روايةانا ودكتوري الفصل الثاني 2 بقلم ندا

روايةانا ودكتوري الفصل الثاني 2 بقلم ندا

روايةانا ودكتوري البارت الثاني

روايةانا ودكتوري الجزء الثاني

روايةانا ودكتوري الحلقة الثانية

_عريس اي ي ماما انا لسة مخلصتش تعليمي
=انتي عارفة ان القرار في ايد ابوكي بس ي ندا
_طيب هو فين بابا انا عاوزة اتكلم معاه
خرجت من الاوضة معاها ولقيت بابا قاعد في الصالون قعدت جمبه اما هي فمشيت وسابتني اتكلم معاه
ندا : بابا انا مش عاوزة اتخطب دلوقتي
الاب : ليه ي ندا انتي بقي عندك دلوقتي 22سنة لسة مستنية اي
ندا : ي بابا انا مستنية اخلص تعليمي وبعدها افكر في الجواز انا يعني مش هبور بس انا مش هقدر اتخطب وانا بتعلم لسة
الاب : يعني اي ي بنتي فهميني اللي في دماغك
ندا : بيقولوا صاحب بالين كداب وانا مش هقدر اوفق بين الخطوبة وعريسي وبين الجامعة والمذاكرة انا كدة مش هتحمل هي لسة اخر سنة دي وبعدها اللي فيه الخير ربنا هيقدمه
الاب : انتي عارفة ي ندا اني عمري ما جبرتك علي حاجة ابدا من وانتي طفلة وع كدة انا هسيب القرار دا في ايدك لانك انتي اللي هتكملي حياتك معاه وانتي اللي هتعيشي مش احنا
حضنته وانا فرحانة انه سابني براحتي ومغصبنيش علي حاجة ودي احسن حاجة في بابا انه دايما بياخد رأينا في كل حاجة
ندا : طب انا دلوقتي هلبس وهروح الجامعة انا لسة متأخرتش اصلا
الاب : تمام ي حبيبتي
قومت بسرعة ولبست واخدت بعضي وروحت علي الجامعة وانا مقررة اني اتجاهل الدكتور البارد دا اول ما روحت قابلت سما هناك وحمدت ربنا اني فعلا متأخرتش لاني مش ناقصة اي رزالة
سما : بقي كدة ي ندا ارن عليكي كتير ومترديش عليا ولما اجيلك مترضيش تحكيلي اي اللي مزعلك
ندا : معلش ي سما انا فعلا كنت مخنوقة وتعبانة بس الحمد لله دلوقتي بقيت كويسة والدليل اني جيت اهو
سما : انتي باين عليكي فيكي حاجة اي اللي حصل
ندا : متقدملي عريس ي ستي
سما : عريس دا بجد وباباكي قال اي
ندا : ايوة بجد لقيت ماما بتقولي ان بابا موافق
سما : طب والدراسة
كنت لسة هرد عليها بس سمعت صوت من ورايا واكيد كلنا عرفنا يبقي مين ايوة هو الدكتور الغلس
الدكتور : مبروك ي انسة
بصتله باستغراب بسبب الضيق والعصبية اللي باينة علي وشه وانا مفهمتش معناها حتي
ندا : علي اي ي دكتور
الدكتور : سمعت انك هتتخطبي
ندا : لا طبعا انا مش موافقة انا لسة قدامي تعليمي اكيد مش هتخطب دلوقتي
رجعت ملامحه لطبيعتها بعد كلامي وانسحب من غير ما يرد حتي وسابنا ومشي بصيت لسما باستغراب اللي بادلتني نفس البصة
ندا : انتي فهمتي حاجة
سما : لا والنبي يلا بسرعة هنتاخر علي المحاضرة
دخلت معاها لجوة واكيد ع حظي العسل كان اللي علينا الدكتور نفسه تجاهلت الوضع وقعدت ورا ع ميشوفنيش وانا اتجنب شوفته
بدأ يشرح وكان باين عليه انه بيدور علي حاجة لانه كان بيبص في كل المقاعد اول ما نظره جيه لحد عندي ابتسم وانا استغربت من ابتسامته بس الحمدلله محدش اخد باله غير سما اللي كانت قاعدة جمبي
خلصت المحاضرة علي خير الحمدلله ولاول مرة منطردش منها ولا حتي اتهزق منه وسيبت سما وروحت البيت
مرت الايام وكل حاجة طبيعية لوقت ما روحت في يوم ولقيت الدكتور البارد دا عندنا وانا انصدمت لما شوفته ولانه مجاش الجامعة النهاردة ودي محصلتش قبل كدة
الاب : تعالي ي ندا
روحتلهم وانا مش فاهمة حاجة وبصيت لبابا بمعني في اي ابتسملي ودا اللي خلاني استغرب اكتر
الاب : الدكتور فهد جاي طالب ايدك ي بنتي
صدمتي وقتها مكنش في منها مين اللي جاي طالب ايد مين كنت حاسة ان هيغمي عليا بفعل الصدمة بس اتمالكت نفسي
ندا : بس انا مش موافقة
فهد :ممكن تسيبنا شوية ي عمي محتاج اتكلم مع الانسة ندا في موضوع
الاب : طبعا ي ابني
قام بابا وسابنا ومشي بعيد عننا ووقف برة الصالة وهو قادر يشوف كل حاجة لانه طبعا مينفعش يسيبنا لوحدنا كدة
فهد : ممكن افهم انتي رافضاني ليه
ندا : بعد دا كله ولسة بتسالني
فهد : وانا عملت اي
ندا : انت دا انا بسببك اتعقدت حياتي وكرهتني في التعليم
ضحك فهد لما فهم قصدي وقال من بين ضحكته : طب مش عاوزة تعرفي كنت بعمل فيكي كدة ليه
ندا : طبعا عاوزة اعرف
فهد : عشان بحب اشوفك متعصبة
ندا بضيق : يعني عاوزني اسقط ع بتحب تشوفني متعصبة
فهد : لا ما انا واثق من ذكائك ومتاكد انك مش هتسقطي وانا كنت بتحدي الكل انك هتنجحي حتي لو مش بتحضري المحاضرات
ندا : وحضرتك عاوز اي دلوقتي
فهد : تديني فرصة مش ممكن اطلع مش زي اللي في بالك وتغيري فكرتك عني
ندا : ولو مقدرتش يبقي اي
فهد : يبقي كل واحد يوف نصيبه بس انا مظنش ابدا ها قولتي اي
بصتله شوية من غير ما اتكلم وبعدها قولت بهدوء : موافقة
اول ما قولت الكلمة دي سمعت صوت الزغاريط اللي ملا المكان وطبعا كانت ست الكل ميجو اللي قامت بالواجب واكتر بابا جه بعد جمبها هو وماما اللي كانت الفرحة باينة في عينيها
لقيت فهد بيقرب مني وهمس جمب ودني وقال : وعد مني اني عمري ما اخلي الابتسامة اللي وشك دي تسيبه ابدا
بعد مدة فعلا تمت الخطوبة بعد ما قدر يخليني احبه ومتخيلش حياتي من غيره ولا حتي من غير ما اشوفه
~تمت~

لقراءة باقي حلقات الرواية اضغط على : (رواية انا ودكتوري)