رواية جريمة في عمارة 9 الفصل الثالث 3 بقلم سما أحمد

رواية جريمة في عمارة 9 الفصل الثالث 3 بقلم سما أحمد

رواية جريمة في عمارة 9 البارت الثالث

رواية جريمة في عمارة 9 الجزء الثالث

رواية جريمة في عمارة 9 الحلقة الثالثة

في وسط صدمة الكل من كلام مدام ليلي واللي هيا بتقوله
مدام ليلي: بسببك مفيش مستشفى رديت تعيني بسببك انت ناس كتير ماتت انت جاي تشهد في قضية بنتي انت السبب مش هسيبك
سليم بغضب: جرا ايه انتوا فاكرين نفسكم في الشارع احنا في المديرية احترموا المكان بدل ما احطكم في الحجز
وفجأة مدام ليلي وقعت من طولها وسط صدمة الكل
وقتها سليم ساند مدام ليلي ودخل بها الاوضة وطلب دكتور وطلب من عمر يفضل معاها لحد ما يخلص تحقيق ويجي
وقتها عمر حب يستغل الفرصة ويسأل سما يمكن يطلع بمعلومات
عمر: هيا اختك تقصد اي بحكاية أنه هو السبب في طردها
سما: كل الي اعرفه ان الإدارة اتهمتها أنها بتدخل أدوية مغشوشة المستشفى وأنهم مشوها بسبب كده ولما قررت تشتغل في مستشفى تانية عرفت أن المدير استغل نفوذه وبسبب كده مفيش مستشفى قبلتها
عمر: طب اختك اتعمل معاها تحقيق
سما: لا هيا قالت إنها اترفضت علي طول
وقتها عمر استغرب أن ازاي مفيش تحقيق ولا حتي محضر بكده و ازاي هي سكتت عن حقها بالسهولة دي
✨✨✨✨✨✨✨✨✨✨
عمر اتفضل يا استاذ حسين هكمل التحقيق معاك بعد المدير
دخلوا يابني
فعلا دخل مدير المستشفى استاذ ضاحي ابراهيم محمد سعفان دخل سلم البطاقة
سليم: اسمك وسنك وعنوانك ومهنتك
مدير المستشفى: استاذ ضاحي ابراهيم محمد سعفان مدير مستشفى**** عندي ٦٥ سنة، ساكن في التجمع الخامس
سليم: ممكن اعرف سبب طرد مدام ليلي من المستشفى وهل كان في عداء بينها وبين حد في المستشفى
مدير المستشفى: طردتها لاني شكيت فيها هي ست مش محترمه بتحب تدخل أدوية مغشوشة المستشفى وبسببها ناس كتير ماتت حسبي الله ونعم الوكيل
سليم: طب لي تتهمك بكلام زي ده
مدير المستشفى: عشان عايزة تبين للناس أنها مظلومة لما طردتها
سليم بشك: ممكن اشوف الادوية دي لو معاك نعرضها علي الطب الشرعي ونشوف
مدير المستشفى: لا هيا مش معايا انا حرقتها فور طردتها
وقتها سليم حس أن في حاجة غلط ازاي في ناس ماتت و ازاي هو بيقول أنه حرقها فور طردها
سليم: بس حضرتك لسة قايل انها موتت ناس كتير هو اللي مات ده مات بعد ما طردتها ولا قبلها يعني دلوقتي مدام ليلي مجرمة من قبل ولا بعد
وقتها مدير المستشفى اتوتر وبدأ يعرق
مدير المستشفى: مش فاكر يا باشا هيا مطرودة من زمان من حوالي سنتين ونصف كده
سليم: يعني فاكر هيا عملت اي وحضرتك طردتها لي بس مش فاكر الميعاد ؟ ،مش غريبة شوية دي
مدير المستشفى: لا مش غريبة انا عندي حاجات مهمة عنها انا بس عاقبتها انا مخلتهاش تتهنا بشغل في اي مستشفى
سليم حس وقتها أن المدير ده وراه سر كبير لازم يتكشف
سليم: انت كمان فاكر دي يعني فاكر كل ده ومش فاكر الادوية فين
مدير المستشفى: لا يا باشا مش فاكر
سليم: طب اي رأيك في كلام مدام ليلي برا انها تقول انك السبب في موت بنتها
مدير المستشفى: ظلم و افتراء مش حقيقي انا اقتل عيلة صغيرة حرام عليك يا باشا
سليم: حرام عليا لي أنا مالي ده كلامها هيا
مدير المستشفى: يا باشا انا مش هرد علي واحدة شمال زي دي جوزها اتوفي بعد خمس شهور وربنا عالم بقي كانت بتعمل اي بعد ما توفي يلا ربنا يسترها علي بناتنا
وقتها جه غضب شديد جوا سليم من كلام المدير علي ليلي بس حاول يبان طبيعي
سليم طيب امضي علي اقوالك واتفضل وهيبقي لينا مقابلة تاني مع بعض لسة التحقيق شغال
مضي وطلع وسليم بيتوعد لي
دخل العسكري يبلغ سليم أن الدكتور وصل
✨✨✨✨✨✨✨✨✨✨✨✨
عند عمر
طمني يا دكتور حصل اي
الدكتور: حصلها صدمة شديدة جداً للاسف خليتها تفقد النطق مؤقتاً
وسط صدمة الكل علي كلام الدكتور لان مدام ليلي هيا أهم شاهد في القضية
سليم: طب يا دكتور مفيش حل
الدكتور: هي محتاجة ترتاح وتاخد الدوا بإستمرار في ظرف اسبوعين كد احتمال حالتها تتحسن لو لا يبقي لازم تروح مصحة نفسية عشان يتابعوا معاها ربنا يقومها بالسلامه عن اذنكم
طلع الدكتور وسط صدمة الكل ومش عارفين يعملوا اي
سليم خد عمر ودخلوا المكتب ومش عارفين هيعملوا اي
عمر: هنتصرف ازاي
سليم: انا عايز ندخلها المكتب بتاعك وحط حراسة هناك دي لازم تفضل هنا لحد ما نستجوبها كمان عايز مراقبة لمدير المستشفى ده مراقبة ٢٤ ساعة ميغبش علي عينك لحظة
عمر : مكتبي و مراقبة انت ناوي علي اي بظبط
سليم بثقة عالية: ناوي اقفل القضية دي بس شكلها كده هتفتح باب قواضي كتير
ساعتها سمع العسكري بيخبط وقال : تمام يا فندم في واحد بيقول برا أنه جار مدام ليلي لازم يقابل حضرتك ضروري
سليم:دخلوا
دخل استاذ فؤاد وحط البطاقة قصاد عمر وسليم
سليم: اسمك وسنك وعنوانك ومهنتك
استاذ فؤاد كامل محمود سعد عندي ٥٠ سنه صاحب محل عطارة ساكن في المعادي
سليم: خير انت قولت انك عايزيني
استاذ فؤاد طلع التلفون و ورا الفيديو لعمر وسليم الي اتخضوا وقتها شك سليم اتأكد ١٠٠ في ١٠٠
عمر بص لي اخوه وفهم أنه شاكك في حد
عمر : شاكك في مين ؟
سليم: انا عايز سجل بكل الادوية اللي دخلت مصر اخر فترة وعايز مراقبة علي مستشفى الي كانت شغالة فيها مدام ليلي
عمر : تحت امرك يا سليم
✨✨✨✨✨✨✨✨✨✨✨✨
عند سما و ليلي
سما: ليلي حاولي تتكلمي معايا يا ليلي
فضلت تضرب فيها وعينها دموع وتضرب فيها ولما بصت ليلي في عين سما ،سما افتكرت اليوم المشؤؤم
سما: بلاش يا ليلي انا مش عايزة افتكره بلاش تبصيلي البصة دي صدقيني حق مي هيتجاب بس عشان خاطري ردي عليا
ليلي …….
سما: طب اعملي اي حاجه طمنيني عليكي
ليلي ثابتة كأنها تمثال
سما: طب عشان خاطر مي ردي عليا
ليلي: بصوت واطي شبه مسموع وعينيها منهارة حرفيا وعقلها مش متسوعب كل ده
ليلي: ياريتني وافقت كان زمانها جنبي
سما…….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية جريمة في عمارة 9)