رواية بنت الشيطان الفصل السابع والسبعون 77 بقلم رحمة نبيل

رواية بنت الشيطان الفصل السابع والسبعون 77 بقلم رحمة نبيل

رواية بنت الشيطان البارت السابع والسبعون

رواية بنت الشيطان الجزء السابع والسبعون

رواية بنت الشيطان الحلقة السابعة والسبعون

#اخر_مراحل_الجنون
#عشق_حطم_التقاليد
#بنت_الشيطان_3
#حلقة_خاصه
‏”تركتها لك يا الله، ووكلت أمري إليك فبشرني بما أريد وبما اخترته لي خيراً.”
ثم قال في خطبة الوداع : “وإني مُباهٍ بكم الأمم يوم القيامة ”
صلوا_عليه ﷺ “
نظر الجميع أمامهم لهذا الذي يطلق عليه مخيم والذي جاءوا اليه مجبرين بسبب صغارهم المزعجين بدرجه كبيره أصبح الجميع يدرك ذلك أن كل جيل مقارنة بالجيل الذي سبقه يكون أكثر ازعاجا وجنونا
زفر زياد بضيق وهو يضرب ابنه ليث الصغير علي رقبته وهو يتحدث بحده / بقي ده االي مدفعني فيه
الفين جنيه يابن الفلطوس اصبر عليا والله لطلعهم علي جتتك أنت وامك اللي قعدت تزن معاك علي راسي
اقتربت ريما منه وهي تنظر له بتذمر / الله وانا مالي يالمبي يعني يرضيك نسيب ليوث يزعل وكل صحابه وعيال عمه جايين ها يرضيك
زياد ببسمه باردة / آه يرضيني
ثم نظر لابنه نظره وهمس له / والله لاوريك يا ليث الكلب
ثم دفعه /امشي ياض من وش اهلي لأحسن افرمك
تحدث ليث الصغير بتذمر / ايه يابا بس متهدي كده واصبر علي رزقك ده انا عاملك مفاجأه عنب يا جدع
رفع زياد حاجبه /مفاجأه ايه يا خويا اللي في نص الصحرا دي
ليث وهو يغمز له / فيه قاعدة صواريخ علي وشك الوصول هنا
نظر زياد حوله برييه ثم اقترب من ابنه وهمس / ولا انت بسكتني ولا بجد
ليث بغمزه / عيب عليك يا زياد ده انا تربيتك
زياد بسخريه / ما هو ده اللي مخوفني والله
تدخل إياد في الحوار / كمية قذارة مش معقوله يخربيتك فسدت الولد
زياد بسخرية / سيبنالك العقل يا خويا روح بقي الحق بنتك لأحسن شويه وهتقلع وتتحزم وترقص
نظر إياد بفزع لقمر ابنته الصغيره وركض لها ورآها تعانق احد الأطفال وتقبله / شرففففففففي
ذهب ورفع قمر من ثيابها فأخذت قمر صاحبة السبع أعوام تبكي وهي تمد يدها للطفل لتعانقه مجددا
تحدث إياد بشر / بتلوثي شرفي يا بت انتي هي رحلة زي الزفت علي دماغ اللي خلفوكم واحد واحد
تحدثت والدة الفتي / عادي يا استاذ دي عيله صغيره يعني….
صمتت برعب بسبب نظره إياد الذي تحدث / عيلة ايه ياختي دي شويه وهتتحزم لابنك احيييه عليا وعلي سنيني دي اكيد مش بنتي دي بنت زياد آه والله هما لغبطوهم
ثم اخذ ابنته التي كان مايزال يحملها كما يحمل الأرنب واعطاها لتالا التي نظرت له بتعجب / في إيه
حرك إياد فمه بحركه شعبيه / فيه إيه هيهيهي فيه بوس يا ختي
ثم تركها وذهب وهي تنظر بتعجب له/ بووس
اقترب إياد من زياد الذي كان يحدث ابنه / عارف ياض لو لقيت الصنف مش حلو هطلع عينك انت وامك
ليث بتذمر / يوووه انت كلت دماغ امي يا جدع
ثم تركه ورحل بينما زياد وقف في مكانه بصدمه / آه يابن ال*** الواد بيزعقلي هو ايه مفيش تربيه
ضحك إياد من خلفه بسخريه / اشرب يا خويا هو كأس وكله بيشرب منه الأول مالك وبعدين دانه واخيرا انا وانت
نظر زياد للأطفال وهو يتنهد بتعب / آه ياعم بس كان فيه مالك بيرعب دانه وعبده وكان فيه ليث بيرعبنا احنا
ثم أشار لابنه وبنت إياد / دول بقي مين اللي هيقف ليهم ها ده انا خايف شويه اعمل غارة ألاقي ابني فيها وبيوزع مخدرات
ضحك إياد بشده وهو ينظر للأطفال / عادي يا زيزو اشرب يا كبير واستحمل بعدين متنساش اننا ربيناهم علي انهم صحابنا ويمكن بيهزروا معانا كده بس وقت الجد محدش فيهم بيرفع عينه وانت عارف كده كويس اوي
ابتسم زياد وهو يدرك ذلك جيدا يعلم أن ابنه يحترم لأكبر درجه وعند اللزوم يتوقف عن أفعاله تلك ولكن هو يحب أن يمازحه كثيرا
ضحك زياد وهو يري ابنه يضرب طفل صغير / اهو بلطجي من صغره
إياد / لا سيبه يضربه ده عيل سمج أساسا تخيل كان بيخلي قمر تبوسه
ضحك زياد وهو يغمز / بنتك بدأت بدري الا ابوها ما عملها الا لما طلع روح امها جنبه
ذم إياد شفتيه / والله ساعات بحس انها مش بنتي وأنهم اتلغبطوا في عيالنا بس ارجع اقول ان ليث التاني اسود منها بمراحل فبقول الحمدلله علي نعمه قمر
ضحك ليث بشده/ طب يلا يا خويا عشان هنبدأ ده ايه ام المخيم المهبب علي دماغهم ده الواحد ياخد اجازه عشان ينفرد بالبت ديما يلاقي ابتلاء علي هيئة طفل صغيره جاي يقولي عايز اروح المخيم
ضحك إياد بشده ولحق بالجميع ليبدأ المخيم والذي يبدو أنه سيكون عباره عن كارثه من الجنون ولن يكون مخيم طبيعي بوجود كل هؤلاء المجانين
نظرت دانه لليث بتذمر فزفر ليث / دانه يا حبيبتي المخيم ده للأطفال وأولياء الأمور مقلوش والاجداد كمان
نظرت له دانه بشر / ليث انت عارف كويس اوي ان كلمة جدة دي بتضايقني
ضحك ليث وجذبها بذراعه/ طب اقولك ايه يا دندون ارضي بالامر الواقع انتي كبرتي وبقي عندك أحفاد
نظرت له دانه بحنق / والله عن نفسي انا لسه شباب معرفش بقي انت لو شايف نفسك عجوز تبقي مشكلتك انت
رفع ليث حاجبه واقترب منها وهو يهيمن عليها بخبث / انا عجوز يا دندون يا شيخه عيب عليكي ده ابوكي لحد دلوقتي لسه شباب فتيجي تقولي عليا انا عجوز
نظرت له دانه ببسمه خفيه / آه عجوز بس عضلاتك هي اللي مخبيه الكبر والله حتي التجاعيد مفيش انت بتستخدم ايه لوشك ده
ضحك ليث عليها وغمز / نفس اللي بيستخدمه ابوكي…. التمارين اليوميه يا دندون كفيلة تصغرك عشر سنين انتي بس واظبي عليها يا عمري حتي عشان كرشك ده
نظرت دانه بفزع لبطنها الصغير / كرش؟؟؟ انا عندي كرش
ابتسم ليث وهو يقبل خدها بعشق / واحلي كرش
دفعته دانه عنها وهي تصرخ / متغيرش الموضوع يا ليث انا عندي كرش
جذبها ليث اليه وغمز / مش هنضيع اليوم اللي عيالك انصرفوا فيه وسابولنا فيه البيت في حوار كرش ولا لا فيه أمور اهم واااا…
لم يكمل حديثه بسبب سماعه لطرق الباب فزفر بضيق ونظر لدانه / متتكلميش شويه واللي علي الباب يزهق ويمشي نظرت له دانه ببسمه سخرية / بجد؟؟؟
ضيق ليث عينه ثواني حتي استوعب معني كلمتها فتحدث بحنق / دول ستات العيله صح
ابتسمت دانه له وهزت رأسها بايجاب فاكمل ليث / جايين كلهم
هزت دانه رأسها مجددا بنفس البسمه
ليث وهو ينظر لها بشر / وهتعملوا معسكر نسائي بقيادة سمر
هزت دانه رأسها وبسمتها تتسع
ليث بحنق / وهتقعدوا بقي تجيبوا بلاوي اجوازكم من يوم ولادتهم لحد دلوقتي
ليث بحده /يعني انا ما اصدق العيال المعفنين عيالك ياخدوا أولادهم ويغوروا من هنا عشان استفرد بيكي تقومي عملالي مؤتمر القمه في دورته ١٠٢٠
ضحكت دانه بشده وهي تضع يدها علي رقبته / ايه بس يا ليوثي ما أكيد نور فهمت مالك وهو مستنيكم في البيت عندنا
زفر ليث بضيق / انا مش عارف أساسا ايه اللي بيخلي مالك يوافق ده لو قال لا مره واحده الدنيا كلها هتتفشكل
ثم نظر لدانه وهو يضيق عينه / انتم ماسكين عليه ذله
ضحكت دانه وهي تهز رأسها برفض وتقرب ليث منها اكثر وهي تهمس / هو بس ميقدرش يرفض طلب لنور حبيبة قلبه واحنا بقي بنستغل نقطة الضعف دي أصل يا ليوث يا عشقي صعب تلاقي بسهوله نقطة ضعف للشيطان غير بنت الشيطان
ابتسم ليث / وانتم بقي بتستغلوه اسوء استغلال
دانه بغمزة / حصل ياباشا يلا بقي روح لمالك لحسن تلاقي فرقة مكافحة الشغب كسرت علينا الباب وتفضل سمر تستجوبنا
تحدث ليث بسخريه وهو يتجه للباب / حياتي سمر كده او كده هتستجونا
ثم مد يده وفتح الباب فدخل الجميع واخرهم سمر التي اخذت تنظر اليه بتقييم فتحدث بملل / نعم يا سمر ضايعلك واحد وبتشبهي عليا
اقتربت منه سمر وهي تضيق عينها / كنتم بتعملوا ايه كل ده عشان تتأخروا في فتح الباب قدامك ثلاثين ثانيه تجاوب فيهم
نظر ليث خلفه لدانة وهو يشير لها بمعني ( ألم اقل لكي) فضحكت دانه بشده وهي تذهب لتسحب سمر / تعالي يا سموره اليوم طويل وهتعرفي تقررينا واحدة واحدة
نظرت سمر لليث مطولا ثم ابتعدت وهي تشير علي عينها بعلامة انا اراقبك / طول عمري مستريحتش للواد الخبيث ده هو ومالك آلأتنين عينة واحده
ضحكت دانه بشدة وهي تجذب سمر للداخل وتلقي لليث بقبلة في الهواء
بينما دفعت سمر دانه /اوعي يابت فكراني عجزت ولا إيه
دانة بسخريه / قطع لسان اللي يقول كده ده انتي حتي لسه مشوفتيش أحفاد أحفادك يا شيخه
نظر زياد وجد سيارة تقترب من المخيم ويهبط منها فتاتان شابتان وطفلة صغيره فابتسم وغمز لليث / هي دي الصواريخ صح
ابتسم ليث بخبث / آيوه هي يا والدي بس إيه رأيك خد انت الكبار وسيبلي الاندرايدج دي تلزمني
نظر له زياد ببسمه / اتفقنا بس سيبك انت شايف اللبس دي لابسه ميكرو جيب انا نقطة ضعفي الميكرو جيب ولا البوت اللي لابساه… معفن آوي ومقرف ايه القرف ده حد يلبس بوت في الصحرا لا وشوف التانيه بقي لابسه كوتشي اخييي علي القرف مش عارف مالهم دول شوف ديما حبيبتي
ثم نظر لقدم ديما التي جائت حينما كان يتغزل في الفتاه فغير كلامه اكمل زياد / يا سلااام شايف الاختيارات لابسه كعب في الصحرا مش تقولي كوتشي وبوت والكلام الأهبل ده ونعم الاختيار يا حبي
ضحك ليث بشده علي ابيه وهمس له / طب اروح انا بقي ألقط رزقي طالما مش لازمينك
نظر له زياد بشر وهو يتحدث / واطي زي ابوك
تركه ليث وركض للفتاه بيننا وقفت ديما امام زياد وهي تتحدث / بتبص علي إيه
نظر زياد لها ببسمه ثم اقترب منها وهمس لها /عمري ما ابص غير ليكي يا ديما
ثم امسك يدها ووضعها موضع قلبه / ده بيدق ليكي انتي وبس
نظرت له ديما ببسمه وغمزت له / ده بيدق لبنات العالم يا زيزو
ثم ضحكت وكادت تذهب ولكن امسك يدها وجذبها له ثم نظر لعينها قليلا وبعدها ابتسم وسحبها لمكان بعيد قليلا عن الاعين وضمها بعشق / آه يا ديما محدش تعب قلبي قدك قربك مني بيخليه يدق بطريقه بتوجعني يمكن بهزر وبقول دي حلوه ودي مش حلوه وغيره بس
ثم ابعدها قليلا وهو ينظر في عينها / مفيش غيرك انتي لحد ما اموت يا ديما هيسكن القلب ده انتي وبس اللي تقدري برمشه عين تخليه يجن وبرمشه تخليه يهدي ويستريح
ابتسمت ديما ووضعت يدها علي خده وهمست بعشق / عارفه يا زياد عارفه كل حاجه من وقت ما كنا صغيرين وانا عارفه مين هو زياد وامتي يكون بيهزر وامتي يكون بجد تعرف دانه واحنا صغيرين قولتلها اني بحب زياد وهتجوزه قالتلي مابلاش يابنتي زياد ده عيل سافل وهيتعبك خدي إياد هما نفس الشكل وقتها تعرف انا قولتلها ايه
هز زياد رأس بعدم معرفه وهو ينظر لعينها بتركيز و بعشق فاكملت هي /قولتلها لا هو زياد وبس يمكن هو شبه إياد فعلا بس لا زياد معروف تصدقني لو قولتلك اني عمري ما شوفتك شبهه أبدا انت كده فريد وملكش مثيل أبدا شخص بيجي مره واحده زياد هو زياد ومفيش اي شبه لاياد أبدا زياد هو حبيبي وزوجي واغلي حاجه في حياتي
ابتسم زياد وضمها اليه بشده وهو يتحدث بصوت امتلئ بمشاعره التي تفجرت بداخله لوقع كلماتها / زياد ميعرفش غير ديما وبس زياد لديما وديما لزياد
ابتسم إياد وهو يري أخيه مع ديما فقد ذهب للبحث عنه ولكن حينما رآه عاد مجددا في طريقه فلمح تالا وهي تضحك مع صغيرته قمر فابتسم بحنان لعائلته الصغيره التي يعشقها اكثر من اي شئ في حياته اقترب منهم ثم انحني لقمر وحملها وهو يقبل خدها المكتنز بعشق ثم ضم بيده الاخري تالا اليه وهو يقبل رأسها وبعدها انحني وهمس لها / بحبك اوي
ابتسمت له تالا وهمست له ( وانا بعشقك)
ثواني وكان هناك صوت عالي يتحدث / يلا يا جماعه هننصب الخيم هنا عشان نبدأ التحديات والالعاب
ضحك إياد وهو ينظر لابنته التي عافرت لتهبط وركضت لليث وهي تصرخ / يلا يا ليث بسرعه يلا
ركض لها ليث وهو يصرخ / احنا اللي هنفوز يا قمر
انضم زياد وديما لهم وتحدث زياد وهو ينظر للجميع الذي بدأ في العمل علي الخيم / بدأت المتعه
ثم غمز لاياد الذي ضحك بشده ووضع يده علي كتفه/ حاسس المخيم ده مش هيكون عادي
زياد بضحك / حاسس مش متأكد
نظرت سمر للجميع بقرف فتحدثت سما بتعجب / مالك يا سمر حاساكي مقروفه
سمر / لا مش حاسه انا مقروفه فعلا
ضحكت دانه بشده / بموت في صراحتها
ناري بتعجب / في إيه يا سمر مالك يا حبيبتي سلامتك من القرف قرفانه من ايه
سمر / من خلقتكم
نظر لها الجميع بتعجب فتحدثت سمر بسخريه / بزمتك انتم بنات انتم هو عشان كل واحده جالها حفيد صغير معفن يقولها يا تيته يبقي خلاص تسيب نفسها وتبقي معفنه كده
تحدثت نرمين بعدم اهتمام /هنعمل ايه يا سمر يعني
سمر وهي تضربها علي رقبتها من الخلف بعنف / بصي يا ختي علي هيفاء كده وشوفي عامله ازاي مزه صح اهي دي عندها أحفاد اكبر من أحفاد اي واحده فيكم حد بقي فيكم حس انها كبرت وعندها أحفاد
دانه / لا دي لسه وتكة يا جدع
سمر وهي تتحدث بسخريه / وانتي يا ختي مش ناويه تبقي وتكة زيها ولا نستني اما ليث باشا يبص برا واظن هو أساسا مش باين علي خلقه اهله انه عدي ال٣٠ حتي
ابتلعت دانه ريقها وبدأت تقلق / يعني اعمل ايه يعني يا سمر
نظرت سمر لنور التي تمسك بهاتفها وتبتسم كل دقيقه / بصي علي امك كده اهو ابوكي مستحملش تبعد ثانيه وعمال يبعتلها رسايل حب بتاعة المراهقين رغم كل السنين شوفتي حب مالك قل ذره لنور اكيد لا ليه بقي
هزت دانه رأسها بعدم معرفه فاكملت سمر / ولا انا اعرف الصراحه اسألي امك لو عامله عمل ليه نروح نشوف الشيخ اللي عمله كده
ضحكت نور بشده وهي تنظر لسمر / انتي هتقري علينا ولا إيه بعدين والله دي مش رسايل حب ده بيقولي ملكيش دعوه بسمر عشان القعدة دي هتنتهي بطلاق واحده فيكم
هزت سمر رأسها / ده حقيقي فعلا مالك عنده بعد نظر
ثم نظرت للفتيات / يلا بقي كل واحده ترمي مشكلتها قدامي عشان نشوف حلول سلميه ديمقراطية
نظر مالك للجميع بملل ثم خرج من غرفه التمارين الخاصه به / طبعا سمر جمعت الستات كلها ورمتكم عندي انا مش عارف اخرتها مع سمر ايه هي مستنية ايه عشان تعقل
سراج بسخريه / اذا كان انا مش عارف آخرتي معاها سمر دي احنا نسيبها تعمل اللي هي عايزاه لحد ما الحجاره بتاعتها تخلص وهي هتقف لوحدها
ضحك أسد بشده وهو يجلس بتعب / ياعم سمر دي حالة نادره والله مش هتعقل ولو شافت حتي الجيل العاشر من احفادها الحل الاسلم فعلا اننا نسيبها لما هي تبطل بنفسها
عبدالرحمن بسخريه / وهتبطل أمتي بقي ان شاء الله دي اخر مره خلتني كنت هطلق رحمه
ضحك خالد بشده / سبحان الله عمرها ما عملت معايا حاجه او بتعمل وانا مش بسيب فرصه لناري بثبتها علي طول
غمز له أسد / ابن ابوك ياض
ابتسم ليث بسخريه عليهم / مش عارف ليه حاسس ان الدور جاي عليا انا
نظر له مالك ببسمه غامضة/ وانت يعني يا ليث هتغلب مع دانه
نظر له ليث بخبث / انت ايه رأيك
تحدث حسام / مش بستريح للاتنين دول بحسهم شياطين قاعدين معانا كده
مراد / ليث ومالك مرعبين فعلا
نظر له ليث بسخريه / ليه يا حبيبي بطلعلك بليل من تحت سريرك ولا إيه
ضحك خالد بشده فنظر له مراد بشر فصمت خالد
بينما تحدث مالك / أنا مش عارف أمتي ربنا يتوب عليا واستريح منكم
أسد بغمزه / يا باشا عيب عليك ده انت كل أسبوع تاخد نور المزرعه وهايص الدور والباقي علي إللي عياله لازقين في البيت ومش عارف يتحرك بسببهم يعني خالد وعياله واحفاده كلهم معفنين
ليث بسخريه / هو إنت عندك عيال اصلا في بيتك يا أسد ده انت عايش انت وجميله وخالد وناري بس
أسد / آيوه بس مزعجين آوي يا عم كفايه عليا خالد نفسه
نظر خالد لوالده بسخريه / جرا ايه يا حج هو أنا باكل منابك ولا إيه
أسد بقرف /حج في عينك يا معفن ده انا لسه شباب
خالد بسخريه / آه شباب و كسر السبعين
ضربه أسد / سمعتك يا حيوان سمعتك بعدين يعني هو إنت شايفني عجوز ياض ده انا لسه قمور
ضحك الجميع علي حديث أسد فهو هكذا دائما لا يحب أن يذكره احد انه كبر في العمر
نظر زياد امامه وهو يتشنج ثم أعاد نظره لليث / نعم يا خويا قولت ايه
ليث وهو يزفر / علي فكره انت سمعت بس عامل نفسك مش سامع بس تمام التحدي الأول في المخيم هو انك تشيل ابنك اللي هو انا علي كتفك وتعدي بيه الحبل ده من الجهه دي للجهه التانيه
تشنج زياد اكثر / بقي انا اشيلك يا عجل انت واعدي بيك الناحيه التانيه يعني مش كفايه شايلك علي كتفي لا هعدي وانا ماسك في حبل ومحمل علي دراعي ده مين الأهبل اللي حط الاختبار ده
سمع زياد صوت من خلفه / احم احم فيه مشكله يا حضرت
التفت زياد فوجد رجل لديه عضلات كبيره ويضع صافره في رقبته فتحدث زياد بسخريه / انت بقي العبيط
نظر له الرجل بحده/ عبيط ايه يا استاذ دي مجرد لعبه وتحدي
زياد وهو يتحدث بحده اكثر / وانت بقي حضرتك متعرفش ان ممكن دراع حد يتجزع بسبب لعبتك دي يا خويا
تحدث المدري بغضب / بقولك ايه يا استاذ لو مش هتقدر علي الموضوع وصعب عليك قول كده وانسحب مش شايف حد اعترض غيرك
نظر له زياد من اهلي لاسفل ثم اقترب منه وهو يربت علي كتفه / ماشي يا ابو عضلات ابقي خف نفخ شويه عشان هيفرقعوا
ثم التفت لليث / تعالي يا خرا انت كمان لما نشوف اخرتها
ثم اتجه لسلم عالي فصعد عليه حتي وصل لاخره ووقف امام حبل طويل موصول بجهتين المراد اجتيازه
نظر زياد بجانبه وجد قمر تتعلق برقبه إياد وبحانبهم ساريا ابنه حازم تتعلق برقبته
زفر زياد وجلس القرفصاء / اركب يا خويا خلينا نخلص
ابتسم ليث بشده وصعد لظهر زياد وهو يمسك في رقبته جيدا ويضحك ابتسم زياد بحنان ومد يده ورفع ابنه اكثر ونظر للجميع وغمز لهم ثواني وكانت صافره البدايه تنطلق فمد زياد يده وقفز للحبل وعلي كتفه كان يتعلق ليث الذي كان متحمس جدا وبدأ زياد يتحرك للجهه الاخري بسرعه كبيره جدا لا يضاهيه احد بها سوي إياد فهذه الرياضه كانت من ضمن تدريباتهم العاديه
نظر زياد لاياد الذي ضحك وقال/ القاك عند النهايه يا زيزو
ضحك زياد / بقي كده يا شق عيب عليك ده انا معلم عليك في الرياضه دي اكتر من مره
ضحك إياد وهو يسرع اكثر وخلفه زياد الذي وفي ثواني كان يسبقه ولكن توقف الجميع عن اللعب عندما سمعوا صراخ احد فنظر زياد للحبل الذي بجانبه وجد تلك السيده التي كان يغازلها سابقا تكاد تسقط وهي تحمل ابنتها وتعبر الحبل فنظر زياد بسرعه لاياد وهو يصرخ / خد ليث بسرعه قبل ما تقع
ثم قام بمرجحه جسده بشده حتي كاد إياد يجذب ليث ولكن أرتد جسد زياد لحبله مجددا فقام بالتمرجح مجددا وهذه المرة تمكن إياد من جذب ليث بسرعه فجعله يتعلق به من الامام بينما كانت قمر تتمسك به من الخلف بخوف / هتقع يابابا الست وتموت
تحدث ليث وهو يلف قدمه علي خصر إياد / متخافيش يا قمري مش هيحصلها حاجه
نظرت له قمر ببسمه / أنا قمرك يا ليث؟؟؟
تحدث ليث بحب / آه يا قمري
صرخ بهم إياد / هو وقته انت وهي هنموت وانتم بتكتشفوا حبكم جديد
تجاهله ليث وهو ينظر لقمر / متخافيش يا قلبي انا جنبك مش هيحصلك حاجه
إياد وهو يتعلق بالحبل اكثر / وحيات امك ده انا اللي متعلق يا عجل انت وانتم آلأتنين متعلقين فيا لما دراعي هيقع
نظر زياد للسيده وتحدث بسرعه وهو يراها تمسك الحبل بيد واحده وابنتها تتعلق في قدمها وهي تكاد تسقط بينما الجميع في الأسفل مرعوب فالمسافه ليست قليلة
نظر إياد للاسفل وسب المدرب في سره ثم اخذ يتسلق للحبل بسرعه كبيره حتي يساعد أخيه بسرعه حتي وصل للجهه الاخري فترك الأطفال وهبط بسرعه ليتجه لحبل السيده التي كانت تحاول أن تمرجح جسدها ليلتقط زياد ابنتها المتعلقه في قدمها ولكن ولسوء حظها لم تتمسك ابنتها جيدا وفي ثواني كان صراخ الطفله يصدح في المكان وهي تسقط والسيده تصرخ برعب / مارياااااااا
كاد إياد يتجه لدرج السيده ولكن سمع صراخ فنظر وجد الفتاه الصغيره تسقط فركض بسرعه وامسكها ولكن بسبب السقوط الشديد تأذت ذراع إياد الذي صرخ بألم فقد سقط علي ذراعه بينما نظر له زياد برعب / ايااااااد
إياد بألم وهو يبعد الفتاه عنه / أنا كويس متخافش
نظر زياد للسيده التي تكاد تسقط ففكر في حل رغم صعوبته الا انه سيفعلها اخذ زياد يمرجح جسده بعنف حتي اقترب من حبل السيده وفي ثواني كان يترك حبله ويمسك في الحبل الخاص بها ولم يكد يفعل شئ حتي وجد السيده تتمسك في خصره بشده وتجذب جسده لينقذها بينما صرخ زياد بها / هتقلعيني البنطلون الله يخربيتك سيبي البنطلون يا ست انتي
نظرت السيده للاسفل برعب وتمسكت اكثر في بنطال زياد الذي اخذ يصرخ بها / بنطلووووووني
صرخ إياد من الأسفل / بتعمل ايه يا زياد امسكها لتقع
ديما بصراخ / امسك الشوووورت يا زياد امسك الشورت ليقع هو كمان
زياد بصراخ وهو يمسك بنطاله بيد والحبل باخري / دي متبته في البنطلون
ثم نظر للسيده / ياست مينفعش كده الله سيبي البنطلون وانا همسك الله يكرمك هتفضحيني ده انا لابس شورت اسبونح بوب هيبقي منظري زبالة قدام العيال
صرخت السيده / اسبونج بوب مين الله يخربيتك هموووت
نظر لها زياد / اشششش اشششش هتفضحيني بعدين سيبي ام البنطلون وانا همسك يا ست اخلصي الله يكرمك يا شيخية هيبتي هتتمرمغ في التراب لو الشورت بان
مدت السيده يدها للاعلي فامسكها زياد بسرعه وجذبها للحبل / امسكي كويس امسكي
أمسكت السيده للحبل جيدا وأخذت تتسلقه مع زياد حتي وصلوا للجهة الاخري فابتسمت / متشكره جدا لذوقك انت جان آوي
نظر لها زياد بتذمر / آيوه جان آوي وكانت كرامتي هتتبحتر في الأرض بسبب البنطلون
ضحكت السيده وغمزت له / متخافش كان هيبقي الشورت الاسبونج بوب حلو اوي
ثم تركته وهبطت وهي تضحك بينما حدث زياد نفسه بغباء / دي طلعت قليله الأدب
ثم هبط خلفها وهو يلتقط ديما التي انطلقت لاحضانه بخوف فابتسم بينما نظر لاياد الذي كان يضم فمه بعنف فتحدث بسخريه / اضحك يا خويا اضحك
وهنا انفجر إياد ضاحكا وهو يستند علي ركبته / يارب هموت تخيل بقي لو كانت قلعتك البنطلون وصدفت انك لابس شورت اسبونجبوب
نظر له زياد / احم احم هو مش صدفت انا فعلا لابس شورت اسبونج بوب
نظر له إياد لثواني قبل أن ينفجر ثانيا في الضحك / مش قادر هموت
نظر له زياد بغيظ سرعان ما ابتسم بتسليه / طب بص وراك كده
نظر إياد خلفه فوجد قمر تعانق فتي وتقبله من خده فلطم علي خده وركض لها وهو يصرخ / همشي ألمك من أحضان العيال ولا إيه
ثم ذهب وجذبها ولكنها تمسكت في الفتي واياد يجذبها بشده وهي تمسك في الفتي وزياد يضحك بشده علي اخيه / الحمدلله يارب ان انا جبت والد والا بنتي كانت هتبقي اسود منها
لم يكمل كلامه وسمع ديما تتحدث بسخريه / طب شوف ابنك ليغتصب البنت
نظر زياد وجد ابنه مع الفتاه التي سقطت وهو يضمها اليه ويربت علي شعرها
فتحدث زياد بسخريه / يا حنين يا خويا
ثم ذهب اليه وجذبه من ثيابه ورحل بينما ليث كان يلقي قبلة للفتاه / راجعلك تآني يا عشق العشق
بينما زياد يسير به وهو يتحدث بقرف / اللي عملناه هيطلع علي جتتنا انا عارف
ثم القي ابنه أرضا في نفس الوقت الذي وضع به إياد قمر بجانب ليث تحدث اياد وهو يقترب منهم وينظر لهم بشر / اسمع ياض منك ليها مش عشان احنا مسهلنها عليكم ومصاحبينكم هتسوقوا فيها ده ابوك وهو صغير كان آخره يعاكس بس اما انتم شوية وهنمسككم اغتصاب اللي هشوفه قريب من حد من العيال دي هبلغ عنه الآداب فاهمين
نظر ليث وقمر لبعضهم البعض فتحدث ليث بتذمر / طب تمام مش هقرب لحد يا اياد
ابتسم إياد وهو ينظر لزياد بمعني ( ارأيت السيطره) ولكن اختفت بسمته حينما سمع حديث ليث / مش همشي مع بنات تآني همشي مع بنتك انت بقي
ثم نظر لقمر وقبل خدها فتحدثت قمر ببسمه / وانا موافقة
ذهب إياد وسحب ابنته بسرعه / انتي موافقه علي طول يا ختي
ثم نظر لليث / اسمع ياض اشوفك مقرب لبنتي هولع فيك انت وابوك
زياد بتذمر / وماله ابوه يا خويا
إياد بحنق / مش ده تربيتك
زياد بردح / اسم الله علي تربيتك يا خويا
إياد وهو يلقي ابنته باهمال / تصدق انت صح آلأتنين ولاد… متربوش
هز زياد رأسه بموافقه / طب ايه رأيك بما ان آلأتنين مشفوش تربية نجوزهم لبعض ونخلص
نظر له إياد بتفكير / تفتكر
تدخلت قمر / وانا موافقه
نظر إياد لابنته بضيق ثم انحني وحملها ورحل وهو يتمتم بغيظ / انتي موافقه علي كل حاجه كده
بينما نظر زياد لليث الذي تحدث بتذمر /ينفع كده يا زياد ضيعت المزه مني انا عمري قطعت عليك وانت مع مزه ده انا حتي كنت بغطي عليك ياجدع
كاد زياد يجيبه لولا صوت ذلك المدرب وهو يدعو الجميع للتجمع
دخل ليث لبيته بعدما تأكد أن الجميع غادر ولكن وجد المنزل هادئ جدا فنظر بقلق وهو يلقي المفاتيح وينادي / دانة
ولكن لم يسمع رد فكاد يصعد لولا رؤيته لجسد يهبط علي الدرج ركض وأضاء الاضواء فصدم مما رأي وهو يبتسم بغموض / سمر عملتها
ابتسمت دانه وهبطت واقتربت منه وامسكت يده وهي تبتسم له باغراء ثم سحبته فسار خلفها حتي خرجت من الباب الخلفي للبيت فوجد ليث الحديقه كلها انوار وبالونات بيضاء وحمراء جميلة فابتسم ونظر لدانة وهو يتحدث بتعجب / ايه ده كله
نظرت له دانه ببسمه ثم اقتربت منه وهي تأخذ يده وتضعها علي خصرها وأخذت تتميال ببطئ علي الموسيقي الهادئه وهي تهمس / قولت ان بقالنا فتره انا وانت مقعدناش لوحدنا قعده رومانسيه فقولت ليه معملش سهره لينا سوا
ابتسم لها ليث وضمها اليه بقوه وهو يهمس امام وجهها / دي سمر سرها باتع آوي
ضحكت دانه بصخب ثم اخذت تتمايل اكثر / منكرش لن سمر جزء من السبب بس مش السبب كله
نظر لها ليث بتعجب فاكملت هي ببسمه وهي تترك يده وتتجه لهاتفها وتمسكه ثم احضرت التقويم ورفعته امامه / التاريخ ده مش بيفكرك بحاجه
نظر لها ليث بتعجب / لا خالص ماله التاريخ ده
نظرت له دانة بحزن / مش فاكر بجد
اقترب منها ليث ورفع وجهها اليه / ده مش عيد جوازنا ولا عيد ميلاد حد ولا اول مره اقولك بحبك ولا اول مره تقولي بحبك ولا يوم ما قولتي ليا انك حامل ولا اي مناسبه يبقي ايه ده يا دانة
نظرت له دانه بحنق / يعني انت فاكر كل ده ومش فاكر اليوم اللي اول مره نشوف بعض فيه
نظر لها ليث لثواني ثم ابتسم / بس انا يا دانه اول يوم اشوفك فيه كان في شهر واحد مش في الشهر ده
نظرت له دانه بتعجب / لا يا ليث كان في الشهر ده انا فاكره لان ده نفس الشهر اللي سيبت فيه شغلي القديم وعمي ادم جابلي شغل عندك ده اول يوم نشوف بعض فيه يا ليث
ابتسم ليث / تؤ تؤ اول يوم تشوفيني انتي فيه ولا انتي نسيتي اني اعرفك من وقت ما كنتي صغيره واليوم ده بالضبط ١/٣ لا يمكن انسي اليوم ده لاني فيه قلبي اتسرق مني
دانة بتذكر / آه صحيح إزاي نسيته يبقي خلاص كام اول يوم اشوفك انا فيه يا بلاكي
ابتسم بلاك وهو يقبل خدها بحنان / واجمل يوم ياقلب بلاك
ابتسمت دانة بشده وعانقته وهي تهمس / بعشقك يا بلاكي
ليث ببسمه حنونه وعاشقه / وبلاك بعشقك يا جنيتي
نظر زياد للمدرب بسخريه / ايه التحدي الجديد هنعدي من حلقه نار ولا نمشي علي ايدينا ورجلينا
نظر له المدرب / ليه هو احنا في سيرك
زياد بسخريه / والله الكلام ده ليك مش ليا يعني اعرف المخيم في رحلات استكشافيه او نتلم حوالين النار ونلعب سوا إنما نتسلق حبال ده شغل صاعقة حضرتك
لا وايه كمان مفيش اي احتياطات أمن
توتر المدرب / احم احم ده مجرد حادثه مش بأيدينا علي فكره بعدين أنا جمعتكم عشان اقولكم اننا هنروح زياره لمحمية طبيعية قريبه من هنا اجهزوا
ثم تركهم ورحل فنظرت تالا لزياد / هو أنا ليه حساك مش طايقه
زياد ببسمه / لاني مش طايقه فعلا
إياد وهو ينظر لهم بممل / طب يلا انجروا خلينا نخلص من ام ده مخيم زمان ابوك هايص مع دانه ولا همه بهدلتنا دي
ضحك زياد بشده ثم تحدث بتعجب / صحيح أمال فين حازم وساريا
شعر زياد بأحد يجذب بنطاله من الأسفل فتحدث بتذمر /هو ايه حكايتكم مع بنطلوني انهارده مش هتستريحوا الا اما كله يشوف شورت اسبونج بوب بتاعي انا عارف
ثم نظر للاسفل فوجد ساريا طفلة حازم الصغيره وهي تتحدث بجمود وبرود / بابا اخد ماما عشان يقولها كلمه سر
زياد بسخريه / عارفها انا الكلمة دي
ثم انحني ونظر لها / ومالك مكشره كده ليه يا ساريا
تحدثت الطفلة ببرود غريب/ عشان مفيش سبب اني اضحك لو فيه هضحك
فتح زياد فمه ليرد ولكن اغلقه مجددا وهو يتحدث / يخربيتك ده انتم عيلتكم وآخده البرود صنعه وحكر من اول الكبير لحد الصغير
إياد بضحك / واحنا واخدين الجنون صنع وحكر من اول الكبيره لحد الصغيره
قال لخر كلماته لابنته التي تقبل ليث
ضحك زياد ثم تحدث / طب يلا عشان نلحق الكل
وسار الجميع في طريقهم للمحميه الطبيعيه
حتي وصلوا لمكان له بوابة كبيره جدا ودخل الجميع والضحكه تعلوا المكان وانتشر الجميع في المكان حتي وصلوا لغرفه كبيره فتوقف المرشد / طيب يا جماعه كده تقريبا زرنا كل الأماكن اللي هنا ماعدا الغرفه دي ودي عباره عن محميه طبيعية لنباتات نادرة جدا بس هتكون موجودة علي عمق كبير جدا تحت الارض فاللي عنده فوبيا من الأماكن المغلقه ياريت ميدخلش
نظر زياد للجميع فوجدهم كلهم يدخلون خلف المرشد فتحدث بسخريه / عارف نص البنات دول لما ينزلوا تحت هتلاقيهم فارشين الأرض
ضحك إياد ودفعه / طب يلا يابطل فرصتك وجاتلك
زياد وهو ينظر بخبث / يا نهار تنفس اصطناعي يا جدعان
دخل الجميع وهبطوا للاسفل واخذوا يدورون في المكان علي النباتات النادرة حتي سمع الجميع صراخ احد الفتيات وهي تصرخ باسم فتاه اخري
نظر زياد لها وهو يفتح ذراعيه / يا حبيبتي يانا استني يا ختي هعملك تنفس اصطناعي
وما كاد يتحرك حتي شعر بأحد يسحبه من الخلف فنظر وجدها ديما فتحدث بسرعه / سيبيني يا ديما انقذ المسكينه دي خلي في قلبك رحمه
ديما ببسمه سخريه / تعالي يا حنين فيه ميت بنت تنقذها
نظر لها زياد بتأثر / لا يا ديما مش دي أخلاقك تشوفي واحده محتاجه وتقولي لا مش دي أخلاقك القيمه اللي ربيتك عليها ناري وسمر مش دي تربية سمر لا
ديما / اسكت مش انا مش متربيه
زياد بصدمه / لا يا ديما متقوليش كده يا حبيبتي
ديما / لا بقول كده انا مش متربيه فعلا
نظر زياد بحزن للفتاه الساقطة / شايفه يا ديما يا عيني عليكي يا شابه شايفه البنيه المسكينه واقعه إزاي بزمتك يا شيخه مصعبتش عليكي ايه مفيش شفقه أبدا
نظرت ديما للفتاه ثواني / لا
نظر لها زياد بلوم / جبتي منين القسوه دي
ديما بسخريه / من الزمن يا عنيا
نظر لها زياد بقرف ثم دفعها في وجهها / اوعي ياشيخه من وشي قطاعة أرزاق اهي قامت اهي ومعملتش تنفس اصطناعي
نظرت له ديما بيأس / زياد انا عايزه اروح يا زياد المكان ده وحش اوي مره واحده تتشعلق في بنطلونك وكانت هتقلعهولك ومره واحده يغمي عليها و حضرتك عايز تعمل تنفس اصطناعي خلينا نروح
انضمت لهم تالا من الخلف / آيوه فعلا خلينا نمشي انا زهقت
نظر لهم زياد / طب يلا
بعد منتصف الليل وصل الجميع للمنزل ودخلوا وهم يحملون الأطفال وقد ذهبوا في النوم سريعا بسبب طول الرحله وصعد الجميع للغرف الخاصه بهم وتسطحوا بتعب وإرهاق
وذهب الجميع في نوم عميق
وبعد مرور ساعات قليله استيقظ إياد وهو ينظر بجانبه لتالا ثم قبلها بحنان ونهض فوجدها استيقظت وهي تتحدث بنعاس / مالك يا اياد
نظر لها إياد ببسمه / مفيش يا تالا بس جعان وهروح اشوف حاجه أكلها
ابتسمت تالا ونهضت معه / طيب يالا عشان انا كمان جعانه آوي
ابتسم لها إياد واخذها وهبط الدرج وحينما دخل للمطبخ وجد ديما تقف امام الثلاجه وهي تحمل طعام وزياد في الثلاجه يعطيها كل ما يجده في وجهه
سمع زياد صوت أقدام خلفه فنظر ولم يتبين اي ملامح بسبب الظلام فهمس / إياد؟؟؟
دخل إياد وهو يسحب خلفه تالا / آيوه انا ها لقيت ايه
زياد بفرحه وكأنه عثر علي كنز/ تعالي يابني ده التلاجه عمرانه تحس ان دانه مستنيه نغور من البيت عشان تبدع دي التلاجه مليانه اكل وحلويات كتير وفيه بقيت تورته هنا تقريبا الخلبوص ليث كان بيحتفل بحاجه انهارده
ضحك إياد وهو يدخل راسه للثلاجه / هات الجيلي اللي هناك ده الله يكرمك
هبطت دانه وهي تتثائب وقد كانت ذاهبه لتحضر بعض المياه ولكن فجأه توقفت وهي تستمع لبعض الأصوات الاتيه من المطبخ نظرت وجدت أجسام نتحرك في مطبخها
فركضت للاعلي بسرعه وهي توقظ ليث وتهمس برعب / ليث ليث الحق في حراميه في البيت يا ليث اصحي
استيقظ ليث بانزعاج / في إيه بس يا دانه وحراميه ايه ياحبيبتي
دانه بخوف / والله سمعت صوت جاي من المطبخ تعالي حتي شوف
زفر ليث بتعب ونهض وهو يحضر تيشرته ويرتديه / طب يلا قدامي لما نشوف اخرتها
ثم خرج معها وذهب تجاه المطبخ وهي تختبئ خلفه بينما هو ضيق عينه بتركيز ثم تحدث بسخريه وهو يضئ الانوار / دول مش حراميه يا حبيبتي دول عيالنا عادي
نظرت دانه جيدا لهم ثم تحدثت بغضب / انت يا… منك ليه بتعملوا ايه في المطبخ بعدين هو انتم مش في المخيم ليه
نظر الجميع بتفاجاه للنور وقد كانت افواههم مليئة بالطعام بشكل مضحك فتحدث زياد / في إيه يا دانه ده بدل ما تقولي حمدلله علي السلامه يا حبايبي وحشتوني البيت نور برجوعكم ايه الغيبه الطويله دي
ضحك ليث بسخريه /آه فعلا غيبه طويله آوي بقالكم ١٥ ساعه ماشيين
تحدث إياد وهو ينظر لليث / أصل الجو هناك خنيق آوي يا ليث فقولنا نرجع لدفي العيله
دانه بسخريه / دفي ايه يا ضنايا دفي عيله ايه الكلمة الغريبه دي
هز ليث رأسه بيأس ثم دخل للمطبخ وجلس معهم علي الطاوله / هات يابني طبق الجيلي اللي عندك ده
ضحك إياد بشده وهو يعطيه الطبق بينما انضمت لهم دانه وهي تأخذ قطعه جاتوه / هات يابني الواحد جعان علي الاخر
نظر لهم زياد بخبث / الا صحيح يا دندون مين اللي عمل الاكل ده كله
دانه / امك
ضحك الجميع بشده بينما تحدث زياد / جرا ايه يا دانه مش كده يا حجه دايما تكلميني كده
ضحكت دانه وهي تضربه علي رأسه / بطل لماضه الأول وانا مش هكلمك كده
ابتسم لها زياد ثم قبلها بحب / عنيا
تحدث ليث ببرود وهو يأكل الجيلي / عنيك دي هفقعهالك لو كررت اللي عملته من شويه
ابتلع زياد ريقه بخوف / اسف نسيت والله ياليث باشا معلش
ضحك الجميع عليهم وعمت الضحكه الجلسه واستيقظ الصغار وانضموا لهم وهم يضحكون ويتحدثون فيما حدث في الرحله الصغيره التي كانوا بها فنظر لهم ليث ببسمه وهو يضم دانه اليه ويقبل رأسها بعشق ويهمس لها / ربنا يديمكم ليا ويدك سعادتكم ليا يارب
ابتسمت له دانه / ويديمك لينا دايما ياليث
ثم ابتمست وهي تري سعاده عائلتها الصغيره وتدعو الله أن يديم هذه الفرحه والضحكه بينهم
تمت بحمد الله

لقراءة باقي حلقات الرواية اضغط على : (رواية بنت الشيطان)