رواية بالصدفه بحب الفصل الثاني 2 بقلم نوران أحمد

رواية بالصدفه بحب الفصل الثاني 2 بقلم نوران أحمد

رواية بالصدفه بحب البارت الثاني

رواية بالصدفه بحب الجزء الثاني

رواية بالصدفه بحب الحلقة الثانية

راندا : بص يا باشا انا معرفش البت دي اصلا مليش دعوه سلام يا قطه البسي بقا
شهد وربنا لانفخك يا عره بتبيعيني وقالت بلا مبالاه : ايوه نعم عايز اي يعني مش فاهمه اي المشكله
رامي : ولا شي ضيعتي وقتي المهم في حوار عبيط مع الاكس مش ملاحظه انك محتاجه تديلي تعويض
شهد : تعويض اي يا ابو تعويض اه طب يا سيدي شكرا فسح حبه كدا بقا الأوكسجين يا بابا ابعد
رامي بخبث : استني عندك هنا مش قولتلك زي ما استغلتيني لازم استغلك افتكري ان ليا واحده
شهد : يا خبر ابيض اي اللي بيحصل هناك ده يا كابتن
بص رامي في الاتجاه اللي شاورت عليه داست علي رجله بقوه وطلعت تجري
رامي بوجع : اه يا بنت ال وربنا لاوريكي وابتسم وقال رجب اجمعلي معلومات عن الهبله دي
رجب : تمام يا باشا العربيه مستنيه حضرتك بره زي ما طلبت
رامي بابتسامه : لا القاعده احلوت اوي شويه وهنمشي
طلع رامي علي المسرح
رامي : الف مبروك للعروسين طبعا بس انا طالع اتكلم عن حبيبتي اتقابلنا كتير وحبينا بعض جدا بس للاسف هي زعلانه مني دلوقتي عشان كدا حبيت أقف قدام الكل واقولها قدامكم بحبك متزعليش مني يا حياتي
وقرب اكتر لشهد اللي فاتحه بقها بصدمه وباس ايدها وغمز ليها ومشي
بعد اسبوع في بيت متوسط
إحسان بضيق : ده حتي انا جايه علي السمعه والله نادر ابني طول عمره عايش بره بحكم شغله بقا انتي عارفه يا سميحه عرض عليا كتير اجي معاه بس انتي عارفه الوحد كبر ومش حمل تنطيط بيجيلي مره في السنه مبيكملش شهر
سميحه : ربنا يديكي الصحه انتي منورانا
إحسان : هي بنتك اقصد يعني يا شهد بتشتغلي وشغلك مهم عندك ولا لا اصل ابني عايز اللي تخدمه وتخدم عياله وأمه بلا شغل بلا مرقعه ولا اي يا سميحه
سميحه : طبعا طبعا شهد مبتحبش الشغل وباباها بيخاف عليها اوي لا بتحب الخروج والمجي ولا حاحه بتحب قاعده البيت بس طول عمرها هاديه ومؤدبه غير أخواتها خالص
إحسان : انا نادر ابني ناوي يشيل علي طول هو شهر واحد يتعمل فيه الخطوبه وكتب الكتاب والفرح علي قد إجازته
شهد : هو ابنك جاي يشتري كيلو بطاطس اي يشيل دي يا وليه الملافظ سعد مش كدا وبعدين انا بحب الشغل ومش عايزه اتجوز دلوقتي دوريلك علي واحده تانيه تبيعو وتشترو فيها شكرا يا بابا شكرا يا ماما علي قله القيمه دي ومشيت
بعد ساعتين
شهد : يا حج خرجني بقا عيب كدا انا مش عيله صغيره تحبسني بالشكل ده عشان واحد معاق ذهنيا مش عارف بيقول اي ومشي
شهاب بغضب : مفبش زفت خروج الناس كلت وشي وبهدلوني احنا بتوع حب وصحوبيه يا شهد انا بنتي تعمل كدا وتفضحني قدام اللي يسوا واللي ميسواش انا امشي مش عارف ارفع وشي وابص للناس تنزلي راسي بالشكل ده
شهد بحزن : ما عاش ولا كان اللي ينزل راسك ارفع راسك في وش التخين بنتك بميه راجل خليك واثق فيا انت اللي مربيني علي الدين والصح والغلط مستحيل اعمل عمايل المراهقين دي
سميحه : يا حج راندا جايه تشوف شهد ادخلها ولا اي
فتح شهاب الباب ومشي
راندا : اي اللي حصل ده ده انتي اتنفختي رسمي
شهد : اشوف بس وشه العره ده تاني والله لفضحه وابهدله اصبري عليا
رندا : بصراحه بعيدا عن انه فضحك في العيله وخلي شكلك زباله بس الولد حلو اوي وشيك وجان كدا انا حبيته والبنات كلها بدأت تحقد عليكي بعد الكلام اللي قاله
شهد بضيق : يا شيخه بلا هم حلو اي وزفت اي متعصبينيش انا دمي محروق ومش هسيب حقي هنفخه
راندا : فكك منه وقوليلي عرفتي ابوكي انك لازم تسافري عشان السبق الصحفي
شهد : لسه بحاول معاه اني اخرج الاول بس تفتكري هعرف اعملها المره دي
راندا : طبعا يا بنتي بس تفتكري مين اللهو الخفي اللي الناس كلها عايزه تعرفه ده
شهد : هنكتشف مع بعض المهم نعرف كم معلومات عن الصفقه الجديده بتاعته دي هناخد من بعدها فلوس تعيشنا اسبوع في حته تانيه بدل القهر اللي الواحد فيه ده
راندا : اييييو قهر قد اي انتي لوكل بجد
شهد : اه انا بيئه يا بنت عم شرفنطح ومسكت الشبشب ورزعته في وشها غوري يا بت من وشي
راندا : ربنا علي الظالم والمفتري تستاهلي كل اللي ابوكي عمله ده من حقه يوئدك وطلعت لسانها وجريت
شهد بصوت عالي : ابابااااااا احجووووج واد يا بويا ياااض
شهاب بعصبيه : عايزه اي يا بنت ال مش طايق اسمع صوتك
شهد : انا بس يا
شهاب : لا ومسمعش صوتك لأسبوع قدام انتي فاهمه
شهد : انت لسه عرفت انا عايزه اي يا راجل هجيبلك فلوس اسمع
شهاب : مش عايز حاجه من وشك ولا يعني لا مفيش نقاش اتخمدي
وقفل الباب
بعد 3 ساعات
شهد : استعنا علي الشقا بالله كدا شنطه هدومي جاهزه فاضل اعرف ازاي انط من الشباك رن الفون .. ايوه يا رندا واقفه مستنيه بره نزله نزله عارفه ان في طياره هتضيع مش هتاخر علي طول سلام …. اي الصوت ده ده مش صوت بس ده صهد في ضهري لفت .. احيه حجوج والله كنت هقولك اي الدخان اللي طالع منك ده اهدي بس و هقولك
وبعد 5 دقائق
في العربيه
رندا : يادي ام الزهق هفضل مستنيه كتير ده اي ده في اي البت بتجري كدا ليه
شهد وهي بتنهج : اطلع بسرعه تخلصي هنتقفش جريت رندا بالعربيه بخوف
راندا : اي الحوار مين الناس اللي كانت بتجري وراكي دي لحقتي تعملي مصايب
شهد : ده ابويا جمع رجاله تمسكني وفلسعت بصعوبه ابويا ده طلع صايع بشكل مسمعش كلمه عارفه انه غلط وحرام وميصحش والله يعين اهلي عليا اخلصي سوقي وانتي ساكته
ركبو الطياره ونامت شهد لحد ما وصلو
راندا : ما تيجي نروح اكتر كافيه بيتواجد فيه الهدف المطلوب جايز نلاقيه ونستفيد اي حاجه وقريب من هنا اصل انا جعانه اوي بصراحه
شهد : كنت عارفه انتي مبتفكريش غير في كرشك ده قدامي
رندا : اوبا بت يا شهد مش ده الواد اللي عملك حوار وفضحك وسط عيلتك شكله حاجز مكان كله وبيتقدم لواحده
شهد بابتسامه خبث : ايوه هي دي فرصتي للانتقام
كان رامي واقف بابتسامه ومعاه طقم الماس : انا بحبك تقبلي تتجوزيني
شهد وهي بتلبس الخاتم وواقفه قدامه : طبعا يا حياتي موافقه اخيرا يا حبيبي اعترفت بعد حب سنين
بدأت الناس تحتفل وتفرح وتصور
كارما : بصراحه يا رامي كنت خايفه جدا تكون عامل الحوار ده عشاني لاني بحب كريم وكنت مكسوفه اعزمك علي فرحنا يوم الخميس
رامي بضيق وهو بيحضن شهد وبيوشوش ده انا هطلع عين اهلك : لا طبعا اكيد مكنتش هتقدملك دي حب حياتي
شهد بانتصار : متبقاش تلعب معايا يا حلو عشان متزعلش
رامي : انتي غبيه ومتعرفيش ورطتي نفسك في اي يا حماره
جمال : واخيرا فرحت بيك يا ابني وبالمناسبه العظيمه دي انا جبت الماذون عشان نكتب الكتاب
شهد بصدمه : نننننعم يا خويا كتب كتاب اي
ومن بعيد كانت رندا بتضحك علس الورطه اللي دخلتها صاحبتها
أتقدم الماذون لكتب الكتاب وفجاه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بالصدفه بحب)