رواية أأستحق هذا العذاب الفصل السادس والعشرون 26 بقلم ميفو السلطان

رواية أأستحق هذا العذاب الفصل السادس والعشرون 26 بقلم ميفو السلطان

رواية أأستحق هذا العذاب البارت السادس والعشرون

رواية أأستحق هذا العذاب الجزء السادس والعشرون

رواية أأستحق هذا العذاب الحلقة السادسة والعشرون

استيقظت قمر وفتحت عيونها وهيا تشعر بدوار بدات تفيق رويدا رويدا …وجدت نفسها في قصر جبل لتهب مره واحده وتشعر بالذعر انا فين انا فين …
تلفتت حولها لتجده يجلس يتاملها من بعيد مبتسما همس….. حمدالله عالسلامه يا جلبي نورتي موطرحك .
هبت مره واحده فشعرت بالترنح …..قام ومسكها ،،بالراحه المخدر لساته جواكي .
نظرت اليه مصعوقه فضحك ….ايوه يا عسليتي خدرتك وجبتك .
دفعت يده .،انت مخبول انت مش طبيعي جايبني اهنه ليه انت .
تنهد .،جايبك عشان ده موطرحك وهتجعدي عشان اني ماهسيبشش حجي تاني ولا عسيبك ترمحي بعيد عني .
احنت راسها تحاول ان تستجمع نفسها ..اقترب والتصق بها وحشتيني يا واخده عجلي من جوا ..جمري يا ناس ..حالي ومحتالي جدامي كله علي بعضه في فرشتي يادي الهنا كان يلثم يدها بحب .
صرخت منفعله وشدت يدها تحاول ان تستجمع نفسها … ..انت مفكر حالك مين لو فاكر اني هجعدلك تجل ادبك وتذل فيا لاه انسي اني خلاص يابن الناس جفلتها وجولتلك قبل سابق خد اللي رايده عشان لما اجول خلصت تبقي خلصت .
شدها يحاوطها ويشدها اليه وهيا تتململ …،،والله تجولي خلصت ملصت انت رطي علي كيفك اني بقه لسه ماجولتش كلمتي ومفكر حالي مين مفكر حالي جبل بتاع جمر وهيا بتاعته اللي رمحت وحرجت جلبه بس اهه جابها ولا هيفارجهاش واصل ..
نظرت اليه بغضب ……عايز ايه يا جبل في سنينك السوده عايز ايه انطج وارحمني بقه يابن الناس اقتربت منه وصرخت …كت صغيره يا جبل ارحم بقه كت عيله مافيهاش تفكر راعي يابن الناس بقه وابعد عني اني خلصتها زمان ودلوك تخلص برضك وانت اصطفل مع حالك وبعد عن طريجي . لا عاد ليك حاجه عندي ولا ليك تجرب ..اني جفلت سكتك من زمان هاه وليا سنه ارتاحت ..خلصت يا جبل افهم خلصت وكت خلصت اساسا من سنين .
وقف يتاملها عن كسب رافعا حاجبيه …كنها خلصت من سنين.
صرخت…. ايوه لما سيببتك عالجسر كت خلصانه انت اللي بتدور عالحزن بمنكاش .
ابتسم واقترب منها وقال ….اممم خلصت عالجسر لما سيبتيني وحرجتي جلبي صوح وباكده خلصت …رفع وجههها باصبعه واقترب ينظر اليها بعشق خلع قلبها قائلا … ..ولما انت خلصتيها زمان يا جمر جيتي داري ليه يا بت الناس .
ارتعبت ونظرت اليه وبدات ترتجف ……ايه بتجول ايه .
ابتسم ببرود …..،بسالك سؤال اهه لما هيا خلصت راجعه ليه داري راجعه ليه دار جبل اللي سيبتيه .
قالت …اني اني…لاه لاه …اني ماجيتش انت مخبول هاجي دارك ليه انت ..انت ..ارتعبت واستدارت…. اني اني ماشيه باسم زماناته عايزني استدارت تهرب .
فاندفع ووقف امام الباب …
لاه ماعتش هروب واصل لما السما تنزل عالارض جبل خلاص الدعك اللي في خلجته هيوجفه …بسال اهه بهدوء وتردي من سكات عشان اني الغليان جوايا هيطيح ويولع الدنيا …جيتي ليه داري …سناء بت خالي جابلتها من شويه …ارتجفت ونظرت اليه برعب …ايوه بصيلي كمان …هاه جيتي ليه وكتي بتبكي وماسكه صورتنا اللي جطعتها يا جمر .
كانت تنهج بشده …فاكمل …..راجعه ليه لجبل بعد ماسيبتيه جولي عشان أني ماعسيبش حاجه متخبيه وهعرف كل حاجه .
كانت تقف مرتبكه لا تعلم ما تقول ،،اقترب وشدها قائلا ،،كت راجعه ليا صوح ….ماجدرتيش تبعدي وتبقي لحد تاني مش اكده …راجعه لحبيبك تطيبي خاطره وتعتذريله صوح يا جمر .
انتفضت بقهر وبعدته ،،مين جالك الكلام الاهبل ده انت بترط اي كلام وارجعلك ليه واني اتشبكت لسليم .
ضحك .،لاه سليم جاي دوره بس واحده واحده .دا فيه جاعده وحكاوي يامه ..بير يا بت حمدان فتحاه ونازله تعبيه واني واجف اهبل ماعارفش حاجه …بس خلاص البير طفح وطلع اللي جواه واني هكبش واجيب جوفه بيدي …انطجي …،ها رجعتي دارنا ليه .
قالت متلبكه …. ..كت .،كت .،كت راجعه اديك حاجتك .
قطب جبينه…حاجتي …ابتسم ،،اممم .،الفستان الاحمر اللي لبستيه تجهريني بيه والا ايه تاني .
ابتلعت ريقها ،،ايوه اني هاخد منك حاجه ليه واني كان عندي راجل جايبلي الحلو كلو وعاشجني.
رفع جبينه .،صوح كان معاكي راجل جايبلك الحلو كله و عاشجك ..ضحك ..داني عايش مسخره يمين الله ..طيب تمام … صوح كلامك …..امال سابك ليه هاه جولي سابك ليه والجهر مكلبش جتته.
قالت بجمود ….،ايه مارتحناش مع بعض مالك انت .
اقترب مبتسما …مارتحتوش متوكده …اصل اني جابلت سليم يا جمر ،…
نظرت اليه برعب ايه جابلته ليه مالك بيه .
قال مستعجبا …. .مالك مرعوبه اكده والا عشان مخبيه حاجات وواخد عهد مايجول يا جمر . حاجات موجوعه منها ليكي سنين ..حاجات سابك عشانها وجلبه بيتجطع عليكي من اللي جرالك .
احست انها ستموت هل عرف هل حكي له فصرخت ،،سليم جالك ايه ده كداب ماتصدجوش اني مابياش حاجه واصل .
ابتسم ،،يعني انت عارفه انه هيجول حاجه ..كانت ترتجف وتشعر بالقهر اقترب واحتضنها .،مخبيه ايه وسليم عارفه وجلبه بيتجطع عليكي جوي …جولي مخبيه ايه واعر عني وعرفان عارف والكل عارف واني شرابه الخرج ماعارفش بيكي ايه . جولي بيكي ايه ليكي سنين كتماه ..هاه خدت حجك يا جبل ..بطل تدعي كفايه اللي جرالي يا جبل …بيا كتير با جبل …انطجي الا جبل حاسس انه روحه بتطلع وعارف ان فيه نصيبه انت مخبياها .
ابعدته وقالت ….مالك بيا اخبي ماخبيش انت خاطفني ومخدرني وجاي ترط انت فيه ايه مالكش رادع .،اسمع بقه عشان اني ماعت هسكتلك واصل تبعد عني فاهم ولو انطبجت السما ماهتخش حياتي.
اقترب وشدها .،لاه هخش وهخش لاني كفايه عليا جهر لاكده اني جلبي والع وما عت متحمل ..جمر رجعت تدور عليا دي لوحده كلت جلبي وخلت جتتي والعه خلتني مجنون بس لاه انت دلوك معايا بتاعتي وبس … شدها اليه وانهال عليها بقوه وهيا مازالت تشعر بالدوار ظل يجتاحها وهيا بلا حول ولا قوه تشعر بالقهر فقربه يحرقها فهيا في تلك السنه ادركت ان عشقها له لم ينقص منه شيئا ..ابعدها واحتضنها…. اتوحشتك جوي سنه هرت جلبي يمين الله كت كيف المجنون ماعارفش اعيش اعجلي اعجلي وخلينا نفرح ..
هنا دفعته وابتعدت ونظرت اليه بوجع…. .،هو ده كل اللي في دماغك تفرح هاه تفرح وبس واني يا جبل مابتفكرش فيا واصل .
فصرخ ….مانت هتفرحي معايا فيه ايه .
قالت .،لاه يا جبل ماهفرحش معاك انت كل اللي في دماغك حاجه واحده وبس هتفرحك ….بس الحجيجه ماهتفرحش لا عدو ولا حبيب اني يابن الناس ماهخشش دنيتك تاني لو عملت ايه ماهخشش اصطفل مع حالك وبعد عن وشي عشان اغور من اهنه .
قال باصرار …لا هتخشي حياتي يا جمر ويمين الله لو ما عقلتي لارقعك علجه تجيب اجلك ونخلص بقه الا بقي مرار …اني بجولهالك اهه احنا هنتجوز .
صرخت …..،دا بعيد عن شنبك مش جمر اللي تتجوز عرفي اني كت هبله وبجول اهو امشي العيشه واديله حالي ونخلص من الجرف ده بس انت ماتستحجش يا جبل انت وجعتني وجع ماحد يتحمله .،اه يا جبل غدرت بيك ايوه وبعترف وندمت يا جبل بس كت عيله صغيره والله صغيره والدنيا في عيني… رجعت يا جبل تنهش فيا كني عبده عندك …رجعت يا جبل تموت في جمر اكتر ماهيا ميته.
جاي تجولي هكتب وهنتجوز هتجول للناس ايه عليا مرافقني جول هتجولهم مين الجربوعه دي…جول جول يابن الناس اني ايه عندك غير جته وجرف وحزن اسود .،بعد بقه وهملني …بعد بقه واعرف اني ماهكونش ليك واصل لو السما انطبجت .. عشان اني دنيتي وجفت هناك عالجسر .. اللي جدامك دي ماتت معاك عالجسر .،اصحي يا جبل وارجع وهات جبل من عالجسر وعيش حياتك رايدني ليه تعمل بيا ايه يابن الناس… خلصت اكده ماهجعدش دجيجه واحده اسمعلك تاني بجلبك اللي يجهر ده اجعدلك ليه اني واندفعت تتركه …
فصرخ بحرقه …..عشان جلبي محروج من حبي ليكي …عشان العشج اللي جواتي بيموتني عشان… عاشج ومافيش دجيجه الا اما بموت من ساعه ماسيبتيني .
تسمرت مكانها احست بقدماها كاوتاد تدق الارض .،احست بثقل في جسدها من هول كلماته …اقترب واستدار نظرت اليه كانت دقات قلبها تدق بعنف ..نظرت بعيونه وتجمعت الدموع بعيونها ولانت ملامحها غير مصدقه ..
نظر اليها بهيام …. .بتجوليلي اعيش حياتي…حياتي انتهت من ساعه ماسيبتك او ساعه ماسيبتيني ….مت مت وفكرت ان جلبي مات بس الحجيجه كت غير …،ولا يوم الا مافكرت فيكي ولا يوم الا ماكنت جوات جلبي ،في عز جهرتي وانت بعيوني كانت دموعها تسيل لا تصدق انه مازال يعشقها. لم تتحمل فاستدارت تحاول ان تستوعب ما قاله .
اقترب واحتضنها من الخلف ..جبل ما ماتش عالجسر جبل لساته بينحر جوايا بيعشج والعشج بيكويه….. بتجوليلي بعد وانسي ورايد جتتك ……اني كت بحلم بيكي مافيش يوم الا ماكتي معايا في الحلم اهنه في الجصر ….كل يوم بشوفك والفرح معانا كان نفسي اموت في الحلم عشان ماخرجش منه .
لماشوفتك حسيت ان روحي اتردتلي بس وجعي منك كان بزياده يا جلبي ….اسف اني وجعت والله اسف عارف انك رجعتي ليا ترجعيني ودي خلتني هموت من عمايلي معاكي وعارف انك مخبيه حاجه هتموتني عليكي بس جبل عاشج لجمر ولا حاجه هتبعده ..همس راجع انتجم انتجمت من حالي شايف عيونك وجلبي بيموت …جمر جبل لساه جبل العاشج لجمر جبل اللي يتمني لجمر يجبلها الدنيا اللي ولا يوم نساها اللي بيتمناها من الدنيا .
سبع سنين بنكوي بناري..يمين الله عاشج وكت هتجن سنه كامله اجهر روحي اني طفشتك ..سنه ربتني جاعد عند ابا عرفان في البيت في قوضتك اشم ريحتك واتخيلك …واتحايل عليه كان هاين ابوس يده يجولي انت فين ..كت اروح لابوكي جايز يحن عليا بس ربنا فعلا رايد اعيش سواد سنه لاني سودت عيشتك واتجبرت عليكي والله حتي من قبل ماعرف انك جيتيلي عرفت اني عاشجك والله عرفت واتوكدت ..وجولت ترجع هتجوزها جدام الكل .الخلج كله يعرف انك مرتي وماطولش اساسا انك مرتي ..يوم ماسيبتيني كت هنهبل بكيت وساعتها عرفت اد ايه وجعتك اد ايه جولت عفاشه ماحدش يتحملها …قبل يدها .كت بجعد في جوف الليل اعيد كلامك كله زاعرف اني عملت نصايب عملت في جلبي اللي مايتعمل…. .اسف والله اسف دانت روحي دانت الللي عايش نفسي عشانها مكمل …جمر اني بحبك والله بحبك وجلبي ولا دجيجه الا اما كان بينبض ليكي وبيعشج …مامتخيلش حد بيعشج اكده …اجول ايه واسيب ايه ..مسك وجهها بحنان ..دانت جلبي نور عيني اللي …كان ينظر اليها بعشق وهيا لا تتكلم دموعها تسيل تسيل انهار تغسل وجها وتزيله من قلبها تسمع كلامه يرويها ويحيها ..حب الجبل وعشق الجبل ..
همست بحنان ..جبل .
قال بحب … ،،،عيون الجبل وروحه لمس خدها فاغمضت عيونها احست بقلبها ينبض بقوه شدها واحتضنها بلوعه اتوحشتك جوي .. عايزك ليا بتاعتي العمر كله .لو بيكي ايه عايزك لو بعدتي اد مابعدتي عايزك ..عايزك دنيا افرح بيها ..ماعشناش يا جلبي ….هنعيش حجنا احنا نستحج نعيش ..سيبينا نعيش ..مسك وجهها وقبلها بلين ..جولي جولي يا عمري بيكي ايه واني اهه جارك حبيبك بتاعك ولا يو م يهملك …. رايد حبيبي يخش دنيتي يفرحني اجيب عيال وافرح بخلفي منك والعزوه والنسب تبقي منك انت وبس . رايد اجيب عيال كتير اني طول عمري بطولي لا ليا حد ولا ليا ونيس ..عايز منك الونيس والخلف ..الجصر ده هنملاه عيال عيال الجبل من الجمر ..خلف الصعيدي عزوه خلف الصعيدي روحه ما يتنازلش عنه واني عايز خافي منك يا جلبي ..
هنا عادت اليها ذكرياتها فانتفضت وابتعدت وصرخت فقال… ايه يا جلبي .
صرخت بحرقه وقهر …..بطل جلب ايه انت مخبول ال جلبك ال …بطل بعد عني والله ماهيحصلك خير ال جلب ال من ميته يا بيه هاه بعد عني اوعي من سكات اما اغور من اهنه
ابتسم واقترب وحاوطها .،،دي قبل ماشوف العشج في عيونك واسمع همسك باسمي .ده قبل ماحس بيكي بين درعاتي انت بتاعتي يا جمر اني لا اهبل ولا عبيط وشايف عشج جواكي بيكويكي بس كابتاه وعارف انه بسبب اللي مخبياه ..بس اني اهه خبي كيف ما بدك لا هبعد ولا هسيب .
صرخت …تبعد ايه ومخبيه ايه مش خلصت يابن الناس ارحمني بقه وروح شفلك حد تحبه وتنبسط بيه اني جولتلك خلصت .
قال مبتسما… ..خلصتي رط …..،طب هاه عايزه الفرح فين يا جلبي شدها وقال.. ..هاخدك شهر عسل بره ياخد العجل ،،اخرج من يده خاتم الماظ وجلس علي قدميه …مسك يدها فدمعت عيونها بقهر ….هاتي يدك ينور بيه الدنيا …والبسها الخاتم …
.
شدت يدها و صرخت ..انت مخبول فرح ايه وعسل ايه .،عسل طين علي دماغك بص بقه اني فيا اللي مكفيني ابعد عني من سكات احسنلك .
ضحك ….،وان ما بعدتش هتعملي ايه .،جبل خلاص وعي انه رايد جلبه .
نظرت اليه بغضب …مشكلتك مش مشكلتي ولو انطبقت السما عالارض ما هكونش ليك يا جبل .
ضحك… ..عشان اللي مخبياه صوح .
صرخت ..مالك انت مخبيه وطين مامخبياش حاجه اني فاكر لما جولتلك خد جبل ماجفلها هاه فاكر يا جبل اهو انت اللي رفضت واني جفلتها لا ليك و لا لغيرك يابن الناس اني عايشه اربي الواد اليتيم حياتي خلصت علي اكده .
قال مبتسما … ..لاه حياتنا هتبتدي وانت تنعدلي تمام اني حرمتي ماتجفش جدامي اكده وتسمعي الكلام اني جبت اخري هفلجك نصين وهتجوزك برضك .
صرخت ..فلجه لما تفلجكك هيا مين اللي هتتجوزك انت ملحوس روح باينك خلاص لسعت دا مرار ايه ده هو ذنب مكتوبلي العمر كله .
اقترب وشدها .،لاه ماهواش ذنب .،ده عشج والعشج يتحس اني مكوي بالعشج ده وكت فاكر ان جلبك مات اتاريه لساته بيدج لجبل وبس .
صرخت .،مابيدجش انت مخبول ..
قال بقوه…. بصيلي جولي مابيدجش بصيلي يا جمر جوليلي مابيدجش لجلبك يا جبل ماهواش رايد العشج بصي جولي كتي راجعه ليه الا اذا كان العشج كاويكي ورجعتي ليه جولي ماكملتيش جوازتك ليه من سليم جولي مااتجوزتيش عرفان ليه وانت بتكتبي ماجدرتيش تنكتبي لغيري جولي ليه بتعملي اكده ومخبيه ايه مهما عملتي عاشجك مهما كان فيكي ايه رايدك مرتي حبيبتي ام عيالي .
صرخت بوجع…..واني ماعايزاش ماعايزاش يا اخي العبده اللي دخلت حياتك ماعايزاش عايزه اموت يا جبل فاهم اموت وارتاح منك ومن دنيتك عايز فجاه اكده جمر بقت حلوه ليه يابن الناس والا جتتي لساتها بعيد ماطولتهاش عايزني اجرب من واحد جالي ماهجبش منك عيال انت ماتعرفيش تربي عيالي هاه عايزني اجرب من واحد جالي انت كلبه فلوس ولا رحمنيش واخرتها اخدك عشان ارتاح ،.عايز ترتاح يا جبل عمرك ماهترتاح ابعد بقه اني خلاص عليا جهر لاكده ارحم يابن الناس وخلي رحمه ربنا تنزل عليا اني شبعت جهر
مسك وجهها ودموعها تسيل .،اني ينجطع لساني ساعه ماجولت اكده اني خزيان وندمان يا جلبي ..
ابعدته .،والله فجاه اكده خزيان وندمان .،لاه انت مش خزيان انت محروج ازاي جمر تعملها تاني وتمشي ازاي جمر ترفض جبل رفضته زمان وهو مامعهوش… انما دلوك جبل البيه العالي ازاي جمر الجربوعه ترفضه ترفض سيد الناس صوح مش اكده .
صرخ .،سيد ايه وطين ايه انت هتفضلي غبيه لامتي اني عاشجك يا شيخه انت يا بت مخبوله جرالك حاجه في عجلك مابتفهميش واصل .عاشجك يا طينه اعمل ايه .
قالت بوجع … ..وماكتش عاشج ليك شهور بتنطح فيا ايه اللي جد جول .،اقتربت عارف ايه اللي جد مسكت يده ووضعتها علي جسدها .،ان ده ماطولتوش يا جبل .
نتش يده ،،اني ماعارفش انت حاطه في راسك تبن اسود يا بت عايز اتهبب اتجوز واجيب زفت عيال اعمل ايه ..
استدارت والقهر ياكلها فهو يريدها ام لعياله وهيا لن تحقق له ذلك كيف ستجعله يعيش معها وتوجعه انها لن تحقق له امنيته وهيا من الاساس لا تصدق ذلك العشق الذي لاح فجاه .. …..
اقترب واحتضنها …يا بت الناس ايه اللي هيجبرني اجعد انح لعم عرفان سنه هاه حد بينحرج علي جتته واحده سنه مابيسلاهاش .
صرخت ايوه انت .
تنهد ،،ربنا يشفيكي بقه .،يا مخبوله الراجل لو رايد جته واحده وماخدهاش خلاص وراحت بينسي لما بتروح من جدامه انما اني مهما روحتي رايدك اعمل ايه احبسك واموتك عشج والا اعمل ايه في سنتي الطين .
قالت .،جول زي ماتجول انت حر في نفسك واني حره .
تنهد وقال .،مافيش فايده ماهتجيش بالذوج اني عارف ..
قالت .،اللي هو ازاي هتضروبني والا تعلجلي الفلكه هاه اخبط راسك في الحيط يا جبل اني ماهكونش ليك واستدارت مندفعه للخارج
وقف امامها … .،ارمحي ارمحي بس اخرتك حضني اني خدتك علي كد عجلك بس لحد اكده بكفايه انا اشوف هتنعدلي والا اموتك واموت حالي ونخلص .
صرخت ..بعد من طريجي . نظر اليها بعشق …طب هاتي بوسه واني ابعد حبيبي وحشني .
نظرت اليه بذهول …انت مش طبيعي يمين الله .
اقترب وشدها …عالاخر ماعت هنفع الحقيني قبل مانهبل ..قال ..اهدي بقه وتعالي ..شدها وفتح الدولاب …شوفي حاجتك اهيه كلها ومتستفه وحبيبي لبس خاتمه وهينور بيتي وابا حمدان متفج معاه نكتب اول ماترجعي ..
تململت فكلبش فيها فصرخت ..اوعي يدك دي بلا حاجتي بلا طين .
ضحك ..ايه مش عاجبينك ..داني جايب جمصان نوم تخبل عيبقي عالابيض يموت يا جلبي ساعتها هموت ..احمر واسود داني جايب من الاسود ياجي دسته .
هاجت ..نهارك طين بعد بجله ادبك بلا اسود بلا زفت بعد يا جليل الحيا ..
ضحك ..طب ايه حباه احمر فيه ..والله جبت الوان البلد كلها …حبيببي يلبسلي ويتهني واتهني بيه نار يا بت الايه .
هاجت من قهرها ..اوعي اوعي والله هموتك .
ضحك ..هتموتيني .،ساعتها هنسورج سوا الاحمر عالابيض يشعوط والاسود يجتل ..الا حبيبي نار في كل حلاته ..
صرخت ودفعته ..بعد اني هموتك وارتاح انت لازمن تموت ..وبدات تحدف عليه ما امامها ..وهو يضحك الي ان مسكها فصرخت ..مش عايزاك يا جبله .
قال ..مش مهم ..المهم اني رايدك وساعه ماتكوني ليا هعرفك يعني ايه مش عايزاني دي ..عيونك العاشجه بتصرخ من جواتك .
دفعته ..والله ماجعدالك وهطفش وابقي كل حالك بقه …وتركته ورزعت الباب ….
ظل هو واقفا يا رب تعبت اضربها وللا اهبب ايه مخ جزمه ..بحبها وبعشجها ودي نازله رط ،،تنهد مانت يا طين ليك شهور بتجهرها منك لله دا حبيبي رجع يسال عليا رجع يدور علي عشجه بت صغيره غلطت ورجعت تدور علي عشجها وانت راجع تنتقم من ايه من حالك اهوه اطبش بقه في الطين هتوريك سواد علي ماتطولها..حجها ماتصدج انت طلعت روحها منك لله … بس لاه اني ما ههملهاش لدماغها الجزمه ده يا اما تتعدل يا اما ارقعها علجه هيا حره بقه اني تعبت سبع سنين جهر عايز اخدها افرح بيها ام دماغ تبن اجول ايه يا رب اهديها بقه …
تنهد وجلس …طب بيها ايه ..يكونش عندها مرض معين ..طب تجول اعالجها مافيش حاجه ما ليها علاج ..يكونش ايه ماخابرش ..متعقده طيب …اتعقدت لما مشيت وسيبتها ماعايزاش راجل يجرب بيجرالها حاجه …خايفه طيب من الجواز ..اروح بيها لداكتور نفسي بيها ايه يادي السواد ..اروح لسليم اطحنه ضرب يجولي بيها ايه..هيكون بيها ايه ..هو اكيد عقد نفسيه اتعقدت ايوه حبيبي بقه اهبل من كتر الجهر هيكون ايه اروح اكلم مين بس ..البت خايفه مني ليه وماعايزانيش وهيا بتعشجني .
قطب جبينه ..يكونش حد عمل فيها حاجه ..هب واقفا ..حبيبي يكون حد خده غصب وخايف مني …اغمض عيونه جلبي مهري يا رب تعبت..
طب يا جبل لو حوصل البت لازمن تطفش وتخاف ..انت خدها بالراحه انت رايد جلبها مش جتتها ..قطب جبينه ..لاه ماحدش خدها هيا كت هاتديلي حالها يبقي لاه مش اكده ..تنهد بغلب .،اني هنهبل ماعت نافع يمين الله بت حمدان مكتوبالي تهبلني .بص هو في اي الحالات هاخدها وتبقي تشوف حيطان البلد تخبط راسها بقه هو ايه هغلب في حرمه طب يا جمر .
عادت قمر موجوعه وهيا تشعر انها تحارب نفسها وليس جبل فقلبها يصبو الي عشقه اما عقلها فينهاها فكلامه سابقا انغرز بداخلها وانه ما ان يعرف مصابها سيقذفها من حياته .فهو كررها كثيرا يريدها اما وهيا ابدا لن تصبح اما …شعرت بالوجع ماذا يريد تمنت لو اخذها وتركها في حالها ولكن لم تستطع ان تخبره فيكفيها مهانه ولن تحتمل شفقته مهما كان…
كيف يعشقها وقد اوجعها الاف المرات كيف فهيا لا تصدق تحوله فهيا تظن انه يسعي الي ان ينالها باي شكل عادت الي بيتها وقد احضرت ابن اخيها من صديقتها لم تعلم ماذا تفعل اترحل مره اخي وتبتعد هل ستظل هاربه طول عمرها ظلت طوال الليل تفكر كيف ستقدر ان تقف له…
ايه يا جمر هتفضلي هربانه من حته لحته هو خلاص انخبل عايز جتتي عشج ايه وطين ايه لاه مابيعشج اللي يعمل اكده مابيعرف هو عايز طين جله ادب وجتيب حاجات يجل ادبه دخ اللي في دماغه …اعمل ايه اجوله احست بعصره في جلبها …انت عايزاه يا جمر يفضل يحب حالتك الجديمه ماجدراش تجوليله ماجدراش عنيه تتغير ويجرف منك انت بتعذبيه ليه عشان تفضلي جمر في عينه ..سالت دموعها ..ماجدراش اجول ماجدواش جلبي بينعصر ..سهمت …طب طب لو بيعشجني هو ينفع …نهرت نفسها …اصحك تفكري وتحلمي حلمك مات من زمان ماتحيهوش جبل عايز جتتك اعجلي بلا عشج بلا طين ..مسكت الخاتم تتلمسه بحنان ..احتضنت يدها وظلت جالسه تفكر الي ان نامت متعبه من التفكير .
مرت الايام وجبل يطاردها يغرقها بالورود امام بيته ويقف بالساعات تحت بيتها وهيا ستجن ..يتصل بها ويبعث لها رسائل عشق اما الحيطان فلم تخلو من رسائل عشقه احست انها ستموت من ذلك الهجوم ….اتصلت به صارخه …انت ايه ماعندكش دم عايز تفضحني اهنه .
همس بعشق ..وحشتيني هتيجي امتي في حضني .
صرخت ..انت احترم نفسك بقه يا زفت انت ماتعقل بقه ايه المرار ده .
همس ..اني جبت قوضه جديده هتاجي امتي تشوفيها شوفي وفيه مهندسه جايه لو عايزه تغيري حاجه .
نظرت للسماعه بذهول …دا انخبل خلاص .
سمعت ضحكته…من عشجي ليكي جاعد افكر فيكي وبس في ليالينا وبس حبيبي في حضني اني كلمت ابا حمدان وحددنا المعاد يا جلبي هاه ..اني هتيجي تنجي الفستان ميته حبيبي لازمن يجيله احسن حاجه .
احست انها ستموت ..جبل .
همس بعشق ..روح الجبل وجلب الجبل وعيون الجبل .
صرخت …ماتسيبني في حالي بقه …
تنهد …عايزاني اسيبك في حالك افتحي الباب .ارتعبت ..باب باب ايه ..قامت مسرعه نهار طين احنا وخري هيفضحني .
فتحت الباب لتجده راكعا ومعه بوكيه ورد .دمعت عيونها قام بهدوء واقترب عايزه جبل العاشج يسيبك .
لم تنطق فهذا كثير عليها .
اقترب ومسك يدها يقبلها …طب سمعيهالي واني همشي .
رجف قلبها ..اسمعلك ايه ماتمشي بقه حرام اكده .
قال ..يعني اني ماطولتش حاجه ..نظرت اليه بغضب .فضحك يلا جوليلي بحبك واني هسمعها وامشي .
قالت بغضب ..ماهجولش ويلا غور .
قال يبقي هبات اهنه بوردي انت حره وهم ان يجلس فصرخت..بطل بقه حرام اكده .
قال بهدوء ….جوليها ماهتلاجنيش جدامك .
تنهدت بغلب ..وهتمشي وتهملني صوح ..
قام مسرعا ..همشي يا جلبي.
تنهدت وقالت… بحبك .
ابتسم واقترب ..تاني وانت بتبصيلي.
رجف قلبها ونظرت اليه ..بحبك .
اقرب اكثر…. ومسك يدها وهمس بلين …تاني .
بدا العشق يخرج من عيونها غصبا فلان صوتها وزادت دقاتها ويدها ترتعش بين يده همست بعشق …بحبك .. ظل يطلبها مره بعد مره وهكل مره تخرج منها تخلع قلبه .
نظر اليها نظره اذابت الجليد المتبقي داخلها هامسا بالقرب منها وعيونه تصرخ طلبا لحبيبته ..همس وانفاسه تلفح انفاسها ..تاني يا واخده عجلي .
ملست علي يده بحنان وهمست دونا عنها ..بعشجك ..
احس انه سيجن من نظرات العشق التي تصرخ منها فهمست مره اخري ..بعشجك ….
لم يحتمل فشدها يحتضنها بقوه وقال وانا بعشج حبيبي كيف مابيعشجني …
ظلت هائمه بين يديه الا انها انتفضت ودفعته واغلقت الباب وبدات تبكي وتصرخ .،غور بقه ماعتش اشوفك …
تنهد وهمس عيوني حبيبي بس يؤمر ..بحبك يا عمري هتوحشيني ..واستدار احست بخلعه في قلبها ..خلاص مشي خلاص ..انهارت من البكاء …يمشي اه خلاص بقه جصه وخلصت واستدارت وظلت طوال الليل تنتحب ..فهنا حقيقه لاحت للكل ان قمر عاشقه للجبل ولا تريد لذلك العشق ان ينتهي .،قمر بداخلها ړعب حقيقي من ان يفقد الجبل رغبته فيها ما ان يعرف مصابها ويلفظها لن تحتمل نظرات الرفض . قمر تظن انها فقدت حبه فعلي الاقل يظل بداخله شيئا لها .قمر ستموت اذا فقد جبل الرغبه في داخله عندما يعرف مصابها ويلفظها لن تحتمل ان ټموت في عين حبها وعشقها حتي لو انكرت فبداخلها انثي سعيده رغما عنها ان حبيبها يريدها ويجن عليها ..انها الانثي وحب الانثي ان تكون مرغوبه القصه فيها ابعاد نفسيه لا يفهمها الا انثي عاشقه فقدت حب حياتها .صعب علي اي انثي ان تعاب في جسدها وانوثتها عيب مميت لانوثتها ..،فليبقي باي صوره وتبقي هيا في مخيلته باي صوره فهيا ترضي ان تكون رغبه علي ان تنسي ويقفل بابها وقصتها تذهب ويظل القلب يدمي من عڈابه ..الانثي العاشقه لا تنسي ولا تريد لعشيقها ان ينسي فهيا لا تثق به ولا تيقنت انه حب ..فهو عاشق والعاشق لا يهمه الا لقلب والروح ولابد ان يغرز حبه بداخلها ڠصبا فهيا ابدا لا تثق به والاكثر لا تثق بنفسها الانثي عندما تفقد ثقتها وتشعر بالدونيه تحتاج لاميال واميال حتي يصل اليها حبيبها … ..فما سياتي كله غرس لثقه الجبل وحب الجبل بداخلها ولكن بعد عڈاب .
في الصباح ذهبت الي عملها بعد ان اوصلت ابن اخيها الي مدرسته .مر اليوم في هدوء تنفست الصعداء وذهبت لتحضر ابن اخيها من مدرسته لتتفاجا انه غير موجود ظلت تبحث كالمجنونه وتصرخ باحثه عنه شعرت بالانهيار فليس لها غيره يدعوها للحياه كانت كالمجونه تصرخ والجميع يهدءونها الي ان رن تليفونها لتنتفض عندما ….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية أأستحق هذا العذاب)