رواية لعنة الفراعنة 2 الفصل الثاني والثلاثون 32 بقلم رحمة نبيل

رواية لعنة الفراعنة 2 الفصل الثاني والثلاثون 32 بقلم رحمة نبيل

رواية لعنة الفراعنة 2 البارت الثاني والثلاثون

رواية لعنة الفراعنة 2 الجزء الثاني والثلاثون

رواية لعنة الفراعنة 2 الحلقة الثانية والثلاثون

‏يغيثني الله مهما أظلمتْ سُـبُـلي
كما أغاث ببطنِ الحـوتِ ذا النـونِ
.. 🍂
صلوا علي رسول المحبة
انتبه الجميع لميسرة وابريس الذي كان يقف بجوارها ويبتسم لهم بسخريه
انطلقت كريمة بسرعه وهي تدفع تيتي جانبا / ضهرك يا عروسه
ثم اقتربت من ميسرة وهي تضمها بشده وتضحك / ميسرة اخيرا رجعتي وحشتيني اوي اوي اوي
بينما نظر سيف ببسمة لأحمد وفتح ذراعيه وهو يقول / ايه يا ابو حميد موحشتكش ولا إيه
دمعت عين احمد بشده وركض له وهو يضمه بعنف ويتحدث بصوت مختنق دلاله علي مقاومته للبكاء / اتأخرت يا سيف اتأخرت آوي وحشتني اوي يا سيف كنت كل شويه بفتكرك ولو حصلي حاجه اقول لو كان سيف معايا مكنتش شلت هم أبدا وحشتني
ثم ابتعد وهو يمسح دموعه ببسمه / بس خلاص مش هترجع تآني صح
ابتسم سيف بشده وهز رأسه ببسمة / هفهمك كل حاجه بعدين
نظرت كريمة لهم ثم تحدثت بتعجب/ هو البيت ماله ملي اجانب كده
ثم نظرت للفتيات بتعجب ولكن توقف نظرها عند نونيا التي تختبأ خلف تاج فاشارت لها لحاجب مرفوع / تعالي يابت هنا
ضحك تاج وهو يمد يده لنونيا ويضمها / سيبيها يا كريمة في حالها هي بتوتر من الغرب وبتقلق بسرعه
كريمة وهي تقترب وتجذب نونيا / ما جمع الا اما وفق
ثم نظرت لنونيا واعادت نظرها لباقي الفتيات وهي تقول لنونيا / شعر اسود؟؟؟ ايه الشعر الغريب ده ليه يا حبيبتي مبقتيش زي اخواتك احمر وابيض وابيض مجرب ليه يا ماما كده
نظرت لها نونيا بعدم فهم
تاج ببسمه / هي مش هتفهمك يا كريمة لسه مش بتعرف تتكلم زينا كده هي ونازيا
قال آخر كلمة وهو يشير لنازيا التي ترفع حاجبها باستمتاع ولكن تحدثت / بس انا فاهمه يا تاج
فتح الجميع عينه بصدمه وتحدث مصعب وهو يبتلع ريقه / فاهمة
هزت نازيا رأسها وهي تنظر لتيتي / كنت بحضر الدروس مع تيتي وسماريا بس مكنتش بهتم او ببين اني مهتمه عادي يعني
سماريا ببسمه غبيه / آيوه فعلا كانت بتحضر معانا بس كانت فاشله ومكنتش بترضي تتكلم بيها عشان كده محدش يعرف انها بتتكلم
مصعب بضحكة / احيه يعني انتي كنتي فاهمة كل االي بقوله
غمزت له نازيا وهي تقول / هل تقصد وقاحتك؟؟؟ نعم فهمتها كلها ولكن كنت ادعي عكس ذلك فأنا كنت أريدك أن تتحدث بحرية دون أن تعلم انني افهمك
ابريس بضحك / ليست بالهينة
تحدث نازيا / اشكرك
كريمة وهي تتجه لنونيا التي تنظر للجميع بتعجب وقلق ثم عانقتها وهي تتحدث / يا ضنايا يابنتي انتي الوحيده اللي مش فاهمه متخافيش يا عين امك اقعدي معايا ساعه كل يوم وهخليكي تردحي
ضحك تاج بعنف وهو يجذب نونيا / لا ارجوكي انا عايزها زي ما هي كده هاديه وبريئة بلاش تفتحي عينها
زمت كريمة فمها وهي تتحدث / مش بمزاجك يا جدو البت دي هتتدردح يعني هتتدردح
ضحك ابريس بشده علي كريمة بينما انطلق له حسام وجاسر والجميع ليرحبون به في وسط جو عائلي مبهج كما رحب الجميع بميسرة والفرسان الاربعه والفتيات
امتلئ الجو بمشاعر فياضه من الجميع وكان أكثرهم تأثرا هو أحمد الذي لا يصدق حتي الآن ان أخيه قد عاد مجددا له ابتسم له سيف وهو يعلم فيما يفكر فتحدث له ببسمه/ بليل هنتقابل في المكان بتاعنا وهحكيلك كل حاجه
احمد بغمزه وهو يسير لتيتي التي تتحدث لكريمة / تحكي ايه بقي ما كل حاجه واضحه
نظر سيف لتيتي ببسمه وتحدث / امممم واضحه آوي
ضحك احمد وهو يضرب علي كتفه
بينما تحدثت كريمة وهي تمسك المكبر مجددا / وعشان نستغل حالة العاطفة والحنين والشوق دي هنغني النشيد كلنا بنفس مشاعر الحنين دي ويبقي قمر يلا يا نيرة يا اختي بالدف ميسرة والعيله الكريمة اتفرجوا معانا لحد ما تحفظوا يلا يا مراد امسك ورك الفرخة بتاعك ده واعزف
دفع مراد طمطم التي تمسكه وركض وحمل جيتاره وهو يصرخ ويركض لكريمة / أنا بقي هطفحك ورك الفرخة ده
ركضت كريمة من علي للاريكة وهي تصرخ وتنظر لصلاح / امسك اخوك احسن والله هزعله
صرخ مراد وهو يقترب منها / تزعلي مين يابت انتي،، ده انا كنت بديكي بالجذمة وانتي صغيره
ضحكت تيتي بشده وهي تصفر / آيوه بقي
نظرت كريمة له بشر ثم اخذت تردح / جرا ايه يا ابو محمد يا خويا مابلاش افتح في القديم واقلهم لما كنت بتبوس البت طمطم تحت السلم ولا لما كنت ….. امممممممم
كتم صلاح حديثها وهو يضع يده علي فمها ويضحك بصخب / معلش يا مراد عندي دي بعدين يا أخي قولتلك بلاش تحت السلم
ضحك الجميع بصخب علي ملامح مراد الغاضبه وخجل طمطم الشديد بينما اخذ تاج يشرح لنونيا ما يحدث فخجلت بشده ونظرت أرضا
زفرت كريمة بضيق / البت دي مش هتنفع هنا
ثم تحدثت بصدمة / دي بتتكسف
ضحك تاج بشده وهو يغمز لها / وده احلي ما فيها عشان هي بنوتي الصغننة
ثم نظر لنونيا وهمس بحنان / أليس كذلك يا صغيرتي انتي ابنتي الصغير
ابتسمت له نونيا وهزت رأسها
فنظرت كريمة لهم بقرف / حبهم مقرف آكتر من جاسر ونسرين
نظر لها جاسر وتحدث بتذكر / فكرتيني صح تعالي بقي وانا اوريكي مين اللي هيرقص ويغني يا كريمة الكلب
صفر احمد باستمتاع وهو يصفق / يلا يا ابو احمد اقتلها وانا هخرجك منها
نظرت كريمة لأحمد بغيظ وحملت احد الاخفاف في الأرض والقته عليه بعنف فانحني أحمد بعنف فجاء في وجه عدي الذي صرخ بغضب وهو يدفع احمد من الخلف / يا أخي بقي
نظر له احمد وهو يضحك / الله وانا ذنبي ايه انك اهبل
نظر له عدي بشر ثم امسكه واخذ يتشاجر معه بصبيانية
بينما صفر لهم مصعب وهو يضحك وسيف كعادته يطالعهم ببرود شديد واشتعلت الأجواء مجددا
فامسك سامر ونظر لنيرة/ معايا يا نيرة يا ختي
وبدأ في الغناء / آه آه آه ابطال الجمهورية عدوا حدود العالمية
اقترب ازي من خلفها وهو يبتسم علي برائتها وهي تراقب الطفل يلاعب فوفو فتحدث من خلفها بهمس / مابك تبدين شاردة هكذا
نظرت اسارا خلفها بفزع وهي تضع يدها علي صدرها وتبتسم / هذا انت لقد اخفتني
ابتسم لها ازي ووقف بجانبها وتحدث وهو ينظر للطفل / اذا هل كل شئ هنا يسير علي ما يرام
نظرت له ببسمة وتحدثت / نعم شكرا لك كثيرا بالجميع هنا يعاملنا جيدا ولا توجد اي مشكلة أبدا
ابتسم ازي وتحدث بتلميح / نعم فلا يمكن لأحد هنا أن يتجاوز حدوده مع زوجه قائد جيوش كمت
ابتسمت اسارا ونظرت مجددا للطفل وهي تهز رأسه حتي استوعبت حديثه المبطن ونظرت له بفزع وهمست / ماذا
ابتسم ازي واقترب منها وهمس لها / هل تقبلين ان تشرفي هذا المسكين بزواجك منه
رمشت اسارا كثيرا ونظرت للطفل بفزع وهي تتنفس بعنف وتهمس انها تحلم لا أكثر بينما هو ابتسم بشده وتحدث وكأنه يعلم بما تفكر / لا انتي لا تحلمين
نظرت له بفزع وتحدث وهي تتحجج بالطفل / سأري فوفو و….
لم تكمل كلامها فتركته ورحبت بتوتر بينما هو ابتسم لها وهو يهمس ويرحل / حسنا يبدو أنها وافقت
ثم ضحك بصخب
صرخت تيتي بكريمة / لا لا مينفعش كده ده ب ااااااا
صمتت وهي تري سيف ينظر لها ببرود فتحدثت بتذمر / في إيه
كاد يجيب عليها لولا دخول احد الأطفال وهو يصرخ ويقول / يا كريمة الحقي بيت خالتي نسرين وخالتي نيرة بيولع
صرخ الجميع برعب وركض جاسر وخلفه حسام برعب ومعهم احمد ومعتز وسامر بينما نظر مراد لهم وتحدث بتحذير/ مفيش حد من البنات او الستات يعتب بره البيت فاهمين
ثم تركهم وخرج كادت نيرة تركض خلفهم لولا ابريس الذي نظر لهم بتحذير / محدش يتحرك من هنا والا هيشوف وشي التاني
ثم نظر للباقي وصرخ بهم / اتحركوا روحوا شوفوا فيه ايه
ركض الجميع للخارج بسرعه بينما نظر تاج لنونيا وهمس لها / حبيبتي لا تخافي هناك مشكله صغيره سأري ماذا يحدث وأعود حسنا
هزت رأسها بايجاب فنظر تاج لميسرة وهو يتحدث / خلي بالك منها يا ماما
هزت ميسره رأسها وهي تبتسم له بحنان / روح انت بس وساعدهم
نظر ابريس للجميع بتحذير وركض ولم يتبقي غير النساء فقط فتحدثت نيره بغضب / هو يعني إيه منروحش هما بيهزروا
ركادت تركض لولا يد طمطم التي منعتها / استني بس هتعملي ايه يعني ما كل الرجاله راحو اقعدي بس وخير
نظرت نيرة للباب بقلق بينما تحدثت نازيا / هل هناك احد في المنازل
نظرت لها كريمة بغباء / البت دي بتقول ايه
تيتي بتوضيح / بتقول هو فيه حد في البيت اللي اتحرق
هزت نيرة رأسها برفض / لا مفيش حد هناك خالص
فجأه سمع الجميع صوت ضوضاء في الحديقه في الخارج وفي ثواني كان المنزل يمتلئ بنساء تلتحي بالسواد فنظرت كريمة لهم بتعجب بينما ابتسمت نيره بسمة مرعبه وهي تتحدث / احنا نهارنا ابيض ولا إيه
فجأه ظهرت من بين تلك النساء زوجه المعلم زلطة التي ضربتها كلا من نيرة وكريمة سابقا وهي تتحدث بحقد وغل / مفكرين هتحبسوا المعلم زلطة وتضربوني وتفلتوا كده بسهوله يبقي متعرفوش مين هي غوايش مرات المعلم زلطه
صفرت نازيا باستمتاع / اوووه يبدو انني لن اشتاق للقتال هنا
أمسكت ميسرة نونيا واعطتها لشروق وتحدثت / خديها لفوق يا شروق عشان متتعبش
نظرت شروق لنونيا التي تنظر للنساء بخوف فابتسمت لها ميسره / اصعدي معها يا صغيرتي وسوف ننتهي من الحديث ونأتي
جذبت شروق نونيا معها بسرعه للأعلي
بينما تحدث سماريا بغباء / هو ايه اللي بيحصل
نازيا ببسمة وهي تنحني وتخرج احد الخناجر التي تحتفظ بها في حذائها / كل خير يا عمري كل خير
نظرت السيده لثياب الفتيات وتحدثت بسخريه / هو انتم فاتحين كباريه هنا ولا إيه ايه قله الادب دي
اقتربت نازيا ووقفت امامها وتحدثت ببسمة مرعبه / وانا بقي هوريكي قلة الأدب دي
انهت كلامها وهي تضرب السيده برأسها بعنف فصرخت غوايش وعادت للخلف وهي تصرخ بوجع شديد / اااااااااااه
ثم نظرت للنساء وصرخت / انتي واقفه تتفرجي عليا منك ليها وروهم مقامهم
شمرت نيرة كمها وهي تتحدث / تعالي يا روح امك منك ليها
ثم انطلقت مع ميسرة ونازيا التي كانت تضرب بتمرس وليس مجرد ضرب بينما أمسكت كريمة خفها وأخذت تهبط به فوق النساء
وسماريا ركضت تبحث عن شئ لتحمله فوجدت المكنسة فابتسمت وامسكتها وأخذت تضرب بها من يقابلها وتيتي توجه اللكمات لهم ولكن تمكنت احدي النساء من طمطم وطرحتها أرضا وأخذت تضربها بعنف فركضت لها نسرين وهي تحاول أن تزيحها ولكن لم تستطع فركضت لهم نازيا بغضب شديد ودفعت السيده بقدمها بعنف شديد فاندفعت السيده بحده علي الارضه وانقضت عليها تضربها
بينما ميسره جذبت سيده من حجابها وهي تصرخ بكريمة / مالها الحريم الصعرانه دي يا كريمة
كريمة وهي تهبط بخفها فوق احدي النساء / يا ختي بلاوي وبتتحدف علينا
نيرة وهي تلكم احدي السيدات بغضب وتتجه لغوايش التي تختبئ بعيدا / والله لكون مطلعة عين اللي خلفوها انهارده
ثم اتجهت وجذبت غوايش من حجابها بعنف شديد وهي تصرخ /بقي انا يابنت ال *** اللي تلمي شويه عرر زيك عشان يضربوها وبتتعدي علي البيت يا روح امك وبتستغلي ان مفيش رجالة هنا
ثم أدركت شئ وجذبتها بعنف اكثر وهي تهتف بصراخ / نهار ابوكي اسود لتكوني انتي اللي ولعتي في البيوت عشان الرجاله تمشي من البيت وتستفردوا بينا
نظرت لها غوايش بألم ولم تجيب فاخذت نيرة تحرك رأسها بعنف شديد وهي تصرخ / ده انا هطلع عين اللي خلفوكي يا بنت الك**
نظرت سماريا لاحدي النساء التي تقترب من تيتي من الخلف فضربتها هي بالمكنسة بعنف وهي تصرخ / ده عند امك
اقتربت نازيا ونزعت غوايش من يد نيرة وهي تتحدث ببسمة مرعبه / دي سيبها ليا وانا هوريها الكباريه
بينما كريمة كانت ما تزال تضرب النساء بخفها وكانت فاطمة ابنة كريمة تقف في الأعلي وهي تشجع بحماس وتصور ما يحدث بينما تحول صالون المنزل لساحة قتال يعلو به صوت صراخ النساء التي تستغيث وفجأه علت صوت طلقات في الجو وصوت يصدح / اللي هشوفها بتتحرك هفرغ فيها خزنة المسدس
انعكس مشهد المنزلين المتفحمين في عين جاسر فاقترب منه حسام وهو يقول /الحمدلله ان مكانش فيه حد في البيت وعدت علي خير
نظر له جاسر ببسمة وهو يتحدث / الحمدلله انا مش زعلان علي البيوت هتترمم وخلاص انا بس عايز اعرف ازاي البيوت اتحرقت لا والاتنين مش واحد
تحدث محمد بتعجب / اكيد واحد لقط النار من التاني
ابتسم احمد بسخريه وهو يشير للمنزلين /مستحيل يكون واحد لقط من التاني لان السور الخشب اللي بيفصل البيتين محصلوش حاجه خالص معني كده ان كلا البيتين اتولع علي حدي
ابتسم سيف وهو ينظر بعيدا لنقطه ما / اممم فعلا بفعل فاعل
نظر الجميع حيث ينظر فوجدوا بعض عبوات البنزين تتوسط حديقه منزل جاسر يبدو أن من أشعل الحريق خشي ان يراه احد فتركهم وهرب
تحدث سامر بتفكير / بس مين اللي ممكن يعمل كده
ابريس بتعجب / هو فيه اي عداوة بينكم وبين حد
حسام بتفكير / اكيد لو حد تبع الشغل كان هيولع في المخازن مش البيوت
صلاح / اكيد عداوه شخصية ملهاش علاقه بالشغل
تحدث جاسر ببسمة غامضة / شخصيه فعلا
معتز وهو ينظر لوالده / عرفت مين يابابا
نظر له جاسر ببسمة وهو يربت عليه / متشغلش بالك بالكلام ده
تحدث مراد بحزم / تمام انتم هتقعدوا معانا لحد ما ترجعوا البيوت زي ما كانت
تحدث حسام / كتر خيرك يا مراد بس احنا هنشوف اي فندق أو بيت نأجره وخلاص
تحدث صلاح باعتراض / ايه يا حسام هو احنا مش اهل ولا إيه بيت العيله كبير ويسع الكل وكمان ابريس هيفضل معانا لحد ما بيته يتنضف ويرجع زي الاول
كاد سيف يعترض فمنعه مراد / مش عايز اسمع كلمة من حد ويلا نرجع البيت وهناك نفكر في اللي عايزينه
نظر الجميع برعب لصوت إطلاق النار فهمست نيرة برعب وهي تلقي غوايش بعيدا / ليث؟؟؟؟
ابتسم ليث ببرود وهو يتقدم للداخل وخلفه دانه وزياد واياد وزوجاتهم وابنائهم
ليث بجمود وهو ينظر حوله / هو انتم مش هتتهدوا ولا إيه
كريمة بتذمر / يا خويا هي البلاوي اللي مش لاقية غيرنا وتتحدف علينا
ليث بسخريه / لا وانتي الشهادة لله مش وش مشاكل خالص
ضحكت دانه بشده وهي تتحدث /ايه يا كريمة انتي ونيرة الكلام علي إيه
نيرة وهي تنظر لغوايش بسخريه / ولا حاجه يا دانه دي واحده كانت بتهزر معانا بس هزارها بايخ شويه
صرخت احدي النساء / جرا ايه يا ختي منك ليها انتم مفكرين شويه العضلات دول هيخوفونا
تحدث زياد وهو ينظر لعضلاته / ايه ده هما مش بيخوفوا والله ؟؟؟ امال الواحد طاحن نفسه جيم وقرف ليه
ديما بضحك وهي تغمز وتهمس له بصوت منخفض / عشان تقدر تشيلني يا زيزو
تحدث ليث بملل / اششش مش عايز اسمع صوت
ثم نظر للنساء وتحدث ببرود يتقنه / هعد لحد خمسة واللي هلاقيها لسه واقفه هبيتها في الحجز
نظرت النساء له باستنكار فتحدث ببرود / واحد
نظرت غوايش بخوف وأخذت تتراجع دون أن يشعر احد
فاكمل ليث وهو يجهز مسدسه للاطلاق / آتنين
اخذت بعض النساء تعود للخلف برعب
فاطلق ليث رصاصة في الهواء وهو يتحدث ببرود / تلاته
ركضت المساء برعب وتي تصرخ للخارج فابتسم ليث وهو ينظر لهم ببرود ويتحدث / ايه اللي حصل بقي
نظرت كريمة له وهي تتحدث / الست ام اربعه وأربعين سلاسل دي
سماريا بتصحيح /غوايش
كريمة بغيظ / ياختي بلاوي المهم جابت شويه النسوان العرة اللي معاها دول قال ايه عايزة تبلطج علينا
ليث بسخريه /هبلة
ضحك اياد بشده وهو يضم تالا ويتحدث / مش قولتلك هنتسلي هنا
ضحكت تالا وهي تشير لنيرة وكريمة / شبه سمر آوي
ليث بسخريه / امممم نيرة نفس ايد سمر الطويلة وكريمة نفس لسان سمر اللي عايز قطعه
كادت كريمة تجيب عليه لولا دخول الرجال وهو ينظرون بخوف للمنزل فتحدث جاسر برعب / حصل ايه
ابتسم ليث وهو يقول / لا أبدا بس كانوا بيرحبوا بيا
تحدث ابريس ببسمة واسعه / ليث
نهض ليث وتقدم لليث وعانقه بشوق / عامل ايه يا باشا
ابريس ببسمة / بخير والله انت ابن حلال كنت عايزك في حاجة
ليث ببسمة / اي حاجه أتفضل
اشار ابريس للفتيات برأسه / عايزين أوراق رسمية للوافدين الجداد
ضحك ليث وهو يربت علي كتف ابريس / ابشر
حدق ليث الصغير ( ابن زياد) في الفتيات وهو يقول / جمل يابا الحاج شوف يا زياد النسوان هنا عاملة إزاي
نظر سيف لليث بحاجب مرفوع ورفعة من ثيابه وهو يتحدث بشر / واد انت هو جينات ابوك طفحت عليك
زياد بضحك / الله وابوه ماله بس يا أخ سيف مانا مفتحتش بقي اهو
تحدث مصعب بضحك / أنا بيج فان للواد ده بيفكرني بطفولتي البريئة
دانه بسخريه / لا وانت الصادق ده شبه ابوه اللي ماشفش ثانيه تربية
تحدثت قمر وهي تلعب في شعرها وتنظر لعدي بهيام / والشباب برضو يا ليث هنا مزز
ضحك عدي بصخب وهو يتحدث / استغفر الله قنبلة سفالة و انفجرت زياد وابنه وبنت إياد ومصعب
دانه بضحك / وليث
نظر لها ليث وغمز لها وهو يهمس / ما ليث محترماهو، ما تيجي نروح بيتنا ونشوف موضوع السفالة ده
تحدثت ميسرة وهي تجلس وتنظر لليث ودانه / اهو آلأتنين دول بقي سلاله ست ونانيس نفس المحن سبحان الله
ابتسم ليث ببرود وهو ينظر لها بخبث / عايزه تفهميني ان ابريس محترم آوي
ضحكت كريمة بصخب / والله العظيم كلهم أسفل من بعض بس هما اللي سُهنات مش بيبان عليهم
وقفت فاطمة من الأعلي وتحدثت بخوف / ميسرة البنت اغمي عليها
نهضت ميسرة بفزع وهي تقول / نونيا
ولم تكد تتحرك حتي كان تاج يركض بعنف للغرفه التي تقف امامها فاطمة
ثم دخل الغرفة ونظر وجد نونيا تتسطح علي الفراش بتعب فتحدث لشروق التي تقف بجواره / حصلها ايه يا شروق
شروق بخوف / هي سمعت الصويت تحت ومره واحده اترمت علي الارض
امسك تاج يده بحنان وهو ينظر لفاطمة / هاتي اي برفيوم يا فاطمة
دخلت كريمة وهي تتحدث / اسمها ريحه يا بن ميسرة ايه برفيوم ده
اقتربت نيره منه وهي تحمل بصله وضربتها في حافة الفراش وهي تبعده / اوعي كده شويه ياباشا
نظر تاج بتعجب لنيرة وهي تمرر البصلة بالقرب من أنف نونيا التي اخذت تكرمش ملامحها بتقزز ثم فتحت عينها ونظرت لنيرة وتحدثت بارهاق / ما هذه الرائحة
نظرت نيرة لتاج بملامح بارده وهي تتحدث / هي قالت ايه دلوقتي
ضحك تاج وهو يقول / بتشكرك يا نيرة
نيرة وهي تهبط من الفراش / ابقي فكرني اعلمها لغتنا عشان كده مش هينفع يا ابن ابريس
ضحك تاج وهو يقترب من نونيا ويتحدث بحنان شديد / هل انتي بخير يا صغيرتي
نظرت لهم كريمة بتذمر وهي تخرج / مع اني مش فاهمة بس حاسه ان فيه ريحة محن في الموضوع
في الأسفل نهض زياد وركض خلف أبنه الذي امسك بيد سماريا وركض بها للخارج وخلفه عدي الذي اخذي يصرخ به / لم ابنك يا زياد
زياد وهو يركض خلفهم / آه يابن الكلب انت يا للي جايبلي الكلام بتاخدها قدام خطيبها طب متستني اما يمشي وبعدين أشقط براحتك
ضحك مصعب بشده ونظر لنازيا / طبعا انت محدش يقدر يقرب منك يا وحش
ضحكت تيتي وهي تتحدث / أصله اختار اغبي واحده واخدها وهي ما صدقت قعدت تجري معاه وكأنها بتلعب
ضحكت ميسرة بشده وهي تتحدث / سماريا دي فظيعه والله
هبطت كريمة الدرج وهي تتحدث / ما شاء الله ميسرة داخله معاها اربع عرايس وكلهم مفهمش واحده طبيعيه
ثم أشارت باصبعها بمعني تمام / أحسنتي يا ميسرة أصل العيله دي مينفعش معاها حد طبيعي عرفتي تختاري يا أختاه واحده زي نيرة ايدها طويله ( وهي تشير لنازيا) وواحده زيي تموت في المصايب ( واشارت لتيتي)
وواحده منحنحه زي طمطم ( تقصد نونيا) وواحده عبيطة زي نسرين ( وتقصد سماريا) كأنك مطقمة معانا
ضحكت ميسرة بعنف وهي تنظر لابريس الذي قال / تيتي فيها نفس جنون ميسرة
ضحكت تيتي وهي تنظر لابريس / ماذا يا ابريس انا لم أفعل شئ
ضحك ابريس لها وغمز / لا احتاج لرؤية شئ حتي اري جنونك يا تيتي فقد رأيت ما يكفيني
تحدثت تالا ببسمة / بس شعرك حلو آوي هو مصبوغ
نظرت تيتي لشعرها بتعجب وهزت رأسها بنفى بينما تحدثت نازيا لابريس / معذرة يا عمي اريد ان اغير ثيابي تلك فلا اعتقد انها مناسبة أبدا
نظر ابريس لثيابها القصيرة نوعا ما ثم تحدث لفاطمة / فاطمة معلشي خدي معاكي نازيا فوق واديها اي لبس من عندك
نظرت فاطمة لنازيا وتحدثت بضحك / اشطا تعالي معايا بس يارب الاقي حاجه تيجي علي طولك ده
ابتسمت نازيا / لا بأس اي شئ سيكون افضل مما ارتدي
نظرت لها فاطمة بتعجب فتحدثت نازيا / متاخديش في بالك
تحدث ليث لابريس ببسمه / شوف جيت صدفه الاقيك لسه راجع
ابتس ابريس وهو يتنهد بتعب / والله الرحلة كانت نقصاك يا ليث
ضحكت ميسرة وهي تتحدث / فاكر الملك العيل روحنا ليه تاني
ليث بتعجب / ليه حصل ايه
ابريس بضحكه وهو ينظر للجميع الذي يطالعونه بفضول / طب هحكي ليكم كل حاجة
في الخارج نظر عدي بشر لليث الصغير وهو يتحدث / ولا انا ماسك عفاريتي عنك هو إنت ملقتش في كل اللي قاعد غيرها ولا إيه
ليث وهو يتمسك بسماريا ويقف بعيدا عن عدي قليلا ويتحدث باستفزاز / أنا حبيت دي انت هتشاركني في ذوقي ولا إيه
سماريا بضحك وهي تقبله / ياله من طفل لطيف جدا
ليث باستفزاز / شايف البوسه؟؟ بتموت فيا
زياد وهو يغمز لابنه / كل البنات بتحبك كل البنات حلوين
امسك عدي زياد من ثيابه بعنف / خلي المنحرف ده يسيب البت
زياد وهو ينظر ليده ويتحدث ببرود / راعي اني اكبر منك وكمان ليا هيبه يا مولانا
تركة عدي وهو ينظر له بشر / خلي العجوز ده يسيب البت يا زياد بدل والله امسكه اعمله سندوتش واكله جنب شويه مخلل وكوبايه برتقال
نظر زياد لابنه بحده / سيبها يابني ده يكالنا انا وانت
ليث بعناد / مش هسييها الا لو جابلي البت ام شعر احمر الأول
نظر عدي حوله برعب وهو يهمس / اششش يخربيتك سيف لو سمعك هيقطعك شرايح
سماريا بتذمر / اوعي ياض كده بتبعني عشان تيتي
ليث بحنان / لا لا انا بس كنت بشغله لحد ما نهرب انا وانتي بره البلد ونروح في حته ميعرفش يلاقينا فيها وكنت هخلي زياد يخلصلي ورق الهروب
ثم صمت وفكر / لا زياد مش هيعرف يعمل حاجه هخلي جدو مالك هو اللي يخلص الورق لانه اشطر من بابا
زياد بفخر وهو يشير لليث / ابني حبيبي
ضرب عدي كف علي كف / ده مش طفل طبيعي أبدا اكيد الواد ده ملعوب في جيناته
ضحكت سماريا بشده نظر لها عدي بشر فصمتت وهي تكتم ضحكتها
دانه بتعجب / يا بووووي ده ولا الف ليله وليلة يا جدع
نظر ليث لميسرة وضحك /أنا مش مضحكني في كل ده غير غبائك صحيح الغباء له ناسه
انهي حديثه وهو يشير لنيرة وكريمة وميسره ودانه
ثم اكمل ليث بجديه / أنا قولتلكم قبل كده امثالكم مينفعش يتكاثروا أبدا عشان السلالة بتاعتهم خطر
دانه بتذمر / مالها سلالتي يا ابن جايكوب حتي شوف إياد قلب ماما هادي إزاي وكيوت
نظر ليث لاياد الذي يكتم ضحكته فتحدث بسخريه / والله إياد ولا زياد آلأتنين زي بعض انتم بليتم العالم والله
تحدث سيف ببرود / لكل قاعدة شواذ يا ليث
ابتسم ليث له /بس انا قاعدتي مفيهاش شواذ للأسف آلأتنين متربوش زي ما انت شايف
إياد / الله وانا مالي يا لمبي
دخل زياد وهو يمسك ابنه من الخلف كأنه امسك لص
ليث الصغير / ياوالدي مينفعش كده والمكان مترشق صواريخ هيبتي قدامهم ده ولا كأنك ماسك حرامي جذم من قدام الجامع يوم الجمعة
هزّه زياد برفق / بطل رغي ياض
ثم القاه علي ديما / لمي عيالك ياختي
تحدثت نيرة / سمر عاملة ايه
ليث بسخريه / عاملة مصايب
ضحكت نيرة بشده /والله ليها واحشة بإذن الله نروح نزورها في يوم
خرجت طمطم من المطبخ وهي تتحدث / يلا يا جماعه عشان الاكل جهز
تحدثت كريمة وهي تنهض / جهزوا الملحق للرجالة عشان هنعمل ليله نسائية
ليث بسخريه وهو يهمس لدانه/ اخلص من سمر تطلعلي كريمة انا قولتلك بلاها الاقصر ونروح اي نيلة بزمتك دي أشكال الواحد يغير جو عندهم
كريمة وهي تدخل رأسها بينهم / لا اصل اشكالك هي اللي أشكال تفتح النفس آوي
نظر لها ليث ببرود وتحدث / امشي يا كريمة
ابتلعت كريمة ريقها / احم مش بخاف علي فكره بس هروح عشان الحق عدي قبل ما يخلص الاكل
ثم هرولت للداخل تحت ضحكات صلاح الصاخبه وهو يقول/ محدش بيلمكم غير ليث يا جذم
هبط تاج من الأعلي وهو يسند نونيا ويبتسم لها بينما تحدث ابريس لتيتي / تيتي احتاج للتحدث معكم بعد الطعام أخبري الفتيات بذلك حسنا؟؟؟
هزت تيتي رأسها بإيجاب ولحقت بالجميع في نفس الوقت الذي هبطت به نازيا من الأعلي وهي ترتدي بنطال جينز من النوع الواسع والذي يرجع لنيرة وايضا بلوزة طويلة تصل لما قبل ركبتها وربطت شعرها في جديلة للخلف ودخلت عليهم فصدم مصعب مما يري وفتح فمه وهو يهمس / شكلك هتشوف ايام ما يعلم بيها الا ربنا يامصعب ياابن ابريس
ابتسم ابريس لها بحنان وأشار بجانبه/ تعالي يا نازيا اقعدي يلا عشان تاكلي تقدمت نازيا بكل قوة كعادتها فتحدثت كريمة وهي تنظر لها جيدا / البت دي غريبه هي دي عشماوي الفراعنة
ضحك عدي بشده وهو يشرب بسرعة بسبب توقف الطعام في حلقه بينما نظرت نازيا ببرود لكريمة وقالت ببسمة جامده / يعني إيه عشماوي
كريمة ببسمة مستفزة / يعني زيك كده شخص مرعب ومعندوش قلب تقريبا وجزار
ابتسمت نازيا وهي تنظر للطعام / سأعتبر هذا مدح منك شكرا
نظرت كريمة لها بشر ونهضت فامسكها صلاح فتحدثت / يا ابو صلاح ايدك بس هشوفها بتشتم ولا بتبرطم تقول ايه البت الطويله الهبلة دي جرا ايه يا
يا حبيبتي هو انتي عشان طويله شوية هتعمليهم علينا ولا إيه
ثم ضربت نيرة التي تأكل ببرود علي رقبتها من الخلف / متنطقي يابت انتي اشحال انك طويله وهبلة زيها
ألقت نيرة معلقتها علي الطاوله وزفرت بضيق ونهضت ثم اتجهت لنازيا ووقفت امامها ثم ابتسمت وقالت /أنا أطول يا كرميلة
ثم عادت مجددا لتأكل كريمة بتعجب / بس كده
نيرة بمزاح / امال انت فاكر ايه
ضحكت تيتي بشده وهي تصفر / طب والله الواحد أيامه عنب بإذن الله
ضحك سيف وهو يغمز لها ويهمس / عنب آوي
ضحكت هي وغمزت له / آوي آوي
كريمة وهي تلقي معلقه علي تيتي / بت انتي بتقولي ايه للوح التلج اللي جنبك ده
تيتي وهي تحرك حاجبيها باستفزاز / سر يا كرميلة عيب لما تكبري هقولك
ضحكت ميسره بشده وهي تقول / البت دي معلم اقسم بالله
ابتسم ليث وهمس لدانه / وانا اللي كنت مفكر عيلتنا مجنونه
ضحكت دانه وهي تتحدث /يابني دي عيلة مالك فرع الاقصر
تحدث زياد وهو ينظر لسيف ويغمز/ آيوه بقي حجات قلة أدب لعبة معاك يابا
ضحك إياد بشده / عيب يا زياد كده كسفت البنت
تيتي ببسمة / لا مكسفنيش
نظر إياد وزياد لبعضهم بغباء بينما ضحكت سماريا وهي تقول / ست فخور بكي يا فتاة
ضحكت نازيا وهي تجلس ببرود / نعم هذه هي وقاحة ابي
مصعب بضحك / قنبلة سفالة
ضحك ابريس بشده عليهم وابتسم لهذه العائلة التي ازدادت بهجة بوجود الفتيات
تحدثت كريمة وهي تنظر بشر لنونيا / انتي يابت انتي هتفضلي ساكتة كده مش شايفه البلطجية اللي جاية معاهم بيعملوا ايه
ثم قالت / لا بصي بقولك ايه البيت ده مينفعش فيه الهدوء ده مش كفايه طمطم انا عايزاكي مدردحة كده تاخدي وتدي معانا
ثم نظرت لتاج / ترجم
ضحك تاج بشده وهمس لنونيا ببعض الكلمات فابتسمت نونيا بخجل ثم نظرت لتاج الذي شجعها فقالت / حسنا سوف افعل ما تريدون انا فقط أخجل لان المكان جديد والأشخاص جدد ولكن سأعتاد وسأكون مثل تيتي وسماريا ونازيا وسأتعلم أيضا هذه اللغه حتي استيطع التواصل معكم
نظرت كريمة لتاج بانتظار الترجمة فقال تاج وهو يأكل / بتقولك حاضر
جلست كريمة وهي تتحدث بصدمه / كل ده بمعني حاضر ده علي كده الواحد عشان يقول خطبة مثلا بيقعد يومين
ضحك ابريس بشده وهو ينظر لمصعب / مترجم مش انت مترجم برضو
انتبه مصعب لابريس الذي كان يحدثه بينما هو ما يزال شاردا في نازيا بحلتها الجديده / ها اترجم؟؟؟ اترجم لمين
قاطع حديثهم رنين هاتف زياد فنظر وتحدث ببسمة / دي سمر
ثم فتح الهاتف وفتح المكبر فصدح صراخ سمر / واد يا زفت يا زياد هتيجي امتي انا مش عارفه الاحق علي البيت ده اقطع من هنا يجوا من هنا اروح اقطع علي حازم وملاك ألاقي أسد واخد السلطانه هيام ومستفرد بيها اقطع علي مراد وروجي ألاقي خالد واخد البت ناري في ركنة ومش ملاحقة عليهم هتيجي امتي
ثم صمتت وقالت /اوعي ياض يكون ابوك مستفرد بالبت دانه أصل مره قفشته بيبوسها في المطبخ خلي بالك ده سن خطر
بصقت دانه الطعام وهي تكح بعنف بينما أعطاها ليث الماء وهو يجز علي أسنانه ثم تحدث / مش هتكبري أبدا يا سمر ولا إيه
سمر بحنق / لما تتلموا انتم الأول
ثم تحدثت / وبما ان الكلب زياد فاتح الاسبيكر فأكيد نيرة سمعاني
نيرة بضحكة / أسمورة وحشتيني والله
سمر بردح / وحشت مين يا معفنة الا ما فيه اتصال
نيرة بخجل / معلش يا سمر والله كان فيه شوية ظروف كده هقولك عليها بعدين
سمر / طيب ياختي والبت كريمة عاملة ايه لسه لسانها طويل زي ما هي
كريمة بسخرية / لا وانتي الشهادة لله لسانك بلسم يا سمر
ضحكت سمر ثم قالت / الحمدلله طمنتيني علي مستقبل العيلة دي يلا بقي اقفل انا عشان سراج بيبصلي بصات مش حلوه واد يا زياد متتأخرش ياض
ثم اغلقت فتحدثت تيتي باعجاب / واو الست دي عظمه
تحدثت نيرة بضحك / عظمة آوي آوي
هز سيف رأسه بيأس علي هذه العائلة
نظرت كريمة لعدي وهي تقول / ايه يا عدي شبعت ولا إيه مش اكلتك والله يابني انت مكسوف عشان العروسه معانا ولا إيه
نظر عدي بتعجب لسماريا فقالت سماريا بضحك / عروسة مين ده كان بياكل اكلي يا حجه
ضحكت نسرين بشده / ديل الكلب عمره ما يتعدل
عدي وهو ينظر لكريمة / اكلت ايه انا كنت بدوق الاكل عشان اشوف اكل ايه الاول
نظرت كريمة للأطباق الفارغة امامه / آه بتدوق طب تحب اجبلك الحلل تنأنأ فيهم لحد ما نطبخ جمل يمكن تشبع
أصل يا عيني شكلك هفتان
عدي بمسكنة / آه والله يا كريمة أصل الزفت فوفو مكنش بيخليني اتهني علي أي حاجه
كريمة ببسمة / والنبي جدع الاستاذ فوفو ده
ضحكت سماريا علي تذمر عدي ولكن قاطع هذه اللحظات صوت صراخ عالي يأتي من الخارج ولم يصل لمسامعهم سوي كلمة /لامين بنات عندهم وعاملين رباطية وبيبلطجوا علي خلق الله
لم يكد احد يستوعب ما يحدث الا وكانت نازيا تنطلق للخارج بسرعه كبيره وخلفها نيرة وكريمة التي خلعت نعلها وهي تتحدث /والله لاخليه يزغرط علي خلقتها بنت ال ** دي
نظر الجميع لبعضهم بتعجب وخرجوا خلفهم وجدوا الست غوايش تجمع حولها اهل المنطقة وهي تذم وتهين في نساء منزلهم
تحدث جاسر بعدم فهم / هو فيه إيه يا ست انتي هو حد قرب منك ولا هي مشاكل وخلاص
تحدثت السيده بسخريه وهي تشير لوجهها الذي لم يعد به مكان واحد طبيعي / وبالنسبه لوشي ده ايه تنكر شوف يا خويا نسوان بيتك اللي بتتهجم علي الناس
امسكتها نازيا وجذبتها من حجابها وهي تهمس لها لفحيح / أنا ماسكة شياطيني عنك بالعافية ولو سبتهم عليكي مش هخلي فيكي سنتي سليم انتي سامعة
صرخت السيدة برعب / اهو يا ناس شايفين عمالين يبطلجوا عليا اكمني وحدانيه ومليش ضهر من بعد ما حبسوا المعلم زلطة
كريمة / آيوه احنا بلطجية ومتربناش
صفرت تيتي بحماس وهي تتحدث لسيف بفرحة / هو كل يوم فيه خناقات كده
تحدثت سماريا / كدابه دي هي اللي جابت ستات كتير اوي واتهجموا علينا في البيت لولا عمو البارد ده كانت نيرة موتتها في ايدها
ليث ببرود / ولزمتها ايه عمو بقي قولي الواد البارد ده
سماريا بغباء وهي تردد / لولا الواد البارد ده كانت نيرة قتلتها
تحدث عدي بخجل وهو يجذبها خلفه / معلش يا ليث أصلها هبلة يا عيني ربنا ما يكتبها علي احفادك يارب
ثم نظر لليث الصغير وقمر واكمل / ولا خلاص احفادك طلعوا اسود منها أساسا
زفر ليث ثم تقدم وتحدث / اسمعي يا ست انتي لمي الدور ده وارجعي بينك واتقي الشر بدل ما تندمي
صرخت السيدة / شايفين بيتقاووا عليا اكمني مليش حد
جذبت نازيا حجابها اكثر / اششششش مسمعش صوتك
نظرت لها السيدة برعب وصمتت فتحدثت نازيا وهي تنظر حولها للنساء / اسمعي منك لها اللي هيقرب من البيت ده هقطعك جسمه حتت حرفيا مش مجرد تعبير
ثم صرخت / كل واحد علي بيته
نظر الجميع برعب لها ورحلو بسرعه بينما تحدث مصعب / قادرة
نيرة باعجاب / البت دي دخلت دماغي وعششت فيها
تحدثت ميسرة / سيبي الست يا نازيا
نازيا باعتراض / بس يا ميسرة دي
قاطعتها ميسرة بحزم / سيبيها يا نازيا
تيتي باعتراض / لا يا ميسرة الست دي اتخطت حدودها
تدخلت نونيا وهمست في اذن تاج / هذه السيده احضرت سيدات متشحة بالاسود وكانت تريد أن تضرب النساء
ابتسم لها تاج / حسنا يا صغيرتي لا تقلقي سنتدبر الأمر
نونيا بخجل / تاج انا لا أفهم اي حديث هنا هل يمكنك أن تخبرني ماذا يحدث
ابتسم تاج بحنان / حسنا يا حبيبتي
همس ابريس لميسره / ماشاء الله شويه بنات هيعيدوا مسيرة كريمة ونيرة تآني
ضحكت ميسرة وهي تنظر لنازيا التي تركت غوايش بتذمر ومازالت تنظر لها بشر
فتحدث ليث وهو ينظر للسيده / دلوقتي قدامك دقيقة وما شوفش وشك هنا تاني فاهمه
نظرت له غوايش وهي تتخصر وتهتف / جرا ايه يا *** انت مفكرني هخاف منك ولا إيه
صرخ زياد بغضب لاهانه والده / قسما بربي لولا انك ست كنت خليت الحارة كلها تتفرج علي اللي هيحصل فيكي
نظر إياد لها بشر وهمس بفحيح / أنا لو منك همشي من هنا قبل ما اخليكي تقولي ياريت اللي جرا ما كان
نيرة وهي تهجم عليها / وليه؟؟ احنا نخليها تقولها دلوقتي
ثم هجمت عليها وهي تضربها بعنف وكريمة تحاول ابعادها والجميع يشاهد ما يحدث بيأس من أبعاد نيره
نظر ست للجميع وهم يجتمعون في القاعة ثم تحدث لاحد المساعدين له / كما قلت سابقا أريده زفافا ضخما تتحاكي به الاجيال القادمة هل سمعت
تحدث الوزير ببسمة / امرك يا مولاى اكيد سنجهز زفاف يليق بالامير اوناس
ابتسم اوناس بفرح بينما تدخل حوني وهي يتنحنح /احم احم وانا ايضا يا مولاي
ست بتعجب / وانت ماذا يا حوني
حوني ببسمة محرجة / وانا ايضا اريد ان اتزوج
ابتسم ست بخبث وهو ينظر لحوني / وهل ميرانا موافقة
لم يتعجب حوني من معرفة والده بزواجه من ميرانا بالذات / نعم يا مولاى وهي موافقة أيضا
ابني ست لابنه وماكاد يتحدث حتي قاطعهم ازي وهو ينظر لبيك / وانا ايضا يا أبي أود الزواج
ابتسم بيك بصدمه / حقا انت ترغب في الزواج هل وجدت زوجة لك
ابتسم ازي وتحدث / نعم يا أبي انها أسارا
ذهب له بيك وهو يعانقه بفرحة / واخيرا يا بني واخيرا سأراك متزوج
ثم نظر لست / ست هل لديك اي مانع لتزوجيهم سويا
ابتسم ست وهتف بصوت عالي / اذا لتتجهز كمت لزفاف كلا من الأمير حوني وازي واوناس
نظرت نيرة بتذمر لغوايش التي كانت تركب سيارة تحمل امتعتها وتبتعد عن الحارة فهمست بتذمر /رجعنا للهدوء تآني للأسف
كريمة وهي تنظر بحنق لليث / ليه كده يا مفسد اللحظات أنت مش شايفنا كنا مستمتعين
ليث وهو يضع يده في جيبه ويتحدث / ده أفضل انها تبعد من هنا بدل ما يجي يقوم وتأذي حد فيكم
سامر بضحكة / ما شاء الله ايدك واصله في كل حته بتليفون واحد عرفت تخرجها من البيت وتجبلها بيت جديد في حته بعيد
إياد بهمس / احيانا بخاف منه
زياد بضحكه مكتومة /هو ومالك بجد بيخوفوا
نظرت كريمة للجميع ثم ابتسمت لجاسر وهي تقول / مين الشاطر اللي هيغني النشيد
نظر لها جاسر ببرود / انسي…..
نظرت كريمة لجاسر مجددا / لا يا جاسر عايزه أحاسيس وانت بتغني بص علي أحمد ما شاء الله احساسه عالي ولا اليسا في زمنها
احمد وهو ينفخ بضيق / يارب انت القادر علي الظالم والمفتري
تحدث مراد وهو يجز علي أسنانه / ها يا كريمة حلو كده احنا عملناه مليون مرة
ابتسمت كريمة ببرود وهي تقول بصوت عالي / مليون وواحد اكشن
زفر احمد وجلس علي الاريكة بجانب ليث الذي كان يضحك بشده عليهم / مش لاعب
كريمة وهي تمسك المكبر وتقترب منهم وتتحدث في اذنه / مش بمززززاجك يا ابن جاسر
سامر بتذمر / الله يا كريمة اشمعنا ماسكة فينا احنا من الصبح ما ليث وابريس اهم وكمان ميسره وسيف والكل اشمعنا احنا
نظر ليث لسامر ببسمة باردة / طلعني من لعبكم ده عشان مقومش اطربقها علي دماغكم
كريمة وهي تشير بتحذير لسامر / وليه تتعب نفسك بس ياباشا ما هي دانه بدالك اهي وقايمة بالواجب
ضحكت دانه التي كانت تغني معهم
فقال ليث بسخريه / ما عشان دانة زيكم بالضبط
نيرة وهي تتحدث بحده / الله الله يعني إيه زينا دي ياباشا
ليث ببراءه / هو أنا غلطت ولا إيه انا بقول زيكم واللي علي راسه بطحة يحسس عليها
تحدث زياد / خلاص بقي يا كريمة كملي انتي النشيد بتاعك وسيبك منهم
زفرت كريمة بضيق ثم صرخت في المكبر / اكشن
همس جاسر لحسام / فكرني ايه اللي خلاني اقل بقيمتي للمرة التانية
حسام ببرود / نفس اللي خلاك تقل من قيمتك المرة الاولي
هز جاسر رأسه باقتناع ثم اخذ يتحدث بالنشيد معهم
بينما في احدي الغرف كان ابريس ينظر للفتيات ببسمة وهو يتحدث/ اذن فقد وضح كل شاب لكم الأمر
هز الجميع رأسه بايجاب فابتسم ابريس بحنان / ورغم ذلك سأكرر لكم الأمر انتم تعرفون انني منذ كنت صغيرا تربيت علي يد والدي ميسرة وهذا ما ساعدني في تعلم تلك اللغه لأنهم كانوا بمثابة عالمي كله ولم اعرف غيرهم عائلة في ذلك الوقت
هزت الفتيات رؤوسهم فاكمل ابريس / وليس لغتهم فقط بل أيضا دينهم فأصبحت اتخذ الديانه الإسلامية دينا لي بكل فخر وهذا كرم من الله سبحانه وتعالي ونعمة أيضا فلولا ادراكي قديما للأمر وبحثي عن هذا الدين بين كتب والد ميسرة لم أكن لاكون ما تروه الان فلم يكن سيسمح لي بالزواج من ميسرة حيث أن الدين الإسلامي لا يسمح للنساء بالتزوج من غير دينها ولكن يسمح للرجال بذلك ولكن
صمت فانتبه له الجميع فاكمل ببسمة / الشرط هو أن تكون تلك الفتاة كتابية اي انها تتخذ المسيحيه او اليهودية دينًا لها ولكي لا اشتتكم بالأمور اكثر فقد طلبت من الصبيه ان يخبروكم عن الأمر ويوضحوا لكم كل شئ قبل العودة فهل قاموا بذلك؟؟
هزت سماريا رأسها ببسمة وهي تقول بحماس / عدي قال لي اشياء كثيرة عن الإسلام كما قص علي قصص كثيرة واخبرني بأشياء جميله جدا فمثلا المرأه في الإسلام تعامل كجوهرة نادرة وأشياء اخري كثيرة لذا انا من طلبت منه أن أكون واحدة ممن يتبعون هذا الدين دون عرض منه
ابتسم ابريس فهذا المتوقع من عدي ثم قال بتشجيع / وعندما تتعرفين علي الإسلام ستحبينه اكثر يا سمارا
ثم نظر للثلاثة وتحدث / وانتن هل علمتم شئ
قالت نازيا / لم يخبرني مصعب بالكثير ولكن أخبرني ببعض الخطوط العريضة في الموضوع وانا وافقت لما رأيت في هذا الدين من قيم وقواعد تيسر الحياة لذا وافقت علي المجئ معه
ابتسم ابريس بألم وهمس / هيهات علي هذه القيم يا نازيا فلم يعد هناك من يملك هذه القيم سوي القليل ممن تمسكوا بهذا الدين
رفع رأسه ونظر لتيتي ونونيا فابتسمت له تيتي وهزت رأسها بإيجاب / أنا أعرف الكثير عن الإسلام من هاتف ميسره فقد وجدت هذه الكلمة تتكرر كثيرا في بعض القصص علي هاتفها وسألت احمس عنها ورغم عدم معرفة احمس للكثير من الأمور عن هذا الدين الا انه أخبرني بأمور به وعندما أخبرني عنه سيف تشوقت كثيرا لاكون جزءا من هذه الحياة التي يشملها دين مثل الأسلام
هزت نونيا رأسها تؤيد اختها / وانا ايضا تاج افهمني كل شئ
ابتسم ابريس بحنان / هذا يعني ان ايا منكما ليست مكرهه علي شئ اهم شئ ان تقتنعوا من داخلكم بما تفعلون واذا كان أحد الصبيه يضغط عليكم بأمر الزواج فاخبروني
ابتسمت الفتيات وتحدثت نازيا ببسمة خبيثه / وهل تظن ان هناك أحدا قادر علي ان يجبرني علي شئ
ضحك ابريس بشده عليه وهو يتحدث بتشفي /والله الحاجة الوحيده اللي مفرحاني في الرحلة دي اني لقيت حد يلم مصعب
ضحكت نازيا وهي تقول بحرج / مش المه آوي يا عمي ابنك صعب اوي بس اوعدك هلجم وقاحته
انهت كلامها بغمزه جعلت ابريس يضحك بشده بينما قالت نونيا بهدوء / تاج لم يجبرني علي شئ فقد كان حنون ومتفهم جدا
ابتسم ابريس / نعم لا اتوقع من تاج ان يجبر احد علي شئ دون ارادته فما بالك بفتاه تمثل له الحياة تكيد لن يجبرها اليس كذلك
هزت نونيا رأسها بخجل
فتحدثت سماريا / وانا كما اخبرتك يا عماه فقد عرض علي عدي كل شئ أمامي وترك لي حركة الاختيار
تيتي / وانا ايضا كنت اتمني في يوم ان اعلم اكثر عن هذا الدين وها قد جائت فرصتي لذا لا أود أن اضيعها
ابتسم ابريس وتحدث / وانا سأجعل عدي يتكفل باخباركم بكل الأمور في دينكم اما الخطوط العريضه مثل الصلاه والضوء وغيرها فكل شاب سيتولى تعليم زوجته و
لم يكمل بسبب سماع الجميع صراخ عالي في الخارج نهض ابريس بسرعه وهو يقول/ مش هنخلص من اليوم ده
ضحكت تيتي وهي تتبعه وتقول / يابا دي احلي عيشه
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
‏*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
منذ قليل في الخارج اخذ الجميع يكمل النشيد بينما كريمة تغمض عينها وهي متأثره ثم صفقت بيدها وهي تتحدث بتأثر / احسنتم يا أولادي والله احسنتم ايه المشاعر الفياضة دي
زفر صلاح بتعب وهو يرتمي علي الاريكة بجانب زياد الذي يمسك ابنه عن الدخول لخطف سماريا كما يقول
صلاح بتعب / واخيرا ده انا رجلي وقفت والله.
نظرت كريمة له بغباء / في إيه يا ابو صلاح قوم خيلنا نكمل
نظر لها صلاح بغباء / نكمل ايه يا ختي مش خلصنا وعجبك
كريمة وهي تتخصر / آيوه بس عايزين بقي نغنيه بالاضافات الجديده
جاسر بتشنج / إضافات جديده
كريمة ببسمة / آيوه اصلي ضفت ليث ودانه وعيالهم علي عيلتنا
ابتسم ليث وقال بتأثر مصطنع / قد ايه انتي كريمة حنينه
ثم نظر لجاسر / يلا يا ابو الجواسر قوم كمل عشان متشوق اشوف كتبت ايه عننا
جاسر بسخريه / طب طالما مهتم آوي كده متقوم انت تغني شويه
ليث بسخريه / انت قد الكلمتين دول
جاسر وهو يقف ببسمة / قدهم يا ليث وريني هتعمل ايه
وقف ليث في وجهه وهو يخبره بهمس / ما بلاش عشان مترجعش تندم
ابتسم جاسر وهو يقول / أنا بحب اندم ياليث
صفر احمد وهو يقول / يا جماعه استهدوا بالله دي كريمة ودخلت بينا
تحدثت كريمة ببسمه / بس ياض سيبهم دي هتبقي مدعكة يا شقيق
تحدث سامر وهو يخرج هاتفه / هتصل بالبوليس
صفر زياد باستمتاع / آيوه يا ابو إياد يا جامد
ثم اخرج هاتفه ورفع ابنه وجعله يقف علي احدي الارائك واعطاه الهاتف / امسك ياض يا ليث صور جدو وهو بينضرب
اخذ منه ليث الهاتف وبدأ يصور بينما انطلق صلاح وامسك ليث وهو يحاول ابعاده / خلاص بقي يا ليث انت الكبير متشوف يا حسام اخوك خلي اليوم ده يخلص علي خير
كاد حسام يمسك جاسر لولا انقضاض جاسر علي ليث الذي دفع صلاح للخلف وعلت الأصوات والتشجعيات
أمسكت كريمة المكبر وصاحت فيه / بسم الله الرحمن الرحيم نبدأ العركة
تحدث مراد وهو يتجه لكريمة ويصرخ / هو فعلا نبدأ العركة
صرخت كريمة وهبطت وركضت للمطبخ وهي تصرخ بينما كلا من صلاح وحسام يحاولون ان يبعدوا ليث عن جاسر واحمد يتجادل مع محمد بينما عدي يتشاجر مع زياد بسبب ليث الصغير واياد يجلس بكل برود وهو يضم تالا له ويأكل الفواكهه باستمتاع
امسك سامر الجيتار وهو يقول / الواحد بدا يحب الموضوع انا هسيب الشرطة واتجه للفن
فاطمة بسخريه / فن مين بس يا عم ده صوتك خرا ما شاء الله تبارك الرحمن
سامر وهو يبتسم باستفزاز / عجبني
ثم نظر لميسرة / امسكي الدف يا أخت ميسره لحد ما نيرة تسلك بين كريمة ومراد
أمسك مصعب الدف وهو يقول / يلا يابا ورايا
ثم اخذ يغني وسط هذه الحرب / بمجهودنا ما لقيناش حاجة واقعة
أشمر كمي أسمي وأسعى
أنا بُخ أنا بِخ أنا بَخ أنا أفعى
أنا أخدها عالأول أنا
جامدين ومفيش إلا احنا
جامدين جامدين
حلوين ومفيش إلا احلى
حلوين حلوين
جامدين ومفيش إلا احنا
حلوين ومفيش إلا احلى
ندوسوا عن عن على آخر نقلة
معلمة والباقي عالتختة
ومرة واحده خرجت ميسرة من حيث لا يدري احد وهي تقول بصوت عالي /
سالكة
بنسوق الدنيا عن عن ولا لينا
مالكة
وطريقنا مافيهش زن زن
عالسكة جولنا واحنا اللي قولنا
عدوا الليلادي
خايفين قولونا حالاً دخولنا
بس عالهادي
هادي هادي هادي
في نفس الوقت خرجت سماريا وهي تهز جسدها بحركات غبيه وترقص بينما تيتي ركضت لميسرة وأخذت تكرر معها بعض الكلمات التي حفظتها معها من كثرة غناء ميسرة بها أثناء رحلتهم /
أنا فراري عن عن عن
اسمعني يا بني ده فن فن فن
أنا أعدي تهدي وحالا وقتي
ده أخرك زن زن زن
أنا فراري عن عن عن
اسمعني يا بني ده فن فن فن
أنا أعدي تهدي وحالا وقتي
ده أخرك زن زن زن
مسح ابريس علي وجهه بضيق وهو يقول / ربنا يعيني عليكم يارب
ضحكت نونيا وأخذت تصفق لميسرة وتيتي وسماريا بينما اقتربت نازيا من مصعب الذي يضرب الدف بصخب وهو يغني وغمزت له فضحك وهو يكمل غناء /

تمت

لقراءة باقي حلقات الرواية اضغط على : (رواية لعنة الفراعنة 2)