رواية بنت السايس الفصل الثاني 2 بقلم زهرة الربيع

رواية بنت السايس الفصل الثاني 2 بقلم زهرة الربيع

رواية بنت السايس البارت الثاني

رواية بنت السايس الجزء الثاني

رواية بنت السايس الحلقة الثانية

اول ما لقاها شا،نقه نفسها بالحبل اترعب وزعق وقال..لؤلؤ بتعملي ايه يخربيتك
وجري عليها بسرعه بس اتفاجئ انها مثبته رجلها على كرسي عالي ومسنوده عليه اتنهد بضيق من حركاتها وقرب عليها وقال… ايه مش ناويه تنت،،حري ولا محتاجه مساعده
لؤلؤ بصتله بغضب وقالت.. انت جاي ورايا هنا ليه انا مش طايقه اشوفك سبني انت،،حر بهدوء بقى
جاسر بصلها بغضب شديد وقال… ده على اساس ان انا اللي طايق اشوفك…انا اطردت من بيتي بسببك… وضرب الكرسي برجله بغضب وقعه من تحتها واتعلقت في الحبل
لؤلؤ صرخت برعب ومفيش ثواني و انقطع الحبل ووقعت بيه على الارض لانه كان ضعيف بصتلو بزهول وقالت… انت عايز تقتلني
جاسر مسكها من دراعها بغضب شديد وقال…ايوه لبسيني تهمه جديده مش كفايه انك لبستيني العيل الي في بطنك كمان عايزه تلبسيني موتك
لؤلؤ بصت له بدموع وقالت…انا…انا مكنتش متوقعه الموضوع يوصل لهنا انت اللي ابتديت…. اصلا انت السبب
جاسر بصلها بغضب شديد وقال….اه انا السبب انا اللي كنت قلت لك تروحي تقولي لبابا انك حامل مني وتلبسيني غلطتك مع حد غيري
لؤلؤ قالت بغضب شديد…. انا مش حامل اصلا لا منك ولا من غيرك قلت لك الكلام ده قبل كده
جاسر بصلها بغضب شديد وبقى يتقدم عليها بطريقه ترعب وقال.. لا والله مش حامل صدقت انا كده
لؤلؤ بقت ترجع لورا برعب وقالت بارتباك … لازم تصدق انا بقول الحقيقه انا اصلا محدش لمسني قبل كده
جاسر ضحك جامد وقال…. اهي دي في حد ذاتها نكته… واول مره اسمع نكته بايخه تضحك بالشكل ده
لؤلؤ اتنهدت بضيق منه وقالت…. والله انت حر انا قولت لك الحقيقه وانت حر
جاسر ابتسم بسخريه وقال…. اي حقيقه فيهم الحقيقه اللي قولتيها في القصر لما قولتي اني اتهجمت عليكي وانك حامل مني ولا الحقيقه اللي بتقوليها دلوقتي
لؤلؤه اتنهدت وحاولت تقوى وقالت …اسمع يا باشا انا يتيمه ومليش حد ومن بعد بابا الله يرحمه مبقاليش مكان غير هنا وفضلت اشتغل مكانو وكنت بالقى لقمه عيشي من المكان ده لحد ما حضرتك بقى استكترت عليا كده وبقيت في الرايحه والجايه تقل ادبك معايا ولو تفتكر انت السبب في كل اللي حصل ده لما جيت لي اوضتي واتهجمت عليا واضطريت تخليني اصرخ وباباك يجي والكل يعرف بكل اللي حصل
وقتها عشان باباك ما يطردكش من القصر فاكر قلت ايه قولت له يا بابا انا غلبان قوي هي بنت سا،،فله و بتحاول معايا وبتوقعني وفضلت تفهمه ان انا اللي كنت بجري وراك وبجرجرك …انا من غيظي منك قولتلو ان انت بتعمل كده معايا على طول واني حامل بس… لكن انا لا حامل ولا زفت
جاسر لسه هينطق قالت بسرعه… عارفه ان باباك جاب الدكتوره وكشفت عليا وقالت اني انا حامل فعلا…بس والله كدابه ليه قالت كده مش عارفه انا لا حامل ولا حد لمسني اصلا
جاسر بصلها بغضب شديد وقال…. ده على اساس ان انا هصدق كل الفيلم اللي قولتيه ده اسمعي يا بت انا حالا بسببك اضطردت من البيت بابا طردني من البيت ومن الشغل واخذ مني حتى مفاتيح العربيه وبقيت زيي زيك كده ميح ده غير انه مش عايز يشوف لا خلقتي ولا خلقتك في القصر يعني حتى شغلك هنا هتسبيه فانتي مضطره تصلحي اللي هببتيه وتروحي تقوليله ان انا لا لمستك ولا جيت جنبك قبل كده…انا كتبت على واحده حقيره زيك علشان ماخسرش بابا وبيتي ماجيش بقى بعد ده كله واطرد منه بسببك انا لو مشيت من هنا هخلي حياتك جحيم سامعه
لؤلؤ بقت تلم حاجتها اللي في الاسطبل وقالت….ده على اساس هيصدقني او هيسمعني…اسمع يا باشا الرزق على الله انا ماشيه من خلقتكم وانت صالح ابوك بمعرفتك ولما تلاقى نفسك فاضي يا ريت تطلقني …بس عجل لاني مخطوبه لابن خالتي ولو عرف باللي حصل ده هيقتلك ويقتلني
جاسر ضحك بسخريه وقال ….هو انتي لما ليكي يا ابن خالة وراجل قوي كده سايبك تعيشي هنا ليه وتشتغلي عند الناس وتباتي كمان والله اعلم ايه اللي يحصل معاكي
لؤلؤ بصتلو بحزن شديد لما قال كده ومبقتش عارفه ترد عليه بايه وقالت ….عشان هو بيثق فيا وسايبني على راحتي
ولسه هتمشي مسك ايدها بغضب وقال …رايحه فين …من هنا ورايح مش هتتحركي من مكان الا ورجلي على رجلك
لؤلؤ قالت بغضب…. رجلك على رجلي ده ايه …انت ادخل لابوك وصالحه وانا ماشيه لحال سبيلي وخلصنا بقى
جاسر قال …. ابويا رافض التفاهم ابدا انا هاجي معاكي مكان ما هتقعدي لاني بقيت مشرد زيك
لؤلؤ بصتلو بدهشه وقالت بردح… نعم يدلعادي تيجي معايا فين انا راجعه الحاره في بيت خالتي
جاسر بصلها بسخريه وقال ….يبقى جاي معاكي بيت خالتك
لؤلؤ قالت بغضب…. تيجي معايا فين انت مجنون …انا خطيبي عايش هناك و
جاسر قاطعها وقال…مليش فيه هاجي معاكي من افسد شيئا عليه اصلاحا انت السبب في رميتي في الشارع دي…هنمشي سوا والا مش هيحصل كويس…وكمل بتهديد وقال… انا عندي ساعه غاليه جدا وشكلها هتتسرق مني تحبي تاخديني معاكي ولا تباتي في الحجز
لؤلؤ اتسعت عنيها بزهول وقالت …تحبس مراتك
جاسر ضحك وقال ….دلوقتي بقيتي مراتي مش كده
لؤلؤ نفخت بغضب منه وقالت…. تعالى انت اللي مش هتستحمل تعيش هناك يوم واحد اصلا
واخدت شنطتها ومشيت وجاسر راح وراها وخلى واحد من الخدم يجبلو شوية هدوم من هدومه وراح مع لؤلؤ على بيت خالتها
بعد شويه كانوا وصلوا لبيت قديم جدا في حاره
جاسر بص للمكان بقرف ولؤلؤ خبطت على الباب بتعب
فتحت ست في ال 50 و ابتسمت اول ما شافت لؤلؤ وقالت بسعاده لؤلؤه..وحشتيني يا بت
لؤلؤ قالت بتعب…. انتي كمان يا خالتي
خالتها بصت لجاسر باستغراب وقالت مش تعرفيني على ضيوفك
لؤلؤ لسه هتتكلم جاسر سلم عليها وقال بسرعه انا جاسر النويري جوز لؤلؤ
خالتها شهقت بصدمه وقالت….يا مصبتي اتجوزتي يا لؤلؤه من ورانا كده يا بت طب واحمد
لؤلؤه قالت بتوتر…. والنبي يا خالتي انا من امبارح منمتش ولا دقيقه هروح اريح قبل ما احمد يجي يفتح لي سين ويجيم وهأحكيلك كل حاجه اول ما اقوم
خالتها اتنهدت و قالت بارتباك… المهم ادخلي دلوقتي في الاوضه ولا في حاجه ما تخليهوش يشوفكم اول ما يدخل
جاسر بصلهم بسخريه وقال… احنا هنام فين
لؤلؤ مسكته من ايده ومشيت بيه بسرعه ودخلت بيه واحده من الاوض وقفلت الباب بسرعه
جاسر ابتسم ببرود وقال…هو انتي هتقعدي معايا في نفس الاوضه ولا ايه
لؤلؤ قالت بضيق الشديد وهي بترص الهدوم في الدولاب مضطره البيت مفيهوش غير ثلاث اوض بس اوضه احمد اوضه خالتي وجوزها والاوضه دي
كانت بتحط الهدوم في الدولاب واتصدمت بيه قرب لها وقال. كله مصلحه احسن حاجه في الموضوع اننا سوا
لؤلؤ اتجمدت مكانها وعيونها مفتوحين على الاخر واتصدمت اكتر لما
انتفضت من مكانها ودفعته وقالت بتوتر… انت ..انت بتعمل ايه
جاسر قال …هكون بعمل ايه يعني مع مراتي والباب مقفول علينا واخيرا بقينا لوحدنا حقي بقى
لؤلؤ قالت بتوتر…جاك كسر حقك.. انت مجنون لايمكن تلمسني انا واحده مخطوبه و انت هتطلقني ومن غير تجاوز لو سمحت
و لسه هتمشي شدها بقوه وقال بغضب… اوعي تقولي كلمه مخطوبه دي قدامي انتي مراتي..مراتي انا
لؤلؤ بصتلو بخوف من نظراته وغضبه وهو بقى يبص لعيونها وملامحها بتوهان وقال …انا…انا نفسي فيكي من زمان قوي يا بت..لما كنت اشوفك بتاكلي الخيل ولا اجدع فرسه هناك ببقى مش عارف اتلم على اعصابي …انا عمري ما عملت الي عملتو معاكي ده مع اي واحده خصوصا لو كانت زيك
لؤلؤ بصتلو بضيق وقالت… ايه زيك دي لاكون مش هجباك
جاسر بصلها وقال… من ناحيه الاعجاب عجباني عجباني قوي وطالعه من عيني…بس يعني في الاول وفي الاخر بنت سايس
وسابها وبقى يغير ببرود
لؤلؤه بصتله بغيظ من كلامه وقالت… طب كويس ابقى افتكر الكلام ده دايما حضرتك مهما طلعت ولا نزلت هتفضل الباشا وانا الخدامه بنت السايس فتلزم حدودك معايا وملكش دعوه بيا
جاسر ابتسم ببرود وهو بيغير هدومه وقال…. هنبقى نفكر في الموضوع ده
لؤلؤ قالت بضيق … في حمام ممكن تغير فيه على فكره عيب كده
جاسر بص يمين وشمال وقال…حمام هو انتو عندكم حمام
قالت بضيق شديد…لا معندناش بنعملها تحت السرير
جاسر ضحك وقال…لا انا قصدي اني مش شايف اي حمام في الاوضه
لؤلؤ قالت بضيق . لا ما احنا هنا مش زيكم يا بهوات والحمام عندنا واحد بس مش في كل اوضه …هتلاقيه جنب اوضتنا اول ما تطلع
جاسر قال ببرود …واطلع ليه ما فيش حد غريب انا ومراتي
بقلم….زهرة الربيع
لؤلؤ بصتلو بخنقه من بروده واخذت هدوم ولسه هتطلع مسك ايدها وقال…رايحه فين غيري هنا مش خالتك قالت ابنها على وصول
بصتلو بغضب وقالت بردح…نعم يا عنيا ووووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت السايس)