رواية لعنة الفراعنة 2 الفصل الحادي والثلاثون 31 بقلم رحمة نبيل

رواية لعنة الفراعنة 2 الفصل الحادي والثلاثون 31 بقلم رحمة نبيل

رواية لعنة الفراعنة 2 البارت الحادي والثلاثون

رواية لعنة الفراعنة 2 الجزء الحادي والثلاثون

رواية لعنة الفراعنة 2 الحلقة الحادية والثلاثون

“‏لا يحقُ لك إستعادة الأشياء التي لم تشعر بقيمتها إلا بعد فوات الأوان، نصيبك من الإستيقاظ المُتأخر هو مُشاهدتها تبتعد.”
صلوا علي خير البرية
صرخت كريمة في المكبر وهي تقاطع الجميع عن الغناء/ استوب استوب ايه القرف والقذاره اللي انا بسمعها دي
ثم صمتت وهي تحدق بهم جيدا / مين اللي بيخرج عن نص الغنية وبيعمل نشاذ ها
ثم نظرت لهم بدقه وأشارت لأحمد / انت ياض يا مفعن انت اللي عامل نشاذ في النشيد بتاعي
احمد وهو يزفر بضيق ويتخصر / أنا جبت اخري والله بقي دي الحاجه المهمة اللي خليتينا كلنا نأجز من شغلنا عشانها…. عشان الهبل ده
كريمة وهي تصرخ في المكبر / اخررررررررررس
وضع الجميع يده في اذنه بانزعاج فتحدثت هي بحدة / بقي انا الغنية بتاعتي والنشيد الوطني للعيلة يتقال عليه هبل ثكلتك نسرين يابن جاسر
ثم نظرت لهم وتحدثت بتأثر وكأنها تحكي تاريخ احد المعارك /البيت اللي انتم شايفينه ده مر عليه كتير وقليل وشوفنا فيه بلااااوي زيكم كده وشوفنا فيه الحلو والمر وعشنا في كتير وقليل عشان كده قررت اني افكر في نشيد وطني يجمعنا كلنا وقولت احفظه ليكم بعد سهر وتعب عشان اخرج بحاجه حلوه
ثم نظرت بشر لجاسر وصرخت / يقوم يجي واحد صعلوق زيك يقول عليه هبل
تحدث محمد وهو يجلس بتعب / محنا حفظناه والله يا كريمة سيبنا بقي نشوف مصالحنا
كريمة وهي تهبط من علي وتجلس وهي تنظر لهم بتفكير / طب تمام عيدوه لآخر مره عشان قلبي يتطمن
زفر سامر بضيق وهو يهمس / يالله علي قلة القيمة
شروق بهمس / اعمل مرة بدل والله تخلينا نعيده طول النهار
تحدثت فاطمة بضحكة / حاضر حاضر يلا يا شباب ١ ٢ ٣
غني الجميع في صوت واحد /
عيلة كريمة يا سلام يا سلام…….. عيلة كريمة ولا اي كلام عيلة كريمة يا خرابي علي الحلاوة… عيلة كريمة زي البقلاوة
دايما كريمة بتجمعنا……….. نيرة بالدف تمتعنا
عيلة كريمة يا سلام يا سلام….. عيلة كريمة ولا اي كلام
جاسر هولاكو ده بيرعبنا…… حسام الهادي ولا يرهبنا
صلاح السكر بيضحكنا….. مراد القفيل ده بيفقعنا
نسرين دلعها يموعنا…….
عيلة كريمة يا سلام يا سلام ……..عيلة كريمة ولا اي كلام
طمطم السكر دي قلبنا…..
ابريس تاريخ ده جدنا……
ميسرة الهبلة تشلنا……
و بيت العيلة يضمنا…….
وشباب البيت بيودنا…….
عيلة كريمة يا سلام يا سلام
عيلة كريمة ولا اي كلام
هييييه هيييييه هيييييه هييييه
نظرت كريمة لهم في فخر وهي تري جريمتها الشنعاء التي فعلتها بهم وهي تجعلهم يؤدون تلك الحركات الغبيه
نظر لها احمد بشر وتحدث وهو يجز علي اسنانه / حلو كده ولا نتحزم ونرقص احسن
نظرت له كريمة وهي تفكر في حديثه بينما تحدث سامر وهو يمسح وجهه بتعب / والله ده اللي ناقص وانا همسكلكم الصجات
نظر له احمد بشر / اسكت انت، كله بسببك انت اللي اتصلت بيا
سامر بضحكه / الله أمال يتقل بقيمتي لوحدي انا والشباب لازم كلنا يتقل بقيمتنا
دخلت نيرة وهي تنظر لهم بتعجب / متجمعين كده ليه غريبه يعني
ابتسمت لها كريمة وهي تقول / بنت حلال دفك بقي وتعالي عشان نظبط لحن النشيد الوطني
نيرة بتعجب / النشيد الوطني!!! اللي هو بلادي بلادي لكي حبي وفؤادي
محمد بسخريه وهو يهز جسده بطريقة مضحكة ويقوم بحركة الصجات / لا اللي هو بتاع عيلة كريمة يا سلام يا سلام عيلة كريمة ولا اي كلام
نيرة بتعجب / عيلة كريمة يا سلام يا سلام!!!!!
محمد وهو يقوم بحركة الصجات بيده / عيلة كريمة ولا اي كلام
كريمة بشرح / اصلي حبيت اعمل نشيد وطني للعيلة وزي ما انتي شايفه جمعت اولاد العيله العاقين دول عشان يحفظوه وزي ما انتي شايفه برضو شوية بجر في زريبه محدش عارف يعمل حاجه عدله
احمد وهو يجلس ويمسك زجاجة مياة ببرود / ده علي أساس أن سيد درويش واقف قدامي ده انتي نشيدك معفن ده لو هاني شاكر سمعه هيولع في نقابة المغنين وفي نفسه
كريمة ببسمة مستفزة/ كل ده حقد عليا وعلي فني الاغنيه قمر واللي كتبتها قمرين هي بس محتاجه ان شوية البجر اللي بيغنوها يخرجوها من قلبهم مش مجرد حروف بتتقال
سامر وهو يصفق / الله عليكي يا ملكة الاحساس
محمد وهو يمسح دمعه وهمية / احنا إزاي مكناش حاسين بالعظمة اللي بنغنيها
ثم قال بتفكير / آه استنوا كده…. يمكن عشان هي مقرفة
كريمة بتسلية / صياحكم طرب…. شوفوا مهما تعملوا هتفضلوا تغنوا لحد ما تعجبني حتي لو قضينا اليوم واقفين كده احنا فاضيين مش ورانا حاجه
ثم نظرت لنيرة / يلا يا نيرو هاتي الدف وظبتي معايا اللحن عشان عايز يتظبط شوية والنشيد عايز تعديل
ثم نظرت لهم ببسمه مستفزه / ها يا حبايب كريمة حد عنده اعتراض
زفر سامر بضيق وكذلك فعل محمد بينما انفجرت كلا من فاطمه وشروق بالضحك
احمد وهو ينظر لفاطمة بغيظ / منه لله اللي كان سبب في الذل ده
نظر ابريس للجميع وهم ينتظرون في القاعة لحظة وداعهم بينما حزن سيف كثيرا وهو يري بكاء تيتي وهي تتتعلق ببيك وتضمه وكأنها اخر مره ستراه بها
بينما ابريس ينظر لست بحزن وهو يلاحظ انه يتحاشي ان ينظر له منذ الصباح اقترب منه ابريس وهو يحاول ان ينظر له بينما ست ابعد وجهه عن ابريس ونظر بعيدا وهو يتحدث ببسمة حزينة لنازيا يحاول ان يداري وجعه من هذا الفراق الذي يقطع قلبه لاشلاء / ألن تودعيني يا نازيا ام ماذا
نظرت نازيا له وقلبها يؤلمها كثيرا مازالت لا تستوعب ما هي مقدمه علي فعله وفي ثواني كانت تركض تترك أحضان حوني بسرعه وهي ترتمي في احضانه وتبكي بعنف وهي تهمس / ابي سأشتاق لك كثيرا ليتني استطيع ان ابقي دائما بجوارك يا حبيبي ليتني أتمكن من البقاء في أحضانك يا حبيبي
ضمها ست بألم وهو يتحدث / لا تغيبي كثيرا يا حبيبتي تعالي باستمرار هنا وتحكمي في غضبك دائما انتي ذاهبه لعالم غير عالمك وأشخاص غير الاشخاص الذين تعرفيهم وحياة غير حياتك ولغة غير لغتك لقد تحدثت مع مصعب وهو وعدني الا يتركك في أي مكان وانه سيعلمك كل شئ عنهم لذا دائما ابقي بجوار مصعب حسنا هو يحبك كثيرا يا ابنتي ولولا ذلك لما وافقت ان افرط في صغيرتي لأي أحد او ابعدها عني هكذا ولكن ماذا أفعل يبدو أن الفتي جن بكي
رفعت نازيا عينها لمصعب فوجدته ينظر لها بوجع وهو خائف ان تتراجع وترفض الرحيل معه فتركت نازيا والدها وأقتربت منه وهمست له / لقد بدأنا هذه الرحلة سويا يا مصعب ولن أتراجع أبدا
نظر لها مصعب وهو يتنهد براحة لحديثها وتحدث ببسمه عاشقة / أعدك يا نازيا انكي لن تندمي أبدا علي ذلك
نظر احمس لسماريا التي تبكي في احضانه وتهمس له ببكاء / تعالي معنا يا أبي ارجوك احضر امي وتعالي معي
ابتسم احمس وهو يحاول ان يمنع دموعه / كيف يا صغيرتي لا استطيع ذلك لا استطيع ترك موطني والجميع هنا كما انني اذا تركت ست سينهار تماما الا ترين كيف يبدو هو لا يتقبل رحيل ابنته وأخيه فهل ازيد الأمر واتركه انا ايضا
نظرت سماريا لست بشفقه وهي تراه يحاول ان يمنع دموعه فاقترب منه ابريس ووضع يده علي كتفه وهو يهمس بغصه بكاء / ست يا أخي
نظر ست له وتحدث ببسمه تخفي وجع فاق تحمله / لا تتأخر يا ابريس لا تتأخر فسوف اشتاق لك يا أخي
ثم ترك الجميع وخرج بسرعه وهو يتحاشي النظر لاي احد
نظر بيك بحزن لابريس وهو يتحدث /الحق به يا ابريس لا تتركه هكذا يبدو أنه لا يستطيع تقبل الأمر مجددا
ابتسم ابريس بحزن وخرج سريعا خلف اخيه
بينما نظر عدي لسماريا التي تعانق فوفو بحزن وأقترب منها وهو يتحدث / سماريا لا تحزني يا صغيرتي سوف آتي بكي دائما لرؤيته
نظرت له سماريا بدموع ثم تحدثت لاسارا / اعتني به من أجلي ارجوكي
ابتسمت لها اسارا وهي تري الصغير يتعلق بفوفو / لا تقلقي سأهتم به يا سماريا
نظرت سماريا لعدي وهي تمسح دموعها مثل الأطفال وتتحدث له بخفوت / هل ستتحملني يا عدي ولن تغضب مني
اقترب عدي وتحدث بحنان / بموتي يا سماريا بموتي يا صغيرتي لن اغضب منك ابدا فأنتي طفلتي قبل أن تكوني زوجتي هل رأيتي اب يغضب من ابنته او يمل من أفعالها
هزت سماريا رأسها بنفى وهي تمسح دموعها فابتسم لها عدي وأشار برأسه خلفها وهو يتحدث / اذهبي وودعي والدتك فهي تبدو حزينه جدا اخبريها انني سأحضرك وقتما تشاء
ابتسمت له سماريا من بين دموعها وذهبت لترى ايانا التي كانت تنظر أرضا بحزن
بينما كان تاج ينظر بحنان يفيض من بين حروفه لنونيا وهمس لها بهدوء / صغيرتي هل انتي نادمة علي موافقتك؟؟
رفعت له نونيا عيونها الدامعه وتحدثت بألم / أنا فقط اتألم لأجل ابي وامي أشعر بالحزن لأجلهما
اقترب منها تاج اكثر وهمس لها بحنان / في أي وقت يا صغيرتي سأحضرك لرؤيتهم حسنا!؟؟؟انتي فقط اخبريني حينما تريدين رؤيتهم وسأحضرك فقط لا تبكي فدموعك تلك ترهقني وبشده يا نونيا
نظرت له نونيا وهي مازالت لا تصدق ما حدث وكيف عرض عليها الزواج امام الجميع لم تكن لتصدق ذلك أبدا رفرف قلبها بفرحه وهي تري تلك النظره التي تشملها باعينه وتخبرها مدي عشقه لها
بينما تحدث مصعب لنازيا التي تحاول أن تخفي دموعها / ابكي يا نازيا لا تخفي دموعك تلك
تحدثت نازيا بعيون حزينه وهي تنظر للباب بشرود / ابي يبدو حزينا كثيرا يا مصعب لا أعلم ماذا أفعل حتي لا اري نظره الحزن تلك التي تفيض من عينيه أشعر حقا بألم يجتاح أضلعي وايضا أشعر بالاختناق لأجل رؤيته بهذا الضعف
تحدث مصعب بحنان / الفراق يكون صعب دائما في بدايته يا جميلتي ولكن سيعتاد مع الوقت كما اننا لن نذهب للأبد سوف نأتي دائما متي اردتي وابريس سوف يهدئه انا اثق في ذلك
نظرت له نازيا وهزت رأسها وهي تأمل ان يهدأ والدها
ابتسم سيف لتيتي التي تنفخ بضيق من حديثه / سيف متي أصبحت وقحا هكذا توقف عن هذا
سيف ببسمة وقد استطاع ان يخرجها من حالة الحزن التي كانت بها منذ قليل / معكي انتي فقط يا تيتي ستجدين الوقاحة كما لم تري من قبل
ابتسمت له تيتي وأقترب منه وهمست / حسنا وانا ايضا سأريك الوقاحه فأنا لم اتعلم من ست كل تلك السنوات حتي آتي واخجل أمامك
اطلق سيف ضحكات صاخبه وهو يغمز لها / اتشوق لذلك يا تيتي
بينما كانت ميسرة تقف علي مسافة منهم وهي تمسك القلادة وتتحدث لكريمة بمشاكسة / مسا مسا يا رؤوف
ابتسمت كريمة / آيوه كده يا نيرو اشتغلي معايا كده ظبطنا اللحن وبقت الكلمات احلي مع الدف بس حاسه في حاجه ناقصه
ثم نظرت لهم بتفكير وبعدها نادت بصوت عالي / طمطم انتي يابت يا طمطم
طمطم وهي تخرج من المطبخ وخلفها نسرين فتحدثت طمطم بانزعاج / عايزه ايه يا ستي مش كفايه الدوشه اللي عملاها من الصبح دي
كريمة بتذمر / جرا ايه يا معفنه انتي نسيتي نفسك ولا إيه لا لو نسيتي افكرك يا بتاعة اسورة وعمورة
طمطم وهي تضحك بصخب / يوووه ايااام يا بت يا كريمة
كريمة بمزاح وهي تعلم انه لم يكن هناك أي شئ من هذا / اكيد وحشك سنترال المدينة من وقتها يا حبة عيني مبقاش حد يعبرك غير شركة اتصالات بس
مصمصت طمطم شفتيها بحنين / متفكرنيش بقي بوجعي
كريمة بسخريه / آه يا كبدي المنبه كان مالي عليكي حياتك
ضحك الجميع بصخب بينما تحدثت طمطم بتذمر / طب عايزه ايه عشان مش فاضيه لان فيه واحده كده مش راضيه تجهز اكل التجمع معايا
كريمة وهي تدعي الجهل / ما علينا المهم بقي اتصلي بمراد وخليه يجي
نظرت طمطم لساعتها بتعجب / هو كده كده زمانه في الطريق بس ليه يعني غريبه كريمة تطلب مراد
كريمة وهي تبتسم بخبث / لا منا هجيب جاسر وحسام كمان
سقط احمد أرضا وهو يضحك ويهتف / يا قاااادرة
انفجر الجميع ضاحكين وهم يتخيلون الكبار يغنون معهم هذا الهراء
قاطع تلك الضحكات دخول صلاح ومراد بعد ان انتهوا من العمل في العيادة الخاصه بهم فتحدث مراد بتعجب / ماله احمد بيتلوي كأنه عنده مغص كده
ضحك احمد اكثر وشاركه محمد وهو يقول / يلا يا مراد يابني اطلع غير لبسك وتعالي عشان نكمل التدريب
صلاح بتعجب / تدريب ايه
دخل في ذلك الوقت جاسر وحسام فاتجه حسام لنيرة وهو يبتسم لها ويقبل جبينها بحنان ويهمس لها / وحشتيني اوي
كادت نيرة تجيب لولا كريمة التي تحدثت بصوت عالي / الحمدلله كله هنا نبدأ بقي سوا
ولم يكد احد يستفسر عن شئ حتي كانت القلادة التي ترتديها كريمة تضئ وتظهر صورة ميسره وهي تقول / مسا مسا يا رؤوف
كريمة ببسمة / والله يابنتي اللمة دي ناقصاكي الواد مصعب كان هيعمل شغل عالي
ثم تحدثت لميسرة التي تنظر لها بتعجب فقالت بضحكة / مسا مسا يا هيما اخبارك يابت يا ميسرة وحشتيني
نظرت ميسرة خلفها لتلك الدموع وأجواء الوداع وتحدثت ببسمه/ انتي وحشتيني اكتر يا كرميلة قوليلي الكل عندك عامل ايه
نظرت كريمة للجميع وتحدثت بارهاق / تعبوني يا ميسرة والله تعبوني آوي الناس دي
ميسرة بشفقه / يا ضنايا عملوا فيكي ايه ولا اكمنك علي باب الله مش بتعرفي تردي علي أي حد والعيبة متطلعش منك بيستقووا عليكي ويتعبوكي معاهم كده
هزت كريمة رأسها بمسكنة وهي تتنفس بتعب / كله لله يا ميسره
تحدث مراد بتأثر / احنا إزاي معندناش قلب بالطريقه اللي تجرح كيكة زي دي لا اخص علينا بجد هنروح من ربنا فين
نظرت له كريمة بحزن وهي تتنهد / ليا رب كريم اشكي له الظلم ده ميسرة يابنتي
ضحكت ميسرة بعنف وهي تتنفس بصعوبه / لا لا مش قادرة هموووووت
قاطع ضحكاتها صوت تاج الذي ينادي عليها
نظرت ميسرة ببسمة لكريمة وهي تتحدث بغموض / هنكمل بعدين يا كرميلة
هزت كريمة رأسها ونظرت للجميع بعدما اغلقت القلادة / ها يا جماعة نبدأ
تحدث جاسر بتعجب / نبدأ ايه
تحدث سامر بضحك وهو يهز اكتافه بحركات راقصة / النشيد يا عمي
نظر الجميع بتعجب لكريمة فشرحت لهم ما تريده
صدحت ضحكات جاسر في المنزل وهو يتنفس بصعوبة / آه يا ربي دمكم خفيف آوي
ثم جمدت نظراته فجأه وهو يقول / علي جثتي اعمل كده
تقدمت ميسرة من تاج فتحدث وهو ينظر لكل هذه الحقائب وهو يتحدث بتفكير / ايه يا ميسرة كل الشنط دي
نظرت ميسرة للشنط ببسمة / دي شنط البنات وشنط عمك مليها شوية حجات معرفش ايه وشنط احمس حاطط فيها شوية حجات و
قاطعها تاج وهو يرفع يده / خلاص خلاص يا ميسرة حاسس اننا راجعين من الحج وبنجيب مسك وسبح للعيلة
ضحكت ميسرة ثم اقتربت وقبلت خد تاج بحنان ثم تحدثت / ابريس فين؟؟
تاج وهو يتحدث بحزن / راح يشوف عمي عشان شكله زعلان اوي
هزت ميسرة رأسها بتفهم ثم سارت للخارج وهي تتحدث / هروح اجيب حاجه وجاية اجهزوا عشان هنمشي
بينما اقترب ابريس من ست الذي يجلس علي حافة احدي النافورات ويدفن وجهه في يده، لكم آلمه قلبه من هذا المشهد يشعر وكأنه يترك طفله الصغير وليس أخيه الكبير، فلطالما كان ست يتعلق به مثل الطفل الصغير حتي انه اول مره تعجب كثيرا حينما شجعه علي الذهاب خلف ميسرة وقتها أدرك ان أخيه ضغط كثيرا علي نفسه لأجله هو والان يزداد ضغطا علي ضغطه القديم اقترب منه ابريس اكثر وجلس بجانبه بهدوء ومد يده وعانقه بشده وهو يهتف بهدوء / سأشتاق لك يا أخي وابي
ثم ابتسم قليلا / ام اقول طفلي،،، سأشتاق لك يا ست ولكن لن ابتعد مثل المرة السابقة فسأكون معك دائما يا ست دائما
توقف وهو يشعر باهتزاز جسد ست فابتعد قليلا وهو يحاول أبعاد يد ست عن وجهه ولكن رفض ست وقد علت شهقاته وازداد بكائه فبكي ابريس وهو يضمه / ارجوك لا تفعل بي ذلك يا ست ارجوك قلبي يؤلمني بشده عليك يا أخي
لم يجيب ست فتحدث ابريس وهو ينهض / سأذهب واخبرهم اننا لن نذهب يا أخي فقط لا تبكي ارجوك.
ثم نهض وسار حتي يبلغ الجميع قراره فهو لن يتحمل رؤية انهيار أخيه لن يتحمل فهذا أقصي من قدرته ولكن توقف فجأه وهو يسمع صوت ست الذي قال بنبره ضعيفه / تعالي يا ابريس اريد التحدث معك
استدار ابريس اليه ونظر له قليلا فاشار له ست ببسمه ان يقترب فاقترب منه ابريس وجلس بجانبه فابتسم له ست من بين دموعه وهو يتحدث / لا تقلق انا فقط تأثرت فافراد عائلتي سيبتعدون عني ليس انت ونازيا فقط بل أنت وميسرة والفتيان والفتيات جميعكم سأشتاق لكم ولكن
صمت وهو ينظر له ببسمه حنونه / ولكن انت ستأتي لي دائما أليس كذلك لن تتأخر على سوف تأتي دائما أليس كذلك
هز ابريس رأسه وهو يمسح دموعه / نعم نعم يا أخي دائما اقسم سأكون دائما بجانبك سوف آتي إليك يوميا سأخصص في يومي وقت خاص بك انت، سوف احضر ونجلس انا وانت واحمس وبيك
ابتسم ست بحنان وهو يربت علي شعره / سأنتظرك دائما وانا أثق بوعدك يا أخي هيا عانقني قبل أن تذهب
عانقه ابريس بشده وهو يهمس / لست حزينا صحيح؟؟
ست بصدق وحنان وسعادة لاجل أخيه وحديثه انه سيعود دائما / لما اكون حزينا وسوف تأتي دائما لي كأنك تعيش بجواري لذا لم اكن حزينا أبدا يا ابريس طالما سأراك يوميا ولكن لا تحضر ميسره معك اتفقنا؟؟
سمعوا صوتا في الخلف يقول / لا لم نتفق يا ست فعندما يأتي ابريس الي هنا سٱكون معه دائما
ضحك ابريس وهو يبتعد عن ست ويتقدم لها ويعانقها بحنان ثم يقول بمشاكسه / نعم يا ست نحن دائما معه
ثم غمز لست بضحكه فضربته ميسرة وهي تتحدث بغيظ / لقد رأيتك
ضحك ابريس بشده وهو يتحدث / حسنا لنذهب فالجميع ينتظرنا
بعد دقائق كان الجميع يقفون يتطلعون في عائلة ابريس ببسمه سعيدة لاجلهم أشار ابريس لاخيه بكفه فابتسم له ست وهو يتحدث بصوت مرح / لا تنسي يا ابريس انتظرك سوف نقيم حفل للرجال فقط
ضحك احمس بمرح وهو يقول / رائع وسوف نحضر بعض الجواري
ضربته ايانا بعنف فضحك وهو يضمها / الجواري لهم يا ايانا انتي تعرفين انني حكيم ولا اتطلع للنساء يا فتاه سوي زوجتي الجميله
ميسرة بسخريه / أمال الراجل ملتزم ومترهبن عشانك يا ختي
نظر لها احمس وغمز لها تحدث بيك وهو ينظر للجميع / واخيرا سيمكنني ان اتفرد بزوجتي كما اريد يا رجل كانت فترة عصيبه فعلا
ضحك ست بشده وهو يضم نانيس اليه ويتحدث / نعم واخيرا لن يزعجنا احد يا صغيرتي
ميسرة وهي تبتسم لهم / هذه اضغاث احلام فبمجرد اقراب احدكم من الاخر ستجدونني اخرج لكم من اي مكان فأنا اراقبكم
نظر عدي لسماريا التي تعانق فوفو منذ وقت طويل وتحدث / هيا يا سماريا سوف احضرك غدا يا عزيزتي هيا
نظرت سماريا لفوفو بحب / سأفتقدك يا حبيب قلبي لن اتأخر
مسح عدي وجهه وهمس بضيق / بغير من شرشوبة اخرتها
انضمت لهم سماريا ووقفت بجانبهم وتطلعت للجميع وأشارت لابيها بالوداع فابتسم لها احمس وهو يهتف بتاثر / ابنتي الغاليه لا تتأخري يا حبيبة ابيكي
ثم نظر لايانا وتحدث بمزاح / واخيرا تخلصنا منها.
زمت سماريا شفتيها وضحك عدي وهو يقول / حاسس والله اعلم انك دبستني
احمس بجدية / لا تنسي ان المخطوطة التي وقعت عليها معي لن اقبل بارجاعها ماذا تقولون انتم…. آه صحيح البضاعة المباعة لا ترد وتستبدل
هتفت سماريا بغيظ / احمس
ضحك احمس بشده وهو يلقي لها قبلة في الهواء / قلب وعيون وروح احمس وحياته كلها
دمعت عين سماريا واقتربت منه وقبلته / احبك يا أبي كثيرا
تحدثت تيتي لبيك بتذمر / ايه يا حج بيك هو جو الوداع ده مش واكل معاك في حاجه يعني مشوفتش دمعه ولا شحتفه ولا حتي هتوحشيني وانت لازق لاسينات كده وكأني كنت عزول وماصدقت تستفرد بيها
نظر لها بيك بغباء وهو يقول / ماذا قلتي يا فتاه
تيتي وهي تكتف يدها بتذمر / لا شئ يا بيك لا شئ
ابتسم بيك وتقدم منها وقبلها بحنان / سأشتاق لكي يا مجنونة
ضمته تيتي وهي علي وشك البكاء / وانا ايضا يابيك سأشتاق لك ولكن اسينات سوف تنسيك تيتي أليس كذلك
ضحكت اسينات بشده / يا فتاه انا والدتك
ثم ابتسمت وتحدثت / اعتني باختك يا تيتي انتي تعرفينها لا تتحدث كثيرا ولا تعلم شئ
ابتسم تاج وتحدث / اتركي هذه المهمة علي
نظر ست لمصعب وهمس له /اعانك الله يا بني علي ما بليت به نفسك
ضحك مصعب بشده فتحدثت نازيا بشك / ماذا قلت له يا أبي
ست وهو يتصنع البراءه / لا شئ
نظر ابريس للجميع وتحدث ببسمه وسعاده / جئنا وحدنا وسنغادر بعائلة كاملة لكن انا سعيد لان أولادي قد اختاروا زوجات من أبناء اخوتي
ابتسم الجميع لحديثه ثم قالت ميسره وهي تنظر للقلادة ولضوء القمر الذي بدأ ينعكس علي القلادة / هيا يا ابريس حان الوقت
اقترب ابريس ووقف الجميع في دائر واحده وفي ثواني كان هناك ضوء قوي يخرج من القلادة ويلفهم فعاد الجميع للخلف وفي ثواني كان ابريس والجميع يختفي من منتصف القاعة زفر ست ونظر للجميع ثم تحدث وهو يتنهد / لقد رحلوا حقا سأشتاق لهم
نانيس وهي تضمه / سوف يعودون غدا او بعد غد يا ست
نظر لهم ست ثم همس بفرحة وكأنه لم يكن حزينا منذ قليل / هيا لقد جعلت الطاهي يعد وليمة كبيره سنحتفل بالتخلص من ميسرة وتيتي وسماريا
ضحك الجميع وخرجوا وهم يتحدثون عن هذه الفتره التي مرت عليهم برفقة ابريس وعائلته وأصوات ضحكاتهم تملئ المكان
بينما علي الجانب الاخر نظر ابريس للجميع وهمس ببسمه / الجميع بخير
هز الجميع رأسه نظر ابريس بتعجب وتحدث / أين هي نونيا
استدار تاج فوجدها ابريس تتعلق بتاج من الخلف فضحك بشده وتحدث / حسنا نونيا ونازيا ولانكم لا تعلمون لغتنا فسوف يتكلف كلا من تاج ومصعب تعليمكم وحتي هذا الوقت لن تترككم ميسره او سماريا او تيتي ولانكم جميعا لا تعلمون اي شئ بالخارج فلن تخرج ايا منكن وحدها أبدا حتي تعتادون الحياة وصدقوني ستجدوا في عائلتنا الكبيره دعم لكم وخاصة كريمة سوف تظل معكم دائما ولن تدع شيئا يصيبكم وصحيح ارجو الا يتحدث منكم بالخارج بلغته يمكننا التحدث بها فيما بيننا فقط حسنا
هز الجميع رأسه
صفقت تيتي بفرح وهي تتحدث / اوووه كريمة انا اعرفها اشتاق حقا لرؤيتها علي الحقيقه
همس عدي لسيف / ولم تكن تعلم انها بداية اللعنة
نظر لهم ابريس ببسمة وتحدث / انتم عائلتي الصغيرة وهناك سنجد باقي العائلة وستكون جزء من حياتنا والان هل انتم مستعدون
همس الحميه بحماس / نعم
ابتسم ابريس / اذا لننطلق
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
‏*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
ألقت كريمة الورق من يدها بعنف وهي تصرخ / جاسر اخر تحذير ليك
نظر جاسر لحسام وهو يهتف ببرود / فكرني ايه اللي جابرني اني اعمل الهبل ده
حسام بتفكير / يمكن عشان متنكدش علينا حياتنا كلها
هز جاسر رأسه باقتناع / آه صح
ثم نظر لكريمة وهو يتحدث بفحيح وبسمة جاهد لرسمها /اسفين يا مايسترو غلطة مش هتتكرر
زفرت كريمة بضيق ثم نظرت لنيرة / العيلة دي متعبة آوي
نيرة بشفقه مضحكة / حبيبتي معلش بنتعبك معانا انا عارفة
مراد بصراخ وهو يلقي الجيتار الخاص به أرضا / نعم يا ضنايا مين اللي متعب مين انتي مش شايفه قلة القيمة دي
صلاح وهو يكتم ضحكته / جرا ايه يا مراد دي حتي بتشكر فيك في النشيد بتاعها
مراد وهو ينظر له بشر / طب بس يا صلاح السكر عشان شوية وهخليك صلاح الأرمل
نهضت كريمه وهي تصرخ بهم / فيه إيه انتم بتهاجموا فني ولا إيه
أخرجت فاطمة الهاتف وأخذت تصور هذه اللحظات فهي تحب لحظات تجمع العائلة حتي وان كانوا يتشاجرون مثل الان
تدخل احمد وهو يضحك ويهز خصره برقص / جرا ايه يا ميرو بس ده انت حتي مبدع خاصه بقي في حته
عيلة كريمة يا سلام يا سلام…….. عيلة كريمة ولا اي كلام عيلة كريمة يا خرابي علي الحلاوة… عيلة كريمة زي البقلاوة
ضحكت طمطم بشده وهي تري حركات احمد
فركض مراد خلف احمد وهو يصرخ / طب والله ما هعتقك
ذهب سامر وحمل الجيتار الخاص بمراد ونظر لنيرة / معايا يا اما الله يكرمك
ثم اخذ يعزف ويغني بينما الجميع يتشاجر / اوقات تاخدنا الدنيا تسرق وقتنا وانتوا ساعات من ناس كتير بتحبنا نستني صدفة او مناسبة تضمنا… الفرحة تكمل لما نكمل كلناااااا
اخذت فاطمة وشروق تغنيان معه / ونحب ياما ونفتكر كل اللي فات والذكريات تفضل تاخدنا لذكريات والسهرة تحلى واحنا بنقول في حكايات
ركض احمد من أمامهم وهم يغنون وخلفه مراد بينما كانت كريمة تتشاجر مع جاسر وحسام وطمطم ونسرين يحاولون ان يبعدوهم عن بعضهم ومحمد يتجادل مع صلاح
بينما سامر مستمر في الغناء وهو ينظر بحنين لهذا المشهد المؤثر امامه / الله علي لمة صحاب عشرة سنين والله زمان واحنا سوا متجمعين…… جمع حبايبك يلا نبقي قريبين
فجأه وجد سامر خف يطير تجاهه فانحني بسرعه لتفاديه واكمل غناء / الله علي طعم الدفي جوا البيوت والوقت يجري مننا واوام يفوت مع اغلي ناس دايما بننسى نفسنا
صرخت كريمة بعنف في جاسر / نعمممممممممممممم
فاكمل سامر / والضحكة طالعه مننا وباعلي صوت
ردد معه الباقين /ونحب ياما ونفتكر كل اللي فات والذكريات تفضل تاخدنا لذكريات والسهرة تحلى واحنا بنقول في حكايات
سامر مجددا بتأثر / الله علي لمة صحاب عشرة سنين والله زمان واحنا سوا متجمعين جمع حبايب يلا نبقي قريبين
في ذلك الوقت كان ابريس يقف مع الجميع خارج المنزل ثم قال ببسمة وهو يفتح الباب / سوف تجدون هنا دفئ العائلة والهدوء و…..
لم يكمل فبمجرد فتحه للباب كان هناك خف يطير جهته فانحني بسرعه وكذلك فعل الجميع حتي امسكه سيف ونظر له وقال / الشبشب ده انا عارفة كويس.
نظر عدي للخف وتحدث / ده بتاع نيرة
لم يكد احد يتحدث حتي كانت هناك قذيفه تنطلق من بينهم وهي تصرخ وتصفر / عركككككككككككككة
نظر مصعب لسيف وهو يضحك / ماشاء الله تموت في فعل الخير
مسح سيف وجهه بملل وركض خلف تيتي وخلفهم الجميع
بينما ركضت تيتي وهي تري الجميع يصرخ ببعضه وهناك شاب يغني ومعه البعض حيث انقسم المنزل لجزء يغني والجزء الاخر يتشاجر
اقتربت تيتي من كريمة وهي تتحدث / متسكتيش روحي هاتيه من شعره المز ابو عيون ملونه ده
نظرت له كريمة دون أن تنتبه لمن تحدثها / اقلعي يابت شبشبك عشان خلصت شباشب البيت عليه
نظرت تيتي للخف الذي ترتديه وخلعته ببسمه وهي تمد يدها به
بينما اقترب مصعب من سامر واخذ يغني معه وسماريا تتحرك بفرحه وهي ترقص على تلك الاغاني بغباء وحركات مجنونه ونازيا تنظر للجميع بحاجب مرفوع وبسمة تسلية ونونيا تتمسك في تاج وهي تراقب ما يحدث امامها ببسمة متعجبة فكان المنزل صاخب جدا
ركض عدي وجذب سماريا وهو يتحدث / اهدي يابت انتي هتسوقي معاهم في الجنون ده من اولها
تحدثت نازيا بتسلية / يبدو اننا سنستمتع كثيرا من هذه العائلة
صفرت تيتي بفرحة وهي تقول / خشي عليه يا كريمة
اقترب سيف وهو يضحك / انتي مش بتتهدي أبدا اسكتي يخربيتك
نظرت له وغمزت / انت عارف يا قرة عيني اني احب شئ لقلبي اني اهدي النفوس
ضحك سيف بشده
بينما تحدث مصعب لنازيا / مرحبا بكي في اهدي مكان في مصر
زفرت ميسرة من هذه الضوضاء ثم اتجهت لاحدي الفازات وامسكتها ثم القتها أرضا ببرود فتوقف الجميع عن الشجار وتوقف سامر عن الغناء ونظر الجميع لمصدر الصوت فصرخت كريمة بصدمه / ميسرررررررررررة

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية لعنة الفراعنة 2)