيل ان ست تصدق كل الهبل ده في حين ان عيلة في سني عقلها رفض يصدق او يقتنع !! تخيل انها كانت بتضحك في وشه وتعزمه عند جدتي علشان تشكره علي وقفته معانا!؟؟ تخيل انها كانت بتقبل منه هدايا وعزومات ولبس مقابل انها تقنعني بالجواز من واحد في سن ابويا في عمري الصغير ده وقتها!! ومش بس كدة لا كمان هو اللي جبلها الجوازة بتاعتها !!؟
بصتله بوجع ودموع : تخيل وقتها عيلة في سني ابوها وحناها وحنانها مات ومن وجهة نظري وقتها ولحد النهاردة مات مقتول جابر قتله بغدره بيه…وامي اللي فاضلة ليا من الدنيا غابت عن وعيها ونسيت جوزها اللي لسة ميت من شهور ونسيت بنتها اللي مالهاش غيرها ومحتاجالها تضمها وتحن عليها وتخاف ليها…امها اللي بقت غريبة عنها بتبيعها بارخص ثمن …ومش بس كدة بتجهز نفسها تتجوز وتبعد عني وتعيش حياتها من غير ما حتي تشوف انا هكمل حياتي ازاي لو وافقت واتجوزت جابر!؟؟؟
عدي ضم كف ايديها بحنان وهي بتحكي اكنه بيقويها تغلب علي آلم الذكريات وتكمل وتحكي…مسحت دموعها بحزن وهي بتبص لضمة ايده لكفها اتنهدت بوجع وغمضت عيونها بناار وكملت حروف الزل وحكاية المرار…
عشق بدموع وحرقة: رفضت وقاومت …ضغطت عليا …هربت منها وحاولت ابعد جابر ومعارفه رجعوني …وكان نصيبي منها الضرب والاهانة كل ليلة علشان اوافق..ولما يأست مني هي وجابر قرروا ان الجواز يكون غصب عني ولاني لسة سني صغير ولسة تحت السن القانوني اتزورت الاوراق واتعادت شهادة الميلاد وكل الاوراق واتجوزني جابر قوة واقتدار….
شوفت معاه من اول لحظة الناس مشيت والباب اتقفل كل الوان العذاب والزل…كان شخص حقير..مريض مقرف…شخص سادي بيعشق الالم والعذاب…بيتلذذ بمعاناه الناس وحرمانهم…ياما ليالي قضتها في بيت الكلب جوا جنيتة بيته متسلسلة بسلاسل الكلب زيي زيه ما فرقتش عنه حاجة…كان في عز الليل والشتا والبرد ينزلني وسط المطرة عريانة مش مغطيني الا قميص نوم اخف من ورق الشجر ويسبني وسط المطر والبرد بتجمد وهو واقف فوق ورا ازاز شباكه بيبتسم ويتلذذ بعذابي ودموعي ووحدتي….وبعد ما يغمي عليا من الالم والبرد والجوع ينزل يسحبني زي الدبيحة ويتنهك برائتي وآدميتي…بينتهك طفلة بالمقارنة بيه …كنت يبقي زي المتخدرة واللي فاقدة كل الحواس من حاوليها الا حاسة واحدة بس وهي الزل!! شوفت منه و معاه اللي عمري ما نسيته ولا هنساه….
عدي سحبها لحضنه بحزن وغيظ وضمها بحنان وسط دموعها وشهقات وجعها: وامك !! ما عرفتش اللي كان بيحصل معاكي!! ما طلبتيش مساعدتها!! حتي لو كانت باعتك ليه في البداية علشان الفلوس اكيد ماكناش تعرف ولا تتخيل انه شخص بالوحشية دي !! واكيد كمان مش هتهوني عليها تعرف كل ده وتسيبك ليه وتسكت!!؟
عشق خرجت من حضنه وبصت ليه بقهرة: وافقت!! وافقت وعرفت يا عدي !!! كنت بترجاها ترحمني منه…لما كانت ترجع مصر زيارة ببوس رجليها تاخدني وتطلقني منه بس كانت الاجابة ماينفعش!! ما اقدرش عليه …جابر قوي ومفتري وهي مش قد الوقفة قصاده…كمان هي بقي عنها حياة تانية ومش هينفع تاخدني ليها… واني لازم اتعود واسمع كلامه وارضيه …يمكن يتغير ويمكن اصعب عليه…وهي كانت عارفة ومتأكدة انه مش هيتغير ولو بعد الف سنة…كانت بتيجي وتمشي وتشوفني بموت بالبطئ يوم ورا يوم وهي قلبها ماحنش يوم ولا خافت عليا ليلة…
عشت معاه خمس سنين من العذاب والزل والوجع…لحد ما في يوم شوفت فيه انتقام ربنا ولقيت خبر دخوله المستشفي ولما روحت اكتشفت انه عمل حادثة ودخل غيبوبة …
بدأت نبرة صوتها وملامحها تتغير وتتحول لقوة وانتقام: كنت كل دقيقة بدعي انه ما يفقش منها ولا يصحي…لكن صحي…صحي مشلول وفاقد النطق والحركة….عاش سنتين من عمره بالحالة دي …وانا بقي زي ما تكون الرحمة اتنزعت من قلبي …لا كان بيصعب عليا زله واحتياجه ولا بيأثر فيا ضعفه وانكساره….كنت بتشفي فيه كل ليلة وكل ساعة وانا بشوفه مكسور متهان….
في الفترة دي كنت مجبرة اني انزل الشركة واتابع الشغل ..في البداية اتخدعت واضحك عليا واتسرقت وكنت تايهة وضايعة….وبعد كل وقعة وكل قطمة ظهر بقوي واتعلم واقف من تاني علي رجلي …لحد ما في يوم صحيت الصبح لقيته مات وريحني من اسمه ووجوده في حياتي….وقتها بدأت احس اني اتحررت فعلا وبدأت اتعلم التجارة واصمم اني عمري ما هاكرر غلطة بابا واسلم وامن لمخلوق…وكمان مش هسيب اي حد يزلني من تاني وييتغلني زي جابر….وفضلت اقاوح واقوم وسط وحوش تاكلك في لمحة بصر ولا تبكي عليك لحد ما القدر جمعني برعد في مرة وكان بيتدبري صيدة تدمرني وتضيعني وتقضي عليا …وصلتله المعلومات بالصدفة وقتها جابني عنده ونبهني ووقف جنبي وساعدني وانا مش مصدقة ان كل ده من غير سبب ومقابل ..لحد ما اتاكدت بالايام ان رعد ده راجل مافيش منه وسند اللي مالوش سند من يومها وبقيت في حماه وتحت ظله والسوق كله عرف اني تحت رعايته وماحدش يقدر يقرب مني….وفضل جميله في قبتي لحد النهاردة ومهما عملت مش هوفيه دينه ….لما جاني وطلب مني اللعبة بتاعتك ما قدرتش ارفض…ووافقت ..بس بصراحة ماكناش عايزة لكن مجبرة لاني صعب ارفض طلبه….
وابتسمت وهي بتبص في عيونه: لكن لما قابلتك في الحفلة وشوفتك وكلمتك اتسحرت بيك يا عدي…شوفت فيك بابا اللي اتحرمت منه…شوفت فيك حبيب اتمنيت اقابله واعيش معاه قصة حب…شوفت فيك راجل اتمني اتجوزه واشاركه حياتي ودنيتي واعيش تحت رجليه وانا راضية وقابلة ومبسوطة…انا عمري ما فكرت في راجل ولا حبيت …طول السنين دي مرغوبة والكل طمعان فيا ويمكن اكون اتحبيت من كتير …لكن انا !!؟ انا لا عمري حبيت ولا قلبي دق لحد…ولا اشتاق ولا اتمني حد…الا انت كل مشاعري اتحركت ليك من اول ما شوفتك وبتزيد يوم عن يوم وساعة عن ساعة ولحظة بلحظة…انا عمري ما خوفت حد يفارقني من بعد بابا الا انت مش عايزة اللعبة تخلص ومش عايزة ابعد عنك…اقولك حاجة يا عدي!!؟
عدي اتنهد بحنين : قولي يا عشق!!
عشق قربت منه اكتر برجاء: لو حتي ما حبتنيش في يوم ولو حتي رجعت لهنا ولو حتي ما بقتش محتاجني في حياتك…خاليني معاك…اهرب من الدنيا والناس وتعالي عندي…خاليني انا الركن الحنين في حياتك…بلاش تخرجني من دنيتك وتمحيني اكني ما دخلتهاش ارجوك!!؟
قبل ما يرد او يلاقي كلمة تتقال قطعت كلامه وكلامها بنبرتها الحادة والهجومية !!؟
هنا بغيرة وغضب: ده الجو والبحر والهدوء مخليكم في جو رومانسي تتحسدوا عليه !!؟
عدي انتفض بصدمة ودهشة ومش متوقع وجودها ولا رجوها المفاجأ والسريع ده: هنا!!!؟
كانت نظراته ليها مش بس غالب عليها الصدمة والمفاجأة!!! لا كان بيلمع في عيونه نظرة لهفة وعتاب وحنين …نظرة لوم ووجع ..
عدي بجمود مصطنع: حمد لله علي السلامة يا مدام !!!
عشق وقفت بكبرياء وغرور انثي واثقة تمام الثقة من حالها وحضورها: انتي هنا!!؟ تعرفي طلبت كتييير اوي من عدي اشوف صورة ليكي كان بيرفض وقالي هنا تتشاف علي الطبيعة افضل !!
وكملت بكيد انثوي متعمد : وكان عنده حق بصراحة اوقات الصور بتظلم …يعني اوقات بتحلي حاجات المفروض تفضل تتشاف وحشة علشان صاحبها ما يتعودش يخدع نفسه….
عدي كان للحظة هيعنف عشق لطريقتها واسلوبها الواضح منه التعالي والسخرية من هنا واللي مهما كان موجوع منها مش هيقبل بإهانتها من مخلوق حتي لو عشق….لكن تراجع في اخر لحظة وافتكر كلام رعد!!!
فلاااااش باااااك سريع لبعض كلمات رعد اللي رنت في ودنه بصدي صوت واضح رنان!!!!
رعد بتحذير : خد بالك!!؛ قلبك يحن وتضعف وتجيب ورا مع اول مقابلة مع هنا انا اللي هقفلك وهمنعك انت فاهم!!؟ هنا لو حست انك حنيت بسهولة كدة وكأن كل اللي عملته معاك سنين ما حصلش وسامحتها كدة في غمضة عين مع اول ساعة صفا بينكم هتلاقيها رجعت زي ما كانت ويمكن العن كمان…عارف ليه!!؟ علشان هنا اتغرت بيك…ايوة يا عدي هنا اتغرت بيك و بحبك ليها…هنا زمان لما قابلتها كان حلمها واقصي طموحها انك تحبها وتنسي وتتخطي حلا وتمتلك قلبك….علمت المستحيل علشان تتحكم فيك وفي قلبك وحياتك ولما وصلت لغايتها ومنتهاها …عافت…عافت حبك..وعافت اهتمامها بيك…وعافت وجودك….بقيت بالنسبة ليها مضمون …هنا لازم تحس انك خرجت من بين قبضتها …لازم تحس انك اتسحبت من بين ايديها علشان تعافر انها ترجعك…ووقتها حبها هيبان واختبارها معاك هيظهر كل شئ هل فعلا مستعدة انها تتخلي عنك وتتنازل لعشق عنك وخلاص اكتفت باللي اخدته منك ..من شبابك …من حبك ..من حنانك واهتمامك…ولا لسة الحب جواها…ولسة الحنين بيغلبها وتصمم انها تقف قصاد عشق او الف غيرها علشان ترجعك ليه..!!!
وافتكر كلامي ده كويس وافتكر كمان ان عشق هتتقن دورها كويس وهتتعمد تستفذ وتثير غيرة وانوثة هنا بكل شراسة وانت لازم تقف متفرج اياك تتدخل بينهم وخصوصا لو لصالح هنا!! اوعي تحسسها بالنصر صدقني وقتها هتبقي بتضيع عمرك اللي جاي وحقك في عمرك اللي راح وعدي !!! فاهم يا عدي !!؟
بااااااااك
فاق عدي مش شروده ورنين صوت رعد حاوليه علي قرب هنا خطوات شرسة من عشق !!؟
هنا كانت بتقرب منها بشراسة وكبرياء وهدوء قاتل اتعلمته من خبرة السنين و الايام: انتي صح فعلا الصور بتظلم ناس كتيير لانها بتحليهم علي غير حقيقتهم …بس خدي بالك الصور بتحلي ملامح يمكن !! لكن لا هتحلي اخلاق لعديم الاخلاق!!ولا هتعمل شرف وكرامة لعديم الشرف والكرامة !!! ولا هتشتري اصل لعديم الاصل والاهل !!؟
وكملت هنا بنبرة تهديد ووعيد وسخرية واضحة : فيه ناس يا شاطرة لو اتكشف سترها ووشها القذر مافيش فلاتر ولا تجميل صور الدنيا هينضفه ويحليه!!؟ وحقيقته هتفضل واضحة ووسخة عمرها ماهتنضف مهما حاول ينضفها ويخبيها هتتكشف في يوم وتبان وهتبان وساخته فاهماني يا….يا عشق!!!
عشق اتقدمت منها بهجوم وشراسة وغضب: الدنيا دي مليانة ناس من طينة واطية بتحب تبيع اي حاجة وكل حاجة حتي نفسها المهم الثمن يكون غالي …ما بالك انهم يبيعوا غيرهم ويشوهوا صورته خالي لعبك معايا علي المكشوف وبلاش تلقيح النسوان ده علشان انا مهروسة في الشارع والسوق من صغري وشوفت كتيير ولو علي الردح والتلقيح هسمعك ومش بس كدة هزعلك كمان…انتي كنتي قاعدة هناك برا مع الاجانب يا روحي مش هنا في مصر وحتي لو كنتي هنا وبتشتغلي هنا عمرك ما هتكوني شوفتي اللي انا شوفته انتي من يومك هانم و معاكي راجل حاميكي وجايب الدنيا والسوق تحت رجلك يعني مرمطة ما شوفتيش فبلاش تيجي للي اتمرمطت وشافت الدنيا علي حق وتلعبي معاها اللعبة دي روحي للي ضحك عليكي وجابلك المعلومات الفشنك دي عني وقبض الثمن والحقي خدي فلوسك منه قبل ما يصرفها ..يا !! يامدام هنا!!!
هنا حست انها ممكن تكون اتخدعت فعلا وان كل اللي وصلها عن عشق ممكن يكون غلط !!؟ بس في كل الاحوال مش هتسلم ولا هتظهر غلطها ولا تسرعها وكالعادة هتكابر وتدور علي طريقة وحبكة تخرج بيها من الموقف والاكيد هنا مش هتغلب..وبالفعل قلبت الحوار والدفة لجانب تاني خالص….
هنا بصت ليها بنظرات الاحتقار والاذراء وقربت من عدي بعتاب : هي دي اللي انت سبتني هناك وجيت علشانها!!؟ هي دي الست اللي ممكن تعوضك عني وتملي مكاني!!؟ بعد ما كنت في يوم في حضن حلا اختي ومن بعدها انا هنا وانت عارف مين هنا!!! جاي دلوقتي لحضن دي!!؟ شايف المستوي واللهجة!!! صحيح ما كدبش اللي قال فيه ناااس بتمل من النضافة وتحن وتشتاق للعفانة واديك اهو ما قصرتش ودبيت اديك لتحت ولتحت اوي كمان وخرجت بدي؟؟؟!
عشق عقدت ذراعها بهدوء وضحكت بصوت عالي ضحكة سخرية وانتصار: اهو اللي من تحت دي واللي انتي شايفاها مش من مستواه رجالة ماتحلميش تتصوري جنبها تتمني نظرة منها ومش بس كدة تؤتؤ دول يجوا تحت رجلها ….
وقربت من عدي وحطت ايديها علي كتفه بنعومة واتدللت بأنوثة: والاهم من كل ده بقي سيد كل الرجالة دي واجمل راجل في الدنيا كلها سابك انتي وجالها هي شوفتي بقي مين اللي الوحش ومين اللي مايتسبش !!؟
عدي انفعل واتخنق من كل الحوار والموقف وبصوت عالي غاضب: بااااااااااااااااس ..بس بس انتي وهي ..اااااايه فيه ايه هو انا واقف فين في الشارع وسط اتنين ستات مالهمش كبير!!؟ انا هنا اللي اتكلم وانا اللي اقول مين تتكلم ومين لا ومين تقعد ومين تمشي مش انتي ولا هي…واللي عجبها عجبها واللي مش عجبها في ستين الف داهية انا تعبت فاهمين ولا لا !!؟
نظرات عشق النتصرة وابتسامة شفايفها اللي كلها كيد وفرحة كانت بتقابل غضب ونفور هنا ونظرات غيظ وانتقام ….
عشق قربت من عدي تاني بوداعة ونعومة: خلاص يا عدي اهدي ارجوك …اانا بجد ما بحبش اشوفك متعصب يارب اموت وتموت ستات الدنيا كلها وانت ماتتعصبش وحياتي تهدي !!!
عدي كان بيبصلها بغيظ ممزوج بضحك بيخبيه بصعوبة من برودها وتحطيمها لاعصاب وغيرة هنا بس هي كانت فاهماه وهو بيقولها كفاية زودتيها اوي…. وكان ردها عليه انها غمزت ليه بعنيها …وكأنها بتقوله سيبها تتحمل تستاهل اللي بيحصلها …
هنا قربت منهم بعنف وغضب مجنون: انا عايزة رد واضح دلوقتي الكائن دي تبقالك ايه!!؟ وايه اللي بينك وبينها انا عايزة اعرف و دلوقتي حاااالا انت فاهم لايما وديني انيمك قتيل انت وهي حالا وارمي لحمكم لسمك البحر ينهش فيه انطق يا عدي البت دي بتعمل ايه معاك هنا !!؟ فهمني !!؟
عدي خطي خطواته لبعيد عنهم بعصبية : انا راجع الشالية عن اذنكم …
عشق باخدت شنطتها ولبست نظارتها الشمسية بخبث : عن اذنك انا كمان هرجع الشاليه بتاعي لازم اخد شاور واجهز علشان دودي حبيبي عازمني علي العشا بالليل عن اذنك يا….ياااهنا هانم….
هنا ابتلعت ريقها بصعوبة ووجع ومعاه غصة مرة كلها غيرة والم وانهياار….تمالكت نفسها ومشيت وراه ودخلت ليه الشاليه بتاعه وقربت منه بهدوء وعتاب ولوم….
هنا بدموع مخفية بتكابر انها تنزل: انت ليه ما جاوبتنيش!!؟ ليه بتهرب !! جاوبني يا عدي انت بينك وبينها ايه!؟ واللي بينكم ده بدأ امتي وفين !؟؟ والاهم لييييه …لييييه يا عدي ليييييه!!؟
عدي التفت ليها بعناد وابتسم بسخرية: ياااااااااااه!!! من امتي بتسألي وتهتمي كدة يا ليدي هنا !!!؟ من امتي بفرق معاكي اوي كدة !؟؟ ما انتي بطلتي تغيري من زمان ولا بيشغلك الموضوع ده…ما انا كنت هناك في ايطاليا بخرج وبقعد مع ستات كتيير وكنتي بتعرفي وعمرك ما اتعصبتي كدة!!؟ اشمعن عشق يعني !!؟
هنا بغليل منه ومن انتقامه القاسي وعقابه ليها المهلك واستخدامه لاسؤ سلاح ممكن راجل يدبح بيه اي ست مهما كانت قوية وهو الغيييييرة!!!!! الغيييرة !! الغيرة ووجعها والمها….الغيرة ونارها …الغيرة وسلخها للقلب والروح بهدوء وبطئ بمنتهي القسوة والجبروت…
هنا بوجع وعتاب: انا كنت بثق فيك مش بهملك؟! ااانا ..ااانا طول عمري عارفة انك بتحبني و انك متأكد اني بحبك…ليه تغدر وتخون ليه يا عدي!!!؟ ليه بعد العمر ده كله واللي بينا ده تبيع بالسهولة دي ليه!!؟
عدي بإنفجار وجرح: اخون!!؟…ابيع !!مين اللي خان يا هنا!!؟ مين اللي باع!! وباع بالرخيص كمان !؟؟ مين اللي احتاج التاني ليالي ومالقهوش !!
انتي بتكابري ولا بتعاندي ولا بتضكي علي نفسك!!؟ انتي من بعد ما استقرينا في ايطاليا بوقت قليل وانتي اتغيرتي بقيتي واحدة تانية انا مش عارفها …واحدة انا مش فاهمها كل همك تجمعي فلوس ومش فاهم ايه السبب زي ماتكوني كنتي محرومة منها وهي تحت رجلك من يوم ما شوفتك عمرك ما كنتي محتاجة !!! بتجري ورا التوكيلات والشركات وبتجمعي شغل وعلاقات بجنون وبأي شكل وبأي ثمن مهما كان غالي …حتي لو كان الثمن ده انا يا هنا!!؟
فجاة بقيت بدور عليكي مش باقيكي جنبي…فجأة بقيت باكل لوحدي… بخرج لوحدي….بقعد لوحدي….بنام لوحدي….حتي السرير مابقاش بيجمعنا يا هنا…كل ليلة استناكي واقول هتيجي هتدفي في حضنها زي زمان …هتخدني بين ايديها وتريح قلبي وفكري المشغول بس للاسف بتتأخري ومش بتيجي لما كنت اقوم واقرر اثور عليكي واغضب انزل الاقيكي في المكتب قصاد اللاب توب وهيمانة في الشغل كنت بحس بألف وغزة وطعنة في قلبي وانا واقف مكسور ومش هاين عليا حبي ورجولتي وكرامتي يتهانوا اكتر وانا بطلب منك تسيبي الشغل وتجيني….
كام مرة تعبت وروحت للدكتور لوحدي وانتي حتي ماكنتيش بتاخدي بالك اني تعبان !!! ولما حتي بتاخدي بالك كنتي بتعملي ايه!! فاكرة يا هنا كنتي بتعملي ايه!!! كنتي بتسأليني عملت ايه واخدت دواء ايه اكنك بتسألي واحد غريب وتكتفي انك توصيني علي نفسي واخد الدواء بإنتظام وبعدها ممكن تقومي تخرجي عادي ولا كأن فيه حاجة!!!
كام مرة قولتلك انا محتاجالك وعايزك …عايزك حبيبتي و مراتي ….عايزك شريكتي في حياة وكيان…انتي كنتي حبيبتي ومراتي وام والادي وجدة احفادي كمان ….احنا المفروض نتمسك ببعض مش نبعد… فاكرة يا هنا كنتي بتردي عليا بإيه!!؟
هنا قعدت بخجل ودموع وندم مش قادرة ترد ولا تبص في عيونه….قرب منها وهزها بعنف بيجبر عيونها تبص في عيونه…
عدي بوجع: انطقي يا هنا !! فاكرة قولتيلي ايه وقتها !!؟
هنا بنكران كاذب ودموع: مش فاكرة …مش فاكرة….
عدي بتحدي لكذبها: كدابة!! انتي فاكرة و عارفة قولتي ايه!!؟ بس عموما حاضر هفكرك …
فلاااش بااااك
عدي قاعد في سريره بيقلب في فونه بملل منتظر هنا تخرج من الحمام …خرجت بهدوء وبدأت تستخدم كريماتها المعتادة علشان تحافظ علي بشرتها وتحد من تجاعيد السن والزمن اللي عندها رعب من سنين انها تظهر عليها وعلامتها تبان ودايما بتقضي علي اي علامة او خط رفيع يظهر في ملامحها سواء بإستخدام كريمات موضعية او حتي تدخلات طبية…كانت دايما حريصة انها تكون جميلة وانيقة ….
عدي متابعها بإعجاب وقام بخفة ووقف واراها بحنان وضمها برفق…وكانت شفايفه بتطبع رسايل ناعمة ولطيفة علي خدها ورقبتها بنعومة…
عدي بحنين: طول عمرك جميلة يا هنا حياتي…وهتفضلي جميلة…ولعلمك انتي مش محتاجة كل الكريمات دي انتي مهما كبرتي هتفضلي في عنيا اجمل ست….
هنا بغرور وعدم اهتمام لضمته ولا للمسات شفايفه ليها ولا حتي لمضمون كلماته ودفاها…..كانت مازالت منهمكة في اللي شاغلها ….
هنا بغرور: يا ديدو انت شايفني كدة ماشي…طيب والناس والعملاء والستات اللي زي القمر اللي شبابهم مش بينتهي ابداااا…دول اعمل فيهم ايه!؟؟انا مش هينفع اسيب نفسي اعجز وسطهم انت مش بتشوف الناس اللي انا بشتغل معاهم !!؟ كمان انا واخدة توكيلات لاكبر واهم مستحضرات طبية وتجميلة عايزني بقي اهمل نفسي واسيب التجاعيد تبان علشان سيادتك شايف روحي مش تجاعيدي !؟؟ الله يخليك سيبني يا عدي انا فيه خط هنا عند عنيا لسة واخدة بالي منه دلوقتي وعصبني…..انا لازم بكرة احجز مع الدكتور بتاعي واشوف ده هيتحقن ولا هيتعالج ازاي !!؟ اوووووف انا مش عارفة الخطوط دي بتظهر ليه بس!! هو انا يعني عندي١٠٠ سنة!؟؟
عدي حس بوخزة وخجل لتجاهلها ليه ولاحتوائه ليها وقربه منها بالشكل ده…
عدي حاول من جواه يعزرها ويخترع مبرر للعجرفة والامبلاه اللي بقت سمة وصفة من طباعها وشخصيتها ..
عدي تمالك جرحه كزوج وكرجل كمان وقرب منها تاني وضمها اكتر بحب: يا قلبي ما قولتلك انتي مكبرة الموضوع اوي …ايه يعني خط !! ولا حتي خطين عند عيونك ولا في اي مكان!؟ طب ما انا اهو قصادك ما انا كمان كبرت !؟ ده طبيعي علي فكرة و مش مطلوب مننا اننا نداري كبرنا ونخجل منه حبيبتي ….لا احنا نحب نفسنا ونستمتع بكل سنة بتمر علينا واحنا سوا ومكملين مع بعض…يمكن لو كنا في مصر وسط ولادنا واحفادنا كنا حسينا بالكبر وعلامته دي بمتعة و احنا شايفين نتجيتها قصادنا عيلة كبيرة قدامنا والعلامات دي هي السبب في وجود العيلة دي…
هنا بتأفف نفضت ايده اللي ضماها و بعدت عنه ودخلت سريرها بزهق: رجعنا تاني نلف وندور علي نفس الموضوع!!!؟ مصر ورجوعنا مصر!؟؟ والولاد والاحفاد والعيلة؟؟ عدي احنا مش في منفي اولادي واحفادي انا علي تواصل دائم معاها وبنتكلم دايما وبشوفهم كام و عارفة عنهم كل حاجة …كمان احنا بننزلهم اجازات وهما بيجونا هنا فين بقي الغربة المميتة اللي انت دايما بتأنبني بيها دي!!؟
عدي قرب منها بضيق: قصدك انا بنزلهم اجازة مش انتي !!! انتي بقالك سنين رافضة تنزلي وكل مرة بنزل مصر لوحدي وبرجع تاني…ثم انتي مصدقة نفسك يا هنا!؟؟ انتي متواصلة مع ولادك واحفادك!؟؟ اذا كنتي مش متواصلة معايا انا اللي اسمي جوزك وعايش معاكي هنا!! يبقي هما تعرفي عنهم ايه ولا مشغولة بيهم ازاي مش فاهم!؟؟
هنا بتعب وضيق: عدي ارجوك انا تعبانة و عايزة انام…انا مرهقة جدااا طول اليوم وعايزة اصحي بدري عندي شغل ومقابلات كتييير بدري تصبح علي خير….
عدي بعصبية: شغل ..شغل …ومقابلات …
وناااس ..ومواعيد ..وانا!! انا فين يا هنا انا كمان محتاجلك وعايزك؟؟؟
هنا عقدت حاجبها بإستغراب وبرود من انفعاله : مالك يا عدي فيه ايه!! ليه بتزعق كدة!! كمان محتاجني في ايه!؟ ما انا معاك اهو!؟
عدي عصبية : مش عارفة عايزك فيه ايه!؟؟ عايزك زي ما دايما كنت عايزك يا هنا!! زي ما اي زوج بيحتاج زوجته ومراته عرفتي عايزاك في ايه وليه!؟؟
هنا غمضت عنيها بتأفف وهروب: عدي حبيبي هو مش انتي اللي لسة من شوية بتقول مش المفروض نهرب من سننا وكبرنا!!؟ اهو بقي الموضوع ده بالاخص المفروض احنا الاتنين نعترف ان احنا كبرنا فيه وبسببه …والغريبة بقي اننا عكس بعض في النقطة دي …انت في الموضوع ده بالذات مش عايز تقتنع ولا تعترف انك كبرت مش فاهمة ليه!!؟
عدي انصدم من ردها والاكتر القناعة والجدية اللي بتتكلم بيها!!!
عدي قرب منها بجرح وانكسار ودهشة: هنا هو انا عمري قصرت معاكي في الموضوع ده!!؟ يعني انتي حقيقي شايفة اني كبرت ومابقتش زي زمان !؟! هو طبيعي علي فكرة اني اكبر وانتي تكبري ..وكمان العلاقة دي بالاخص طبيعي تاخد شكل تاني غير الاول …بس انتي ليه حصرتي الموضوع في العلاقة دي وبس!!؟
الطبيعي والمفروض ان اللي بيحرك العلاقة دي وخليها مهمة الاحساس!!! الاحتياج !! المشاعر اللي بينا!؟؟ انا لما ببقي عايز احضنك واضمك مش دايما شوية جسد يا هنا لا!! انا ببقي محتاج وجودك… دفئ حضنك …حنانك عليا ….احساسي اني مهم عندك واني لسة ليا قادر احتويكي وانتي قادرة تحتويني!!؟
وحتي لو فيه وقت محتاجك شهوة يا هنا!! هو ده مش طبيعي وكمان حقي!؟؟ هو انا مش انسان ودي غريزة جوايا وطبيعية وحلال كمان لانك مراتي!!؟ ليييه يا هنا انتي مابقتيش شايفة كل ده ولا حاسة بيه!!؟ ليه مش شايفة اني في العمر ده انا زي الطفل محتاج حضنك …محتاج اهتمامك ليه يا هنا !! ليه!!؟
هنا يمكن اتأثرت بيه وبكلامه لكن كان ارهاق الشغل والمجهود اللي دايما محاوطة نفسها بيه غالبها وتعبها مأثر عليها اكتر …عايزة دايما تنهي اي مناقشة واي حوار معاه باي شكل المهم يسكت ويسبها ترتاح علشان تقدر تواصل وتكمل يومها اللي جاي…..
هنا بتتثاوب بتعب ولامبلاه لكل مشاعره وضعفه: عدي حبيبي انت بجد بتحسسني انك لسة شاب عنده ٣٠سنة !! حبيبي احنا خلاص بقي كبرنا علي كل اللي بتحكي فيه ده المهم دلوقتي نحافظ ونزود علي اللي وصلنا ليه علشان نعيش مرتاحين واولادنا واحفادنا كمان من بعدنا …وعموما حاضر مش انت عايز حضني تعالي ياسيدي وانا هخدك في حضني بس حضن بس انا حقيقي تعبانة وعايزة انام!!؟
عدي غمض عيونه بضعف وخزي واهانة رجولة مالهاش وصف ابتلع غضة وجعه وانكساره بمعاناه واتنهد بسخرية : لا حبيبتي نامي وارتاحي …انا مش هنام دلوقتي ….
هنا بتنام فعلا: يعني خلاص مش عايز الحضن اللي مصدعني بيه من الصبح ده!!؟
عدي التفت بعيد عنها خايف تخونه دمعة وجع وبقهرة: لا!! لا يا هنا مش عايز الحضن…مابقتش عايز حاجة …مش عايز…!!!
بااااااااااااااك
كان مغمض عيونه بذكري انكسار ووجع وهو بيفكرها بزلها ليه وجرحها ليه من غير رحمة ولا شفقة فتح عيونه بعتاب ولوم والتفت ليها بسخرية!!
عدي بوجع: افتكرتي يا هنا!!! افتكرتي انتي كنتي شايفاني ازاي وبقيتي تعامليني ازاي!!؟
حطي كل ده بقي قصاد عشق!!
هنا مسحت دموعها بشراسة وبصت ليه بغيرة من ذكره اسمها وسيرتها..
عدي استقام بكبرياء وتحدي لنظراتها الغيرانة: ايوة عشق!! عشق اللي لقيت معاها عكس كل ده!! واحدة ادتها عمري وشبابي وجنوني بيها سنين هانت قلبي وزلت حبي ورجولتي…وماشفعش ليا عندها كل اللي ادتهولها من حب.. واهتمام ..وحنين ..واشتياق…
والتانية ماشفتش مني اي حاجة يمكن بالعكس كمان…قابلتها وانا كبرت و عمري عدي…وحتي مابقاش عندي اللي اعوضها بيه واديهولها مقابل اللي بتقدمهولي!! عارفة عشق قدمتلي ايه يا هنا!!؟
عشق رجعتني عدي بتاع زمان !! عدي اللي يتحب…عدي اللي الضحكة مش بتفارقة ولا بتفارق حياته…عشق نورت حياتي ورجعت شباب روحي مش شباب سني وجسمي….عشق رجعتلي المرح والحنان…انا لقيت في حضنها اللي افتقده من زمان يا هنا…اقولك افتقده من امتي وبجملة الجرح والوجع!!؟؟
لقيت معاها اللي اتحرمت منه وافتقدته من يوم موت حلا!! ايوة يا هنا حلا !! حلا اللي دايما كنتي بتقارني نفسك بيها وتلوميني اني فاكرها ومش ناسيها عارفة ليه ماكنتش ناسيها يا هنا!! علشان حلا حبتني بجد .حلا كانت سندي وانا في عز شبابي وصحتي وقت ضعفي كانت دايما جنبي …حلا اللي غرقتني حنان واهتمام لحد ما ماتت بين ايديا واللي مهما حزنت عليها مش هوفيها حزن….انا كنت بدور فيكي علي الحب يا هنا وكل ما اقرب الاقيه يختفي وتضيعيه بعنادك وغبائك ..ويمكن تكوني اصلا ما حبتنيش من البداية ..يمكن انا كنت ليكي فرصة مش اكتر ….حبيب جالك علي الجاهز محمل حب وحنين ووجع وذكريات ورمي نفسه في حضنك وتحت رجلك علشان يلاقي الراحة والعوض…استغليه وبعتي واشتريتي فيه…عملت كل اللي يسعدك ويرضيكي …دفنت حلا وحبها وذكرياتي معاها علشانك ..علشان حبيتك….وانتي كنتي دايما اللي بتنبشي قبر الذكريات وتفتحي الجرح وتفكريني مش انا….انا كنت عايزك انتي مكتفي بيكي بس انتي لا…انتي كنتي وهتفضلي طول عمرك انانية …وحتي مش عارف انتي عايزة ايه اكتر من اللي معاكي ووصلتي ليه!؟
عشق كانت ليا طوق نجاه يا هنا…عشق حسيتني اني لسة راجل مش بس انسان….عشق في الفترة القصيرة دي غرقتني حنان وحب واهتمام …حسسستني اني منتهي وغاية احلامها …واني استاهل اتحب ….انا رجعتلي ثقتي في نفسي ورجولتي يا هنا بسبب عشق…عشق اللي انتي جاية تهنيها دي المفروض تشكريها لانها حيت جوزك اللي انتي قتلتيه ودفتيه بايدك …
هنا قربت منه بدموع وخجل وكلام ضايع وشتات احساس مش عارفة تجمعه ولا تستوعبه: انت حبتها يا عدي!!؟
شافت سكوته وبعده عن عنيها قربت منه تاني وواجهت عيونه بخوف من الاجابة : حبتها يا عدي انطق و قولي!!؟ حبتها!!؟
عدي بص في عنيها بعتاب وحزن: كان نفسي اقولك لا …كان نفسي اخدك في حضني واقولك وحشتيني…كان نفسي يا هنا…
هنا بدموع ووجع: يعني حبتها فعلا !! يعني خلاص واحدة غيري اخدت مكاني جواك!؟ مابقتش محتاجني يا عدي خلاص !! نسيت هنا!!؟ نسيت اللي عشناه وجمعنا سوا سنين!؟ طيب….طيب اديني فرصة اخيرة…فرصة اعوضك واعتزرلك عن كل اللي قصرته في حقك بس بشرط واحد!!؟ ارميها برا حياتك وانهي كل حاجة بينك وبينها و دلوقتي وانا اوعدك ححاول اوازن بينك وبين شغلي وحياتي وهعوضك!!؟ ها قولت ايه!!؟
عدي التفت ليها بتحدي وسخرية : عايزة ترجعيلي وتعملي اللي المفروض اصلا تعمليه وتقومي بيه بشروط!؟ تمام يا مدام هنا نمشيها شروط وبيزنس!! انا موافق انهي علاقتي بعشق وحالا وارجع معاكي بس بشرط انا كمان تصفي شغلك كله وتنهيه وتتفرغي ليا ولعائلتنا وترجعي تستقري هنا ونعيش حياتنا طبيعي زي اي اتنين !! ها ايه رئيك يا مدام هنا!؟ موافقة !؟
عدي كان بيسألها وهو مستني تقول ايوة موافقة !! او حتي يشوف في عنيها الحيرة والاحتياج ليه بس للاسف شاف اللي كان حاسه ومتوقعه!!؟
هنا بعضب وعنف: انت بتقول ايه!! انت اكيد اتجننت !! عايزاني اضحي بكل اللي بقيت فيه ووصلتله بسهولة كدة!!؟ عايز تنهيني وتكسرني يا عدي مش كدة!؟ عايزني اعيش معاك جارية وسيادتك سي السيد اللي المفروض احمد ربنا ليل نهار اني عايشة معاه وبرضيه مش كدة !؟ انت ليه بتعجزني!! لعلمك انت اللي بعت خلاص وبتخيرني وتعجزني كدة علشان تلاقي مبرر لعملتك وخيانتك ليا!؟؟
عدي ابتسم بحزن وانكسار واخد فونه واتصل بعشق وبهدوء وتعب: عشق تعالي الشاليه عندي بسرعة عايزك…
قفل وقعد بإرهاق..وهنا قربت منه بعصبية: للدرجة دي بتتجاهلني ووحشتك الست هانم الجربوعة رباية الشوارع!!؟
عشق الشاليه بتاعها جنب شاليه عدي ما اخدتش وقت وكانت قصاده بلهفة جريت عليه بسرعة لما شافته قاعد وساند راسه بتعب وارهاق قعدت قصاده في الارض بخوف ومسكت ايده…
عشق بلهفة صادقة مش مصطنعة لاغاظة هنا لا كانت حقيقة زي احساسها اتجاهه ماهو حقيقي : عدي!!! مالك انت تعبان!! فيك ايه طمني عليك مالك ايه اللي حصل !؟؟
عدي بص ليها بحنان وسخرية من قدر وقفه قصاد اللي مالمحتش تعبه وحزنه وهي عشرة سنين وبين عشرة الشهور القليلة اللي جريت عليه بلهفة وعيونها بتصرخ حب وحنان…
عدي بتعب: عشق عندك استعداد تنهي شغلك وشركتك او تولي غيرك يديرها بدالك وتتفرغي ليا وده هيكون شرط جوازي منك!؟؟
عشق ابتسمت بفرحة ومن غير تفكير: انت بتتكلم جد!! انت هتتجوزني يا عدي!!؟
عدي ابتسم: بس بالشرط اللي طلبته منك مافيش شغل ولا شركة ولا اي حاجة …انا!! انا وبس يا عشق!! موافقة!؟؟
عشق ضمت ايده لحضنها بحنان وابتسمت: من غير ما افكر ومش محتاجة كلام طبعااااااا موافقة !!! الشركة الف غيري يديرها والفلوس في داهية قصادك انت…انت مش هتتعوض ولا هلاقي زيك…
عدي كانت عيونه علي هنا وعايز يصرخ فيها بدموع حزنه ووجعه منها بضعف….وهو بيعاتبها …
عدي اكتفي انه قام وقرب من هنا: شرفتي يا مدام هنا زيارة مفاجأة وياريتك ما تعيدهاش تاني…عن اذنك انا مرهق وعايز انام …
والتفت لعشق ومد ايده بإحتياج: عشق تعالي دخليني جوا…عايز انام…
عشق جريت عليه وسندته بحنان : تعالي حبيبي علي مهلك…تحب اطلبك دكتور!؟ انت كويس!؟؟
عدي حاوطها بإيده بحب وشكر…لحد ما وصلته اوضته وسريره ونيمته بحنان…
عدي ابتسم بإرهاق: تؤتؤ انتي الدكتور والطبيب يا عشق…دوايا حضنك وحنيتك دي…ودخليني بس انام وشوفيلي اي حاجة للصداع ارجوكي ..دماغي هتنفجر…
عشق ابتسمت: عيوني حبيبي وكمان هعملك مساچ لراسك دي علشان اقضيلك علي الصداع الوحش ده…اللي ساب الدنيا كلها ووجع دماغ حبيبي انا…
عدي ابتسم بهدوء: عشق!!!
عشق بنعومة: قلب عشق وعيون عشق!!؟
عدي بإحتياج وضعف: خاليكي جنبي يا عشق…ماتسبنيش…انا محتاج لكي اوي!؟؟
عشق قعدت جنبه بلهفة وسحبته لحضنها بحنان : انا عمري ما هسيبك يا روحي عمري والله ما هبعد عنك الا لو ده كان طلبك انت مع اني وقتها مش عارفة هعيش ازاي!؟؟ بس انا ابعد عنك بمزاجي وايرادتي مستحيل…مستحيل يا عدي ماتخفش يا قلبي …بس انت ليه بتوجع قلبي كدة…قولي مالك بس!!؟
عدي بيغمض عيونه بتعب: انا عايز انااااام يا عشق …سبيني في حضنك وبس…سبيني لحد ما انام….
عشق ضمته اكتر وكأنها ضامة طفل صغير مولود جديد محتاج حنان واهتمام وخايفة عليه ….
اما هنا كانت قاعدة في عربيتها هتتجنن من التفكير والغيرة …وكأن اللي هي فيه محتاج تفكير !!!…و محتاج حيرة !؟ وكانه مش بديهي وطبيعي انها هي اللي تكون جنبه دلوقتي مش عشق!؟؟

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية رحم للإيجار 3 (حب الفرسان))