رواية ملكت قلبي الفصل التاسع عشر 19 بقلم إيمان أحمد

رواية ملكت قلبي الفصل التاسع عشر 19 بقلم إيمان أحمد

رواية ملكت قلبي البارت التاسع عشر

رواية ملكت قلبي الجزء التاسع عشر

رواية ملكت قلبي الحلقة التاسعة عشر

مديحة بصدمة وتلعثم ان.. انت.. جيت
جريت مديحة على ابنها وحضنته بااشتياق كبير ولهفة فضلت تبوس فيه بشوق ودموعها بتنزل بغزارة
فقد عاد ابنها بعد غربة دامت سنوات لا تصدق حقا انها تراه امام عينيها
مديحة ودموعها نازلة: ياحبيبي يابنى… ياقلب امك يانن عنيها انا مش مصدقة انك رجعت ياروحى انا كنت همو*ت وانت بعيد عنى ياحبيبي
كملت بعتاب: كل دى غيبة يامحمد هونت عليك تسبنى كل ده هانت عليك امك!؟
محمد وهو بيبوس ايدها بحنان: حقك عليا ياماما وادينى رجعت ياست الكل
قال بمرح لمى الل كانت لسة واقفة عند الباب مصدومة
=ايه يامى هتفضلى واقفة مكانك مش هتسلمى على اخوكى هو انا مواحشتكيش ولا ايه!؟
جريت مى على محمد حضنته بحب اخوى ودموعها نازلة
مى بااشتياق: وحشتنى اوى يامحمد متمشيش تانى وتسيبنا
محمد بحنان: حاضر ياحبيبتي معتش فيه سفر تانى
جه واحد ومعاه شنط محمد فقاله محمد باحترام
= تسلم ياعمرو
بعد شوية
مديحة: ومقولتش ليه يابنى انك جاى النهاردة بس
محمد بمرح: قولت اعملهالكم مفاجأة ياماما اومال فين البت مليكة؟
مى: راحت عيد ميلاد واحدة صاحبتها
محمد باابتسامة: البت وحشتنى اوى
كمل بحب وهو بيفكر فى حبيبة قلبه الوحيدة
=بس فى حد تانى وحشنى وهمو*ت واشوفه
مى بمرح: تقصد بابا
محمد باابتسامة: بابا وحشنى طبعا بس اقصد روضة انا مش متخيل فرحتها اما تشوفنى
بصت مى ومديحة لبعض بتوتر
محمد بحب: تعرفى ياماما انا اسعد انسان فى الدنيا اخيرا انا وروضة هنجوز انا هقول لماماتها نكتب الكتاب علطول معتش قادر استحمل بعدها عنى اكتر من كدة ياماما
مديحة باارتباك: اي.. ايوة ياحبيبي
محمد بابتسامة: انا جمعت مبلغ محترم هعمل مشروع هنا فى مصر واشترى شقة محترمة لروضة هخليها تعيش ملكة وكمان هحط لكل واحدة من اخواتى فلوس فى البنك
مى بفرحة وهيا بتحضنه: تسلملى يامحمد انت احسن اخ فى الدنيا
محمد: ماما هيا روضة كويسة اصل بقالى فترة برن عليها مبتردش
حست مديحة باارتباك كبير ومعرفتش تقول ايه
مديحة باارتباك: اص.. اصل..
محمد بقلق: فى ايه ياماما روضة بخير؟؟
مديحة بتلعثم: ما.. ماهو يابنى
مكنتش مديحة عارفة تقوله ايه وهتقولها ازاى؟ ان خطيبته الل سافر عشانها وعاش سنين فى الغربة سابته واتخطبت لواحد غنى
محمد وهو قايم: ماما انتى قلقتينى انا هروح اشوفها
مديحة بلهفة وهيا بتمسك ايده: لا يابنى متروحش دلوقتي
اتأكد ان فى حاجة هما مخبينها عليه
محمد بحدة: لا ياماما انا هروح اشوف روضة انتم مخبيين عنى حاجة ولازم اعرفها
سابهم وراح لبيت روضة وامه ومى طلعوا وراه بيحاولوا يمنعوه بس مقدروش
=انزلى
مليكة بتأفف: انت جايبنا هنا نعمل ايه؟
فهد ببرود: قولتلك انزلى مش هنتكلم فى العربيه
نزلت مليكة بغض*ب وقالت بانفعال: اومال هنتكلم فى الشارع ولا فى البييت
فهد بهدوء: لا انتى هتطلعى زى الشاطرة على بيتكم والتمثيلية بتاعة النهاردة هعتبر انها محصلتش
بصتله مليكة بغض*ب فقال فهد
=يلا على بيتك ولا تحبى آجى اوصلك بنفسى
مليكة باانفعال: انت انسان مستف*ز انا بكره*ك يافهد
ابتسم فهد وقال ببرود
=فى حاجة كمان
بصتله مليكة وهيا بترفع احدى حاجبيها ليقول فهد
=مش عايز اشوفك فى الجامعه الفترة الجاية
بصتله مليكة بصدمة وبعدين قالت بعصب*ية وهيا بتزق فيه بكل قوتها
=وانت مين اصلا عشان تقولي آجى ولا مجيش وبعدين مش عايزنى آجى ليه عشان خاطر حبيبة قلبك ريرى
مسك فهد ايدها وجذبها ليه وقال بهدوء: اعتبريها زى ماتعتبرى ويلا على بيتك
مليكة بغض*ب: وانت كمان امشى من هنا
فهد: انا مش جاى عشانك
كانت مليكة لسة هتتجادل معاه بس لمحت اخوها محمد وكانت بالنسبالها صدمة وهيا مش مصدقة ان ده فعلا اخوها وشافت كمان مديحة ومى كانوا ماشيين وراه بيحاولوا يوقفوه وهو مش سامع ليهم
مليكة بهمس ودموع: محمد
جت تمشى بس فهد مسك ايدها بغيرة
=مين ده؟
مليكة وهيا بتبعد ايده: ابعد ياعم كدة
بالنسبة لمحمد كان راح بيت روضة انصدم اما سمع الزغاريط وشاف ناس طالعه وناس داخلة ولكن كانت الصدمة الاكبر اما وقع نظره على روضة وواحد قاعد جمبها كانت لسة على وشك انها تلبسه الدبلة بس هيا كمان شافت محمد فوقعت الدبلة من ايدها برع*ب
روضة بخوف: مح.. محمد
نوال (والدتها) بهمس وهيا بتميل تجيب الدبلة الل وقعت
=فى ايه يابت اظبطى محمد ايه الل هيجبه هنا
روضة ودموعها نازلة: مح… محمد جه
بصت نوال وبالفعل شافت محمد اما روضة فااستخبت ورى والدتها بخوف شديد وكان خطيبها مستغرب
محمد بصدمة وهو بيقرب عليهم: ايه الل بيحصل هنا ده؟ اكيد.. اكيد ده مش حقيقى
خطيب روضة:انت مين؟؟
محمد بغض*ب: انت الل تبقى مين وايه الل مقعدك جمب روضة
خطيب روضة بغضب: متجبش سيرة روضة على لسانك هو مين ده ياجماعه؟؟
محمد بغضب: انا خطيب روضة ياحيوا*ن
وكان لسة هيضربه بس مسك ايده فهد الل كان وصل هو ومليكة من لحظات
فهد ببرود: انت بتعمل ايه؟

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملكت قلبي)