رواية بنت السايس الفصل الثالث 3 بقلم زهرة الربيع

رواية بنت السايس الفصل الثالث 3 بقلم زهرة الربيع

رواية بنت السايس البارت الثالث

رواية بنت السايس الجزء الثالث

رواية بنت السايس الحلقة الثالثة

_جاسر قال بحزم… بقول لك غيري هنا …خالتك قالت ان ابنها زمانه على وصول ومينفعش يشوفك وانتي طالعه من الحمام وكل خد عليه خوخه…وبصلها بوقاحه وقال..انا بس بحب الخوخ وميل عليها
لؤلؤ بعدت وجاسر قال….قصدي يعني انا راجل وعندي دم وماقبلش بكده اصلي بغير اوي
لؤلؤ قالت… بس انا هلبس بيجامه
جاسر قال بغضب.. ولا يشوفك بالبيجامه خلصنا
لؤلؤ ضربت رجلها في الارض بغيظ وقالت… انت بتقول ايه انا مش هقدر اغير هنا قدامك انت مجنون
جاسر شدها بقوه وقال… يبقى انتي عايزاني انا اساعدك
قالت بسرعه…خلاص خلاص هغير لوحدي والنبي
جاسر سابها ومسكت البيجامه بتوتر وقالت… طب..طب بقول لك ايه هاخد العبايه والبس البيجامه والبس فوقها العبايه ولما ادخل هنا اقلع العبايه قلت ايه
جاسر قال ببرود …. لا هتغيري هنا وكل ما تخلصي نفسك اسرع كل ما يكون احسن ليكي بدل ما بتضيعي وقت
لؤلؤه اتغاظت جدا وقالت… ماشي… بس تحافظ على نفسك وتخليك واقف مكانك بدل ما اعملك فضيحه زي الي عملتها في القصر سمعت
جاسر ضحك وقال… لا ما تخافيش انا مش مراهق عشان اريل عليكي لما تقل،،عي
لؤلؤ ابتسمت بسخريه وبدأت تلبس
جاسر اول ما شافها ارتبك وثبت نظراته عليها ووقف وقرب منها
لؤلؤ ارتبكت من نظراته وقالت بتوتر. في ايه خليك مكانك احنا متفقين و
بس شهقت لما شدها عليه وهو بيبص لملامحها باعجاب وقال…ايه يا بت الجمال والجنان ده …جمالك نار وعودك دمار وانا داخل الحرب دي يا قاتل يا مقتول …وقرب منها في لحظه جميله اتمناها
لؤلؤ كانت واقفه متجمده مكانها بين ايديه زي التمثال
جاسر بصلها لقى عيونها مفتوحين على اخرهم قال باستغراب …مالك يا بت عامله زي ما تكون اول مره
لؤلؤه كانت فاتحه عينيها على اخرهم وحست بدوخه وبصيت له وقالت….انت عملت فيا ايه …انا دايخه
جاسر سندها بسرعه بين ايديه وضحك وقال.. امسكي نفسك امال …احنا يا دوب بنسخن
لؤلؤ دفعته بغضب وبعدت وقال …. خليك بعيد عني يا جدع انت وياك تكرر اللي عملته ده تاني.. …وانا من هنا ورايح هغير في الحمام وانت ملكش حكم عليا …..وراحت على السرير عشان تنام
جاسر ضحك على ارتباكها وقعد على السرير وقال… بت يا لؤلؤ لكن ليه حسيت اني اول واحد يقربلك كده….ايه هو اللي احتل القلعه قبل كده نزل ببراشوت على طول ولا ايه
لؤلؤ بصتلو بضيق وقالت….باراشوت ايه وقلعة ايه مش فاهمه حاجه
جاسر قال بضيق…قصدي ابو المحروس اللي في بطنك معقوله مكانش بيعمل كده …ولا حتى بين الشوطين
لؤلؤ اتنهدت بضيق شديد وقال.. اللهم طولك يا روح… قلت لك انا مش حامل ..انا مش حامل اغنيها
جاسر ابتسم ونام جنبها على السرير وقال… طب هسالك سؤال تاني… هو احمد ولا واحد غيره
لؤلؤ التفتتلو بغيظ وقالت… شايف نفسك ايه وانت بتسال مراتك الاسئله دي
جاسر قال… عادي في النهايه الي حصل مش بعتبره جواز وانا هطلقك
لؤلؤ قالت بضيق…طيب بما اننا هنطلق وما فيش ما بينا اي حاجه مش مضطره اجاوبك ولا من حقك تسأل اصلا …انا تعبانه وعايزه انام
و بصت بعيد عنه ونامت
جاسر ابتسم و نام جنبها وسبتها وشدها عليه وقال.. خلينا ننام كده النومه دي مريحه اوي هتحبيها
لؤلؤ حاولت تبعد وقالت…لا مش حباها خالص
جاسر قرب وقال …هتحبيها وتنامي كده ساده ولا نزعل بعض
لؤلؤ قالت بسرعه…. انا نمت اصلا
جاسر ضحك وفضل يبصلها لحد ما راح هو كمان في النوم بارتاح شديد رغم ان لا السرير ولا المرتبه مريحين زي اللي في قصرهم لاكن كان حاسس باحساس جميل قوي وهو معاها
بعد ساعات الباب بقى يخبط جامد وصحيو مفزوعين على الصوت
لؤلؤ قالت… ايه ده في ايه مين بيخبط كده
جاسر لسه هيتكلم يمعو اللي بيخبط على الباب كانه بيطبل عليه وبيقول…. لؤلؤ حبيبة قلبي.. لؤلؤتي افتحي اصحي يا بنت وحشتيني
جاسر بصلها بضيق وقال….شكلو حبيب القلب وصل
لؤلؤ بصتلو بخوف وقالت…. ده ما يعرفش بوجودك خالتي هتخاف ما تقول له
جاسر بص لها بضيق وقال…وايه المطلوب يعني
لؤلؤ قالت برجاء .. والنبي تستخبى …ادخل في الدولاب لحد ما اكلمو
جاسر بص لها بزهول وقال…. نعم يا اختي.. ادخل فين
لؤلؤ قالت بخوف ورجاء…. بس على بال ما اقوله والنبي…لو دخل وشافك معايا كده هيرتكب جنايه
جاسر قال بغضب…. على نفسه ياما …هيقدر يعمل ايه يعني
احمد قال من بره…. ايه الصوت اللي عندك ده يا لؤلؤ
لؤلؤ قالت بسرعه ….ده التلفزيون يا احمد.. بس هلبس وافتح لك حالا …وبصت لجاسر وقالت ….والنبي بقى
جاسر اتنهد بخنقه وقال… لما اشوف اخرتها…ودخل في الدولاب وهو متغاظ جدا وقفلت عليه..و لبست عبايتها… وفتحتلو
احمد قال بسعاده …ازيك يا قلبي وحشتيني يا حبيبتي
لؤلؤ قالت بارتباك…. انت اكثر يا احمد جيت بدري يعني
احمد قال بسعاده … من بختي من حظي الحلو …ليه مقولتليش انك جايه كنت استنتك على المحطه
لؤلؤ قالت بارتباك .. حبيت اعملها لك مفاجاه
احمد ابتسم وقال ….واجمل مفاجاه قولي بقى….معاكي كام علشان حط الفلوس على بعضها ونكمل تجهيز في الشقه ونتلم بقى و نتجوز ده انت وحشاني قوي
لؤلؤ طلعت مبلغ بسيط وقالت بارتباك ….ما عملتش غير دول يا احمد… اصل انا اتطردت من الشغل
احمد بصلها بزهول وقال …ايه اتطردتي ليه
لؤلؤ قالت بارتباك…. عملت مشكله كده واتطرد
احمد قال بسرعه ….لا ما يكونش عندك فكره انا هروح لهم وانا ليا كلام مع الباشا الكبير وهرجعك الشغل حتى لو هندفع حق الحاجه اللي بوظتيها
لؤلؤ قالت بسرعه… لا لا يا احمد مش هينفع تروح له الموضوع مش كده انا ما بوظتش حاجه… هو بس كان في واحد هناك بيعا،،كسني وانا اتخانقت معاه ومشوني من الشغل
احمد بصلها بغضب شديد وقال…. ايه عا،،كسك …ولما هو اللي عا،،كسك ما يخليهوش هو يسيب الشغل ليه
اؤلؤ بصيت له بغيظ وقالت….انت مفرقش معاك انه عا،،،كسني اصلاوالي فرقلك انهم مشوني انا
احمد قال بارتباك… يا قلبي اكيد فارقه معايا …بس انتي عارفه ان احنا محتاجين فلوس كثيره علشان نجهز الشقه وانا مش لاقي شغل كتير ..وشغلك هناك كان مريح وفيه فلوس كويسه على العموم انا هتصرف ما تشغليش بالك انا هعرف احل الموضوع وارجعك هناك تاني
لؤلؤ بصتلو بدموع وقالت…احمد هو انت ازاي مش هامك كده… انا قاعده هناك لوحدي وببات لوحدي ..وبقولك فيه واحد هناك بيتسفل عليا وبرضو عايزني ارجع
احمد قال بهدوء…. يا قلبي ما انا قولتلك علشان ظروفنا بس الفتره دي بس لحد ما نتجوز وبعد كده نشوف شغلانه مناسبه ويمكن تكلمي لي الباشا ويشغلني انا كمان في القصر وابقى جمبك
لؤلؤ حست بخنقه وكانت عايزه تبكي وقالت ….طب اتفضل يا احمد انا عايزه انام لو سمحت
بقلم…زهرة الربيع
احمد قال بالابتسامه ….طيب هستناكي على العشا ونزل
لؤلؤ قفلت الباب بحزن…و جاسر كان سامع الحوار كله طلع من الدولاب وبصلها بسخريه وقال…. ده الراجل اللي خايفه منه لا يعرف بجوازنا ….ده ممكن يقول لك اتجوزيه كمان كام شهر اطلعيلك منه بمصلحه و
جاسر كان هيكمل بس شاف الدموع بتلمع في عيونها وبتجاهد عشان دموعها ما تنزلش اتنهد وقال..احم ما تزعليش قوي كده ممكن يكون مش عارف الموضوع واصل لفين او…. انا مش عارف اقول لك ايه الصراحه
لؤلؤ قالت بدموع… ما تقولش حاجه
وقعدت على السرير بحزن وهي بتحاول دموعها متقعش
جاسر بصلها بحزن وابتسم على شكلها البريء وقال …طب عيطي يعني عادي … احسن ما تحصل لك حاجه
لؤلؤ قالت بغضب وصوت باكي ..انا مبعيطش ..مين قال لك عايزه اعيط سيبني في حالي
جاسر ضحك بخفه و قعد جنبها وضمها ليه بقوه وكانت بتحاول تمنعه بس مقدرتش عليه
هنا مقدرتش تمنع نفسها اكتر وبقت تبكي جامد وجاسر بيضمها ليه اكتر وبيطبطب عليها بحنيه وقال…. بتحبيه
لؤلؤ هزت راسها ….بلا
جاسر استغرب وقال… امال بتعيطي كل ده ليه
لؤلؤ قالت بدموع… عشان كنت فكراه هو بيحبني
جاسر قال ..متزعليش مني …بس انتي استعابك بطيء او بمعني اصح غبيه
لؤلؤ طلعت وبصتله بزهول وهو اكمل وقال… انا بقول الحقيقه …لو بتفهمي كنتي عرفتي ان ما فيش حد يحب واحده ويسبها لوحدها كده ليل ونهار ما بين الغفر والخدامين
لؤلؤ قالت بدموع…. انا كنت فاكره علشان يعني ممعهوش فلوس وعايزين نتجوز و
جاسر قال بسرعه… مش مبرر ما فيش مبرر يخليه يسيب واحده مزه فحت زيك كده لوحدها … ده جمالك يستفز اجدع شنب
بقلم….زهرة الربيع
لؤلؤ اتكسفت دفعته بسرعه وبعدت وقالت ….وبعدين بقى اتلم
جاسر ضحك وقال …خلاص خلاص هاقعد عاقل قولي لي بقى ليه مقولتلوش على جوازنا ولا هتفضلي مخبياني في الدولاب كده كل ما الباشا يجي
لؤلؤ اتنهدت وقالت… انت ناوي تطلقني امتى يا جاسر عشان اعرف هعمل ايه
جاسر حاول يتهرب منها وقال… والله لسه ماستقرتش ادينا حلوين كده اهم حاجه الصحبه الحلوه
لؤلؤ قالت بغيظ …لا ما هو مش هينفع كده لو انت ناوي تطلقني حالا ما فيش داعي اقول له اصلا هقول له ان انا طلقنا وخلاص ولو انت مش ناوي دلوقتي ابقى لازم اعرفه
جاسر قال بغضب …والله انا مش مشكلتي كل الموضوع ده اصلا ..وبعدين قوليلو عادي انا مش هاممني انتي حاليا مراتي ولما اشوف بقى موضوع الطلاق ده على راحته
لؤلؤ نفخت بيغيظ منه …وقعدت وبقت تفكر بحيره
بالليل كانوا على العشا وكان احمد بيحكيلها عن الحاجات اللي هيشتروها في الشقه وهي وامه بيبصوا لبعض بتوتر شديد خصوصا لؤلؤه كانت متوتره اكتر لانها بالعافيه اقنعت جاسر انه يفضل فوق وانها هتجيب له العشا لحد الأوضه
احمد قال… ها يعني يا لؤلؤه ساكته ما قلتيش اذا كانت الحاجات عجبتك او لا
لؤلؤ قالت بارتباك… اختار انت اللي يعجبك يا احمد ما انت عارف ان ذوقنا واحد
احمد ابتسم وقال.. تمام وان شاء الله بالنسبه للفلوس يعني محتاجين مبلغ كده بس هنجمعه وانا بكره هروح للباشا واقنعوا ان انتي ترجعي الشغل واتصرف انا مع اي حد هناك
لؤلؤوقفت وقالت بغضب… تاني يا احمد انت مبتحسش بقول لك انا اتعا،،،كست هناك ومش هرجع هناك تاني
احمد وقف وقال…. وانا بقول لك هصلح الموضوع هو انت في حاجه مخبياها عليا ليه مش عايزه ترجعي هناك
لؤلؤ بصت له بارتباك وقبل ما تتكلم سمعو صوت جاسر بيزعق باسمها بصوت عالي جدا
احمد اتسعت عنيه بزهول وقال ….ايه الصوت ده
لؤلؤ قالت بتوتر…ما فيش ما فيش ده تلاقيني نسيت التلفزيون مفتوح او
بس احمد سابها وطلع على فوق بسرعه وهي طلعت وراه هي وام احمد اللي كانت بتلطم بتوتر
احمد لقى الصوت جاي من اوضه لؤلؤ فتح الباب بسرعه ودخل واتصدم لما لقى جاسر قاعد على السرير بهدوم بيتي
احمد بص للؤلؤ بذهول وقال.. ايه اللي بيحصل هنا..مين ده
جاسر اول ما شاف لؤلؤ قال…. الحقي يا لؤلؤ والله العظيم شوفت صرصار شفت صرصار انا بخاف من الحشرات بخاف منها قوي انا برش مرتين في اليوم ..مش هاقدر اقعد في الاوضه دي ابدا
لؤلؤ بصتلو بدهشه وقالت…ايه .. صرصار
جاسر قال ….اه والله صرصار صرصار كبير وكان ليه ودان طويله كمان
خالتها قالت باستغراب….صرصار ايه يا اخويا اللي ليه ودان ده
احمد قال بجنون… انتو بتتسايروا معاه.. مين ده
جاسر نزل من على السرير و هو بيضحك على الموقف وقال بضحك …انا ضرتك يا حبيبي
لؤلؤ ضربت على خدها بزهول من كلامه وووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت السايس)