رواية ما يخفيه القدر الفصل الأول 1 بقلم رحاب القاضي

رواية ما يخفيه القدر الفصل الأول 1 بقلم رحاب القاضي

رواية ما يخفيه القدر البارت الأول

رواية ما يخفيه القدر الجزء الأول

رواية ما يخفيه القدر الحلقة الأولى

ــــــــــــــــــــــ
لم أؤذي أحدًا ، لكن في ظل المحافظة عليهم آذيت نفسي
ـــــــــــــــــــــــــــ
_وقبل ما نبدأ حكايتنا اعرفكم علي بطلتنا النهارده واللي اسمها اميره وعندها 24 سنه وبنت حلوه اوووي وجميله بشكل كبير بس المشكله ان عندها شلل اطفال في رجلها الشمال وبرغم كده هي كانت متفوقه جداً في الجامعه بتاعتها وبتطلع كل سنه الاولي وحاليا شغاله معيده في الجامعه وبتحضر في الدكتورااه وعندها اخت اكبر منها بسنتين واخ صغير لسه في اولي اعدادي..
وفي يوم كانت طالعه من الجامعه وبتدور علي السواق اللي باباها مخليه يوصلها ويرجعها البيت كل يوم وما كانتش لاقيااه وفجأه وقف قدامها ولد حلو اووي بعربيته، ونزل منها وقال..
هاشم
قولت لاسماء اختي تقول للسواق بتاعك يمشي وخليتها هي كمان تمشي عشان اوصلك..
اميره بغيظ
هو انت عايز تتهزأ لا قول ما تتكسفش انا لسااني ما فيش اطول منه علي فكره، فلو ما بعدتش عن طريقي هخلي اللي ما يشتري يتفرج عليك..
هاشم
طيب يرضيكي ابقي دكتور محترم واتهزأ سمعتي هتبوظ وبتعملي كل ده ليه عشان عايز اوصلك اومال لو قولتلك اني عايز اتجوزك بقي هتعملي ايه..
اتوترت اميره وقالت
مش هرد عليك وهسيبك وامشي عشان بتقول كلام مالوش لازمه بعد اذنك..
هاشم وقف قدامها وقال
لا علي فكره بقي انا مش بقول كلام مالوش لازمه انا بقول اللي هيحصل بس مش عايز اجي اتقدملك واترفض..
اميره بنبره حزينه
وانت ايه اللي بخليك تاخد واحده زيي، روح يا ابن النااس دور علي واحده تناسبك غيري وبلاش تعطل نفسك وتعطلني اكتر من كده..
_ قالت كلامها وسابته ومشيت، ووقفت تاكسي وركبت فيه ومشيت من قداامه خاالص وهي وراكبه في التاكسي افتكرت اول مره شافت فيها هاشم لما راحت خطوبة اخته عزه..
_فلااااش باااك..
كانت داخله القاعه وهي لابسه فستان اوف وايت شكله حلو جداً وطويل ولابسه حجابها وراحتلها اسماء اخت عزه الصغيره وقالت..
اسماء
دكتوره اميره حضرتك بنفسك هنا بجد نورتينا والله..
اميره
بنورك يا اسماء انا ما اقدرش عزه تعزمني وما اجيش.
قرب منهم في الوقت ده هاشم وقال
بت يا اسماء كلمي ماما وو اوباااا ايه الحلاوه دي كلها اكيد تبع العريس احنا عيلتنا ما فيهاش بنات حلوه كده..
اتكسفت اميره جدا واسماء قالتله بصدمه
انت بتقول ايه يخربيتك دي دكتوره اميره صاحبة عزه والمعيده بتاعتي في الجامعه..
هاشم بتوتر
ها اا اهلا وسهلا بحضرتك اتفضلي روحي شوفي ماما. انا ههتم بالدكتوره..انا دكتور برضو اسمي هاشم عبدالرحمن دكتور اسنان..
اميره
اهلا وسهلا انا هروح اقعد لوحدي هناك ما فيش داعي تتعب حضرتك..
_ومشيت اميره من قدامه وتوقعت انه لما هيشوفها بتمشي وهي بتعرج هيطفش منها زي كتير غيره بس حصل العكس ومشي جنبيها وقاال..
هاشم
علي فكره انا سمعت عنك كتير من اخواتي بس دي اول مره اشوفك فيها، طلعتي احلي بكتير من وصفهم ليكي..
اميره بحده
هو في ايه ما تحترم نفسك شويه وتروح تشوف نفسك هتعمل ايه..
هاشم
وما قالوليش برضو ان لساانك طويل اووي كده..
_سابته اميره وراحت باركت لعزه ومشيت من الخطوبه كلها…
_بااااااك..
وقف التاكسي قدام بيت اميره ونزلت منه وطلعت شقتهم وكان باباها الاستاذ محمد قاعد بيذاكر لابنه مالك ولما شافها قال..
محمد
حمدلله علي السلامه يا قلب بابا قولتي ليه للسواق يمشي وجيتي مع مين؟..
اميره
الله يسلمك يا بابا.. وعادي جيت لوحدي.. اومال فين ماما..
محمد
راحت تجهز الغدا في المطلخ ادخلي يا قلبي غيري هدومك وارتاحي شويه لحد ما الغدا يجهز وهنقعد نتغدا كلنا سوا..
سمعت اميره كلامه ودخلت اوضتها هي واختها نرمين اللي اول ما شافتها قلبت وشها وقالت..
نرمين
اوووف انا نفسي افهم ماما امتي هتعمل لكل واحده فينا اوضه لوحدها، انا مش واخده راحتي وانتي معايا في الاوضه كده..
اميره بهدوء
يا نرمين انا يدووب بدخل اغير هدومي وبخرج تاني وبدخل الاوضه وقت النوم بس عشان تبقي براحتك برغم انها اوضتي زي ما هي اوضتك..
نرمين
خلاص مش محاضره هي خلصي شوفي هتعملي ايه عشان تهوينا شويه..
_بصتلها اميره بحزن ودخلت الحمام وفضلت تعيط من معاملة اختها ليها وغيرت هدومها وطلعت قعدت في الصاله مع اخوها وباباها..
مالك
بابا ميرو كانت بتعيط بص عيونها حمرا ازاي، اكيد الرخمه نرمين زعلتها وهي مش هترضي تقول زي كل مره..
بصلها محمد بحزن وقال
سيبهم براحتهم يا مالك هما كبار وبيعرفو يتعاملو مع بعض بلاش احنا نتدخل بينهم عشان لو اتدخلنا هيزعلو اكتر، يلا خلينا في المذاكره بتاعتنا..
_وفي بيت اهل هاشم كان قااعد. مدايق مع باباه اللي بيسقي في الزرع في البلكونه الكبيره بتاعتهم…
عبده
هههههههه يعني رجعت وقغاااك بيقمر عيش، طيب وعليك ايه ما انت عارف انها هتكسفك زي كل مره وبعدين ما يمكن في حد في حياتها او حد قايل عليها مثلا..
هاشم
لا يا بابا انا خليت عزه تسألها وعرفت منها انها لا مخطوبه ولا حد قايل عليها هي بس رفضاني عشان موضوع رجلها ده مع انه والله ولا فارقلي مفايه انها بنت نااس ومحترمه ومتعلمه وتعرف ربنا وزياده علي كده والله ما شوفت بنت في جمالها يا بابا ولا عيونها لما تبصلي وهي بتتكلم اااه..
ضحك عبده وقال
ههههههههه ده انت واقع لشوشتك فعلا، بس ارجع واقول البنت معاها حق يعني انت لا امك هتوافق بالوضع ده وانت نقسك ممكن فيما بعد تندم علي اختيارك ليها.
هاشم بجديه
لا مش هندم يا بابا انا متأكد من مشاعري كويس جداً، واقولك علي حاجه انا هخلي ماما تروح تخطبهالي واللي يحصل يحصل بقي، بس مش هقول لماما حاجه علي موضوع رجل اميره ده وانا متأكد ان ماما لما تشوفها هتحبها جداً..
عبده
براحتك بس لو امك خربت الدنيا هناك انا ماليش دعوه انت المسؤل وانت اللي هتيجي علي دماااغك كل حاجه..
_وفي بيت اهل اميره كانت قااعده بتتغدي مع اهلها وقالت نرمين لمامتها..
نرمين
ماما انتي قولتلي لبابا ولا لسه علي موضوع عيد ميلام مريم صاحبتي انا لازم اروح النهارده
منال
اهو باباكي اهو وسمعك ويقولك هو بقي تروحي ولا لا انا ماليش دعوه..
محمد
بقولك ايه يا نرمين عايزه تروحي خدي حد من اخواتك معاكي يا مالك يا اميره..
نرمين بغيظ
نعم نعم يا بابا هو انا عيله صغيره عشان اخد معايا حد وبعدين لو اخدت كريم هيقولولي جايبه عيل صغير معاها ليه، ولو اخدت بنتك هيبقي شكلي مسخره قدااام صحاابي..
منال بحده
انتي اتجننتي يا بنت ازاي تقولب علي اختك كده، اقسم بالله لو ما اعتذرتي لاختك دلوقتي مش هتطلعي من البيت اصلا..
اميره بدموع
خلاص يا بابا هي معاها حق، اصلا العيب مش منها هي العيب من النااس اللي بتبصلي بطريقه مش كويسه بسبب حاجه انا ماليش دخل فيها. علي العموم انا مش زعلانه منك يا نرمين وعشان بابا ما يزعلش معلش انا هروح..
_قامت نرمين وهي مدايقه ودخلت اوضتها وراحت وراها اميره ولما شافتها نرمين زعقت فيها وقالت
نرمين
انتي ليه بتعملي كده ليه عايزه تفضحيني انتي عارفه صحابي لما هيشفوكي هيقولو عليا ايه، هيقولو جايبه اختها المعاقه معاها ليه؟..
اميره بدموع
كتر خيرك يا ستي وما تقلقيش انا هروح معاكي بس عشان خاطر بابا وهقعد في العربيه استناكي لحد ما تخلصي قعدتك في عيد الميلاد ونروح سوا..
نرمين
لو كان كده اوكي بس لو دخلتي يا اميره والله هعمل نفسي ما اعرفكيش انا مش ناقصه فضايح وانتي عارفه صحابي شكلهم ازاي مش ناقصه تريقه يعني..
اميره
اخلصي يا نرمين واجهزي مش هدخل والله يا ستي يلاا بس..
_وراحو فعلا عيد الميلاد وكانت اميره قااعده في العربيه بتذاكر في الورق بتاعها وركب السواق العربيه واداها قهوه وقال..
السواق
اتفضلي يا انسه اميره دي قهوه انا حيبت لنفسي وجيبتلك معايا ما تكسفنيش بقي بالله عليكي..
اميره
شكرا يا عمر ربنا يخليك، والله القهوه دي جات في معادها انا دماغي فعلا هتتفرتك وهموت وانام..
عمر
طيب نامي انا هقف بره لحد ما تيجي الانسه نرمين، ولا انتي نتشربي قهوه وهتخفي ولا ايه بالظبط؟..
ضحكت اميره وقالت
ههههه لا انا هشرب القهوه وهبقي تمام وخليك انت بقي قاااعد هنا بلاش تنزل الحو برد بره العربيه..
وفضلت اميره قاعده بتذاكر لحد ما ناامت علي نفسها فقلع عمر جاكيت بدلته وخلاها تتغطي بيه وبصلها بهدوء وقال..
عمر
لو تعرفي انا بحبك اد ايه يا اميره، بس اعمل ايه في الظروف اللي انا فيها دي، هي اللي مخلياااني بعيد عنك ومش عارف حتي اكلمك بالطريقه اللي اتمني اكلمك بيها وتعرفي اني بحبك، انا يدوب واحد شغال عندكم..
طلعت في الوقت ده نرمين من جوه وقالت
انت يا بني ادم تعالي افتحلي باب العربيه انت قااعد ليه اصلا جنب اميره كده جوه..
نزل عمر من جنب اميره وقال
لا ابداً اصل الانسه اميره نامت والجو ساقعه فقولت اغطيها بالجاكيت بتاعي..
نرمين ضحكت بسخريه وقالت
هههههه لا حلوه الحركه يا ابني فووق انت فين واميره اختي فين، انا عارفه كويس ان عينك منها بس اوعي تفتكر ان بابا هيرضي يخليك تتجوزها او خيالك يصورلك عشان هي معااقه هنرضي بيك تبقي بتحلم..
اتدايق عمر من كلامها وقال
لا يا انسه نرمين انا عارف الوضع اللي بيني وبينها كويس، وعلي فكره اختك ست البنات كلهم ويمكن انا اعجبت بيها لان عمري ما شوفت ولا هشوف بنت زيها وهي مش معاااقه علي فكره وياريت ما تقوليش عليها كده..
نرمين بحده
هو انت كمان هتقولي اقول ايه وما اقولش ايه ولا تحب اخد منك الاذن الاول ولا ايه قبل ما اتكلم انت نسيت نفسك ولا ايه..
صحيت اميره في الوقت ده ونزلت من العربيه وقالت
في ايه يا جماعه مالكم بتزعقو كده ليه، مالك يا نرمين في ايه؟..
نرمين بخبث
تحب تقولها انت ولا اقولها انا في ايه يا عمر، هاا اتكلم ولا القطه اكلت لسااانك؟..
عمر
لا اكلت لساااني ولا حاجه انا اسفلك يا انسه نرمين ممكن تتفضلي بقي عشان اوصلكم لاني اتأخرت علي بيتنا..
اميره
خلاص يا نرمين ما حصلش حاجه وحقكم عليا انتو الاتنين يلا بينا بقي يا نرمين احنا اتأخرنا لوحدنا وكده بابا ممكن يدايق..
_تفتكرو هيحصل ايه؟..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية ما يخفيه القدر)