رواية فعلتها لأجل أبي الفصل الثالث والثلاثون 33 بقلم هدير عبدالعليم

رواية فعلتها لأجل أبي الفصل الثالث والثلاثون 33 بقلم هدير عبدالعليم

رواية فعلتها لأجل أبي البارت الثالث والثلاثون

رواية فعلتها لأجل أبي الجزء الثالث والثلاثون

رواية فعلتها لأجل أبي الحلقة الثالثة والثلاثون

آلاء بتوتر : حضرتك طلبت تقابلني؟!
العميد بهدوء: أنتِ متوترة ليه!؟
آلاء بتوتر : أنا مندهشة إن حضرتك طلبت تقابلني بس.
العميد بتشويق : تفتكري ممكن أكون عايزكِ ليه؟!
آلاء التوتر بيزيد : فعلاً مش عارفة .
العميد : دكتور فارس قالك حاجة؟
آلاء بسرعة : والله ابدأ و رافض يقولي من أول ما جيت وحتى فى الفون رفض يقولي .
العميد بفخر : أقدر أكون أول واحد يقولك مبروك يا أشطر دكتورة, متأكد إنك هتكوني معيدة شاطرة و مجتهدة زى ما كنتِ طالبة شاطرة و مجتهدة.
آلاء بتقوم من مكانها و بتقول بدهشة: الكلام ده بجد ؟!!
فارس : اه لكن أنا حلفت إني مش هقول حاجة, العميد كان حابب يعرفك بنفسه .
آلاء بدموع : بجد مش عارفة أقولكم أيه ؟!
فارس بفخر : متقوليش أى حاجه أمضي على ورق إستلام التعيين الرسمي .
آلاء بتاخد الورق و بتقول بدهشة: دا ورقي فعلاً أنا كنت مقدمة من سنة بس محصلش نصيب و الورق اترفض.
العميد : رزقكِ هتاخديه فى الوقت المناسب و فى المكان المناسب إللى ربنا مقداره ليكِ هتاخدي رزقك كامل لا ناقص ولا زيادة الرزق ده إللى لازم نطمن وبلاش نفكر فيه كتير لان ربنا اسمه الرزق.
آلاء بهدوء و شكر لربنا : حقيقي الحمد لله ان ربنا هو ربنا, شكراً جدا.
فارس : كده نقدر نقول ل أستاذ معاذ.
آلاء: هو فين.
فارس : قال أنه قاعد فى كافتيريا الجامعة
آلاء بسرعة و بسعادة : هروح أقوله بعد إذنك يا دكتور لأنه متوتر من امبارح معايا.
فارس : أنا جاي معاكِ.
آلاء لسه خارجين من عند العميد و معاذ فى وشي : أنت مش فى الكافتيريا .
معاذ : مقدرتش اقعد خوفت عليكِ قولت استني هنا أحسن أول ما تطلعي أكون جنبك.
آلاء بدموع فرحة و حضن لمعاذ : حبيبي, أختك معيدة رسمي .
معاذ بدموع و سعادة و بيشيلها :بجد؟! بجد؟!!! الحمد لله.
آلاء بسعادة: الحمد لله ربنا كريم أوى.
معاذ بسعادة: الف مبروك يا حبيبتي.
آلاء: الله يبارك فيك يا زيزو , هطلع اخلص ورق من فوق و اجيلك .
فارس : أنا هنا هقعد مع معاذ .
آلاء: خلاص تمام شكراً يا دكتور عارفه إني تعبتك معايا.
^^
آلاء بعد ما خلصت الورق : أيه ده دا أنتوا لسه قاعدين مع بعض ؟!
فارس بضحك : آمال معاذ طلع حد جميل خالص.
آلاء: مش أخويا لازم يكون جميل .
معاذ بكسوف : الله يخليكم.
آلاء: معاذ يلا يا حبيبي علشان نروح ونفرح بابا .
معاذ : يلا.
فارس بيقول ل معاذ : أوعى تنسي إللى قولتلك عليه.
معاذ : عيب عليكِ ان شاء الله مش هنسي.
آلاء بسرعة وعصبية: معاذ عيب دا دكتور مش صاحبك .
فارس بحب : لا هو صاحبي وأنا مش دكتور .
آلاء بضحك : أطلع منها يعنى؟!
معاذ بضحك : أنا بقول كده برضو.
آلاء: ماشي يا عم الزوز.
^^فى المواصلات ^^
آلاء باستفهام: مش عايز تقولي دكتور فارس كان عايز أيه ؟!
معاذ بغيظ : لا دا سر .
آلاء بعصبية: سر عليا؟!!
معاذ : بصراحة…

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية فعلتها لأجل أبي)