رواية حب فاق توقعاتي الفصل الثالث 3 بقلم زهرة الربيع

رواية حب فاق توقعاتي الفصل الثالث 3 بقلم زهرة الربيع

رواية حب فاق توقعاتي البارت الثالث

رواية حب فاق توقعاتي الجزء الثالث

رواية حب فاق توقعاتي الحلقة الثالثة

حط المفتاح على الكمود وقال.. والمفتاح اهو وابقي خلي ايدك تتجرا وتلمسه عشان اقطعها واعلقها في رقبتي سلسله
نبيله اتنهدت بحزن شديد منه وقعدت على الكنبه بزهق لدقايق وقالت ..معتز انت نمت
ابتسم من غير ما يبص لها وقال اه نمت
قالت بسرعه.. بجد بقى والله ما هينفع قعدتي دي انا مش هعرف انام ولا ارتاح هنا وبعدين عايزه اقلع الطرحه والبس حاجه خفيفه للنوم انت فاهم صح
معتز ضحك وبصلها وقال..و ايه المشكله اقلعي الطرحه واقعدي بالي تحت الهدوم والصبح اجيب لك باقى حاجتك من هناك
نبيله بصتلو بغضب وقالت ايه البرود اللي انت فيه ده اعمل كده ازاي وانت شحط كده قاعد قدامي
معتز ضحك وقال الشحط ده جوزك هو انتي محتاجه اكتبهالك على قفايا
نبيله قالت بغيظ.. لا محتاجه اديلك على قفاك يمكن تفهم
معتز اتنهد وقال وبعدين بقى في طولت اللسان دي انتي صحيح وقمر وطالعه من عيني بس مش هستحمل طولة لسانك دي كتير احترمي نفسك
نبيله قالت بدموع …طب ساعدني طيب عايزه حاجه البسها اطلع اجيب لي حاجه البسها وهاجي على طول
معتز اتنهد وقام راح فتح الدولاب وطلع بيجامه من بتوعه وقال..خدي البسي دي مدام كده كده هنقعد اخوات مع بعض البسيها وتعالي نشرب لنا سيجارتين يا بلبل ..ورماها في وشها بغيظ
نبيله مسكت البيجامه وضحكت وقالت ..هتبقى كبيره قوي عليا
معتز قعد على السرير وقال والله ده اللي عندي..انا مش هاطلع دلوقتي علشان مش ناقصه سين وجيم وليه عملت وليه ما عملتش ..ولا هسيبك تطلعي لاني عارف انك مش هتيجي تاني
نبيله قالت بكدب..لا بجد انا هاجي على طول
معتز ضحك وقال.. وانا مربيكي يا بلبله عارف اذا كنتي ناويه تيجي ولا مش ناويه البسي البيجامه واقعدي عاقله
نبيله اتنهدت بضيق شديد واخذت البيجامه بغيظ ودخلت على الحمام
معتز ابتسم واتنهد بحزن من كل اللي حصل رغم كل ده ما كانش حابب انه يزعلها او يتجوزها بالطريقه دي من غير فرح ولا حاجه من اللي رسمها بخياله واتمناها معاها
بعد شويه خرجت وياريتها ما خرجت كانت لابسه البيجامه بتاعته واسعه جدا واكمامها طويله وبنطلونها واسع عليها وساقط منها وماسكاه بايدها وحاجه تضحك جدا كانت ماشيه بغيظ من المنظر اللي هي فيه
اما معتز فبصلها بزهول من منظرها وانفجر من الضحك ومكانش قادر يسكت ابدا على الشكل اللي هي فيه قالت بغيظ شديد ..انت بتضحك على ايه ما انت السبب في الخيبه دي كلها من اولها وقعدت على الكنبه بضيق شديد
معتز حاول يبطل ضحك و بص لها وقال.. تجنن عليكي عارفه اللي صنع البيجامه دي لو شافك وانت لابساها كده هيقفل خط الانتاج مش بعيد يقفل المصنع كله
نبيله بصتله بغيظ وحاولت تتجاهل كلامه
معتز قام و قعد جنبها على الكنبه وضرب كتفه في كتفها وقال عسل يا معلم بلبل قمر في اي حاجه
نبيله بصتلو بطرف عينها وما ردتش عليه
معتز قرب اكتر وقال..بس انا عايز بيجامتي
نبيله بصتلو باستغراب وقالت..نعم
معتز قال …بقولك عايز بيجامتي هاتيها
نبيله استغربت اكتر وقال ..انت بتتكلم بجد ولا بتهزر
معتز قال بجديه بقولك عايزها دلوقتي حالا يلا
نبيله قالت بغيظ وغضب… كنت خليتني لبستها ليه لما عايزها على العموم في 60 داهيه انت وبيجامتك هروح اقلعهالك
ولسه هتمشب شدها عليه وبص لعيونها وقال…لا.هنا يلا دلوقتي وحط ايده على البيجامه
نبيله كانت متجمده مكانها ومش عارفه تعمل ايه وهو قرب من اكتر وقال بهمس.. بحبك قوي بحبك حب محدش حبه قبلي ولا بعدي يا نبيله
نبيله اتسعت عنيها بخوف وتوتر من قربو
معتز بص لعيونها جامد وقال انتي احلى واحده شافتها عنيا
نبيله بقت تبصله كأنها اول مره تشوفه وفضلت تايهه في عيونه
بس اتجمدت لما خدت بالها من اللي بيعمله وقفت بسرعه وزهول وهي بتقفل بجامتها وقالت اه يا واطي يا حقير
معتز ضحك بشده ونبيله بقت تبصلو بغيظ وهيه بتقول سافل ومنحط بجد ..قوم يلا من على الكنبه عايزه انام قوم
معتز ابتسم وقال..لا احنا هنام على سوا
نبيله بصتلو بغضب ولسه هتتكلم
شالها بسرعه وراح بيها ناحيه السرير وقال..هو انا لسه هاتحايل عليكي انا عندي دماغ للقصص دي
نبيله كانت بتحاول تفلت منه وبتقول..نزلني سيبني يا معتز بقى
معتز رماها على السرير وانام جنبها وقال نامي يلا خلصيني
نبيله بصتلو بغيظ وقالت ..هو بالعافيه مش عايز انام جنبك انا حره
ولسه هتقوم شدها عليه وبص لعيونها وقال ..بس انا عايزه انام جنبك عايز ابص لعينيكي وعايز اسمع دقات قلبك يا نبيله
نبيله اتوترت بشده وقالت انت اخر واحد قلبي ممكن يدق جنبه
معتز ابتسم وقال بس انا سامع دقاته بتكدبي ليه
نبيله زقت ايده وقالت بارتباك يبقى سمعك تقل
معتز مسك ايدها وحطها على قلبه وقال بس انا قلبي بيدق ومش بيهدا ابدا
بصت لعيونه شويه وقالت ..يعني برده مش ناوي تسيبني في حالي يا معتز
معتز شدها عليه وقال …حالك هو حالي يا بلبولتي
نبيله اتنهدت بيأس وحاولت تنام
بس معتز ابتسم بسخريه وقال…لاكن مقولتليش ازاي امك لحقت اصتادتلك العريس في يومين
نبيله قالت بضيق …ده محمود …اصلا من بدري عايز يتجوزني وكنا بنرفضه بسببك بس ماما كلمتو وقالتلو اننا وافقنا خلاص
معتز قال بضيق شديد اممم مرمطون يعني حاجه على الرف لوقت عوزه
قالت بضيق…انت مش بوظتها خلاص عايز ايه تاني
ابتسم وقال…عايز اعرف لما اغمى عليا ليه متجوزتوش ..الوقت مكفاش
اتنهدت وقالت بغيظ من نفسها..لا..انا الي مرضتش الاهي اتشك في قلبي
بقلم…زهرة الربيع
بصلها باهتمام وقال..ازاي
قالت بضيق…اول مره اشوفك بالحاله دي صعبت عليا مقدرتش …خوفت تجرالك حاجه لو صحيت ملقتنيش
رفع وشها ليه وقال بدموع…كنت ممكن اروح فيها…بس انتي بجد فكرتي فيا
نبيله هزت راسها وقالت…هبله تقول ايه
ابتسم وشدها ليه وقال..اقول بحبك اوي بعشقك اوي اوي
نبيله بصتلو بغيظ لانو كان قريب قوي وقالت…طب متسوقش فيها قوي لاخبطك على دماغك اوي برضو
معتز ضحك وفضل جمبها لحد ما راح في نوم عميق وهيه ببن اديه
في صباح يوم جديد قامت من النوم لقيت نفسها بين ايديه زي ما نامت بقت تبص لملامحه وقالت قمر وانت نايم امثالك المفروض ينامو طول اليوم وميصحوش ابدا يا سلام كده لو تفضل نايم على طول مستعده اعيش معاك العمر كله وانت نايم كده
اتنهدت ولسه هتقوم شدها ليه وقال افضل نايم العمر كله وتعيشي معايا العمر وانا نايم
نبيله اتوترت جامد وقالت.. انا ..انا يعني
قاطعها و قال انتي عبيطه يا نبيله عبيطه والله عشان كده بحبك عشان هبله ووقف وبقى يطلع هدوم من الدولاب
نبيله بصتلو بغيظ و قالت اولا انا مش هبله وحتى لو كده ده مش سبب يخليك تحبني
معتز قال لا طبعا ده احسن سبب وله فوايد كتيره
بصتلو باستغراب وقالت..فوايد
معتز قال…اه طبعا فوايد..يعني مثلا لو انا في يوم نمت بره البيت فكري كده مكن اكون نمت بره ليه
نبيله استغربت سؤاله وقالت..عادي يعني اكيد شغل
معتز ابتسم وقال… وغيره لو ما كانش معايا شغل ممكن يكون ايه ثاني
فكرت شويه وقالت… يبقى عند حد من قرايبك او صحابك
اختار لبس وابتسم وقال وايه كمان
نبيله قالت… وايه كمان ..ممكن تكون معزوم في فرح مثلا
معتز ضحك بخفه وقال..ولو مكنتش معزوم في فرح
نبيله نفخت بغيظ وقالت… يوه بقى مفضلش غير انك عملت حادثه و بايت في مستشفى ولا توفيت وريحتني
معتز ضحك جامد وقال ..اهو ده جمال الهبل…يعني انتي قولت كل الاحتمالات الا احتمال واحد قريب جدا قرب منها وقال بهمس يعني مش ممكن اكون بايت مع واحده غيرك مثلا
نبيله بصتلو بزهول شويه بس قالت ..يا سيدي ان شاء الله يمكن تحبها وتحل عني
معتز ابتسم وقال ..تؤ ..انا مستحيل احب غيرك يا هبولتي الصغيره .اخذ هدوم ودخل على الحمام
نبيله بصت لطيفه بابتسامه وقالت..ايه المجنون ده وبعد كده فكرت شويه وقالت…هو عايز يقول ايه من كل ده معقوله يكون رايح يقابل واحده تانيه وووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب فاق توقعاتي)