رواية انا والظابط الفصل الأول 1 بقلم منة ممدوح

رواية انا والظابط الفصل الأول 1 بقلم منة ممدوح

رواية انا والظابط البارت الأول

رواية انا والظابط الجزء الأول

رواية انا والظابط الحلقة الأولى

كانت طالعه من بوابة الجامعه مركزه في الفون ومش منتبهه للتجمع الغريب اللي قدامها… وفجأة لقت حد هجم عليها وثبتها بالس*كينه علي رقبتها..
ثواني مرت بتستوعب الموقف لقت ناس كتير متجمعه و قوات الشرطه واقفه بتبعد التجمع..
ومجموعة موجهين سلاح للشخص اللي ماسكها..
الظابط: بهدوء..سيبها أفضل ليك أنت كده كده هتتسجن متلبسش نفسك جريمه تانيه..
الشخص اللي ماسكها: امنوا لياا طريق للهروب وأنا مش هأذيها..
البنت ببرود: تب بالله عليك أنا ذنب أهلي أيه علشان تثبتني التثبيته دي هااا..؟
هو:قرب الس*كينه أكتر لرقبتهاا وبتهدييد..بس أخرسي مسمعش صوتك وإلا هقتلك..
البنت بمزاح: أولاً كده لو قتلتني هتموت لاما من الظابط القمرر اللي موجهلك السلاح ده أو هيتقبض عليك وهتتعدم برضو…وبعدين أنت سيب كل التجمع ده وجاي تمسك في العبد لله ولا هو المنحوس منحوس وخلاص.
الشخص: بس بس مش عايز أسمع صوتك.. وأنت.
وأشار للضابط أمنلي طريق للهروب وإلا…
وضغط بالس*كينه على رقبتها..
البنت: تب وليه قلت الأدب دي طيب..يعني مش كفايه أم الذنب اللي اتنيلته بسبب التلامس وكمان عايز تعورني..
وبعدين يا أعمي النظر بص للبنات حواليك كده هتلاقي نصهم عملين الطرحه زي أستاذ أمير كراره في مسلسل نسل الأغراب..
بم تفسر كلامي بقاا هيبقي سهل عليك قطع زمارة رقبتهم اللي باينه دي..
لا إزاي سيبتهم كلهم وجاي تمسك في رقبت قرمط..؟
ولو خدت بالك من الموضوع ف الخمار ده مستورد يعني قماشه متغيرش لون ولا تتقطع بسهوله دا أنت من هنا لما تخلص قطع الخمار علشان توصل للرقبه هيكون اتقبض عليك والله..
الشخص اللي ماسكها بصلها بأستغراب… أنتي عبيطه يابت أنتي ولا أيه ؟
واحد مثبتك بالسكينه علي رقبتك وبيهددك بالقتل والناس كلها خافت وتراجعت و انتي بتكلميني عن قماش الخمار لا وكمان جيلك نفس تهزري يا قادره..؟
الظابط: وهو بيقرب بهدوء..سلمها أفضل ليك صدقني كل اللي بتعمله ده مش هيفيدك..
البنت: أنا لو منك أسمع كلامه
الشخص: بزعيق و غضب…بس أسكتي وانت أمنلي طريق وشد البنت ليه أكتر..
البنت: بغضب…مخلاص بقاا الموضوع مش مستحمل غتاتت وتلزيق أهلك مجرم أنت ولا متحرش…رفعت دراعها وخبطته في بطنه بكوعها وخف احكامه علي رقبتها.
رجعت رجلها لورا رجله وهوب راحت مشقلباه علي ظهره..
الظابط: للقوات بسرعه أقبضوو عليه..
مسكته قوات الأمن و خدته للبوكس وكل ده وهو مش مستوعب اللي حصله وإن البنت ده قدرت توقع شخص في جسمه الوقعه دي..
البنت: بتعدل هدومها و حجابها وهي مش منتبهه بتكلم نفسها بصوت عالي…
أبو تقل دم أهلك يا جدع بوظت ام الخمار كان لازمتها أيه البهدله دي..
بصتله بغيظ و العساكر سحبينه نحيت البوكس..كان لازم تعمل فيها جاكي شان ما كنت سلمت نفسك بهدوء أحسن..
الشخص: لسه باصصلها بصدمه ومش مستوعب اللي حصل.
البنت: بأنتباه لملامحه..يا دستوفنكلي..يخربيت حلاوة أهلك..بس للأسف الحلو ميكملش..
حلو و مجرم.. أستغفر الله العظيم.
الظابط: بضحك ههههه..الف حمدلله علي سلامتك يا أنسه أنا أسف للموقف اللي حصلك بسببنا ده بس للأسف إحنا لماا هجمنا عليه وعلي عصابته باغتنا وهرب و لما كنا هنمسكه حصل اللي حصل..
البنت بجديه : ولا يهمك يا حضرت الظابط..
بنت تانيه جايه تجري عليهم من بعيد وبتبكي ميرا حبيبتي حصلك أيه انتي بخير أنتي كويسه..؟
ميرا: بضحك..حيلك حيلك يا بنتي أنا كويسه أنتي متعرفيش أختك ولا أيه ؟
البنت: ببكاء بقي يا جموسة أسيبك تروحي لوحدك في يوم كنتي هتموتي..اااععععععع ورمت نفسها في أحضانها وفضلت تبكي..
ميرا:بأبتسامه..لا بقولك أيه مش هي دي مني اللي أعرفها.
مني وبتعيط في جمله واحده.. لا ده حمار عم فرج هيموت يا جدعان..
مني:بضحك..والله عم فرج لو سمعك هيقتلك..
ميرا: بمزاح..خلاص خلصتي فقرت العايط أوعي بقاا بطلي تلزيق ع أبو شكلك بوظتي الدرس مش كفايه المجرم الغبي اللي كان ماسكني من شويه..
مني:بضحكه جميله خطفت قلب اللي واقف معاهم…وانتي متتوصيش كسرتي ظهر المجرم الغبي ده
ميرا: بأستغراب..الاااه تب وانتي عرفتي أزاي يابت أنتي مش لسه جايه ؟
مني: بضحك…بصي حوليكي يا روحي انتي بقيتي ترند البلد كلها كانت بتصورك و بث مباشر كمان
ميرا: بهزار..يا فضحتك يا قرمط الحج الدهشوري هيقيم عليك الحد..
مني:بهزار…ربنا معاكي يا قلبي الحج المره دي هيطخك عيرين في نفوخك ويخلص
الظابط: احم احم…لو مفيهاش تطفل يعني هو اللي حصل ده هيسببلك مشاكل ؟
ميرا: بجديه..لا ولا مشاكل ولا حاجه يا حضرت الظابط…ليه بتقول كده..؟
الظابط: لأن الانسه مني من شويه قالت في حد هيضربك بالنار وكده..
ميرا: بضحك.. أنت صدقت كلام مني ..؟
وبعدين أحنا بنهزر عادي و الحج الدهشوري ده والدي عادي
الظابط: بابتسامة جميله سرقت قلب إحداهم..
تمام يا أنسه ميرا اتمني منكونش سببنالك مشاكل و ل تاني مره أنا أسف علي اللي حصل.
ميرا: ولا. يهمك يا حضرت الظابط و الحمد لله أنها عدت علي خير.
الظابط: ياسر…أسمي ياسر القحطاني.
ميرا: تشرفنا يا ياسر باشا …بعد أذنك..وشدت مني اللي مش منتبهه علي حاجه و مشيت..
وصلوا الشقه بتاعتهم و مني لسه سرحانه..
ميرا: حلو صح ؟
مني: بهيام .. حلو بس ده قمر..
ميرا: بمزاح..تفتكري يقرب ل إبراهيم العرجاني..؟
مني: بأستغراب…اشمعنا ؟
ميرا: القحطاني و العرجاني ههههههههههههه
مني: أبو تقل دمك فصلتيني يا…دي رنة فونك ؟
ميرا: ايوه…يلهوتي يا خرابي الحجه بتتصل يا موني الحقيني اكيد عرفوو اللي حصل يا فضحتك يا قرمط ابا الحج العمده هيطوخني عيرين..
مني: بضحك…خلاص ههههه هموت يخرب عقلك.
ردي عليها بهدوء شوفي عرفت ولا لا ؟
ميرا: اشطااا..الوو يا ريري يا حبيبة قلبي اللي وحشاني
ميار: بعيداً عن وصلت الغرام دي كلها يا قلب ريري أديني البت موني..
ميرا: بغيظ ..نعم يا حجه انتي متصله تقوليلي اديني موني..صحيح مفيش حنيه بعد حنية الأم يا مرات أبويا..
ميار:خلاص يا ميرو يا قلبي افتحي الاسبيكر وانتي تعرفي أنا عيزاها ليه..
مني:بشك.. مش متطمنه للنبره دي يا ميار حصل أيه ؟
ميار:بزعيق.. أمك لو مرجعتش الفستان الأسود بتاعي هدخل اوضتك أخد الشنطه الجديده اللي انتي جيباها يا موني
مني:بفزع…لا يا ميار وحيات عيالك أنا دافعه فيها تحويشة عمري حرام عليكي
ميار: خودي أمك معاكي وخليها ترجعلي فستاني اسيبلك شنطتك.
مني: بمسكنه..الوو ايوه يا ماما ابوس إيدك سيبي فستان ميار خليها تسيب شنطتي
منه: وأنا مالي هي هتاخد شنطتك مش شنطتي
مني: تب يا حبيبتي اديها الفستان و أنا هجيبلك الفستان اللي كنتي شوفتيه ع النت وانا نازلة إجازه.
ميرا: أيدها فستانها يا نونه وأنا هجيبلك فستان علي زوقي وانتي عارفه زوقي بيعجب المستشار إزاي ولا أيه ؟
منه: باقتناع..عشان خاطرك انتي بس يا ميرو قلبي بس هتنزلوا إجازه أمتاا؟
ميرا: يومين وهنخلص إمتحاناتنا وننزل يا حبيبتي متقلقيش
مني: ايون وجهزوا الولائم و المحمر و المشمر لأن طبخ ميرو جابلي تلبك معوي
ميرا: تب سلام يا حبايبي أنتو الوقتي أم أشوف البشمهندسه موني بتقول أيه؟ وفصلت المكالمه.
مني: بهزر والله يا رمضان إيه مبتهزرش ؟
ميرا: لا بهزر يا روحي بس بأيدي..
مني: إستهدي بالله بس يا ميرو يا قلبي أنتي بتشمري ليه…ااااه تب قبل ما تضربي فكري هنحل مشكلتنا إزاي ؟
ميرا: بتفكير ايوه صح كلها يومين وهننزل البلد مش عايزين ميار و منه يعرفو حاجه إلا لما نوصل ونحكيلهم بنفسنا علشان ميقلقوش.
مني: أيه رايك نقول للعمده وهو يتصرف؟
ميرا: بتفكير..لا دهشوري لا دا ممكن يقلب القاهره عاليها واطيها و يهد الجامعه علي دماغ اللي خلفوكي
مني: تب و الحل نكلم المستشار ؟
ميرا: بتفكير ولا أبويا ولا أبوكي انتي عارفه مين اللي هيحلها ؟
مني: مين يا سيد المعلمين ؟
ميرا: فرج
مني: أزاي..؟
ميرا: بغمزه هتشوفي..
الوو أيوه يا فرج يا حبيب الروح و العقل والأمعاء
فرج:هههههه.. بااه عليكي يا مهفوفه اتوحشتيني جوي
ميرا: وأنا والله اتوحشتك جوي جوي يا أبو الفراريج
فرج: أبو الفراريج مره واحده يبقي عملتي مصيبه و جايه تلبسيهالي..
ميرا: أنا يا فرريجو عيب عليك والله دا انت عشرة عمر يا راجل يا عجوز
فرج: عجوز في عينك يا قليلة الحيااا أنا لسه شباب
ميرا: شباب ايه يا فرج انت خلصت عقدك التمنين يا راجل
فرج: تمنين في عينك أنا لسه مخلصتش الاربعين يا بجره
ميرا: ولا التلاتين وحياتك يا فروجتي بص بقاا يا سيدي أنا جيالك ورقبتي قد السمسمه قد كدهون يعني…الموضوع يا سيدي إن حصل …………..
و بس يا فروجتي ف أنا عيزاك تركب حمارك القمرر وتطلع علي السرايه بتاعتنا تلف عند البوابه الورانيه من عند شجرة المانجا و تقطع سلك الراوتر بتاعنا وياريت لو تفضل قاطعه لحد أما اجي أنا و البجره التانيه و أوعااا الغفرر يشفوك يا فروجتي..
فرج: حلوو الكلام إعتبريه حصل بس إيه المجابل ؟
ميرا:بغيظ… حاضر يا فروجتي هجيبلك الشكولاته اللي فوزيه بتحبها علشان تهديهالها حاضر
فرج: ماشي..اقفلي انتي بقا واني هروح انفذ
ميرا: والله مبحبكش من فراغ يا فروجتي..
مني:ههههه.. تسلم دماغك يا سيد المعلمين
ميرا: تب قومي إعملينا شوية سندوتشات و كوبيتين قهوه علشان نذاكر بقاا
مني:بأعتراض..لا أنا عملت إمبارح انهرده دورك يا بت
ميرا: هتقومي ولا نراجع الكلام اللي كنتي بتقوليه ل ميار و منه في الفون ؟
مني: هقوم هقوم…ربنا ع الظالم و المفتري يارب
في مكان تاني خالص
___________________________
ياسر: هتعترف يلااا ولا لا ؟
المجرم: مش هعترف بحاجه ولا هقول حاجه و لا أعرف حاجه
شخص أخر عنك أنت يا ياسر..
تعلالي بقاا يا روح أمك أنت هتقول مين اللي مشغلك يلاا ولا لا ؟
المجرم:بخوف من الشخص المرعب الذي يقف أمامه…والله معرف حاجه يا باشا
الشخص: يشمر أكمام قميصه بهدوء مرعب وبنبره مخيفه..تمام إنت اللي جبته لنفسك و مسك المجرم من ياقته وفضل يكيل له اللكمات بغضب شديد.
المجرم: بتعب خلاص خلاص هعترف يا باشا هعترف والله بس كفايه
الشخص: وهو يجلس علي الكرسي الذي يوجد في تلك الغرفة المظلمه الا وهي غرفة الاستجواب…بكل برود ولا كأنه كاد يقتل شخص منذ دقائق..
احكيلي كل حاجه.
المجرم:أنا بشتغل تبع المعلم جابر اللي إنتو هجمتو علي مخازنه إنهرده وانا كنت الدراع اليمين بتاعه وكل البضاعه اللي بتتوزع في البلد كانت بتتم بأمره هو بس بعد ما أنتو قتلتوه الموضوع لسه منتهاش..
ياسر: تقصد أيه بالكلام ده ما احنا قبضنا علي البضاعه كلها و قتلناه هو ورجالته كلها؟
المجرم: بتعب…لا يا باشا أنتو ناهيتو جابر بس لسه الرأس الكبيره جابر ده مجرد راجل من رجالته هو اه كان أهم راجل عنده بس مش هيفرق لأن الرأس الكبيره ده راجل أعمال معروف و مشهور في البلد كلها ولا يمكن حد يصدق عليه إنه يمشي في طريق المخدرات ده لأنه قدام الناس الملاك اللي بيعمل أعمل خيريه أكتر ما بيتنفس..
الشخص: ببرود.. تقصد مين؟
المجرم: صالح المغربي يا باشا
ياسر: بصدمه..صالح المغربي أكبر مستثمرين البلد صاحب الملاجئ و دور الرعايه و المستشفيات الخيرية ؟
المجرم: بوجع..شوفت مش قولتلك يا باشا
الشخص: وايه اللي يسبتلنا إن كلامك ده حقيقي وأنك مش كداب وبتلف و تدور علينا ..؟
المجرم: الموت يا باشا…أنا هموت
ياسر: بأستغراب.. تقصد أيه هتموت إزاي وأنت في حمايتنا؟
المجرم: صالح المغربي يا باشا بيحقناا ب حقن سم غريبه بتتفاعل مع الموجات الدماغيه بحيث إننا لو جبنا سيرته نموت في وقتها.
ياسر: بصدمه..بس الكلام ده خيال مستحيل يبقي حقيقه..
المجرم: لا حقيقه يا باشا..كح كح.. وفضل يرجع دم بطريقه مرعبه..
الشخص: وأيه اللي خلاك تتكلم وتعترف عليه؟
المجرم: أنا كده كده هموت ياباشا سواء هنا أو في أي مكان مش هيسبوني في حالي..اااه
أمي أمي يا باشا…ومات
الشخص: لم الدور يا ياسر واللي اتقال هنا مش يطلع برا وتجيبلي كل المعلومات عن صالح المغربي وتكون عندي علي المكتب بكره الصبح وأنا هتولي الموضوع و شوفلي عنوان أم الواد ده فين؟
ياسر: بابتسامة…طول عمرك طيب يا صاحبي.
الشخص: تب سلام أنا بقاا لأني منمتش من يوم ما مسكت القضيه الغمم دي
ياسر: بضحك…سلام
في الصباح ..
ميرا: اقفلي باب الشقه بسرعه يا موني هنتاخر علي الإمتحان ياوليه
مني: أجري يا مجدي…يعني كان ايه لازمتها الساعه اللي نمناها وأخرتنا دي ؟
ميرا: والله يابنتي معرفش بس اللي أعرفه إننا من يوم مدخلنا الكليه الغمم دي منمناش
مني: هي العيال دي بتبصلنا كده ليه ابت يا ميروو ؟
ميرا: والله معرفش يا اوختي..يلا ندخل الامتحان الأول وبعدين نشوف
مني :………….
ميرا: ينهار أبوكو أسوح………

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية انا والظابط)