رواية بوادر عشق الفصل الرابع 4 بقلم ريتاج محمد
رواية بوادر عشق الفصل الرابع 4 بقلم ريتاج محمد
رواية بوادر عشق البارت الرابع
رواية بوادر عشق الجزء الرابع
رواية بوادر عشق الحلقة الرابعة
تمنى ابتسمت بسماجه:ههههه عسل بس انا شايفة ان الي عندة ابن خالتة اسم عيلتة السايح ميتريقش على اسم عيلة الناس !
معتصم بصلها بصدمه وقال بأحراج:طب اي الاحراج دا بقى..
تمنى :والله اسأل البشمهندس وهو يقولك
لؤي بتصحيح:ظابط!
تمنى:افندم ؟
لؤي:ظابط مش بشمهندس
تمنى :غنى عن التعريف والله بس دا تعبير مجازي يا استاذ
معتصم :طب نتمم الصفقة طب ولا كل واحد يروح … اصل كلامنا كدة مش لطيف ولا ايه ؟
تمنى :نتمم الصفقة ..بس اتمنى تكون قرأت الورق كويس والشرط الجزائي كمان!
معتصم:لا هو الحقيقة انا قرأت الفايل كلة بس الشرط الجزائي دا مشوفتوش
ممكن تعرفيني طب بيتكلم عن ايه ولية يبقى في شرط جزائي اصلا؟
تمنى بهدوء:والله يا استاذ معتصم الشرط بيقول انك لو غدرت او فشكلت الشراكه ف أي لحظة من دماغك هتدفع الشرط الجزائي
معتصم:والي هو كام؟
تمنى :٢٠
لؤي باستهزاء:٢٠ الف …ايه التفاهه دي؟
تمنى:٢٠ مليون
لؤي بصدمهه:نعععععم عشرين مليون دا ايه
دنا اروح اتجوز بيهم واسافر وأأمن حياتي خمستاشر سنه قدام وهيفيض منهم .لا لا كتير اوي
معتصم بهمس :اسكت يابني هتفضحنا الله يخربيتك
تمنى وهي باصة للؤي:افندم ..هو ايه الي كتير أوي يا استاذ معتصم
هو احنا الشراكه الي هنعملها هندفع فيها الوفات؟
احنا هندفع فيها ملايين يا استاذ
يعني دا كدة رقم قليل اوي
ونا اصلا مكنتش مقتنعه وانا بحطة
معتصم بتفكير:والله يا انسه تمنى لو حد تاني
هو الي حاطط الرقم دا مكنتش وافقت اتمم الشراكه
بس انتي انسانة ناجحه وانا يشرفني اشاركك
ف تمام موافق(ملحوظة هما هيعملوا صفقة
وهيبقى فيها شراكة بحيث ف الاخر دا يطلعله مكسب و دي يطلعلها مكسب فهمتوا)
بعد وقت مضوا العقود وسلموا على بعض
وقعدوا يتكلموا ف الشغل
فرنت عليها فريدة
تمنى:ثواني لحظة هرد على الفون
اماءوا ليها بماشي
تمنى:ايه عايزة ايه ..
فريدة بخوف وشهقات: تمنى انتي فين ؟
تمنى اتعدلت عالكرسي باستغراب:هو ايه الي انا فين مش فاهمة؟
فريدة بخوف وعياط:تمنى تعالى بسرعه ونبيييي
تمنى بقلق:مالك يافريدة في أيه متخضنيش؟؟
فريدة بشهقات وخوف :ت تمنى ماما يتمني
تمنى بخضة:مالها
فريدة بعياط:ماما دخلت تنام وجيت اص..اصحيها عشان اسألها عالاكل عشان كنت هنزل اقابلك عشان نروح نعمل الاشعه
لقيتها مبتردش ومش بتتحرك يتمنى ومفيهاش نفس
ونبي تعالى بسرعه وربنا انا خايفه اويي
تمنى ردي عليا ونبي انا مرعوبة
تمنى حطت ايدها على بقها بصدمه
وهي بتعيط تمنى بصوت منخفض من العياط:طب طب انا مسافه السكه وهكون عندك اطلب دكتور بسرعه
لؤى والي كان متابعها وهس بتتكلم فالفون قال باستغراب من عياطها المفاجئ :في حاجة يا انسة تمنى
شاورتله بأيدها وهي بتقوم بمعني لأ وقالت بانفاس عالية:معلش هتطر أمشي بسرعة تتعوض تاني
وعيطت اكتر
معتصم بقلق:طب في أيه طب يمكن نقدر نساعدك طيب
تمنىوهي بتمسح دموعها وبتاخد شنطتها فتحتها وطلعت منها الكريدت كارت وحطته على التربيزة: مفيش حاجة حاسبوا انا الي عزماكوا ..معلش آسفة
بس لازم امشي
وجريت بسرعة وهي بتركب العربية وبتدورها
وطلعت على البيت
دخلت وجريت على اوضه خالتها
لقت فريدة قاعدة عالسرير وهي واخداها فحضنها
وبتعيط وعماله تبوس في ايدها وراسها
(بجد احساس وحش اوي ربنا مايكتبة على حد يارب )
تمنى وقفت عالباب وهي عارفة بل ومتأكدة ان خالتها فارقت الحياه
اتقدمت منهم بخطوات بطيئة وهي بتبعدها عن فريدة براحه وقيمتها عالسرير وغطت وشها وهي بتقول بهدوء مصتنع: اهدي يافريدة
فريدة بصراخ وعياط:انتي بتغطي وشهااااااا ليه
هي مماتتش هي عايشة
انا اتصلت بالدكتور وهو جاي يشوف مالها
اكيد جاتلها غيبوبة السكر
انا امي كويسسسة انتي فاهمة
تمنى شدتها لحضنها وهي بتبت عليها وبتقول فودنها ودموعها نازلة:وحدي الله
ربنا اخد أمانته اوعي تزعلي يفريدة !
فريدة بعياط وتعب واعصابها كلها سابت فحضنها:والله ما زعلانه عشان ربنا اخد أمانته بس فراقها صعب
دي الوحيدة الي فراقها بالنسبالي بموتي ياتمنى
انا لو كنت اعرف ان ربنا هياخد أمانته بسرعة كدة والله مكنت سبتها لحظة وحطت ايدها ناحية قلبها وهي بتقول بحُرقه :والله والله حاسه بناااااار
مش قادرة حاسه روحي بتتسحب مني ياتمنى
تمنى حاوطتها اكتر جوا حضنها
وهي بتطبطب على ضهرها
بس لقيتها سكتت
فرفعت وشها براحه لقتها اغمى عليها
جريت بسرعه جابت برفان وفوقتها
وفريدة كانت قاعدة ساكته
متكلمتش تمنى بصتلها واتمنت انها ان ربنا يكون الهمها الصبر
عدا الوقت وكانوا عرفوا الأقارب من العيلة وغسلوها
وخلصوا إجراءات الدفن
ودفنوها
ف المقابر بعد ما الكل مشي كان فريدة قاعدة جنب قبرها بس ساكته باصه عالقبر وساكته
تمنى وهي بتهزها براحه:فريدة ..فريدة انتي كويسة
فريدة بهدوء:الحمد لله ياتمنى
لو عايزة تمشي امشي انا قاعدة معاها شوية
تمنى:
لا امشي ايه انا قاعدة معاكي ياحببتي
وحضنتها
فريدة ابتسمت بتحشرج
تمنى وهى يتربت على ضهرها بحزن ودموع لامعه ف عيونها وقالت:متفكريش كتير ..ادعى بس ربنا يثبتها عند السؤال ..وان شاء الله نتجمع كلنا سوا
ف الجنه
فريدة بدموع:ياب
يارب ياتمنى يارب
تمنى قامت وشدتها وقالت:فريدة معلش هنمشي دلوقتي وبكرة نجيلها انتي مش كويسة خالص شكلك مش مطمني
فريدة بتعب:لا انا كويسة الحمد لله
سيبيني بس معاها شوية
تمنى باصرار:يلا يافريدة هي كلمه واحدة قولتها يلا
فريدة قامت معاها بتعب وركبتها العربية ووصلوا للبيت وطلعوا فريدة كانت ماشة طالعه اوضتها
تمنى:استني تعالى معايا ف اوضتي
فريدة مشيت قدامها مش غير كلام
تمنى راحت قعدت على السرير وفتحتلها ايدها بمعنى تعالى نامي فحضني وهي راحت
نامت فحضنها
وتمنى بقت تربت على الضهرها وشعرها
فريدة بتعب : انا تعبانه اوي ياتمنى
ياريتني انا الي مت وهي لأ
حاسه من كتر مافي تعب ووجع
وعياط جوايا مش عارفة ولا قادرة اطلعهم كابتين على نفسي مش عارفة اتنفس
….دام الصمت تلت دقائق
فقالت فريدة :مين الي هيستنانا لما نيجي من الشغل بعد كدة ؟
طب مين الي هيعملنا القولقاس الي مش بناكله بس هي مقتنعه اننا بنحبة
مين الي كل شوية هيرن علينا ويهزقنا عشان اتأخرنا
ومين الي هيفطرنا ويهتم بينا
ويصحينا بضحكة ويملى علينا يومنا
مين الي هيعرف يملى مكانها
مين ،مين ياتمنى ؟
تمنى عيطت وهي بتقول ..
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية بوادر عشق)