رواية حكاية زهرة الفصل الخامس 5 بقلم شيماء منير

رواية حكاية زهرة الفصل الخامس 5 بقلم شيماء منير

رواية حكاية زهرة البارت الخامس

رواية حكاية زهرة الجزء الخامس

رواية حكاية زهرة الحلقة الخامسة

زهره كانت واقفه مرتبكه ومكنتش عارفه تعمل ايه تقف والاتتحرك ووتدخل
فاقت على صوت مازن
مازن:مساء الخير
زهره بتوتر وهي ممسكه بحجبها مساء النور
مازن:سوري اني جيت فجاءه بس رنيت كتير على الموبيل كان غير متاح او مقفول تقريبا
زهره وضغطت على شفايفها بارتباك مفيش مشكله ممكن يكون فصل شحن
مازن :احم ..تمام انا كنت جاي اخد جنا عشان اخرجها زي ماكنت موعدها
زهره:ماشي تمام
ثم اكملت بحرج ماشي اتفضل مش هينفع تفضل واقف بره
مازن:مش مشكله هتنظرها وخلاص
زهره بتردد مش هينفع لاني لسه هجهزها وهتاخد وقت
مازن بتردد دخل
زهره دخلت وسابت باب الشقه مفتوح
مازن دخل على الرسيبشن وجنا اول ماشافته جريت عليه وحضنته وهو كمان بادلها الحضن
مازن:وحشتني ياجوجو
جنا:وانت كمان انا فرحانه اووي انك جيت هتخرجني صح؟؟
مازن:ايوه صح يلا بقا قومي اجهزي بسرعه عشان اوديكي اماكن كتير
جنا نزلت من على رجليه
زهره كانت دخلت الاوضه ولبست اسدال صلاه واسع
مازن بصلها باعجاب مش عارف ليه في كل حاله بتجذبه
فاق على صوت جنا يلا ياماما جهزني عشان عمو مازن هيخرجني
زهره ابتسمت لبنتها بحب واخدتها تلبسها
مازن قعد يتفرج على الشقه وانها مرتبه ونطيفه عكس ماكان هو قاعد فيها مكانش بيخلي حاجه في مكانها حتى لما كان بيخلي خليل يبعت حد ينطفها مكانش بردوه بعدها بتفضل حاجه مكانها لا حظ ان كل الاوضه مفتوحه ماعدا الاوضه اللي كان بينام فيها
بص جمبه كان موجود موبيل لون اسود وبزراير وافتكر ان الموبيل دا شافه مع زهره يوم المستشفى مسكه في ايده وضغط عليه كان شكله مقفول حطه مكانه فتح واضح انه بيعلق ومش مظبوط
اتفاجاء بزهره اللي جبتله قهوه
مازن:مكانش في داعي تتعبي نفسك انا كده كده خارج انا وجنا
زهره:انا عملت لحضرتك قهوه وعملتها ساده افتكر ان حضرتك بتحبها كده
ابتسم بخفه وفرح من جواه انها فاكره نوع قهوته
مازن:ماشي شكرا
زهره:على ماحضرتك تشربها تكون جهزت لحضرتك جنا
مازن وهز راسه بالايجاب
زهره واتحركت وراحت على الاوضه اللي فيها جنا وجهزتها
وخرجت بيها
مازن اول ماشاف جنا ابتسم وهي قربت منه وحضانها
مازن:ايه البنوته القمر دي
ابتسمتله جنا ببراءه
بعدها مازن اخدها ونزل
مريم وقفلت باب الشقه
وقعدت لاقت الموبيل بصت كان مقفول مسكته هو عنوطلعت البطاريه وحطيتها تاني اشتغل
زهره وتمتمت طبعا كنت معلق فتحته وحطته جمبها
__________________
في بيت نبيل الصاووي
سوزي كانت قاعده جمب مريم في اوضتها
سوزي:يعني انتي ياحبيبتي موافقه على حسام؟
مريم بخجل:ايوه .ياماما موافقه
سوزي بفرح:ربنا يسعدك يامريم بس اهم حاجه ياحبيبتي تكوني موافقه وعلى اقتناع مش عشان هو بن خالتك دي حياه تانيه.
مريم:بصراحه ياماما حسام شخص كويس ومحترم وعمر معه طول الوقت وبيشكر فيه وكمان انا..
مريم سكتت بتردد
سوزي وقربت منها ووضعت ايدها على كتفها وضمتها ليها قولي ياحبيتي وكمان ايه متخبش على ماما حاجه
مريم بخفوت انا معجبه بيه ياماما
سوزي بابتسامه ماشي ياحبيبتي ربنا يسعدك وتفرح دايما تعرف يامريم انا هطمن عليكي اووي عند خالتك جيهان لاني عارفه انها بتحبك
مريم:وانا كمان بحبها ياماما
سوزي:ربنا يسعدك ياحبيبتي
ثم اكملت يارب عقبال عمر اما افرح بيه
مريم:إن شاء الله ياماما
_________________________
مازن اخد جنا ووداها ملاهي كبيره وفضل يلعب معاها وركب معها معظم الالعاب لحد هي ماقالت كفايه زهقت
خدها واشترلها ايس كريم واي حاجه كانت تشاور عليها يجبهلها على طول
وفي الاخر اخدها محل ملابس اطفال كبير واشترلها حاجات كتير من اختيارها واختياره ودخل محل شوزات واختر بردوه معها
خلصوا كانت الساعه ١٠ مساء
مازن اخدها عشان يروحها لانه حس انها خلاص هتنام منه
ركبها العربيه وعلى طول على العماره
وصلوا عند العماره
وهو نزل نزلها ونزل الحاجه
مازن:انبسطي باجوجو
جنا:اووي ياعمو
مازن وصل عند خليل وطلب منه ياخد جنا ويطلعها بالحاجه فوق عند زهره
زهره كانت قاعده وماسكه الموبيل منتظراهم يجوا او يرن
الموبيل رن وكان مازن
ردت بخفوت ايوه
مازن:ايوه انا بعت جنا مع عم خليل هما هيطلعوا على طول
زهره بفتور وحست انها اضايقت كان نفسها تشوفه ماشي تمام
مازن :تمام
ثم اكمل بتردد زهره متفتحيش بالبيجامه البسي الاسدال
صمت لثوان
فتحت عيونها بدهشه من كلامه مكنتش متوقعه انه يقولها كده
مازن هو كمان استغرب هو قال كده ليه!!!
زهره قطعت الصمت انا اصلا لسه لبسه الاسدال مقلعتوش
مازن :تمام لو عوزتي اي حاجه رني عليا
زهره ردت بسرعه لان وقتها الجرس رن ماشي تمام
قفلوا
وزهره فتحت الباب واخدت جنا من خليل
واتصدمت من الاكياس اللي معها
زهره:ايه دا ياجنا
جنا ببراءه:دي لبس كتير عمو مازن جبهولي
زهره:ليه كده ياجنا اوعي تكوني طلبتي حاجه منه
جنا:ابدا ياماما هو اللى بعد ما خلصنا لعب اخدني وروحنا محل كبير اووي واشترلي لبس
زهره فضلت تبوص على الحاجه ولاقت شوزات كمان
ولاقت حاجه تانيه
لقت علبه وكان موبيل ولاقت في نفس الشنطه كروت شحن رصيد
زهره قالت اكيد نسيهم في الحاجه
جابت الموبيل وقررت ترن عليه….
_______________
في فيلا المنشاوي
كانت تجلس ساره وجيهان في اللايفنج
ساره بملل:طنط هو مازن هيجي امتى هو هيتاخر اكتر من كده
جيهان وكان من جواه صعبان عليها ساره لانها عارفه تفكير ابنها
جيهان بحنان:والله ياحبيبتي مش عارفه اوقات بيتاخر واوقات بيجي بدري
ساره وحركت رجلها بضيق هو ليه مش زي ابيه حسام
بيرجع من بدري وبيفضل هنا
لم تسطيع كبت جيهان كبت ضحكتها
جيهان :ههههههههههههه ساره ياحبيبتي اهدي كده مازن دا ابني اناعمري ما اعرف هو بيفكر في ايه
ساره بضيق:انا عارفه انه غامض..بس ياطنط انا بحبه شايفه احسن واحد
جيهان لسه هترد دخل مازن
مازن:مساء الخير
الاتنين :مساء النور
مازن قعد بإرهاق جمب جيهان وقبل رأسها بحنان عامله ايه ياماما
جيهان بابتسامه كويسه ياحبيبي
مازن موبيله رن
خرج الموبيل واستغرب اما لاقها زهره
مازن عمل الموبيل سايلنت
مازن:انا طالع انام
جيهان:طيب مش هتتعشا
مازن:اكلت
..
ساره:طيب اسهر شويه معانا
مازن ببرود:لا طالع انام تصبحوا على خير
وطلع درجات السلم بسرعه
دخل اوضته ورن على زهره
مازن:الو
زهره :ايوه ..معلش بس حضرتك نسيت موبيل في الحاجه اللي مع جنا
مازن:لا منستوش انا حوطي في خطك وشغليه دا هديه بسيطه مني ليكي
زهره بحرج مش هينفع حضرتك دا شكله غالي وبعدين انا معايا موبيل بتكلم منه وخلاص
مازن بهدوء:يعني هترفضي هديتي؟؟؟
سؤاله الجم لسانها
زهره بتوتر:لا..مش قصدي بس يعني..
قاطعها مازن :زهره تتجوزيني؟؟؟
صدمه كصاعقه نزلت عليها من السماء لم تسطيع التحدث بكلمه واحده
طالت الصمت ربما لدقائق
زهره: حضرتك ا..
مازن:قبل ما اسمع منك اي رد عايز نتقابل ونتكلم الاول شويه
زهره ضغطت على شفايفها بحرج ومكنتش عارفه ترد تقول ايه
مازن:لو مش عايزه اعتبرني مقولتش حاجه
زهره:لا مش بالظبط …تمام وقت ماتحب..
مازن :تمام خلاص بكره هكلمك
زهره:تمام
مازن:تصبحي على خير
زهره :وانت من اهله
_____________________________
الصبح
في فيلا المنشاوي
مازن نزل على الدرج
كان يرتدى قميصا من اللون الاسود ويشمره الى اعلى مرفقه بقليل ويرتدي بنطال جينز من اللون الازرق
ويصفف شعره بعنايه ويضع برفانه الخاصه ويرتدي ساعه يديه
كان الجميع يجلس على مائدة الفطار
اقترب منهم
مازن:صباح الخير
الجميع :صباح النور
اقترب من جيهان وسلم عليها وقبل رأسها وكمان مصطفى
وسلم على اخيه
وجلس بجانب جيهان
جيهان:غريبه صاحي بدري
مازن:عندي في الصاله شغل
ساره:ماتاخدني معاك اتفرج على المكان مشوفتهوش قبل كده
مازن بضيق؛اخدك معايا فين هو انا رايح العب
جيهان ضغطت على ايده انه يهدى
ساره بصتله بضيق وقامت من على الاكل
مصطفى يعتاب:براحه شويه كان ممكن ترفض بطريقه الطف من كده متنساش انها بنت عمتك مش واحده غريبه
جيهان متدخله هو ميقصدوش هو اكيد خايف عليها المكان موجوده في شباب وعمال وطبعا مينفعش تروح معه
حسام وحب يغير الموضوع :بقولك ايه متتاخرش بقا عشان هنروح النهارده بالليل عند عمو نبيل وهنقرإ الفاتحه
مازن بسعاده:بجد الف مبرووك ياحسام
حسام بسعاده هو الاخر الله يبارك فيك..هستناك بقا
مازن وقام وقف واخد رشفه من فنجان قهوه ماشي تمام ..انا همشي عشان اتاخرت
مازن اتحرك ومشي
جيهان طلعت وراه وكان بيركب عربيته
جيهان:مازن استنى
مازن ووقف
جيهان: متتأخرش ولازم تكون موجود معانا بالليل
مازن:إن شاء الله
كانت ساره واقفه في بلكونة اوضتها
مازن:هي مطوله هنا والا ايه؟؟
جيهان:عيب كده دي مهما كان ضيفه وبعدين بردوه دي بنت عمتك وبجد باباك هيزعل دي دي بنت اخته بجد انا لو مكانه وعملت كده مع مريم هزعل
مازن:ماما مفيش مقارنه بينها وبين مريم انتي شايفه مريم عاقله وهاديه ازاي انما دي بجد مش راسيه انا اصلا مبحبش البنت اللي مش راسيه والجنان ركبها دي وكلامها كتير
جيهان بعتاب:عيب بقا دي بنت عمتك وعلى فكره انا بحبها جدا
مازن بضيق خفيف:ياماما زهقت بجد تقعد براحتها بس تحل عن دماغي بشغل العيال بتاعها دا
جيهان وابتسمت بخفه بتحبك يامازن
مازن بضيق خفيف: بتضحكي بجد!! وانا مش بحبها
جيهان:طيب يلا على شغلك مش وقته الكلام
مازن ركب العربيه وطلع على الصاله الرياضيه
________________
في شركة المنشاوي
فتون وخلصت شغل
موظف في الشركه :الشغل دا تمضيه من عند استاذ عمر
فتون:استاذ عمر دا فين؟؟
الموظف: مكتبه في الدور التالت
فتون وطلعت الدور التالت
وسألت عن المكتب
فتون وخبطت على الباب
عمر:ادخل
فتون:السلام عليكم
عمر ورفع وشه
فتون كانت لابسه بنطلون جينز تلجي وبلوزه بيضه قصيره ولابسه حجاب بسيط على شعرها
عمر وحاول مايبصلهاش
عمر بحرج:احم اي خدمه
فتون:انا كنت مخلصه شغل والمطلوب ان حضرتك تمضي عليه
عمر :تمام اتفضلي
فتون دخلت وبتقفل الباب
عمر:سبيه مفتوح بعد اذنك
فتون. سابت الباب وقربت ..اتفضل
عمر:تمام اتفضلي اقعدي
عمر ومسك الورق وبداء يبص فيه
عمر بتساؤل:مين اللي مخلص الشغل دا
فتون بتوتر:انا
عمر:انت شغاله من امتى هنا؟
فتون:من امبارح
عمر:اممم الشغل دا مش مظبوط خودي الشغل دا ظبطيه
فتون وقامت وقفت ايه اللي مش مظبوط فيه
عمر بهدوء:كله
فتون بغضب:لا طبعا انا عامله كويس ومتاكده
عمر وهو مازال جالس وبصلها متاكده من اي اتجاه يا انسه
فتون وعلت صوتها متاكده من كل حاجه على فكره انت قاصد تطلع فيه غلط
عمر ووقف بدهشه قاصد ليه واكله ورثي مثلا
فتون بضيق:انا هروح للمدير وهخليه يشوف شغله معاك
عمر بضيق خفيف:تمام ..واعملي حسابك مش همضى على الورق دا حتى لو اتظبط اللي لما تكون امضة مصطفى بيه عليها
فتون بصتله بضيق
وتمتت بخفوت بيئه
وطلعت
عمر سمعها بس سكت واستحلف جواه
_______________________
كانت تجلس في الرسبشن
تنهدت بتعب هي منامتش من امبارح طول الليل تفكر ومش عارفه هو هيتكلم معها في ايه
فاقت على صوت موبيلها
وكان مازن
فتحت بيد مرتعشه قليلا
زهره بتوتر وظهر في صوتها الوو
مازن بهدوء:صباح الخير
زهره بصوت متشحرج قليلا صباح النور
مازن:مال صوتك انتي تعبانه او حاجه
زهره:احم لا كويسه مفيش حاجه
مازن:تمام .جوجو عامله. ايه؟؟
زهره:كويسه نايمه
مازن:تمام ..هعدي عليكي النهارده الساعه ٥ انتى وجنا تكونوا جاهزين
زهره وفهمت ودا ذادها توتر ماشي ..تمام
مازن وحس بده متوتريش مفيش حاجه مستهله التوتر دا احنا هنتكلم مش اكتر
شعرت بالإحراج :احم ..ماشي
الباب خبط عند مازن
مازن:ادخل
ودخل خالد
ماز* ن شاورله انه يدخل
وخالد دخل ومازن شاورله قعد
مازن لزهره:طيب انا عندي شغل دلوقت هقفل وهبقا اكلمك تاني
زهره:ماشي تمام
مازن:سلام
زهره سلام

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاية زهرة)