رواية موضوع عائلي 3 (بيت الهنا) الفصل الثالث عشر 13 بقلم رحاب القاضي
رواية موضوع عائلي 3 (بيت الهنا) الفصل الثالث عشر 13 بقلم رحاب القاضي
رواية موضوع عائلي 3 (بيت الهنا) البارت الثالث عشر
رواية موضوع عائلي 3 (بيت الهنا) الجزء الثالث عشر
رواية موضوع عائلي 3 (بيت الهنا) الحلقة الثالثة عشر
« .وانا
مالذي يهزمني !!
. يهزمني اليتيم عندما يبحث عن حضنِ أمه
. تهزمني الأضواء في عيونِ المساكين الّذين يجلسون على الرصيف قُرب المؤسسات الإنسانية
. يهزمني شعور الخوف من احتياج أحد!
. تهزمني تلك الصدمة حين يخيب أملي في أحدهم؛ تجعلني أنتحب من أعماقِ روحي
. يهزمني السلام
الحُب بين زوجين
شعوري الذي أُخبىء بهِ
ضعفًا أرتديه كل ليلة، ولا يرَاه إلّا أنا
. تهزمني غصة الفقد في أيام الفرح …
. يهزمني الرُقي في كل شيء …
في التعامل وفِي الكلام وفِي الأسلوب
وحتى في الظنون!
. تهزمني الذكريات عندما تبعثها رائحة عطر أو أغنية من سيارات المراهقين المارّه أو حتى كلمة من لسان الغرباء …
. يهزمني الحنين وتلجمني المروءة
أولئك الذين ما زالوا يخيطون لنا ثياب الخذلان كي نستر بها جراحاتنا!
عجز الأب، وضعف الأم
قلة الحيلة في عيون أم!
. يهزمني لطف الله بي عندما أذنب وأنا فوق كوكبه، وتحت عرشه!
. تهزمني ذاكرتي المثقوبه كلما تسرب منها الحنين..!
. يهزمني انا في كُل مرة أقول لا شيء يستحق وبداخلي تنهار قوايّ من فرطِ الحنين!
. يهزمني الشتات ما بين وبين!
حسنًا إذن:
. يهزمني ماضي الطفولة البيضاء …
الدمعة التي ترفض النزول …
القمر عندما أتركه في الخارج وحيدًا..!
لا زال يهزمني الوفاء، والصلاة التي فاتتني في جماعة!
. تهزمني “مرارة” التسليم للأقدار
روحًا تُخطف بلحظه …
تهزمني الأيام …» ♡
ــــــــــــــــــــــــــ
_كانت قاعده هدير قدام يونس الصاوي ويزن اللي كان مش فاهم ابوه بيعمل ايه ولا ليه جابهم هنا..
يزن
في ايه يا بابا ايه الحكايه انت جايبنا هنا ليه؟..
يونس بجمود
جاي اسمع الحكايه بالتفصيل من الانسه هدير..
زاد توتر هدير وقالت
انا هدخل اشوف امي جوه وو..
يونس بحده
اترزعي يا بت انتي مكانك هنا، ويلا اتكلمي وقولي بقي يوسف طلب منك ايه بالظبط؟..
هدير بتوتر
اللي قولته امبارح انا ما قولتش حاجه غير اللي حصل، وانتو كلكم سمعتوه..
يونس بحده
اسمعي يا بت اوعي تفتكري ان انا بيه وراجل ذووق وشيك والجو ده، لااا ده انا متربي في الشارع وجايبها من تحت اووي وعدي عليا زيك كتير واسخ منك كمان، يعني قبل ما تتكلمي هعرف نيتك ايه واللي حصل امبارح في بيتي مش ساهل فلو عايزاني ارحمك شويه تتكلمي بصراحه وانا هعرف اذا كنتي بتتكلمي من غير كدب ولا لا..
_بان الخوف عليها جدا من كلام يونس، وده اللي خلي يزن يبصلها بشك، وهي قالت بدموع…
هدير
انا كنت محتاجه الفلوس اللي هتديهالي سدره عشان كده عملت زي ما هي قالتلي، وقالتلي كمان انها هتجيبلي شغل كويس في شركة مامتها اللي ماسكها ابوها، انا لولا ظروفي والله ما كنتش هفتري علي ابنك بحاجه وحشه..
اتنهد يونس بهدوء ويزن قال بعدم تصديق
تفتري عليه؟! يعني يوسف مالوش علاقه بيكي اصلا؟.
هدير بمدوع
لا هو انا لما جيت قدمت في الشركه كانت خطة سدره وهي قالتلك تقبلني وقتها، وخلتني اقرب من يوسف بس وقتها البشمهندسه اللي ماسكه المشروع طردتني فسدره قالت تعمل اللي حصل امبارح…
يونس بجمود
وانتي تعرفي سدره منين اصلا؟..
هدير بصت ليزن بقلق وقالت
من ناحية ابن عمتي هي كانت علي معرفه بيه ما اعرفش منين وكانت متفقه معاه برضو انه يأذي يارا بنت حضرتك ويهددها..
اتعدل يونس في قعدته وقال بغضب
كملي وحصل ايه؟..
هدير بخوف
وقتها يوسف عرف الموضوع ده وراح لعصام بيته ابن عمتي وادااه علقة موت، وهدد سدره انها لو قربت من اخته تاني هيفضحها ومن هنا بقي سدره قالتلي انها عايزه تطفش يوسف من البيت، انا ممكن اديلك عنوان عصام هو السبب في كل اللي انا فيه ده هو اللي عرفني علي سدره..
_بص يونس ليزن اللي قاعد. جنبيه ومش عارف يستوعب اللي سمعه وان مراته الملاك البرئ بالنسباله تبقي بالشر ده كله، وقاله يونس بخبث..
يونس
تحب تاخد عنوان الواد صاحب مراتك ده عشان تتأكد يا بيه ياللي بترفع السكينه علي اخوك ولا كفايه اللي سمعته ده؟..
_اتحولت ملامح يزن للغضب وسابهم ومشي ويونس وقال لهدير بخبث..
يونس
طبعا مش محتاج اقولك ان سدره ما تعرفش حاجه عن اللي حصل ده دلوقتي، واسمعي كلامي ده لو عايزه تبقي في شغل كويس بدل شغل اللف والدوران ده..
هدير بخوف
انا تحت امرك يا يونس بيه والله اللي هتقوله انا هعمله..
_سابها يونس ونزل وركب العربيه جنب يزن اللي كان شكله متعصب جداً، وقاله يونس بحده..
يونس
لما جوزتهالك قولت ابني راجل هيعرف يلمها، طلعت عيل وهي ممشياك بمزاجها، بتلعب بيك وبأخواتك علي كيفها ومش لاقيه حد. يقفلها وكانت بتقويك عليا مش كده..
_اتنهد يزن بضيق وفضل ساكت ويونس تابع كلامه بغضب ونبره صارمه وقال….
يونس
من الاخر بنت دارين ما تقعدش في بيتي دقيقه واحده، ولو انت عايز تفضل ابني ومن عيلة الصاوي تجيب حق اخواتك منها وتصالح اخوك وترجعو انتو الاتنين البيت فاهم ولا لا؟..
يزن بجمود
حاضر…
_وشاور يونس للسواق عشان يمشي بيهم من قدام بيت هدير…
ــــــــــ #بقلم_الكاتبه_رحاب_القاضي ــــــــ
_وفي شقة عزالدين كان قاعد زين وعبدالله ومعاهم عزالدين اللي قال لعبدالله بخبث..
عز
اما انا عاملك حتت مفجأه يوم فرحك يا واد يا عبدالله انما ايه ما حصلتش ولا هتحصل في عيلة الهواري..
عبدالله
بقولك ايه يا خالي انت لو عايز تعمل معايا خير يبقي تعدي معايا اليوم ده لاحسن قلبي مش مطمن..
عز بصوت واطي
في ايه يا واد انت اوعي تكون ااا..
عبدالله
لا انت فهمت ايه، ما تشوف ابوك يا زين..
ضحك زين بهدوء وعزالدين قال
يا واد لو في حاجه قول احنا ستر وغطا علي بعض وانا مش هقول لامك..
عبدالله قام من جنبيه وقال
يا عم حل عن دمااغي والله مش ناقصه الحكايه، انا هروح اشوف الهانم اتأخرت ليه…
طلعت علياء من المطبخ وقالت بحده
عبدالله استني هنا…
عبدالله
خير يا ست الكل في ايه؟..
علياء بحده
قدام خالك وابن خالك اهو اعمل لروان اللي عايزااه ومتعكننش عليها فرحتها..
عبدالله بضيق
هي لحقت تشتكيلك، طيب معلش يا امي انا ما حدش يلوي دراعي واللي انا عايزه هعمله..
علياء
طيب عشان خاطري يا ابني، خلي فرحتكم تتم علي خير..
عبدالله
خاطرك فوق راسي وانتي عارفه كده كويس، والفرح هيتم غصب عنها بس انا مش هرجع في كلامي وتتعود هي علي طبعي بقي..
زين بهدوء
بس مش بالعند يعني لما انتو بتتخانقو كده من قبل الفرح هتعملو ايه بعد الجواز لازم تبقو متفاهمين..
عزالدين بهدوء
عبدالله معاه حق هو عارف هو بيعمل ايه، وبعدين الدماغ الصعيدي دي لو فضلنا نتكلم لبكره معاها هو هيعمل اللي عايزه برضو..
عبدالله
اهو خالي عز قال، انا عارف انا بعمل ايه يا امي ما تقلقيش..
قال كلامه وطلع من عندهم وزين قال لباباه بقلق
هو الدكتور قالكم ايه بابا انت وماما، انا بكلمها مش بترد عليا..
علياء بقلق
دكتور ايه كفا الله الشر؟..
عز بأبتسامه حزينه
اللي فيه الخير يقدمه ربنا هنروح نعمل التحاليل وهتعمل العمليه وربنا كبير ان شاء الله..
زين بدموع
يعني هو خلاص كده لازم العمليه، طيب ونسبة النجاح؟..
علياء
حد يفهمني ايه الحكايه؟..
زين رد عليها وقال
انا اقولك يا عمتو انا عندي عمليه في القلب صعبه شويه كنت ممكن اتعالج وما اعملش العمليه دي، بس الوضع صعب شويه ولازم اعمل العمليه..
عزالدين بهدوء
بس الدكتور قال ان نسبة النجااح كبيره، وبعدين ده دكتور شاطر جداً والمستشفي كلها كويسه وان شاء الله العمليه هتعدي علي خير..
قعدت علياء جنب زين وحضنته وهي بتعيط وقالت
سلامتك يا قلب عمتك ان شاء الله عدوينك، مين بصلنا فيك بس..
ضحك عز غصب عنه وقال
عمتك بتتعامل معاك علي انك قرطااس لب واتدلق منها…
ضحك زين بهدوء وقال لعلياء
عادي يا عمتو هخف ان شاء الله، والنبي انا مش بحب العياط والحزن كفايه بقي..
علياء وهي بتمسح دموعها
معلش يا حبيبي بس انا عندي دم وبحس مش حلوفه زي ابوك..
كتم زين ضحكته وعز قالها بسخريه
هو انا لازم اعيط علي الفاضيه والمليانه عشان ابقي حساس، يا علياء ده انتي اكتر حاجه بتعمليها في حياتك انك تعيطي…
زين مسك موبيله اللي بيرن وقال
ااا انا هدخل اكلم ماما وجاي بعد اذنكم..
علياء
اذنك معاك يا حبيبي اتفضل…
دخل زين اوضته وعلياء قالت بخبث لعز
لو عايزني اروح اعزم فيروز علي الفرح ما عنديش مشكله وياا بخت من جمع راسين في الحلال..
عز بغيظ
انا راسي ما بتحبش تتجمع مع راس حد، سيبوني في حالي يا علياء..
ــــــــــ #بقلم_الكاتبه_رحاب_القاضي ــــــــ
_وفي بيت حسن كانت قاعده ليلي مع عبدالله اللي روفان قاعده جنبيه وبتوريه الفستان بتاعها..
روفان
ها الفستان بتاعي انا احلي ولا فستان روان؟..
عبدالله
انا لسه ما شوفتش فستان روان اصلا، بس اكيد بتاعك انتي احلي..
روفان بصوت واطي
علي فكره روان غيرت الفستان بتاعها عشان تعصبك انت، انا سمعتها بتقول كده لرضوي ورضوي اتخانقت معاها..
عبدالله بجمود
تمام يا روفان روحي استعجليها طيب وقوليلها يلا عشان عبدالله مش فاضي..
روفان
ماما قومي اندهي لروان انا قاعده مع عبدالله..
ليلي
هي مين فينا اللي ام مين، قومي يا بت اندهي لاختك يلااا..
روفان
ماشي يا ماما ماانا لو روز حبيبة قلبك ما كنتيش خلتيها تقوم..
ليلي بحده
لما تبقي متربيه زي روز الاول قوومي يا بت..
قامت روفان ودخلت عند روان، وليلي قالت لعبدالله
ما تزعلش من روان يا عبدالله، هي متعبه شويه بس طيبه والله وما بتجيش بالعند..
عبدالله
بس هي المفروض تبص لوضعي دلوقتي يا مرات خالي، انا كل اللي هي طلبته عملته ليها بس الحاجات اللي فوق طاقتي مش هقدر اعملها، وهي عايزه كل حاجه مجاابه وشايفه انها لما وافقت عليا كده هي تنازلت ده اللي فهمته..
ليلي
والله انت ما فاهم حاجه، بس روان متأنعره شويه وشايفه ان كلنا كده حتي انا وابوها قليلين عليها ، محتاجه تتعلم من الدنيا شويه بس بالراحه عليها..
ابتسم عبدالله وقال
هي اشتكت للعيله كلها مني ولا ايه؟..
ليلي
العيله والجيران وصحابها شردتلك..
_ضحك عبدالله بهدوء وطلعت روان في الوقت ده من اوضتها وهي لابسه بلوزه ضايقه جدا وبطلون كمان اديق من البلوزه وفارده شعرها وحاطه ميكآب وقالت ببرود…
روان
انا جاهزه اهوو..
بصلها عبدالله بحده وليلي قالت
ايه اللي انتي عملاااه في نفسك ده، هو مش اخوكي قالك الهدوم دي ما تتلبسش تاني..
روان
وانا دلوقتي في عصمة راجل يعني اخويا مالوش كلام عليا، ولا ايه يا عبدالله بيه بقول حاجه غلط انا؟..
عبدالله بجمود
لا بس هو اخوكي راجل وانا عيل عشان اسيبك تخرجي بره البيت بالمنظر ده..
ضحكت ليلي وقالت بسخريه
علي رأي المثل بكره تشكر خيري لما تدوق مر غيري.
روان بغيظ
يعني ايه انت كمان هتتحكم في لبسي زيهم..
عبدالله بغضب
واكتر كمان وانا مش فاضي يا روان، ويا تغيري هدومك وتلبسي حاجه كويسه ونروح نشوف الفستان اللي انتي عايزااه يا ما فيش حاجه هتتغير..
روان بدموع
شايفه يا ماما بيتعامل معايا ازاي؟..
ليلي
والله هو ما قالش حاجه غلط..
روان بحده
انتي اصلا امتي جيتي معايا في حاجه، مش عايزه اغير حاجه اهو فرح يتنيل يتعمل زي ما يتعمل بقي، اتفضل يا عبدالله شوف اللي ورااك معلش عطلتك…
_قالت كلامها وسابتهم ودخلت اوضتهم وليلي قالت بحده وعصبيه..
ليلي
يلا يا قليلة الادب بس يرجع ابوكي وانا والله لاقوله عليكي…
وقالت لعبدالله بأحراج
حقك عليا يا عبدالله صغيره معلش ومش عارفه حاجه وانا هقول لحسن والله اول ما يرجع وهو هيتكلم معاها وهيعقلها..
عبدالله بضيق
حصل خير يا مرات خالي، وقوليلها لو عايزه تغير الفستان تاخد معاها رضوي او اي حد وتجيب اللي عايزااه انا تحت امركم، بعد اذنك..
طلع عبدالله وريناد طلعت من جوه وقالت
هو في ايه مالها روان بتعيط ليه جوه؟..
ليلي بحده
بتعيط… ليه هي البعيده بتحس دي خلت وشي في الارض قدام عبدالله دلوقتي، والله ما هعديهالها علي خير…
دخلت ليلي عند روان ووراها ريناد اللي قالت بقلق
اهدي يا ماما طيب هو ايه اللي حصل؟..
روان بزعيق
نعم عايزه مني ايه؟..
ليلي بحده
اتكلمي معايا كويس يا بت والا والله اجيبك من شعرك..
ريناد
عيب كده فعلا يا روان من امتي حد فينا بيعلي صوته علي ماما..
ليلي بحده
لا وهي فاكره انها لو اتجوزت عبدالله بالطريقه دي وراحت تعيش في البلد بحالها ده هتنفع دي هتجيلي مطلقه بعد كام يوم..
روان بدموع
يعني انتي مش شايفه طريقته يا ماما..
ليلي
قبل ما تشوفي طريقته هو، شوفي انتي عملتي ايه يخليه يتعامل معاكي كده، ولو حتي هو كده انتي ماكنتيش عارفه عبدالله يعني من الاول وافقتي عليه ليه؟
روان ببكاء
اهو اللي حصل بقي سيبوني لوحدي وانا هعملكم اللي عايزينه..
ليلي بضيق
استغفر الله العظيم يااارب، طيب هو قالي لو انتي عايزه تغيري الفستان روحي مع رضوي وهو هيتكلف بكل حاجه..
روان بسخريه
كتر خيره وانا مش هغير حاجه اصلا ولا عايزه حاجه من حد..
ريناد
خلاص يا ماما سبيها دلوقتي تهدي وبعدين نتكلم، وبعدين ما هو الفستان اصلا عاجبها ومتصمم مخصوص عشانها كانت هتغيره ليه يعني..
ليلي بغيظ
من خيبتي وخيبتها، وفي الاخر طلعاله بالمحزق والملزق من امتي واحنا بنسيبك تلبسي القرف ده عايزه الراجل يقول علينا ايه ما عرفنااش نربي…
ما ردتش عليها روان وريناد قالت بهدوء
خلاص يا ماما بقي الناس تقول علينا ايه بس وكمان عمتي علياء هنا ما ينفعش كده…
_سابتهم ليلي وطلعت وراحت وراها ريناد، وروان فضلت قااعده في اوضتها بتعيط..
ــــــــــ #بقلم_الكاتبه_رحاب_القاضي ــــــــ
_رجع يزن بيته وكانت سدره قاعده في الصاله ولما شافته ابتسمت بهدووء وقالتله..
سدره
رجعت بسرعه ليه؟..
قعد يزن قدامها وقال
هي القطه بتاعتي اللي كانت هنا فين؟..
سدره بتعجب
ما انا قولتلك اني خدتها وطلعت وضاعت مني..
يزن بجمود
لا انتي اللي رمتيها عشان ما كنتيش عايزاها في الشقه، مع انك لو كنتي جيتي وقولتيلي كده كنت هديها ليارا او لاي حد عشان ما تدايقيش..
سدره بقلق
في ايه يا يزن؟..
يزن بدموع
في ايه انتي، ليه بتعملي فيا كده، كل ده عشان حبيتك اتأذي كده واهلي كمان يتأذو عشان بحبك..
سدره بخوف
هما قالولك ايه؟..
يزن بحده
اللي عملتيه واوعي تكدبي او تقولي اي حاجه عليهم عشان مش هصدقك..
سدره ببكاء وخوف
انا كنت هقولك والله ان يوسف ما عملش حاجه، انا الغلطانه…
يزن بسخريه
ودي لعبه جديده بقي ولا ايه عشان تصعبي عليا؟..
ردت عليه وهي بتمسح دموعها
لا مش لعبه ولا حاجه، انت حتي لو عايز تطلقني موافقه..
ضحك بسخريه وقال
حلوه الطريقه دي عشان تصعبي عليا هتعيشي دور الضحيه مش كده، بس المره دي ما فيش اي مبرر لعملتك يا سدره المره دي غير كل مره كنتي بتغلطي فيها واسامحك..
سدره بهدوء
انت اللي يريحك اعمله انا قدامك اهو، انت معاك حق في اي حاجه عشان انا غلطانه..
يزن بحده
ليه طيب.. ليه بتعملي كده؟..
سدره بنبره مهزوزه
عشان انا كده.. مستني ايه من طفله كانت كل اللي بتسمعه في طفولتها ان امها سابتها وانتحرت وابوها سايبها وقاعد مع مراته وما فيش حد بيحبها، انا اتحرمت من كل حاجه انا لحد النهارده ما بعرفش اقول كلمة ماما ولا بابا، ومش بقولك كده عشان اصعب عليك علي فكره انا وحشه ومعترفه بده ومش عايزااك ولو انت ما سبتنيش انا هسيبك..
يزن بجمود
لا انا هسيبك انتي ما تستاهليش تتحبي من حد اصلا، في ناس في ظروف اسوأ منك بكتييير وكويسه، انتي لو كنتي تستاهلي تتحبي من حد كنتي اتحبيتي من امك مش كانت اتخلت عنك وانتي عندك شهور وانتحرت، انتي تستاهلي كل اللي انتي فيه..
بصتله بدموع والم وهو وقف وقال بكل قسوه
انا هختار اهلي وهختار اي حاجه وعمري في حياتي ما هختارك تاني، انتي طااالق يا سدره وهروح اصالح اخويا وارجعه البيت هنا ومش عايز اشوف وشك هنا تاني لاي سبب مش عايز اشوف وشك تاني اصلا في حياتي.
_قال كلامه وسابها ومشي وهي ضحكت بهدوء ودموعها نزلت بعدها بحزن واتكورت علي نفسها وفضلت تعيط وقالت وسط بكاءها بضعف شديد..
سدره
وايه الجديد هو مين بيحبني اصلا، عادي مش هتفرق انت كمان يا يزن عادي انا مش عايزاك ومش عايزه حد منكم كلكم..
ــــــــــ #بقلم_الكاتبه_رحاب_القاضي ــــــــ
_وفي مكتب يونس الصاوي كانت رضوي قااعده قدامه وهو بيتكلم في الفون وبصتله رضوي بأهتمام وابتسمت بتلقائيه علي الشبه الكبير اللي بينه وبين يوسف وخصوصا في طريقة الكلام وحركة ايده وهو بيتكلم، وبصت قدامها بسرعه وقالت لنفسها بصدمه..
رضوي
هو انا عارفه التفاصيل دي منين اصلاً..
قفل يونس الفزن وقالها بهدوء
خير يا بشمهندسه في ايه؟..
رضوي بجديه
اولاً بعتذر لو ازعجت حضرتك وجيت من غير معاد..
يونس
لا ازعاج ولا حاجه انتي زي بنتي وعمك وابوكي انا بعزهم جدا وتيجي في اي وقت..
ردت علي كلامه بابتسامه بسيطه وقالت
شكرا جدا لحضرتك… انا بصراحه جايه لسببين السبب الاول هو يوسف..
يونس بضيق
عملك ايه قولي وانا ه..
رضوي بسرعه قالت
لا لا لا والله هو ما عملش حاجه بالعكس هو بقي ملتزم جدا في شغله وبقي لطيف جدا في التعامل معايا ومع زمايلنا في الشغل..
يونس
اومال في ايه، انتي مش جايه تشتكي منه؟..
رضوي
بالعكس انا جايه اقولك انه مظلوم في الموضوع اللي حصل امبارح، واسفه جدا جدا لو بتدخل في موضوع زي ده هو قالي كل حاجه وصدقني البنت اللي اسمها هدير دي كذاابه هو ما كانش يعرفها من زمان هو اتعرف عليها قداامي، وكمان بطل الحاجات دي من فتره وبقي بيشتغل كويس وهو شاطر جدا وبيجي في معاده وبيمشي بعد معاده كمان، ولو علي الافتري اللي حصل عليه امبارح بجد هو ما يعملش كده..
يونس بخبث
وانتي ايه اللي مخليكي متأكده بقي انه ما يعملش كده؟..
رضوي
عشان ابن حضرتك سوري يعني بجح ولو كان عمل كده. كان هيبان عليه..
ضحك يونس بقوه وقال
هههههههههه معاكي حق وانا عارف ومتأكد من اول ما الموضوع ده حصل ان ابني برئ، واصلا الموضوع شبه اتحل واخواته رايحين عنده في الطريق عشان يصالحوه
ابتسمت رضوي بسعاده وقالت
بجددد.. اا يعني كويس جداً والله انه حصل كده عشان يعني يوسف يركز في شغله وانجح في المهمه اللي حضرتك كلفتني بيها..
يونس بابتسامه هادئه
امم ايه السبب التاني بقي اللي انتي جايه عشانه..
طلعت رضوي من شنطتها دعوة فرح اختها وقالت
السبب التاني هو بالنيابه عن بابا وعمي دي دعوة فرح اختي يوم الخميس الجاي وهيزيدنا شرف وجود حضرتك والعائله الكريمه..
اخد منها يونس الدعوه وقال
علي فكره انا مش محتاج دعوه لو عمك كان كلمني وقالي كنت هاجي عادي، بس هعتبر الدعوه دي منك انتي وان شاء الله هحضر الفرح وانا معزوم منك انتي..
رضوي بهدوء
ده شرف ليا يا يونس بيه، بعد اذن حضرتك بقي مش هعطلك اكتر من كده..
يونس بهدوء
اتفضلي يا بشمهندسه..
وطلعت رضوي من عنده وهو ضحك بعدم تصديق وقال
هههههه وقعتها يا يوسف.. بس وماله نجوزهااالك مدام بتعرف تلمك…
ــــــــــ #بقلم_الكاتبه_رحاب_القاضي ــــــــ
_وفي حارة الصاوي، كان يوسف قااعد بيتفرج علي البيت وهو بياكل سندوتش طعميه وفي ايده التانيه بصله..
يوسف
طيب وانا هروق اوضة مين بقي اقعد فيها، سوري يا طنط بطه بس اوضتك احلي اوضه هنا فانا هاخدها..
_والباب خبط في الوقت ده، فراااح فتح ولقي ياارا في وشه واول ما شافته ضحكت اووي وقالتله..
يارا
ههههههه ايه المنظر ده، بس والله وحشتني..
يوسف
انتي ايه اللي جابك هنا لوحدك يا بت وماله شكلي بفطر..
وقف يزن جنب يارا وقال بهدوء
ما جاتش لوحدها ياسطا عيب عليك، ووحشتني انا كمان..
دخل يوسف وقال بضيق
ادخلي يايارا لوحدك واقفلي الباب…
دخل يزن ووراه يارا اللي قفلت الباب وقال
حقك عليا يوسف انا اسف..
يوسف بحده.
بعد ايه بعد، ده انت كنت هتموتني وكأني فرخه..
يزن
مش هبرر حاجه انا غلطان والمفروض كنت اسمعك الاول..
يوسف بحده
امشي من هنا يا يزن خلصت اصلا ومن النهارده لا انت اخويا ولا عايز اعرفك تاني..
ادايق يزن وكان لسه هيتكلم بس يارا قالت
استني يا يزن انت انا هعرف اخليه هو اللي يصالحك دلوقتي..
وغمزت ليوسف وقالت
طلقها علي فكره..
ابتسم يوسف بأتساع وقال
احلف انت طلقتها بجد ومش هتضعف وتتهطل تاني وترجعها..
يزن بخبث
لا مش هرجعها تاني وهدورلي علي عروسه تانيه ايه رئيك في البشمهندسه رضوي حلوه مش كده…
يوسف بحده
لاااا ده انا كده اللي هخلص عليك هنقطع علي بعض من اولها..
يارا بعدم فهم
مين رضوي دي؟…
يزن
مش مهم المهم دلوقتي مش زعلان مني يا يوسف..
يوسف لف دراعه علي كتف يزن وقال
تصدق وتأمن بمين..
يزن
لا اله الا الله؟..
يوسف
انا كنت بغير عليك منها، فجأه كده البت الصفرا دي خدتك مننا..
ضحكو هما التلاته ويزن قال بهدوء
والله انت مجنون بالمعني الحرفي..
يارا بحماس
طيب بما انكم اتصالحتو ما تيجو نقضي اليوم هنا النهارده..
يوسف
هنا فين في حارة الصاوي، انتو عارفين هنا بيقولو ايه علي ابوكم يونس بيه بيتقال عليه هنا المعلم يونس الصاوي كبير المنطقه البلطجي بتاع الحته..
يزن
انا جيت مره قعدت هنا وعرفت الحكايه القديمه كلها بتاعت تيته هناء الله يرحمها وجدي حامد، وعمي مازن الله يرحمه..
يوسف
والموقف اللي اول المنطقه اللي بابا وماما شافو بعض فيه اول مره..
يارا
لا هو فايتني كتير بقي، احكولي الحكايه من الاول..
قعدها يزن بينه هو ويوسف وقال
وماله نحكيلك الحكايه بدأت من لما جدك حامد الصاوي حب تيته هناء بنت شيخ الجامع واتجوزها غصب عنها…
_وفضلو هما التلاته يتكلمو ويضحكو وكان. شكلهم فعلا حلو جداً ولطيف جدا..
“ابقو فكروني انزلكم الاسكريبت اللي كاتبه فيه قصة هناء وحامد”
ــــــــــ #بقلم_الكاتبه_رحاب_القاضي ــــــــ
_وبعد شويه في مكان تاني علي النيل، وقفت هناك رضوي بعربيتها وبصت بحزن لحسن اللي قاعد هناك وسرحان في المنظر قدامه وعيونه كلها دموع، اتنهدت بحزن ومسحت دموعها ونزلت من العربيه وراحت قعدت جنبيه بهدوء وحطت راسها علي كتفه وقالت بهدوء..
رضوي
كنت عارفه اني هلاقيك هنا، اصل انا كمان. اما بتدايق باجي للمكان اللي انت معودني لما تتخانق معايا تصالحني فيه، وانا شبهك في كل حاجه وطلعالك في كل حاجه، حتي لما بداري خوفي وزعلي عن الكل دي انا ورثاها منك يا ابو علي..
مسح. حسن دموعه بهدوء وما ردش عليها وهي مسكت ايده وباستها بهدوء وقالت بدموع..
رضوي
ممكن. ما تخافش ربنا شايف وعارف احنا بنحبك اد ايه ومتعلقين بيك ازاي ومش هيخليك تسيبنا بسرعه اووي كده..
حسن ببكاء
انا خايف اسيبكم وخايف من حزنكم وخوفكم عليا اكتر ما خايف من العمليه وعلاجي اصلا.. بس برجع واقول ربنا مش بيجيب حاجه وحشه والحمد لله علي كل حاجه هو بيجبها وليه حكمه اكيد في البلاء ده..
رضوي بدموع
طيب خد العلاج عشان خاطري ومش مهم اي حاجه المهم تتعالج وتجهز للعمليه بسرعه، ولازم كلهم يعرفو عشان نلاقي متبرع بسرعه اليوم بيفرق..
حسن بضيق
لا لااوعي يا رضوي حد يعرف حاجه، روان لازم فرحها يتم وتتجوز عبدالله، انا لو حصلي حاجه اختك الله واعلم ممكن تعمل ايه دي طايشه ومش عامله حساب لحاجه وانا مش هطمن وابقي مرتاح نفسيا غير لما اطمن عليها وهي في امانة عبدالله..
رضوي
لمره واحده فكر في نفسك، انا ما اقدرش اشوفك تعبان واسكت..
حسن
بصي السر ده مش بين رضوي وحسن الاب وبنته، لا ده بين رضوي وحسن الصحاب في صاحب بقي يزعل صاحبه ويفضحه..
هزت رضوي راسها بمعني لا وهو خدها في حضنه بهدوء وقال
انتي بس خليكي معايا وحقك عليا لو بزعلك وبقلقك عليا بس ابوكي ضعيف شويه ومتعود يقوي بيكي وبليلي بس امك اذاعه محليه مش هتسكت..
ضحكت رضوي بهدوء وقالت
ربنا ما يحرمنا منك ابدا يا بابا
ــــــــــ #بقلم_الكاتبه_رحاب_القاضي ــــــــ
_وبالليل قدام بيت حامد الصاوي نزل من العربيه يونس ومعاه شهد اللي كانت قلقانه جدا..
يونس
اهدي ما فيش حاجه حصلت اهو..
شهد
لا معلش انا مش بارده زيك التلاته مش بيردو علي تليفوناتهم اكيد في مصيبه اكيد اتخانقوو..
يونس
اطلعي يا شهد قدامي ولمي لسانك ده عليا شويه..
_ما ردتش عليه وطلعت فوق ومعاها يونس اللي فتح باب الشقه بالمفتاح اللي معاه واول ما دخلو الاتنين وقفو مكانهم وابتسمو بهدوء اول ما شافو يزن ويوسف نايمين وهما قاعدين علي الكنبه ويارا نايمه وسطيهم وراسها علي رجل يوسف ورجليها علي رجل يزن اللي كان مغطيها بجاكيت بدلته..
يونس بصوت واطي
اطمنتي بقي ده انا مخلف رجاله هو انا مخلف عيال صغيره..
شهد بدموع
شكلهم حلو اووي وهما كده، استني هصورهم واوريهالهم لما يرجعو البيت..
يونس بحماس
يلا صوريهم..
طلعت شهد موبيلها وبدأت تصورهم وقرب منها يونس وقال
بقولك ايه هي اوضتي اللي هنا ما وحشتكيش؟..
بعدت عنه شهد وقالت بحده
لا ما وحشتنيش ولو كانت وحشتك بات فيها لوحدك، ولو هترجع معايا فـ الكنبه في اوضتنا مستنيااك بعد اذنك..
قالت كلامها ونزلت وفتح يوسف عينيه وضحك وقال
هههههههههه منور يا حج…
يونس بغيظ
ارجع اتخمد يالا وقبل ما تمشي انت واخواتك تروقو البيت وتلمو الكركبه دي، بيت ابويا يفضل نضيف..
يزن وهو مغمض عنيه
محسسني انه قصر الخديو يا بابا دي شقه في حاره.. الحق ماما بس لحسن تبيتك في الحمام بدل الكنبه..
ضحك هو ويوسف ويونس قالهم بغيظ
ماشي يا ابن الجزمه منك ليه، ليكم وقت ذنقه وهتشوفو..
ــــــــــ #بقلم_الكاتبه_رحاب_القاضي ــــــــ
_وتاني يوم في مكان الشغل بتاع رضوي كانت واقفه هي ويوسف مع بعض ومعاهم اسلام وفي ايدها ورقه كبيره مرسوم فيها المشروع وفجأه وقفت عربيه تصميمها غالي وراقي جداً ونزل منها كمال بعضلاته ووسامته وهيبته اللي لفتت نظر الكل ليه وبص لرضوي اللي كانت مديااه ضهرها وهي بتكلم يوسف واسلام وقرب منها وقال بهدوء..
كمال
رضوي..
_انتفض قلبها بقوه وبصتله بسرعه وهي بتحاول تستوعب ان وجوده المره دي قدامها حقيقه ومش خيال زي السنين اللي فاتت، وقالت بعدم تصديق..
رضوي
كمال…
_وفي هذه اللحظه لم تكن هي فقد المُتأثره، بل أصبح ذلك العاشق يوسف الصاوي مليئاً بالخوف الاول وقد شُكلت امامه نهاية عشقه الذي لم يبدأ..
قرب منها كمال وحضنها بهدوء وقال
وحشتينيييي اووي يا حبيبتي وحشتيني فوووق ما تتخيلي..
_كور يوسف قبضة ايده بعصبيه وبصلهم بنظرات ناريه بتعبر عن اللي بيمر بيه قلبه في اللحظه دي، بعد كمال عنها بهدوء وبص لعيونها اللي اتملت دموع وقال..
كمال
سيبك من كل حاجه دلوقتي ويلا بينا نمشي عشان انا عايز افاجئ العيله كلها وانتي معايا..
_هزت رضوي راسها بمعني نعم وكانت متوتره ومتلخبطه جداً وبصت ليوسف وأسلام وقالت بهدوء..
رضوي
معلش يا بشمهندسين كملو انتو شغل النهارده من غيري انا لازم امشي..
_قالت كلامها وراحت اخدت شنطتها وركبت العربيه مع كمال ومشيو هما الاتنين وما كانتش واخده بالها من يوسف ولا من عيونه اللي اتملت دموع وحزن بدون اراده منه، ووقفو جنبيه اسلام ومحمود وميلاد ونورا اللي قالت بقلق..
نورا
حضرتك كويس يا بشمهندس يوسف؟..
يوسف بجمود
تمام…
اسلام
طيب هنكمل شغل علي التصميمات دي ولا هنستني البشمهندسه رضوي؟..
يوسف بضيق
اجل اي حاجه يا اسلام انا مش قادر اقعد هنا، بكره نشوف هنعمل ايه، يلااا باااي..
مشي يوسف وميلاد قال بحزن
مين الزفت اللي جه ده، كلنا عارفين ان يوسف بيحب البشمهندسه رضوي..
نورا
انا بصراحه صعب عليا اووي، شوفتو لما الولد اللي جه ده حضنها هو بصلهم ازاي..
اسلام
بس ده طبيعي يحصل يعني البشمهندسه رضوي مش لايقه اصلا عليه..
محمود
بالعكس لايقه عليه جداً، طيب انتو فاكرين يوسف في البدايه كان ازاي، واهتمام رضوي بيه خلاه يتغير وكانت لسه هتغير فيه اكتر لو ما كانش ظهر المنيل علي عينه اللي جه من شويه ده..
ميلاد
طيب نركز في الشغل احنا ولا ايه؟..
اسلام
ياريت بصو يا شباب احنا نقسم نفسنا زي ما كانت بتعمل البشمهندسه رضوي..
ــــــــــ #بقلم_الكاتبه_رحاب_القاضي ــــــــ
_وفي بيت يوسف ابو سدره، كانت قااعده في اوضتها وعيونها مليااانه دموع وهي بتقرا في المذكرات بتاعت مامتها ودخل عندها يوسف وقال بحده..
يوسف
انتي اطلقتي اللي سمعته ده صح يا سدره، انتي يطلع منك كل ده…
سدره بجمود
ايوه وانا اللي كنت بخطط واعمل مشاكل بينك وبين مراتك عشان تطلقها، ومش بتمني في حياتي حاجه قد ما بتمني ان حياتك انت كمان تبوظ ارتحت كده..
يوسف بحده
ياريتني ما اتجوزت امك ولا خلفت، ياريتها كانت وهي بتموت موتتك معاها انتي فضحتيني يا سدره انتي عار عليا..
سدره بدموع
وانا هريحك مني خااالص ومسافره امريكا عند جدو ومش هرجع هنا تاني..
يوسف بسخريه
جدك… هه جدك ده رماكي زمااان وقالي دي بنتك انت مش بنتي انااا وسابك ومشي..
سدره بحده
وانت رميتني لامك تربيني عشان تفضي لمراتك، انت وماما كانتوش ينفع فعلا تتجوزو وتخلفو..
يوسف
امك اللي كانت قايله ان امي هي اللي تربيكي..
سدره
وبعد ما امك ماتت روحت فين مش رجعت عندك تاني، ليه ما اخدتنيش من الاول ليه تخليني اعيش بعيد عنك، ده انت كنت بتيجي كل اسبوع ساعه تشوفني وتمشي ده انا كنت يتيمه في وجودك ولحد النهارده انا يتيمة الاب والام، ومش عايزه اقعد عندك ولا عايزه اقعد هنا اصلا..
يوسف بحده
مش هتسافري ولا هتمشي من هنا ومن النهارده انا هربيكي كويس يا سدره…
_وطلع وقفل عليها الباب وقال لبطه اللي كانت قااعده مدايقه…
يوسف
خديلها اجازه من الجامعه يا بطه، هي مش هتطلع من البيت تاني ولو ما اتلمتش الله ما هتشوف الشارع تاني في عمرها..
بطه بضيق
مش بالطريقه دي يا يوسف اهدي شويه..
يوسف بحده
اهدي ايه… انتي مستوعبه الزباله دي عملت ايه، ده كانت هتخلي اخ يقتل اخوه كانت هتفرق بيني وبين صاحب عمري كانت هتخرب بيتنا هنا دي قليلة تربيه وانا والله لاربيها من اول وجديد يا اقتلها واخلص منها ومن القرف اللي بيحصلي بسببها ده..
_قال كلامه وسابها ومشي وبطه قعدت مدايقه وراحت ناحية اوضة سدره وكانت لسه هتدخل عندها بالمفتاح اللي معاها، بس رجعت تاني وقعدت مكانها وهي بتبص للاوضة وقالت بحزن..
بطه
منك لله يا ام يوسف لو كنتي سيبتهالي وهي صغيره ما كانتش البنت تعبت هي ويوسف بالشكل ده دلوقتي..
ــــــــــ #بقلم_الكاتبه_رحاب_القاضي ــــــــ
_وفي عربية كمال كانت رضوي قاعده جنبيه وهي مدايقه جدا وباصه من الشباااك، فهو مد ايده ومسك ايدها وقال بهدوء..
كمال
مش راضيه تبصيلي ليه؟..
سحبت ايدها من ايده وقالت بجمود
انت ايه اللي جابك عندي..
كمال
جاي لخطيبتي..
رضوي بسخريه
لا والله هو البعيد نسي انه رمالي الدبله في وشي ورماني انا ذات نفسي ورا ضهره ومشي..
كمال
هو انا عملت كده ليه مش عشان مستقبلنا سوا، مش عشان اقدر اوفر مستقبل كويس لولادنا..
رضوي بحده
حيلك حيلك ولاد مين هو انت فاكر اني هتجوزك، انا فعلا كنت مستنيااك وكنت فاكره اول ما هترجع وهشوفك هنسي كل اللي حصل منك بس مش عارفه ومش طايقه اشوف وشك،، وقف العربيه….
كمال بضيق
احنا كده كده مروحين اهدي وانا مش هتكلم تاني دلوقتي…
رضوي بدموع
وقف العربيه يا كمال والا والله هفضحك انت فاااهم ولا لا…
_ وقف كمال العربيه وكان لسه هيتكلم عشان يخليها تهدي، بس هي بسرعه نزلت من العربيه ووقفت تاكسي ومشيت لوحدها..
ـــــــــــــــــــــــــ
_وفي الوقت ده في بيت يونس الصاوي وصل يوسف واول ما دخل البيت لقي يزن قااعد في الجنينه بيقلب في الموبيل بتاعه في صوره هو وسدره ، قعد يوسف جنبيه وقال..
يوسف
ما كنتش اتسرعت وطلقتها يا يزن..
يزن بسخريه
كنت هستني تعمل ايه اكتر من كده، طيب مش كفابه انت لا اللي عملته في يارا ده مش ساهل وانت ازاي ما تقوليش علي حاجه زي دي..
يوسف
اللي حصل بقي يا يزن، ربنا يكرمك بالاحسن منها..
يزن بحزن
لا وكمان سربت القطه بتاعتي وسكت، بس فعلا اللي يتنازل مره يستاهل اللي يحصله بعد كده..
يوسف
هو انا ليه حاسس انك زعلان علي القطه اكتر ما كنت زعلان عليا..
ضحك يزن غصب عنه وقال
انت مالك اصلا وايه اللي جابك بدري من الشغل ده مش معادك؟..
يوسف بغيظ
شوفت انا عرفت بنات اد ايه في حياتي بس عمري ما حبيت واحده زي رضوي، ولما خلاص قررت ابدأ معاها صح وامشي كويس عشانها يطلع ان خطيبها اللي سابها وسافر من ست سنين راجع وهيرجع القديم علي حظي..
ضحك يزن بقوه ويوسف قال بغيظ
لا ومش بس كده كمان ده خطيبها ده عنده عضلا اكبر منك وحلو حلاوه احلي منك..
يزن
انت بتقارنه بيا انا ليه ما تخليك في خيبتك، بس تستاهل ياما كنت بقولك تعالي معايا الجيم وظبط نفسك وانت لااا كان النوم واكل المحشي عندك اهم..
يوسف
احنا فيها اهو اعمل اي حاجه وخليني اجمد منه، بص رضوي محترمه قولي بقي علي طريقه محترمه اوقعها بيها.
يزن ضحك وقال
بقي يوسف الصاوي بياخد مني انا نصايح عشان يوقع واحده..
يوسف
هتخلص ولا اروح اكتئب وانا علي اخري ونفسي اكتئب
يزن
بص هو ابوك قالي من شويه اننا هنروح فرح اختها يوم الخميس، انت لازم تثبت حضور قدام اهلها وتيجي معانا وخليك راجل بجد معاها يعني جو التلميحات والحركات دي مش بتاعت رجاله انت جواك حاجه ليها قولها علي طول..
يوسف
معاك حق انا هعمل كده،عارف برضو لما تاخد نصيحه من واحد متخزوق بتفرق.
يزن بغيظ
طيب قوم من جنبي يا حيوان انا غلطااان اتنيل قوووم..
ــــــــــ #بقلم_الكاتبه_رحاب_القاضي ــــــــ
_وعدت الايااام وجه يوم فرح روان وعبدالله وفي بيت سيد قال لهنا اللي قاعده بتذاااكر…
سيد
انتي لسه ما جهزتيش يا هنا، طارق بره مستنينا..
هنا
لا يا بابا انا مش رايحه مش بحب اروح اقراح وانا ما اعرفش حد. هناك..
سيد
ليه بس كده يا هنا، طيب حتي غيري جو شويه وهناك رضوي والست ليلي انتي مش بتحبيهم..
هنا
يا بابا معلش انا والله ورايا مذاكره كتير اصلا..
سيد.
خلاص اللي يريحك يا حبيبتي، اوعي تتعشي استنيني اجي تاكل سوا..
هنا
حاضر هستنااك هو انا خلاص بقيت ما اقدرش اكل لقمه من غيرك..
سيد ابتسم وقال
ربنا يبارك فيكي يا بنتي..
وطلع سيد وقال لطارق اللي كان واقف مستنيه
يلا بينا يا ابني..
طارق
اومال فين هنا؟..
سيد
عندها مذاكره مهمه معلش..
طارق بضيق
طيب اسبقني انت علي العربيه انا نسيت حاجه مهمه فوق هجيبها وجااي.
سيد
ماااشي يا ابني…
_وراح سيد طلع من العماره وركب العربيه، وبدل طارق ما يطلع فوق راح لهنا وخبط علي الباب وهي قالت من جوه..
هنا
ايوه دقيقه جايه…
وقف مستنيها وفتحت هنا الباب وهي لابسه حجابها وقالت
نعم؟..
طارق
مش جايه ليه معانا الفرح، دي ماما جات عزمتك بنفسها..
هنا
هبقي اعتذر لامك حاضر، بس عندي مذاكره مش فاضيه..
طارق
طيب لو قولتلك عشان خاطري تيجي معانا واني عايزك تبقي موجوده وسط. العيله يعني وكده..
هنا بحده
هو عشان خاطري دي انت هتاخد عليا، بص يا عم انت عشان بصراحه تصرفاتك دي بقيت مديقااني انا هنا بنت عم سيد البواب وانت ابن الاستاذ حسن الهواري صاحب العماره يعني انك تيجي هنا بنفسك وتقولي عشان خاطري ومش عشان خاطىي مالهاش تفسير عندي غير انك بتجر ناهم وانا ما عنديش ليك حاجه ناعمه..
طارق بجمود
براحتك انا غلطان اني جيت اصلا..
هنا بحده
ايوه غلطان وما تكررهاش تاني..
_قالت كلامها وقفلت الباب في وشه،ودخلت قعدت علي الترابيزه الصغيره اللي بتذاكر عليها واتملت عيونها دموع بحزن وقالت لنفسها بتنهيده طويله..
هنا
ما ينفعش كان يحصل غير اللي عملته ده، انا قدامي مستقبل كبير اهم من التفاهات دي كلها….
ــــــــــ #بقلم_الكاتبه_رحاب_القاضي ــــــــ
_وفي بيت يونس الصاوي خلص يونس لبسه وكان مستني شهد اللي طلعت من الحمام وهي لابسه هدوم البيت وراحت اتغطت وقعدت علي السرير وهي ماسكه موبيلها…
يونس
انتي مش جايه الفرح معايا ولا ايه؟..
شهد بتعب
لا عندي دور برد مش هقدر اروح..
_سابها يونس وطلع ورجع بعد. شويه وفي ايده كوبايه كبيره وحطها جنبيها وقال بهدوء..
يونس
عملتلك ينسون عشان البرد وبعتهم يجيبولك علاج تحت..
بصتله شهد بجمود ومسكت سمعاة التليفون اللي جنبيها وقالت
ايوه يا نعمه اعمليلي كوباية ينسون وتعالي خدي اللي هنا دي اصلها ماسخه ومن غير سكر وانا معايا العلاج بتاعي ما تخليش حد يجيبلي حاجه..
نعمه
تحت امرك يا هانم..
قفلت السامعه وهو قرب منها وقال بغيظ
اتعدلي يا شهد معايا، انا لحد دلوقتي مكبر دماغي من تصرفاتك دي بس لو جيبت اخري والله هوريكي النجوم في عز الضهر..
شهد بحده
ابعد عني وانت وطالع خد الباب في ايدك..
يونس بغضب
اديني قولتلك وبراحتك يا ام. يزن..
_قال كلامه وسابها وطلع ورزع الباب وراااه جامد، وهي ضحكت بسخريه وقالت..
شهد
تلاقيك رايح تعلق في الفرح يا ديل الكلب انت..
ــــــــــ #بقلم_الكاتبه_رحاب_القاضي ــــــــ
_ وفي الاوتيل كانت روان واقفه مع مامتها وريناد اختها وكانت برضو اكتر واحده مدايقه في اليوم كله علي عكس اخواتها واهلها اللي كانو في قمة فرحتهم..
_ودخلت علياء هي ولمياء في الاوضه اللي فيها روان بعد ما جهزت وكانت حلوه جدا بفستانها الابيض المميز وشعرها المفرود علي ضهرها وحاطه عليه طرحه طويله للارض بتاج كبير والفستان كان باكمام طويله ومقفول وشكله حلو جدا..
علياء
بسم الله مشاء الله يا حبيبتي زي القمر يا بخت ابني بيكي..
روان ابتسمت بهدوء وقالت
شكرا يا عمتو..
لمياااء
عرف عبدالله يمشي كلامه عليكي يا روان وخلاكي تلبسي فستان مقفول..
ليلي بغيظ
مش جوزها يا لمياء ولازم تسمع كلامه، وقولي مبروك احسن من كلامك ده..
بصت لمياء لريناد وقالت بحده
وانتي يا هانم ترجعي بيت جوزك النهارده كفايه بقي لف وسايبه ابني لوحده..
اتنهدت ريناد بضيق وليلي قالت بهدوء
حاضر يا لميااء هترجع بيتها النهارده..
علياء بضيق
لمياء انزلي اقعدي تحت مع المعازيم انا ايه اللي خلاني اجيبك معايا..
_جات رضوي دلوقتي بفستانها الاحمر اللي كان دايق شويه وطويل للارض بأكمام خفيفه جداً وملفت جداً عليها وقالت..
رضوي
يا جماعه بابا بيقولكم اتفضلو كلكم انزلو تحت وهو هيطلع ياخد روان وينزل..
لمياء
ايه اللي انتي لابسااه ده يا بنت اكمامه خفيفه اووي وشكله مش حلو..
ليلي بغيظ
جرا ايه يا لميااء مالك ببناتي؟..
علياء
خلاص يا ليلي حقك عليا، وانتي انزلي يا لمياااء وخلصيني..
_ونزلو فعلا كلهم ودخل حسن بعد شويه عند روان وكانت قاعده بفستان الفرح بتاعها قدام المرايا وبتبص لنفسها بهدوء شديد، وقف حسن جنبيها من غير ما تاخد بالها وقال بجديه..
حسن.
شكلك. حلو اوووي، شوفتك بالفستان الابيض ده وانتي مولوده وقتها قولت لامك ياااه امتي هنشوفها بالفستان ده وهي عروسه بجد واسلمها لعريسها بأيدي..
روان بسخريه
عريسي اللي انا مغصوبه عليه..
قعد حسن قدامها علي الارض وقال
انا لو عندي شك واحد ان عبدالله ممكن يظلمك في حاجه ما كنتش هخليه يتجوزك، بس انا متأكد وعارف انه بيحبك وبيخاف عليكي زي ما انا بخااف عليكي بالظبط..
واتملت عيونه دموع وقال
حقك عليا ما تزعليش في اي حاجه حصلت مني، بس انا كنت خايف عليكي احنا لما بنغلط بنبقي ماشيين في طريق الوهم اي بني ادم كده، والمحظوظ اللي ربنا بيحبه هو اللي هيبعتله ناس تاخد بأيده وتنصحه وتساعده يبعد عن الغلط ده….
روان بدموع
المهم انك تسامحني وخلاص انا كده كده اتجوزت عبدالله وهسمع كلامه عشان خاطرك..
حسن ابتسم وقال
كده انتي بنتي بجد وطمنتيني عليكي، وعبدالله هيسعدك وافتكري كلامي كويس، يلا بقي عشان اخدك واسلمك ليه يا روح قلب ابوكي..
روان بهدوء
حاضر دقيقيه بس هظبط الميكآب وننزل..
_قام حسن من قدامها وهي فضلت تظبط في الميكآب بتاعها وبدأت تتوتر وكان باين عليها جدا، وحسن كان بيبصلها وهو مبتسم بدموع واخدها ونزلو تحت وبدأت الزفه بطريقه راقيه وشيك جداً..
_وعبدالله كان واقف قدامهم واول ما وصل حسن عنده هو وروان، قاله حسن بنبره حزينه جداً..
حسن
خلي بالك منها يا عبدالله روان دي امانه عندك فحافظ عليها.
عبدالله بهدوء
في عينيا يا خالي ما تقلقش..
وقرب عبدالله من روان وابتسم بهدوء وقال
الحلم اللي كان شبه مستحيل بالنسبالي واخيراً اتحقق، بقالي سنين بستني اليوم ده.
روان بتوتر شديد
هو انا ينفع انسحب دلوقتي؟.
رد عليها بأبتسامه واسعه وقال
طبعا ينفع بس هننسحب لاوضتنا وانا نفسي بصراحه..
روان بخوف
لا لا خلاص الزفه احسن..
_ضحك بهدوء وبااس راسها وحط ايدها في ايده وراحو قعدو في الكوشه، وبدأت الناس تباركلهم وتتصور معاهم.. وفي الوقت ده وصلت عائلة يونس الصاوي فراح يستقبلهم حسن ومعاه عز وطارق..
حسن
نورتنا يا يونس بيه..
يونس بهدوء
بنورك يا استاذ حسن والف مبروك عقبال ما تفرح بعيالها..
يزن قال بصوت واطي ليوسف
سلم علي الراجل وباركله اعمل اي منظر قدامه خليه يعرفك..
مد يوسف ايده بسرعه ومسك ايد حسن وقال
الف مبروك يا عمي وعقبال رضوي ان شاء الله.
بصوله كلهم بحده فقال يزن بنفس نبرته
انت عبيط في حد يقول كده..
طارق
انت تعرف رضوي منين؟..
عز رد عليه وقال
شغالين مع بعض يا طارق، اتفضل يا يونس انت والولاد نورتونا، يارا هتقعدي مع بابا ولا تيجي معايا..
مسك يونس ايد يارا وقال بحده
سيب بنتي مالكش دعوه بيها يا عز..
قرب منه عز وقال
سيبتها اهو بس اقعد بقي واتفرج ده انا عامل حتة مفجأه انما ايه هتقلب الفرح..
يونس بقلق
ربنا يستر منك انا ما كنتش عايز اجي بسببك..
يوسف بهدوء
بابا انا هروح اقعد مع صحابي بعد. اذنك.
_ومشي فعلا يوسف وراح قعد مع محمود واسلام وميلاد ونورا، ويونس قعد هو ويزن ويارا مع بعض علي ترابيزه تانيه، وقال يونس بفضول ليزن..
يونس
هما مين دول اللي قاعد معاهم اخوك يا يزن انا فكرته بيقول صحابي يقصد الاتنين الصايعين امير والواد التاني ده..
يزن
لا يا بابا هو تقريبا بطل يكلم امير وعمرو من فتره او حتي يسهر معاهم، ودول المهندسين الجداد اللي شغال معاهم في المشروع..
ابتسم يونس وقال برضا
شكلم محترمين وولاد ناااس..
يزن
فعلا ومتفوقين جدا و…
_سكت يزن اول ما شاف ريناد قاعده قدامه علي ترابيزه تانيه وشايله تيا بنتها ورضوي واقفه جنبيها وافتكر الصدفه اللي جمعته بيها من كام يوم وقال بتلقائيه…
يزن
وانا اقول شوفتها فين قبل كده طلعو توأم…
يونس
هي مين دي؟..
يزن
لا لا ابدا ده حد. كده بشبه عليه..
يارا بهدوء
بابا انا هروح اا..
يونس بحده
اوعي تتحركي من. جنبي ما نعرفش حد احنا هنا فخليكي قاعده جنبي وبس لحد ما نمشي..
يارا بضيق
طيب..
_وطلعت موبيلها وبعتت رساله لزين اللي ما كانش واخد باله من وجودها وواقف مع طارق وكمال وسيف وعمر قرايبه، وكتبتله فيها..
يارا
“انا هنا في الفرح علي فكره”..
_توقعت انه هيشوف الرساله بس هو ما سمعش الرساله اصلا من الدوشه اللي في الفرح…
_وعند يوسف كان قااعد مع زمايله وقربت منهم رضوي وقعدت معاهم وقالت بهدوء..
رضوي
نورتوني يا جمااعه..
يوسف
عزمتيهم كلهم يعني وانا لا..
رضوي
ما انا عزمت باباك وبعتنا دعوه لاهلك كلهم وانت منهم..
ميلاد
بعيد عن كل ده يا بشمهندسه ايه الحلاوه دي الفستان الاحمر ده هياخد منك حته..
_كلهم ضحكو معادا يوسف اللي بصله بحده واتكسفت رضوي وردت عليه وقالت..
رضوي
ميرسي يا ميلاد ده من ذوقك..
اسلام
ميلاد انت ابعد عن يوسف انت ما كنتش كده..
مسك ميلاد في دراع يوسف وقال
لاااا ما اقدرش اسيبه ده انا خلاص هخطب ايفون بفضل نصايحه ليا..
يوسف بقلق
سيب دراعي يا عمم شكلنا وحش كده..
_ضحكو كلهم وفضلت رضوي قاعده معاهم وهما بيضحكو وبيهزرو مع بعض ومش مهتمه خالص بنظرات يوسف ليها ولا واخده بالها منها اصلا..
ـــــــــــــــــــــ
_وبعد شويه من الفرح كانت روان واقفه مع صحابها بيتصورو وشكلها مبسوط جداً…
وسألتها واحده من صحابها وقالتلها
قوليلي يا روان هو انتي هتقضي شهر العسل فين؟..
روان بتوتر
اا يعني عبدالله مشغول اليومين دول يا هبه في الانتخابات وكده فهنعوضه وقت تاني..
ضحكت هبه وقالت
ما تلفيش وتدوري يا روان احنا عارفين ان الصعايده ما عندهمش الجو ده بتاع شهر العسل وكده، ده حتي نرمين كانت لسه بتقولي ان العريس شكله حلو اه بس تقليدي اووي..
.
نرمين
فعلا يعني ده هيقعدك في البيت في البلد تربيله العيال وتاخدي بالك.من البهايم والارض وكده شكلك هيبقي مسخره اووي يا فرحة امير فيكي..
هبه
بس عادي يا بنات المهم انها تبقي مبسوطه..
روان كتمت دموعها وقالت
ممكن تبعتولي رضوي..
نرمين
اوكي خلي بالك بقي من العريس احسن يتخطف منك وهو امور كده..
_ضحكو صحابها وسابوها وراحو قعدو وكلامهم خلاها تدايق جدا من عبدالله والفرح كله، وقرب منها عبدالله وقال..
عبدالله
في ايه مالك؟..
روان بضيق
اتخنقت فجأه الجو مش عاجبني..
عبدالله
في واحده تقول كده في فرحها..
روان بحده
هو انت ليه علي طول بتنتاقدني ما تشوف نفسك وتصرفاتك..
عبدالله بغضب
وطي صوتك يا روان واتعدلي الناس هتاخد بالها. ومش بنتقدك ولا حاجه اخرسي بقي..
قربت منهم رضوي وقالت بقلق
في ايه يا جماعه مالكم؟..
عبدالله
ما فيش حاجه اندهيلي عمر يا رضوي معلش انا اتخنقت وكفايه كده اووي علي الفرح..
روان بدموع
يكون احسن برضو..
رضوي
هو ايه اللي اتخنقت هتلغي الفرح في نصه، حصل ايه بس يا عبدالله..
عبدالله بجمود
اسألي اختك..
رضوي
طيب هي هبله انت تمشي وراها ليه؟..
وقف عز جنب رضوي وقال
واقفه عندك. زي العزول تعملي ايه ما تسبيهم مع بعض..
رضوي
اسكت يا زيزو انت مش فاهم حاجه دول قال ايه عايزين يلغو الفرح اتخنقو قال..
عز
لاااا طبعا انتو جايين في اهم لحظه وتلغو الفرح..
عبدالله بعد فهم
ليه هو انت عملت ايه يا خالي؟..
بص عز للرقاصه اللي طلعت علي المسرح وقال
اهي المفجأه يا قلب خالك في حد وجب معاك كده..
بصو كلهم للرقاصه بصدمه ورضوي قالت بصدمه
ده انت هتتنفخ من بابا يا زيزو…
وقف زين جنبيهم وقال
انت جيبت رقااصه يا بابا ده انا عازم صحابي وبقول احنا عيله محترمه..
ضحكت روان ورضوي وعبدالله قال بغيظ
انا تجيبلي رقااصه ففرحي يا خالي، والله انت تحمد ربنا في اللحظه دي انك خالي..
جه طارق وحضن عز وقاله
هو بعيد عن ان ابويا هينكد علينا كلنا النهارده بس انت رجوله يا زيزو وجدع اووي..
عز بقلق
هو ابوك بيبرقلي كده ليه، ما تخليهوش ينسي يا ولاد اني اخوه الكبير..
_في الوقت ده اول ما شاف يوسف الرقاصه بص الناحيه التانيه بسرعه وقال لمحمود اللي قاعد جنبيه..
يوسف
خبيني يا محمود بسرعه خبيني..
محمود وهو بيبص للرقاصه
مش فاضي محمود دلوقتي انا عمري ما شوفت رقااصه علي الحقيقه غير النهارده..
ميلاد قال لاسلام
لم الواد ده كبر في ودنه خليه يتلممم..
اسلام وهو باصص لنوره
ما انا لو بصيت الناحيه دي هشوفها وانا مش ناقص ذنوووب..
ميلاااد
الحقو دي جايه علينا..
نورا وهي بتعدل النضاره بتاعتها
لا هي تقريباً هي جيالك انت يا يوسف…
يوسف بصدمه
نهااار اسود طيب انا قايم اجري حد هيجي معايا..
وقبل ما يقوم من مكانه قربت منه الرقاصه وقالت
بتتخبي مني اخص عليك ده احنا حتي بينا عشره..
اسلام قاام وقال
استغفر الله العظيم يااارب استغفر الله العظيم يارب..
نورا
خدني معاك يا اسلام استني..
_بص يوسف في الوقت لرضوي لقاها بتبصله وهي كاتمه ضحكتها والفرح كله بيتفرج عليه..
الرقاصه بحده
ما ترد عليا بقي انا تهرب مني وتلففني عليك السبع لفات وما اعرفش الاقيك..
يوسف بخوف
وطي صوتك نسايبي المستقلبين وابويا كلهم هنا يا وليه..
الرقاصه
قولتيلي كده اكمنك متكهرب قدامي ، طيب هشوفك امتي؟..
يوسف بقلق
قريب هبقي اجيلك..
الرقاصه
ولو ما جيتش يا حبيبي اجيبك منين، ولا اقولك هبقي اروح اقول لابوك يا ابن الصاوي..
يوسف
خلصتي غوري بقي من قدامي الله يفضحك..
جات تمشي بس قام محمود قدامها وقال
لو يوسف قصر في حاجه انا موجود علي فكره..
ضحكت الرقاصه وقالت
هههههه وسع كده يا اسمك ايه مش وقتك..
مشيت الرقاصه وميلاد قاله بحده
يا محمود اختشي يا محمود اتلم والله لاقول لامك..
وقف يزن جنب يوسف وقاله
احمم ابوك بيقولك لو راجل روح البيت النهارده، فده مفتاح شقتي خده وروح هناك..
يوسف بحزن
هو انا كده اتفضحت..
يزن
وبجلاجل كمان يا قلب اخوك، احنا هنمشي انت قاعد ولا ايه؟..
يوسف
اومال عايزني ارجع البيت مع ابوك هو انا ناااقص..
ــــــــــــــــــ
_وبعد شويه طلع يوسف بره القاعه وكانت واقفه رضوي هناك لوحدها وراح وقف جنبيها يوسف وقال..
يوسف
زعلانه علي اختك عشان هتتجوز وتسيبكم ولا عشان حاجه تانيه؟..
رضوي بضيق
علي اختي وعلي حاجات تانيه، عارف الوقت اللي انت تبقي الدنيا ضاقت بيك و متعود تروح لحد معين كده وتشيله همك وفجأه تلاقي انك مش لاقي الحد اللي بيشاركك حزنك ده او هو موجود بس فيه اللي مكفيه،اهو ده بلبا كنت متعوده احكيله كل الحزن والنكد اللي في حياتي بس هو دلوقتي تعبان ومش ناقص فكاتمه وساكته..
يوسف بخبث
انا موجود احكيلي اللي انتي عايزااه هسمعك والله، انا توقعت انك تكوني فرحانه عشان خطيبك رجع وخلاص بقي هنفرح بيكي قريب..
رضوي بسخريه
ياريته ما رجع، اللي سافر حد واللي رجع ده واحد. ما اعرفوش او يمكن هو كان كده من الاول بس انا اللي ما كنتش فهماه…
يوسف ابتسم وقال
سبيه اصلا يعني مش شبهك ولا ينفعلك يعني..
رضوي بصتله وقالت
قولي صح انت تعرف الرقاصه اللي كانت جوه دي منين؟..
يوسف بتوتر
اا يعني ااا يعني كانت واحده شقطها قبل كده يعني وو زمان والله انا ربنا تااااب علياا خلاص..
رضوي بخبث
هو انت بتخاف مني يا يوسف يعني لقيتك كده بتبصلي والرقاصه واقفه جنبك، مع انك المفروض كنت بتخااف من باباك..
يوسف
عادي يعني اسمها خايف علي زعلك مش منك تفرق..
رضوي بسخريه
وانا ايه اللي هيزعلني يا يوسف، انا اللي يهمني شغلك وانك تبقي شاطر فيه الباقي ده حياتك ما حدش ليه دعوه بيها وما حدش هيتحمل نتيجة اي غلط او صح فيها غيرك..
_قالت كلامها وبصت قدامها ورفعت عينيها للسما وابتسمت وقالت بهدوء…
رضوي
الله بص كده القمر مُكتمل النهارده، عارف ده معنااه ايه؟..
اجابها يوسف وهو ينظر لها
معناااه انه شبهك..
بصتله رضوي بسرعه وقالت
انت بتجامل بقي وكده..
مسك ايدها بهدوء وقال بنبره صادقه
لا مش بجامل انتي بالنسبالي القمر الوحيد اللي في حياتي، البنت اللي قدرت تخليني احب نفسي وابقي كويس عشان اعجبها، انا بحبك يا رضوي♥
برقت رضوي بصدمه وردت عليه وقالت
انت اتجننت صح، سيب ايدي يا يوسف..
يوسف بنبره شبه حاده
لا مش هسيب ايدك ولا عمري هسيبها يا رضوي، وايوه بحبك من اول مره شوفتك فيها لما اتقابلنا في المكتب وفي كلام كتير ومشاعر كتير عشتها بسببك اكدتلي اني والله العظيم بحبك ومستعد اعمل اي حاجه بس تبقي ليا..
_كان بيتكلم وهي بتسمعه ومش واخدين بالهم من كمال اللي واقف علي مسافه قريبه منهم، واول ما سمع كلام يوسف قرب منهم وضرب يوسف بالبوكس في وشه خلااه وقع علي الارض…
رضوي بصدمه وخوف
انت اتجننت ايه اللي عملته ده..
_وجريت بسرعه علي يوسف اللي كان ماسك وشه بألم وقالتله بخوف ودموع..
رضوي
انت كويس انا اسفه والله..
كمال
خايفه عليه اووي، بقي العيل ده هو اللي مخليكي متغيره معايا من لما رجعت يا رضوي..
يوسف بغيظ
لا بقي انت زودتها اوووي قوميني يا رضوي ووو.. انا اتبهدلت اووي بسببك علي فكره وفي الاخر رايحه تحبي واحد لو نفخ فيا يطريني..
رضوي بحده
سيبك منه يا يوسف هو مش فالح غير في كده اصلاً..
_قرب منها كمال ومسكها من دراعها جامد خلالها تقف قدامه وزعق فيها بعصبيه وقال.
كمال
عايزاني اشوفه بيقولك انه بيحبك واسكت انتي اتهبلتي يا بت انتي..
رضوي بحده
وانت مالك انت، انت مالك بيا…
_وقف يوسف ومسك ايد رضوي بتملك ووقف قدامها وقدام كمال وقال بغضب..
يوسف
اهي ردت عليك فكر تمد ايدك عليها او تلمسها تاني كده..
ابتسم كمال بسخريه وزقه من كتفه بطريقه مهينه وقال
طيب اهدي يا حلو كده وروح بقي روح بيتكم عشان ماما ما تقلقش عليك يا روح امك…
رضوي بحده
انت ايه اللي بتقوله ده..
يوسف
استني انتي بس يا حبيبتي ده جاب سيرة ماما ست الحبايب وهو ما يعرفش ماما بالنسبالي ايه..
_وبدون مقدمات لكم كمال في وشه بقوه خلاه رجع لورا كام خطوه كان لسه هيضربه تاني بس كمال كان الاقوي منه وضربه في وشه جامد تاني ورضوي وقفت بعيد عنهم وهي خايفه جدا ومش عارفهم توقفهم ولا تتصرف…
_وفي الوقت ده كان طالع حسن من القاعه ومعاه سيد وهما ماسكين كوبايتين شااي وقاله حسن بهدوء.
حسن
والله يا سيد انت جيبت كوباية الشاي دي في وقتها، احسن انا دماغي اتقلب من الفرح ومن اللي عملو عز ده…
ضحك سيد وقال
مبسوط ببنته وابنه يا استاذ حسن، هو كمان معتبر ولادك وولاد اخواته الست علياء والست لمياء ولاده
_قبل ما يرد عليه حسن شاف كمال ويوسف وهما بيتخانقو فجري عليهم بسرعه ومعاه سيد وبعدهم عن بعض وقال بحده..
حسن
بااااس منك ليه اخرسو خالص، ايه اللي بتعملو ده يا كمال ده اللي اتعلمتو من بلاد بره البلطجه..
كمال بغضب
يا خالي الحيوان ده كان بيعاكس رضوي..
يوسف
ما حصلش والله وحضرتك ممكن تسألها اهوو..
حسن بحده
ولا كلمه انت وهو، ادخل جوه يا كمال يلااا وانت يا ابن يونس بيه اتفضل لو سمحت هنا احنا مش عايزين مشاكل..
رضوي بقلق
يا بابا يوسف كان اا..
حسن بحده
انتي تخرسي خالص ولا كلمه، مبسوطه حضرتك بالخانقه اللي قايمه عليكي دي..
_بصت رضوي للارض بأحراج وفجأه مسك حسن بطنه بألم وبان عليه التعب جدا وقرب منه سيد بسرعه وقال..
سيد
استاذ حسن انت كويس..
قربت رضوي منه بسرعه ني ويوسف وكمال وقالت بخوف
بابا انت كويس في ايه…
حسن بصوت مله تعب والم
وو وديني المستشفي بسرعه يا رضوي وما تحسسيش حد بحاجه..
كمال بخوف
انا هكلم الاسعاف بسرعه وضعه شكله خطر..
يوسف
مش هينفع كده هيتعب اكتر، رضوي انا هجيب العربيه بتاعتي من بره ونروح المستشفي علي طول..
_وفعلا جاااب يوسف العربيه بتاعته وراحو كلهم المستشفي مع حسن، وجوه الفرح كان عمر قتاعد مع اسرار اخته وفتحيه امه وقرب منه طارق وقال..
طارق
عمر ما شوفتش كمال او بابا الاتنين اختفو فجأه وسابوني لوحدي..
قام عمر وقال
لا مش عارف والله راحو فين، انا هقف معاك اهو لحد ما يجو..
يوسف
طيب معلش روح لقرايبكم اللي من البلد دول وانا ههتم باللي تبعنا..
عمر
تمام…
_ووقف عمر قريب من اهله وفجأه لمح واحد لابس جلابيه وواقف ناحية الباب التاني من القاعه ومخبي معظم وشه في الملحفه بتاعته وماسك سلاح كاتم للصوت بطريقه متداريه وبيبص لعبدالله بغضب..
_حاول عمر يروحله بس كان الاقرب ليه عبدالله والا مش هيلحقه فراااح بسرعه لعبدالله اللي كان واقف مع روان وبيتصورو ووقف قدامه وقبل ما يتكلم طلعت رصاصه من مسدس الراجل اللي طلع بسرعه من القاعه يجري وجات في ضهر عمر اللي وقع علي الارض في لحظتها وعبدالله وكل اللي موجودين اتصدمو من اللي حصل والاكتر فتحيه واسرار اللي جريو علي عمر وهما بيصوتو..
_تفتكرو بقي مين اللي عمل كده في عمر، وحسن هيحصله ايه؟…
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية موضوع عائلي 3 (بيت الهنا))