رواية خذلان ولكن الفصل الثالث 3 بقلم شروق حسام
رواية خذلان ولكن الفصل الثالث 3 بقلم شروق حسام
رواية خذلان ولكن البارت الثالث
رواية خذلان ولكن الجزء الثالث
رواية خذلان ولكن الحلقة الثالثة
عدي سنة
وكنت بحسب انِ هكون مبسوطة وهحقق اللي انا عايزاه بس للأسف حتي دي اتخذلت فيها وبقيت متمرمطة وزينب مستحملتش المرمطة دي ورجعت لعلي جوزها اللي اتجوز بعد ما هربت واحدة تانية وبقت عايشة في مرار بس مستحملة عشان متتمرمطش وتفضل في الشارع هي وولادها
أروى بتعب ” انا خلصت يا ست هانم تؤمري بحاجة تانية ”
مرفت بتكبر وعجرفة ” لا وخدي فلوسك اهي وامشي ”
أروى مسكت الفلوس ولقتهم 100 جنيه فبصت لها بصدمة
_” بس يا هانم انا متفقة معاكي انِ هاجي انضف الفيلا كلها وهأخد 600 جنيه وده ميجيش نصف الفلوس حتي ”
_” احمدي ربنا غيرك مش لاقي الفلوس اللي في ايدك دي ولا لاقيين حتي ربعها ”
أروى بصت لها بقهر ومرار وفضلت تحسبن عليها في سرها
_” حسبي الله ونعم الوكيل حسبي الله ونعم الوكيل احتسبت تعبي عند ربنا عارفة انه هيجيب لي حقي ”
……………
عدي اليوم
وأروى روحت بعد ما نضفت 4 فلل وكل واحد من صحاب الفلل ظلمها وبهدلها بطريقة شكل بس استحملت عشان تحاول تلم فلوس إيجار الشقة اللي هي واخداها قبل ما صاحب البيت يطردها منها
كانت لسه هتفرش حاجة علي الأرض وتنام لقت الباب بيخبط بقوة
_” حاضر حاضر مين اللي بيخبط ”
لبست الطرح بسرعة وراحت فتحت لقته صاحب البيت
_” نعم يا عم فؤاد حصل حاجة ولا ايه في آخر الليل كده ”
_” بصي يا أروى انتي تفضي الشقة علي بكرا الصبح بالكتير ”
أروى بخضة ” ليه بس ما انا قولتلك اديني يومين وهديك الإيجار اللي انت عايزه ”
_” العمارة كلها بتتكلم عليكي انك راحة وجاية وعمالة تتسرمحي وحابة والشارع كله هيتكلم فأنا مش ناقص وجع دماغ ”
أروى بغضب كبير وراه قهر ” قطع لسان اللي يقول كده لو شافوا نص البهدلة اللي بتبهدلها في الشغل كانوا اتخرسوا وحطوا لسانهم في بؤهم و شقتهم بكرا قبل الساعة 9 الصبح هكون سايباها وعقد الإيجار تديهوني اشحال ما انا قاعدة فوق السطوح و ب 2000 جنيه ”
جيه يتكلم أروى سبقته ” انا هدخل انام دلوقتي وبكرا الشقة هتفضل واشبع بيها انت واللي في العمار حسبي الله ونعم الوكيل حسبي الله ونعم الوكيل ”
قفلت الباب وهي حاسة بوجع معقولة يحصل لها كده للدرجة دي الناس بقت وحشة بصت حواليها علي الشقة الفاضية اللي مفيهاش حتي كنبة او سرير ولا حتي بوتاجاز
أروى بقهر ” حتي الشقة الفاضية دي مستخسرينها فيا ”
اتنهدت بحيرة ودموع ” يارب انا هروح فين بس دلوقتي مليش مكان اروحه ”
فضلت تفكر كتير لحد ما نامت مكانها من التعب
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية خذلان ولكن)