رواية خلف الظلام الفصل الخامس 5 بقلم أروى اسماعيل

رواية خلف الظلام الفصل الخامس 5 بقلم أروى اسماعيل

رواية خلف الظلام البارت الخامس

رواية خلف الظلام الجزء الخامس

رواية خلف الظلام الحلقة الخامسة

وصلت البيت و خبطت و لقيت شاب فتحلي و قال: مين حضرتك.
خالد: انا خالد سيلف مرفت كنت محتاج اقابلها ضروري.
عبدالرحمن:سلف ميرفت انت خالد صح ميرفت حكتلي عنك كتير و كنت متشوق اشوفك اهلا بيك اتفضل
خالد:يااه للدرجاتي ميرفت كانت متعلقة بيا فيها الخير حقيقي نعم الاخت و حضرتك مين.
عبدالرحمن: انا ابن عمها اسمي عبد الرحمن و ممكن تقولي ي عبدو عشان الصراحه حبيبتك.
خالد: حبيبي ي عبدو بس انا مشوفتكش قبل كدة خالص كنت مسافر ولا ايه.
عبدالرحمن: ااه كنت مسافر بتدرس برا و كدة.
خالد: ااه ربنا يوفقك ي حبيبي هي ميرفت فين.
عبدالرحمن: بتلبس بس و هتطلع دلوقتي.
قعدت منتظر ميرفت و اتكلمت مع عبد الرحمن شوية لحد ما لقيت طنط اللي طلعت و قالت: خالد انت هنا ي ابني فينك وحشني ي حبيبي ايه اخبارك عامل ايه بقى كدة طول السنين دي متسألش على مامتك التانية ي حبيبي.
خالد: والله حضرتك كمان وحشاني ي امي و كان نفسي اجي اشوفك بس حضرتك عارفة ظروفي و الحالة اللي كنت فيها بس اهي جت الفرصة اني اجي و اشوفكو .
عليا: عارفة ي حبيبي ظروفك بس قولي صحيح ي واد بطلت ولا لسة .
خالد: الحمد الله ي امي بطلت من خمس سنين و اتخرجت و اشتغلت كمان .
عليا: ما شاء الله ي حبيبي طب الحمد الله ايه بقى الفرصة اللي جابتك هنا عشان تقابل ميرفت .
خالد: يونس حفيدك ي امي منصور حجزه في الدار اللي شغال فيها و الولد حكالي على كل حاجة و زعلان عشان والدته مجتش تزوره و قال انها متعرفش انه في الدار ف جيت افهم الموضوع عشان خاطر افرح يونس.
عليا: والله فيك الخير ي خالد عن منصور اخوك ميرفت حالتها تقطع القلب حقيقي و مش راضية تقابل حد و انا خايفة دماغها تضيعها و ترجع تاني للسموم اللي ما صدقنا خلصنا منها.
ميرفت: و مين قالك ي امي اني هرجع و او حتى افكر مجرد تفكير في كدة الاول كان معنديش سبب اعيش دلوقتي ابني محتاجني ولا ايه ي خالد.
خالد: طبعا ي ميرفت يونس محتاجك اوي و منصور مش حاسس بكدة انا جيت عشان افهم ايه اللي وصل يونس لكدة .
ميرفت: اخوك فلس ي خالد دماغه ضيعته و بقى بيسهر هنا و هنا لحد ما ضيع فلوسه الكلام ده من سنة اخر ما غلبت معاه قولتله انا عايزة ارجع مصر طبعا مكنش موافق بس فضلت ازن عليه لحد ما وافق و رجعنا قعدنا طبعا مع حماتي بس برضو متعدلش كنا راجعين بمبلغ صغير ضيعه و سجل يونس في مدرسة حكومية قولت مش مهم المهم انه يكمل تعليمه و مفيش سنة تضيع عليه و من هنا حياتي اتقلبت فوق على تحت و للأسف حد من اصحاب السوء اللي بلغت عنهم زمان بتوع المخدر شافني هناك و طلع بيوزع بس معرفش ازاي و فين محطتش ف دماغي و لكن هوة حط في دماغه.
خالد: علوان ي ميرفت اللي شوفتيه ولا محمود .
ميرفت: علوان ي خالد للأسف و خلي ابنه يصاحب ابني و يقنعه ياكل بطاطا يونس كان بيجي يحكيلي بس كنت بقوله ممكن من حبه فيك ف ابقى كل مرة و ياريته ما سمع كلامي علوان كانت بيخلي ابنه يشتري اتنين و يبدل واحدة منهم بواحدة فيها مخدر و لما اكتشفنا الامر كان فات الاوان و السم دا انتشر في جسمه و اخوك لامني و طردني.
خالد: طيب و مصير بتاع البطاطا كان ايه .
ميرفت: لما بلغنا عنه مكنش ليه ذنب و حكى انه كان في واحد بيتردد عنده كتير و ووصف للشرطة و من هنا اتعرفت عليه و اتقبض عليه و بيتحاكم .
خالد: طيب بصي دلوقتي يونس عندي في الدار و محتاج يشوك و انا اللي متابع الحالة بس منصور ميعرفش و حتى يونس ميعرفش انه عمه انا جيت بس اقابلك عشان انتي اختي و من واجبي اطمنك على ابنك و دا رقمي ابقي اتواصلي وقت ما تحتاجيني هكون عندك و دا عنوان الدار تيجي في اي وقت تقابلي يونس و لو عايزة تيجي تقابليه دلوقتي تعالي بس زي ما اتفقنا محدش يعرف اني جيت و قابلتك اتفقنا.
ميرفت: اتفقنا ي خالد بس مش هترجع لاهلك بقى مامتك بتتعذب كل يوم و محتاجة تشوفك .
خالد: مش دلوقتي ي ميرفت اديكي شوفتي اول ما حصل مشكلة منصور عايرك بماضيكي ازاي انا مش قادر لسة اواجه حد فيهم.
عبد الرحمن: عايرك ازاي ي ميرفت منصور قالك ايه بالظبط قولي و انا اروح اجيب حقك منه حالا.
ميرفت: مش مهم ي عبدو انت مسافر برا و مشوفتهوش غير مرتين بلاش مشاكل و خالد رجع و انا واثقة انه هيجبلي حقي.
عبدالرحمن: حقيقي مش فاهمك ي بنتي انتي بتثقي في اخو جوزك اكتر من ابن عمك .
ميرفت: مش القصد والله ي عبد الرحمن بس انا عارفة انه خالد مش متهور و مش هيعمل مشكلة اما انت متهور ي عبده متزعلش مني بس انت كدة من صغرك و مش عايزة ادخل في موال اخاف عليك منه انا و خالد بالفعل دخلنا فيه .
عبدالرحمن: ماشي ي ميرفت اللي تحبيه ربنا ييسرلك حالك.
روحنا انا و ميرفت الدار و لقيت الدنيا هادية على عكس عادتها و لقيت احمد جاي عليا ملهوف و بيقول………………….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية خلف الظلام)