رواية رحم للإيجار 3 (حب الفرسان) الفصل الحادي والستون 61 بقلم ريحانة الجنة
رواية رحم للإيجار 3 (حب الفرسان) الفصل الحادي والستون 61 بقلم ريحانة الجنة
رواية رحم للإيجار 3 (حب الفرسان) البارت الحادي والستون
رواية رحم للإيجار 3 (حب الفرسان) الجزء الحادي والستون
رواية رحم للإيجار 3 (حب الفرسان) الحلقة الحادية والستون
وقتها بس لما انعادت الذكري لخيالها واتجسدت قصادها لحظة موته وفقدانه وقتها بس رجعت صرختها ودموعها انفجرت بقهرة ووجع…وقتها بس رجع ليها الاحساس والشعور ..وقتها بس بدأت تستعيد ولو جزء بسيط من الوعي والحس والادراك!!
وقتها اللي سمعت صرختها ودخلت ليها بلهفة كانت همس!! فتحت باب أوضتها بلهفة وفزع وقربت منها وضمتها بحنان..
همس بخوف: بسم الله!! مالك يا قلبي بتصرخي ليه !!
وقتها للحظة انتبهت همس ان ماليكة نطقت وليها رد فعل حتي لو كان صريخ ودموع…لكن استجابت لشئ !! إيه هو هي مش عارفة !!
خرجتها من حضنها بخفة ودموع فرحة: حبيبتي اااانتي اخيرا عملتي رد فعل !! اخيرا صوتك طلع يا ماليكة !!
ماليكة رفعت عيونها ليها بحزن وخمول ووجع: ماات يا ناناه !! مالك مات !! حتي لو كان غلط! حتي لو كان ضعف!! لكن ليه يمووت!! ليييه يا ناناه!!! لحظة موته بشعة!! مؤلمة اوي اوي !! اااانا قلبي بيوجعني يا ناناه ! قلبي بيوجعني !!
همس بتحاول تتماسك بدموع : أنا عمري ما هلومك علي حزنك وصدمتك ..ولا هقولك انه خان وكدب ويمكن يكون يستاهل اللي حصله!! ولا هقولك موساه وموعظة علشان اهون عليكي ولا انسيكي حزنك ووجعك!!
لا يا ماليكة انا مش هعمل كدة …انا عايزاكي تحزني! اايوة تحزني..احزني اوي كمان واتوجعي.. وابكي ..اصرخي بعلو صوتك وخرجي النار اللي في صدرك وقايدة في قلبك… الحزن والوجع اوقات كتير بيكون هو الدواء والشفاء الوحيد لجروح معينة !! فيه جروح كدة مالهاش علاج يا بنتي غير انك تحزني بسببها لحد ما جرحك يطيب..عارفة ! هقولك حاجة كدة حصلت زمان ..لما اتجوزت جدك وبدأت ادخل عيلة الحديدي بدأت ادخل العالم الجديد ده …عالم غريب عليا وعمري ما تخيلت اني اعيش فيه!! حصلت ازمة كبيرة بينا وبعدنا عن بعض فترة وفي الوقت ده حصل صدام كبير بينه وبين جده توفيق ووقتها رعد انضرب بالنار وكان بين الحياة والموت!! انا وقتها كنت بعيد عنه ما اعرفش حاجة …لحظة ما روحتله المستشفي وشوفته قصادي وهو بالحالة دي اتمنيت من جوايا ان لو دي نهايته ما اشوفهاش!! اموت قبله انا ولا اني اعيش اللحظة دي !! وقتها مجرد فكرة انه يضيع مني للابد كانت بتمزع قلبي وتقيد النار جوايا تنهش فيا من غير رحمة…والظروف كمان كانت قاسية اكتر وانجبرت ابعد عنه واتحرم منه وتنقطع عني اخباره وما بقتش عارفة هو عايش ولا ميت!! بس كان جوايا نبض هادي!! موجوع لكن هادي كنت وقتها بحس ان قلبي بيطمني انه عايش لانه لو كان مات كان قلبي ثار وإتآلم اكتر بكتير …كنت بطمن عليه من دقات قلبي انا !! لحد ما ربنا جمعني بيه واتأكدت وقتها ان قلبي وقلبه مربوطين ببعض برباط قوي مش بسهولة نفترق من غير ما نحس ببعض!!
ماليكة بدموع: لكن!! لكن جدو فضل عايش ما سبكيش لوحدك ومات!! مهما اتوجعتي وقتها مش زي وجعي دلوقتي مستحيل!! انا وجعي مش بسهولة ينتهي ولا يروح!!
همس ابتسمت بحنان: ومين قالك ان وجعك ده هينتهي!! اللي انا عايزة افهمهولك او اوصلهولك من كلامي إني برغم ان رعد فضل عايش وكملنا حياتنا سوا بكل اللي فيها سواء حلو او مر!! إالا إني ولا لحظة نسيت اللي حصل ولا حتي نسيت وجعي وقتها ولحد النهاردة بفتكر عيوني تدمع وقلبي ينغص غصة الوجع!! ولما افتكر حادثة ابوكي !! ابني فادي لما كان هيروح مني وافقده مش بنسي وجعي وقتها!! وقلبي بيوجعني!! لما بفتكر ازمة شهاب عمك وإنه في فترة من الفترات فقد عيونه وعاش من غير نورها ما بنساش وجعي!! لما بفتكر هبة اختي الله يرحمها وحزني وقتها علي فراقها ما بنساش وجعي!!
انا عايزة اقولك يا بنتي ان مافيش وجع بيتنسي ولا جرح بختفي!! الوجع يمكن يخف لكن ينتهي ويتنسي مستحيل!! الجرح يلتئم ايوة !! يطيب جايز !! لكن يختفي زي السحر من جسمك وروحك كانه ما لوش آثر مستحيل!!
إنتي هتفضلي فاكرة !! هتفضلي تتألمي !! هتفضلي تتوجعي وتبكي !! لحد ما تيجي لحظة تتعودي !! ايوة تتعودي !! احنا بنصاحب جرحنا ونرافقه !! بيبقي جزء من حياتنا وروحنا ! مابينساش جرحة ووجعه الا الجاحد معدوم الاحساس!! وانتي عمرك ما هتكوني جاحدة للدرجة دي!! احزني يا بنتي …احزني قد ما تقدري لحد ما تيجي لحظة تصاحبي وجعك وحزنك !
ماليكة ضمت قلبها بوجع: وامتي هتيجي اللحظة دي!! إمتي هعرف اني حزنت بكفاية !!
همس بتمحي دموعها برفق وحنان: هتعرفيها لوحدك صدقيني!! لحظة ما تلاقي نفسك بتفتكري وجعك ولحظة موته وتتنهدي بحنين من غير حزن ولا دموع!! وقتها هتعرفي انك وصلتي لي الحظة المقصودة ويمكن كمان وقتها تبتسمي!!
ماليكة بدهشة : ابتسم!! أبتسم علي وجعي وحرقة قلبي!!؟
همس ابتسمت بهدوء: نفس ابتسامتي دلوقتي وانا بكلمك وفاكرة كل لحظة وجع مرت عليا!! فهمتي!! قوليلي انتي شغلتي الفلاش ميموري اللي جبها ليكي جدك!!؟
ماليكة بصت ليها علي طرف سريرها بخوف وقلق وحركت رأسها بنفي: لا !! ااانا خايفة افتحها!! خايفة وجعي يزيد وجرحي يكبر وانا إكتفيت وجع يا ناناه اكتفيت!!
همس بصت للفلاشة علي طرف السرير وسحبتها بهدوء واتنهدت بتصميم: لازم تشوفيها وانتي وقتها هتقدري تعرفي هتكملي حياتك ازاي!!
ماليكة بريبة : هو انتي وجدو تعرفوا فيها ايه!!؟
همس بنفي: لا طبعااا!! جدك نفذ وصية مالك لوليد ما فيش مخلوق يطلع عليها غيرك!!
ماليكة بشك: طيب ليه بتقوليلي كدة!! زي ما تكوني عارفة او متاكدة من حاجة عليها هتخليني ابطل حزن!؟
همس ابتسمت بخفة: خبرة السنين بقي وعشرتي لجدك علمتني!! علمتني ان اوقات الشك اتجاه شئ معين بيكون علامة او انذار مهم !! وكون مالك طلب انك الوحيدة اللي تشوفيها ده معناه انها فيها شئ يخصه ومش حابب حد غيرك يشوفه او ينكشف قصاده !! وده كمان في حد ذاته معناه اكبر ان الشئ ده هيساعدك تتجاوزي المرحلة دي بأمان ومن غير تانيب ضمير ولا حزن زيادة !! فهمتي!!؟
ماليكة اتنهدت بتيه : فهمت!! هي مامي فين!!
همس : من شوية بعد ما خرجت من عندك كانت منهارة وتعبانة اخدت منوم علشان تهدي وتنام…والحمد لله انها نامت قبل ما تسمعك بتصرخي!! ربنا رحيم بيها يمكن تصحي وتشوفك في حال افضل من حالك!؟ انا هقوم واسيبك ترتاحي واي وقت تحتاجيني تعالي في حضني يا قلبي هتلاقيني مستنياكي!!
ماليكة دفنت نفسها في حضن همس بتعب ودموع: انا تعباااانة اوي يا ناناه تعباااانة …انا النوم خاصم عنيا من ليلتها !! محتاجة انام وارتاح مش عارفة!!؟
همس ضمتها بحنان وهي بتملس علي خصلاتها برفق: هتنامي ! اوعدك الليلة بعد ما تطمني وتهدي هتنامي الواحد لما بيعرف الحقيقة مهما كانت مؤلمة بيرتاح شوية!! وانا متأكدة ان الفلاشة دي فيها حقائق مش حقيقة واحدة!!
خرجتها من حضنها بهدوء وابتسمت: اسيبك انا بقي يا عيون ناناه علشان ترتاحي شوية !!
خرجت همس بهدوء وماليكة اخدت الفلاش وقربت اللاب توب الخاص بيها وشغلتها!!
كانت عبارة مجموعة ملفات وفيم ملف مكتوب عليه (هنا البداية يا ماليكة ابدأي من هنا )
وقتها عقدت حاجبها بدهشة وهي بتشوف عناوين باقي الملفات واللي كلها بنفس العنوان مع ترتيب الارقام والعنوان كان صادم( ذلااتي الحقيرة ) !!!
رجعت للملف الاول بعنوان (البداية !!)وفتحته وكان عبارة عن ڤيديو مصور لمالك قاعد بهم وندم وبيحكي ليها !!
كانت ملامحه حزينة وغالبها الندم والخذي : إنتي لو بتتفرجي علي الڤيديو ده يبقي حاجة من اتنين !! إني اكون ميت دلوقتي يا بإيد جدك رعد ورجالته !! او بإيد حازم ورجلته!! وفي الحالتين الموت مصيري!!
أو إني انجي منهم وأبعد عنك وعن حياتك وعنهم للابد !! وإن كنت مش متأكد من الإحتمال ده!! لصعوبته وإستحالته!!
اللي عايز اقولهولك ان كل شئ انتي عرفتيه عني كان شبه كذب يمكن الحقيقة منه كانت قليلة !! الحقيقة الوحيدة فيه هي عائلتي واهلي وشغلي اللي انتي عارفاه احنا كنا مع بعض سنين في الجامعة دايما بحاول اقرب منك واظهرلك الملاك اللي قصادك!! اظهرلك الشخص اللي عكس تماما حقيقتي!! انا غلطت كتير اوي يا ماليكة !! وغلطتي وذنوبي دول هما الطوق اللي عرف يسلسلني بيه حازم ويشده علي رقبتي ويسخرني ليه!! حازم ما وصلش لشخص ناجح ومحترم وحوله لخاين !! لا حازم وصل للشخص الوسخ اللي يستاهل يتذل ويتهان !!
غمض عيونه بندم واتنفس بوجع: انا كنت ندل اوي مع بنات بريئة ما كنش ليهم اي ذنب الا انهم وثقوا فيها وصدقوني زي أميرة كدة !! أميرة ما كنتش بنت بترمي نفسها عليا زي ما فهمتك!! أميرة زيها زي بنات كتير كنت بتقرب ليهم في البداية بحنية وغزل لحد ما تحن وتسلم وبعدها تدخل شباكي ومستحيل تخرج!! اانا !! ااانا دلوقتي لما بفتكر ذلي ليهم وانا بطلب منهم اقذر شئ ممكن تتخيله تحت التهديد بقرف من نفسي اوي اوي يا ماليكة!!
ما كنتش بتهزر لدموعهم ولا لإنكسارهم وهما بيترجوني اكتفي باللي عملته معاهم واخدته منهم!! مش قادر اسامح نفسي لما واحدة منهم كانت تقرر تبعد او تتخطب وتتجوز ..كانت بتبوس رجلي ابعد عنها واخرجها من حياتي من غير فضايح!! وانا كنت وسخ اوي ونذل اوي!! كنت برفض وبكمل تهديد وكانوا بيفضلوا يجوني وينفذوا رغباتي حتي بعد جوازهم !!
اقولك حاجة وقت ما حصلت ماهزتنيش ولا كسرتني الا لما حبيتك!! كان فيه بنت من اللي ضاعوا علي ايدي كعادة كل واحدة منهم قبل ما تتجوز بتروح تعمل عملية اعادة البكارة من تاني ليلتها انا طلبتها تجيني قبل ما تروح للدكتور وغصبت عليها وافقت مجبرة وجاتني وهي مكسورة مشيت من عندي وهي حزينة وشكلها تعبان …عرفت بعدها من صاحبتها ان الدكتور طلب منها انه تقضي معاه وقت زي اللي بتقضيه معايا قبل ما يعملها العملية وكان طبعا ده مقابل انه ينفذ العملية ده غير فلوسه أكيد !! وافقت مجبرة ولانها كانت تعبانة ما استحملتش اللي انا وهو عملاناه فيها ليلتها واثناء العملية نزفت وماتت الدكتور والمساعد شالوها ورموها علي الطريق وصاحبتها خافت ومشيت لوحدها وخافت تتكلم لتتفضح معاها !! كنت سبب في ضياعها وذلها وهي عايشة وفضيحتها وهي ميتة!! وقتها سمعت الكلام ده وكانه خبر عادي وكملت حياتي من تاني !! استغلال واستنزاف من غير رحمة !!
حتي انتي كنت بتقرب ليكي في البداية طمع اني اتجوز ماليكة الحديدي واللي من جوايا كنت بقول دي ما هتصدق بعد ما فاتها قطر الجواز وانا ليها لقطة !! ماكنتش لسة حبيتك!! ما كنتش لسة قربت منك وعرفتك!!
لما وصلي حازم ما هددنيش بشئ انا مغصوب عليه لا !! ده هددني باللي انا كنت بهدد بيه البنات وبغصبهم عليه !! وقتها قالي كفاية بس ابعد ڤيديو وصور كل بنت لأهلها معاك وهما اللي يجو وبخدوا حق بناتهم منك!! وفيهم اللي اتجوزوا كمان بعملية زي غيرهم وقابل بقي اهالي ورجالة البنات دي ! قابل فضيحتك في الجامعة وفي كل مكان !!؟ وقتها لما وافقت كنت مجبر من حازم ايوة لكن من جوايا بقول وايه الجديد يعني هو هو اللي انا بعمله مع اي واحدة بس الفرق انه بأمر من حازم وكمان هاخد مقابل كبير اوي قصاد ده كله!!
كمل وهو بيمحي دموعه بندم: لحد ما بدأت اقرب منك واحس بيكي!! حببتك!! حبيتك اوي واكتفيت بيكي يا ماليكة !! وقتها بس ندمت علي كل بنت ضيعت عفتها وشرفها بندالة وغدر!! ندمت علي واحدة استغلتها بقلب ميت وهددتها وكنت جاحد ماليش قلب!! ندمت ! ندمت يا ماليكة والله ندمت!!؟
لكن فجأة لقيت التهديد من حازم مستمر مهما حاولت ابعد عنه وانهي اتفاقي معاه لكن ده كان مستحيل !! لما بعدنا وافترقنا لما كشفتي جزء من وقاحتي لما أميرة كانت عندي في البيت …كان لازم بعدها حاجات كتير تتغير علشان اقدر اقنعك واقنع الملك اني اتغيرت وبعدت عن حازم!! عارفة ايه اللي خالاكم تثقوا فيا من تاني وما تشكوش فيا !! صدقي لاول مرة في حياتي!! صدق مشاعري وحبي ليكي !!؟
لحد ما سافرنا سوا وجينا هنا وانا بتقطع مش عارف هعمل ايه!! هكمل معاه للنهاية واسلمك ليه علشان تكوني جارية ليه ولرجالته ويكسر جدك وابوكي والعائلة كلها بيكي وانا انكسر معاهم !! ولا انقذك واخسر عمري وأهلي من بعدي!!
لحد دلوقتي انا مش عارف انا هعمل ايه !! لكن اللي انا متأكد منه إني مش هقدر اشوفهم بياخدوكي قصادي وهسيبك !! اللي عملتوا في غيرك مش هتحمل يتعمل فيكي يا ماليكة !! لكن مهما كان جزائي اللي هشوفه انا استاهله لاني ذنبي كبير وحملي تقيل اوي يا ماليكة!!؟
الفلاشة دي هتلاقي فيها أكتر من فايل عليهم ڤيديوهات البنات اللي حكتلك عنهم وصورهم واسم وعنوان كل واحدة منهم!! لو انا دلوقتي ميت ارجوكي تتصلي بيهم واحدة واحدة وتقوليلهم اني كل حاجة اتمسحت ومالهاش اي نسخ تاني وانك انتي اللي مسحتيهم بإيدك واطلبي منهم يسامحوني علشان ربنا يسامحني!! ااانا عرفت ان دي ذنوب عباد ولازم يسامحوني ابوس ايدك كفاية العذاب اللي هشوفه !! اطلبي منهم يسامحوني يا ماليكة قوليلهم مالك غلط لكن مش قد عقاب الغلط والذنب ده !! مافيش غيرك يتحمل الامانة دي ولا يقدر ينفذها !! ااانا عارف اني ماليش عين اوصيكي ولا اطلب منك شئ !! لكن انتي مش أي حد إنتي ماليكة قلبك كبير وعارف انك هتفذيها!!
آخر شئ هطلبه منك انك كمان تسامحيني وتغفرلي ليا اللي عملته!! والأهم ما تحزنيش !! أوعي تحزني علي واحد زيي !! عيشي حياتك حبي واتحبي بس اختاري صح ارجوكي!! المرة دي اختاري راجل بجد يستاهل يكون جنبك!! إنتي كتير علي أي حد صدقيني!! إنتي ملكة محتاجة تتاقلي بكنوز الدنيا دي لطيبة قلبك بس مابالك باقي صفاتك !!
اانا دلوقتي هقفل الڤيديو ده وهنزل معاكي تحت لان النهاردة آخر يوم لينا سوا والمفروض نفترق!! بس هنفترق ازاي لسة مش عارف!! اشوفك علي خير ! أو اشوفك في الجنة لو ليا نصيب ادخلها !!
إنتهي الڤيديو وهي كانت في حالة ذهول وصدمة من كل اللي سمعته منه !! دموعها كانت سيل مالوش نهاية !! كانت بتتنقل بين الڤيديوهات المصورة للبنات وصورهم اللي هو كان بيجبرهم يتصوروها ليه وهي بتحرك رأسها بنفي وذهول وخجل شديد قفلت كل حاجة وفضلت تبكي بحرقة!
ماليكة بصدمة: لا لا مستحيل تكون كدة!! ااازاي جالك قلب تعمل كدة !! إزاي قدرت تعمل فيهم كدة يا مااالك ازااي ازززاي!! ااااااه يا قلبي ليه!! ليه عرفتني حقيقتك ليييه!! يارتك سبتني علي حالي موهومة ومصدقة انك تستاهل الحزن والوجع !! ليييه تعمل كدة لييييه!!؟ البنات دي ذنبها ايه تشوف الذل والمهانة علي ايدك!!؟ طيب ااانا هكلمهم بأي وش وأي صفة!! يسامحوك!! طيب ده انا مش عارفة هسامحك ازاي !! يبقي هما ازاي يسامحوك!! ياتري كل واحدة فيهم عدت عليها الايام واليالي تحت تهديدك ازاي وانت راعبهم ومخوفهم!!! نهايتك كانت دعوات المظلومين يا مالك!! دي دعوات البنات اللي حرقت قلبها علشان كدة ربنا حرقك قصادي !!
وضربت قلبها بوجع ودموع: لكن اااانا ذنبي ايه !! قلبي ذنبه ايه يحب واحد خاين زيك !! ليييه حبييتك ليييييه!!؟
قامت بخمول وتعب ووقفت قصاد المرايا بتمحي دموعها بتماسك : بس زي ما انت قولت انت ما تستاهلش خزني عليك ايوة!! لكن للاسف انا حبيتك وحزني غصب عني!! بس اوعدك إني هشيل الحمل وانفذ الوصية وازيح هم البنات دي يمكن يرتاحوا ويمكن يسامحوك يمكن!!؟
كان واقف بيتابعها من بعيد بصمت !! علي حالها ده من ساعات وهي قاعدة قصاد قبر ابنها بحزن وسكوت!! دموعها تقريبا مش بتفارق عيونها وخدها!! دايما بتقعد في المكان ده من يوم ما دفته من غير ملل ولا زهق !! الوقت بيعدي عليها من غير ما بتحس بيه!!؟
قرب منها بخطوات مترددة وخجلانة وقعد جنبها بهدوء!!
فارس اتنهد بحزن: لحد إمتي يا ماسة!!؟
التفتت ليه بلامبلاه وعقدت حاجبها : لحد امتي إيه بالظبط!!؟
فارس : ماسة أنا عارف انك من حقك تحزني علي ابنك ..لان انا كمان ابوه وحزنت عليه!! لكن كفاية كدة حزن !! انتي كدة بتضيعي نفسك !! إنتي لا بتاكلي ولا بتشربي!!؟ لحد إمتي هتفضلي كدة !! لازم تخرجي من الحالة دي وتبدأي تتقبلي انه مات!؟
ماسة ابتسمت بسخرية وسقفت بإستهزاء: الله يا سياف ممتاز والله ! إيه العقل ده كله؟؟ اها لا ده مش عقل سوري !! ده تعود!
فارس بضيق من طريقتها وردها: تعود علي ايه بالظبط!! ثم إنتي مالك من يوم ما رجعنا مصر وانتي حالك متغير ومقلوبة عليا !! فيكي إيه بقي !! أنا عايز افهم!!؟
ماسة بغيظ وغضب: مش فاهم تعود علي ايه؟؟ تعود علي الموت يا سياف طول عمرك متعود تشوف مقتولين وميتين اتعودت ومافاش يفرق معاك!! علشان كدة اللي زيك عمره ما هيحس بيا ولقلبي اللي ببتمزع جوايا علي فراق ابني اللي مالحقتش حتي اسمع صوته! مالحقتش اتنفس نفسه واشوف عيونه!! مش هتفهم وجعي والنار اللي جوايا عارف ليه!؟ علشان انت طول عمرك إيدك متلطخة بالدم مش هتقدر تنضف ولا تفهم؟؟
فارس كان بيضغط علي قبضة ايده بقوة وغضب بيحاول بتحكم في غضبه من كلامها واتهامها !!
قرب منها بهدوء وعتاب: مش هلومك ولا هعاتبك علي كلامك دلوقتي!! انا فاهم انتي جواكي ايه!! هسيبك لحد ما تهدي!!
سحبته من دراعه بقوة وغضب: ومين قالك اني ههدي!!؟ مين قالك اني هنسي ابني!! ثم انت لا فاهم ولا هتفهم حاجة !! انت السبب في كل شئ!! ااانت السبب إن إبني مات!! ربنا بينتقم منك فيا انا وابنك!! ربنا اخده منك زي ما انت اخدت ارواح ناس كتير والاكيد منهم ناس ابرياء ومظلومين!!؟
فارس مهما حاول يتماسك بس هي بتوجعه وهو موجوع بكفاية سحبها من ذراعها بقوة وغيظ: انا مش مستنيكي تلوميني وتحمليني ذنبك وذنب إبني اللي مات بين ايديا !! ابني اللي دفنته وهو حتة لحم مالهاش وزن يادوب ملامح صغيرة!! انا اكتر واحد عارف اني ذنبي كبير وعظيم!! لكن انا كنت مجبور من يوم ما ايدي اتلطخت بالدم اول مرة!! من يومها وانا مجبور علي الدم !! يمكن عمري ما سرقت ولا اذيت حد من غير ذنب لكن كنت بعمل الابشع !! كنت قباض للارواح!! كنت عزرائيل من البشر مش ملاك!! لكن كل واحد قتلته كان يستاهل القتل! كلهم انجاس كلاب مافيش فيهم حد يستاهل الحزن والندم!! ايوة ماكنتش بسأل ده مين وليه!! وفيهم اللي عرفتهم وفيهم اللي ماكنتش اعرفهم لكن اللي يكون وسط الدائرة دي وبيشتغل معاهم مستحيل يكون نضيف ولا برئ..وحتي لو كان فيهم برئ وحتي لو انا مذنب وحتي لو استاهل الدبح !! ربنا مش هياخدكم بذنبي!! ربنا عادل مش ظالم! لو حد محتاج يدوق الموت والذبح يبقي انا !! انا مش ابني يا ماسة !!
وقتها سحب سلاحه الابيض وحطه بين قبضة ايديها وضغط عليه ووجهه لنحره وعروقه النابضة بتملك وتصميم !!
فارس: خدي حقك مني!! اقتليني زي ما ابنك وابني مات!! ادبحيني زي ما دبحت كل الناس اللي اتقتلت علي ايدي !! زوقيني طعم الموت علي ايدك!!
ماسة برغم لومها ليه لكن هي مش في وعيها!! هي موجوعة وحزينة علي ابنها ! لكن وقت ما شافت السكين علي رقبته قلبها اتنفض ودموعها زادت وحركت رأسها بنفي ودموع!!!
ماسة بدموع: لا لا اسكت خلاص كفاية ارجوك!!
فارس بيضفط بإيديها علي السكين اللي بدأت تقطع في جلد نحره لانها سكين حاد ومش اي سكين دي سكين السياف الخاصة دايما حادة ومستعدة!! بدأت تشوف الدم بيجرب علي من نحره علي صدره من مجرد جرح لسة ما وصلش للعروق ولا للفيصل في نحره …
فارس بدمعة فارس مكابر موجوع عليها وعلي ابنه اللي بين التراب: اقتليني انتي اهون عليا يا ماسة!! مافيش مخلوق هيقدر يكون مكانك ولا يحط السكين علي رقبتي ويفضل عايش ثانية واحدة!! انا موتي علي ايدك حياة!! ريحيني من عذاب ضميري ولومي لنفسي!! انا بجلدها كل ثانية !! ابني ده كان حتة مني ومنك!! مش قادر انسي ملامحه ولا قادر انسي صوته ولا قادر انسي نفضة خروج روحه بين ايديا مش قادر يا مااااسة !! اضغطي وريحيني ابوس ايدك!!
ماسة بإنهيار وصريخ من شكل سيل الدم اللي خارج منه واللي شعورها انها لحظات والسكين تقطع نحره بالكامل للنهاية !!
ماسة برعب وصريخ: كفاااااية سيب ايدي ابوس ايدك انت كفااااية حرام عليك !! فاارس وحياتي سيب ايدك السكينة هتدبحك وحياتي هموووت سيب ايدي يافاارس !! لو موت دلوقتي انا هموت نفسي وارك اقسم بالله همووت ورااك سيييب ايدي بقي حرام عليك !!
وقتها فك قبضة ايده اللي كانت عاصرة ايديها مع السكين وضاغط بيها علي نحره بتصميم وهي فلتت السكين في الارض واتعلقت في رقبته وحضنته بقوة ودموع !!
ماسة : انت غبي ومجرم ومتخلف !! كنت عايز تموت وعلي ايدي حرام عليك !! انت جاااحد وفاااجر كنت هموت من الرعب عليك غبي …انت غبي !!
فارس ضمها لحضنه بقوة ورفعها عن الارض بتملك وهو بيدفن راسها في حضنه بحنين : انا بحبك!! بحبك يا ماسة مش قادر اتحمل حزنك ولا وجعك! سامحيني ارجوكي !! انا مش قادر علي بعدك!! ده اول حضن ياماسة من وقت ما رجعنا مصر اول حضن!!
ماسة ضمته أكتر بإستنجاد ودموع: وانا بحبك! بحبك اوي وماليش غيرك !! انا اسفة ..اسفة اني حملتك كل الذنب لوحدك!! بس انا موجوعة يا فارس موووجوعة !! بس ارجوك اوعي تعمل كدة تاني اوعي!!
فارس خرجها من حضنه بهدوء ونزلها برفق ورجليها لمست الارض ضم ملامحها وهو بيمحي دموعها بحنان اللي اختلطت بدمه اللي لامس خدها ورقبتها وهي في حضنه من لحظات!!
فارس بحزن: خوفتي عليا!!
ماسة بدموع وعيونها متعلقة بعيونه بتملك: خوفت بس!! انا كنت مرعوبة عليك!! انت حتة من روحي يا فارس مهما زعلت منك مستحيل اتحمل تضيع مني مستحيل!!؟
فارس بيخط دموعها مع قطرات دمه علي خدها بحنين : دمي ما كنش هيلاقي اغلي ولا اجمل من خدك ودموعك الماس علشان يجري عليهم!!
ماسة بتمحي الدم والدموع علي خدها بغيظ: وانت عجبك الموضوع يعني بتعملي فيها ميكب ارتست حضرتك خلاااص كفاية انا عايزة استحمي منك لله غرقتني دم!!
فارس سحبها لحضنه بإشتياق وبهمس: طيب والله خدودك احمرت بإثارة من دمي تحسي كدة انها احلوت و وردت!!
ماسة بتخبي ابسامتها : لا بجد!! اسمع لما اقولك انا لسة في حالة حداد ماتحاولش تستخف بقي علشان انا وقتها اللي هدبحك بجد!!
فارس رفع رقبته ليها بوضوح: وانا تحت امرك !! ادبحيني وحالا!!؟
وقتها ماسة لمحت الجرح بوضوح وكان برغم انها تخيلت انه جرح سطحي بس لكن لما رفع رقبته ظهر اكتر انه غويط لحد كبير ولسة لينزف ملامحها اتغيرت للخوف وضغطت علي نحره بقوة وخوف!!
فارس الجرح في رقبتك غويط ده لسة بينزف !! تعالي بسرعة نشوف حد يشوفه انا خايفة!؟
فارس وكأنه لا حاسس بوجع ولا مهتم لجرح ضمها لحضنه أكتر وبهمس عاشق انهكه الفراق والبعد !!
فارس بحنين : وحشتيني!! وحشني حضنك!! خديني في حضنك وجرحي هيخف!!
ماسة بحنين : بس !! بس انا قلقانة علي الدم ده!!
فارس رفعها لحضنه ومشي بيها خطوات هادية: ده جرح متعود عليه وهتلاقي زيه في كل شبر في جسمي وانتي شوفتي بنفسك!! انا مش جديد عليا جرح الجسد! لكن اللي جديد عليا بجد جرح الهوا والعشق!! جرح بعدك اصعب كتير يا ماسة قلب الفارس !!؟
ماسة دفنت راسها في حضنه بحزن: وابني اللي لسة حزينة عليه هقدر اكون في حضنك وانا لسة موجوعة عليه!!
فارس ضمها أكتر وسط خطواته الهادية: عمرنا ما هننساه ولا هنبطل نحزن عليه!! لكن لازم نكمل يا ماسة احنا مالناش الا بعض ولا حد ممكن يهون علينا الا بعض!!؟ حضننا ووجودنا سوا هو اللي باقي لينا !!؟
ماسة وسط مشاعر كتيرة متلخبطة !! حزن وحنين لجنين عيونها لسة علي مكانه تحت التراب !! وبين تعب وارهاق من الحزن وحقيقي محتاجة لحضنه يهون ويطبطب عليها… وبين حنين ولهفة عاشقة مغرمة محتاجة للمسته وإحتوائه كحبيب وعاشق!!؟
ماسة بهمس: وحشتني يا فارس!!
فارس ابتسم براحة وضمها اكتر وباسها من خدها بخفة: وانتي وحشتيني اضعاااف اضعاااف يا قلب الفارس!!
وكمل بهمس مشاغب: سبيلي نفسك انتي بس الليلة وانا هجبلك دستة عيال في بطن واحدة وتحدي!!؟
ماسة ضحكت غصب عنها: هههههههه!! 12 في بطن واحدة يا مفتري!!! ليه ارنبة !!!؟
كانت خطوات بسيطة ويكونوا في بيتهم لان المكان اللي اختاروا يدفنوا فيه الجنين كان جوا ساحة البيت بالقرب منهم !!
فارس ابتسم وضمها أكتر: تؤتؤ غزالة شاردة مش ارنبة !!؟
ماسة اتنهدت بتعب: تعرف انا محتاجة انام اوي تعبانة وجسمي بيوجعني أكني كنت بجري لايام!!؟
فارس كان وصل بيها البيت ونزلها بخفة وهو بيحرك خصلات شعرها بخفة وبيتأمل ملامحها اللي متلطخة بدمه ودموعها وتراب الارض اللي كانت قاعدة فيها !!
ابتسم بخفة ومكر: المهم الاول اخدك تاخدي شاور وبعد كدة انيمك في حضني زي عادتك !!
ماسة رفعت حاجبها بتحدي لفهمها تلميحه: هاخد الشاور لوحدي يا فارس!!
فارس في لمح البصر كان شالها من تاني ومش بيها اتجاه الحمام!!
فارس: وماله ما انا وانتي واحد يعني كأنك لوحدك!! ووعد بشاور تحلفي بيه العمر كله!!
دخل بيها وقفل الباب وسط معافرتها واعتراضها …لكن اللي كان ظاهر صوت شجارهم ومشاغبتهم سوا المعتادة المجنونة !! لكن لحظات والحنين غلب الشجار !! والاشتياق غلب المشاغبة واللي ساد المكان والموقف الهمسات !! همسات عاشق وعاشقة !!
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية رحم للإيجار 3 (حب الفرسان))