رواية وحيد أمه الفصل الثاني 2 بقلم رحاب القاضي

رواية وحيد أمه الفصل الثاني 2 بقلم رحاب القاضي

رواية وحيد أمه البارت الثاني

رواية وحيد أمه الجزء الثاني

رواية وحيد أمه الحلقة الثانية

قربت منها سميه وقالت وهي مدايقه ـ
انتي بنت مش محترمه..

وقفت اسماء قدامها وقالت بكل برود _
وانتي ست كذاابه ومش محترمه برضو…

سميه بعصبيه قالت ليها _
الكداب عارف نفسه واللي مش محترم عارف نفسه وبرضو اللي اهله ما عرفوش يربوه ازي يتكلم ويحترم الاكبر منه برضو عارف نفسه..

_جات ترد عليها اسماء بس شافت محمد طالع من. الاوضه فا عملت نفسها بتبكي وقالت..

اسماء ببكاء _
ليه كده كل ده عشان سالتك اعملك ايه يا طنط بدل ما تتعبي..

ما فهمتش سميه كلامها وليه اتحوات كده وردت عليها وقالت _
انتي هتعمليهم عليا يا بت انتي ولا ايه؟..

قرب منهم محمد وقال بحده _
في ايه يا ماما انتي بتكلمي اسماء كده ليه؟..

سميه بحده ردت عليه وقالت _
ما تسالها الاول هي عملت ايه وقالت ايه؟..

بكت اسماء بتمثيل وقالت _
والله يا محمد ما عملت ليها حاجه انا بس كنت قاعده بكلم ماما ولما طلعت فضلت تكركب حواليا في الحاجه. فا ماما سالتني ايه الصوت ده قولتلها دي حماتي شكلها بتدور علي حاجه وماما كتر الف خيرها قالت ليا. اقفلي وروحي شوفي حماتك بتدور علي ايه عشان خاطر محمد، مع اني لو كنت قولت ليها اللي حصل الصبح ما كانش هيحصل كويس..

سميه بضيق ردت عليها وقالت _
بقي امك قالت ليكي كده، هي من امتي الحدايه بتحدف كتاكيت يا مراااات ابني..

زعق محمد في مامته وقال بعصبيه _
يوووه بقي يا ماما خلاص انتي عايزه مننا ايه بالظبط، كفايه بقي انتي مش عايزه تشوفينا مبسوطين يعني..

سميه بدموع قالت ليه _
انت بتزعق فيا يا محمد، بعد كل العمر ده اللي ضاع عليك تزعق فيا كده وتكدبني ياريتني روحت قبل ما اشوف اليوم ده..

قال محمد بحده _
لا ازعق ليكي. ولا تزعقي ليا ولا ليكي دعوه بيا وبمراتي من الاول كده عشان كلنا نرتاح..

وبص لاسماء مراته وقال _
وانتي يا ست هانم لو شوفتيها طلعت من اوضتها اعملي نفسك مش شيفاها…

ردت عليه اسماء وقالت _
حاضر يا محمد وحقك عليا يا حبيبي ما تزعلش..

بصت سميه لابنها اللي خزلها بكلامه وقالت بحزن _
كتر الف خيرك يا ابني، وانا مش عايزه منكم حاجه، وقبل ما ربنا يحوجني ليكم ياخدني عنده احسن..

_اتوقعت ان ابنها يقول بعد الشر او يصالحها بس هو عمل عكس كده وقعد جنب مراته وفضل يصالح فيها، دخلت هي المطبخ عشان تعمل حاجه تاكولها بس حست ان نفسها راحت عن الاكل ورجعت اوضتها وفضلت تبكي لحد ما نامت…

ــــــــــــــــــــــــــــــــــــــــــــــ

_وعدت الايام ورا بعضها وكانت سميه مش بتكلم ابنها ولا مراته، ولو اسماء دايقتها في حاجه بتعمل نفسها مش واخده بالها ولو تعبت كانت بتروح لوحدها للدكتور، والاسم عايشه مع ابنها في بيت واحد بس هي بعيد عنه اووي..

وفي يوم خبط محمد علي اوضتها ودخل وقال _
ممكن اتكلم معاكي كلمتين يا امي..

اتنهدت بضيق وردت عليه وقالت _
اكيد يا ابني اتفضل..

دخل محمد وقعد قدامها وقال _
مبروك يا ماما كلها كون شهر وهتبقي تيته..

_اتملت عيونها دموع وفي اللحظه دي نسيت زعلها من ابنها وحضنته وقالت ببكاء..

سميه _
الف مبروك يا حبيبي وربنا يقومها ليك بمليون سلامه هي وابنك..

محمد بهدوء قال _
طيب مش هتروحي لمرات ابنك وتقوليلها مبروك..

اتنهدت سميه بضيق وردت عليه وقالت _
معلش يا ابني اعفيني من اللي انت بتطلبه ده، وروح انت لمراتك وخليك قاعد جنبيها..

محمد بحده _
بقي كده يا ماما يعني انتي اللي غلطانه وكمان انتي اللي زعلانه..

سميه بحزن _
مدام انت شايفني غلطانه يبقي خلاص خلي كل واحد فينا في حاله احسن..

محمد بضيق _
طيب يا ماما الحمل بتاعها صعب شويه وانا كنت عايزك تبقي جنبيها، انا كنت هكلم مامتها بس قولت لا امي تبقي في البيت واجيب الغريب يجهزلي الاكل وياخد باله مني ومن مراتي..
.
طبطبت عليه سميه وقالت _
ده انا اشيلك في عيوني يا ابني انت وهي، تعالي قوم معايا هقوم ابارك لمراتك..

مسك محمد ايدها وباسها وقال _
ربنا ما يحرمني منك ابدا يا حبيبتي..

_قامت سميه وراحت مع ابنها اوضة اسماء اللي اول ما شافتها ابتسمت وقالت..

اسماء _
تعالي يا طنط هتبقي جده قريب..

طبطبت ليها سميه علي ايدها وقالت _
ربنا يقومك بالف سلامه يا بنتي..

محمد بهدوء _
ماما هتقعد تساعدك ومعاكي لحد ما تقومي بالسلامه يا حبيبتي..

اسماء بهدوء _
لا لا يا محمد ما لكش حق طنط تعباانه ومش عايزين نتعبها اكتر، انا هكلم ماما تيجي هي تقوم بالحاجات اللي انا محتاجاها..

ردت عليها سميه وقالت _
لا يا حبيبتي تعبك راحه..

قام محمد وقال _
طيب انا هروح الشغل وخلي بالك منها يا ماما، انا سايبها ليكي هي وابني امانه..

ردت عليه سميه وقالت _
في عينيا يا حبيبي روح انت شغلك وخلي بالك من نفسك..

واول ما خرج محمد اتنهدت اسماء بضيق وقالت _
قومي اعمليلي كوباية لبن؟..

ردت عليها سميه وقالت _
بس احنا مش عندنا لبن، انتي عارفه جوزك مش بيحبه..

زعقت فيها اسماء. قالت _
اتصرفي وهاتي ليا لبن، الدكتور قال لازم اشرب لبن كل يوم..

اتنهدت سميه بضيق وردت عليها وقالت _
طيب هنزل اجيب ليكي من تحت وجايه..

_وفعلا نزلت الست سميه وراحت جابت ليها لبن وجابت حاجات للبيت واول ما رجعت عملت ليها كوبايه ودخلت تديها ليها لقيتها نايمه فقربت منها وقالت..

سميه بهدوء _
يا اسمااء قومي يا بنتي عشان تشربي اللبن..

زعقت اسماء فيها وقالت _
يووه بطلي زن بقي واقفلي النور ده واطلعي بره..

ادايقت سميه وردت عليها وقالت _
تصدقي انا غلطانه، هو انتي يا حبيبتي فاكراني الشغاله اللي جابوها ليكي اهلك لااا ده انا ست الستات وبعد كده اللي عايز حاجه يقوم يعملها لنفسه قال تزعق فيا قال..

_قالت كلامها وطلعت عملت الاكل لابنها وبعدين اتوضت وراحت تصلي، وجه محمد وراح لمراته علي طول عشان يطمن عليها، واول ما دخل عندها لاقاها عماله تبكي..

قعد محمد جنبيها بسرعه وقال بقلق _
مالك يا حبيبتي انتي تعباانه ولا ايه؟..

ردت عليه اسمااء ببكاء وقالت _
انا قولت ليك من الاول هكلم امي تيجي تعمل ليا اللي عايزااه وان امك مش بتحبني انت ما صدقتش..

محمد بقلق سالها وقال _
ليه بس بتقولي كده، حصل ايه؟..

ردت عليه اسماء وهي بتكدب _
قولت لمامتك تجيب ليا لبن زي ما قال الدكتور، قامت زعقت فيا وقالتلي محمد مش بيحب اللبن انا مش هجيب، بس لقيتها نزلت جابت وجات تقولي جيبت اللبن عايزه كام معلقة سكر طيب كوبايه كبيره ولا صغيره وفي الاخر زعقت فيا تاني وقالتلي هو انتي فاكره اني الشغاله اللي جابوها ليكي اهلك لو عايزه حاجه قومي اعمليها لنفسك..

باس محمد علي ايدها وقال _
حقك عليا يا حبيبتي انا هتكلم معاها..

اسمااء بخبث _
بص يا حبيبي انت حاسس انها تقيله عليك تيجي ماما وتقول ليها تعملك حاجه، خلي مامتك تعملك انت اللي عايزه وانا هخلي ماما تيجي تخلي بالها مني..

اتنهد محمد بضيق ورد عليها وقال _
اللي يريحك يا حبيبتي، انا هطلع اجهز ليكي الغدا بنفسي وجاي..

اسمااء _
ربنا ما يحرمني منك ابدا يا حبيبي..

طلع محمد وكلمت اسمااء مامتها وقالت _
ايوه يا ماما انا عملت زي ما انتي قولتيلي، يلا بقي ما تتاخريش وتعالي عشان نطفشها واقعد لوحدي في شقتي..

طلع محمد بره ولما شافته مامته قالت _
حمد لله علي سلامتك يا حبيبي اجهز ليك الغدا..

رد عليها محمد بحده وقال _
لا شكرا يا ماما انا هجهز ليا الاكل انا ومراتي لحد ما تيجي حماتي..

سميه بسخريه _
امم هي لحقت تشتكيلك وتطلعني غلطاانه..

محمد بعصبيه زعق فيها وقال _
لا انتي غلطاانه فعلا وانا اللي ما اتربتش عشان طلبت منك حاجه..

سميه بعصبيه _
انت فعلا ما اتربيتش عشان لو كنت متربي ما كنتش تعلي صوتك علي امك كده…

اتنهد محمد بضيق وقال ليها _
اتفضلي لو سمحتي ادخلي اوضتك انا بشوفك بتعصب روحي اوضتك بقي..

_نزلت دموع سميه بحزن وراحت اوضتها، وبعد شويه جات ام اسماء وفضلت تيجي كل يوم تقضي النهار مع بنتها وبتعمل ليها كل حاجه وبالليل تروح، وفي يوم كانو قعدين بيتفرجو علي التلفزيون وطلعت سميه واول ما شافتها اسماء قالت بسخريه..

اسمااء _
بقولك ايه يا حماتي ما تيجي تتحزمي وترقصي وخلينا نضحك شويه..

بصت ليها سميه بغيظ وقالت _
ما انتي لو امك اللي جنبك دي مربياكي ما كنتيش قةلتي كده..

وقفت ام اسمااء وقالت _
جرا ايه يا وليه انتي مش كفايه جايه شايله شيلتك وبنلم وراكي وكمان لسانك طويل وعايز قطعه..

سميه بحده ردت عليها وقالت _
هو في ايه منك ليها هو انتو بتقولو يا شر تعالي اشتر..

اسماء بحده _
لا والله طيب هتسكتي يا ست انتي ولا اكلم ليكي ابنك يجي يتصرف معاكي..

سميه بعصبيه _
وانا هخااف منه ولا ايه، فووقي ده ابني وعمره ما هياذي امه ولا هيعمل اللي انتو عايزينه..

ام اسماء بخبث _
اما نشووف..

_وفعلا كلمت اسمااء محمد اللي جه بسرعه وقال بضيق لمامته..

محمد _
في ايه يا امي هو كل يوم مشكله بسببك انتي ايه عايزه مني ايه مش عايزه تشوفيني مرتاح ليه؟..

بكت سميه وقالت _
بقي انا يا ابني اللي مش عايزه راحتك وداخل تزعق فيا كده، طيب شوف الاول مراتك المحترمه قالت ليا ايه هي وامها..

اسماء بحزن _
بقي دلوقتي هي وامها، امها دي اللي جايه شايله البيت، انا ساكته علي غلطك فيا بس امي مش هسمح ليكي تغلطي فيها..

محمد مسك امه من دراعها جامد وقاال _
انتي ايه اللي طلعك من اوضتك اصلا ما تروحي تقعدي فيها وتريحنا منك..

بكت سميه وقالت بعدم تصديق _
انت بتمد ايدك عليا يا ابني وعشان مين عشان مراتك وامها اللي قاصدين يطفشوني من هنا..

شد محمد مامته من دراعها ودخلها في اوضتها وقال _
كفاايه بقي انتي ايه، ده انا ابنك ليه الشر ده كله ليه عايزه تخربي حياتي حرام عليكي..

_قفل الباب في وشها وهي فضلت تبكي علي اللي عمله فيها ابنها، وبالليل سمعتهم بيضحكو وقاعدين مبسوطين وهي قاعده لوحدها في اوضتها..

اسماء _
بقولك ايه يا ماما ما تخليكي بايته معايا النهارده..

ردت عليها مامتها وقالت _
لا لا انا مش برتاح غير في بيتي وبعدين ابوكي هيزعل، هو جوزك راح فين خليه يجي يوصلني..

اسماء بضيق _
راح يتكلم في الموبيل في البلكونه علي الشغل، يا ماما انا عايزاكي تباتي معايا النهارده ونصحي الصبح ننكد علي الوليه اللي جوه دي..

ام اسمااء بخبث _
لا لا انا همشي وبكره كمان هكون تعباانه ومش هاجيي..

اسماء بحزن _
ليه بس كده يا ماما انتي عارفه اني تعبانه ومحتجالك معايا، وبعدين هتسبيني مع الست دي لوحدي..

ام اسمااء بحقد _
ياا بنت افهمي بكره هيكون اليوم اللي هتخلصي فيه من الوليه اللي جوه دي..

اسماء بحماس سالتها وقالت _
لا انا معاكي في اللي تقولي عليه، بس هنعمل ايه؟..

ام اسمااء بحقد _
انا هقول ليكي تعملي ايه بس تنفذيه زي ما هقولك…

ــــــــــــــــــــــــــــــــــــــــــــــ

_تاني يوم راح محمد الشغل وام اسماء ما جاتش، وقربت اسماء من اوضة حماتها وخبطت عليها وقالت..

اسماء _
يا طنط افتحي لو سمحتي انا عايزه اتكلم معاكي..

فتحت ليها سميه وقالت وعيونها منفوخه من كتر البكا _
عايزه ايه جايه تتبلي عليا بايه تاني؟..

مسكت اسماء ايدها وباستها وقالت _
حقك عليا يا ماما انا اسفه..

سحبت سميه ايدها منها وقالت _
استغفر الله العظيم، روحي يا بنتي من عندي ربنا يصلح حالك..

اسماء ببكاء _
انا عارفه اني جيت عليكي وزعلتك كتير ووقعت بينك وبين محمد، بس والله لما هيجي محمد انا هقول ليه كل حاجه حتي لو طلقني يطلقني المهم اريح ضميري..

سميه بسخريه ـ
يا سلام وايه اللي غيرك كده..

مسحت اسماء دموعها وقالت _
عشان انا كلها كام شهر وهبقي ام، ومش عايزه اللي حصل فيكي يترد فيا، ابوس ايدك سامحيني..

ردت عليها سميه بهدوء وقالت _
حاضر يا بنتي حصل خير وما تقوليش لجوزك حاجه والمسامح كريم..

اسماء بخبث _
طيب تعالي اقعدي معايا نتفرج علي التلفزيون وانا هقوم اعمل ليكي كوباية شاي حلوه..

سميه _
يا بنتي بدل ما تتعبي انتي هقوم انا اعمل..

اسمااء _
لا لا ولا تعب ولا حاجه يا ماما انا الدكتور قالي اقوم اتحرك حركه خفيفه عادي..

_تفكرو اسماء بتخطط لايه؟

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية وحيد أمه)