رواية العشق الأبدي 2 (توأم روحي) الفصل الثاني والعشرون 22 بقلم لبنى دراز

رواية العشق الأبدي 2 (توأم روحي) الفصل الثاني والعشرون 22 بقلم لبنى دراز

رواية العشق الأبدي 2 (توأم روحي) البارت الثاني والعشرون

رواية العشق الأبدي 2 (توأم روحي) الجزء الثاني والعشرون

رواية العشق الأبدي 2 (توأم روحي) الحلقة الثانية والعشرون

وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21)
صدق الله العظيم
توأم روحي بقلمى✍️________لبنى دراز
فـ قصر المنصورى
بعد مرور كام شهر اللى حصل فيهم بعد ظهور براءة ياسين و رجوعه هو و فارس و حلم و حور و خروج أحمد و جاسر من المستشفى، أدهم أعتذر لـ ياسين قصاد كل العيلة و باس راسه ولما أعترض ياسين ع حركة خاله، كان رد أدهم مافيش حد كبير ع الأعتذار، أنا غلطت فـ حقك قصادهم كلهم يبقى لازم أرد لك اعتبارك برضو قصادهم كلهم، و رغم ان فارس أبنه صلح العلاقة بينه و بين ياسمين وقصى الا انه اعتذر لهم و باس راسهم مرة تانية، والعلاقة بينهم رجعت زى الاول و أقوى كمان، فارس المنصورى كان مبسوط جدا بموقف أدهم و حس فعلا أن عمره ماراحش هدر وانه قدر يصنع جسر قوى من الود والمحبة ممدود بينهم و عمره ماهيتهد مهما مر عليه عواصف و أعاصير، فارس أخد أجازة شهر من شغله و أخد حلم و ولاده وسافر رحلة زى ما وعد حورياته لف بيهم أكتر من بلد كل يومين فـ مكان شكل يتفسحوا و يتصوروا و جاسر بجنانه يبعت الصور لباقى الكوارث و هو بيطلع لهم لسانه، و لما رجعوا من السفر حددوا ميعاد فرح الشباب، وبعدها قرر أحمد و ياسين و فارس أدهم و سامر و يزن العوضي انهم يعملوا فرحهم مع بعض و فجأة انضم ليهم جاسر بعد ما طلب إيد لوچين من عمه و كمان آدم و عامر انضموا ليهم و قرروا يعملوا فرح واحد كبير ويكون فـ القصر الكبير فـ المنصورة، اما بقى شادى و عمر حازم و زياد طول الشهور دى و هما بيتنافسوا ع هنا أدهم و كل واحد فيهم يعمل مقلب فـ الاتنين التانين عشان هنا تختاره و هى طبعا مستمتعة جدا باللى بيعملوه و أحساس البنت اللى بيتخانقوا عليها الشباب كان سيد الموقف و لغاية دلوقتى ما اختارتش ولا واحد فيهم، حلم و فارس وافقوا ع اقتراح الشباب انهم يعملوا فرحهم فـ القصر و رجعوا كلهم المنصورة فعلا و ابتدوا يجهزوه للفرح بس بعد ما جهزوا شقق العرسان و فرشوها و حجزولهم كلهم رحلة شهر العسل و كل كابل فيهم أختار المكان اللي عايز يروح فيه، و أخيرا باقى ع الفرح يومين و الكل بيستعد عشان الفرح، الشباب كل واحد فيهم خد عروسته و نزلوا يشتروا بدلة و فستان الفرح، اما الكبار ، الرجالة واقفين ع أيد شركة تنظيم الحفلات اللى اتفق معاها فارس عشان تجهز القصر ع اكمل وجه، و الستات مع حلم بيجهزوا أكلات الفرح، لأنها قررت من فرحتها أنها تعمل بإيدها كل حاجة لولادها الاربعة اللى هيتجوزوا مرة واحدة، بعد مرور الوقت و تعب اليوم طلعت حلم ترتاح فـ جناحها شوية و لما دخلت الجناح شافت
فارس:: قاعد ع السرير و شافها داخلة فتح لها دراعاته عشان تدخل فـ حضنه و بابتسامة عاشق.. وحشتيني يا حلم عمري كله
حلم:: جريت دخلت فـ حضنه و حطت راسها ع صدره.. وانت أكتر يا عشقي الأبدي، ياااه انا فرحانة اوي يا فارس أخيرا هنجوز الولاد و نفرح بيهم و نشوف ولادهم
فارس:: باسها من خدها.. ربنا يفرحك يا حبيبتى دايما، و انا كمان فرحان بس فرحان أكتر منك، عارفة ليه؟
حلم:: ضكحت باستغراب.. ليه؟
فارس:: بغمزة.. عشان البيت هيفضى علينا وهاعرف استفرد بيكى براحتى من غير ازعاج يا قطتى
حلم:: بدلع.. الله انت مش ناوى تبطل شقاوة بقى، احنا كبرنا خلاص ع الكلام ده يا فوفو، كلها كام شهر و هتبقى جدو يا حبيبى
فارس:: يالهوي ع فوفو دي بتجنني، طب بذمتك انتى حد يشوف الجمال ده و لا يسمع اسمه بالدلع ده كله و يبطل شقاوة يا قلب و عقل و روح فوفو انتى ولسة بيقرب منها
حلم:: قامت تجري و هى بتضحك.. اعقل يا فارس يا حبيبى كدا و اهدى انت عيالك فرحهم بعد يومين
فارس:: بغيظ قام جري وراها.. خدي يا بت انتى تعالى هنا، انا مالى و مال عيالى، هما هينكدوا عليا حتى و هما بيتجوزوا، يعنى هما ينبسطوا و انا اتنكد، ليه يعنى
حلم:: بتجري منه وهى بتضحك عليه و رايحة ناحية الباب.. يا حبيبى أعقل شوية مايصحش كدا القصر مليان ناس كتير حد يكون معدى رايح اوضته يسمعنا يقول ايه بس، كبروا و اتهطلوا هههههههههههههههه
فارس:: حصلها و حاصرها بايده الاتنين قبل ما تفتح الباب وقرب منها بهمس هز كيانها.. يقولوا اللى يقولوه، واحد و حبيبته فـ جنتهم، هما مالهم بينا، ماحدش ليه عندنا حاجة
حلم:: بخجل.. وبعدين معاك بقى، اوعى كدا خلينى انزل اشوف الناس
فارس:: بنظرة عاشق متيم.. و بعدين معاكى انتى فـ جمالك اللى بيزيد و يخـtـف قلبي ده، أرحمينى شوية، انا مابقيتش قادر ع جمالك المهلك ده يابنت الرشيدي، أعمل ايه بس مش قادر أبعد عنك لحظة واحدة
حلم:: لفت إيديها حوالين رقبته.. و لا انا كمان قادرة أبعد عنك يا فارس، و اتلاقت العيون بحرية .. حبيبي إني أتنفس غرامك ولا أرتاح الا في محراب عينيك ولا أشتهي سوى قربك و جنونك ولا يستفز مشاعري غير همسة منك ولا يحن قلبى إلا عندما يطربنى همسك ولا تستقر أحاسيسى الا عندما أنظر لعيناك.
فارس:: بتنهيدة عشق.. حبيبتي، لن تنتهي حكاية قلبي معكِ لأنني أدرك جيدا أنني لن أشفى منكِ أبدا، فـ في كل يوم جديد أعيشه أعشقك من جديد وكأني أحبك لأول مرة، بحبك يا حلم عمري، بحبك يا عمري اللى فات و عمري اللى جاى
حلم:: أبتسمت بخجل جنن فارس أكتر.. و أنا كمان بحبك اوى يا قلب حلم عمرك و روحها
فارس:: بجنان .. لأ بقى كدا كتير، و هو بيوطى يشيلها و رايح ناحية السرير.. تعالى بقى عايز اوريكي حاجة حلوة
حلم:: بضحك .. حاجة ايه دي اللى هتوريهالى؟
فارس:: بغمزة.. هاوريكي الساعة اللى بتنور فـ الضلمة، ههههههههههههه
انا:: الله يسهله ياعم، يلا يابت منك ليها من هنا مالناش دعوة بساعات الناس ، كل واحد يخليه فـ ساعته 😂😂
___________________________
فـ الليڤنج
قاعدين رجالة و حريم العيلة فـ الليڤنج و معاهم حازم و الاء و أمجد و هاجر و كمان حسين العوضى و مراته، شافوا الشباب و البنات راجعين بعد ما اشتروا البدل و الفساتين، داخلين كلهم و فجأة كل اللى موجودين سمعوا خناق روفيدة و لوچين مع آدم و جاسر بسبب مطرب معين
روفيدة:: واقفة و حاطة ايدها فـ وسطها و بتزعق.. ماليش دعوة يا آدم انا عايزة المترّب ده، لازم تجيبهولى
آدم:: باستغراب.. مترّب!؟ ايه المترّب اللى انتى عايزاه ده
روفيدة:: المترّب اللى بيغنى شلقطوني في بحر بيرة
آدم:: بغيظ.. المترّب ده يبقى سجاد بيتكوا و أخره منفضة تجيب أجله ان شاء الله انما اللى بيغنى أسمه مطرب، مطررررب، و بعدين ايه شلقطونى دى كمان انا مش فاهم انتى عايزة بالظبط
لوچين:: بنرفزة لـ آدم.. ايه اللى مش مفهوم فى كلامها يعنى يا سي آدم، بتقولك عايز المطرب اللى بيغنى شقلطونى فى بحر بيرة
آدم:: بذهول.. نعم ياختى!؟ هو فى أغنية اسمها كدا
روفيدة:: ايوا فى يا سي دومي، مرهجانات
آدم:: اييييه!؟ ايه مرهجانات دى، انتى بتجيبى المصطلحات دى منين يا بنت هاجر
هاجر:: بغيظ.. مالها هاجر يا أبن ياسمين، عملت لك ايه؟
آدم:: مالكيش يا طنط والله، بس بنتك عايزة ظبط زوايا و إعادة تأهيل مش أكتر
لوچين:: وقفت قصاد آدم بغيظ.. البت بتقولك يا أغبى أخواتك عايزة حمو بيكا يغنيلها مهرجانات فـ الفرح، ايه اللى مش مفهوم يعنى
آدم:: حمو بيكا!؟ أحيييييه
شادي:: قاطعه بتريقة.. أحيه بالكركديه
هنا:: بمرح.. قلبظ بجنيه ههههههه
آدم:: بغيظ لـ شادى و هنا.. ما تبس يا خفة انت وهى، و لـ روفيدة .. و ده عرفتيه منين يا ست روفيدة؟
جاسر:: برفعة حاجب لـ لوچين.. أقـ*ـطع دراع الواد شكشك ده، ان ما كنتي أنتى اللى قولتلها عليه يا بنت أدهم، صح؟
لوچين:: بغيظ لـ جاسر .. لأ مش انا اللى قولت يا استاذ، هى بتقعد مع هنا كتير و بتسمع معاها مهرجانات حمو بيكا و فيجو الدخلاوى
آدم:: بصريخ فـ لوچين.. هى وصلت لفيجو الدخلاوى كماااااااان، منكم لله يا بووووعداا، كشفت راسي ودعيت عليكوا بالعربي و الانجليزي و الفرنساوي يا شوية غجر
لوچين:: و ماتجيبلهاش حمو بيكا ليييه، هى هتتجوز كام مرة يعنى، ده هى مرة واحدة
جاسر:: بغيظ.. أطلعى منها انتى يا بنت أدهم و مالكيش دعوة، و ضيق عينيه اوي.. و لا يكونش انتى اللى عايزة الارجوز ده و بتحرضيها عشان تتكلم هى
لوچين::بتحرك عينيها يمين وشمال بطريقة طفولية.. مين أنا!؟ لأ خاالص؟
جاسر:: امممممم ماشي يا بنت أدهم هعمل عبيط و اصدقك
أدهم:: قام وقف بغيظ مصطنع.. و بعدين معاك يا جاسر ايه حكاية بنت أدهم اللى ماسكها للبت دى، و بعدين فيها ايه لما تفرحوا البنات و تجيبولهم حمو بيكا يغنى فـ الفرح؟
آدم:: باستغراب.. أنت يا خالو اللى بتقول الكلام ده، بقى انت عايز فرح عيلة المنصورى اللى معزوم فيه سفراء و وزراء و أكبر رجال الأعمال و أكابر القوم يغنى فيه واحد بيقول شقلطونى!؟ ده احنا هنتشقلط كلنا بعد الفرح لو جبناه
جاسر:: قرب من أدهم و حط دراعه حاوط بيه كتف أدهم و بهمس.. هو انت معترض ليه يا عمو أنى بقول لـ لوچين يا بنت أدهم!؟ هى مش بنتك برضو و لا انا بيتهيألى!!؟و لا أنت لاقيها ع باب معبد يهـ*ـو*دي!؟ فطمني و رسينى ع الفولة انا أبن أخوك برضو
أدهم:: اتلم يا حيوااان، دى بنتى و نور عينى كمان، بس ليها أسم يا متخلف تناديها بيه، و قرب منه مسكه من ودانه.. عارف لو سمعتك بتقولها يابنت أدهم تانى هعرفك شغلك، فاهم
جاسر:: حاطط ايده ع ايد أدهم اللى ماسكه بيها من ودانه.. أى أى، ودني يا عم انت وجعتنى، ده انا عريس يا ناس و داخل ع جواز، يرضيك يعنى أدخل ع بنتك بودن و نص، و بعدين يعنى هو انت اتبريت منها ولا ايه و مش عايزنى اقول لها بنت أدهم لييييه؟
سيف:: بضحك ع جاسر .. يابنى ما هو قالك ليها أسم تناديها بيه، ولا انت غاوى تشاكس و تتعلق، عديها لغاية الفرح مايخلص و تاخدها بيتك و بعد كدا قول اللى انت عايزه، ياكش تقولها يا سيدة حتى ههههههههههههه
أدهم:: ساب جاسر و بص لـ سيف بغيظ.. و يقول لها سيدة ليه؟ شايفها خدامة جابهاله اللى خلفه يا سي سيف
شادى:: حط صوابعه فـ بُقه وصفر عشان يسكتهم.. باااااااس هاف تايم خدوا هدنة شوية، و بص لـ جاسر خد لوچين و أجري ياض بسرعة و رجع لـ أدهم.. بقولك ايه يا خالو يا قمر انت ماتجوزنى هنا و النبي مع العيال اللى بتتجوز دى
سيف:: بتريقة .. و ان شاء الله بقى لو خالك وافق هتتجوز انت و هى فين يا فالح و تصرف عليها منين يا فاشل
شادى:: حط ايديه الاتنين شبكهم فـ بعض ورا ضهره و قرب من سيف و وقف شوية ساكت يبص له كأنه بيفكر و رجع فك إيديه و حط ايد ع كتف سيف.. شوف يا والدى بعد التفحيص و التمحيص و التفكير العميق، قررت اننا نتجوز و نعيش معاكم، اسبوعين معاك انت و ماما و اسبوعين مع خالو و طنط أمل، و ده ليييييه!!؟ عشان ماتحسوش بالوحدة يا حرام بعد جواز ولادكم التانيين، اما بقى هصرف عليها منين؟ أصررررف ليييه أصلا و انتوا موجودين، ده حتى عييييب فـ حقك انت و أدهومى ، طب ينفع يعنى ، بذمتك انت ترضاها ابقى عايش عندك فـ بيتك و تخلينى أطلع مصاريف من جيبي
أدهم:: بغيظ لـ شادى.. تصدق ياض انت، هتصدق ان شاء الله، أنت لو ما أختفيتش من وشي دلوقتي هشلوحك شلوحة ما اتشلوحهاش اى متشلوح فـ المتشلوحين، و هسحلك ساحلة مسحولة بسحاويل ما اتسحلهاش اى مسحول فـ المساحيل، أخفى ياض من وشي، قال يتجوز البت و يعيش معانا و ع قفانا كمان، اهو ده اللي ناقص
آدم:: بذهول.. يا ليلة فحلوقى ايه اللى بتقوله ده خالو، و بيـDـرب كف بكف.. يا حول العالم، خالى قعد معانا يومين مصطلحاته باظت اومال لو طولنا شوية هنجيبه من الشارع و هو بيجري ورا عربية الرش بقى ولا ايه
فارس أدهم:: بضحك و هو بيقف عشان يجري ورا الكوارث التلاتة.. يعنى انا ساكت من بدري و باصص لكم يا بلاوى عشان تتلموا و برضو مش ساكتين طيب تعالوا لى بقى، شافوه وقف و قبل مايخلص كلامه جريوا ع الجنينة وطلع يجري وراهم تحت نظرات و ضحك كل اللى موجودين فـ الليڤنج
___________________________
بعد مرور يومين
يوم الفرح صحيت حلم بدري هى و فارس عشان يتابعوا كل التجهيزات بنفسهم و يتأكدوا ان كل حاجة مظبوطة، بعد كدا فارس أخد كل الشباب و الرجالة و راح بيهم بيت جده عند عمته خديجة و دى كانت اول مرة يدخله من وقت ما اتنقل من المنصورة من سنين طويلة، و اول ما دخلوا البيت بدأوا الكوارث التلاتة يعاكسوا فـ فاروق لانهم عارفينه مابيحبش حد يكبره
جاسر:: بمرح.. جدووو فارووووق وحشتني اوى جدا خالص يا جدو
فاروق:: بغيظ و هو قاعد ع كرسي ساند ع عصاية .. هو أنا مش قولتلك قبل كدا يا أبن فارس بلاش كلمة جدو دى
أدهم:: بضحك.. يعنى الواد يقولك ايه يا جوز عمتى بس، عيب برضو السن له حكمه، ههههههههههههه
فاروق:: لـ أدهم.. بس ياض انت كمان، لو سمعت منك جوز عمتى دى هطخك عيارين و أخلص منك انت و المفاعيص دول، و هو بيشاور ع جاسر و آدم و شادي
قصى:: بضحك.. ليه بس يا روقة هو عمل لك ايه يعنى
فاروق:: لـ قصى.. عارف ياض انت اللى بتريحنى، أنت و الواد أبنك الكبير ، انما الصغير ده لا، غلس زى خاله أدهم
آدم:: بشهقة.. يييييييي، بقى انا غلس يا جدو أخص عليك، لأ انا كدا زعلان منك خاااالث
فاروق:: اتفلق ياض و لو قولت جدو دى تانى، و هو بيرفع عصايته بيشاور بيها لـ آدم.. هفلق دماغك نصين بالعصاية دى، انت فاهم ياض انت ولا لأ
شادى:: بتريقة.. هتفلق دماغه نصين بالعصاية، طب يتجوز ازاى دلوقتى يا فرفر
فاروق:: أن شالله ما عنه اتجوز انا مالى، مايقولش جدو دى تانى، قال جدو قال، ده هو اللى جدي
فارس:: بضحك.. خلاص يا فاروق ما تزعلش، سيبك منهم دول عيال مابتفهمش، و بص لـ الشباب.. يلا اطلعوا مع ديچة فوق و أجهزوا
وفعلا سمعوا الشباب كلام فارس و طلعوا شقة أحمد المنصوري يجهزوا فيها بعد ما قعدوا شوية يعاكسوا فـ فاروق و جننوه و كالعادة ادهم و قصى و سيف انضموا لـ الكوارث التلاتة و اتفقوا عليه، خلوه يقوم يجري وراهم بعصايته عشان يبطلوا يعاكسوه
اما فـ القصر عند حلم
البنات كل اتنين فـ اوضة، حور و تسنيم مع بعض، رودينا و روفيدة سوا، روڤان و رؤى سوا، و أخيرا لوچين و علا، و معاهم ميكاب أرتيست بالمساعدة بتاعتها عشان تجهزهم، و تخليهم ملكات جمال، حلم و فارس كل واحد فيهم عامل مفاجأة للتاني، عدى اليوم بسرعة و جه وقت الفرح الشباب وصلوا القصر و مستنيين نزول البنات، كل أب طلع يجيب بنته عشان يسلمها لـ عريسها و أول واحد طلع كان فارس وصل الاوضة اللى فيها بناته و خبط و استنى الأذن
حلم:: أدخل
فارس:: دخل وشاف حلم قصاده و بابتسامة هادية.. ايه الجمال ده كله يا حلم عمري
حلم:: بادلته الابتسامة.. دي عيونك هى اللى جميلة يا حبيبى
فارس:: باس جبينها.. عيونى حلوة عشان دايما شايفاكى يا عمري كله، البنات خلصوا و لا لسة عرسانهم تحت مستنينهم ع nـااااار
حلم:: اه يا حبيبى خلصوا أدخل لهم، هما مستنيينك من بدري
فارس:: دخل لـ حور و تسنيم و اول ماشافهم بالفستان الأبيض و حجابهم اللى زيّن وشهم والتاج و الطرحة، ماقدرش يتحكم فـ دموعه و هو شايفهم ملكات جمال ضمهم فـ حضنه.. اللهم بارك جمالكم يبهر و يخـtـف العين و القلب، أبتسم من بين دموعه.. خلاص انتوا النهاردة هتسيبوا حضن بابي و تروحوا لـ حضن راجل تانى غيرى، بس عايزكم تعرفوا ان مهما بعدتوا عنى، مكانكم هنا، و بيشاور ع حضنه.. هيفضل موجود ماحدش أبدا هياخده و مهما ياسين و يزن حبوكم مش هيحبوكم قدي، عايزكم تكونوا خير متاع لأزواجكم و تحفظوا سرهم و أموالهم و تصونوا نفسكم، تكونوا زوجات صالحات، تكونوا دايما واقفين فـ ضهرهم تشجعوهم ع التقدم و النجاح فـ حياتهم، مهما شوفتوا منهم عيب تتغاضوا عنه قصاد ميزاتهم، تسمعوهم للأخر، ما تفرحوش وقت حزنهم و العكس، شاركوهم كل اهتمامتهم، أفتكروا مامي كانت بتعمل إيه معايا و اعملوا زيها
حور:: بدموع باست إيده.. حاضر يا حبيبى هعمل بنصيحتك
تسنيم:: فاجئت حلم و فارس حتى الميكاب ارتسيت اللى موجودة و وطت و باست رجل أبوها و أمها و وقفت و من بين دموعها.. عمري ما هاحب حد قدكم ولا حد هيقدر يبعدنى عن حضنكم، أنا فخورة أوى أنى بنتكم، بنت فارس المنصورى و حلم الرشيدي، انا بحبكم اوى
فارس:: باس جبينها هى و حور و أبتسم من بين دموعه.. يلا ننزل بقى، ياسين و يزن زمانهم دخنوا من كتر الانتظار.
فعلا أخدهم و خرج بيهم الاتنين كل واحدة متعلقة فـ دراع و اول ما قرب من السلم شاف ياسين و يزن واقفين ع أخر سلمة مستنينهم و واقف وراهم أحمد و فارس أدهم و سامر و باقى العرسان، كل عريس مستني عروسته، نزل فارس و حط إيد بناته فـ ايد عرسانهم و هو بيوصيهم عليهم و بعدها ياسين و حور و يزن و تسنيم راحوا قعدوا فـ المكان المخصص ليهم مستنيين لما ينزلوا باقى البنات عشان يتم كتب الكتاب، نزل هشام بـ روڤان و سلمها لـ أحمد و وصاه عليها و يليه سيف نزل مع علا و سلمها لـ فارس و كمان قصى نازل مع رؤى و أدهم نازل مع لوچين و أمجد نازل مع رودينا و روفيدة، كل أب سلّم بنته لعريسها و وصاه عليها، و طلعوا كلهم قعدوا فـ الجنينة و استقبلهم الدي جى بأغنية طلى بالأبيض و مافيش اى رد فعل لكل العيلة غير دموع الفرحة و هم شايفين شبابهم و بناتهم ملوك و ملكات الليلة، و اشتغلت الأغنية و الكل غنى معاها.
طِليِّ بالأبيض طليِّ
يا زهرة نيسان
طِليِّ يا حلوه وهليِّ
بهالوج الريـَّان
وأميرك ماسك إيديكِ
وقلوب الكل حواليكِ
والحب يشتي عليكِ
ورد و بيلسـان
قلبي بيدعيلك يا بنتي
بهالليلي الشعلاني
يا أميرة قلبي إنتِ
سـلَّمنا الأماني
ما تنسي أهلك يا صغيره
بْعينينا ما صرتِ كبيره
ضليِّ معنا وطيري وطيري
عَجناح الأمـان
طِليّ بالأبيض طليّ
يا زهرة نيسان
طِليّ يا حلوه وهليّ
بهالوج الريـَّان
وبعد ما خلصت الأغنية وصل المأذون و قعد فـ المكان المخصص لـ كتب الكتاب و كان عبارة عن ترابيزة كبيرة متزينة بالورود موجودة ع الاستيدچ و فـ ضهرها زى حائط صناعى من الورود و البلالين الملونة و 3 كراسي و مايك محطوط فوق الترابيزة قصاد الكرسي اللى فـ النص، قعد المأذون ع يمينه ياسين و ع شماله فارس و بدأت مراسم كتب كتابه هو و حور و بعد ما خلص ياسين قام و قعد مكانه يزن و تم كتب كتابه هو و تسنيم، و بعدهم قعد قصى مكان فارس و سامر مكان يزن و ابتدت مراسم كتب كتابه هو و رؤى و بعدهم أدهم و جاسر، أمجد و عامر و آدم ، خلص كتب الكتاب و ختم المأذون بجملته الشهيرة( بارك الله لكما و بارك عليكما و جمع بينكما فى خير) فجأة سمعوا صوت تامر حسنى و هو بيغنى سجل يا تاريخ من غير موسيقى و شافوه طالع من ورا الاستيدچ بعد ما أتفتحت الحيطة المصنوعة من الورود و البلالين، البنات اتنططوا من الفرحة خصوصا حور و تسنيم لانها كانت أمنيتهم انه يغني فـ فرحهم و اتفاجئوا ان فارس حققلهم اللى بيتمنوه و مين غير الأب اللى هيعمل كدا، قرب تامر حسنى و سلم ع كل الشباب و هو بيغنى الاول من غير موسيقى و بعد كدا اشتغلت المزيكا و كل العرايس و العرسان غنوا و رقصوا معاه
سجل يا تاريخ كده سجل
ودعنا حياة السينجل
و أدينا فيها
هنعيش أحلى ما فيها
و الضحكه تحليها
يلا تعالى نعيش
سجل يا تاريخ كده سجل
ودعنا حياة السينجل
ياللي علمتني إزاي أحب
و معنى الحب
هحبك أكتر أنا كل يوم
ياللي علمتني إزاي أحب
و معنى الحب
هعلمك أنا أنا إزاي يدوم
و أدينا فيها
هنعيش أحلى ما فيها
و الضحكه تحليها
يلا تعالى نعيش
سجل يا تاريخ كده سجل
ودعنا حياة السينجل
فارس طول الوقت محاوط حلم بدراعه و الاتنين دموعهم مش واقفة و هما شايفين ولادهم فرحانين و شايفين البنات مبسوطين بمفاجأتهم و كل شوية تسنيم تبعت لهم بوسة فـ الهوا، و لوچين تتجنن هى و روفيدة و يجروا ناحية أدهم و أمجد يحضنوهم و يرقصوا معاهم و يرجعوا تانى و آدم و جاسر يتغاظوا منهم و يعاكسوا و فيهم و يرجعوا تانى يغنوا مع تامر اللى غنى لهم الأغانى اللى هم أختاروها و منها
حلم سنين
عشنا وشفناه اليوم اللي اشتقنا له
إحضني قصاد الناس يا حبيبي وماله
ما بقينا لبعض خلاص
زادوا العشاق إتنين اكتب أسامينا
كان حلم سنين وسنين نبقى لبعضينا
الله على ده الإحساس
ليلة وإنت جنبي ليلة
تسوى عمري ليلة
بألف ليلة معاك
ليلة وإنت جنبي ليلة
تسوى عمري ليلة
بألف ليلة معاك
حلم سنين
قال قلبي خلاص
هتنام على صوت دقاته
هيعيش وياك على طول أجمل أوقاته
حبك ولا يوم هنساه
أنا قد القول ومعاك وفيت بوعودي
وإنت استنيت وبقيت محتاج لوجودي
وأهو ربنا جمّعنا
ليلة وإنت جنبي ليلة
تسوى عمري ليلة
بألف ليلة معاك
ليلة وإنت جنبي ليلة
تسوى عمري ليلة
بألف ليلة معاك
يا ليالي يا، يا ليالي
يا ليالي إحكي له على حالي
كنت فين آه، كنت فين
يا حبيبي ده إنت حلم سنين
ليلة وإنت جنبي ليلة
تسوى عمري ليلة
بألف ليلة معاك
ليلة وإنت جنبي ليلة
تسوى عمري ليلة
بألف ليلة معاك
حلم سنين
خلص تامر فقرته و مشي بعد ما اتصور معاهم و غنى لهم كل الاغانى اللى طلبوها و استغربوا كل المعازيم ان فارس كان بيغنى معاه لـ حلمه و هو نفسه قرب منهم و ساب المايك لـ فارس يغنى بداله.
يا حبيبي من حبي فيك
لا هتكلم ولا اغنيلك
من اليوم ده هاحبك حب جديد
يخليني حبيبي ادعيلك
يا حبيبي من حبي فيك
لا هتكلم ولا اغنيلك
من اليوم ده هاحبك حب جديد
يخليني حبيبي ادعيلك
يا اغلى من عينيا
(الله يخليني ليك) واجبلك الدنيا ديا
(الله الله) حبيبي (الله الله)
يحميك حبيبي يا عمري يا غالي ويخليك ليا.
بعد شوية دخل محمد حماقى و ده كان مفاجأة هشام لـ ولاده و بدأ يغنى مع الشباب بس، و كل واحد فيهم بيشاور ع عروسته اللى قاعدة فـ مكانها و هم بيغنوا ع أغنية واكلة الجو
أنا جنبي قاعدة أحلى واحدة
في القعدة
واحدة واخدة قلبي واحدة واحدة Dـرب nـار دmـار دي مش بتهدا
جامدة مش هزار
أنا جنبي قاعدة أحلى واحدة
في اللمة، لأ بجد فينها وفين همّ
حد شاف جمال كده بالذمة
دايسة ع الزرار
واكلة الجو
اليوم بوجودها احلوّ
هفضل 100 سنة هنا لو
قدامي عينيها الحلوين دول
واخدة الناس
بالرقة وبالإحساس
أنا عيني عليها يا ناس
إيه اللي بتعمله فيا ده معقول؟
أنا جنبي قاعدة أحلى واحدة
في القعدة
واحدة واخدة قلبي واحدةواحدة Dـرب nـار دmـار دي مش بتهدا
جامدة مش هزار
أنا جنبي قاعدة أحلى واحدة
في اللمة، لأ بجد فينها وفين همّ
حد شاف جمال كده بالذمة
دايسة ع الزرار
وغنى بعدها مع البنات اغنية تك و اغانى تانية كتير لغاية ما خلص فقرته و مافيش حد قعد فـ مكانه كلهم بيرقصوا و يتنططوا اما بقى شادى و عمر و زياد كانوا مجننين أدهم، كل شوية واحد فيهم يروح يطلب من هنا ترقص معاه وسط العرايس و العرسان
و هو يزعق لهم و برضو مش ساكتين و هى مستمتعة جدا بغيرة أدهم عليها و مشاكسة التلاتة ليه بسببها، بعد كدا ابتدت فقرة التورتة و دى كانت عبارة 8 تورتات هدايا من أكبر رجال الأعمال اللى بيحضروا الفرح عشان حلم و قصي و حازم و حسين العوضي و كمان محافظ المنصورة عشان فارس و سيف و كانت كل تورتة ما تقلش عن 10 أدوار، اتفتح البوفيه و كان أوبن بوفيه و فيه من الخيرات أشكال و ألوان و لكن فـ نفس اللحظة حلم اختفت خالص و مافيش حد لاقيها، فارس قلب القصر عليها و لما ملاقهاش ع رغم قلقه بس فكر جواه ان هى دى الفرصة المناسبة لتجهيز مفاجأته ليها، و نفس الوقت هاجر كانت بتلف تشوف المعازيم و تتأكد ان مافيش حد ناقصه حاجة و شافت زياد بيقرب منها و فـ إيده كوباية عصير
زياد:: بابتسامة.. مامتى أكيد عطشانة، جبتلك احلى عصير فريش عملتهولك بإيديا
هاجر:: بغيظ.. حتى لو هموووت من العطش مش هاخد منك حاجة يا أبن الوارمة.
زياد:: ببراءة مصطنعة.. ليه بس يا ماما انا كنت عملت ايه بس
هاجر:: بنرفزة.. و حياة أمك!! ولا أخفى من وشي الساعة دى خلى الفرح يعدى ع خير، كفاية يوم الخطوبة و اللى هببته فيه
زياد:: يا ماما يا حبيبتى انتى ليه بس مش عايزة تصدقى ان العصير كان لطنط ياسمين و طنط الاء و انتى اللى اتفسطتى و شربتى الاتنين
هاجر:: كنت أمنعني يا فردة باتا معفنة مش لاقية حد يعبرها
زياد:: الله يسامحك، بس لو تفتكري انا حاولت و انتى اللى صممتى تشربي الكوبايتين اعملك ايه يعنى، و هو بيسألها.. ها هتشربي العصير و لا أخده وامشي؟
هاجر:: مش عايزة منك حاجة ياض انت
زياد:: براحتك يا جوجو انا غلطان، و شرب كوباية العصير مرة واحدة و هو واقف قصادها و سابها و مشي وهى واقفة هتتجنن منه
نروح بقى لعصافير العشق الابدي فارس و حلمه
كل واحد فيهم طلع اوضة غير الجناح الخاص بيهم عشان يعمل مفاجأة لحبيبه يفاجئه بيها و بعد شوية وقت خرجوا الاتنين فـ نفس اللحظة و شافوا بعض و اتصدموا من شدة المفاجأة و من نفس التفكير من غير ترتيب
فارس:: اول ما شاف حلم عمره أتفاجئ من اللى هى عاملاه و أنبهر جدا و بنظرات عاشق.. أنتى ازاى كدا؟
حلم:: بخجل من نظراته.. أزاى ايه يا حبيبى
فارس:: أزاى جميلة كدا يا حلم، أزاى قدرتى تعرفي اللى بفكر فيه و تفاجئينى بيه
حلم:: بابتسامة صافية.. حبيبى انت كمان فاجئتنى بنفس الطريقة ونفس التفكير
فارس:: قرب منها و باس إيدها.. حبيبتى يا ملكة هذا الزمان اليكِ ولاجلكِ ساكتب فيضا من احاسيس ادركتنى، سأكتب اليكِ وانا لست بشاعر ولا فنان ما انا الا عاشق مغرم بكِ، بحبك يا أجمل حلم فـ عمري كله
حلم:: و انا بعشقك يا فارس قلبي
فارس:: بهزار .. هو ينفع ما نكملش الفرح!!؟ انا بقول ينفع و ماسك ايدها و رايح ناحية الجناح بتاعهم
حلم:: بضحك.. رايح فين يا مجنون، يلا ننزل قبل ما حد ياخد باله و يحسوا بغيابنا
وفعلا نزلوا سوا، و اللى عملوه كان مفاجأة لكل المعازيم خصوصا أخوات فارس
أمل:: أتجننت و بصت لـ عاليا و ياسمين.. شايفين اللى انا شايفاه ده
عاليا:: بغيظ مصطنع.. إلا شايفة ياختى ، الاتنين دول مش ناويين يجيبوها لبر و شكلنا كدا هنموت بحصرتنا من عمايلهم
أمل:: انا بقول ننشهم عين عشان يتلموا شوية او نطخ اللى معانا عشان يتعلموا من اخوكم
ياسمين:: بضحك ع شكل عاليا و امل.. المفروض تكونوا حفظتوا، دول خلاص يابنتى منك ليها أكتسبوا مناعة و الله لو عملتوا قرود ما هيأثر فيهم ههههههههههههه
أدهم:: كان قاعد جنب سيف و قصى و شافوا فارس و حلم نازلين، و التلاتة مرة واحدة.. أحيه، و قبل ما يتكلم أدهم شاف أمل جاية بزعابيبها
أمل:: قامت بغيظ راحت لـ أدهم.. انت امتى هتتعلم تعمل زى أخوك يا أخ انت
سيف:: قابل يا عم أدهم و لسة كمان أختك دلوقتي تيجى تقول نفس البُقين
قصى:: هو أخوك ده مش ناوى يتلم بقى و يرحمنا من عمايله دى
أدهم:: صدقني يا أبنى انت و هو انا قربت انتحر من عمايله دى خصوصا بعد الهجوم اللى حصل ده و لسة هيحصل
أمل:: رد عليا يا أدهم أمتى هتتعلم تعمل زى أخوك
أدهم:: يعنى بذمتك يا أمل يا حبيبتى انا مبعملش زى أخويا؟
أمل:: لأ يا أدهم ماعملتش اهو
أدهم:: حاضر يا حبيبتى ليكى عليا يوم فرح هنا هنعمل زيهم كدا، و جواه ربنا يهديك يا فارس و تبطل جنانك ده
فارس:: قرب منهم و شايفهم متحفزين عشان يطخوه و بضحك.. مالكم يا عتاولة قاعدين كدا ليه ههههههههههههه
سيف:: بذمتى انت عايز تعمل فتنة النهاردة و شكلك بعملتك المنيلة دى انت و مراتك ناويين تخلوا المأذون اللى جوّز العيال يطلقنا
فارس:: بضحك.. الله انا جيت جنبك منك ليه له
قصى:: واللى انت عامله ده اسمه ايه بقى
فارس:: ببرود مستفز.. سميه زى ما تسميه، انا واحد عايز اجدد شبابي و أعيد ذكرياتى و أعمل فرحي من اول وجديد مع عيالى، ليكوا فيه
أدهم:: يعنى ما كانش ينفع يا باشا تعمل كدا من غير ما تلبس بدلة فرحك و مراتك تلبس فستان فرحها، كان ماله اللبس اللى كنتوا لابسينه فـ اول الفرح يعنى، و لا انت مش ناوى ترجع ألا ما تطلقنا زى ما قال سيف
فارس لسة هيرد سمع أسمه فـ المايك و قرب عشان يشوف اللى بينادى عليه
فجأة الانوار انطفت و مافيش غير إضاءة خافتة متسلطة عليه و طلعت حلم من ورا الاستيدچ و قربت منه و هى بتغنى و فجأة شاف فارس اوراق ورد كتير بتنزل عليهم من فوق القصر طول ما حلم بتغنى و اختارت اغنية
مكتوبة ليك إني أنا اللي تعيش لها
مكتوبة على إسمك حياتي كلها
أول ما قلت بحب كانت ليّ أنا
مين تستاهلها غيري أو تتقال لها
مكتوبة ليك و أهي كل
حاجة في وقتها
تكمل حياتك بيّ لما دخلتها
وقت أما شافك قلبي
شافت عيني فيك
صورة حبيبي اللي في خيالي رسمتها
قول بقي يا حبيبي، حبيبي
لمين أنا لو مش ليك
قول بقى يا حبيبي، حبيبي
هاحب في مين غير فيك
طب ده أنا أيامي أحلامي
وحياتي واقفة عليك
نور عيني حبيبي، حبيبي
لمين أنا لو مش ليك
قول بقى يا حبيبي، حبيبي
هاحب في مين غير فيك
طب ده أنا أيامي أحلامي
وحياتي واقفة عليك
موعودة بيك تبقى
إنت بختي وقسمتي
موعودة بيك من قبل ما اتقابل معاك
مشاعري حبي حياتي شوقي ولهفتي
متصدقين مني لأني مصدقاك
موعودة بيك تبقى
إنت بختي وقسمتي
موعودة بيك من قبل ما اتقابل معاك
مشاعري حبي حياتي شوقي ولهفتي
متصدقين مني لأني مصدقاك
قول بقي يا حبيبي، حبيبي
لمين أنا لو مش ليك
قول بقى يا حبيبي، حبيبي
ححب في مين غير فيك
طب ده أنا أيامي أحلامي
وحياتي واقفة عليك
نور عيني حبيبي، حبيبي
لمين أنا لو مش ليك
قول بقى يا حبيبي، حبيبي
ححب في مين غير فيك
طب ده أنا أيامي أحلامي
وحياتي واقفة عليك
فارس شالها و لف بيها من فرحته بالمفاجأة اللى عملتها له و فـ نفس الوقت هو كان عامل لها مفاجأة
و ابتدا يتكلم فـ الوقت اللى نزل فيه صورة كبيرة ليهم من فوق القصر و معاهم ولادهم بحجم و أرتفاع القصر و حواليها انوار كتير صغيرة، و هو ماسك ايد حلم و بيوجه كلامه لكل الموجودين.. أنا ربنا أنعم عليا بنعم كتير جدا، لكن من أهم و أجمل النعم اللى أنعم عليا بيها، و هو بيرفع ايد حلم.. زوجة وقفت فـ ضهري و سندتنى كتير و أتحملت معايا مصاعب شغلي، كان بيحصل بيني و بينها مشاكل كتير زى أى زوجين، لكن عمرها ما أشتكت و لا غضبت و لا طلعت أسرارنا برة حياتنا الخاصة، ربت اولادنا تربية أى حد يفتخر بيها رغم أشغالها و شركاتها عمرها ما انشغلت أبدا عن واجباتها كزوجة و أم، بالعكس كانت بتعرف ازاى تفصل بين شخصيتها كسيدة أعمال ليها أسم كبير و معروف و بين شخصيتها كست بيت عارفة ازاى تراعى بيتها و تشوف متطلبات جوزها و اولادها، مرينا بأزمات كتير صعبة جدا، ازمة واحدة منهم كانت كفيلة أنها تهد أى حد لكن بفضل ربنا ثم حبها اللى مقوينى قدرنا نعدى و نوصل لبر الأمان و نقف النهاردة قدامكم و احنا حوالينا ولادنا و بنفرح بيهم معاكم، و بص لـ حلم ..
سيدتي
لا تطلبي منى أن أصفكِ .
لأني لن أستطيع أن انصفكِ .
ولا أستطيع أن لا ألبي مطلبكِ .
أنتِ الأنثى الساكنه بداخلي .
أنتِ الواقع والخيال
وخروجكِ مني بات من المحال
أنتِ أصابعي .. أنتِ لغتي ..
أنتِ حروفي
أنتِ نبض قلبي .. أنتِ الروح ..
أنتِ الأمل
أنتِ الماضي .. أنتِ الحاضر ..
أنتِ المستقبل
أنتِ أول من خطها قلمي
أنتِ مشواري في الحياة
أنتِ سمائي و أرضي .
أنتِ همسي و لمسي ..
أنتِ غدي و أمسي ..
أنتِ نور عيوني …
أنتِ القابعة بجفوني
أنتِ الأنثى التي لم ولن تنجب
الايام شبيه لها .
آه لو تعلمين أنكِ ساكنة بين ضلوعي منذ سنين .
أنتِ المرآة التي أرى نفسي فيها
أنتِ باقة العطر التي أتعطر منها ولها
أنتِ أنثى الجمال والدلال
وغيركِ محال
أنتِ أنثى الحنان
وبأحضانكِ يكمن الأمان
أنتِ من أبحر بلا مجداف
في بحر عيونكِ .
أنتِ من أغرقني القدر
بسماء ورد خدودكِ
أنتِ الهلال
عندما يصل الى حد الاكتمال
أراني أخطأ ..
فحقا أنتِ تفوقيه في الجمال
أنتِ دمائي التي تتدفق بوريدي
أنتِ زهوي .. انتِ فرحي و عيدي
عذرا حبيبتي .
فقبل أن أبدا في وصفكِ .
ذكرت أني لن أستطيع أن أنصفكِ
وما زالت الأبجدية بين أنوثتكِ حائرة.. و باس جبينها و بهمس دوبها بحبك يا كل عمري
احمد و جاسر و حور و تسنيم قاموا من مكانهم جريوا عليهم و هم فخورين جدا أنهم ولاد فارس المنصورى و حلم الرشيدي، و رجعت الا غانى اشتغلت تاني و رقص فارس وحلم سوا على أغنية عايشة حالة حب، و حواليهم ولادهم عاملين دايرة و ماسكين ايد بعض و بيغنوا معاهم و طول ما الأغنية شغالة يبدلوا فـ الرقص مع ولادهم فارس مع حور و تسنيم و حلم مع جاسر و أحمد و انضم ليهم باقى الشباب و البنات كل عريس مع عروسته حتى أدهم و أمل و سيف و عاليا، قصى و ياسمين، هاجر و أمجد، حازم و الاء، حتى حسين العوضي و مراته و كانت فعلا فرحة كبيرة جدا، و أخيرا ختموا الفرح بأغنية بنت ابويا اللى غنوها البنات سوا و كل واحدة فيهم بترقص مع أبوها، باستثناء حور و تسنيم اللى حاضنين فارس الاتنين و كمان رودينا و روفيدة و هما حاضنين أمجد
صوت رنة المفتاح في الباب
ساعة اما توصل
ومكالمة نص اليوم
لما من غير داعي تسأل
والزعيق من ورا قلبك
لما اصالحك وتتقل
وحضنك اللي بنسي
قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي
من ورا اسمه وسيرته
بنت ابويا واه يا بختي بعمري
وياك عشته
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
ااااااااااااه ااااااااااااااه
لما تقلق وانا اخبي لا تزعل عشاني واما في طريقنا نسافر ونشغل أغاني
وأما تشوف منى دمعة وتعمل مش شايفها بتخاف تكسفني
وتحسسني أنك كاشفها
أنت سندي وأنت ضهري
وصاحب عمري كله
لما بشكي لما بحكي مين
غيرك أقول اقوله
اللي مهما كبر سني هفضل
أعيش في ضله
يا حبيبي يارب يخلي
صوتك العمر كله
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت أبوكي ده في سلامه واهتمامه يا بختي قالوا بنت أبويا يا سلام.
أخيرا خلص الفرح اللى كان خرافى و أسطوري بمعنى الكلمة و كل عريس خد عروسته و ركب عربيته وطلعوا ع المطار ع طول عشان يبدأوا حياتهم الجديدة و يبدأوا رحلة شهر العسل، بعد مرور يومين من الفرح سافر فارس و حلم و معاهم أخواته و أخواتها السعودية يعملوا عمرة و يشكروا ربنا انهم أدوا رسالتهم ع أكمل وجه
مرت شوية سنين حلوين و اللى حصل فيهم، تقاعد فارس و سيف عن العمل و سابوا مكانهم لـ فارس أدهم اللى أترقى و أخد رتبة عميد، أحمد اترقى هو كمان و أخد رتبة عميد و بقاله أسم فـ المخابرات يتخاف منه بمجرد ما يتذكر، حلم قعدت و سابت كل حاجة فـ إيد جاسر و تسنيم و يزن و آدم، بعد قصى و ياسمين كمان ما قعدوا فـ البيت، أدهم ساب إدارة المستشفى لـ ياسين و حور و هنا و بقى يا دوب يشتغل ع خفيف نظرا لحكم سنه، نسيت أقولكم ان هنا أخيرا بعد سنتين من خناقات شادى و زياد و عمر عليها ما أختارتش حد منهم و اتجوزت دكتور زميلها فـ المستشفى بعد قصة حب جامدة بينهم، و الشباب كل واحد فيهم قابل قسمته و نصيبه و اتجوزوا هم كمان.
و حاليا فارس و حلم قاعدين فـ الڤيلا بيربوا أحفادهم زى ما ربوا أولادهم ع الحب الأبدي اللى بين العيلة و يعلموهم يعنى ايه الترابط الأسري، و أنه مش مجرد كلمة بتتقال، لأ ده رباط من الدم و الروح و كل ما كان الترابط قوى بين العيلة عمره ما يتفكك مهما مرت عليه أزمات، و النهاردة قرر فارس يقضى أجازة عيد الأضحى فـ المزرعة مع ولاده و أحفاده و سافروا كلهم يوم الواقفة عشان يقدروا يحضروا صلاة العيد فـ المسجد الكبير اللى فـ المزرعة و خارج فارس من الڤيلا و هو لابس جلابية و طاقية بيضا و معاه حلم عمره بعبايتها و طرحتها البيضا و شايفين أولادهم و أحفادهم مستنينهم هم كمان بجلاليب و عبايات بيضا و راحوا كلهم يصلوا العيد و اول ما رجعوا من الصلاة راحوا مزرعة المواشي و جابوا عجـ*ـلين و دبـ*ـحو*ـهم فـ الڤيلا تحت فرحة الأحفاد اللى ابتدوا يحطوا أيديهم فـ الدم و يرسموا كفوف لبعض ع هدومهم و بعد ما خلص اليوم و توزيع الاضحية، قعد فارس هو حلمه فـ الجنينة و قاعدة فـ حضنه نورين بنت أحمد و تالين بنت حور اما حلم قاعد فـ حضنها رامز أبن جاسر و مانع اى حد من ولاد اعمامه يقعد معاه و بيقولهم حلم بتاعتى لوحدى
فارس:: بضحك.. هو انا اخلص من أبوك تطلع لى انت، حلم دى بتاعتى انا وبس فاهم ياض انت
رامز:: بلماضة .. بقولك ايه يا ابا الحاج انت خلاص كدا كفاية عليك المزتين اللى فـ حجرك دول و سيب لى حلمى دى ليا انا وبس
حلم:: بضحك.. تاااااانى، يا رامز يا حبيبى انا لسة بعانى من خناقات أبوك و جدك عليا هتدخل انت كمان معاهم
رامز:: بغمزة لـ حلم .. عارفة يا مزة يا قمر أنتى انا هاقعد لك الاتنين ع دكة الاحتياطي و ابقى انا الاول و الاخير فـ حياتك يا قمري
جاسر:: برفعة حاجب.. تقعد مين ع دكة الاحتياطي ياض انت، ده جدك بجلالة قدره ما عرفش يعملها، هتعملها انت يا مفعوص يا اللى قد البلية انت
يزن:: بضحك.. انت متأكد يا رامز انك عندك 6 سنين؟
رامز:: بغيظ.. اه يا عمو عندى 6 سنين، و ياريت بقى تلم أبنك اللى بيلف و يدور حوالين حلمى عشان مش أعضه
تسنيم:: بغيظ مصطنع.. تعض مين ياض، ده يمان العوضي ياكلك لو فكرت تلمسه، وسع بقى خليه يقعد فـ حضن ناناه شوية
رامز:: قام وقف و قرب من تسنيم و بغمزة.. شوفى يا عمتو توتا يا عسل انتى، انا رامز المنصورى ماحدش يقدر عليا و لا عوضي و بص لـ ياسين و لا نويري ماشي ورجع جرى قعد فـ حضن حلم قبل ما حد تانى يقعد
ياسين:: جابه من قفاه.. ولا مش عشان انا ساكت لك يعنى تستهبل فيها، لأ ده انا لو سيبت عليك مراد ياكلك فاهم
رامز:: اوعى ايدك دى بس كدا يا عم انت، و روح شوف فرفورتك اللى قاعدة فـ حضن راجل تانى غيرك بدل ما انت بتتشطر عليا كدا
فارس:: برفعة حاجب.. فرفورته دى اللى هى تالين؟
رامز:: أه، بت فرفورة كدا اول ما اقولها بخ تتخض و تعيط، مش زى وحش الكون اللى جنبها دى، قطة بلدى مخربشة و تجيب من الاخر
أحمد:: وقف له و خده من ياسين.. انت بتعاكس البت قدامى ياض انت و مش خايف
رامز:: و اخاف ليه ياعم انا بحبها و عايز اتجوزها لما أكبر
مراد:: خرج عن صمته أخيرا و وقف قصاد رامز.. ماحدش هيتجوز نورين غيرى فاهم يا رامز
حلم:: بضحك.. اكبروا الاول و خلصوا تعليمكم و بعدين هى اللى تقول هتختار مين
رامز:: دايما كدا كلامك بسلم يا لومي
فارس:: انا مش عارف بس صابر عليك و ع لماضتك دى ازاى يا ابن جاسر
رامز:: عشان بتحبنى طبعا يا فاروسة، هات العيدية بقى و ما تحمرقش
فارس:: بحب فتح دراعاته لكل أحفاده و دخلوا جرى جوة حضنه رامز جاسر و التوأم تالين و مراد ياسين و يمان يزن و كمان نورين أحمد اللى فـ حضنه من الأول و أدالهم العيدية و فرحوا بيها جدا و قاموا يجروا و يلعبوا فـ الجنينة و بعد شوية رجع
رامز:: و بينادى ع جاسر و فجأة.. بقولك ايه يا جاسر ما تجوزني حلم انا بحبها و عايز اتجوزها
جاسر:: بذهول.. ايه!؟ انت عايز تتجوز أمي انا؟! انت عبيط ياض انت؟ ماينفعش تتجوزها
رامز:: بنفاذ صبر.. و ما ينفعش ليه يعنى؟ ما انت اتجوزت أمى و ما اتكلمتش، و لا هو حلو ليك و وحش ليا يا عم انت ولا ايه
بعد شوية وقت من الضحك و الهزار و المشاكسة بين جاسر و ابنه، فارس طلع أوضته هو و حلم و دخلوا قعدوا فـ التراس و عينيهم ع أحفادهم اللى بيجروا و يلعبوا فـ الجنينة، حاسين انهم طايرين من السعادة بوجود الملايكة الصغيرين حواليهم.
حلم:: قربت من فارس و دخلت جوة حضنه حطت راسها ع صدره و عينها ع أحفادهم.. ربنا يقدرك يا حبيبى و تكبرهم و تشوفهم عرايس و عرسان وتشوف ولادهم
فارس:: حاوطها بدراعه.. ياه يا حلم لسة بدري عليهم و العمر مبقاش فيه يا حلم عمري خلاص اللى فاضل مش قد اللى راح
حلم:: حطت ايدها ع بُقه.. ششش بعد الشر عنك يا حبيبى ربنا يبارك لنا فيك و تعيش و تكبرهم و تجوزهم كمان
فارس:: بحب.. اه منك انتى يا حلم عمري يا منية النفس و توأم الروح
دعينى أغفو بأحضانك
أستحلفت القمر أن ينشد لكِ شعرى
استحلفت النجوم أن تعزف لكِ لحنى
أستحلفت الغيوم ان تمطر عليكِ حبى
كيف يكون يومى بدون شمسك
كيف يكون ليلى بدون قمرك
كيف كان قلبى بدون حبك
ياأميره قلبى نبض قلبى يعلن للكون
بأننى أعشقك فأنا لكِ ومنكِ و بكِ
أحيا، وأتألم عنكِ واخاف عليكِ
حبيبتى كل حروف العشق
تتعلق با أسمك
سأظل احبك حتى أخر نبضه بقلبى.
حلم:: حبيبي أقسم أني إكتفيت بك عشقاً ولن أهدي قلبي لأحد غيرك، فأنت لقلبي جميع رجال الكون، لك في القلب خفقة إن أتيت زاد نبضي فرحاً وإن غبت زدت شوقاً وحباً بعشقك.
توأم روحي بقلمى✍️________لبنى دراز
تمت بحمدالله

لقراءة باقي حلقات الرواية اضغط على : (رواية العشق الأبدي 2 (توأم روحي))