رواية الحب والحياة الفصل الخامس 5 بقلم ندا

رواية الحب والحياة الفصل الخامس 5 بقلم ندا

رواية الحب والحياة البارت الخامس

رواية الحب والحياة الجزء الخامس

رواية الحب والحياة الحلقة الخامسة

دخلوا كلهم جري لها وشافوها وهي بتحاول تقوم من علي السرير بس مش قادرة والكوباية واقعة علي الارض
ندي : استني كدة خليكي نايمة مكانك
اميرة : انا عاوزة اقوم
تقي : انتي لسة تعبانة ي اميرة مش هينفع انك تقعدي خليكي نايمة ولو محتاجة حاجة قوليلنا
اميرة : انا تعبانة
بدأت الدموع تتجمع في عيونها وانهارت من العياط مش سهل عليها ابدا الحياة اللي هي عيشاها دي وخصوصا ان الكل شافها بالحالة اللي كانت فيها
ندي وهي حضناها : اهدي جبيبتي انتي بقيتي معانا هنا هو مش هيقدر يعملك حاجة
اميرة : انتي متعرفيهوش ي ندي مش هيسيبني في حالي وانا مش هقدر اقف قدامه مش هقدر
مني : اميرة احنا اتفقنا انك هتعيشي معايا هنا انا وندي
اميرة برفض : لا ي طنط انا مش هقدر اتقل عليكم اكتر من كدة
مني : انا بقولك اللي هيحصل ي اميرة مش هاخد برايك بعد كدة انا اخر مرة سمعت كلامك شوفي النتائج اي
اميرة : ي طنط
تقي : اسمعي الكلام في مرة ي اميرة مرة وحدة بس انتي عارفة اننا منقدرش من غيرك ي حبيبتي احنا كلنا بنحبك هنا وعاوزينك تبقي دايما بخير وطول ما انتي بعيدة عنه احنا هنبقي مرتاحين
بصت لهم اميرة ودموعها نزلت تاني ودا اللي خلاهم يستغربوا
ندي : طيب بتعيطي ليه دلوقتي تاني
اميرة : كان دايما بيقولي ان مفيش حد بيحبني ولا حد عاوز يبقي جمبي وهكون عالة علي الكل
مني وهي بتحضنها : اشش اهدي ي حبيبتي متزعليش نفسك انتي عارفة اننا بنحبك ميهمكيش كلامه انسيه ومن النهاردة هتعيشي معانا هنا ودا آخر كلام ماشي ي اميرة
هزت اميرة راسها بمعني موافقة ودا اللي خلي الكل يفرح انها وافقت اخيرا
تقي : اميرة سامح عاوز يتكلم معاكي في موضوع
ندي : مش وقته ي تقي مش وقته
اميرة : في حاجة واللا اي
مني : لا مفيش بس هو كان عاوز يتكلم معاكي ضروري
اميرة : تمام يقدر يقول اللي هو عاوزه
تقي : انا هروح اقوله وانتي البسي الطرحة واعدلي نفسك
خرجت تقي من الاوضة واميرة عدلت نفسها ولبست حجابها خبطت تقي علي الباب ودخلت ووراها سامح اللي كان باصص في الارض
سامح : السلام عليكم
الكل : وعليكم السلام
مني : يلا ي جماعة نسيبهم ونطلع احنا هنرجع بعدين
خرجوا كلهم من الاوضة وسابوهم لوحدهم والباب كان مفتوح لان مينفعش انهم يفضلوا مع بعض والباب مقفول
🌹🌹🌹🌹🌹🌹🌹🌹🌹🌹🌹🌹🌹🌹
برة كانوا قاعدين وهما متوترين انها ترفض لانهم عارفين انها عنيدة وممكن فعلا تفكر انه هيتجوزها ع الشفقة
تقي : وبعدين بقي يعني دا كله بيتكلموا في اي
ندي : في اي ي بت ما تسكتي هو انتي مش عارفة اميرة
اسماء : اهدوا ي جماعة خير باذن الله
مني : احنا اسفين ي اسماء دخلتي في المواضيع دي كلها وصدعنا دماغك
اسماء : اخص عليكي ي مني مش انتي اللي قولتي اني بقيت اختك
مني : ربنا العالم
اسماء : يبقي خلاص بلاش الكلام دا
كان آدم قاعد لوحده بعيد عنهم وباين انه بيفكر في حاجة اما تقي فكانت قاعدة جمب ندي وبصتلها بخبث
ندي : انا عارفة البصة دي في اي
تقي : مين الحليوة اللي هناك دا
ندي : دا يبقي جارنا نقلوا امبارح
تقي : ومجيبتيش سيرته يعني
ندي : طيب وانا مالي بيه اجيب سيرته ليه هو في حاله وانا في حالي
تقي : بس انا مش شايفة كدة
ندي : اومال شايفة اي ي ظريفة
تقي : كان عمال يبصلك بطريقة غريبة
ندي : غريبة ازاي يعني
تقي : زي ما يكون بيحبك
ندي : يحبني والنبي تتلهي احسنلك
تقي : اه والله انا اخدت بالي من نظراته وانتي عارفاني مش بسكت الا لما اعرف الحقيقة
ندي : الا قوليلي ي تقي احمد عامل اي
تقي : احمد واي اللي جاب سيرته دلوقتي
ندي : مش عاملالي فيها ام العريف هو عامل اي بقي
تقي : اسكتي دا كان هيموتني لما عرف بالعريس اللي متقدملي
ندي : هو سامح بردوا مش قابل بيه
تقي : ايوة وانا مش عارفة اي السبب كله ما اقوله يقولي هو كدة انا مش موافق
ندي : اكيد في دماغه متخافيش ادعي وهو ان شاء الله هيوافق
تقي : يارب ي ندي دا كل يومين ييجي يطلبني حاسة انه هيزهق في الاخر
ندي : هو بيحبك وبيخاف عليكي ومتاكدة انه مش هيسيبك
تقي : تفتكري
ندي : مفيش حاجة كتير علي ربنا ي تقي وربنا عارف كل اللي في قلوب عباده والاهم ان ربنا مبيجيبش حاجة وحشة في كل الحالات هيحصل اللي مكتوبلك فمتخافيش
تقي : يارب يوافق بقي والله انا ما انا سايباه الا لما يوافق المرة دي والا يقولي ليه بيرفضه كلنا عارفين ان احمد محترم وعنده شغله وشقته كاملة والاهم انه بيحبني ودخل البيت من بابه وطلبني منه يرفض هو ليه بقي
ندي : مش بقولك اخوكي دا في دماغه حاجة
تقي : يارب
🌹🌹🌹🌹🌹🌹🌹🌹🌹🌹🌹🌹🌹🌹
بعد مدة خرج سامح من الاوضة وقفلها وراه وكانت ملامحه مش باين عليها حاجة ودا اللي خلاهم يستغربوا
مني : ها قول حصل اي وافقت واللا
تقي : وافقت صح انا عارفة
ندي : لا انا شاكة انها تكون رفضت انتي مش شايفة هو عامل ازاي
اسماء : ي جماعة اهدوا وسيبوه يقول اي قرارها بالطريقة دي مش هنعرف حاجة
تقي : ما تنطق ي سامح قالتلك اي
سامح : ………

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية الحب والحياة)