رواية حب فاق توقعاتي الفصل الخامس 5 بقلم زهرة الربيع

رواية حب فاق توقعاتي الفصل الخامس 5 بقلم زهرة الربيع

رواية حب فاق توقعاتي البارت الخامس

رواية حب فاق توقعاتي الجزء الخامس

رواية حب فاق توقعاتي الحلقة الخامسة

معتز اول ما شافها اتصدم بشده وهي رفعت ايديها بارتباك شديد وقالت بخوف والله جايه اخد عباية ماما
القوه دخلت واخدو اشجان والشاب الي في الشقه ولسه هياخدو نبيله معتز قال بسرعه…سيبوها..اوعو حد يقرب لها…روحوا انتو وانا هحصلكم
معتز قرب عليها وقال بزهول شديد انتي…انتي ايه الي جابك هنا …انت ازاي هنا ..انا جايلي بلاغ ان في اثنين جايين مع بعض هنا في الشقه دي حالا
نبيله قالت بسرعه ودموع…لا والله ما جيت مع حد ابدا والله جيت لوحدي..ماما..ماما بعتتني عبايتها اتبدلت معاها في السوق وجيت ارجعها والله
معتز قال بغضب..عبايتها…مامتك بعتاكي تجيبي عبايتها…وهيه من امتى امك بترضى تخليكي تيجي عند دي
نبيله قالت بخوف والله ده اللي حصل وحياه ربنا حتى لو دخلت هتلاقي الشنط
معتز شدها من ادراعها بغضب وطلع بيها على شقتهم وهو مش شايف قدامه وبيقول ..امك بعتتك..يعني لو سالتها هتقول انها بعتتك فعلا
نبيله قالت بسرعه… ايوه والله بعتتني
معتز وصل الشقه و فتح الباب وقال بغضب وزعيق مرات عمي ..مراات عمييي
امها جات بخوف وقالت نعم يا حبيبي ايه ده نبيله حبيبتي كنتي فين …ده انا قلبت عليكي الدنيا من ساعه ما مشي معتز
نبيله لطمت على خدها بزهول وقالت انتي بتقولي ايه يا ماما انتي مش من شويه بعتيني عند اشجان اجيب لك عبايتك من هناك
امها ضربت على صدرها وقالت…انا.. وانا اتجننت يقطعني يا اخويا لو كنت اوديها هناك… اوعي يا بت تكوني بتروحي عندها
نبيله بصتلها بزهول شديد وقالت … يا ماما انتي بتقولي ايه افتكري ارجوكي
امها قالت..و انا هبعتك هناك ليه يامصبتي لا تكوني بتروحي يا بنت وليكي في الكلام ده ..انت جبتها من هناك يا فضحتنا وسمعتنا اللي بقت في الارض
بقلم….زهرة الربيع
نبيله كانت هتقع من طولها وبصت لمعتز بدموع
معتز غمض عنيه بغضب وقال اطلعي على اوضتك
لسه هتتكلم قال بحده قولت اطلعي على اوضتك
نبيله طلعت على اوضتها وهيه مش شايفه قدامها من اللي حصل ومستغربه من موقف امها قوي بس مقبلتش تدخل الاوضه ووقفت عند السلم بتسمعهم
امها قالت انا هخش اصلي العصر..وادعي ربنا يكون سترها معانا ومتكونش البنت بتروح هناك كتير
معتز ابتسم بخبث و قرب منها وقال خدت منك كام
بصتلو بزهول وقالت… هي ايه
معتز قرب اكتر وقال اخذت منك كام علشان هي مشرفاني دلوقتي فقوليلي خدت كام علشان اجبهملك منها قبل ما تطلع…احنا عيله برده
ام نبيله اتصدمت جدا وقالت.. ما اخذتش مني حاجه انا ما اعرفهاش
معتز ضحك وقال شوفي يا مرات عمي يا حبيبتي انا عارف انك خايفه على بنتك وعايزه تعمليلها اللي هي نفسها فيه ..بس دلوقتي نبيله بقت مراتي انا مبقاش من حقك اي حاجه من اللي عملتيها دي ولو فعلا بتخافي عليا مكنتش عرضتيها لموقف مقرف زي ده افرض ظابط غيري جيه في المداهمه افرض انا ما كنتش بثق فيها كفايه لدرجه تخليني ممكن اقتلها في وقتها او اقل ما فيها اجرجرها على الاقسام…انتي فاكره لما مجرد اني الاقيها في بيت دعاره او في مكان مشبوه هقوم على طول اتنرفز وارمي عليها يمين الطلاق
ابتسم ورفع ايديه الاثنين وقال..على اديا دول انا ربتها انا اللي علمتها ازاي تصون نفسها كده انا اللي فهمتها قد ايه كل حته فيها غاليه ولو شفتها بعيني مع اي راجل مش هصدق ولو عيني صدقت اطلعهم من مكانهم جايز انا مقدرتش ابين لكم حبي ليها قد ايه ومقدرتش اطمنك لا انتي ولا هيه بس انا بعشقها لدرجه تخليني اقتل نفسي قبل ما اشك فيها…يلا بقى يا مرات عمي الحلوه قوليلي خدت كام
قالت بدموع وكسوف الغوشتين بتوعي ورثتهم من امي
ضحك بسخريه وقال اخذت حاجه تاني هزت راسها بالرفض وقالت…لا..بس العبايه بتاعتي هناك بس مش ضروري يعني
ضرب على وشه بضيق وهز راسو بيأس ولسه هيطلع وقفتو وقالت ..معتز يا بني لو انت بتحب البنت قوي كده ..خليها هيه كمان تحبك على الاقل تبقى مرتاحه ومبسوطه ..انا ..انا محاتيش غيرهاا ونفسي اشوفها مرتاحه
معتز قال…انا اكيد بحبها يا مرات عمي واكيد هيفرق معايا لو بادلتني الشعور ده … انا بحاول وهفضل احاول مستعد استنى عمري كله المهم انها تكون معايا ومش مع حد تاني
قال كده وطلع ونبيله كانت واقفه على السلم ما رضيتش تمشي وسمعت كل الي قالوه دخلت بسرعه على اوضتها بسعاده شديده
كانت في الاوضه بتبتسم بسعاده مش مصدقه ابدا واحد زي معتز في عصبيته وجنانه يشوفها هناك ويصدقها من اول كلمتين رغم ان امها شهدت ضدها كان قلبها بيدق بسعاده كبيره جدا وحست انه فعلا يستاهل فرصه
معتز دخل الاوضه وقال بضيق ..نبيله انتي كمان غلطتي مهما كان مهما كان اللي قال لك ما كانش لازم تروحي مكان زي ده
كانت بتبصلو بابتسامه ودموع وفاجأتو لما جريت عليه بسرعه واترمت بين اديه بقوه
معتز رجع خطوه لورا بزهول و رفع اديه وهو مش مصدق نفسه وضمها بكل قوه واحتواء وحنيه في لحظه اتمناها من زمان قوي
نبيله قالت بدموع …انت تستاهل حب الدنيا كله تستاهل تتحب بنفس طريقتك وتستاهل المحاوله مره واثنين وثلاثه وعشره يا معتز …شكرا يا ابن عمي شكرا
معتز قال انا فعلا استاهل كل اللي قولتيه ده …بس مستاهلكيش ابدا انتي كتير اوي عليا..وانا مش عايز غيرك من الدنيا دي كلها بحبك قوي يا نبيله بحبك فوق ما عقلك يتصور بكثير
نبيله بصت لعيونه وقالت حبك ده يغنيني عن الدنيا كلها ..انا مبسوطه قوي قوي لانك صدقتني ووثقت فيا مبسوطه انك بتحبني بالشكل ده يكفيني اني غاليه قوي في عيونك وخلتني حاسه اني غاليه على الدنيا كلها
معتز قربها ليه وقال بسعاده …يعني خلاص موافقه تبقى مراتي موافقه تبقى ليا يا نبيله
نبيله قربت منو برقه وبعدت وقالت بكسوف…هنكتب عقد جديد لجوازنا واعتبر دي امضتي
معتز مصدقش نفسه وقلبو بقى يدق شدها عليه بقوه وقال….بس انا مش همضي…انا هبصم…وقرب منها بقوه واشتياق
بعد عنها وقال بحب …. اخيرا حلمي اتحقق يا نبيله اخيرا بقيتي ليا …اخيرا قلبك فتح بابو
نبيله قالت …فتح بابو لانك مزهقتش ومشيت..لانك تستاهل…انا اخيرا لقيت مكاني في اخر مكان توقعت اني هبقى مبسوطه فيه بس لقيتو في حبك اللي فاق توقعاتي❤🌹
كنتم مع اسكربت 🌹حب فاق توقعاتي🌹 بقلم زهرة الربيع زهرتكم تحيكم ودمتم في امان الله مع من تحبون ❤

لقراءة باقي حلقات الرواية اضغط على : (رواية حب فاق توقعاتي)