رواية عيب الشوم الفصل الخامس والعشرون 25 بقلم مريم أحمد

رواية عيب الشوم الفصل الخامس والعشرون 25 بقلم مريم أحمد

رواية عيب الشوم البارت الخامس والعشرون

رواية عيب الشوم الجزء الخامس والعشرون

رواية عيب الشوم الحلقة الخامسة والعشرون

اتكلمت بعصبيه و غضب و هي شايفه ساره بتبستم باستفزاز
همس…جايبالي رقم دكتوره نفسيه يا ساااره…شايفاني مجنونه ولا عندي اكتئاب
هزت ساره راسها يمين و شمال و قالتلها
ساره…مجنونه لا عندك اكتئاب يمكن اه
رمت همس الكارت على الطربيزه بغضب و قالتلها
همس…انا غلطاته اصلا اني ضيعت وقتي و قولت اجي اقعد معاكي
خدت شنطتها و كانت لسه هتقوم بس ساره مسكت ايدها تمنعها و قالتلها
ساره…يا همس اهدي ايه المشكله يعني لما تروحي و تتكلمي معاها مجراش حاجه م نجلاء كانت بتروحلها عادي يعني شايفه حد فينا فضل يتريق عليها و يقولها المجنونه اهي؟؟
سكتت همس و متكلمتش ف عرفت ساره مدى تأثير كلامها على همس ف كملت كلامها و هي بتقول
ساره…انا عايزه مصلحتك يا همس
مدتلها الكارت تاني و همس بصت للكارت و سكتت
قالتلها ساره
ساره…خلي الكارت معاكي و وقت م تحبي تروحيلها روحيلها و من غير حتى م تعرفي حد فينا
سكتت همس و مردتش ف كملت ساره كلامها بتشجيع و هي بتقولها
ساره…يلااا
خدت همس منها الكارت بعد تردد كبير و قالت ساره
ساره …هضطر امشي انا بقى عشان اروح لـ خالتو يلا باي
همس…انا كمان همشي
و قاموا مشيوا كل واحده لـ طريقها
…..لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته
عدى اسبوعين كانت همس بتفكر كل يوم ف كلام ساره
همس…فيها اي يعني مش هيحصل حاجه
._على ايه
سمعت الصوت دا بيرد عليها بصت ناحية باب المطبخ و لاقيتها ورد الي جت تشرب
هزت همس راسها يمين و شمال و دا لأنها مكنتش عايزه تعرف حد نهائي
همس…ولا حاجه
هزت ورد راسها و قالتلها و هي عينيها على مكينة القهوه الكهربائيه
ورد…القهوه باظت يا همس
بصت همس للقهوه بسرعه لاقيتها خلاص هتفور شالتها بسرعه و راحت ناحية الحوض عشان القهوه الي باظت متغرقش المكان
نفخت همس بزهق و حلة حيله و ورد الي قالتلها
ورد…لـ مين القهوه دي
همس…لـ جدو
ابتسمتلها ورد و قالتلها
ورد…خلاص هعملهاله انا و انتي روحي ارتاحي و لو عوزتي تتكلمي معايا او تاخدي رأيك ف الموضوع الب شاغل بالك تعالي و هتلاقيني سمعاكي
سكتت همس بتردد و بعدين خرجت من المطبخ من غير ولا كلمه
استغربت ورد جدا لكن دعيتلها بصلاح حالها
و بدأت تعمل قهوه جديده لـ موسى جدها
….لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته
في القاهره تحديدا ف فيلا عادل الشناوي
كان ف مكتبه بيراجع شغله بتركيز لحد م قطع تركيزه وجوظ بنته الي كانت بتعيط جامد و بتقوله
رانيا…كلم همس انت يا بابا و خليها توافق تيجي انا خلاص مبقتش قادره اتحمل البيت اكتر من كدا
سكتت عادل برفض بس ف نفس الوقت خاف على بنته لأنها كانت ف حالة عياط و حزن صعبه جدا
بصتلها رانيا برجاء و قالتله
رانيا…ها يا بابا
هز عادل راسه و قالها
عادل…بس لازم تعرفي اني حتى لو كلمتها و هي وافقت ف في الف حاجه تانيه تخليها ترفض منهم مالك و ابوها و جدها
حست بخيبة امل و حطت ايدها على وشها و فضلت تعيط اكتر و هي بتدعي لـ هيا
اتنهد عادل بحزن عليها و قالها
عادل…بطلي عياط يا رانيا
خد التليفون و رن على رقم همس
….سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته
كانت قاعده ف اوضتها بتفكر ف كلام ساره لحد م قطع تفكيرها صوت تليفونها
خدت التليفون و بصت على الشاشه لاقيته اسم جدها
ردت و هي بتقول
همس…ازيك يا جدو
عادل…الحمدلله يا حبيبتي انتي عامله ايه
هزت همس راسها و قالتله
همس…الحمدلله
اتنهد عادل بحزن و قام دخل البلكونه و قالها
عادل..امك يا همس بتموت من كتر عياطها على اختك يا بنتي ..معلش انا عارف ان طلبنا ليكي انك تيجي تعيشي هنا معانا صعب عليكي بس
سكتت همس شويه و قالتله بكسره
همس…ليه شايفنّي معنديش مشاعر ولا بزعل ولا اي حاجه حضرتك عارف يعني ايه حتى اسمي ميتقالش و يتغير ماما عايزه تلغي وجودي خالص يا جدو و انا مش هقبل بـ دا ابدا
رد عليها بنفي و هو بيقولها
عادل…لا يا حبيبتي مفيش حاجه من الكلام دا انتي هتيجي بأسمك همس و هتنزلي شركتك عايزه تتابعي شركة اختك و انتي همس تمام مش عابزه تتابعيها و تكتفي بشركتك انتي تمام برضو كل الموضوع انك تيجي بس تقعدي معانا هنا
سكتت همس و متكلمتش و عادل الي كمل كلامه و هو بيحاول يقنعها
عادل…و على فكره امك كدا هتتعلق بيكي زيك زي هيا بالظبط و مش هتفرق بينكوا تاني
ردت عليه بهدوء و هي بتقوله
همس…سيبني افكر ف الموضوع و ابلغهم هنا و هرد على حضرتك
هز عادل راسه و قالها
عادل…تمام يا حبيبتي سلميلي على ابوكي و كل الي عندك
هزت همس راسها و قالتله
همس….حاضر..مع السلامه
و قفلت المكالمه
اتنهدت بحزن و هي مش عارفه تعمل اي و ف وسط كل تفكيرها افتكرت ورد لما قالتلها انها موجوده ف اي وقت حبت همس انها تيجي و تتكلم معاها
قامت بسرعه و راحتلها
…لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته
كانت ماشيه ف طريقها لأوضة ورد بس قاطعتها نعيمه الي قالتلها
نعيمه…عايزه ايه
استغربت همس من طريقة كلام نعيمه بس ف نفس الوقت. مكنتش فايقالها كان كل همها انها تحكي لأي حد على حزنها و خلاص
قالتلها نعيمه بحده
نعيمه…م تـــرديـــيي
لحد هنا و اتكلمت همس و هي بتقول
همس…مش معنى انك مرت عمي اني هسمحلك تعلي صوتك عليا او تزعقيلي
اتصدمت نعيمه من رد همس و امال الي كانت معديه و شافتهم واقفين باين من نظرات عيونهم الغضب و الحقد
امال…في ايه مالكوا مضايقين كدا ليه
ابتسمتلها همس و قالتلها و هي لسه بصه ف عيون نعيمه بقوه و غرور
همس…لا دي مرت عمي بس علت صوتها عليا
بصت لـ امال و كلمت كلامها بابتسامه و كأنها بتهزر
همس…سنها كبر بقى و طبيعي انها تبدأ تخرف تلاقيها افتكرتني ورد ولا رهف و قالت اما ازعقلها
اتعصبت نعيمه منها جدا و قالتلها بغضب
نعيمه…يا جليلة. الربايه
._لااااااه
قالتها همس بقوه و ثقه كبيره لـ درجة ان ورد سمعت صوتهم و فتحت باب الاوضه تشوف في ايه و هي مستغربه
ف الوقت دا كملت همس كلامها بقوه و هي بتقولها
همس…انا متربية زين بس اكيد مش هسيب حقي لما الاقيكي انتي ولا غيرك بتعلوا صوتكوا عليا
كملت بصوت هادي بس كله تهديد
همس…مش انا الي تخلي حد ملوش اي لازمه يقلل من كرامتها يا مرت عمي
اضايقت ورد جدا منها و من طريقة كلامها مع امها راحت قالتلها بأنفعال و عصبيه
ورد…حسبي على كلامك يا هممممس دي امي انتي اتهبلتي ولا ايييه
بصتلها همس بغضب و قالتلها
همس…الزمي حدودك معايا يا ورد..ايه انهبلتي دي..؟؟؟
بصتلها ورد بزهول من تغيرها بس ف نفس الوقت افتكرت طريقة كلامها مع امها ف قالتلها بغضب
ورد…اه اتهبلتي لما تتكلمي مع امي كدا تبقي اتهبلتي يا همس و عايزه عمي مرتضى يرجع كل م تتكلمي مع حد فينا باسلوبك الوحش دا يضربك عشان ترجعي تتربي تاني
كلامها كان زي السكـ ـين الي دبـ ـح همس
دمعت عيونها لما افتكرت زمان لما كانت بتضايق من معاملة نعيمه ليها و كانت ترد عليها و برغم من انها كانت بترد بأحترام و ادب عشان ترجع حقها الا ان ابوها. كان بيضايق منها جدا و كان بيزعقلها و يضربها عشان متتكلمش بأسلوب وحش تاني عكس عمها متولي تماما تلي كان لما ورد او رهف بيتكلموا مع حد باسلوب وحش كان بيتكلم معاهم بهدوء و يفهمهم ان دا غلط و انهم مينفعش يزعقه لحد او يتعصبه على حد اكبر منهم
فاقت من ذكرياتها على صوت امال الغاضب و هي بتقول لـ ورد
امال….اخرسي يااا ورد و اياكي تقولي كلامك دا ااني سااامعه
ردت عليها ورد بضيق و هي بتقول
ورد…ليه يعني مش دي الحقيقه
ردها على عمتهم كان القرار الي حطم بانتهاء صحبيتها هي و همس
و همس الي قالتلها بصوت كله خذلان و حزن
همس…انا مش عايزه اعرفك تاني …
كملت بندم و هي بتقول
همس…يا خسارة طفولتي الي ضيعتها على صاحبه زيك …من انهارده انسي ان كان ليكي صاحبه و بنت عم اسمها همس
ردت عليها ورد و قالت بغضب
ورد…احسن
بصتلها همس نظرات كلها حسره و خذلان و غضب و مشبت و سابتهم
حاوطت نعيمه كتف بنتها بفخر و قالتلها
نعيمه…تسلميلي يا قلب امك
ابتسمتلها ورد و هي بتفتكر جملة همس الي كانت عماله تتردد ف عقلها من ساعة م قالتها
” يا خسارة طفولتي الي ضيعتها على صاحبه زيك ”
” من انهارده تنسي ان ليكي صاحبه و بنت عم اسمها همس ”
…استغفر الله العلي العظيم الذي لا اله الا هو الحي القيوم و اتوب اليه عدد خلقه و رضا نفسه و زنة عرشه و مداد كلماته
دخلت اوضتها قبل م تنهار و تعيط قدامهم و هي بتفتكر كل مره ابوها كان بيضربها فيها من و هي صغيره بحجة انه عايزها تبقى متربيه احسن تربيه
كانت ديما امال عمتها تفضل تقوله مينفعش انه يضربها عشان ثقتها ف نفسها متقلش بس هو مكنش مقتنع بالكلام دا
حست بخنقه و كأن الاكسجين الي ف البيت كله اختفى
حطت الطرحه على راسها و قامت دخلت البلكونه يمكن الخنقه الي حسه بيها دي تروح
لثواني جيه ف بالها ان لو كانت امها معاها مكنش حد قدر انه يجرحها بكلمه
هنا انهارت في العياط و فضلت تعيط جامد اوي بحزن و كسره
حست انها طول م هي ف البيت هتتخنق اكتر ف قررت انها تروح فيلا جدها
ابتسمت بسخريه لأن هنا قهر و هناك نفس القهر بس يكفي انها هتبقى جمب امها
و بالفعل استغلت فرصة ان ابوها و جدها و عمامها مشغولين بالارض و المحاصيل و دخلت اوضتها و قفلت البلكونه
سحبت كرسي التسريحه و حطته قدام الدولاب و طلعت جابت شنطة سفر من فوق الدولاب
حطتها هلى السرير و رجعت كرسي التسريحه مكانوا و بدأت تلم هدومها بسرعه
و ف وقت قياسي كانت خدت كل حاجه تخص شغلها و الشركه
و نزلت بسرعه قبل م عمتها تشوفها خرجت من البيت و خدت عربيتها و مشيت بسرعه
….لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته
بعد ساعة و نص تقريبا كانت رانيا بتتعشا هي و ابوها او بمعنى اصح كانت موجوده بس عشان ابوها ميزعلش
جالها صوت ابوها الحزين و هو بيقولها
عادل…هتفضلي متاكليش كدا لحد امتى يا رانيا
ابتسمت بحزن و قالت
رانيا…ازاي هيجيلي نفس اكل يا بابا
سكت عادل و بعدين قالها
عادل…كلي يا رانيا عشان متتعبيش يا حبيبتي
ردت عليه بكلام ملوش اي علاقه بكلامه و كأنها مش سامعه الي حواليعا او بمعنى اصح فكرت بصوت عالي و هي بتقول
رانيا…واحده راحت ف غيبوبه محناش عارفين هتفوق امتى
ابتسمت و قالت
رانيا…و التانيه مش عايزه تيجي حتى تقعد معايا تحسسني بوجود اختها
قالت بسخريه
رانيا…م هي برضو ولا مره شافت مني اي حب ليها اكيد مش هتحبني و حتى لو كانت بتحبني اكيد هتبطل تحبني بسبب معاملتي السيئه ليها
دمعت عيون عادل بحزن على بنته و قالها
عادل…اهدي يا حبيبتي متزعليش كله خير
بصتله و قالتله بحزن
رانيا…هي بس تيجي و انا هعملها كل الي هي عايزاه حتى لو عايزه املاكي و ثروتي كلها هكتبهالها بس هي تيجي
في نفس اللحظه جرس الفيلا ضرب و راحت نورا الخدامه تشوف مين
و اول م فتحت الباب و شافت همس قالت بفرحه
نورا..همس هاانم
ابتسمتلها همس و هي حسه ان قلبها هيوقف من كتر حزنها دا غير انها كانت قلقانه من ردة فعل امها
بس اتصدمت لما لاقت امها جتلها و هي الدموع في عيونها و بتحضنها و هي بتقول بندم و حب اول مره تسمعه من امها ليها
رانيا….وحشتيني اوي يا همسس…وحشتني اوي يا حبيبة مامي وووو

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عيب الشوم)