رواية سر الشيطان الاسود الفصل الأول 1 بقلم آية طه

رواية سر الشيطان الاسود الفصل الأول 1 بقلم آية طه

رواية سر الشيطان الاسود البارت الأول

رواية سر الشيطان الاسود الجزء الأول

رواية سر الشيطان الاسود الحلقة الأولى

فى بيت بارياف مصر تدخل سيده فى الخمسين من عمرها غرفه ابنتها وتشغل الاضاءه وتسحب الغطاء من عليها.
انعام:انتى لسه نايمه يابت ….قومى فزى يخربيتك الناس زمانهم جايين وانتى نايمه ..
تستقيظ فتاه فى العشرينات من عمرها ذات بشره بيضاء وعيون خضراء وشعر بنى نعم انها تشبه الحوريات انها حوريه كفر الاطارشه…
روح بزهق: يووووه بقى ياما هو اللى هنعيده هنزيده …..انا خلاص ياما زهقت وتعبت من الحوار دا …..هيفرق ايه يعنى عن اللى قبله ياما مفيش نصيب….ياما هتجيله مصيبه تاخده….ياما هيسمع من اهل البلد اللى بيحصل وهيهرب….خلاص ياما انا راضيه بنصيبى وهعيش اكديه احسن ماكل شويه يخيب املى وندى فرصه للناس تحكى علينا تانى …انا زهقت وتعبت من تلسنتهم على فى رايحه واللى جايه .
انعام تجلس بجوار بنتها وتتكلم بنبره حنونه:ياحبيتى والله عارفه وحاسه بيكى بس قولى بس انا فى ايدينا ايه نعمله ومعملنهوش….شيوخ والمقامات كلها ووديتك حتى لبابا الكنيسه روحنا وانتى رافضه تروحى للوليه ارواح دى …والله حاسه ان فى ايديها هيكون الشفا..
روح بعصبيه:تانى ياما ارواح تانى….انتى عايزانا نكفروا بالله ولا ايه …ياما دى وليه متعرفش ربنا وبتاعت اسحار وشعوذه عايزانا نروح بمصيبه نرجع باتنين …وبعدين خلاص انا اخدت قرارى مش هقابل الناس اللى جايه دى…
انعام:سيبك دلوقتى من ارواح وخلينا فى الله احنا فيه …يعنى ايه بقى مش هتقبليهم وتصغري ابوكى مع الناس ولا ايه …ابوكى خلاص اداهم كلمه وبعدين الوليه ام سعيد بتقول انه مش من هنا ولا قاعد كتير دا مسافر برا ولسه راجع وهيتجوز على طول وياخدها ويسافر يعنى مش هيلحق يسمع حاجه من اهل البلد…
روح:كمان ياما ….انتو خلاص عايزين ترمونى كدا يتجوز بسرعه وكمان اسافر …تقاطع كلامها بضحكه عاليه..هههههههه انا مالى صدقت كدا ليه 😂 مهو هيطلع زي اللى قبله يخربيتك ياروح لسه بتصدقي..
وتاخذ ملابسها وتذهب للحمام تحت انظار انعام المصدومه من فعلها وكلامها .
انعام:لاحول ولاقوة الابالله البت اتجننت ربنا يسترها علينا يارب ويعدلهالك يابنتى ويكملهالك على خير ….
فى المساء الام فى المطبخ تحضر واخوات روح يجهزه ويرتبه المنزل لاستقبال الضيوف بينما روح مستلقيه على سريرها تقرا فى كتابها وغير مهتمه تماما باللذى يدور ولكن تدخل اختها الصغيره فجاه غرفتها….
جنى:روووح روح روح …جم ياروح.
روح بخضه :الله يخربيتك ياجنى فى حد يعمل كدا خضتينى…..مايجوا وانا اعمل ايه يعنى كلها خمس دقايق وهيطلع يجروا من البيت زى اللى قبلهم …بقولك يابت ياجنى تروحى تجيبى فشار وتيجى انا وانتى نتفرج على فيلم لسه محملاه من شويه.
جنى:يهربوا ..وفشار..وفيلم يابرودك ياشيخه انا هطلع اناديلك امى احسن ماتشلينى…
يدخل المنزل نائل شاب فى 30 من عمره طويل وقمحي البشره وشعر كثيف واسمر وذات ملامح جاده ومعه السيده ام سعيد ويستقبلهم والد روح وامها ويدعوهم بالجلوس بغرفه المعيشه ويبدا الحوار التالى …..
نائل:بص ياعمى من غير اى مقدمات ملهاش لازمه انا بشتغل مهندس بترول فى الخليج ومرتبي كويس ومش ناقصنى حاجه غير انى اتجوز والست ام سعيد رشحتلى بنتكم وانا جاى اطلبها منك ومش طالب اي حاجه عايزها بشنطه هدومها او من غيرها كمان مش هتفرق معايا انا موفر ليها كل حاجه بس بشرط الجواز يتم فى خلال شهر لانى واخد بس اجازه لمده 6اسابيع يعنى شهر ونص وانا عايز اروح شقتى اللى هتجوز فيها فى المهندسين قبل ما اسافر مش اسافر كدا على طول…
محمد والد روح:والله يابنى انت داخل فى الموضوع على طول ومع ان كلامك مترتب ومش عليك غلط بس اسمحلى يعنى اسالك سؤالين مش شايف ان شهر فتره قصيره اووى على الجواز وترتيباته وبعدين هما فين اهلك يابنى انتى ليه جاى لوحدك.
نائل:لا ياعمى مش قليل انا مجهز كل حاجه مفيش اى حاجه ناقصه ….اما بالنسبه لاهلى فانا امى وابوي متوفين ومليش غير عمى مقعد مش بيتحرك كتير بس هيكون موجود بالفرح وتقدر تيجى تشوف شقه اللى هتتجوز فيها بنتك فى اي وقت علشان تطمن وانا هجيب ب100 الف شبكه وهكتب نص مليون مؤخر وزيهم مهر قولت ايه ياعمى.
محمد وهو مصدوم من اللى بيسمعه ويتوجه بنظره لانعام التى تؤشر له بالموافقه وبسرعه.
محمد:طب يابنى هسال عنك واخد راي العروسه وانت تشوفها بردو عقبال مانتشاور انا والجماعه ونرد عليك…
نائل:ياعمى انا مش محتاج اشوف روح الست ام سعيد وريتنى صوره ليها وانا موافق وتقدر حضرتك تتشاور مع جماعتك وانا هعدي عليك بكرا الصبح قبل ما انزل القاهره اخد الرد منك عن اذنك ياعمى…
ويقف نائل ويودع اهل الدار ويخرج ويتركهم فى حيره وصدمه وخوف من هذا؟ ولماذا مستعجل هكذا؟ وهل ياترى دى انسب فرصه لروح حتى تتفك عقدتها ؟
تمسك انعام بيد ام سعيد وتجرها داخل غرفتها:انتى ياوليه يام السعيد مين الجدع دا وماله مستعجل كدا ليه انا قلقت منه انتى تعرفيه منين…
ام سعيد: قلقتى ليه بقى ان شاء الله
دا بيه كبير جوى فى مصر انا كنت بشتغل عنديهم ايام المرحومه امه وعارفاهم ومربيه الواد من هو صغير وبعدين الحق عليا انى جبت لبنتك جوازه مكنتوش تحلمه بيها انتى سمعتى هيديكم مهر كام ولا شبكه بكام والنعمه انتى يا انعام مش وش نعمه ولا عز انتى وبنتك.
انعام:مش القصه يام سعيد ياختى بس البت هتتجوز وتسافر يعنى حتى مش معانا بنفس البلد كنت اطمنا عليها علشان كدا بس قلقت وخفت شويه…يعنى على ضمنتك ياختى نسمى بالله ونتوكل فى الجوازه دى ….
ام سعيد:ايوا ياختى على ضمنتى برقبتى كمان…..وبعدين ادعيلى ياختى ادعيلى ….البيه بشرنى انه هيسفرنى اعمل عمره لبيت الله عقبالك ياختى…
انعام:يالف النهار ابيض مبروووك ياختى والله مش قليل عليكى انتى كان نفسك فيها من زمان بس ابقى افتكرينا بقى….
وانتهوا بعد فتره من الحديث وذهبت انعام لمحمد محاوله منه لاقناعه بنائل وثم ذهبت لروح لتعرض عليها الامر التى انصدمت فاول مره تصل لهذه المرحله قط كل من اتوا لخطبتها لم يستطيعوا حتى الجلوس اكتر من 5 دقائق ويشعرون باشياء تراها روح من وحي خيالهم كهلاوس مثل الحائط الذى يبكى دما او الرسومات اللتى تظهر عليه حتى فى مره من المرات ظهر على الحائط جمله تهديد بالدم لم يراها سوى الضيوف ايضا وكانت فى حيره من امرها من هذا الذى يدعى نائل؟ولماذا لم يشعر ويرى مثلما اللى قبله؟وهل فعلا هذا عوض الله على طول الصبر ام انه وجع اخر تختبره ؟وفى وسط هذه الحيره تفوق على صوت والدتها وهى تقول ان والدها سيقرا معه الفاتحه غدا وسيذهبوا لشراء الذهب ورؤيه الشقه حتى نتمم باقيه الزيجه باذن الله ….
ولاول مره فرحه تدخل فى قلب روح ولكن تصاحبها الخوف
ياتري ماذا سيحدث فى هذه الزيجه؟ هل ستسمر ؟ ام سيحدث معه مثل الباقي؟وما السر الذى يقطن هذه الفتاه؟ومن تاتى هذه الاشياء والدماء والتهديد لمن ياتون لخطبتها؟ هذا ما سوف نعرفه الجزء القادم اذا كانت لديك الشجاعه اكمل القراءه والا ستندم…..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية سر الشيطان الاسود)