رواية رحم للإيجار 3 (حب الفرسان) الفصل الثامن والستون 68 بقلم ريحانة الجنة
رواية رحم للإيجار 3 (حب الفرسان) الفصل الثامن والستون 68 بقلم ريحانة الجنة
رواية رحم للإيجار 3 (حب الفرسان) البارت الثامن والستون
رواية رحم للإيجار 3 (حب الفرسان) الجزء الثامن والستون
رواية رحم للإيجار 3 (حب الفرسان) الحلقة الثامنة والستون
الخوف جواها متملك منها لدرجة الرعب الهيستيري !! اللي هتقوله مش هين وعارفة ان اللي هتتكلم عنهم سلطتهم اكبر من خيالها بكتير اوي لكن مافيش قصادها حل تاني ولا مهرب غير انها تقول الحقيقة!! والحقيقة كاملة في حدود معلوتها واللي عرفته!! لانها حاليا صعب تقدر تكذب ولو بكلمة واحدة قصاد حضور رعد المهيب الغاضب لاقصي درجة في عمرها العملي كله في المستشفي عمرها ماشافته غضبان بالشكل ده ولا شافت الشرر خارج من عيونه للدرجة دي!! وكأنه وحش بأنياب ان غلطت بطرفة عين هيكون مصيرها مهلك مافيش هروب!!
عايدة بدموع وخوف: ااانا من اكتر من سنة الدكتور فريد بعتلي في مكتبه وكان موجود معاه شخص غريب انا لحد النهاردة مش عارفة اسمه ولا حتي اعرف هو مين!! لكن يومها كانوا مختاريني انا بالتحديد لاني اقرب ممرضة هنا لمدام همس…الوحيدة اللي بتعامل معاها في اي فحص او اي شكوي وتعب وهي بتثق فيا جداا حتي الحقن بتخاف كالعادة وما بتطمنش لحد يديهالها غيري …المهم قالولي ان مهمتي صغيرة وبسيطة !! كل ما تيجي مدام همس للفحص احقنها بالحقنة اللي دكتور فريد هيكون مجهزهالي في المحلول بتاعها مش اكتر ..ولما سألتهم حقنة ايه!! وبخصوص ايه!! كان السب والشتايم والتهديد هو الرد عليا …دكتور فريد والشخص اللي معاه قالولي مش لازم تعرفي اني مجرد ممرضة تنفذ وتقبض وبس!! وقتها فهمت بحكم خبرتي وشغلي انها حقنة خطر واكيد فيها اذي لمدام همس!! رفضت وقولت مش هعمل كدة لو فيها موتي!! وقتها هما كانوا مجهزين الرد عليا !!!
وبكت عايدة بحرقة اكتر وكملت كلامها: وقتها الشخص ده قرب مني الفون بتاعه وفتح الصوت وسمعت بنتي هدير وهي بتستنجد بيا برعب وصريخ!! اتفزعت وخوفت دي عيلة لسة في اولي ثانوي !! قالي بنتك دلوقتي مش في درسها دي مع رجالة لو سبتهم عليها هتخرج من تحت ايديهم جثة مش هتتحمل اللي هيعملوه فيها!!
بصت لرعد بحسرة وانكسار : خوفت يا رعد بيه خوفت علي بنتي وشرفها والله خوفت!! ويارتها كدة وبس!! ده فتحلي ڤيديو وابني هاني الكبير اللي طفحت الدم علشان ادخله الجامعة مرمي في قسم انا مش عارفة هو فين!! قالي ابنك دلوقتي اتظبط وهو معاه دواء مخدر وحشيش بكلمة مني مستقبله هيضيع ومش هتعرفي تعمليله حاجة!!
قربت من همس وقعدت قصادها بدموع: قوليلي انتي وقتها كنتي هتعملي ايه وولادك بحرف رفض واحد منك هيدمروا ويضيع مستقبلهم!!
رعد رفع عيونه لفريد بغليل وانفاسه بتتصارع جوا صدره زي الطوفان وقرب منه ولكمه بقوة رجعته خطوات وراه في غفلة منه!!
رعد التفت لعايدة المرعوبة منه: ووافقتي وحقنتيها!!!
عايدة بخوف وندم: والله وافقت غصب عني بس هما مرتين بس اقسم بالله مرتين بس وبعدها ما قدرتش كنت بموت من الندم …ماكنتش بشوف النوم ولا حتي عارفة اكل لقمة كل ما افتكر ايديا بتعمل كدة في الست اللي اكرمتني واكرمت ولادي وخيرها عليا !!
سليم قرب منها بغضب: اومال كنتي بتعملي ايه!!
عايدة بصت لفريد بخوف: اول مرتين كان بيجهزلي الحقنة واخدها منه واحقنها ليها وهو واقف علشان يطمن اني عملت كدة وما خدعتوش!! بعد كدة كان بيجهزها ليا ويطمن اني هديهالها انا كنت ببقي مجهزة حقنة تانية في جيبي وابدلهم حقنة ڤيتامين او حقنة مقوية لعضلات القلب ..لان الحقن اللي كان بيدهاني هو لما خبتها وروحت لدكتور المعمل وطلبت منه اعرف فيها ايه!! عرفت انها مادة بتضعب عضلات القلب وتسد الشراين ومع الوقت هتسبب سكتة قلبية حتي المخ هيتاثر بيها ومش بيعيد تسبب سكتة دماغية !! وقالي وقتها جبتيها منين !! لانه لما حللها لقاها خليط من اكتر من مادة كلها سموم وبتأثر علي جمل مش مجرد انسان عادي وكمان قلبه ضعيف زي مدام همس!!!
رعد قرب من فريد وكانت لكماته ليه وضرباته مالهاش عدد ولا حدود كان ثائر غضبان مجروح !!
رعد رفعه بغليل : انت تغفلني انا!! انت تضربني انا في همس!! عارف همس دي الظفر اللي بتطيره من رجليها بألف زيك يا كلب! انطق حازم هو اللي رمالك عضمه القذر يا حقير مش كدة !! وانت زي الخنزير جريت علي اي لقمة اترمت ليك!! مع انك عارف انك لو كنت جتلي وقولتلي كنت هتاخد اضعاف ما رمالك يا خنزير !!
فريد قرب رفع عيونه لرعد بتحدي وهو بيلتقط انفاسه من ضربات رعد: حازم يبقي جوز اختي يا رعد بيه!! اختي اخر واحدة اتجوزها حازم وهو اللي كان السبب اني جيت هنا واشتغلت معاك!! وايوة اخدت منه كتير ! بس عارف انا ساعدته ليه!! مش علشان جوز اختي بس ولا علشان الفلوس!! علشان انا بكرهك!! طول عمري بكرهك وبكره جبروتك وقوتك !! متسلط مغرور!! مافيش حاجة بتهدك!! متخيل البلد و الدنيا دي كلها ملك ليك لوحدك!! وكأنك رب والناس عبيد!! كنت مستعد اعمل اي حاجة واشوفك مزلول زي البشر ومكسور!! كل مصيبة الاقيك واقف فيها بغرورك وكبريائك ولا كانك متأثر!! كنت بتمني اشوف الخوف في عيونك وشوفته النهاردة وانت بتسمع كلام عايدة!! شوفتك وانت مش عارف مراتك حصلها ايه دلوقتي!! عارف الحقنتين اللي عايدة حقنتها بيهم دول!! كفاية اوي انهم يوصلوا قلبها لمرحلة متاخرة حتي لو ما اخدتش باقي الحقن!! خصوصا ان الادوية اللي انا كنت بديهالها ضعيفة وعمرها ما هتساعدها !! ده غير الادوية اللي كنت بديهالها انا بنفسي اللي بتضعف المناعة العامة يعني همس دلوقتي عايشة علي الهامش!! وحالة قلبها كانت بتسوء يوم عن يوم!! ومهما عملت مش هتعرف تساعدها!! هتفضل كدة مستني لحظة موتها في اي وقت !!!
وقتها رعد خرج سلاحه وبدون رد ولا مقدمات ضربه في رجله وقع واتألم ..جري عليه سليم يمنعه!!
سليم بصدمة: انت بتعمل ايه يا رعد!! مش ده الحل ده لازم يتحاكم وياخد جزائه بالقانون مش بالطريقة دي!!!
رعد وقف بكبرياء وشموخ ونادا بصوت چاهوري علي مدكور اللي كان واقف قصاد الباب مع باقي الحرس بتوعه!!
رعد بجمود: مدكووور!!
دخل مدكور بسرعة واستجابة: اوامرك يا ملك!!
رعد بتوعد وقلب خالي من اي رحمة: خد الخنزير ده وانت عارف هتوديه فين!! يفضل كدة ينزف بجرحه وعايز قصاد الجرح ده الف جرح !! عايزه يطلب منك الموت ويشتهيه!! عايزه يشوف العذاب بألوانه وانت عارف الوان العذاب بتاعتي!! لحد ما انا اقرر امتي هنهي عذابه بطريقتي!!
فريد بيتألم : حازم مش هيسكت!! ومش هتقدر تكمل انتقامك مني ولا منه!!
رعد قرب منه وهو مجرور في قبضة مدكور ورجالته وابتسم بكبرياء: انت وحازم هتكون نهايتكم مشرفة تليق بتاريخكم الوسخ اللي تستاهلوه!! ما تشيلش هم حازم !!
خرج مدكور بعد ما اخد فريد لمصيره المجهول !! والتفت رعد لعايدة بجمود وتساؤل!!
رعد : فؤاد كان يعرف اي شئ عن اللي حصل!! كان ليه دخل بأي حاجة!!؟
عايدة برعب بعد اللي شافته ودموع حركت رأسها بنفي: لا دكتور فؤاد ما كنش يعرف حاجة!!
وقربت من رعد تسحب ايده برجاء : ابوس ايدك انا ماليش ذنب الله يخليك سامحني!!
رعد سحب ايده منها بغضب وجمود!!
جريت علي همس اللي كانت تايهة ومصدومة!! مش عارفة تستوعب اللي جواها !!
عايدة برجاء: ابوس ايدك خاليه يرحمني !! انا ماليش دعوة بكل ده!! انا والله ما قدرت ااذيكي!! وان كنت اذيتك كان غصب عني كنت مجبورة!!
رعد قرب من همس اللي ساكتة وتايهة بصدمة ودموعها بتجري من غير احساس وضم ايديها لحضنه بحنان وهو بيمحي دموعها بأسف : اوعي تخافي!! اول طيارة الصبح هنسافر بيها المانيا وهناك مش هسيب دكتور الا ويطمني عليكي!! مافيش حاجة هتاخدك مني صدقيني!! انتي بخير يا همس!!
همس وقتها رفعت عيونها ليه بوجع ودموع : سيبها يا رعد!! سيبها تروح لحالها!! هي غلبانة ما لهاش ذنب!! وان كانت غلطت ده كان علشان ولادها!!
رعد بغضب: بس اذتك وكانت سبب من اسباب اللي حصلك!!
همس بدموع وتعب: اسمع كلامي ارجوك!! لو مش علشانها علشان اولادها هما مالهمش غيرها!! دي مهما كان أم!! وانا أم وعارفة يعني ايه أم تتأذي في اولادها!! ارجوك علشان خاطري!!؟
رعد اتنهد بضيق ورفض لكن مجبر ينفذ طلبها: حاضر يا همس!! بس بشرط من النهاردة مش هتدخل المستشفي تاني ولا تقرب منك !!
والتفت لعايدة بتحذير: لو فيه مخلوق عرف باللي حصل في المكتب ده !! او اي حد عرف ان فريد معايا واني عرفت اللعبة اللي اتلعبت دي يا عايدة مش هقولك بقي هعمل ايه!! كل اللي اتهددتي بيه من حازم مش هيجي شئ في اللي هعمله فيكي وقتها!! مفهوم!؟
عايدة بدموع وموافقة وندم: حاضر!! والله ما هفتح بقي بكلمة ولا هنطق!!
خرجت عايدة بسرعة وخوف!! رعد ندا لمدكور تاني ودخل ليه بسرعة كالعادة !!
مدكور: اوامرك!!
رعد بجمود: عينك عليها وتخلي حد معاها زي ضلها واي حاجة تحصل تبلغني بيها فورا!!
مدكور بإستجابة: مفهوم سيادتك…وفريد بعته للمكان اللي امرت بيه!! اوامر تانية!؟
رعد بغضب: عايز كل طاقم المستشفي يتغير وتجبلي تاريخ اهلهم كلهم من اجداهم قبل ما تختار اي حد منهم فاهم!!
مدكور بتفهم : حاضر خلال يومين هكون جهزت لسيادتك طاقم كامل بكل بيانتهم !! حاجة تانية !!؟
رعد اتنهد بغليل: قولي مهرة ولدت ولا لسة!!
مدكور : لا سيادتك لسة ماخرجتش من العمليات ..حاجة تانية !!
رعد : لا استني برا انت دلوقتي..
سليم قرب منه بعصبية: علي فكرة فيه قانون بيحفظ لكل واحد حقه!! مش كل حاجة ينفع تكون بالهمجية دي!!؟
رعد التفت ليه بجمود وغضب مالوش حدود: القانون ده ليك وللي زيك انا اعتبرني خارج حدود الناس والبشر والقانون!! انا ليا قانون خاص بيا ومهما كان غلط او مش منصف بالنسبة ليك ولغيرك هو قانوني ومش هغيره!! العيلة دي ليها حاكم وقانون واحد!! انا يا سليم!! واللي اذوني في عيلتي مش هخليهم يرتاحوا وانتقامي مش هيكون عادي !! انتقامي هيكون بركان ححرق بيه اي حد مس القريبين مني بسوء!! ولعلمك عيلتي كلها قاعدة قصادك اهي!! عيلتي كلها في همس يا سليم!! واللي حصل لاولادي واحفادي شئ وهمس شئ تاني خالص!! لحد همس وخلصت من النهاردة مش حرحم حد !! المقصلة اتنصبت والرقاب هتطير ومش هندم للحظة فاهم يا سليم!!؟
همس كانت بتبكي بصمت وسكون ووجع!! رعد قرب منها وقعد قصادها بندم وحزن وهو بيمحي دموعها ورفع عيونها تقابل عيونه بحنان!!!
رعد : ارفعي عيونك ورأسك يا ملكتي!! اوعي تنكسري طول ما فيا نفس وواقف قصادك!! والله والله ياهمس وحياة دموعك دي لهدفهم الثمن غالي !! ومش هسيبك تتألمي لحظة!! وحياتي بطلي دموع ! دموعك دي هي اللي ممكن تكسرني مش اي حد تاني!!
همس بصت في عيونه بحزن: ليه يا رعد!! ليه كل ده بيحصل لينا!! ليه كلنا بننجرح كدة!! ااانا!! اانا مش زعلانة علي نفسي صدقني ! بس مش بتمني اموت وانت والولاد واحفادي تضيع فرحتكم بحياتكم!! مش عايزة اكون سبب في حزنكم ووجعكم!! وانت !! انت يا حبيبي مش عايزاك تحس بالذنب ابدااا ولو للحظة واحدة!!
رعد ضم ايديها لقلبه وباسها بأسف: اسف!! اسف يا همس!! انا السبب في كل ده لو ما كنتش رعد ما كنش كل ده حصل! الكره والغل ده كله ليا انا وبسببي انا !! بس انتم اللي بتتأذوا بسببي حقك عليا انا اسف!!؟
همس ضمت ملامحه بدموع ونفي: لا لا مش انت! انت عمرك ما اذيت حد من غير سبب! انت مشغول بينا وبشغلك وحياتك! الكره والغل اللي في قلوبهم من ناحيتك هو السبب! بس ده قدر ربنا ولازم نتحمله!! خدني لمهرة وطمن عليها!! عايزة اقعد وسط الولاد ارجوك!! شوفتهم قدام عنيا بتقويني وتنسيني اي حاجة!!
سليم قرب منها بحزن وضيق: بس قبلها لازم اخدك اطمن عليكي فيه شوية تحاليل واشعة لازم اعملها في اسرع وقت علشان احدد حالتك ايه وهنعمل ايه ارجوكي يا همس انتي الاهم دلوقتي!!؟؟
رعد بص لهمس برجاء وهو بيحرك رأسه بموافقة لسليم: علشان خاطري!! نطمن عليكي الاول وبعد كدة هوديكي ليهم وتقعدي معاهم اتفقنا!!؟
همس بتمحي دموعها بموافقة: بس بشرط!! مافيش حد من الولاد ولا احفادي يحس بحاجة ولا يعرفوا حاجة!! انا كويسة صدقوني ممكن!!؟
رعد بيتمالك دموعه بصعوبة!!: فاكرة وقت الكانسر!! يومها كان ده طلبك بالظبط!! رفضتي حد منهم يعرف!! اتحملتي وجعك وحزنك لوحدك!! رفضتي حتي حد منهم يشاركك حزنك!!
همس بدموع: مالهمش ذنب!! ده قدري انا مش هما!! وحياتي ما تقولهم وخصوصا شهاب وفادي!! هما فيهم اللي مكفيهم هما واولادهم!!
رعد اتنهد بتعب وموافقة: حاضر!! حاضر يا همس تعالي نعمل التحاليل والاشعة ونروح ليهم !!
بالفعل همس خرجت مع رعد وسليم علشان يحددوا حالتها حاليا وصلت لايه وسليم يحدد خطوات علاجها بالظبط!!؟
*****🌹بقلم ريحانة الجنه🌹*****
كان بيضم ايديها بحنان وخوف شديد !! مهما كان يتحمل اي ازمة واي صعوبة في حياته الا انه مش قادر يتحمل انه يشوفها بتتألم وتعاني بالشكل ده !! كانت لحظات اولي ليها وهي بتفوق من المخدر من بعد الولادة واول عيون شافتها كانت عيونه وهو قريب منها وبيستناها تفوق وتحس بيه!!
مهرة بتعب وألم: اااه بطني بتوجعني اوي!! هو انا خلاص ولدت يا چواد!!؟
چواد باس كفوفها بحنان وابتسم: ايوة يا عيون چواد !! جبتيلي ولد زي القمر شبه امه تمام !! حمد لله علي سلامتك يا روحي يارب انا اللي كنت اتوجع كدة ولا اني اشوفك بتتالمي كدة!!
مهرة ابتسمت بوهن: الف سلامة عليك يا روحي انا كويسة مش تعبانة!! ده مجرد مغص بسيط ووجع كدة مكان الجرح!! انا اتفاجأت لما الدكتورة بعد كل التعب ده قالتلي هولد بعملية ومخدر!! بس الحمد لله المهم انه جه بالسلامة !!
ريان لوي شفايفه بسخرية وهو واقف وعاقد ذراعته بتهكم: يا روحي عليه!! عايز تولد بدلها يا امور!! انشاء الله المرة اللي جاية اولد انت يا حبيبي ووعد هعملك سبوع حكاية هعزملك الجهاز كله والاجهزة المجاورة علشان نحتفل بنتعك بالسلامة!!؟
چواد التفت ليه بإستفزاز: وتفتكر هولد من غيرك يا حبيبي !! ده انت هتكون جنبي علي السرير التاني ولازم اشوفك بتطلق كدة وتطلع في الروح!!؟
شهاب ابتسم بسخرية: الله يا جدعان الف حمد وشكر ليك يارب !! عشت وشوفتهم حوامل وبيطلقوا كمان !! شالة يارب ماكنت شوفتكم وكانت اللي ولدتكم بركت عليكم فطستكم!! هي الستات عملت فيكم ايه يا صغنن منك ليه!؟
مؤمن قرب من شهاب: ياجدع سيب العيال تفرح وتتمني!! عايزبن يولدوا مكانهم نحملهم ونولدهم كمان هو احنا عندنا كام جحش يعني !! هما الجحشين دول !!
مهرة ولمار بيكتموا ضحكهم بصعوبة !! وتمارا ضحكت هي وحلا بقوة!!
فادي بنفاذ صبر: شوف يا ابني انت وهو ابهتكم دول مش هيكبوا هيفضلوا تافهين كدة طول عمرهم بقوا ابهاب وكمان اهو اجداد الا وعرق التناحة مش بيسبهم!!؟
ريان بص لچواد بغيظ: عجبك كدة يا غبي!! فرجت علينا الدنيا!!؟
چواد ببراءة: وانا مالي يا ابو لسان قد عضلاتك!! انت اللي انسحبت من لسانك واتغشمت!! ثم انا عايز افهم انت مالك انت اولد مكانها ولا ماولدش!! انا احر!! خاليك يا خويا في مراتك ووريني وهي بتولد هتعمل ايه!! والله هفكرك هتقلب مديحة!!
لمار قربت من مهرة بسعادة: الف حمدلله علي سلامتك يا مهرتي يارب تخفي بسرعة بقي علشان انا عملاكي تدريبي !! لازم اعرف هيحصلي ايه لما ابقي مكانك!! وكمان ابنكم العفريت الصغير ده هجرب فيه كل حاجة علشان اتعلم !!
مهرة ابتسمت بفرحة: حبيبتي يا لمار قريب تقومي بالسلامة انتي كمان وتجيبي لينا ولي العهد وياستي انا وابني تحت أمرك!! اتعلمي وجربي فينا زي ما يعجبك!!؟
چواد بنفي وعصبية : باااس بااس يا ماما منك ليها!! مين يجرب في ايه!! انا مراتي وابني مش تجربة يا حبيبتي روحي اتعلمي في جوزك مالكيش دعوة بإبني !!؟
لمار قربت من ريان بملامح طفولية وحزن مفتعل!! : شوفت يا رينو!! اخويا الوحيد مش عايزني اجرب في ابنه!!
ريان بحنان واستفزاز لچواد: يا روحي انا اتعلمي فيهم زي ما تحبي!! وهو نفسه لو تحبي اقلبهولك عيل تاني واتعلمي فيه!! هو انا عندي كام نوتيلا بس!!؟
چواد بضيق : يااااا باااي علي السماجة وتقل الدم!! تقولش جوز غربان يا اخي!! كاتهم الهم!! ولا خد مراتك واطلع برا مراتي عايزة ترتاح !!؟
مهرة بتضحك بتعب: بجد كفاية انتم ايه مافيش فايدة فيكم كفاية مناكفة بقي!!
الباب خبط ودخل مهاب ومعاه نغم: مساء الخير علي عيلة الارانب!!
كلهم ضحكوا من مجرد هلته وضحكته!!
شهاب : اهلا اهلا !! اهو جالكم اللي هيالش صح!! ده هو ده اللي هيتوبكم!!
چواد مسح ملامحه بضيق وهو عارف جده مهاب وتصرفاته: اهلا يا جدو حمد لله علي السلامة!!
وقرب من نغم بحنان: ازيك يا ناناه وحشتيني!!
نغم حضنته بفرحة: حبيب ناناه الف مبروك يا حبيبي !! عقبال الولد اللي جاي !! حمد لله علي سلامتك يا مهرة حبيبتي!!
مهرة : الله يسلمك يا ناناه نورتي!!
تمارا قربت من نغم وضمتها: وحشتيني يا ماما تعالي اقعدي حبيبتي…
مهاب رفع حاجبه بسخرية: ايه ياواد انت حمد لله علي السلامة ياجدو دي!! هو انا اللي كنت بولد ولا مراتك!! ثم ما تقوليش يا جدو دي تاني!! انت بتكبرني وانت زي البغل كدة وتسد الباب!!
چواد بيكتم غيظه من تهزيأ مهاب ليه المستمر: اومال اقولك ايه يا جدو!! هو مش انت جدو برضوا!!
مهاب بضيق: شوف الواد وشه مقلوب زي عربية لوي علي الطريق ازاي!! كتك داهية وانت غتت زي جدك رعد كدة واخد.غتتاته وتقل دمه!! وسع كدة لما اشوف اللي احسن منك وسع!!
چواد بعد من طريقه وهو بيبعده علشان يقرب من مهرة!! مهاب قرب منها وابتسم!!
مهاب: هو فيه واحدة تولد وتخرج بالجمال ده!! والله يا مهرة انتي خسارة في الواد ده!! كنتي جتيلي انتي كدة من كام سنة فاتت وانا!!!
نغم بغيظ: مهااااب!!
مهاب بإبتسامة ساخرة: هو انا قولت حاجة!! انا قصدي يعني كانت جاتلي كدة كنت جوزتها حد يستاهلها ودمه خفيف بدل البغل ابو دم تقيل ده!!؟
شهاب اكتر حد حاسس بچواد لانه ياما عاني من مهاب !!
شهاب : ماتروق يا بوب كدة وتخليك جميل وتجي جنبي هنا وحشتني!!
مهاب التفت ليه بضيق: وانت ما وحشتنيش!! واتلم انت علشان انا مهما عدت السنين مش هطيقك برضوا!! خدت البت الوردة وبهدلتها وحملت وخلفت وخلتها جدة كمان روح داهية تاخدك!!؟
فادي ابتسم : اتفضل يا سيادة اللواء اقعد تشرب قهوة!!
مهاب ابتسم: والله يا ابني رعد ماخلف عيل محترم غيرك انت!! تسلم حبيبي هاتلي مانجا انا شارب قهوة لما تنحت!! وهات لچواد وابوه ليمون علشان بص ودانهم بتطلع صهد تقولش حرانين!!؟
ريان واقف بيكتم ضحكتوا هو لمار!! مهاب بص ليها ورفع حاجبه !!
مهاب: انتي يا عديمة الدم مش تيجي تسلمي علي جدك!! واقفة جنب الباب ده ولا كأني دخلت!!
ريان بدأ يتعصب وملامحه تتغير: خير يا سيادة اللواء !! هو الدور عليا ولا ايه!؟؟
لمار قربت منه بلهفة وقعدت في حضنه وباسته : حبيبي يا جدو وحشتني موووت والله !!
مهاب ضمها بحنان وباسها: وانتي يا عيون جدو من جوا وحشتيني!! والله كان بودي اجوزك واحد علي زوقي انا بدل اختيارات حدك رعد اللي زي وشه دي!! جوزك باب بضرفتين!!؟
ريان بيغلي من الغيظ وقرب من چواد: اقسم بالله لو ماكان راجل كبير وجدك وجد لمار كنت حدفته من الشباك ده ونزلته مليون حته!! راجل غريب وعجيب طايقينه ازاي ده!!؟
مهاب ابتسم بإستفزاز: اهو البغل والباب اتلموا علي بعض خاليهم ياكلوا في دماغ بعض بقي يتفقوا!!؟
نغم اتنهدت من مهاب وتصرفاته وبصت لمهرة: بس حبيبتي مش كان بدري علي معادك!! ايه حصل وولدتي بدري كدة!؟؟
مهرة بصت لچواد بخجل وهي بتكتم ضحكتها : احممم.مافيش يا ناناه تعبت فجاة وولدت بس الحمد لله عدت علي خير !!
مهاب عقد حاجبه وبص لچواد لانه فهم نظراتهم: واد انت !! انت لعبت في العدادات ولا ايه!! عملت ايه يا منيل انت ولدها بدري كدة!!؟ البت وشها جاب الوان شكلك بهدلت الدنيا!!
شهاب بيكتم ضحكته: ولا حاجة يا بوب!!! چواد كان بينفخ البالين وفيهم بلونة فرقعت!!
چواد التفت لشهاب بغيظ ووعيد: كدة يا بابا!! اقسم بالله انا استاهل ضرب الجزم لو اتكلمت معاك تاني!!؟
مهاب رفع حاجبه وبص لشهاب وشاور ليه بغمض: هو!! اوعي يكون !!
شهاب حرك راسه بتاكيد وهو بيضحك: هو كدة اللي فهمته!؟
كلهم طبعا فهموا وبصوا لبعض وضحكوا باصوات عالية !! الا لمار وريان !!!
لمار قربت من ريان بعدم فهم: هما بيضحكوا علي ايه!!
ريان رفع كتفه بإنكار : وربنا ما عارف !! خير يا جماعة اشركونا معاكم!!؟
مهاب بينهي ضحكته: بكرة تفهم يا حبيبي !! بس عارف ياواد انت الا لمار دي بسكوتاية مش قدك الباب ابو ضرفتين ساعتها هضربك بالنار انت حر!!؟
حلا بتكتم ضحكتها: يا جماعة بقي كفاية مهرة وشها في الارض خلاص كدة بقي !!! قولولي صح!! هو عمو رعد وطنط همس فين!! اختفوا من وقت ماجينا هما رجعوا القصر!!؟
قبل ما حد يجاوب كان رعد وهمس بيفتحوا الباب!!
رعد ابتسم بتمالك: ازيكم يا ولاد!! مبروك يا چواد ..حمد لله علي سلامتك يا مهرة يا بنتي قوليلي بقيتي احسن!!؟
همس بتعب وارهاق: حبايبي الف مبروك يارب تفرحوا بيه !!
مهرة ابتسمت بفرحة : الله يسلمك يا جدو انا بخير!! تسلميلي يا ناناه مالك!! شكلك تعبان!!
شهاب وفادي قربوا من همس بقلق: مالك يا ماما!! انتي كويسة!!!
فادي بشك: انتم كنتم فين كدة طول الوقت ده!! هي ماما كويسة!!
رعد بيضم همس بحنان : فيه ايه يا ولاد !! همس كويسة بس انا اخدتها المكتب لحد ما مهرة تولد هي مش بتتحمل التوتر والقلق!!
تعالي حبيبتي اقعدي واستريحي شوية!
حلا قربت من همس بحنان: انتي كويسة!! انا جبتلك دواكي معايا تحبي اجبلك مياه!!
همس ابتسمت: حبيبتي ربنا ما يحرمني منك يا حلا انا كويسة حبيبتي ما تقلقوش يا ولاد المهم فرحتنا بولي العهد!!
رعد لحلا: حلا همس هتغير كل علاجتها اي دواء ليها في القصر اجمعيه وابعتهولي واياكي تديها منه مفهوم حبيبتي!!؟
حلا بدهشة: حاضر يا اونكل مفهوم!!؟
الباب خبط ودخل أكمل ومعاه چنا : السلام عليكم!! مبروك ما جالك يا چواد باشا!!
چواد ضم أكمل بلهفة: حبيبي كنت متاكد انك هتيجي !!
أكمل بحب: ودي تيجي برضوا ما اتأخر عن اخويا !!
چنا قربت منهم وسلمت عليهم جميعا وقربت من مهرة بفرحة ممزوجة بحزن ودمعه غصب عنها مش بإيرادتها: الف مبروك يا مهرة !!
مهرة بحنان وحزن : الله يبارك فيكي حبيبتي ماهو ابنك انتي كمان مش كدة!؟؟
همس ابتسمت : طبعا ابنها كلكم اخوات واولادكم اخوات حبايبي!!
دخل أكمل الكبير وتسنيم: ماشاء الله احنا عايزين مستشفي لوحدينا ايه ده الحبايب كلها هنا ولا ايه!!
رعد سلم عليه ومهاب…وتسنيم سلمت عليهم وخصوصا همس !!
تسنيم : مبروك يا ولاد عقبال الوالد العاشر يارب!!
أكمل ضم چنا لحضنه باسف وحزن وابتسم ببيداري وجعه وحزنه: جماعة بمناسبة اللمة والفرحة دي!! احب ابشركم بخبر حلو !! انا وچنا رجعنا لبعض خلاص!!
كلهم استغربوا وفرحوا بشكل ما يتوصفش!!
چواد بفرحة: كتبتوا الكتاب من غيرنا يا اندال!!؟
أكمل ضحك : لا طبعا ما ينفعش الفرحة من غيركم مالهاش طعم !! قريب بس ماما ريما تشد حيلها كدة وتقف علي رجلها ونعمل حفلة صغيرة علي قد العيلة ونكتب الكتاب!!
الباب خبط ودخل فارس وماسة وهنا الكل اندهش واستغرب وحلا جريت علي ماسة بلهفة!!
حلا بفرحة: عيوني وحشتيني!! لما كلمتك وقولتلك ليه ما قولتيش انك جاية!؟
ماسة ابتسمت: عايزة اقولك كنتي بتكلمينا واحنا في العربية جاين علي القاهرة علشان وحشتوني! ولما عرفت ان چواد ومهرة خلوا صممت اجي علي هنا !!
فارس قرب منهم وسلم عليهم بالكامل وخصوصا رعد وفادي!!
فارس ابتسم بحنين لحتة منه وراها التراب: الف مبروك يا چواد!
چواد ابتسم : الله يبارك فيك يا ابو الفوراس عقبالكم المرة اللي جاية وان شاء الله قريب؟؟
ماسة بتمحي دمعة من عيونها مش وقتها وسط فرحة الجميع وقربت من مهرة: الف مبروك يا مهرة! قوليلي جبتي ايه بقي!!؟
مهرة بشفقة علي حالها وذكري ابنها اللي ما قدرتش تفرح بيه: جبنا ولد يا روحي عقبالك زي ما چواد قال قريب ان شاء الله!!؟
ماسة ابتسمت: الف مبروك طيب سمتوه ايه!!
چواد بص لمهرة بدهشة: لسة ما سمناهوش !!؟
مهرة ابتسمت وبصت لچواد : چواد!! علشان خاطري!؟
چواد فهم انها عايزة تسميه رعد وضغط علي اسنانه بغيظ وقرب منها!!
چواد : بتحرجيني انتي صح!!؟
مهرة برجاء: صدقني مش هلاقي ليه اسم غيره!! ده ابنك لازم يكون شديد زيك وزي جده وجدك!!؟
چواد ابتسم وباسها من جبينها بحنان : بحبك!!
التفت ليهم وابتسم: مهرة مصممة تسميه رعد!! يبقي رعد !! رعد چواد شهاب رعد الحديدي!؟
مهاب بغيظ: ليه يا يتيم الجد انت!! وانت يعني عدمت جدك التاني!! ما تسميه مهاب يا بغل!!
چواد بإستفزاز: مش انت من دقايق لسة قليل ماتقوليش يا جدو!! اشمعن دلوقتي!؟؟
دخل سامر وديمة ومعاهم ياسو !!
ياسو بفرحة: مبرروك يا جماعة متجمعين دايما كدة! الف مبروك ياچواد !! مبروك يا مهرة !!
سامر ابتسم: والله وبقيت اب يا تافه!!؟
چواد ابتسم : ااااه يا كلاب اتلموا انا هنا من الصبح شبعان تهزيأ وتريأة كفااااية !!؟
ديمة ابتسمت : مبروك يا مهرة الف مبروك!!؟
وقربت من مهاب وحضنته: حبيبي يا بوب مبروك ما جالك والله وكبرت وبقيت جد الجد يا هووبا!!
مهاب بضيق: البركة فيكم ياختي انتوا تتجوزا وانا ابقي جدو كاتكم الهم!!
الكل متجمع وفرحان وطالت الليلة للفجر والكل بيضحك وبيتكلم!! الفرحة مش بتكمل غير في اللمة!! العيلة والصحبة دي رزق ونعمة من الله ما يحسش بيها الا اللي مفتقد العيلة والاحبة!!
بعد مرور من الوقت بدأوا يمشوا علشان مهرة ترتاح والكل يرتاح!!
لكن الفرسان كان ليهم رأي تاني !!
ياسو قرب منهم بفرحة: بقول ايه يا شباب!! ما تيجوا كلنا نروح عندي الڤيلا نقضي اليوم هناك ونفطر سوا نغم هتفرح اوي !!
كلهم بصوا لبعض بموافقة وحماس وبالفعل كل الشباب راحوا لڤيلا ياسو ونغم ونغم حقيقي فرحت بيهم وبجمعتهم معاها!! ظروفها لسة مش سامحة ليها انها تخرج وتكون قريبة منهم…وجودهم في اليوم ده فرحها وهون عليها كتير اوي من وحدتها وتعبها !!! بعد ما فطروا كلهم والشمس طلعت بيدورا علي ياسو اختفي وفجاة سمعوا صوت مزيكا في الجنينة بيعلي !! نغم اتحركت بكرسيها المتحرك وشافته بيقرب من باب الجنينة وبيبتسم وبيغني وقرب منها واخدها لبرا !!
ياسو : يا حبيبي اتمخطر انت الاجمل انت الاخطر !! ده الخطوة بمليون ريختر وادت قلبي شمال ويمين !!
نغم ابتسمت بفرحة وهو بياخدها ويغني وعيونه الحب والدلال ليها بينور حياتها!!! قمة سعادتك وانت شايف حب حبيبك ليك برغم ان انت ممكن تكون مش الامثل ولا الاجمل!! لكن هو شايف فيك جمال وكمال العالم بحاله!!
أكمل ضم چنا لحضنه وبص في عيونها بحب: كتر من قربك كتر علي قلبي ياسيدي اتشطر..اصل انا بقلق واتوتر لما تسبني دقيقتين!! يا حبيبي اتمخطر انت الاجمل انت الاخطر !!
ريان سحب لمار لحضنه برغبة وسند جبينه علي جبينها بحنان وهمس: انا تحت الامر انا هفضل جنبك طول العمر .علشانك انا ابيع البيض والسمر وهلاقي انا زيك فين !!
قوليلي يا نوتيلا انا هلاقي زيك فين !! مافيش غير نوتيلا واحدة بس!! لمار قلبي!!
لمار بحب : وان كان علي الورد انا اجيبه افرشلك بيه الارض !! ادفي في حضني في عز البرد والباقي نقوله بعدين !!
كتر من قربك كتر علي قلبي ياسيدي اتشطر ..
ريان بخبث: احنا الليلة هنقول قوالة لحد الليل ما يجي ومن بعده يجي الصبح تاني وانا اقول وبقول!!
كان فارس ضاممها لحضنه بجنون لحضنه ومع كل نغمة وكلمة كان بيوصفها ويوصف حاله وحال حبها اللي غير حاله!!
فارس برغبة : اصل انا مضطر اتوه في عنيك في ما ارساش علي بر…البعد حبيبي دقيقة امر خاليني معاك علي طول !!!
ماسة بتحدي ونعومة ابتسمت وهمسة ليه : او شوفلك حل علشان لهفتي مش راضية تقل ..مابالك بقي لما انت تهل ولا يقولوا علي وصول!!؟
كتر من قربك كتر علي قلبي يا سيدي اتشطر !!
كانت عيونها عليهم كلهم وفرحانة بحبهم وجمعتهم..وخصوصا اختها!! مستغربة الحب اللي جواها لياسو والغفران اللي قلبها غفره ليه بسبب حبه ليها!! شافت قد ايه هو مش شايف غيرها ومحاوطها بحبه واحتوائه لدرجة انها بتضحك من قلبها برغم حالتها واللي هي فيه ومافيش لحظة بعد بينهم !! جواها احساس بالتأنيب ناحيته وقد ايه هي ارهقته في حبها وبعدها المستمر !!
قرب منها بحب وتمني وهي متباعهم ومبتسمة وضم ايديها بحنان وعيونه ماليها الرجاء والتمني !!
سامر بحب: كتر من قربك كتر علي قلبي يا سيدي اتشطر يا حبيبي دلع يا اللي مخلي القلب مولع !! ده انت الليلة بجد مبدع شايفك غير كل الباقين !!؟
ديما بصت لكفوفه بحب وابتسمت بإحتياج هي حقيقي محتاجة تقرب وتعبت من البعد: يا حبيبي اتمخطر انت الاجمل انت الاخطر !!
سامر قرب منها اكتر بلهفة وابتسم: بجد هنقرب يا ديما !!
ديما ابتسمت وحركت رأسها بموافقة: بجد هنقرب!! وانا اهو اللي بقولك كتر من قربك يا سامر انا حقيقي محتجالك !! محتجالك اوي !!
ياسو قعد قدام رجليها بحب وابتسم : قربك هو حياتي يا نغم حياتي !! النظرة في عيونك مالهاش مثيل!!
نغم ضمت ملامحه بحب : لو نفسي اقوم واجري دلوقتي صدقني هيكون علشانك انت!! علشان افرح بيك ومعاك انت فرحتي وضحكتي يا ياسو!! ربنا ما يحرمني منك ابدااا
ياسو ضم ايديها وباسها بحنان: هتخفي وهتقومي وهتجري!! هتجري ومش هعرف احصلك!! وانا جنبك ورهن اشارتك ورجلك وجواحك كلها لحد ما تقومي بالسلامة !! وانا اللي فرحتي في عيونك لما بشوفك فرحانة دنيتي بتضحك يا دنيتي كلها ربنا ما يحرمني منك انتي ابدااا!!
ريان ضمها بحنين: مش بينا بقي يا نوتيلا!! ده فيه هناك حكاوي واغاني ورقص للركب بينا علي البيت بقي انا مشتاقلك!!؟
لمار بإثارة: هتاكلني نوتيلا!!
ريان ضمها اكتر وبهمس: ده انا هغرقك نوتيلا من شعرك لحد صوابع رجلك وهكلك كلك علي بعضك بالنوتيلا من غير رحمة!!؟
لمار بخبث: يعني اجهز طقم السرير الملحوس بتاع النوتيلا!!؟
ريان غمز ليها بوقاحة: طيب ان جهزتي السرير هتعملي ايه في باقي الشقة!! ده انا بقولك ليلة لوحسة من اولها لاخرجها وابقي وريني بقي هتلاحقي تلمي النوتيلا منين ولا منين !!؟
كانت عيونه بتنطق بالاسف والندم: انا عارف انك اكيد النهاردة حزنتي وانا السبب!! انا اسف يا چنا!! اسف لاني السبب انك مش هتقدري تخلفي زي مهرة!! اسف بجد سامحيني!!
ضمت ملامحه بدموع وهي شايفة دمعته اللي بيجاهد علشان يمنعها واشفقت عليه : مش بإيدك ولا ايدي!! انت غلطت ايوة لكن في النهاية ندمت وكفاية عليك ندم لحد كدة !! ده قدر ربنا ولازم نرضي بيه!! مش هنضيع حياتنا كلها في عتاب وندم!! قصادنا الحياة نعيشها ونفرح كفاية قربنا من بعض!! مش انت لسة مغنيلي !!
وغنت ليه چنا بهمس: كتر من قربك كتر علي قلبي يا سيدي اتشطر !!
أكمل بحب: بحبك!
چنا بهمس: بحبك !
فارس بيهمس ليها بإشتياق: مش بينا بقي انا بعت الناس نضفت الشقة عايز اخدك واطير علي هناك وحشتيني!!؟
ماسة بدهشة: الله مش هنروح علي القصر عند جدو!! ماما هتجهز اوضتي وهتعملنا غدا بنفسها !!
فارس رفع حاجبه بوقاحة: قصر مين يا ام قصر انتي!! انا قولت هنروح نسلم عليهم لكن نقعد ونبات في شقتي واهو سلمنا عليهم في المستشفي يبقي نروح شقتنا بقي نتشقلب ونتزحلق براحتنا من غير فضايح!! ده ممكن جدك ولا ابوكي يسمعك بصوتك الغجري دي وانتي بتصوتي ولا بتضحكي يفتكروني بجلدك!! بلاش فضايح الله يباركلك يا بنت الاكابر !!
ماسة بخبث: هو انا الليلة هصوت واصرخ واضحك!!؟
فارس غمز ليها بوقاحة اكبر: طب بذمتك !! انتي تعرفي تعدي ليلة من غير لسوعة وزحلقة!؟
ماسة ضربته في كتفه بغيظ: انت سافل ووقح علي فكرة!؟
فارس ضمها لحضنه بجنون: والليلة هنحتفل بشقتي اللي هتتشرف بدخولك فيها وهتشوفي سفالة ووقاحة يعاقب عليها القانون وبما انك عارفة اني مجرم وخارج عن القانون يبقي مافيش قصادك غير انك تستمتعي بوقاحتي وسافلتي!!؟
ماسة بهمس: بعشق وقاحتك دي يا مجرم قلبي!!؟
فارس بحب: بموت في نعومتك وعنادك واثارتك يا ماسة قلب المجرم من جوا!!
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية رحم للإيجار 3 (حب الفرسان))