رواية موعد مع القدر (تحدي الإعاقة) الفصل السابع العشرون 27 بقلم لبنى دراز
رواية موعد مع القدر (تحدي الإعاقة) الفصل السابع العشرون 27 بقلم لبنى دراز
رواية موعد مع القدر (تحدي الإعاقة) البارت السابع العشرون
رواية موعد مع القدر (تحدي الإعاقة) الجزء السابع العشرون
رواية موعد مع القدر (تحدي الإعاقة) الحلقة السابعة والعشرون
لم يكن نجاحي بالأمر السهل، ولكن فرحة النجاح تنسي تعب الطريق.
💕🌹💕🌹💕🌹💕🌹💕🌹💕
ليس المهم كيف يراني الناس، ولكن المهم كيف أرى نفسي، فنجاحي يبدأ عندما أدرك اني قادر على ذلك.
تحدى الإعاقة بقلمى✍️_______لبنى دراز
فـ طوكيو
تانى يوم الصبح بدرى صحيت منة و منى جهزوا وسمعوا الباب بيخبط وكان أيمن
منى:: فتحت ..تعال يا أيمن اتفضل يا حبيبى
أيمن:: دخل و باس ايدها و راسها ..صباح الخير يا ست الكل ..عاملة ايه يا حبيبتى
منى:: يسعد صباحك يا حبيبى ..انا الحمدلله ..انت عامل ايه نمت كويس ؟
منة:: بغيظ مصطنع ..صباح الخير يا كابتن ..نحن هنا ولا مش واخد بالك
أيمن:: بحب ..مين قال ..انا مش واخد بالى غير منك انتى وبس.. هو انا اصلا هنا عشان مين يعنى غير حبيبة قلبي و روحى
منة:: اممممم ..تيب .. يلا بينا بقى زمان كابتن أحمد بيغنى ظلموه ..ههههههههههههه
أيمن:: بيهز دماغه بالرفض.. تؤ تؤ مش قبل ما تفطرى الاول ..اوك
منة:: اوك ..بس ممكن نفطر برة الاوضة
أيمن:: ممكن أوى ..يلا ياقلبى
منى:: طيب هنستأذن كابتن أحمد ؟؟ ولا يدور علينا ؟
أيمن:: ماما منى لسة ساعة ع ميعاد كابتن أحمد ..هننزل نفطر ونستنى تحت لغاية ما يتجمعوا
وفعلا نزلوا يفطروا مع بعض وشوية و اتجمع باقى الفريق بقيادة الكابتن أحمد وجهازه الفنى و الإدارى و طلعوا كلهم ع مكان المعسكر اللى هيقضوا فيه الاسبوعين اللى قبل افتتاح البطولة وأخيرا وصلوا المعسكر و هيبتدوا ع طول تدريباتهم
كابتن أحمد:: بيصفر ..يلا يا بنات اجهزوا بسرعة مافيش وقت نضيعه
منة:: تمام يا كابتن
ابتدوا البنات كلهم يجهزوا وابتدا الكابتن التمرين
كابتن أحمد:: بيحدف الكورة لـ منة ..
منة:: أخدتها و ابتدت تمررها بين زميلاتها وفـ نفس الوقت بتجرى وتحاور بالكرسى ومرة يمين ومرة شمال و ترجع تحدفها لـ كابتن أحمد
اللى بدوره بيساعدها فـ انها تسدد الكورة بمهارة أكبر
بعد وقت كبير
كابتن أحمد:: بيصفر بنهاية التمرين لليوم الاول ..براڤو عليكم يابنات لو استمرينا ع كدا اضمنلكم ان شاء الله البطولة
منة:: ان شاءالله يا كابتن وطالما اول يوم مر بسلام يبقى اللى جاى افضل بإذن الله
أحمد:: أكيد ان شاء الله ..طيب عندكم break (راحة) لو حابين تطلعوا الإستراحة اوك حابين تتمشوا شوية فـ البلد اوك
أيمن:: تمام يا أحمد انا هاخد منة ونتمشى شوية ..و متخافش مش هأخرها ولا هأكلها حاجة برة غير الأكلات الصحية و بس
أحمد :: خلاص يا كابتن..enjoy your time (استمتع بوقتك)
وخرج بالفعل أيمن ومنة ومنى زاروا اماكن كتير واتفسحوا واستمتعوا فعلا بوقتهم
أيمن :: لـ منة الساعة دلوقتي 8 مساءا يعنى فـ مصر هتكون 1 الضهر ايه رأيك يا حبيبى نكلم بابا وميدو وصاصا وكمان نكلم فوفة ؟؟
منة:: بفرحة..بجد ممكن يا أيمن نكلمهم كلهم
أيمن:: بتأكيد ..ممكن طبعا يا قلب أيمن
منة:: بليييز يا أيمن ممكن أكلم هدير كمان
أيمن :: خلاص يا قلبى نكلمها هى كمان .. يعنى هى جات عليها ..يلا خمسة خمسة كدا علشان تروحى ترتاحى أوك
منة :: أوك بس يلا بقى اتصل بسرعة
أيمن:: بأبتسامة ..حاااضر يا ستى هتصل أهو ..وأتصل بـ محمود الأول ..جرس ومافيش رد ..رن مرة تانية ..
محمود:: السلام عليكم ورحمة الله ..أيمن عامل ايه يا كابتن طمنا عليكم
أيمن:: وعليكم السلام ورحمة الله ..حبيبى يا عمى بخير والله
منة:: بتشد فـ دراع أيمن ..هات بقى أكلم بابا يا أيمن
أيمن:: بيضحك ..ياستى حاضر بس أكلمه الاول طيب ..خد يا عمى بنتك مش عارف أكلمك منها ههههههههههههه
محمود:: حبيبة بابا وضحكة قلبه عاملة ايه يا منوشة طمنينى عليكى
منة:: بحنين ..حبيبى يا بابتى وحشتنى انا كويسة وكمان اليوم النهاردة كان تعب اوى بس الكابتن بيقول لو استمرينا ع كدا هنكسب ان شاء الله
محمود:: ان شاء الله ياقلبى.. مستنيكى وانتى راجعة كسبانة البطولة
محمد ومصطفى ::هات يا بابا بقى نكلمها
منة:: فتحت الاسبيكر.. ميدوو صاصا ..عاملين ايه يا عيال من غيرى
مصطفى:: هنكون عاملين ايه ياختشى نايمين فـ هدوووء أهو و مافيش دوشتك بتاعة كل يوم ههههههههههههه
منى:: تاااانى يا صاصا تااااااانى
محمد:: منايا حبيبتى وحشتينى ..هترجعوا امتى بقى
أيمن :: يا ميدو احنا لحقنا ده لسة اول يوم
مصطفى:: سكت يا ماما أهو.. وبعدين بيضحك جامد ههههههههههههه
منة :: بتضحك ع ايه يا صاصا
مصطفى :: أصل بابا معلق ميدو من قفاه عشان قال منايا لـ ماما ههههههههههههه
خلصت المكالمة وكلهم مبسوطين ومحمود ومنى بيدعوا لـ ولادهم بالسعادة دايما.. واتصل أيمن كمان بـ أمه وساب الموبايل لـ منة
فادية:: الووو يا نور عيني وحشتنى
منة:: بحب ..ماما فوفة وحشتينى ياحبيبتى
فادية :: وانتى أكتر يا قلبى عاملة ايه
منة :: انا كويسة بس محتاجة دعواتك يا أمى
فادية:: بكل حب ..دعيالك يا بنتى ربنا ينصرك وترجعى كسبانة ان شاء الله ..طمنينى مامتك عاملة ايه
منة:: ثوانى يا حبيبتى ..وفتحت برضوا الاسبيكر ..اتفضلى هى مع حضرتك
فادية:: أم محمد عاملة ايه يا حبيبتى ..
منى:: الحمدلله يا أم أيمن انتى عاملة ايه
فادية:: بخير والله ..ربنا يطمنا عليكم يارب وترجعوا منصورين
أيمن:: ان شاء الله يا ست الكل ..دعواتك يا حبيبتى
فادية:: دعيالكم يا حبيبى ..قلبي و ربى راضى عليكم وان شاء الله ينصركم دايما وترجعوا مجبورين الخاطر ..
خلصت المكالمة برضوا بحب ورضا وكمان دعوات فادية الجميلة لمرات ابنها و كلموا كمان هدير و أيهم و مابطلوش ضحك و تريقة عليهم لما عادل حط لهم شرط فوز منة علشان يجوزهم وأخيرا رجعوا المعسكر يرتاحوا وزى ما حصل اول يوم تمرين حصل تانى يوم..
و يوم ورا يوم منة بتكتسب لياقة بدنية وقوة تركيز أعلى و ثقة بنفسها اكتر بسبب دعم أيمن ليها وكمان روح الفريق حلوة جدا بينها وبين زميلاتها وده كان عامل اساسى بيتمرنوا عليه وأخيرا خلصوا الاسبوعين
وهيرجعوا مكانهم قبل بداية البطولة بيوم كلمت منة باباها واخواتها وكمان فادية طمنتهم عليها وسمعت دعوات حماتها اللى بتديها طاقة أكبر لانها طالعة من القلب وبصدق
بقلمى✍️________________لبنى دراز
و أخيرا ابتدت البطولة وكان ماتش الافتتاح لفريق الإرادة و التحدى. اللى كسب الماتش بجدارة من الفريق المنافس
أيمن:: مبروك يا منة تأهلك
منة:: الله يبارك فيك ..انا متفائلة اوى رغم ان المباراة كانت صعبة
منى:: بنوتى حبيبتى قدها ..يلا يا قلبى عشان ترتاحى
كابتن أحمد:: منة
منة:: نعم يا كابتن
كابتن أحمد:: مستقبل الفريق كله بين ايديكى ..أعتمادنا ع الله ثم عليكى
منة:: بإذن الله يا كابتن ..وكله بفضل توجيهات حضرتك ..وان شاء الله طالما المباراة الافتتاحية عدت بسلام وكسبنا اللى جاى سهل ان شاء الله..
أيمن:: بسعادة أيه رأيك نكلم هدير و أيهم نفرحهم علشان يحضروا ڤيلتهم ههههههههههههه
منة:: ياااريت ياحبيبى مكلمتهاش غير مرة واحدة .. واحشتنى اوى
أيمن:: خلاص. ثوانى هطلبها أهو ..وفعلا اتصل ع هدير
هدير كانت نايمة وصحيت ع رنة فونها وبصوت نعسان.. الووو
منة:: دييييدى ..وحشتينى يا بلوتى
هدير:: قامت اتنططت اول ما سمعت صوت منة.. منووووشة حبيبتتيييي وحشتينى وحشتينى وحشتينى
منة:: بضحك ..مجنونتى نايمة ليه دلوقتي .. عندكم لسة الساعة 5 المغرب
هدير:: ايه ده عرفتى ازاى يا منمن
منة:: علشان فرق التوقيت يا شعنونتى 7 ساعات .. دلوقتي عندى الساعة 12 بالليل
هدير:: أيوا بقى وبقينا نعرف فرق التوقيت كمان.. مش كفاية رايحة بلاد الفِرنچة وسيبانى مع زهقى و مللى
أيمن:: بيشاور لـ منة تفتح الاسبيكر.
منة:: فتحته ..وزهقانة ليه يا ديدى يا حبيبتي
هدير:: مش واخدة بالها ان أيمن سامعها.. أبن المبقعة سافر وسابنى قال ايه عنده شغل مهم لازم يخلصه
أيمن:: هقوله ع فكرة ههههههههههههه
هدير:: اوبااااا.. يا مُرك يا مهجة يا مُرك. سماح يا سطى شالله يخليلك المزة اللى جنبك دى
أيمن:: لاااا يمكن ..عشان تحرمى تتكلمى عن جوزك كدا تانى
هدير:: بزعل طفولى .. مش هو اللى سابنى لوحدى وسافر وكمان انتوا مسافرين وانا كدا قاعدة زى خبيتها حتى روبى وساجد عاملين فيها عرسان لسة مازهقوش . وبغيظ .أعمل ايه انا يعنى
منة:: بلوتى اقولك خبر يخليكى تتنططى من فرحتك
هدير:: بزهق..اييييه ..وهو فى ايه يفرح يابنتشى
أيمن:: يخربيييت كأبتك ..صحيح فولة وانقسمت نصين زى جوزك بالظبط
هدير::objection( انا احتج)
منة:: ماشاء الله ..بتعترضى بالفرنساوى كمان .
هدير:: الله مش كل واحد وعلامُه..ههههههههههههه
أيمن:: بضحك …وانتى ماشاء الله ضليعة فـ الفرنساوى اوى..معترضة ليه بقى يا ست ضليعة هانم ههههههههههههه
هدير:: لو سمحت يعنى مالكش دعوة بالاسطى بتاعى وخليك فـ حالك
أيمن:: بت ماتنسيش انى الكابتن بتاعك و تصدقى بقى هنقفل المكالمة ومش هنقولك الخبر اصلا اللى يفرحك و يلا خدتى اكتر من وقتك اقفلى قبل ما اقفل فـ وشك ههههههههههههه
هدير:: لااااا وحيات عيالك المستقبليين قول والنبى ..ياااا منة خليه يقول بقى
أيمن:: خلاص خلاص هقول ما تزوقيش ..بصى يا ستى منة فازت النهاردة بمباراة الافتتاح
هدير:: بفرحة ..قوووول والنبى صحيح ..هييييه وهتجوز هتجوز ..هتجوز هتجوز هيييييه
منة وأيمن:: بيضحكوا ع جنانها وقفلوا المكالمة و روحوا الاوتيل علشان يرتاحوا ويستعدوا للمباراة اللى بعد كدا
بقلمى✍️___________________لبنى دراز
فـ مصر بيت عادل الالفى
عادل سامع صوت هدير المجنونة بتغنى بصوت عالى.. فتح باب اوضتها براحة يشوفها بتعمل ايه لاقها ع السرير بتتنطط بفرحة وبتسقف بطريقة طفولية
هدير:: وأخيرا اتجوزت وماعادش ناقصنى حاجة ماحدش له كلمة عليا ولا حد له عندى حاجة ..وهتجوز هتجوز النهاردة فرحى يا جدعان عايز كله يبقى تمام هييييه هييييه هييييه
عادل:: امممممم ممكن أعرف حبيبة بابا الشقية فرحانة اوى ليه كدا ..
هدير:: بابتى حبيبى ..منة كسبت الماتش النهاردة وخلاااص هتجوز
عادل::بمكر.. و أنتى ايه اللى مخليكى واثقة اوى كدا انى هجوزك للواد الجبلة ده
هدير :: بتزمر.. انت اللى قولت ع فكرة لو منة كسبت هتحدد ميعاد فرحنا ولا نسيت يا سي بابا
عادل:: لا انا مانسيتش بس كمان انا فاكر انى قولت لما ترجع من طوكيو كسبااااااانة اابطولة ..مش تكسب ماتش الافتتاح
هدير:: طيب يا دولا يا حبيبى هى كسبت أول ماتش يعنى وارد تكسب الباقى ..ما تقاطعش بقى يا بابتى وقول يارب تكسب كله كله عايزة اتجوز بقى يا نااااس
عادل:: امممم عايزة تتجوزى وتسيبينى يا ديدى ..
هدير::بحنان.. حبيبى عمرى ما أسيبك انت روحى يا بابا ربنا ما يحرمنيش منك
عادل:: بحنان أب ضمها لحضنه.. بتحبى أيهم انتى اوى صح؟؟
هدير:: بتأكيد بحبه اوى اوى يا بابا بس أكيد مش اكتر منك
عادل:: مسح دمعة بتهدد بالنزول ..يابنت يا بكاشة ده مجرد ما عرفتى ان منة كسبت ماتش الفرحة مش سيعاكى علشان قرب ميعاد الفرح ..
هدير:: وهى فـ حضن أبوها اتعدلت و مسكت وشه بين إيديها ..يا حبيبى حتى لو روحت بيته او روحت معاه أخر الدنيا هتفضل انت حبيبى و نور عينى وحبى الاولانى يا دولا يا قمر انت وطبعت بوسة ع خده ضمها اكتر لحضنه وبيدعيلها بقلبه ربنا يسعدها هى و جوزها
_____________________
فـ طوكيو
يوم ورا يوم بيمر الوقت ومباراة ورا مباراة وأخيرا وصلت منة للمباراة النهائية
وهى فـ الملعب شافت وسط الجمهور كل حبايبها محمود ومحمد ومصطفى وكمان عادل وسلوى وهدير وأيهم وساجد و روبى وكمان فادية قاعدين كلهم مع منى وأيمن اللى كان متفق مع أيهم وعملها مفاجأة لـ منة علشان يشجعوها وهى بتلعب ويشاركوها حلمها وفرحتها بتحقيقه
وصفر الحكم ببداية المباراة
منة بتلعب وتحدف الكورة وتمررها بين زميلاتها ويمين مرة وشمال مرة و تسدد رمية ورا رمية ومع كل رمية تسددها منة.. أيهم وهدير فـ نفس واحد هيييه هتجوز هتجوز ويرجعوا يهتفوا
و معاهم محمد ومصطفى وساجد و روبى مولعييينها تشجيع
هدير :: يلا قولوا ورايا ..استوب استوب استوب ومنة هى التوب
وكلهم وراها ..بيرددوا هتافها
استوب استوب استوب ومنة هى التوب
هدير:: لا مانجا ولا اناناس ده فريقنا هياخد الكاس..لا مانجا ولا اناناس ومنة هى الاساس
وطبعا كلهم وراها بيقولوا زيها
وأخيرا صفر الحكم بنهاية مباراة النهائى وختام البطولة والنتيجة لـ صالح فريق الارادة و التحدى وأخيرا منة قدرت و
حققت حلمها بعد فوز فريقها بالماتش والبطولة وحصولهم ع المركز الاول و الكاس و الميداليات الدهب ومن فرحتها وهى بتستلم جايزتها غنت بصوتها العذب اللى ياما جنن قلب العاشق
منة::
تعبت وربنا نصرني ب دعوة امى قدرني
أفرح القلوب ديا وحلم العمر حققته
رفعت انا راسها بإيديا ودموع الفرحه فى عينيا
خلاص حزن السنين كله بعون الله انا هزمته
وحلفت انا ميت يمين هتحدي المستحيل واللى انا قولته عملته ماهو وعد الحر دين
الحلم خلاص إكتمل بعرقى وبالامل وعدتك أبقى حاجه وبقيت انا البطل
إفرحي يااما كمان دا حلمك من زمان لو هسجد الف سجده برضوا قليل اوي
طول ما احنا مع ربنا وقلوبنا مؤمنة .. هنسود الكون بحاله وهيحمينا اوي
وحلفت انا ميت يمين هتحدي المستحيل واللى انا قولته عملته ماهو وعد الحر دين ..
الحلم خلاص إكتمل بعرقى وبالامل وعدتك أبقى حاجه وبقيت انا البطل..
وبعد ما خلصت الاغنية نزلت هدير اول واحدة من مدرجات الجمهور وجريت عليها و حضنتها وراها ميدو وصاصا وشالوها فرحانين بيها وبتحقيق حلمها وكلهم نزلوا وراهم وقبل ما ينزل عادل أيهم مسك فيه جوزنى بقى أبوس أيدك منة كسبت أهى .. وأخيرا
محمود:: بدموع الفرح .. بيضمها لحضنه ..انا فخور بيكى جدا يا أجمل ضحكة لـ قلبى بجد رفعتى راسى فوق ..عايز أقول للعالم كله. القمر دى بنتى انا ..
منة:: بابا حبيبى ..أفتكر كدا انا وعدتك قبل كدا .. ان طول ما أنا عايشة و فيا روح ..حضرتك هتفضل فخور بيا و دايما رافع راسك لفوووق
منى:: بسعادة ..بنتى حبيبتى تعبتى و ربنا فرحك و عوضك عن تعبك خير مبروووك ياقلبى
فادية:: أول مرة تحضر و تشوف الفرحة بجد فـ عين أبنها.. بعينها وقد ايه كانت فخورة بـ مرات ابنها و جواها ..انا ازاى كنت هحرم أبنى من الفرحة اللى فـ عينه دى ازاى كنت هحرمه من حبه ده ..وضمت منة لحضنها ..انا بجد فرحانة بيكى أوى وبفتخر انك مرات أبنى ..ربنا يسعدك و دايما تحققى كل احلامك يا نور عينى
منة:: ماما فادية .. كفاية عليا دعواتك ليا كانت محوطانى طول الوقت ..انا بحبك اوى يا ماما.. واكتملت سعادتها فعلا بمشاركة كل اللى بتحبهم فرحتها وأخيرا هيرجعوا مصر و معاهم منة اللى راجعة منتصرة وكسبت التحدى وكانت قده واثبتت فعلا ان العجز عجز التفكير مش عجز الحركة ابدا..
بقلمى✍️_________________لبنى دراز
فـ مصر ..
رجعت منة أخيرا بلدها وفرحتها مش سيعاها و طبعا رجعت تنتظم تانى فـ كليتها بعد رجوعها من السفر و أول ما دخلت الكلية مع هدير قابلها زملائها و زميلاتها بيهنوها بفوزها ومن وسط كل دفعتها ظهرت بنت مظهرها محترم بتكلمها بأدب وبصوت واطى
البنت:: بأسف.. انا بجد بعتذر ليكى جدا عن الاساءة اللى حصلت مني انا و اصحابى اول يوم دراسة ..انتى بجد مثال مشرف لكل بنت ..طالبة متفوقة و لاعبة ناجحة و محققة مركز عالمى وانتى ….. أسفة أقولك وانتى ع كرسى متحرك
منة:: مافيش داعى للأسف لانها حقيقة ..الكرسى جزء لا يتجزء من حياتى اتأقلمت عليه وقدرت أتحداه و أعيش و أحقق أحلامى كأنى سليمة
البنت:: انا عارفة انى ضايقتك كتير و تنمرت عليكى بس انتى كل مرة كنت بضايقك فيها كنتى بتدينى درس بأخلاقك و أدبك كنت بتعلم منه ..انا بجد اتمنى نكون اصحاب
هدير:: بجنانها المعتاد ..جرا ايه يا مزة هو انتى جاية تتعلمى بعد سنتين انك ماتضايقيش حد ولا تتنمرى عليه ..مش متأخر ده ولا اييه؟ ويلا بقى من هنا ما بنصاحبش حد احنا
منة:: لـ هدير و بعدين يا أخرة صبرى هااا
هدير:: بصت لـ البنت بغيظ ورجعت بصت لـ منة أهو🙊 انكتمت ياكش ترتاحى
منة:: بـ ابتسامة لـ البنت معلش هى هدير كدا مندفعة شوية ..بس هى طيوبة خالص وحد جميل و اكيد يشرفنا انك تكونى صاحبتنا
البنت:: ابتسمت لـ منة..واضح جدا انها بتحبك .
هدير:: بغيظ.. اه ياختشى بحبها وبغير عليها كمان و يلا بقى وسعى كدا خلينا نشوف اللى اهم منك
منة:: بغيظ اكبر ..هديييير وبعدين بقى ماينفعش كدا
هدير:: بنرفزة ..يووووه بقى ع طول عاملالى أحباط ابت أمنوشة ..
منة اعتذرت للبنت واستأذنت ومشيت هى وهدير علشان تلحق المحاضرة
منة:: انتى يابنتى مش هتعقلى بقى يخرب عقلك
هدير:: ماسبتنيش عليها لييييه بنت المبقعة دى اعرفها مقامها ..قال جاية تعتذر قال ..يا شيخة بقى
منة:: ياااا ديدى يا حبيبتى واحدة وعرفت غلطها و جات تعتذر هعلق لها المش..ن…قة يعنى خلاص عفا الله عما سلف
هدير:: بتزمر.. يا شيخة روحى هتفضلى هبلة كدا طول عمرك جاتك خيبة 😏
منة:: بضحكة .. ههههههههههههه طيب يلا ياختى وانتى شبه ستى أطاطا كدا المحاضرة هتفوتنا ههههههههههههه وفعلا دخلوا المدرج يحضروا محاضراتهم وهما بيضحكوا ويتريقوا ع بعض
______________
فـ نفس الوقت أيهم راح لـ عادل الشركة وطلب يقابله
عادل:: بترحيب يا اهلا يا أيهم اتفضل ..تشرب ايه
أيهم:: شربات
عادل :: بأندهاش.. نعم ..تشرب ايه
أيهم :: شربات ياعمى شربااات ..بصراحة بقى عايز اتجوز
عادل:: برفعة حاجب ..اممممم بقى عايز تتجوز ..وجايلى عشان أجوزك مش كدا؟
أيهم :: أيوا يا عمى شالله يخليك ..انت قولت لما منة ترجع كسبانة و اهى رجعت ماشاء الله كسبانة و زى الفل اهو ايه المانع بقى
عادل:: خلاص وانا عند كلمتى موافق بس بعد الامتحانات ..ابتدى جهز بيتك من دلوقتي يلا
أيهم:: بتنطيط وفرحة.. بجد وافقت قول بالله وافقت خلاص يعنى أخيرا هتجوز انا وهدير ونتلم فـ بيت واحد ..أبوسك منين قولى بس
عادل::ههههههههههههه اعقل وبطل جنانك ده احنا فـ الشركة يلا امشى روح شوف شركتك انت كمان
أيهم:: بفرحة .. لاااا شركة ايه انا هروح لمجنونتى وافرحها بالخبر الحلو ده اللى مش بعيد تبوسنى عليه سلام يا عمى
عادل:: ولااااا تعال هنا ..عارف لو روحتلها الجامعة هعلقك انت فاهم ..قال تبوسك قال ..أمشى ياض ع شركتك وخد بالك هعرف انت طلعت من هنا ع فين يلا
أيهم:: بمحايلة.. خليك حلو بقى يا عمى ..وسيبنى أروح لها ابلغها بنفسى ..شالله يخليهملك يارب ..والنبى والنبى وافق بقى ماتبقاش قفوش كدا
عادل:: ضيق عينيه ..امممم قفوش!!..بقى انا قفوش ..طاااايب مافيش جواز قبل ما تكمل الـ 3 سنين و يلا ع شغلك
أيهم:: خلاص وحياة عيالك أبوس إيديك بلاش والنبى ترجع فـ كلامك بقى عشان خاطرى
عادل:: بتفكير ..امممم عايزنى مارجعش فـ كلامى؟؟
أيهم:: أه و النبى
عادل:: تطلع من هنا ع مكتبك فـ شركتك و ما تروحش لـ هدير الجامعة ولو ع الخبر فى أختراع اسمه موبايل اتصل بيها هنا وبلغها وتمشى ع شغلك ع طول فاهم
أيهم:: بتزمر ..حااضر وبهمس لنفسه ربنا ع المفترى انا بس اتلايم عليها وابقى قابلنى لو شوفتها سنة قدام
عادل:: بتبرطم بتقول ايه سمّعنى؟؟
أيهم:: بـ ابتسامة مكر ..ابدا يا عمى بدعيلك ياحبيبى ربنا يخليك لينا يا غالى ..وجواه حكم القوى.. وفعلا اتصل بـ هدير بلغها موافقة أبوها ع الجواز بعد الامتحانات وانه خلاص هيبتدى يجهز الڤيلا ويتفق مع مهندسين الديكور ويجى ياخدها هى و مامتها علشان تبقى تختار الديكورات وكمان الفرش كله ع زوقها ورجع بص لـ عادل تمام كدا ؟..يارب تكون مبسوط ..
عادل:: كاتم الضحك.. مبسوووط جداااا ..يلا بقى أتكل خلينى اشوف شغلى وبعد ما خرج أيهم ضحك بصوته كله ع شكل جوز بنته و هو خارج متعصب علشان مش هيروح لـ هدير الجامعة
________________
أيهم نزل من عند عادل متغاظ وراح لـ أيمن مكتبه
أيهم:: صاحبى صاحبى
أيمن:: تعال يا عملى الاسود فـ الحياة.
أيهم:: متغاظ يا صاحبى
أيمن:: بتريقة.. متغاظ عارفك يالا مني انا متغاظ..ههههههههههههه
أيهم:: بنرفزة..يا باااارد بقولك متغاظ تتريق عليا.
أيمن:: بجدية..ايه اللى غايظك
أيهم:: حمايا
أيمن:: اشمعنى..هههههههههه
أيهم::ياض هض..ربك صدقنى
أيمن:: بضحك ..خلاص خلاص كمل ههههههههههههه
أيهم:: عادل الألفى خانقنى مش عارف أخد نفسى
أيمن:: بهدوء كدا و واحدة واحدة ماله حماك خانقك ليه
أيهم:: كنت عنده دلوقتي بتفق معاه ع ميعاد الفرح ..زى ما قال لو منة كسبت هيقدم الميعاد
أيمن:: كويس اوى ..اوعى تقولى رفض ورجع فـ كلامه؟!
أيهم:: لا بالعكس وافق و رحب بس قال بعد الامتحانات ..
أيمن:: يخربيت كأبتك ..ومتغاظ ليه يا كئيب أفندى..طالما الراجل وافق و الامتحانات فاضل عليها شهر ونص تقريبا او شهرين
أيهم:: قعد ربّع رجله فوق الكرسى و حط أيده ع خده ..شوف يابنى .حكى لـ أيمن كل اللى حصل من وقت ما دخل عند حماه لغاية ما خرج من مكتبه
أيمن:: ههههههههههههه ههههههههههههه ههههههههههههه
أيهم:: بغيظ..ممكن افهم البعيد بيضحك ليه
أيمن:: يعنى بذمتك عايزه يسيبك تروح لـ بنته بعد ما قولتله الكلام اللى قولته ده
يا أيهم يا حبيبى ع قد ما استاذ عادل بيحبك وبيطمن ع هدير معاك ع قد ما بيغير عليها حتى من نفسه لانها وحيدته تخيل بقى لما تقوله هروح افرحها ومن فرحتها هتبوسنى
أيهم:: لا لو سمحت انا قولت مش بعيد تبوسنى ..يعنى مأكدتش انها هتعمل كدا
أيمن:: هتفرق يعنى ؟
أيهم:: أه هتفرق
أيمن:: طيب ممكن أفهم انت متغاظ ليه دلوقتي ..مش بلغتها فـ الفون وخلاص هتروح بكرة تاخدها هى ومامتها علشان تشوف ايه اللى ناقص وتكملوه
أيهم:: اهو شوفت ..هو ده و بيشاور بإيده .. حطيت ايدك ع السبب اللى غايظنى
أيمن::بعدم فهم.. مش فاهم سبب ايه
أيهم::بتوضيح.. بقالى سنتين كاتب كتابى مش بعرف اشوفها لوحدها يا أيمن غير فـ النادى سرقة سنتين يا عاااالم مراتى مش بعرف اخرج معاها غير و هو نازل هو ومراته معانا و بتلقائية حط ايده ع قفاه .. و يا ويلى لو وشوشتها وهو قاعد بيسلم عليا سلام يا جدع.. بأحترااام بصراحة
أيمن:: ههههههههههههه حظك بقى بنته الوحيدة ومتعلق بيها اوى ..المهم يلا انا خلصت شغل تعال ننزل علشان هروح اجيب منة من الجامعة تعال معايا و افرد بوزك ده
أيهم:: لا يا عم ما ينفعش انا عايز اشوف مهندس الديكور هبتدى اظبط الدنيا علشان أخلص بدرى ..وحياة غلاوتها عندى لا أشحتفه عليها زى ما شحتفنى كدا
أيمن:: بيضحك..ههههههههههههه طيب يلا يا فالح ..ونزلوا سوا أيمن ركب عربيته و راح لـ حبيبته الجامعة وأيهم رجع ع شركته وفعلا اتفق مع مهندس الديكور و تانى يوم أخد هدير و سلوى وقابلوا المهندس وأختاروا سوا ديكورات بيتهم وكل حاجة ع زوقها وابتدا يجهز الڤيلا من كل حاجة وخلاص الامتحانات ابتدت
هدير :: بتكلم أيهم فـ الموبايل ليلة الامتحان ..الووو ..هيموو
أيهم:: قلب هيمو وعقله يا ديدى
هدير:: بقلق.. خايفة وقلقانة ومش عارفة انام
أيهم:: ليه يا حبيبة قلبي بس مش انتى مقفلة المادة ..يبقى خايفة ليه بقى
هدير:: يا حبيبى التش*ريح صعب وقلقانة اوى منه
أيهم:: بأندهاش ..اييه ياختى ..تش*ريح مين ياما
هدير:: مالك يا حبيبى ..مادة التش*ريح ..انت ناسى انى دكتورة وبش*رّح بنى أدمين ولا ايه نييههههها
أيهم:: منك لله انتى و أبوكى هتقطعولى الخلف ..هتخلصى الامتحانات دى امتى ..عايز الحق اتجوز قبل ما أتش*رّح
هدير:: انت حبيبى ..متخافش مش هش*رّحك خالص ..بس هشلوحك لو لعبت بديلك كدا ولا كدا
أيهم:: يا حبيبتى انا اللى منى لله.. انا ايه خلانى اتجوز دكتورة بس ياربى وكمان جزارة قصدى جرّاحة
هدير:: اممممم بقى مش عاجبك يا اسطى انك هتتجوزنى
أيهم:: انتى قلبتى ليه كدا على اسطى عبده الميكانيكى ..أهدى يا وحش الكون كدا وصلى ع النبى
هدير:: بحب ..عليه افضل الصلاة والسلام.. حبيبى بجد انا قلقانة وانت وترتنى اكتر
أيهم:: فتح عينه ع الاخر ..وبيشاور ع نفسه كأنها شيفاه ..ده انا ؟ انا اللى وترتك ؟؟ اقفلى يا هدير بدل ما اقفل فـ وشك
هدير:: خلاص يااسطى بقى.. ما تزعلشى من ديدى حبيبتك
أيهم:: بس لو ما كنتيش تحلفى ..طبعا عمرى ما أقدر ازعل من روحى ..المهم بقى يا قلب هيمو ..عايزة فرحك يكون ازاى ..أحلمى و أحلامك أوامر
هدير:: بسعادة ..حبيبى انت ..عارف بجد نفسى فرحى يكون أوبن إير ع البحر ماية وخضرة و هوا مش مهم ليل او نهار المهم انه يبقى ع البحر وانزل وسط المعازيم من طيارة هليكوبتر حاجة ايييه ولا فـ الخيال ..بس يلا بقى اهو حلم
أيهم:: بأندهاش ..عايزة فرح ع البحر !! وكمان تنزلى بطيارة هليكوبتر؟
هدير:: اه يا اخويا نفسى ..بس اييييه هو فين البحر بس نجيبه منين
أيهم:: يا سلاااام ده ع أساس انك جبتى الهليكوبتر ..وبقى خلاص البحر هو اللى مشكلة
هدير:: جرا ايه يا جدع مش قولت بحلم بحلللللم.. بتفوقنى ليه دلوقتى انت ..ولا هى غلاسة وخلاص
أيهم:: اييييه ؟ جدع؟ يابنتى انتى هتعرفى امتى انى جوزك مش ابن الجيران اللى بيعاكسك
هدير:: ههههههههههههه حبيبى يا اسطى . عادى يا باشا خليك إيزى يا عزيزى ..
أيهم:: أقفلى ابت الخط احسن ما اجيلك أكلك علقة محترمة.. عصبتينى
قال جدع قال .. وبهمس لنفسه انا مش عارف هتبقى انثى امتى دى وهى شبه البوابين كدا ههههههههههههه
وقفل الخط وهو بيدعيلها ربنا يوفقها فـ امتحاناتها و يقرب البعيد ويتجوزو
_________________
لااااااااااااااااااااااا الحقوووونى يا مااااامااااااااااا ما تموتنييششش ابوووس ايدك والنبى سيبنى أعيييش لااااااااااااااااااااااا
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية موعد مع القدر (تحدي الإعاقة))