رواية خلف الظلام الفصل السابع 7 بقلم أروى اسماعيل

رواية خلف الظلام الفصل السابع 7 بقلم أروى اسماعيل

رواية خلف الظلام البارت السابع

رواية خلف الظلام الجزء السابع

رواية خلف الظلام الحلقة السابعة

أحمد:لاء مفيش وقت تفكر ي عم خالد احمد في اول الطرقة و داخل علينا انت روح مكتبك و انا هقابله بس سرع.
ميرفت:طب و انا هعمل ايه.
خالد:هوة ايه اللي هتعملي ايه هتقابليه عادي انتي ام ابنه و جاية تطمن عليه عادي .
ميرفت:بس ي خالد.
أحمد:مفيش بس ي أستاذة ميرفت خالد معاه حق و انت ي خالد امشي يلا قبل ما يوصل و يشوفك.
سمعت كلام أحمد و مشيت قبل ما يوصل بس كنت خايف من ردة فعله لما يشوف ميرفت و يحصل مشكلة في الدار و قدام يونس حاولت اشيل اي ذرة تشاؤم من دماغي بس مقدرتش و فجأة لقيت نفسي رايح ناحية غرفة يونس و ببص عليهم من بعيد من غير ما حد ياخد باله و سمعت صوت منصور بيقول:انتي ايه اللي جابك هنا مش كفاية لحد كدة ضيعتي ابنك عايزة ايه تاني جاية تضيعيني معاه .
ميرفت:ضيعته بقا دي اخرتها ي منصور بعد ما كنت معاك على الحلوة و المرة و حتى وقت ما كنت بتسهر و تسيبني انا و يونس مكنتش بقول لوالدتي حاجة اخرتها ضيعته و هضيعك هانت عليك العشرة.
منصور:قال عشرة قال مين اللي هان عليه العشرة ي هانم انا لما اتجوزتك وعدتيني انك مش هتقربي للزفت دا تاني و انا للاسف صدقتك و اول ما قولتي انك حامل قولت اهو دا سبب كافي يخليكي مستحيل ترجعي بس للاسف كسرتي ثقتي و رجعتي انا مش مصدق حوار البطاطا ده من اوله لاخره ولا علوان اللي قال ايه بينتقم دا كله حوار عشان تخرجي نفسك و خلاص .
كنت مصدوم من كلام منصور و حقيقي انا اللي اتجرحت مش ميرفت ازاي يتهمها بحاجة كبيرة زي كدة للدرجاتي مش واثق فيها كان هاين عليا اروح اتخانق معاه على الكلام المقزز اللي بيقوله ده بس اللي منعني انه اخويا الكبير في و الاول و الاخر و اللي صدمني فعلا لما ردت ميرفت عليه و قالت:يااه للدرجاتي انت شايل مني ي منصور و مش مصدق حتى كلامي طب بص ي ابن الناس انا مش بتاعت قيل و قال و ياريت ننهي بالمعروف زي ما دخلنا بالمعروف احتراما للعشرة اللي بينا او على الاقل عشان ابننا و نفسيته.
حقيقي كنت متفاجأ من ردها حقيقي ولاد الاصول بيبانو في الخصام و الفراق كبرت في نظري اوي .
أحمد:أستاذ منصور ايه اخبار حضرتك اسف اتأخرت عليك بس ده معاد دوا يونس كان بياخده حضرتك تقدر تدخله دلوقتي و حضرتك كمان ي استاذة ميرفت لو عايزة تدخلي ليه مرة تانية مفيش مشاكل.
ميرفت:لاء انا هروح و هبقى اجي اشوفه بكرة تاني عشان يرتاح كمان .
كنت متأكد انه دا هيكون رد ميرفت و خصوصا انه هي خلاص طلبت الطلاق و مش هتقدر تمثل انها تمام قدام يونس دي عادتها من زمان قررت اروح اكلمها و اعرض عليها اوصلها و منها اكون مطمن عليها انها مع والدتها و قولت:انا سمعت الحوار اللي دار بينك انتي و منصور .
ميرفت:شوفت اخوك اتغير ازاي ي خالد و بقي اناني و مش بيهمه مشاعري ولا زعلي ينفع اللي قاله ده .
خالد:أكيد لاء ي ميرفت هوة غلطان و غلطان جدا كمان بس اعذريه ابنه دلوقتي محجوز بين اربع حيطان و ليه معاد انه يشوفه ف صعبة عليه .
ميرفت:يعني صعبة عليه و مش صعبة عليا ي خالد دا انا بتقطع اكتر منه .
خالد:عارف والله بصي انتي اهدي و متخديش كلامه جد و بلاش فكرة الطلاق دي عشان يونس و نفسيته حتى.
ميرفت:هحاول بس موعدكش انت عارف اخوك مستفز ازاي و جرحني جامد بكلامه .
خالد: ي ستي انا أسف بالنيابة عنه بس اضحكي كدة الدنيا مش مستاهلة .
ميرفت:والله انت اللي مهون عليا اليومين دول ي خلود .
خالد:يااه تصدقي مسمعتش الاسم دا من خمس سنين انت الوحيدة اللي كنتي بتناديني كدة و حشني اوي.
ميرفت:ادي الزمن مر و اتقابلنا تاني اهو ي عم و هناديك زي ما تحب دا انت اخويا .
خالد:طب يلا عشان اوصلك لطنط هتقتلني بسبب تأخيري ليكي كدة.
—————————امام باب المستشفي——————————————-
منصور:يعني ي استاذ احمد ابني بقي افضل ولا ايه طمني.
أحمد:ااه والله بقي افضل كتير متقلقش عليه .
منصور:طب الحمد الله هستأذن انا عشان عندي مشوار مهم و تليفوني بيرن .
أحمد:تمام ي فندم .
منصور:ايوة ي امي خير رنيتي عليا.
سناء:ايوة ي حبيبي انت فين كدة مستنياك عشان نتغدى سوا.
منصور:معلش ي امي اتغدي انتي و بابا عشان عندي مشوار مهم دلوقتي.
سناء:بس ي حبيبي انت قولت معندكش مشاوير النهاردة.
منصور:جه فجأة ي امي الاستاذة ميرفت راكبة العربية مع راجل غريب ماشي وراهم اللي بتقولي مصونتش العشرة قال.
سناء:طب ي حبيبي اهدى بس كدة ليكون حد من قرايبها متتعصبش من غير ما تعرف عشان متوبظش الدنيا اكتر.
منصور:طيب ي ماما سلام بس عشان انا على طريق .
وصلنا انا و ميرفت البيت و طنت عزمت عليا اتغدى عندهم و قعدت و فجأة و احنا بنتغدى الباب خبطت و ميرفت قامت تفتح و لقيت صوت راجل بيزعق و بيقول:كنت راكبة مع راجل العربية ي هانم ده مين ده .
ركزت في الصوت لقيته صوت منصور اخويا و معرفتش اتصرف ازاي و …….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية خلف الظلام)