رواية أأستحق هذا العذاب الفصل الثاني والعشرون 22 بقلم ميفو السلطان

رواية أأستحق هذا العذاب الفصل الثاني والعشرون 22 بقلم ميفو السلطان

رواية أأستحق هذا العذاب البارت الثاني والعشرون

رواية أأستحق هذا العذاب الجزء الثاني والعشرون

رواية أأستحق هذا العذاب الحلقة الثانية والعشرون

..كان جبل قد ترك قمر ليومان تعد حالها .. دخلت عليه المكتب اقترب واحتضنها ….. وحشتيني جوي .مسك يدها وظل يقبلها بهيام …اني مانمتش ليا يومين . مش متخيل هتبقي جاري وبتاعتي والله حاسس اني هنهبل ..قبل وجهها …،اسمعي انهارده هاخدك ونطلع عالمركب نجضي اول يوم مع بعض تمام وهتجولي لابوكي انك مسافره كام يوم اياكي تجوليله حاجه .
ابتسمت .،..كمان ابويا مايعرفش .
قال بلين وقبل خدها ،،ويعرف ليه احنا بس اللي يهمنا بعض ..شوفي اسبوع هنجضيه مع بعض اني كلمت ناس تحضر المركب اني وانت وبس .،وكتبت الورجه عن المحامي وهتاخدي شيك الميت الف وفوجيهم متين كمان شوفتي اهوه بزياده..هنروح نختار المكان اللي هنعيش في مع بعض .
قالت ببرود .امممم …هنعيش كيف طيب جول نورني وفرحني .
قال….،بصي انت طول النهار هتبقي معايا هخلص شغل بدري واجيلك عالمغرب اكده ونبقي مع بعض واروحك بالليل لابوكي وهنجول ده شغل برضك وهخلي الشركه تكلم ابوكي عشان يصدج وانت محتاجه فلوس هتجولي انك بتاخدي شيفتات واعملي حسابك يا جلب جبل فيه ايام هتباتي معايا اقترب وشدها ،،اني حاسس اني هنجن وماهشبعش منك .
ابتسمت ببرود .،وايه كمان ..
قال مبتسما…كتير مخطط لكتير والله ..اكده نبقي مع بعض .
ابتسمت …. .،امم وهتطلجني بعد شهر .
اندفع وهتف بلهفه .. ..وليه يا جلبي تطلجي هيبقي ناجصك ايه فلوس هتاخدي راجل ورايدك هتطلجي ليه خليكي .
ضحكت.. ..صحيح ما اخليني هطلج ليه ..ماني جاعده بتحضن بفلوس وبنام بفلوس عشيجه يعني .
تنهد… ،،جمر مش هنرجع لجديمه بقه ماخلاص اتفجنا ماشي ..المحامي بيكتب الورجه وهيجبها …اتي المحامي واعطاه الورقه .،ابتسم واقترب … يلا يا جلبي تعالي امضي .،نظرت اليه ونظرت للورقه ومسكتها فاحتضنها ،،… شوفي كاتبلك اهه تلتميت الف مش ميه ولا كنوز الدنيا جبل بقي معاه يجبلك احلمي هيجيب بس ياخدك ويفرح هفرح اخيرا وتبقي ليا بتاعتي بتاعتي اني ..من ساعه ماسمعت رايداك واني مهبول .،كن فين ده من يوم ماشوفتك ليا ياما بنحرج بس خلاص يا جلبي ماعاد فيه حرج واصل فيه فرح فيه جبل اللي هياخد جمر اخيرا ويرتاح …اهوه امسكي يلا امضي وهننزلو في ساعتها ما مصدج والله يلا بسرعه عشان مانتوخرش … .نظرت الي الورقه بدات تقرأها وقلبها بدا يدق بعنف .. .،ولمحت سطرا احست ان قلبها تمزق اشلاء ..همست ….
……علي ان تتزوج قمر حمدان من جبل العزايزه وليس لها اي حقوق لديه وليس من حقها ان تطالبه باي شيء وانها اخذت حقوقها كامله …كما ان هناك اتفاق ان لن يكون هناك اطفال طوال مده الجواز. واذا تم الطلاق من حقه ان ياخذ الورقتين ولا يعرف احد عن تلك الزيجه شيئا والا تتعرض للمسائله القانونيه …..
ابتلعت ريقها وبدات تحس بدوار ماهذا الرخص ماهذا الهوان الهذه الدرجه رخيصه امامه ابتعدت ونظرت اليه ظلت تنظر اليه ولا تنطق . ..انت ازاي اكده انت بجد طلبت من المحامي اكده.ايه المرار ده.
خفق قلبه وقال برهبه ،.. .،فيه ايه مالك .
نظرت اليه بسخريه و بقهر….. مالي… .،مالي الحزن كله والجهر وجله الجيمه يابن العزايزه ….،مالي..بتسالني مالي …،يا مصيبتي .،واجف تجسم وتشتري وتبيع ليه اني كت طلبت منك جواز من اساسه .
قال بغضب …..انت مخبوله ماتفجنا وخلصنا .
ضحكت… .،اتفجنا …اتفجنا علي ايه جول… اتفجنا ابقي عشيجه تكون ليك في الدرا… اتفجنا ترميني في بيت من ورا ابوي وتيجي تنام معايا زي الحراميه وبتوع الليل …اتفجنا تدفعلي فلوس حج نومي معاك ..اتفجنا اترمي بعد ماسيبك رميه الكلاب ابقي متاخده في الحرام ماني ماهجولش اني متجوزه ….يا مري اني رخيصه جدامك اكده…كتبت ده جول كتبته انت جولتله يكتب ما مصدجاش …جلبي منك لله بيتمزع . اني دي اخرتها اخره صبري اخره حزني وايامي الطين .،اخرتها يا جبل بت ليل في الدرا .
صرخ ……امال عايزه ايه انت .
صرخت….. عايزه عايزه …ماعايزاش ماعايزاش يا كافر ماعايزاش منك حاجه ولا عايزه اشوفك.
صرخ….انت انخبلتي مش كتي رايده زفت فلوس …،انت هديكي الميت الف مش كتي مجهوره اديني هتهبب رايده ايه .
قالت بقرف …. .،ماريداش ولا عت رايده حتي ابص في وشك.. انت اخر واحد دلوك عايزه اشوفه …
اقترب وشدها ..لاه بجولك ايه اعجلي احنا خلصناها امبارح وانت رايداني بلاش هبل اني مابيتلعبش بيا لو رايده بزياده هديكي انما تلغي لاه ماهيحصلش انت رايداني وهتموتي عليا ابقي راجلك .وهبقي كيف غصب هبقي .
انطلقت تضحك ..كنه اكده كيف غصب هتبقي ..ليه يابن الناس واجعه جدامك .عايز تعيشني عمره كله في الوساخه طب اني عست حزن ياما كمان هتحط عليهم وساخه ..ايه ده كابوس مابصحاش منه واصل هو مافيش غيري يندعك وشي مافيش خالص..ابتعدت ونظرت اليه بسخريه …..بس اطمن خلاص اني ماعتش عايزه فلوس ولو هيكون لما اكون بموت ماهيبقاش منك.. اطمن وارتاح وريح حالك وعين فلوسك وحطهم علي بعض انت تعبت في الفلوس خليهالك يا جدع .
قطب جبينه و رجف قلبه برهبه ….. ايه ماعتيش كيف ده امال كت مجهوره جوي وعايزه فلوس .
قالت ..لاه خلاص ماعايزاش والله واستدارت الله يسهلك حالك ويبعدك . .
اندفع يكلبش فيها .،انت بتجولي ايه خلاص ايه ويسهل ايه . يعني ايه مش هنكتب ..انت انت ..لاه مش بعد ما نمت احلم بيكي تصحي تغفلجيها عليا اني ماعارفش اتنفس ..اجضي ليله احلم بيكي في حضني مهبول وتجومي تجهريني اكده ..الفلوس موجوده والله هديهالك بزياده اعجلي اني ماهسمحش بده .
هتفت ببرود ..هتعمل ايه واني مش رايده .
هتف ..هعمل يا جمر انت ماتعرفيش جبل ،جبل لو انهبل ماهعرفش هعمل ايه ..اقترب وشدها ..ايه اللي حوصل من ساعتها ايه جد .. جمر انت بتكيديني صوح عايزه تعرفي كد ايه اني رايدك ومهبول عليكي …ايه حوصل .
ابتسمت ببلاده ..اصلي اتصرفت . ..
نظر اليها واشتعل…. اتصرفتي اتصرفتي منين .،
اقتربت وقالت…. اتصرفت من جوزي..ابتعدت وركنت علي المكتب وبدات تتامل من وقف قلبه تماما وانهال عليه سواد الدنيا . .
ظلت تنظر اليه بشماته وتستعيد حالتها حين عادت الي بيتها كيف كانت تشعر بالموت ان عشق حياتها نهش قلبها وذبح فؤادها وكيف قضت ليله مميته ..ليله سالت دموعها انهارا. ليله ناجت ربها ان يرحمها ليرسل لها رب العباد يد حنونه تمسد علي قلبها …
وجدت الحاج عرفان ياتي لها في الصباح دخل عليها قائلا ،.،جمر فيكي ايه اني نمت صحيت حسيت فيكي نصيبه .
نظرت اليه ولم تعرف ماذا تقول فانهارت امامه وظلت تبكي وهو مذهول .
اقترب وقال…. فيه ايه جولي ..حكت له كل شيء كانت تعتبره كابيها …
جلس هو يفكر لفتره فقال…… اسمعي يا جمر اني هتجوزك ودلوك .
نظرت اليه ،،بتجول ايه يا حاج عرفان انت ذنبك ايه .
قال بتصميم…. .،بجولك هتجوزك وهتبقي بتي اللي ماخلفتهاش ماهو ماحدش بيعيش العيشه دي اني بقه هعرف الكل ان جمر ماحدش يطولها وعشان تطولها لازمن تعرف جيمتها وتنذل لاجل تراعي وتطبطب وتموت علي طرفها .
قالت بغرابه … ،،،هو مين يا حاج .
قال بوعيد .. ،،،صاحب النصيب اللي ربنا جاسمهولك يا بتي بس خلاص اني هتجوزك ماحد هيمس طرف توبك اني هجفل جصه العفاشه نهائي كفايه اكده الكفه لازمن تتعدل والمايل يرتدع ..بكفايه عليكي اكده ..واه هدفع فلوس عمليه باسم ومن بكره هيعمل العمليه .
نظرت اليه دامعه….بجد يا حاج هتدفعلي فلوس بس اني اني ….
ابتسم وقاطعها …… جصدك ماهتدنيش حاجه ماهتجوزكيش يعني .،يا بتي اني مرسول ربك ماعايزش جواز من اساسه. اني مرتي بعيني لحد ما اموت بس اني ما هتخلاش عنك عشان اجابل ربنا واكون عملت اللي انطلب مني.
اسمعي يا بتي انت لو جبل كان برك انت ماعملتيش حاجه لده كله كتي صغيره ماحدش بيحاسب عيل صغير الا المخبول …والمخبول لازم ينخبل بزياده عشان يعرف ان الله حج … ويلا هروح اجيب الماذون .
تركها وذهب وقفت هيا دقات قلبها تدق بل تصرخ وتستغيث اهذه نهايه قصتها انتهي الحلم ستتزوج وتقف قصه جبل ..تنتهي قصه العذاب ..ركنت تفكر والحلم يتوالي عليها بجنون ..
اتي عرفان وقفت امام الماذون وبدات المراسم لياتي وقت ان طلب منها الماذون ان توافق علي الزواج ..هتف الرجل ..جولي يا جمر ..زوجتك نفسي يا عرفان جولي ..ظلت تنظر الي يده وتنظر لعرفان ودموعها تسيل ربت عرفان علي يدها ونظر اليها بحنان ..هتف الرجل مكررا ..جولي يا بتي .. اني زوجتك نفسي يا عرفان ..
ابتلعت ريقها و وكان الكلمات انحبست بداخلها لتقول ..اني اني اني ..لم تستطع ان تنطقها لم تخرج الكلمه كأن قلبها يعرف من مالكها زمن رفيق دربها حتي لو حلما …شدت يدها ونظرت لعرفان بقهر. لم تستطع ان تكتب علي اسم شخص اخر نظرت لعرفان واجهشت بالبكاء ..
تنهد وقال ……..ايه ماجدراش الا تكوني ليه للدرجادي بتحبيه .احنت راسها …تنهد وقال ..طب جومي يلا …وانصرف الماذون وحلس معها ……طب يا بتي اني هجول للناس اننا اتجوزنا وتاجي وابوكي تجعدو في بيتي. اني بيتي كبير ياخد ويساعي بيتي فيه مكان تجعدي فيه براحتك انت وعيلتك من غير خشا ولا دوس علي حرمانيتك .
قالت بقهر …. .،،وانت جايلك بايه الحزن ده..
ابتسم …. جايلي هتعرفي بعدين ،،جايلي ارجع العجول واعدل المايل يا بتي..جايلي احطك عالدنيا الصوح ..جايلي انك بكفايه وربنا بعتني عشان اجول بكفايه …
همست تجول لمين .
ابتسم ..اجول لدنيتك اللي اتحطيتي فيها واندعكتي اجولها بكفايه اكده جمر ليها حج في الدنيا هتاخده وحتي لو ماخدتوش ماينحط عليها من الدنيا الا خيرها ..سنين عذاب ماتستحقيهوش يا بتي ..بس رب العباد بعت ليكي رد جضاه .،ايوه اني جاي ارد جضا الحزن والهم ..وهتشوفي يا بتي اني بدخلتي حياتك المايل هينعدل ويتردله عجله … بس اصحك تعرفي حد فاهمه ،، واخذ باسم لترتيب العمليه في اكبر المستشفيات وتنتقل قمر علي عجاله وابيها الي بيت الحاج عرفان كان بيتا كبيرا ليستتب لها الامر وتشعر لاول مره بالراحه وتنام ومع ذلك كان الحلم لا يتركها …….
فاقت قمر و عادت هيا الي واقعها عندما صرخ جبل ،،بتجولي ايه اتجوزتي اتجوزتي يا جمر .
قالت ببرود …اه اتجوزت علي سنه الله ورسوله عند مأذون وجدام الدنيا والحكومه.اتجوزت يا حبل بجسيمه وختم ودفاتر ..اتجوزت بمأذون ورجاله وشهود وخلج وليله ..اتجوزت بابويا وبجرايبي وحيراني والخلج وامه لا اله الا الله ..اتجوزت في النور لا حراميه ولا بت ليل .،اتجوزت بالخلال لا حرامي ولا عرفي ولا جته تتاخد بالفلوس ويتكتبلها ورجه نجسه متشرطه بس متشرطه في الجته … اتجوزت راجل محترم يعرف ربنا يا جبل. راجل لا عايز جسمي ولا عايز حاجه راجل عايز يصون . راجل جالي تعالي بالحلال هاه الحلال يا جبل اللي اني استحجه .
احس ان قلبه انفلق نصفين..وبرقت عيونه ووضع يده علي قلبه …اتجزت ..جمر اتجوزت ..اتجوزت وسابتني ..امال اني هتجوز مين ..داني نمت احلم بليلتي ..اتجوزت نظر اليها احس انه سيموت او يقتلها .. هجم عليها ومسكها من رقبتها .. اتجوزتي اتجوزتي راجل غيري انطجي …اني هجتلك تدي نفسك لراجل تاني والله اموتك .
بعدته بعنف .،ادي نفسي لراجل تاني .،انت غريب ليه اكده مش اني بت شمال يا جبل والا ايه نسيت والا حرجاك ادي نفسي لتاني دي .. هو أني كت هترهبن عليك العمر كله يابن الناس .كت هعيش ممسحه ليك عمري كله يا جبل ..تشتري وتبيع وتجطع فيا …،عارف انت مجهور دلوك جدامي عارف ليه عشان كت عايز جتتي ومن جواك متوكد ان عمري ما كت هبقي لحد تاني غيرك .
صرخ بحرقه ،،ولما هو اكده عملتي ليه اكده تاني بتعيدي حرجه جلبي تاني .
قالت بحرقه …. ،جلبك هو فين جلبك يا جبل ..جلبك مااات هناك عالجسر اللي فوتك عليه لما دخل مكانه الغل… الناس بتتخاصم بس انت فجرت في الخصومه يا جبل …تجولي حرجه جلب واني ايه جول ..جول يا اخي ايه ..من ساعه مارجعت كت بتعمل ايه في جلبي يابن الناس .ماليش حج زيك اتجوز …مش كت هتتجوز بت خالك جولي ماليش حج والا هجعد اتحسر عليك العمر كله .جول رايد تاخدني بالعرفي وترميني دا ايه الجرف ده عرفي اني اتاخد عرفي جول هو اني استحج كل ده استحج كل تمزيعك ده …طب اني كبرت يا جبل وانت كبرت وفوتنا المعيله لحالها ..بس انت لساتك عند العيل اللي عالجسر …زمانك وجف هناك والعجل راح ومافضلش الا جبل وغل الجبل .. ..
اسال حالك استحج ده كله واحده سابت واحد يرجعلها ينهش فيها اكده .وكاتبلها ورجه وسخه بالفلوس يا مري ..ده اخرتها ..لاه والله ابدا ….اني حجي اختار وانجي مش جبر وتجطيع ومرافقه… اني تجولي هنترافق …اخص عليك ..دانت ماسيبتش حاجه نجسه من ساعه ماجيت ماعملتهاش …لا ساعه ولا يوم الا ماعملت عمله اوسخ من اللي جابليها ..من اول التعيب والتعيير واهانات ومسخره وحزن اسود واخرتها عشيجه بفلوس ..بت ليل يعني …..،بس ربك رايد انه ينجيني من ذُلك واتجوزت راجل زين .
صرخ…. مين اتجوزتي مين ..اجهريني كملي جهر .. ،،اتجوزتي العجوز اللي ركبتي معاه صوح .
ابتسمت ،،،الله عليك … شوفت عرفان اهوه ده .
صرخ ….وواخده الشايب ده تعملي بيه ايه .
هتفت مبتسمه …..،وكت هاخد الجدع اعمل بيه ايه بالعرفي يا جبل كان هياخد جسمي ويرميني .،عرفان عايز يبجالي راجل يصون ويخاف عليا واني ماهجولش لاه خد اللي رايدك وخليه يحطك في عينه وهو جال .
صرخ … اني هروحله واطلجك منه واخليه يعرف كل حاجه اني هتجوزك وان كان عالعرفي هتجوزك رسمي ايه جولك .
انطلقت ضاحكه صرخ ….انت بتضحكي علي ايه .
قالت …..،بضحك علي ايه ..عليك يا غلبان ،،بتطلج وتتجوز ليه ربنا ياخي وتروحله تجوله ايه اني شمال اني متاخده اني كت ماشيه معاك ..اهو عرفان بقه عارف كل ده .
نظر اليها مذهولا ،،عارف عارف وعادي اكده انت كدابه .
تنهدت ،،ايوه يا جبل ،،اني جولت لعرفان كل حاجه وحاجات انت ماتعرفهاش ولا هتعرفها لحد ما اموت .،عشان هو صاين النفس وانت العكس ،،عرفان سمع وحس سمع وربنا بعتهولي عشان ما اكملش حياتي ممروط نفسي يا جبل..تخيل اكده احساسي ايه وانت بتدعك فيا خطوبه وفرح وحزن اسود واخرتها عرفي يا مراري ..
بس عارف … عرفان ماصدجش اني شمال وهو مايعرفنيش وانت صدجت اني شمال وانت عارفني ومتوكد اني مش اكده…
انت عمرك مالمستني يا جبل ولا فرطت في حالي ليك واني كت صغيره وبتغندر وكان سهل اسلم ليك بس انت ماعرفتنيش يابن الناس …صدجت ليه يا جبل حط عيونك في عيوني صدجت ليه كت جبتني من حضن راجل هاه جول بس عارف انت صدجت ليه عشان مغلول ورايد تبرر غلك ده لحالك… عشان شيطانك كبر جواك ازاي جمر تسيب جبل لاه ماينفعش يتساب مع ان كت عيله عادي ياما عيال بتحب وتسيب وبرضك ماهجولش اللي في جلبي يابن الناس عارف ليه عشان انت ماتستحجش ترتاح …كت فوض امرك لله انت دعيت عليا عمر واني دعيتلك عمر وربنا اعلم بالدعاوي نزلت فين وعلي مين ..ولحد اهنه خلصت واستدارت ذاهبه.
فهجم عليها وكلبش فيها بقهر وشعر بذبحه في صدره…،راحه فين راحه فين هتسيبيني وتروحيله خلاص اكده دي حياتنا خلصت علي اكده . لاه ماهجدرش حاسس بموته جوايا اداراها بعنف وصرخ بصيلي …كانت تشعر بوجعه ولكن يكفي يجب ان يستمر كل في حياته .يجب ان ينساها ويقفل بابها نهائي ….صرخ بصيلي …نظرت اليه بجمود ..صرخ ..لاه مش دي مش عيونك دي دمعت عيونه ..عيونك اللي كت رايداني ..اني اني ماجدرش بصي والله هكتب عليكي رسمي ..خلاص هكتب رسمي …اعملي ما بدك وهاتي ورج الدنيا حطي شروطك واني هوافج اطلبي فلوس الدنيا هجبهالك بس ماتروحيش لغيري اني ما صدجت ارجع الاجيكي خاليه تدبحيني اكده . اني رايدك بفكر في ليلتي معاكي زي المجنون .
دفعته…. بعد يدك ده مش حجك يابن الناس واني اصون راجلي لو علي موتي اسيب ايه هو اني كت معايا عشان اسيبك واروحله .وتاني فلوس لساتك بتتكلم في الفلوس محروجها يا اخي بقه .وكل دماغك ليلتي وبس جتتي وبس ..والله لو ينفع كت ريحتك بس ماينفعش يابن الناس …..كفايه كفايه …لو كت جيت ورجعت جبل اللي اعرفه ماكنش كل ده حصل كت عايزه فلوس للواد الغلبان اليتيم اللي جلبه عيان جيت اطلب منك فلوس جولت جايز يديني لاه بعتلي فاجر . وجه يجطع ويشرح . وتمر ايام وانت بتمزع .
دق قلبه بعنف ثم صرخ ….ماجولتيش ليه كت اديتك.. يعني انت متجوزاه عشان يعمل للواد العمليه ماجولتيش ليه .
ابتسمت ،،انت مصدج حالك .لو كت جولتلك كت هتجولي هديكي بس هتديني مقابل فلوسك بس كت هيبقي افظع كت هتعرف اني ماهنطجش ولا هجدر اجولك لاه محوجه ومكسوره عشان الواد ..
جبل عرفان حس بيا عارف يعني ايه لما روحت من عندك جهرتي كانت بتمزعتي …جالي الصبح جالي بيكي ايه حلمت بيكي موجوعه ،،نظر اليها مذهولا ،ابتسمت …،عرفان راجل بتاع ربنا عايز يصون ربنا باعته ..جاي تجولي فلوس وعمليه..هيا خلصت اكده بعد عني يابن الناس لا اني ليك ولا هكون ليك .
مسك يدها واعتصرها …..،لو مفكره اني هسيب حجي تبقي مفكره جبل اهبل .،انت حجي ..انت حج سنين سوده عشتها واني راجل مابيفرطش في حجه وفوج اكده عرضه وحرمته ..وعشان اكده جابلي بقه يا جمر انت اللي رمحتي واني هعرف ارجعك ازاي .
دفعت يده وهتفت ،،عندك حيطان البلد ارزع فيها راسك خلصت الجصه والله خلصت ..جصه جمر وجبل خلاص عيش يابن الناس ..بدعيلك اهه تعيش وتفرح ويحلالك دنيتك..جمر راحت من حياتك ..كمل حياتك يا جبل ودوس عالماضي الماضي يوجع ويموت .. واستدارت وخرجت.
وقف هو يشعر بنار في جوفه ينهج وقلبه انشق استدار يكسر المكتب والغضب ينهش حاله ويصرخ وهيا تسمع صرخاته وقلبها يأن وجعا.. فحالته مريعه… البت راحت..اكده خلاص .. اتجوزت الراجل العجوز …اتجوزته وجالتله كل حاجه امال هفركش الجوازه ازاي.. اموته اه اموته مافيش حل تاني لازمن اموته يا ربي عالحزن …راجع تعمل ايه يا حبل …راجع تموت جدامها ماكفهاش اللي عملته فيا يا مري اعمل ايه دلوك ..البت راحت الراجل الشايب خدها مني دا فيه حيل يتجوز اروحله اه اروحله اجوله اني عايزها اجوله انت مش توبها ولا هتنفعلها .اجوله انها حجي وحج سنيني السوده ..
ظل جالسا ياكل حاله انت راجع تنتقم علي دماغك اهي حرجت جلبك حرجتي جلبي يا بت حمدان عرفتي تموتيني تاني يا مري حاسس بعصره …تاني كني عالجسر اعيشها مرتين متاين يا جمر تكوني لغيري …لاه لاه ااااه ماجادرش هنجن …قام وصرخ بعلو حسه وخبط زجاج المكتب فانشقت يداه وهبط الزجاج كالهشيم .
لم تتحمل هيا فدخلت مسرعه ..فيه ايه اتجننت نظرت ليداه ارتعبت فهيا تسقط منها دماءه فاندفعت مرعوبه وبلهفه …يدك مالها يدك انت مجنون شدت وشاحها الذي تلف به رقبتها ووضعتها عليه وقلبه يخفق بشده فلهفتها كلت قلبه.
ظلت تمسك يده ….اجعد اجعد اني هعملهالك اضغط اهنه ،،امتثل لها وقامت مسرعه تحضر المطهرات وبدات تطيبها بعنايه وهو يتاملها وعاد الجبل خاضعا لانثاه فقربها وحنينها ولمساتها جعلته يحن اليها وخوفه من بعدها …كانت محنيه وراسها امامه اقترب لا شعوريا براسه من شعرها واغمض عيونه …كان يشعر بها وفقط وزال الم يده ..
همست بحنان ورفعت وجهها ….حاسس بايه .
دمعت عيناه ….وجع وجع يا جمر ..
ارتبكت وقامت مبتعده وهتفت .،هجبلك حبايه قامت واتجهت للباب.
اندفع الي الباب وهتف ..مفيش الا حبايه واحده هتداوي جلبي اللي انهري له سنين ،خافت ان تنظر اليه مسك وجهها بصيلي بصيلي.. جبل موجوع يا جمر ،،ظلت ساهمه تنظر اليه وهو يري العشق بعيونها…احس بالجنون فنظراتها عادت اليه مسك يدها يضعها علي قلبه الوجع اهنه طافح وزايد …اقترب اكثر ..انت الدوا انت راحتي انت يا جمر اغنضت عيونها وهو يداعب خدها مبتسما بحنان والغلب ظاهر عليع …
فانتفضت وابتعدت وتركته مسرعه وخرجت ..ليركن عالباب ويضع يده علي قلبه ،،هتفضل عمرك كله عايش سواد ولا هترتاح يا جبل ..
عادت قمر الي البيت مقهوره فهيا قد نهت اخر امل له ان يكونا معا دخلت وجلست واطمأنت علي ابن اخيها دخلت علي عرفان وقبلت راسه ..ازيك ياابوي فهيا منذ ان جلست معه تناديه بابيها .
ضحك عرفان ..نفسي يسمعوكي يزفوكي بتجولي لجوزك ياابوي .
ابتسمت ..ايه زعلان اجولك باسمك عادي .
هتف ..لاه اني حابب ابا عرفان منك جوي ..انت بتي وكمان باسم بيجولهالي انتو مليتو عليا الدنيا يا بتي . وابوكي راجل طيب ربنا يخليه .
ابتسمت ..انت اللي دخلت عليا الفرح ياابوي ربنا يخليك ليا .
قال…. عامله ايه جابلتيه .
احنت راسا فقال… جولتيله انك اتجوزتي .
تنهدت بحزن …..،ايوه ..نظرت…وعرفت كيف .
هتف شوفت… عيونك الحزنانه .قال مبتسما…..،واكيد هاج وجلبه انحرج صوح .
احنت راسها بوجع …جطع جلبي يابا عرفان ..
ابتسم عرفان ….،اللي يحب ويعشج يعمل اكتر من اكده .
قالت بوجع …. ،،يعشج يعشج ايه بس …جبل بيكرهني يابا الحاج .جبل رايدني رغبه وجالها ياما ..حب وعشج ماتو من زمان .اسكت والنبي .
ضحك… ،،كنه ايه والله انت هبله ربنا يهدي العاصي .
قالت … اني هسيب الشغل جولتله اكده بعد شهر .
قال…. .،ليه ماجدراش تجعدي معاه خايفه منه والا من نفسك .
قالت.. ،،لاه خلاص كفايه جهر اكده يخرج من حياتي بقه .
رفع حاجبيه … ،،صوح عايزاه يخرج من حياتك يا جمر ،
تنهدت…… .،جبل ما عملش غير انه بيوجعني يابا عرفان .
قال …. ..ماهو انت برضك دبحتيه يا بتي دا غلبان… مالوش عذر عندك يا بتي .
هتفت …..حتي لو له عذر هو جلبه نتشه والغل طاح جواه ..حتي لو مافيش هيعمل بيا ايه انت خابر .
قال……جصدك الخلف .
قالت….. .،خلف من ناحيه وجتتي اللي تخوف من ناحيه تانيه .
هتف ..بس اللي يعشج ماتجفش جدامه حاجه اكده .
قالت بوجع…. ..اللي يعشج بقه يا حج .جبل رايد جته منوره والجته معيوبه وحزن جبل رايد الغندور اللي كت بتتخايل بجتتها تلبسله وتنور فرشته ..انما اني ايه يا حج لو تشوف الحال يخوف لله الامر …..تنهدت …،اما اجوم اطلع اشوف ابوي وانام تعبانه عايز حاجه جبل مانام .
هتف بحنان… ،،،اعوذك طيبه حبيبتي .
عند جبل كان يجلس يغلي في بيته يدور هائجا لا يقوي علي النوم يدور كالاسد المدبوح حاول ان يصمت ولكنه لا يتحمل كونها في بيت رجل اخر لاه هيا اكيد ماحالتلوش اه اكيد ..هب مندفعا ..لاه يمين الله ماهجدر واندفع يسال ويتقصي حتي علم بيت عرفان فهو صاحب بيت قمر ..
مر الوقت واصبح الوقت متاخرا قرابه الفجر رن جرس الباب قام عرفان وكان يصلي الفجر فتح الباب ليتفاجيء بوجود جبل … انته .،فيه ايه .
اندفع جبل .،عايز اتكلم معاك .
هز عرفان راسه … ..دلوك احنا الفجر يا ولدي .
قال بجمود … ..عايزني استناك للصبح هستني انزل اجف تحت للصبح .
تنهد عرفان وقال ..خش يا ولدي تعالي .
دخل جبل وعيونه تتلفت وقلبه يخفق ..هيا نايمه فين نايمه في انهي مجعد… جلبي فينها…اخش اهجم عليها اجيبها يا حرجه جلبك يا جبل …جلبي هينشج اني جاي ليه ماعرفتش انام يا مري .كان ساهما .
ابتسم عرفان فعيونه زائغه …… اجعد يا ولدي . مش انت اللي جيت يا ولدي من فتره تكلمني عن جمر خير فيه حاجه تاني .
قال…. .،ايوه يا حاج .
نظر اليه عرفان يتفرس فيه …طب جول .
ظل جبل يفرك وعرفان ينظر اليه ويتفرس فيه فاندفع جبل بحرقه …هيا ..هيا مابتحبكش يا حاج اتجوزتها ليه جمر مش توبك يا حج .
رفع عرفان حاجيه من جرأته فقال ……انت جاي الفجر تجولي ان مرتي مش من توبي انت مخبول يا ولدي ..حد يجول اكده لراجل علي مرته .. ومين جالك انها مابتحبنيش .
قال جبل ،،اني خابر يا حاج انت هتعمل بيها ايه طيب دي عيله صغيره مش حرام يا حج .
ابتسم عرفان متعجبا .،اعمل بيها ايه وحرام ..الستر للبنته وحش .
قال جبل بحرقه….. لما يكون من توبها مش كد جدها بص ليها ماصعبناش عليك تاخدها عيله عايزه جدع يجدرها .
نظر اليه عرفان وضحك ….،وانت بقه الجدع ده .
ارتبك جبل فهتف عرفان ..جمر مالجيتش جدعان تجدرها يا ولدي خدت الشايب اللي بتجول عليه .
قال جبل ….بس هيا جلبها مش معاك انت ماخابرش حاجه عنها واصل .
قال ..جصدك انها كت بتحبك وانت كت بتحبها وسابتك يا ولدي جصدك اكده…. بهت جبل ..
ضحك عرفان …..،،جمر جالتلي علي حياتها كلها ماخبتش حاجه يا ولدي .
رجف قلب جبل ….. جالتلك كل حاجه كل حاجه .
ابتسم عرفان …… ايوه وفيه حاجات انت ماتعرفهاش كمان بس خدت عليا عهد ماجولش لمخلوج .
هتف مندفعا …. حاجات ايه دي حجي اعرف .
قال عرفان…. .،لاه ماعتش لك حجوج عندها كان ممكن يبقي ليك حج لو رجعت والغل ما ماليش جلبك. بس يا ولدي الغل جباض جلوب بينزعه وانت الغل نزع جلبك وغلك علي جلب حنين وطيب واغلب خلج الله.جمر مافيش زيها لا في جلبها ولا روحها .بكفياك يا ولدي ارجع لعجلك واخرح بره غلك ..عينيك هتشوف ساعتها هتفرح …ودلوك بعد عن مرتي يا جبل اني صحيح راجل كبير وشايب كيف مابتجول بس برضك صعيدي وواعر بروحك تجرب منيها فاهم .،
وقف جبل صارخا ..وانت مفكر انك هتسعدها .
تنهد عرفان وظل يتامله وعيونه تلمع…. ماخابرش بس متوكد انها هتنسعد يوم . اتكل علي الله وادعي ربك يريح جلبك اللي الغل طاح فيه اقترب عرفان ..وربت علي كتفه .،لو غلك راح هترتاح والله هترتاح لو عرفت جلبك جواته ايه هترتاح وتحس بالمتخبي هتحس وجلبك هيلين وساعتها تعالي وجولي فهمت الجصه والا لساتك غلك عامي جلبك .
تنهد جبل بغلب لا يفهم شيء وتلفت حوله ولم يعلم ماذا فعل ..قام جبل وترنح ..فمسكه عرفان هاتفا خش اغسل وشك الحمام اهه علي جنب .،دخل جبل وغسل وجهه وخرج ولكنه تسمر مكانه عندما سمع ……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية أأستحق هذا العذاب)