رواية ما يخفيه القدر الفصل الرابع 4 بقلم رحاب القاضي

رواية ما يخفيه القدر الفصل الرابع 4 بقلم رحاب القاضي

رواية ما يخفيه القدر البارت الرابع

رواية ما يخفيه القدر الجزء الرابع

رواية ما يخفيه القدر الحلقة الرابعة

‏”وكان حزينًا، ولكنه أنيس الطلعة، وكان بائسًا، ولكنه سليم الصّدر، وكان في ضيق، ولكنه واسع الخُلُق”.
– الرافعيّ.
_وعدت فتره وفي يوم كان معزوم هاشم عندهم في البيت وقالت نرمين لاميره اللي كانت قاعده علي اللابتوب بتاعها..
نرمين
بقولك ايه يا اميره مالوش داعي تطلعي من اوضتك وتقعدي معانا لو عندك شغل يعني..
اميره
حاضر يا نرمين انا فعلا عندي شغل وعايزه انااام بدري مش فاضيه يعني يدوب هسام وادهل اوضتي تاني..
نرمين
وعلي ايه تسلمي هو مش جاااي هنا يعني عشان انتي تسلمي عليه، هو جاي عشااااني انا بس فخليكي وما حدش عيعتم انتي سلمتي ولا لا..
اميره
حاضر يا نرمين اللي تشوفيه، بقولك صح هو الفستان ده بتاعي مش كده..
نرمين
ايوه عاجبني ولبسته اصلا شكله فيا احلي منك، هبقي اديكي تمنه ما تزعليش اووي كده..
اميره
انا مش بتكلم في كده والله بس انتي معاكي حق هو فعلا احلي عليكي مني انااا واعتبريه يا ستي هديه مني ليكي..
نرمين
شكرا يا ميرووو وزي ما اتفقنا بلاش تطلعي انا عايوه اهتمام هاشم ليا لوحدي وانتي رغايه اووي ومش هتخلينا نعرف نقعد مع بعض.
اتنهدت اميره بحزن وقالت
خلاص يا اميره قولتلك مش هطلع والله، روحي شوفي ماما بتعمل ايه بس وساعديها عشان انا مش فاضيه.
_طلعت نرمين من عندها وبعد شويه جه هاشم وقعدو ياكلو وقال محمد..
محمد
اومال فين اميره يا منال ليه ما جاتش تتعشي معانا، انا من شويه ما شوفتهااش ومش عادتها يعني تقعد في اوضتها الفتره دي كلها..
منال
بتقول عندها شغل مهم ومش جعانه يا محمد ..
هاشم
لتكون مدايقه من وجودي ولا حاجه، والله لو كده هقوم امشي انا يا جماعه عايز احسن اني واحد. منكم مش غريب..
محمد
لا غريب ايه بس ده انت البيت بيتك، انا هروح اندهلها تيجي تتعشي معانا وهي مش هتقولي لا..
_ودخل محمد عند اميره ورجع وهي معاه وبصتلها نرمين بحده وقالت
نرمين
هو انتي مش قولتي انك مش جعااانه وعندك شغل يا اميره..
اميره
بابا جه بنفسه يقولي اجي اتعشي وما اقدرش اكسفه، ازيك يا هاشم عامل ايه واخبارك ايه؟..
هاشم
الحمد لله يا اميره، مبسوط اني شوفتك النهارده وياريت بلاش تاخدي مني موقف انا زي اخوكي الكبير برضو…
اميره
طبعا واكتر من اخويا كمان، بس انا كان عندي سغل مش اكتر علي العموم منورنا والله….
_وقعدت اميره جنب منال ونرمين خدت بالها ان هاشم كل شويه يبص لاميره ومش مهتم بوجودها هي جنبيه فقالتله بصوت واطي..
ترمين
هو انت جاااي عشااني ولا جاااي عشان اميره نزل عينك من عليها ما يصحش كده؟..
هاشم
ايه اللي انتي بتقوليه ده، اميره اختك وانا ببصلها عادي مش قصدي حاااجه يعني، ولا انتي غيراااانه عليا..
.
نرمين
طبعا مش خطيبي ومن حقي اغير عليك، وبعدين انا عارفه كويس ان اميره حلوه جدا واحلي مني كمان بس انا غيرها انا اللي هبقي مراتك وانت لازم تشوفني احلي واحده..
هاشم
انتي فعلل احلي واحده في نظري، وبعدين اختك اختي بطلي تفكىري كده حتي عشان اعرف اتعامل مع اهلك براحتي..
نرمين ابتسمت وقالت
براحتك طبعا بس انت خطيبي بقي ومن حقي اغير عليك من اي حاجه..
منال
احمم طيب نبطل كلام يا نرمين وتسبيه ياكل وبعد كده قوليلو اللي انتي عايزاااه براحتك..
_ضحكو كلهم وبعد ما مشي هاشم ودخلت نرمين عند اميره وقالتلها بحده
نرمين
انا مش فاهمه انتي امتي هتبطلي الحقد اللي انتي فيه ده امتي، عايزه تبيني لخطيبي انك اخلي. مني وتخطفيه مني زي ما واخده دلع وحنان بابا وماما عليكي لحجة انك معاقه..
اميره
انتي ايه اللي بتقوليه ده والله العظيم انا ما اقصد حاجه من كلامك ده، وبعدين بابا وماما بيعاملونا زي بعض هما يمكن بيخافو عليا بزياده شويه بس عشان وضعي والحاله اللي انا فيها، وبعدين يا نرمين انتي كبيره علي الكلام ده المفروض اللي يغير ويقول الكلام ده مالك. اللي بابا وماما مش بيعاملوه ربع ما بيعاملونا احنا..
نرمين بحده
شكل جو المحاضرات بتاعتك ده واكل دماغك وبتطلعيه عليا، بس للاسف هاشم شخص محترم ومش هيبصلك ولا هتعجبه واحده زيك ده. دكتور هيتجوز واحده بتعرج زيك..
اميره بدموع
انتي مش كويسه يا نرمين انتي فاكره ان كلامك ده مش بيزعلني لا عبي فكره انا بزعل وبعيط الليل كله في كل مره تقللي مني فيها او تتنمري علي رجلي..
نرمين بغضب
اخرسي خاالص انتي هتضحكي عليا ولا ايه، بس علي فكره انا عمري ما اشفقت عليكي وكفايه بقي تشحتي حب الناس ليكي برجلك دي لان كل اللي بيتعامل معاكي كويس بيكون شفقه مش اكتر..
_سابتها اميره وراحت اوضت مالك اخوها وفرشت علي الارض ونامت وهي بتعيط، وبعد شويه حست بمالك اخوها قعد جنبيها وقال..
مالك
يوووه هي نرمين تزعلك وانتي تيجي تزعجيني هنا..
اميره
خلاص يا مالك انا اسفه مش هعمل صوت تاني روح نام بقي وسيبني في حالي..
مالك
لا مش هسيبك ما هو حالك هو حالي برضو، بقولك ايه انا جايب كيسين اندومي ومكمرهم من ماما في الشنطه تيجي نعملهم ونشغل كرتون نتفرج عليه..
اميره
يا نهارك مش فايت هي وصلت انك عايزنا نعمل اندومي، طيب يا استاذ يا صغنن انت ما تعرفش ان الاندومي من غير عصير موز باللبن جنبيه بيقي مش حلو خالص مالص..
ضحك مالك وحضنها وقال
انتي بجد احلي واحسن اخت في الدنيا، ما تزعليش من نرمين هي مهما كانت اختنا برضو واحنا لازم نتحملها شويه، وهانت وهتتجوز وهنبقي انا وانتي لوحدنا في البيت..
اميره بدموع
والله يا مالك انت احن عليا من الدنيا دي كلها برغم انك صغير بس كلامك بيطبطب عليا وانت الوحيد اللي بتاخد بالك من زعلي، عارف يا واد انا لو لقيت واحد زيك كده علي كبير انا اللي هروح اتجوزو..
مالك بحمااس
عمر السواق بتاعنا انا بحبه وهو زيي او انا بقلده فعشان كده بقي هو زيي وكمان بابا وماما بيحبوه وبيحب الاهلي زينا، ايه رئيك بقي تتجوزيه..
اتوترت اميره وقالت
بطل لمااااضه وطلع الاندومي وتعالي ورايا علي المطبخ لحد ما اعمل العصير وبالراحه كده في الخباااثه احسن حد من سكان اهل المنزل يحسو بينا ويقفشونا.
مالك بصوت واطي
اشطا يا بااااشااا اتفقنا يلا بينا..
_وعدت الايام وكان فاضل تقريباً اسبوعين علي فرح نرمين، وفي يوم كانت اميره رايحه الجامعه ومعاها عمر اللي بيوصلها وقالها بهدوء..
عمر.
الف مبروك للانسه باسمين يا دكتوره اميره عقبال ما نفرح بحضرتك..
اميره بتوتر
شكرا يا عمر وعقبالك انت كمان..
عمر
انا كنت عايز اقولك حاجه يا دكتوره اميره، انتي طبعا عارفه اني متخرج من كلية الهندسه بس ما كنتش لاقي شغل الفتره اللي عدت، والحمد لله ربنا اكرمني بوظيفه كويسه في شركه كبيره وبمرتب كويس.
ابتسمت اميره وقالت
طيب كويس جدا انت ابن حلال يا عمر وتستاهل كل خير، استني معني كده انك خلاص هتسيب الشغل معايا هنا مش هتيجي توصلني تاني..
عمر
اهي دي بقي الحاجه الوحيده اللي انا ما اقدرش اعملها، انا ايوه هسيب الشغل بس انا كل يوم هاجي اوصلك الجامعه وفي واحد صاحبي انا قولت عليه للاستاذ محمد هيجي ياخدك..
اميره بضيق
خلاص يا عمر ما تتعبش نفسك مدام هيجي واحد يشتغل يبقي ركز انت في شغلك اهم انا مش هقبل اني اعطلك او انك تقصر في شغلك وانت لسه بتبدأ بسببي يعني.
عمر
ومين قالك كده بقي ده انا بتلكك اصلا عشان اجي اوصلك واشوفك كل يوم، وما تتوتريش وتتكسفي انا كل الحكايه بس اني بسبشر خير كل ما اشوفك يا دكتوره اميره..
_. اتوترت اميره فعلا وما ردتش عليه وبعد ما خلص اليوم رجعت البيت لقيت هاشم قاعد لوحده في الصاله..
اميره
ايه ده انت هنا يا هاشم وانا اقول البيت منور ليه يا جوز اختي، اومال فين ماما ونرمين؟..
هاشم بصلها بحزن وقال
مامتك جوه بتعملي حاجه اشربها ونرمين دخلت تغير هدومها رايحه تختار الفستان والقاعه والحاجات دي لو تحبي تعالي معانا يا دكتوره اهو تاخدي خبره ولا انتي مش راضيه تتجوزي برضو، ولا الرفض كان ليا انا بس..
اتوترت اميره وقالت
انا هدخل استعجلك نرمين وخلي بالك منها واعملها اللي هي عايزااه اوعي تزعلها..
_طلعت في الوقت ده نرمين وبصت لاميره بهدوء وقالت..
نرمين
ايه ده انتي بتوصيه عليا، شكرا يا ستي هو فعلا محتاج حد يوصيه عليا..
هاشم
والله ظلماني هو انا بقول حاجه غير حاضر ونعم وبسمع الكلام، علي العموم يلا بينا عشان هنتغدي سوا الاول قبل اي حاجه..
طلعت منال من المطبخ وقالت
انت رايح فين ده انا عملتلك النسكافيه اهو يا ابني، استني اشربه الاول وكمان اميره عامله كيك حلو جيبتلك منه..
مسك هاشم ايد نرمين وقال
معلش يا طنط مره تانيه والله هقعد وهدوق الكيك وكل حاجه بس وقت تاني عشان اليوم لسه طويل وبنت حضىتك هتطلع عيني النهارده..
نرمين
يا سلام بقي انا مطلعه عينك يا دكتور هاشم..
هاشم
يا حبيبتي تطلعيها براحتك علي قلبي زي العسل، يلا يا جماعه بعد اذنكم…
قال كلامه واخد نرمين ومشي ومنال قالت
بسم الله مشاء الله عليهم ربنا يحميهم من العين اختك اتعلقت اووي بيه يا اميره والولد كويس وابن نااس عقبالك يا قلبي لما افرح بيكي انتي كمان وبمالك اخوكي وقتها هقول يارب انا كده مش عايزه حاجه تاني من الدنيا واروحله وانا مرتاحه ظظ
اميره
بعد الشر عليكي يا ماما واحنا فرحتنا بوجودك انتي وبابا معانا، هدخل انا اغير هدومي وهاجي اجهز معاكي الغدا واحكيلك علي يومي النهارده..
_وعدت الايام واتجوزت نرمين وهاشم، وفي يزم كانت رايحه اميره للجامعه واول ما ركبت العربيه لقيت عمر فيها مكان السواق.
اميره
عمر انت هنا.. وفين احمد وبعدين انت فينك بقالي فتره كبيره ما شوفتكش من يوم فرح نرمين وانا ما اعرفش عنك حاجه..
عمر
بقولك ايه يا دكتوره اميره هو انتي عندك. مشكله لو اتجوزنا وعشنا مع بابا واختي في شقه كبيره بس هما يبقو معانا اصل بصراحه انا مش عايز اسيبهم لوحدهم وانتي عارفه الظروف وو.
قاطعته اميره وقالت بتوتر
حيلك حيلك يا حج انت ايه اللي بتقوله ده، جواز ايه وبتاع انت اكتر واحد عارف اني رافضه الموضوع ده…
عمر بهدوء
طيب ممكن تهدي وخلينا نروح مشوار مهم الاول وبعدين اسمع ردك بس اهدي وخليكي واثقه فيا.
_تفتكرو بقي عمر واخدها فين؟..
ــــــــــــــــــــــــ

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية ما يخفيه القدر)