رواية زوجتي من الجن الفصل السابع 7 بقلم اسماعيل موسى
رواية زوجتي من الجن الفصل السابع 7 بقلم اسماعيل موسى
رواية زوجتي من الجن البارت السابع
رواية زوجتي من الجن الجزء السابع
رواية زوجتي من الجن الحلقة السابعة
همست، انتى مش تسنيم؟
قالت _علشان معرفش كلمة السر يعنى؟ انا ممكن اخترعلك الف كلمة سر وتصدقها
سألتها، مين انتى وعايزة اية؟
امرتنى بنبرة مرعبة ان اواصل سيرى واتوقف عن صنع المشكلات ،صرخت وانا مطمأن بوجود الناس حولى لا انا مش هتحرك من مكانى وابعدى عنى
نزعت الخاتم من يدى وارتديته مرة تانيه، تبخرت المرأه وظل الهر يركض فى محازاتى
استدرت نحو الشقة وانا أكاد اركض، تسنيم فى خطر كان مدخل العمارة فى وجهى وقبل ان اركض نحو السلم سد الهر طريقى، هر اسود بشع يمتلك انياب صدئة
قلت بسم الله الرحمن الرحيم انزاح الهر من طريقى
وجدت باب الشقه مفتوح كما تركته
تسنيم تقاوم خيالات مجهولة ويدها تتحرك بعشوائية
ذكرت اسم الله وما تيسر من سورة الصافات، مكنتش شايف حاجه لكن تسنيم تحررت، شهقت من التعب وكان جسدها متعرق كأنها كانت فى حرب
الحمد لله انك وصلت فى الوقت المناسب يا محمود
الحراس كانو خلاص هياخدونى أرض الجان
صرخت بنبرة متشككه قولى كلمة السر
همست تنسيم قمرى ابدا لن يشرق دونك
اطمأن قلبى، اشعلت لفافة تبغ ورميت جسمى على الأريكه، ثم هسمت بضعف انا مش عارف ايه الى بيحصل؟
أزاى ملاحظتش حاجه؟ مشفتكيش وانتى بتختفى وازاى جنيه تانيه أخدت مكانك بكل سهوله وانا صدقتها؟
هقدر احميكى ازاى؟
دى كانت قوة الجنى الراصد يا محمود والحمد لله جت على خير، الجنى الوحيد إلى يقدر يخلق صورتين طبق الأصل فى وقت واحد من غير ما حد يحس، نسخه مشيت معاك وانا فضلت هنا.
ما فائدة الخاتم إذآ؟
همست تسنيم بخجل انا نسيت ابدل الخاتم من فرحتى بوصول سانتيرا
سانتيرا؟ اه زمانهم قبضو عليها وبتتعذب مش دا الى بيحصل فى عالمكم؟
ردت تسنيم بحزن، انت عالمى يا محمود انا معرفش حاجه عن عالم الجان، كل صلتى بيه والدتى بس
طبعا لازم نبحث عن شقه تانيه وشغل تانى؟
جلست تسنيم جنبى، ارجوك متزعلش، إلى حصل كان غصب عنى
انا شفت هر اسود كان بيعترض طريقى، كان منظرة بشع
وشفته كمان بيركض فى الشارع
اكيد دا مارد من الجان كان متشكل فى هيئة قط لكن انت محمى بالتميمه والخاتم
وما كان لليله ان تنتهى بسلام، بعد رحيلنا أضطررت لحجز غرفه فى فندق
وقبل ان نتمكن من تناول الطعام او حتى الجلوس طرق باب الغرفه
فتحت الباب بغيظ، مشفتش حاجه، لكن سمعت صوت هاديء يقول، لا تفزع واسمح لى بالدخول
قلت بسم الله الرحمن الرحيم، وصلنى الصوت مره اخرى اسمح لى بالدخول انا مجرد رسول ولدى رساله هامه جدا
وصلت تسنيم وقفت جوارى ثم همست سيبه يدخل يا محمود
تنحيت عن الباب ثم سمعت الباب يغلق من تلقاء نفسه
لحظات وتشكل كيان كانت هيئته مقبوله رغم أنها كانت تتغير
جلس على الأريكه، لقد حضرت فى سلام فلا داعى للفزع
صرخت عايز ايه؟
تم القبض على الاميره فانتيرا، وتم احتجازها فى قصر فالكون
يأمر الملك بحضور تسنيم إلى أرض الجان اذا كانت لديها رغبه فى حفظ رقبة والدتها
ترنحت تسنيم وكادت تسقط على الأرض
امى؟ وراحت تنتحب
قلت، تسنيم مش هتسيب بيتها، تسنيم مراتى وملهاش علاقه بعالم الجان
نهض المارد، انا وصلت الرساله والأمر يقع على عاتق تسنيم
ثم اختفى دون تحذير
جعلت تسنيم تبكى وتنوح وتصرخ امى امى!!
قلتلها لو روحتى أرض الجان مش هترجعى تانى، دا فخ نصبه عمك فالكون عايز ينتقم منك ومن والدتك
مقدرش اسيبها هناك يا محمود دى امى
لو روحتى هناك يبقى كل إلى عملناه ضاع من غير فايده
معرفش، معرفش وصرخت تسنيم
كنت منفعل جدا وصرخت، ايه فايدة جوازنا لو الموضوع هيخلص كده
مسكت تسنيم ايدى برقه، لازم اروح يا محمود لازم
تابعت تسنيم وهى تبدل ملابسها بملابس غريبه وضعت وشم على جبهتها
وقبل ان تختفى قالت انت هتكون معايا هناك، نصف الخاتم فى يدك
اي حاجه هتحصل معايا هتحس بيها
قلت باستسلام طيب انتى هتروحى هناك ازاى؟
همست الرسول لسه مستنى هنا ومشت تجاه الحمام
مشيت خلفها انفتح باب الحمام وودعتنى تسنيم بنظره من عيونها قبل أن تختفى
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية زوجتي من الجن)