رواية بالصدفه بحب الفصل الأول 1 بقلم نوران أحمد

رواية بالصدفه بحب الفصل الأول 1 بقلم نوران أحمد

رواية بالصدفه بحب البارت الأول

رواية بالصدفه بحب الجزء الأول

رواية بالصدفه بحب الحلقة الأولى

شهد : اسكتي بقا يا وليه بقا مش عايزاني اتجوز سيبيني انطلق في فرح العقارب ده جايز استنفع بحاجه
سميحه : اقعدي جنبي يا مقصوفه الرقبه مش ناقصه فضايح يخربيتك والله اعمل معرفكيش ولا بنتي ولا اعرفك
شهد : عادي يا اما ما انتي طول عمرك متبريه مني بس الناس كلها عارفه اني بنتك ايوه يا حجه انتي معرفتيش تربي سيبي ايدي بقا خليني انطلق الله اي الخانقه دي هستقبل المعازيم بس
سميحه : بت اتلمي الفرح مهم وفيه ناس من جنسيات كتير وجوز بنت عمتك مهم مش عايزين فضايح بقا اسكتي
وقفت شهد قدام باب القاعه
شهد : نغم اي الحلاوه دي لا تديلي رقم دكتور الاسنان بقا لا واي شكل القرش جري معاكي
نغم : الله اكبر في عينك يا شيخه ارحمي شويه ده انتي اي ده
شهد : بت لقيتي عريس ولا لسه يا بت مشيت عادي نشوف غيرها اوبااا شجره الكريسماس جت اي ده ده انتي اتغيرتي خالص الدكتور فعلا غيرك يا لولو
لولو بفرحه : شوفتي حلو ازاي تعبت علي ما جبته بقولك مشوفتيش شباب حلوه تفتكري هينبهرو بالفستان
شهد : ينبهرو اي ونيله اي اتكلي علي الله مش فاضيه للعته ده يا اختي قال حلو قال
لولو : يا باي عليكي ده انتي حقوده اوي اسكتي كدا اتهدي بقا شويه يا شيخه يخربيتك
شهد : خدي يا بت يا نبيله اي البلطو اللي انتي لابساه ده يخربيتك هتفضحيني
نبيله : لا وانتي الصادقه ده روب بقولك اي فكك مني وحلي عني
شهد : شوفو البت مشيت ازاي انا حاسه والله اعلم ان مفيش حد طايقني …. خد واد يا عمي انت عارف انت داخل فين وفي فرح مين ولا جاي بالبدله وخلاص
محمد : اتلمي شويه وبطلي قله ادب …. الا صحيح هو ده فرح مين
شهد : مش بقولك روح يا عم شوف انت رايح فين هي ناقصه زهايمر ….. يا حج يا حج دار المسنين مش هنا ولا دي بردو المستشفي يا حجوج
محمد : اسكتي دول اهل العريس يخربيتك
شهد : وانت افتكرت دلوقتي يا خويا اي ده انت واقف جنبي ليه شوف انت رايح فين اه ياني علي حلوتي وشياكتي وفستاني الحلو …. يا حماااده واد يا حماده يا مهندس يا ابن عمتي يلي داخل تشقط علي حبيبتك حنان وهعرفها
حماده : لا لا شهوده حبيبتي اي الجمال ده
شهد : اي الجاكته اللي انت لابسها دي لا ده انت كدا عوده لزمن الديسكو بقا من يوم ما سبت الوليه امك وانت بتحلو ياض
حماده : شوفتي بقا بقولك اي خدي بالك حسن خطيبك سابقا جاي ومعاه المزه بتاعته استعدي بقا
شهد : فكك يا واد احنا جامدين اوي ومبنتهزش لاااا بقولك اينشتاين ده اللي معدي
حماده : لا وانتي الصادقه شكله متكهرب قبل ما ييجي هسيبك بقا سلام
شهد : خد يا خد هنا انا صحيح معرفكش بس مش معقول اي البلوفر اللي انت لابسه ده يا جدع ده بيحطوه في الشارع عشان الحوادث بصو الواد بصلي بقرف كدا ليه عمتي اي الفرو ده ها دبحتي حيوان اي ولبستيه
العمه عبير : ده تري جانتيه انتي اش فهمك انتي
شهد : لا وانتي اللي فاهمه ما شاء الله عليكي بصي في واحد بيحشش وراكي يا عمتي
عبير : بطلي تبصي علي الناس وبصي علي نفسك يا اختي عديتي ال 25 ومش لاقيه عريس ولا نيله بصي للي حوليكي جدعه لقتك واحد متريش مش زيك هنفرح بيكي امتي
العمه سناء : شهد حبيبتي اي الحلاوه والجمال ده بس اي ده ايده لسه مفيهاش دبله بس برافو شكلك تعبه نفسك اوي في الشغل ايدك ناشفه اكتر من الرجاله بس ان شاء الله ربنا يرزقك باللي يطريهالك كله بعد الجواز بيتظبط بكرا نفرح بيكي يا حبيبتي زي بنتي ولا صحيح صعب تلاقي عريس زيه بس اي حد بقا ينفع اوحش منك واتجوزو امتي نفرح بقا بدخلتك
شهد بضيق شكل العقارب كلها عملولي كمين : احم طبعا يا عمتو ان شاء الله نلحق قبل خرجتك وشك عجز اوي يا حبيبتي لا لازم تهتمي بنفسك شويه عن اذنكم
سناء : شوفتي بنتك قليله الادب يا سميحه انتي معرفتيش تربي خالص ولا اي يا عبير
عبير : اقول اي محمد ابني نفد بجلده كان هياخد مقلب هدي اوعي تكوني بتفكري فيها لابنك
سميحه بغضب : انا هربيها حقكم عليا هنديها وهزقها قدامكم كمان
ندت علي شهد اللي اول ماخلت قالت : مساء الخير يا جماعه ايوه انا تخنت ولسه مش عارفه اخليكو تفرحو بيا مبفكرش في الجواز وبحب امشي علي حل شعري ومش هنفع اكون زوجه لابنك يا طنط هدي وعارفه انه ابن حلال وعنده شقه واسعه بس انا مش وش نعمه عن اذنكم
فضلت امها محروجه
شهد : بت يا مديحه شكلك عره خالص علي المناسبه دي خدي يا بت العيال بيهربو مني ليه الله بت يا ندي مش معقول اللي انتي لابساه ده مين وداكي في داهيه وعملهولك
راندا : اتهدي شويه وبطلي قعدتك مع عماتك بقيتي زيهم يخربيتك اتلمي وتعالي اقعدي معايا
حسن بستهزاء : اي ده متوقعتش اشوف وشك هنا يعني خصوصا بعد ما سبتك مش مكسوفه
شهد : وانا اتكسف ليه اللي سابته القرعه تاخده ام الشعور يا حبيبي فاكرني ببكي علي الاطلال عليك بلا وكسه يا شيخ ابكي علي حاجه عدله مثلا راجل مثلا بس الحمدلله ربنا عوضني بحبيبي وسحبت ايد حد من الموجودين …
حسن : وده عرفتيه امتي ده وليه محدش اتكلم انه أتقدم ليكي عايزاني اغير مثلا ف بتعملي الحركات دي
شهد : هو اجنبي مثقف عنده شركات وزي ما انت شايف كدا حليوه عضلات شياكه وكفايه انه راجل ايدك اوعي تسلم عليه لتتعاص رجوله وانا بخاف علي حبيبي اوي ولسه بنرتب مع بعض شكل خطوبتنا قريب اوي هتتعذمو
ميار حبيبه حسن بضيق : يلا يا حسن قلينا نفسنا مع اللي يسوا واللي ميسواش
شهد : اه ميار حبيبه قلبي مخدتش بالي انك موجوده يمكن عشان اللي معاكي مش بيقدرك ورايح يتمحك في حبه القديم تفتكري مش قادر ينساني بصراحه اتقل من قيمتك جامد باللي بيعمله ده خدي حبيبك من قدامي بدل ما أقل منكم انتم الاتنين
مشي حسن وميار
راندا : يخربيتك اي اللي عملتيه ده هيتجوزك ازاي
شهد : اللي سحبته ايدي بقا اعملك اي وبعدين شكله اجنبي مبيفهمش حاجه زيه زي الحمير اللي موجودين هنا مش هيضر لو استغليته شويه وبعدين في اكتر من حجه اقدر اخلع بيها من حوار الجواز ده اي يا خواجه واقف مبتسم كدا ليه كانك فاهم يلا يا حبيبي اتكل علي الله
سحبها رامي وقربها منه بابتسامة : بما انك استغليتيني ومشيت معاكي في مسرحيتك جه دوري ولازم استغلك مش كدا ولا اي يا حلوه
راندا وشهد بصدمه : نهار اسود انت مصري
وكدا تكون خلصت حلقتنا استنونا في بارت جديد مع السلامه
بقلمي نوران احمد مليجي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بالصدفه بحب)