رواية موعد مع القدر (تحدي الإعاقة) الفصل الرابع عشر 14 بقلم لبنى دراز
رواية موعد مع القدر (تحدي الإعاقة) الفصل الرابع عشر 14 بقلم لبنى دراز
رواية موعد مع القدر (تحدي الإعاقة) البارت الرابع عشر
رواية موعد مع القدر (تحدي الإعاقة) الجزء الرابع عشر
رواية موعد مع القدر (تحدي الإعاقة) الحلقة الرابعة عشر
إن النجاح لا يحتاج إلى أقدام بل إلى إقدام. إن المثابرة والنجاح توأمان الأولى مسألة نوعية والثاني مسألة وقت.
💕🌿💕🌿💕🌿💕🌿💕
إن أكبر عائق يمنع النجاح هو الخوف من الفشل والإخفاق.
💕🌿💕🌿💕🌿💕🌿💕
النجاح ليس عدم فعل الأخطاء، النجاح هو عدم تكرار الأخطاء.
تحدى الإعاقة بقلمى✍️______________________لبنى دراز
فـ حى شعبى قديم من أحياء القاهرة ف حارة ضيقة جوة شارع من شوارع الحى هنلاقى
بيت أم هيثم الشرنوبى
أم هيثم/ اسمها عايدة ست بسيطة كانت بتشتغل خدامة فى ڤيلا الشرنوبى اتجوزها عصام ف السر علشان تخلف له الولد اللى نفسه فيه ويشيل اسمه لما نشوى كانت رافضة الخلفة ف الوقت ده..
…………………………..
كانت عايدة ف المطبخ بتجهز الغدا لولادها لما سمعت صوت الباب بيتفتح خرجت بفرحة تستقبل ولادها
عايدة:: حبيب قلبى وحشتنى اوى يا هيثم ايه الغيبة دى يابنى
هيثم:: بسعادة..دخل باس ع ايد أمه و راسها وحشتينى يا ست الكل معلش سامحينى غصب عنى.. طمنينى عليكى يا أمى عاملة ايه
عايدة:: اطمن يا حبيبى انا بخير .. وأخوك تامر ربنا يبارك له مش سايبنى ..المهم انت عامل ايه مع مرات أبوك
هيثم:: ماتقلقيش عليا منها يا أمى ..انا عارف اكسر سمها ازاى..
عايدة:: فين شهد ما جاتش معاك ليه .. أوعى يابنى تكون مزعلها.. بنت خالك غلبانة ويتيمة ومالهاش غيرنا بعد ربنا
هيثم:: بحزن متدارى.. ماتقلقيش يا ست الكل شهد فـ عينيا وانتى عارفة انا بحبها قد ايه دى روحى وحياتى اللى معرفش اعيش من غيرها.
عايدة:: طب يا حبيبى طمنتنى ..بس اوعى يا هيثم نشوى السلحدار تزعلها ولا تجرحها بكلمة دى ست قادرة يابنى ومفترية ومراتك غلبانة مش قدها..أوعى يا هيثم مش هسامحك عمرى لو مرات أبوك أذيتها فاهمنى ياهيثم؟
هيثم:: سرح فـ كلام أمه وافتكر شهد وبهدلتها من نشوى ونظرتها ليه اللى كلها لوم وعتاب ..وقال فـ اللاوعى وغلاوتك عندى لا أجيب حقك وحق شهد من نشوى وبنتها واطلع ع جتتهم البلا
عايدة:: بأستغراب..مالك يابنى فيك ايه .. اسم الله عليك ياحبيبى انت بتكلم نفسك
هيثم:: انتبه ..لا يا حبيبتى مافيش حاجة ..كنت بس بفكر بصوت عالى .. قوليلى تامر عامل ايه.. من وقت ما جالك يعيش عندك ماكلمنيش.. ولا مرة وماعرفش حاجة عنه
عايدة :: دلوقتى تلاقي..وقبل ماتكمل كلمتها الباب اتفتح .. و بصت عليه ورجعت تانى لـ هيثم اهو جه بالسلامة اهو
تامر:: السلام عليكم يا أمى ..وباس ايدها و راسها ..عاملة ايه يا غالية ..وشاف أخوه ..و سلم عليه بتريقة .. هيثم باشا ده ايه التواضع ده ..اخدت الإذن خلاص من نشوى هانم انك تيجى لـ أمك ولاااا جاى ف السر ..
هيثم:: بعصبية.. تااامر اتكلم كويس و ماتنساش انى اخوك الكبير
تامر:: بسخرية..أخويا الكبييير خيال المآتة اللى بتحركه نشوى السلحدار بريموت كنترول وزى ما تقوله يعمل بالظبط
هيثم:: ليك حق تتريق وماليش انى ارد عليك دلوقتي ..بس صدقنى. بكرة تعرف انى بعمل كدا وبستحمل سخافتها هى وبنتها علشان بس اخد حقنا منها ومن عصام الشرنوبى اللى ف الاول ذلنا ورمانا رميّت الكلاب بسببها وبرضوا حرمنا من حضن أمنا فـ عز احتياجنا لحضنها برضوا بسبب مراته واللى لغاية دلوقتي هى بتتحكم فـ كل حاجة
تامر:: بتساؤل..حق ؟ اى حق ده اللى بتتكلم عنه؟
هيثم:: بكل الوجع اللى جواه..حق كسرة أمى و ذُلها تحت رِجل عصام وهى بتترجاه ما يطلقهاش ويرميها ويرمينا فـ الشارع ..حق ذُلها وهى بتلف ع البيوت تخدم عشان توفر لنا لقمة نضيفة وهدمة سليمة ..حق كسرتها وحرمانها مننا وأخدنا منها بأمر بنت السلحدار بكل جبروت وحقنا فى كل يوم وكل ليلة وهى بتذل فينا وتعايرنا بأمنا الخدامة خطافة الرجالة .. وإن لاااازم ولاد الشرنوبى مايتربوش ع ايد عايدة الخدامة
تامر:: بوجع اكبر ..بسسس اسسسكتتت ماتنساااش نفسك وتكرر كلامها ..أنا أمى اشرف منها مليون مرة وحتى لو كانت خدامة اشتغلت بشرفها وكرامتها.. وأبوك هو اللى جرى وراها سنة كاملة علشان توافق تتجوزه
عايدة:: بدموع ..بس يا تامر ما تقفش قصاد أخوك انتوا مالكمش غير بعض يابنى عشان خاطرى بس ..وبصت لـ هيثم ومسكت وشه بين إيدها .. صدقنى انا مش عايزة حاجة ومسامحة فـ حقى بس كل اللى عايزاه اشوفكم إيد واحدة سند لبعض من بعد مني انتوا فرحة عمرى كله وعشانكم كل حاجة تهون
اترمى هيثم وتامر فـ حضنها وعيطوا بشدة بكل وجع السنين والحرمان من الحضن اللى بيضم ويحن عليهم وقت الله اعلم بيه
بقلمى✍️_________________لبنى دراز
فـ بيت المنياوى
محمود بعد ما أيمن راحله البنك وفرحه بنجاح منة وحصولها ع المركز الاول ع
المدرسة صمم انه يعزمه ع الغدا وخصوصا انه عرف قد ايه أيمن بيحب منة لانه سمع منه اعتراف صريح مرتين بدون وعى .. وصلوا البيت بعد ما صمم أيمن يشترى هدية لـ منة
محمود:: بمرح.. السلام عليكم يا أهل الدار ..اللى خالع راسه يغطيها معايا ضيف ..
منى:: وعليكم السلام ورحمة الله وبركاته..اهلا بيك وبـ ضيوفك يا حبيبى
محمود:: بحب باس ع راس منى ..منايا ومنى قلبى وحشتينى الشوية دول ..
منى:: بسعادة وانت اكتر يا حبيبى..حمد الله ع السلامة ..ماقولتليش ضيف مين اللى معاك..
محمود:: تعالى يا عم أيمن إظهر وبان.. الدار أمان ..ههههههههههههه
أيمن:: السلام عليكم ..ازى حضرتك ..و مبروك لـ منة .
منى:: وعليكم السلام ورحمة الله.. انا الحمدلله أزيك انت يا أيمن عامل ..والست فادية عاملة ايه .
أيمن:: الحمدلله فـ وافر من النعم ..و أمى بخير لما بلغتها إن استاذ محمود عزمنى النهاردة وصتنى أول ما اوصل اتصل بيها تكلم حضرتك وتبارك بنفسها نجاح منة
منى:: الله يبارك فيك وفيها يارب ..متشكرة جدا يا أيمن تعبناك معانا النهاردة ..
محمود:: الله الله هنقضيها سلامات بقى مش هتغدينا ولا ايه ..وبعدين المشاكسين ومنة فين مش شايفهم يعنى
منى:: ياسيدى من وقت ما عرفوا ان منة نجحت وطلعت الاولى صمموا ياخدوها وينزلوا يشتروا ليها هدية نجاحها وقال ايه لازم هى تختارها بنفسها
محمود:: تمام ..خلاص انا هتصل عليهم وانتى جهزي الغدا ..
منى:: خلاص يا حبيبى حاضر انت تؤمر أمر ..اتفضلوا فـ الصالون لغاية ما كل حاجة تجهز و الولاد يرجعوا..
محمود:: وهو رايح ناحية الصالون مع أيمن..ربنا مايحرمنيش منك ياقلبى.. يارب اللهم امين
ضحكت منى وآمنت ع كلامه ودخلت المطبخ وهو اتصل ع الولاد
محمود:: الووو ..ميدوو باشا انتوا فين كدا
محمد:: بمرح..بابايا حبييييبى ..احنا تحت العمارة و دقيقتين وتلاقينا قصادك يا باشا..
محمود:: خلاص يلا انا مستنيكم من بدرى جوعتونا..
مصطفى:: من بعيد برنس الجيل افتح الباب يا باشا ها قد وصلنا ههههههههههههه
وفعلا قفل الخط وقام فتح الباب شافهم خارجين من الاسانسير
منة:: بفرحة..بابتى حبيبى وحشتنيييي مووووت مووووت
محمود:: ضحكة قلبى احلى بنوتة وانتى كمان وحشتينى جدا مبروووك يا قلب بابا ..وهمس لها عارفة مين جوة مستنيكى ع نااااار عشان يشوفك احم قصدى يبارك لك ؟
منة:: بنفس الهمس ..مييين ها مين مين قوول
محمود:: ندخل وهتعرفى حاااالا
دخلت منة متشوقة تشوف مين اللى مستنيها وبتتمنى جواها تشوف اللى واحشها من وقت ما خلصت الامتحانات
أيمن:: فـ الصالون شرد فـ صوتها أول ما سمعها وبيتمنى يجرى عليها يقولها كل اللى جواه
منة:: دخلت الصالون بمساعدة باباها وشافت اللى كانت بتتمناه ..يااااااااه..قد ايه واحشها
وكل واحد فيهم قال كل اللى جواه لما شاف حبيبه من نظرة عين
محمود:: متابع الموقف و فـ ثوانى اتفضلى يا ستى كابتن أيمن جاى بنفسه يبارك لبنوتى حبيبتى
انتبهوا الاتنين لكلام محمود وفاقوا من شرودهم
أيمن:: بصوت مبحوح..احم مبروك يا منة ..احم طلعتى الاولى ومش بس ع المدرسة لا كمان ع المحافظة وهتتكرمى من المحافظ ان شاء الله
منة:: قربت منه بالكرسى بدموع فرحة.. انت بتتكلم بجد يا أيمن ء أ. انا الاولى ع المحافظة مش المدرسة بس..قول بالله عليك بتتكلم بجد
أيمن :: ومش بس كدا يا منة انتى كمان من ضمن العشرة الاوائل ع الجمهورية لان مجموعك فوق الـ 99 %
محمود::بذهول.. أيمن انت بتقول ايه ..انت مش قولت الاولى ع المدرسة بس
أيمن :: باعتذار..أعذرنى يا استاذ محمود بس كنت حابب اكون اول واحد يقول لـ منة الخبر ده واشوف ردة فعلها سامحنى واسف انى خبيت عليك خبر زى ده
فـ داخلة منى تبلغهم ان الغدا جاهز سمعت أيمن ومن غير ماتحس زغرطت ودموعها مغرقة وشها من الفرحة
بقلمى✍️____________________لبنى دراز
فـ شقة نادر زيدان
نادر معاه شلته الفاسدة من الشباب و البنات اللى بيقضوها سهرات مشبووووهة وفيها كل المحرمات و فونه رن وكانت ماهى
نادر :: الووو ..يا برنسيسة عاش من سمع صوتك
ماهى:: الووو ..نادر ..عايزة اقابلك.
نادر:: خبط لزق كدا ..طب قولى ازيك يا نادر وحشتنى يا نادورة
ماهى:: بنفاذ صبر..وبعدين معاك بقى ..اخلص هتقابلنى ولا لأ
نادر::خير ..ياااا برنسيسة
ماهى:: انا جبتلك اللى انت عايزه مني.
نادر:: بمكر..طيب ما تيجى تسهرى معايا نراجع ع اللى جبتيه ياحب
ماهى:: بعصبية.. انت تنسى خالص انى اجيلك شقتك تانى وكمان خلاص جبتلك اسرار اخر مناقصة لبابى ناوى يدخلها و اكيد هتروح عليه و يخسرها ياريت بقى تنسانى وتمسح التسجيلات والاتفاقات اللى بيننا والا انت….
نادر:: بمقاطعة.. مش بمزاجك ياقطة ..مش انتى اللى تحددى لـ نادر زيدان ينسى ايه وماينساش ايه فاهمة ولا لأ
ماهى:: بتوتر.. قـ قـ قصدك ايه يانادر بالكلام ده.. مش فاهمة
نادر:: قصدى انى لسة ماحددتش امتى بالظبط انساكى واكتفى منك وامسح الاتفاقات والتسجيلات اللى بتقولى عليها ثم ماتقلقيش اوى ..انتى مش من النوع اللي يعجبنى ويدخل دماغى انتى اخرك استخدمك كدا بالطريقة دى مش اكتر.
ماهى::بزعييق ..انننتتت بتقووول اييييه ياااااحيوووان انتتتت ..انت مش عارف انا مييين ولا ايه
نادر::ببرود.. قولتلك قبل كدا صوتك ما يعلاش ثم انتى اتعصبتى ليه ..كل ده عشان قولتلك انتى ماتعجبنيش عادى يا بيبى خليكى إيزى ..يلا ياحلوة هقابلك فـ النادى كمان ساعتين يلا باى وقفل الخط ورجع لشلته تانى
بقلمى✍️____________________لبنى دراز
فـ بيت عادل الالفى
بعد ما أتصل بيهم أيمن بلغهم نتيجة هدير
عادل:: بفرحة أب..مبروووووك يا ديدى 98% ومن أوائل المدرسة و أوائل المحافظة كمان لا ومش بس كدا ده كمان أوائل الجمهورية يا أجمل دكتووورة
هدير:: بشقاوة.. بتعدل ياقة البيچامة بكوميديا .. و ايه الجديد يعنى ما ده المتوقع يا برنس اومال انت فاكر ايييه
سلوى:: بضحك..طيب قولى الله يبارك فيك يا بابا.. ده حتى جبر الخواطر ع الله ههههههههههههه
هدير:: بمرح ..حطت ايدها ع كتف مامتها ..شوفى يا سولى يا بنتشى كون انى نجحت وطلعت من الاوائل ده فـ حد ذاته جبر خواطر ..مش لازم بقى الشكليات بتاعت اليومين دول والرد التقليدى والكلام ده ..خلينا فـ المفيد وندخل ع الجديد ههههههههههههه
عادل:: بتفكير ..امممممم ..و ايه بقى الجديد يا ست البنات
هدير:: ههههههههههههه جيت ف ملعبى يا باشا ..انا احب اللى يجى دوغرى ..تقول ايه الجديد ارد اقول.. عربية أخر موديل اروح بيها الجامعة هدية نجاحى طشبعا ههههههههههههه
سلوى:: بصدمة.. نععععععم عر …. ايه
هدير :: بمقاطعة ..بية يا مامتى عرررربييية اى سيااااارة اى وسيلة مواصلات ملاااااكى ..يرضيكى يعنى بنت الباشمحاسب عادل الالفى والدكتووورة سلوى الشرقاوى واتنطط ف الاتوبيسات لغاية الجامعة رايح جاى يرضيكى
عادل :: بس كدا بنوتى حبيبتى تؤمر وبابا يقول شبيكى لبيكى طلباتك بين ايديكى…
سلوى:: عاااادل انت بتقول ايه انا مش موافقة ان بنتى تسوق عربيات
هدير :: بزعل طفولى.. ليه بس يا سولى
سلوى:: كدا يا قلب سولى ..انتى مجنونة و اكيد هتعملى كل يوم حادثة وهنمشى نلف وراكى فـ المستشفيات او اقسام البوليس
و ده لا يمكن اسمح بيه ابدا
عادل :: لـ هدير حبيبة بابا اللى انتى عايزاه هنفذه
هدير::بمقاطعة بفرحة.. هيييه يعيش دووولة حبيبببيييييي
عادل:: بضحك.. بس بشرط مش هجيبلك العربية الا لما تتعلمى السواقة كويس وتتمكنى منها وتطلعى الرخصة اتفقنا ؟
هدير:: نطت فـ حضن باباها بفرحة اكيييييد اتفقنا من بخرة الصمح بصوت بوحة …قصدى من بكرة الصبح ههههههههههههه
سلوى:: بنفاذ صبر… بقى ده شكل دكتورة ولا اسلوب دكتورة ياربى ..صبرنى يااارب
عادل وهدير :: بيضحكوا ع نرفزة سلوى كالعادة وبعدها سلوى اخدت بنتها فـ حضنها تهنيها بنجاحها
بقلمى✍️___________________لبنى دراز
فـ بيت المنياوى..
بعد أيمن ما بلغ منة خبر انها من أوائل الجمهورية و الاولى ع محافظتها ومدرستها وطبعا كان الخبر أجمل مفاجأة لـ منة واسرتها طلبت من مامتها
منة:: بدموع فرح.. ماما ممكن تساعدينى أتوضأ وأصلى ركعتين شكر لله
منى:: طبعا يا حبيبتي تعالى نتوضأ ونصلى سوا ..واستأذنت من أيمن ومحمود واخدت منة علشان تساعدها تصلى
محمود:: بدموع مش قادر يداريها اللهم لك الحمد ياما انت كريم يااارب ..فعلا بعد الصبر جبر ..وبص لـ أيمن مش عارف اقولك ايه ع الخبر ده انت ماتعرفش فرّحت قلبى ازاى يا أيمن ربنا يسعد قلبك يابنى
أيمن :: ماتقولش حاجة بجد وطالما قولت يا أبنى اسمحلى اقولك يا عمى ..انا كنت قاصد ابلغكم الخبر قصاد منة علشان اشوف فرحتها وفرحتكم دى بالظبط
محمود:: انت عارف انا كنت فاقد الامل ان منة هتلحق تلم المنهج بعد الحادثة وان حالتها هتأثر بالسلب عليها رغم انها كانت دايما تأكد العكس ..بس طلعت غلطان وفعلا منة الحادثة مأثرتش فيها بالعكس دى ادتها دافع انها تنجح وتوصل لهدفها فـ مدة قصيرة
أيمن:: اسمحلى يا عمى ماتنساش ان منة من الاول وهى متفوقة اصلا يعنى مش جديد عليها انها تكون من الاوائل
محمود :: بس المرة دى منة كانت بتتحدى عجزها فعلا زى ما قالت وما اكتفتش انها تطلع الاولى ع المدرسة ..انا كنت بشوف فـ عينها إصرار غريب ما شوفتوش قبل كدا و كانت دايما بتقولى من أوائل الجمهورية ان شاء الله وهخليك تفتخر بيا رغم عجزى
أيمن:: بسعادة ..منة فخر فـ أى حال وأى وقت وكل اللى يعرفها بيحبها ويتشرف بيها
محمود:: بص لـ أيمن فاهم قصده وبيتمنى جواه انه يتشجع ويطلب ايد منة..
بقلمى✍️___________________لبنى دراز
فـ النادى
ساجد بيراقب ماهى عايز يمسك عليها اى دليل يقدر يوقعها بيه وشاف نادر جاى
يقابلها
نادر:: ببرود ..برنسيسة النادى
ماهى:: بنرفزة ..امسك الملف اللى طلبته ..وياريت تشيلنى من حساباتك وانسانى خالص..
ساجد:: متابع الحوار وبيصورهم من غير ما ياخدوا بالهم منه
نادر:: بشر.. لـ ماهى قولتلك مش انتى اللى تحددى امتى انساكى وامتى افتكرك ..وكل ما احتاج اخد مناقصة جديدة هتجيبيلى ملفاتها ..فاهمة يا قطة ولا لأ ..وإلا انتى عارفة تسجيلاتك كلها عندى وهتروحى ورا الشمس انتى وابوكى يابنت الشرنوبى ومش بس كدا ده انا كمان هطلع منها زى الشعرة من العجين
ماهى:: بتوتر.. تـ تـ تقصد ايه هو اءانا انا هفضل تحت رحمتك كدا كتير
نادر:: ببرود وهو بيشاور للويتر يطلب عصير ..أه ولو مش عاجبك اعترضى ..وبصلها .. وبهمس ..بصراحة نفسى تعترضى ..عشان حابب اوريكى نادر زيدان ممكن يعمل ايه
ماهى:: بأستسلام..خلاص يا نادر اللى انت عايزه مش هعترض وهنفذ كل اللى هتطلبه مني ..حاضر
نادر::وقف وخبط ع خدها براحة ..شاطرة يا قطة احبك وانتى مطيعة كدا ..وسابها ومشى
ساجد:: برفعة حاجب.. لنفسه ياترى يا ابن الـ….. تسجيلات اييه اللى ماسكها ع بنت الشرنوبى وبتستغلها اوى كدا ..ايييه ياخبر بفلوووس ..اما اروح لولاد الوارمة أيمن وأيهم و أوريهم أهم إنجازاتى ..يا خسارتك فـ البلد دى ياض يا ساجد يا عسل انت ومشى من النادى
بقلمى✍️_________________لبنى دراز
ليلى:: بعصبية لـ منار انتى ازاى تردى عليا ..من أمتى وانتى صوتك بيعلى عليا انطقى..
منار:: لما تشمتى فـ بنت اختك وتعايريها بعجزها لااااازم افوقك ..وأفكرك ان دوام الحال من المحال وأهى طالعة من الاوائل ع الجمهورية وهى عاجزة
ليلى::………………
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية موعد مع القدر (تحدي الإعاقة))