رواية مجنونه اسرت قلبي الفصل الرابع 4 بقلم زهرة الربيع

رواية مجنونه اسرت قلبي الفصل الرابع 4 بقلم زهرة الربيع

رواية مجنونه اسرت قلبي البارت الرابع

رواية مجنونه اسرت قلبي الجزء الرابع

رواية مجنونه اسرت قلبي الحلقة الرابعة

كل اللي واجعك والله واجعني انا اكتر منك ..سامحيني على كل ده غصب عني
واتنهد واخد علبه السجائر بتاعته وطلع في البلكونه يشرب سيجاره
رقيه استغربت وبقت مش فاهمك تصرفاته ابدا وقالت هو ايه الي غصب عنو غصب عنو يعني ايه
اما رنا كانت واقفه هي واخوها في الجنينه وقالت له بغضب..انت ازاي تلفت نظره كده وتخلبه يغير عليها انت عايز تجنني
محمد قال بضيق وانا عملت ايه يعني… بتصعب عليا وانتي عارفه اني بحبها من زمان تخيلي تكون المسكينه رمت نفسها من البلكونه من قهرها منه
رنا قالت بضيق شديد ..هيه تطول اصلا ان فريد يبصلها
محمد قال بسخريه …دي افكار واحده زيك
رنا قالت بغضب يعني ايه بقى ..الست رقيه احلى من اختك ولا ايه
محمد قال بتوتر ..لا لا طبعا يا حبيبتي انتي احلى بكتير
رنا قالت.. المهم ركز معايا انا ما صدقت اقنعت فريد بجوازي منه ..ولولا انه سمع الدكتوره بنفسها بتقول قلبي ضعيف ومش حمل صدمات وان المفروض ما حدش يزعلني ما كانش يوافق على جوازنا ابدا لانه زي حالاتك عجباها الست رقيه فعايزاك الفتره دي لحد ما يقع ويتجوزني تبعد عنها خالص وتبطل تخليه كل شويه غيران عليها.. فهمت
محمد اتنهد وقال ..انا فهمت ..انما ده كله غلط انتي لا تعبانه ولا نيله ومسيرو هيعرف الموضوع وشكلك هيبقى بايخ قوي
رنا قالت.. المهم يتجوزني دلوقتي وبعد كده انا هتصرف هقول له خفيت اقول له كانت الدكتوره غلطانه المهم يتجوزني انت عارف اني بحبه من صغري ولو راح مني هروح فيها
عند رقيه طلعت وراه البلكون وقالت باستغراب ..فريد انت ايه اللي قولته من شويه ده
فريد بقى يشرب سيجارتو بتوتر وقال …قولت ايه…مقلتش حاجه
.
رقيه استغربت توتره اكثر وقالت… لا قولت يا فريد قلت سامحيني غصب عني… هو ايه اللي غصب عنك ازاي يعني كل الي بتعملو ده غصب
فريد اتنهد وقال.. اهي كلمه طلعت كده وخلاص يا رقيه مفيش حاجه
رقيه كانت مستغربه جدا ..بس مرضيتش تضغط عليه اكتر وقالت تمام براحتك..لو فيه حاجه حابب تحكيهالي في اي وقت انا جاهزه اسمعك
ولسه هتمشي مسك ايدها وقال… ايه حكايه اللي اسمه محمد.. انتي فعلا لو اطلقتي مني ممكن تتجوزيه
رقيه اتنهدت وقالت… وما اتجوزوش ليه واحد بيحبني مش عايز غيري ..الي زي محمد ده عمره ما يعرف عليا واحده ثانيه ولا ممكن يشوف واحده احسن مني اصلا
فريد بص لعيونها وقال.. محمد وغيره..لان فعلا مفيش واحده احسن منك يا رقيه
رقيه قالت بدموع.. مش بالكلام..الكلام سهل قوي يا فريد..وسحبت ايدها من ايده… وراحت تحاول تنام لانها تعبانه
فريد دخل ولقاها نايمه بحزن اتنهد وهو مضايق من نفسو جدا …ونزل لانهم كانوا مستنيينو تحت علشان التجهيزات فضل طول اليوم بيشتغلوا بياخدوا مقاسات المكان وهيعملوا ايه بالظبط… بالليل كانوا خلصوا كل حاجه
ورنا كانت هتمشي بس وقفت قدام فريد وقالت بابتسامه حبيبي انا كده خلصت ..بس بكره باذن الله هنروح علشان نختار الفستان بتاع الفرح
فريد ابتسم بالعافيه وقال… اه طبعا اكيد اكيد هنختاره ..طيب عايزه حاجه تاني
رنا قربت منه بدلال اكتر وقالت…مش عايزه غير قربك يا فريد
فريد ارتبك من قربها ولسه بتقرب منو دفعها بقوه لااراديا من غير تفكير
رنا كانت هتقع سندها بسرعه وقال..انا.. انا اسف ان..
رنا قاطعتو و قالت بدموع ..انا اللي اسفه الظاهر اني بفرض نفسي عليك
فريد اتنهد وقال… الحكايه مش كده يا رنا انا بس اتوترت علشان مش بالعاده يعني …وكده غلط وانا ميرضينيش تعملي حاجه غلط انتي برده بنت خالي
رنا ابتسمت وقالت…معاك حق انا فعلا تسرعت ..بس من حبي ليك ..عن اذنك
رنا مشيت ورقيه كانت طلعت من اوضتها وشافت المنظر ده استغربت جدا اللي حصل لما فريد دفعها بقوه بالشكل ده حاسه ان فعلا فيه حاجه غريبه
دخلت على الاوضه تاني وقررت هتخليه يتكلم باي شكل وباي طريقه راحت للدولاب واختارت لبس نوم ملفت ودخات الحمام
فريد كان ملبسها لبس واسع علشان تعرف تبدله من غير ما ياثر على الجبيره وفعلا عرفت تبدل هدومها بسهوله وفردت شعرها و نزل على اكتافها بطريقه جميله
فريد دخل الاوضه وهو تعبان جدا بص في المكان ما لقاش رقيه بس كان باب الحمام مقفول فتاكد انها في الحمام …بقى يختار حاجه هيلبسها وهو مضايق جدا
في الوقت ده خرجت رقيه والتفت لها بطرف عينه وقال… احسن دلوقتي و
بس اتجمد مكانه وما اقدرش يكمل كلمته من المنظر اللي شافه اول مره يشوفها لابسه كده اصلا من ساعه ما اتجوزها بقى يرمش بعنيه بدهشه هو بيبصلها من فوق لتحت بزهول شديد
رقيه بقت تمشط شعرها بدلال قدام المرايه.. وفريد قرب منها وقال .. بتعملي ايه
رقيه قالت بسخريه بعمل ايه يعني بلعب..ما انا بمشط شعري عادي
قال بارتباك …انتي بتلعبي فعلا..بتلعبي باعصابي.. ايه اللي لابساه ده من امتى بتلبسي كده
رقيه قالت بلا مبالاه تجديد وبعدين الجو حر قوي
فريد شدها عليه بقوه وقال.. هو حر ومولع مولع قوي
رقيه حطت ايدها السليمه على كتفه وقالت …حلوه
فريد قال بسرعه …قوي قوي انا ما شفتش كده
رقيه قالت بدلال..انفع عروسه
فريد بقى يشدها عليه اكتر وقال… لو انتي منفعتيش مين ينفع
رقيه قالت بهمس..طب انا احلى ولا رنا
فريد قال بسرعه من غير تفكير… مفيش احلى منك اصلا
رقيه قربت قوي و قالت… ليه منعتها
فريد استغرب سؤالها لانها شافتهم بس مكانش قادر يتناقش ابدا وقال …متعود عليكي ومش عايز اجرب غيرك
رقيه قالت بابتسامه.. بس انت هتتجوزها
فريد قرب منها وقال… انا مراتي واحده بس حتى لو اتجوزت 1000 انتي وبس
واقرب منها هي تجاوبت معاه لاول مره وبقى مكمل معاها
هنا رقيه قالت .. فريد عايزه اسالك على حاجه
فريد قال وهو مغيب معاها قولي كل الي عيزاه
رقيه قالت… هتتجوزها ليه يا فريد..انا بقيت متاكده ان في سبب
هنا فريد بعد عنها وقال… ده وقت اسئله زي دي
رقيه قربت منه وقالت ..اه وقته.. وقته يا فريد انت مش واخد بالك ان خلاص الفرح فاضل عليه يومين انا شفتك وانت بتدفعها بعيد عنك ومش قادر حتى تقرب منها عايز تتجوزها ازاي
فريد قال بارتباك انا ما عملتش كده علشان لسه مبقتش مراتي وبعدين حرام
رقيه ضحكت وقالت حرام.. اه ما انا عارفه انك بتهتم للحرام قوي..و قربت منه وقالت.. ولما كنت تدايقني في الدخله وفي الطلعه وكنا لسه متجوزناش مكانش حرام
دا انا كذا مره كنت اخاف منك واقفل الباب عليا فاكر عملت كده كم مره قبل ما تتجوزني وكنت كل ما اكون لوحدي تقعد تضايقني فاكر
فريد بلع ريقه بارتباك وقال انتي حاجه تانيه ..لو اي حد مكاني ما كانش هيهدى قدام جمالك ده
رقيه ضحكت وقعدت على السرير وقالت براحتك على العموم انت خسرت الليله كنت ناويه اهنيك وادلعك اخر دلع
فريد قال بسرعه…طب ما احنا لسه فيها صدقيني مش هتندمي
رقيه قالت …لا ولا عمرك هتلمسني مدام مش راضي تقول الحقيقه
فريد اتنهد وقعد على السرير وقال… ماشي براحتك..انا هنام ولا مينفعش انام كمان
رقيه ضحكت وقالت… نام لو جالك نوم نام
فريد بصلها باعجاب شديد وقال..روحي طيب غيري اللي انتي لابساه ده علشان اعرف انام
رقيه ضحكت بدلال ونامت على السرير وقالت… لا مش هغير حاجه
فربد اتنهد وقال ..يا بنت الناس عد ليلتك على خير انتي اللي بتزعلي في الاخر
رقيه قالت… لو قربت لي كده ولا كده هصوت والم عليك الناس وانا ذراعي مكسور وتعبانه والدكتوره قالتلي ارتاحي
فريد ضحك بخفه على جنانها وكان نايم قصادها وعيونهم قصاد بعض وقال …على فكره انا ما عرفتش احب غيرك من صغري
رقيه قالت بحزن …بس هتتجوز غيري عادي
بقلم …زهرة الربيع
فريد ابتسم وهو لسه مركز في عيونها وقال.. حياه عيونك ما في زيك ابدا عندي
رقيه قالت بدموع.. طب ليه.. ريح قلبي
قرب منها وقال تصبحي على خير …ونام
رقيه حست بياس ومقدرتش تاخد منه اي كلمه افتكرته نايم شدت ايده ونامت فوقها زي العاده حتى عرفت تنام
فريد كان مغمض عنيه بس منامش وفتح عيونه لما اتاكد انها نامت وشدها ليه اكتر واحتواها بين ايديه بقوه وراح في نوم عميق هو كمان
في صباح يوم جديد قامت من النوم لقيت نفسها بين اديه ابتسمت وهي بتبص لملامحه الجميله واتنهدت وقالت…يا تري بس مخبي ايه يا فريد
ولسه هتصحيه سمعت صوت رنا بتتكلم مع خالتها اتنهدت بضيق وقالت.. طبعا فرح الهانم وكل يوم هتنط هنا ..حاجه تقرف
بس ابتسمت بخبث لما لقت فريد لسه نايم وقامت بالراحه جدا اخدت دش سريع ولبست وجريت على تحت عايزه تتكلم معاها
لقيتها قاعده مع حماتها قالت بابتسامه صباح الخير
حماتها قالت صباح الورد يا حبيبتي.. عامل ايه دراعك دلوقتي
قالت بابسامه بخير يا ماما ربنا يخليكي الحمد لله كان في شويه تعب كده ومكنتش اعرف اغير ولا البس..بس الحمد لله فريد معايا بيساعدني
رنا اتخنقت وبصت الناحيه الثانيه وهي كملتو قالت انا قلتله انادي لماما لاني بتكسف اوي بس هو اصر محدش هيعمل كده غيره
حماتها ابتسمت وقالت ربنا يخليكوا لبعض يا حبيبتي ب
رنا نفخت بزهق وقامت ولسه هتطلع رقيه راحت وراها وقالت استني يا رنا في شويه حاجات عايز اسالك عليها
رنا قالت بضيق…زي ايه
رفيه قالت…زي مثلا ايه اللي خلى فريد خطر في باله يخطبك
رنا ابتسمت وقالت بطريقه مستفزه… ابدا يا قلبي جاني وقالي انه معجب بيا من زمان وانه بيحبني وعايز يتجوزني وانو متجوزك على الورق وبس ..ده اللي حصل وحياه عيونك
رقيه بصت لها بخنقه وقالت..اممم.. صدقت انا كلامك ده على العموم هو مجرد سؤال يلا تتهنوا
مرو اليومين وجيه يوم الفرح وكانت رقيه طول اليومين بتحاول تخليه يتكلم بس مفيش فايده
يوم الفرح الصبح فريد قام من النوم اتفاجأ برقيه بتلم هدومها في شنطه استغرب وقال …بتعملي ايه يا رقيه ووو

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية مجنونه اسرت قلبي)