رواية بنت الشيطان الفصل الخامس والسبعون 75 بقلم رحمة نبيل

رواية بنت الشيطان الفصل الخامس والسبعون 75 بقلم رحمة نبيل

رواية بنت الشيطان البارت الخامس والسبعون

رواية بنت الشيطان الجزء الخامس والسبعون

رواية بنت الشيطان الحلقة الخامسة والسبعون

نظر زياد لهم بتشنج / آيوه اللي هو ازاي يعني مش فاهم
ليث ببرود / انت ايه دخلك يا اياد انا بكلم زياد
ثم نظر لاياد بخبث / ها يا زياد يا حبيبي تحب يكون فرحك أمتي انت وديما بس خليك فاكر هو رد واحد ومش هنغيره
نظر إياد بخبث لزياد / آه مش عارف يا ليث ايه رأيك مش دلوقتي انا حاليا مشغول ومش فاضي لموضوع الجواز ده ممكن بعد شهر آتنين كده نتجوز عادي
ضربته ديما بحده وجذبته لينحني لها / واد انت هتوافق علي الجواز بدل ما اقسم بالله لكون انا اللي معلقاك انت فاهم
ابتعد عنها إياد بتعجب وحدث نفسه / الله يرحم عقلك انتي وزياد آتنين هبل هيجبوا سلاله اهبل
نظر مالك لزياد / وانت يا اياد تحب تتجوز انت وتالا أمتي
ابتسمت تالا بخجل علي حديثه ولكن فجأه تغيرت ملامحها وهي تسمع كلام زياد( الذي يدعي انه إياد)
زياد وهو يتظاهر بملل / لا لا يا مالك مليش نفس للجواز حاليا
ثم نظر لاياد بخبث وكأنه يردها له / أصل لسه هكون نفسي بعيد عنك
إياد بصراخ / وحيات امك
زياد / الله يا زياد وانت مالك يا أخي حياتي وأنا حر فيها
إياد وهو يكاد يصرخ به ولكن لمح نظره مالك وليث فهدأ وأشار بعينه لمالك وليث وتحدث بهدوء / امممم براحتك يا قلبي خد كل وقتك.
زياد وهو ينظر له بتعجب ولم يفهم شئ من نظراته / إيه يا واد جبت ورا بسرعه ليه
أشار إياد بعينه لمالك وليث فتحدث زياد بغباء / آيوه مش فاهم مالهم مالك وليث
ضرب إياد علي وجهه بشده من غباءه وأشار مجددا لهم
فتحدث زياد وهو يزيح ليث ومالك قليلا / وسع كده يا مالك
ونظر خلفهم / آيوه يابني مفيش حاجه وراهم فيه إيه بقي
تحدث مالك ببرود وسخريه وهو يدخل للمكتب مع ليث مجددا / قصدوا تبص علينا احنا وعلي نظراتنا يا سياده المقدم إياد كنت فاكر زياد هو اللي غبي بس طلعتوا انتم الاتنين اغبية
هز زياد رأسه بغباء وهو يسمع ضحكه مالك العاليه
بينما ضربه إياد علي رأسه / أنا بس عايز اعرف انت دخلت مخابرات إزاي
زياد وهو يهز كتفه/ زي ما نور دخلت شرطه
ثم غمز له وذهب ليجلس وكذلك فعل إياد فقد جلس بجانب ديما وزياد بجانب تالا وهو ينظر بتحفز لاياد
بينما إياد ضحك عليه وغمز له ثم همس لديما بشئ جعلها تنفجر ضاحكه بينما زياد ينظر له بعيون حمراء
نظر زياد بجانبه وجد حازم يضم ملاك اليه وهو يضع قدم علي قدم فضرب زياد قدمه / نزل رجلك ياض وانت قاعد قدامي ايه مفيش احترام هنا للكبير.
نظر له حازم بتعجب / مالك يا اياد متنظبط كده انت هتعمل زي اخوك ولا إيه
زياد بحده / وماله اخويا يعني ده حتي زياد احلي مني واذكي مني.
نظر له اياد بحاجب مرفوع وبسمه مستمتعه
ٍدخل كلا من أسد وجميله فنظرت لهم سونيا بتعجب / انكل أسد هو بابا وجدو فين
أسد ببسمه / روحوا يا قمر وبيقولوا تخلصي سهرتك براحتك وتحصليهم كمان ساعتين عشان وراكم سفر
ديما / وليه ساعتين مكفايه خمس دجايج
زياد بسخريه / ماشاء الله هما عندهم امل انها تطلع من البيت أساسا
تحدثت سونيا بدلع لاسد / شكرا يا اونكل اكيد هحصلهم أصل بابي رايح يعمل صفقه في فرنسا وقالي تعالي معايا نعمل شوبنج
وضعت ديما قدما علي قدم وهي تنظر لها بغيظ / فرنسا الله يرحم الوكاله والعتبه يا معفنه
ضحك زياد وهو يري ملامح ديما وهز رأسه بيٱس ونظر لسونيا / سيبك انتي ممكن اصورك بس عشان نحطها في ألبوم الذكريات
نظرت له سونيا بتعجب بينما إياد ضحك بشده
ذهبت جميله للمقعد الفارغ بجوار إياد فمعنها أسد / لا الواد ده متقعوديش جنبه اقعدي هناك جنب إياد..
اشار زياد للمقعد بجانبه / تعالي يا شابه ده إحنا هنريحوكي خالص
بينما إياد انفجر ضاحكا علي أفعال اخيه.
تحدث حمزه لاياد بتعجب / مالك يا زياد يا حبيبي ساكت من ساعه ما جينا فيك حاجه ولا ايه
هز إياد كتفه بعدم اهتمام / لا انا كويس بس لسه الليله في اولها متستعجلوش
نظر إياد وجد زياد يضم جميله ويهمس لها بكلمات فضحك بشده
بينما أسد ذهب وجذب جميله من بين زراعي زياد الذي نظر له بتذمر / في إيه يا أسد ينفع اللي عملته كده.
أسد بشك / انت ياض بطل تقعد مع اخوك عشان تقريبا خرط عليك
ضحك عليهم إياد بشده وهو يستمتع بالأمر
بينما زياد استعاد هيبته الوهميه / احم آه قصدك زياد العيل الفاسد ده اكيد ولا يكون عندك شك مش هقرب منه
هات بقي الحلو المستورد ده
ضحك إياد اكثر عليهم
بينما اخذ أسد يد جميله ودخل لغرفه الكبار / تعالي يا جيمي الواحد مبقاش يضمن حد
ثواني وكانت سمر تدخل وهي تشير للباب الذي دخل منه أسد / بص انا شوفتهم داخلين هنا هدخل بقي الحقهم بسرعه قبل ما يعملوا حاجه
ثم دخلت للغرفه بينما سراج خلفها يضرب كف علي كف / يارب أمتي هتتعدل بقي يارب هتفضل هبله لأمتي
ضحك اياد عليه بشده / سمر هتفضل سمر الي ان يرث الله الأرض ومن عليها
نظر له سراج بحنق / ملكش دعوه ياض بمراتي ادعي علي ابني واكره اللي يقول امين.
ضحك إياد وزياد بشده
بينما نهضت ديما وتوجهت لزياد / إياد معلش عايزاك في حاجه ضروري
نظر لها زياد بدقه تري لما تحتاج أخاه هز رأسه ونهض معها بينما وجد تالا تأتي وتجلس بجانبه / هي ديما عايزه إياد في إيه
هز إياد رأسه بعدم معرفه.
بينما في الحديقه في الخارج
كانت ديما تقف امام زياد وهي تضع رأسها في الأسفل ثم زفرت بهدوء وتحدثت بجديه وهي تنظر لعيونه / إياد انا
نظر لها زياد بتركيز وابتلع ريقه / آيوه
ديما وهي تحرك يدها عشوائيا / أنا مش عارفه اقولك ايه ولا اوصفلك إزاي بس انا حاسه اني مش…..
اقترب منها زياد اكثر وهمس لها بصوت خرج بصعوبه / انك مش ايه
رفعت ديما عينها ولكنها صدمت من قربه منها ونفسه الذي يلفح وجهها مدت يدها التي كانت ترتعش وحاولت دفعه في صدره / لو سمحت يا اياد مينفعش ابعد شويه
ولكن وكأن زياد لم يستمع لها واقترب اكثر / انتي مش ايه يا ديما
نظرت ديما في عينه وتحدثت / أنا حاسه اني اتسرعت بجوازي من زياد
وكأن صاعقه ضربت رأسه ظل ينظر لها بعدم فهم بينما هي تحدثت بعيون حزينه وهي تنظر أرضا وتفرك يدها / زياد مش وحش بس انا بس
سمعت همسه زياد / بس
نظرت له بعدم فهم وأكملت / إياد عارفه انه اخوك بس انا كنت حا……
توقفت علي صرخه زياد التي هزت القصر كله / بسسسسسسسسسسسسسسسسسس
قبل ذلك في القصر بعد خروج زياد وديما اقتربت تالا من إياد وهمست له بدلال / زياد
نظر لها إياد بحاجب مرفوع علي نبرتها تلك / نعم
تالا ببسمه وهي تضع يدها علي زراعه / هو إنت متعرفش اذا كان إياد بيحبني ولا لا
نظر إياد علي يدها التي من المفترض انها تضعها علي زياد وليس هو فنزع يده بحده / وانتي ده كله مش عارفه إذا كان بيحبك ولا لا
تحدثت تالا وهي تحرك كتفها بعدم معرفه / معرفش انت عارف إياد مش زيك مش سهل تعرف هو بيفكر في إيه إياد بارد يا زياد
نظر لها إياد بدقه / وهو انا اللي حلو اوي
ابتسمت له تالا /آه يابني انت مش واثق في نفسك ولا إيه
هز إياد رأسه ببرود وكاد يجيب لولا سماعه لضرحه اخيه التي ولأول مره يسمعها منه هكذا
خرج ليث والجميع بعنف من المكتب صرخ ليث بأياد / فيه إيه اخوك ماله
نظر لهم إياد بجهل وكاد يركض للخارج ولكن شعر بيد تمسكه فنظر وجد تالا تهز رأسها بلا نظر لها بعدم فهم فتحدثت بتنهيدة / دي ديما تقريبا زودت العيار
نظر لها بعدم فهم فاقتربت منه وهي تربت علي كتفه / متقلقش يا اياد ديما هتعرف تهديه تآني انت عارف ان محدش يقدر علي زياد غير ديما
نظر لها إياد بتفاجأ فابتسمت له / يعني مش هعرف افرقكم عن بعض يا اياد فكرك اللبس بس هو اللي بنفرقكم بيه يعني للدرجه دي فاكر حبنا ضعيف
نظر لها بدقه فهزت رأسه / عرفناكم من اول ثانيه وديما قالت لازم نعلمكم الأدب عشان تحرموا تقللوا من حبنا بس تقريبا زودت العيار مع زياد شويه
تنهد إياد بقوه وامسك يد تالا وخرج بها من الباب الخارج بعنف بينما حسام كاد يلحقه / سيب البنت ياض بدل ما….
امسكه ليث ببرود من ثيابه من الخلف / تعالي يا حبيبي تعالي ندخل جوا
ثم جذبه وهو ينظر بحنق له وخلفهم الجميع بينما نظر مالك لنور وهمس لها / تقريبا رجالة العيله دي مقدر عليها الجنون علي ايد البنات اللي فيها
غمزت له نور بمشاكسه وهي تقبل خده/ عندك شك
غمز لها مالك / تؤ تؤ لو عندك انتي نروح نتناقش ايه رأيك
سمر من علي باب غرفه الضيوف / انتو واقفين ليه كده
مالك ببرود / بنتشمس
ضحكت نور وهي تسبقه للداخل بينما نظرت له سمر ببرود وبسمه مستفزه ثم دخلت وهو لحق بها وهو ينظر للباب قليلا
بينما في الخارج كانت ديما تقف امام زياد وهي تكاد تموت رعبا بينما هو مد يده وامسك شعرها من الخلف وجذبها له حتي تلامس وجهيهما وتحدث بعيون حمراء / ندمانه علي جوازك يا ديما
لم تتغير نظره ديما له
فاكمل / ندمانه علي حبه ليكي ها ندمانه عشان اتسرعتي
تحدثت ديما وهي تنظر له بتحدي وعيونها تطلق شرار / انت شايف ايه يا زياد
اهتز زياد قليلا ثم نظر لها مره اخري فتحدثت بضحكه سخريه / انت فاكر مش هعرفك ولا إيه من اول ما دخلت البيت وفتحت لينا وانا عرفتك وكان لازم نعرف ده من نظرتي ليك بس قولت بلاش ابوظ اللعبه بتاعته وامشي معاه ايه يا زياد شايفني بفرقك عن إياد بلبس وكلامك ولا حتي تسريحه الشعر
نظر لها زياد قليلا ثم همس بعشق وهو يغمض عينه / مش انتي يا ديما مش انتي أبدا المقصوده باللعبه دي مش انتي خالص ياقلب وروح زياد
مدت ديما يدها وكوبت وجهه بحنان ثم ارتفعت وقبلت عيونه واحده تلو الاخري ثم خديه ووضعت رأسها في صدره وهي تهمس بعشق / عمري يا زياد عمري ما حسيت لحظه اني اتسرعت عمري ما في ثانيه واحده ندمت علي حبي ليك عمري ماقلبي ده ندم لحظه علي حبه ليك
رفعت عينها له وهي تهمس / بالعكس القلب الأهبل ده ببعد الايام عشان يكون جنبك دايما يا زياد عشقي ليكي بدأ يوجع قلبي يا زياد
وضع زياد يده علي خدها وهو يهمس لها / تؤ تؤ وحيات سيد وسكره لنتجمع يا ديما
هزت ديما رأسها بيأس عليه وهي تضحك بينما هو انحني وحملها فصرخت وهي تنظر له / في إيه يا مجنون انت نزلني هنتفضح
زياد / طلاج تلاته لو ما اتجوزنا خلال أسبوع لكون مغتصبك واللي يحصل يحصل
فتحت ديما عينها بفزع وضربته كثيرا علي كتفه / انت ايه مش هتخف قله ادب أبدا
ضحك زياد وهو يتجه للمنزل / هو فيه احلي من قله الادب ياقلبي
هزت ديما رأسها بيأس ثم وضعت رأسها علي كتفه / زياد
زياد / هممممممم
ديما وهي تنظر لعينه / هو إنت كان ممكن تضربني لو كان كلامي بجد
زياد وهو ينظر للطريق / واكسر رقبتك يا حبيبتي واكسرلك رجلك كمان عشان تفضلي معايا ومتروحيش لغيري
انهي كلامه وهو يدخل للمنزل تحت نظرات ديما المرتعبه منه
بينما نظر حازم والجميع الي إياد او زياد لم يعودوا متأكدين وهو يحمل ديما هكذا ويصعد بها للاعلي
همس حازم / يا ابن ال….. بتضحك عليا يا زياد الكلب طب والله لوريك
ضحكت ملاك بشده بينما كانت سونيا لا تفهم شيئا ولكن ملت من الجلوس هكذا فنهضت لتسير قليلا في المنزل
بينما حازم نظر حوله وجد ريما غير منتبهه لهم وتنظر لهاتفها فاقترب سريعا وقبل ملاك سريعا التي نظرت له وضربته علي كتفه بغيظ وهمست / يا قليل الادب
ضحك حازم بشده عليها
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
‏*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
بينما في الأعلي كانت ديما تركض في انحاء غرفه زياد وهي تصرخ به / ولا ولا خليك مكانك يا زياد عارف لو قربت خطوه كمان ها….
قاطع كلامها رؤيته لزياد يقف امامها وينظر لها بمشاكسه / ها ايه قولي متتكسفيش
ضحكت ديما بشده / هتموت لو مره مافكرتش بسوء نيه يابني صفي نيتك شويه انا كنت هقول اني هاصرخ
زياد وهو يجذبها له من خصرها / هصفي نيتي حاضر بس جوزوني
ضحكت ديما بشده وهي تضع يدها علي كتفه / الله وانا مالي يالمبي انا جاهز يا خويا التأخير منك انت
زياد وهو يزفر بضيق / لا ياختي مش مني د من مالك ياشابه بسبب المهمات اللي بنطلعها
ضحكت ديما بشده ثم اقتربت منه / خلاص متتعصبش كده ياباشا قريب بإذن الله
زياد وهو يضمها اكثر / طيب مفيش تصبيره لحد القريب ده أصل محسوبك محسود اقسم بالله كنت مخطط لحجات بعد الكتب الكتاب بس نعمل ايه في حظنا المجندل
ضحكت ديما بشده فاقترب منها وهو يهمس لها / ضحكتك دي بتموتني والله اكتر واكتر.
ثم اقترب منها اكثر وكاد يقبلها لولا سماع الجميع صوت صراخ في الاسفل
دفعها زياد بحده / خربيت ام نحسك يا شيخه ده مش حد باصصلي في الحواز لا ده حد تاففلي فيها
ديما بقرف / الله يقرفك
زياد بهياج /اخرسي انتي يابومه يا بومه كل ما أقرب منك تحصل مصيبه هو ايه العالم كله موقف مصايبه على بوستنا مصيبه ليكون خرم الاوزون بسبب بوسه الحضانه يا منيله
ضحكت ديما بشده عليه ولم تستطع التنفس بينما هو ذهب لدولابه وغير ثياب إياد وارتدي تيشرت خاص به وخرج وهو يدعي عليهم / حسبي الله ونعم الوكيل فيكم عيله حسبي الله ونعم الوكيل فيكم ذنب البوسه في رقبتكم واحد واحد
نظر وجد الجميع يخرج علي صوت الصرخات التي تعلي
فاشار لمالك / خصوصا انت يا شيطان ذنب انحرافي وقله ادبي دهين في رقبتك ومتزعلش بقي لما تلاقيني ممسوك آداب عشان تفرح يا مالك
نظر له مالك بحاجب مرفوع وهمس ببرود / بتقول ايه
زياد بصراخ / بقول ان ذنبي في رقبتك ولولا المهمات اللي بتديها ليا كان زماني……
توقف وهو يري نظره مالك المرعبه وبسمته بالباردة فاكمل / كان زماني دلوقتي بعمل عمره عشان ربنا يسترها علينا
ضحكت ديما من اعلي الدرج عليه وهي تتحدث / شرس آوي
زياد وهو يعدل ثيابه / أمال إيه يابنتي
كاد سراج يتحدث لولا سماع الجميع لصوت الصراخ يتعالي مجددا فركص الجميع للخارج فوجدوا سونيا متسطحه أرضا وفوقها تالا التي كانت تضربها وبشده
ديما وهي تتقدم وترفع كم البلوزه الخاصه بها / معقوله ياباشا بتضرب لوحدك
ثم انطلقت وهي تنزل حذائها وتهبط به فوق سونيا التي كانت تصرخ بحده بينما ديما تضربها بشده / تعالي بقي عشان انا سكتلك كتير والله
اقترب زياد من إياد ببرود / هي المرحومه عملت ايه
إياد وهو يقص عليه ما حدث / ابد يا سيدي المغفور إليها جات وقاطعت خلوتنا انا والبت تالا قامت تالا زعقت فيها راحت البت بجحت في تالا،،، تالا تسكت
زياد وهو يهز رأسه /استغفر الله دي كانت سمر علقتها
إياد / بس يا سيدي وزي ما انت شايف كده تالا بتحاول تقنعها بوجهه نظرها
زياد وهو يهز رأسه وهو ينظر لهم / وجه نظر تحترم
ثم نظر لاخيه وهو يغمز بمشاكسه / وانت بقي يانمس كنت بتعمل ايه مع تالا ها
ضحك إياد وغمز له / عيب عليك ياباشا مهما كان لسه متحوزناش هو أنا بس كنت عايز بوسه خطافي كده بس ملحقتش بس اكيد مش هعمل حاجه غلط طبعا
زياد /عداك العيب يابني والله
ضربتهم دانه علي ظهورهم من الخلف / يا تنح يابارد منك ليه البنت هتموت في ايدهم اتصرفوا
فرك زياد ظهره / إيه يا دانه ايدك التقيلة دي الله ياستي بنات بيتفاهموا نع بعض ودلوقتي هيوصلوا لحل وسط والناس مبسوطه اهي حتي شوفي سمر بسمتها منوره وشها إزاي ماشاء الله
ضحك إياد بشده وهو ينظر لسمر التي تبتسم وتشجع الفتيات وتصفر لهم وتريد المشاركه ولكن سراج يمنعها
نظرت لهم دانه بيأس
زياد وهو ينظر لسونيا بتفكير / ما اهو انا برضو كان لازم أصر علي موضوع الصوره ده اهو اتشوهت هنخاد ذكري ليها إزاي
نظر لها خالد / يا خسارتك يا حبيبتي في البهدلة معلشي يابنتي هما نسوان العيله دي مش بيقدروا النعمه
ضربته ناري في بطنه فنظر لها وهو يضحك بألم/بهزر يخربيت ايدك التقيلة دي
نظر سراج لسمر التي تهلل وكأنها تشاهد مباره كره قدم / مش عارف ايه الفرحه اللي وشك دي ولا كأنك ابنك نجح في الثانويه
سمر ببسمه / لا بس اصلي مش بطيق البنت دي.
سراج يتشنج / مش بتطقيها إزاي لا مؤاخذه هو انتي تعرفيها أساسا ولا عمرك كلمتيها.
سمر وهي تنظر / اهي بص عليها شكلها مش مريحني أبدا
ضرب سراج كف علي كف
بينما استطاع أسد وبعد عناء أبعاد كلا من تالا وديما عن سونيا
اياد وهو ينظر لسونيا التي لا تتحرك / تفتكر ماتت
زياد وهو يدقق النظر بها / لا يا عم استغفر الله بترمش اهي هو احنا قتالين قتله ولا إيه
إياد / لا طبعا الحمدلله
ذهبت ناري وساعدت سونيا وأخذتها للداخل لكي تساعدها بينما اتصل خالد بوالدها
أسد لخالد بعدما انهي اتصاله / قولتله ايه
خالد ببسمه غبيه / قولتله يغير طريقه من فرنسا للقصر العيني الفرنساوي
أسد / عادي كله إنتاج فرنسي يعني زيتنا في دقيقنا
نظر مالك للجميع بملل وتحدث ببرود / تالا ديما إياد وزياد ورايا
ثم دخل للمكتب
زياد وهو ينظر لاياد ظ هو جدك هيعملها اخيرا ويضربنا بالنار
إياد وهو يسير ببرود / اقل واجب يعمله والله
نظرت دانه لليث بفضول / ليث هو مالك عايزهم ليه
ابتسم ليث لها وغمز / والمقابل
ضربته دانه علي كتفه / ليث قولي بقي
امسك ليث يدها وجذبها خلفه / لا ده موضوع يطول شرحه تعالي اقولك فوق
هزت دانه رأسها بيأس وهي تسير خلقه
نظر مالك للاربعه الذين يقفون امامه مثل الأطفال المذنبين
ثم نظر لديما و تالا وتحدث ببرود / مش هتكلم عن اللي حصل بره عشان لو اتكلمت رده فعلي مش هتعجبكم
ابتعلت ديما ريقها برعب وأمسكت زراع زياد بخوف فنزع يدها / ياشيخه اوعي هو أنا ناقص ده هياكلنا
ضحك مالك بشر عليهم ثم نظر لاياد وزياد بدقه / وانتم اللعبه اللي عملوتها انهارده دي متخلش عليا
زياد ببسمه / الله ياباشا منت فقستنا من اول كلمه
ضحك مالك ببرود / فاكر الشيطان كبر ولا إيه
زياد بغمزه / ولا إيه ياباشا ده انت فيك شباب عني صلي علي النبي كده
ضحك مالك ثم نهض واقترب منهم ومد يده فعاد زياد للخلف فتحدث مالك بسخريه / متخافش يا ضنايا تعالي.
زياد وهو ينظر له بقلق / طب احلف انك مش هترفع ايدك
ضحك إياد بشده علي اخيه وضم مالك بحب / أتفضل يا مالك اؤمر
مالك وهو يبتسم له ويعود مكانه وهو ينظر بمكر لزياد / لا اصل كنت بفكر ان جه الوقت اللي تتجوزوا فيه يعني بفكر اني اعمل…..
قاطعه زياد وهو ينقض عليه بالقبل / احبيبي آمالك والله يا مالك دايما اقول انت اللي فيهم ربنا يخليك لينا يا راعي حقوق الغلابه يا مالك
ضحك مالك بشده ثم نظر لهم ببسمه حنونه / اجهزوا الفرح اخر الاسبوع

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الشيطان)