رواية بالصدفه بحب الفصل الثالث 3 بقلم نوران أحمد

رواية بالصدفه بحب الفصل الثالث 3 بقلم نوران أحمد

رواية بالصدفه بحب البارت الثالث

رواية بالصدفه بحب الجزء الثالث

رواية بالصدفه بحب الحلقة الثالثة

شهد : جواز مين يا ابو الصحاب لحد هنا وبره عني معطلكش اجري يا بت خلينا نخلع ده اي العالم المنخوليا ده يا اختي
رندا : اقفي بقا مش قادره ضحكت ضحك عليكي صحيح من حفر حفره لاخيه
شهد : يلا يا اختي علي الفندق وبطلي ضحك عشان مخبطكيش علي وشك
عند رامي
كارما بستهزاء : اي ده هي سابتك بسرعه كدا شكلك وحش اوي معلش زي ما بيقولو بقا خيرها في غيرها
مسك رامي الميك وابتسم : معلش يا شباب لحد هنا والحفله انتهت زي ما انتم شايفين العروسه اتكسفت واتخضت اول ما لقت الماذؤن اصل حبيبتي بتتكسف اوي ان شاء الله قريب هعزمكم علي الفرح نورتو
بصتله كارما بضيق ومشيت
كارم وهو بيضحك بعد ما الناس مشيت : دلقتك دلقه يا معلم عالميه شكلك كان وحش اوي وخصوصا قدام الصفره اللي بتحبها
رامي بغضب : انا تعمل فيا كدا مسيري اشوفها وهنفخها انا تقل مني
كارم : اهو من بعض ما عندكم يا برنس مش عملت كدا معاها وبعدين هي انقذتك بصراحه من ام اربعه واربعين اللي بتحبهالي دي مش عارف علي اي
رامي : مكنتش مصدق إزاي امبارح بتحبني وجايبه معايا الخاتم وعارفه بالحفله اللي هعترف بحبي ليها وتعمل كدا
كارم : يا عم قولتلك دي تبع سالم وانت عارف بيحب يحرجك إزاي الحرب اللي بينكم مش هتخلص شكلها علي خير عشان بس تبقا عارف طول عمري بقولك فكر في اللي حواليك كويس ومتامنش
رامي : كل اللي شاغل تفكيري الجزمه اللي خدت الخاتم وجريت دي
ابتسم كارم
في قصر كبير
صفعه قويه نزلت علي وشها
كارما بدموع : بتضربني بقا بعد ده كله بتضربني وعشان اي ها رامي
سالم بغضب : عشان غبيه قولتلك توقعيه في حبك وتحرجيه قدام الكل معرفتيش تعملي اي حاجه
كارما : انا متأكده انه كان بيحبني جدا كمان وبعدين حاولت احرجه بس لحق نفسه مش ذنبي المهم يا روحي اني بحبك انت مش هو هنتجوز امتي بقا مش وعدتني
سالم بضيق : مش بقولك غبيه انتي فاكره ان انا ممكن ابص لواحده زيك يا بت اخرك فلوس ارميها في وشك مقابل خدماتك غير كدا متحلميش ومن النهار ده مشوفش وشك هنا تاني يا حراس خرجو الزباله دي بره
اتصدمت كارمه وقالت بغيظ : هندمك صدقني هندمك يا سالم
تاني يوم في الفندق
شهد : انتي يا زفته بت قومي بقا مش كل 5 دقائق هصحيكي يا مصيبه انتي اخلصي ورنا شغل
رندا بنعاس : مش قادره بجد بطني وجعاني اوي وعايزه انام سيبيني بقا
شهد : ما هو من اللغ طول الليل اخلصي في سبق صحفي بيضيع ومستقبلي كمان بيضيع معاه يلا
رندا : فكك مش هتحرك مش قادره انتي اي مبتحسيش يا شيخه
شهد : استغفر الله العظيم طيب مفيش قدامي غير حل واحد لو جيتي معايا هاكلك اللي انتي عايزاه
رندا بفرحه : بجد فريره وهكون جاهزه ها اوعي تمشي من غيري
شهد : ما هو بسبب كرشك ده فلوسنا قربت تخلص ولسه محققناش المطلوب مننا
رندا وهي بتلبس : مش مشكله نبيع الخاتم بتاع الواد الحليوه ده شكله غالي اوي وبكدا هنقدر نقعد وناكل ونخلص المطلوب مننا شوفتي سهله إزاي متعقدهاش
بصت شهد علي الخاتم وسرحت : لا اكيد لو هشحت مش هبيعه ده مش بتاعنا اصلا عشان نعمل كدا هستناكي تحت
رندا : متبقيش بارده بقا خلينا ناكل قبل ما نروح اي مكان مش هنتاخر صدقيني
شهد : يا شيخه ارحميني بقا الشغل وبعدين اي حاجه تاني وبعد …. اي المنظر ده لا لا متقوليش انك هتعيطي بس عشان الاكل اووووف شوفي انتي عايزه تروحي فين
رندا : انتي تعرفي انك بيستييييي اوي بجد بحبك يلا في مطعم قريب من هنا لفت انتباهي يلا
دخلو مطعم وقعدو وطلبو
شهد : مش ده بيتر انتيم شركه الحجر الأسود اللي بندور علي معلومات عنه ودايما معاه بصي خليكي هنا اما اروح احاول اخد اي معلومه تمام خليكي مكانك
رندا وهي بتاكل : استني مش هتاكلي بصي بصي مش ده الواد بتاع الحفله والخاتم قاعد هناك اهو وفي حواليه كميه مزز بيحاولوا يلفتو انتباهه فظيعه ده مش بيلفت انتباهك لحاجه ولا حاسه باي حاجه ها ها ها
شهد وهي بتلبس الكاب : مش فاضيه لسخافتك عن اذنك يا قطه سلام
اتسحبت ومشيت وري بيتر وقف في مكان وبدا يتكلم مع شخص
بيتر : بالضبط صفقتنا تتم علي خير ما يرام استطاع اطبائنا بالمختبر صنع تلك الماده التي طلبتها انه نوع من المخدر في القريب العاجل سنضيف المخدر داخل منتج الشركه ولن يشعر احد بتغير المنتج والجميع بالفعل يثقون بشركتنا وخصوصا شركه الحجر الأسود ولن يستطيع احد كشفنا بالتأكيد
بدات تفتح الفون وتصور وتسجل بهدوء ولاحظت رجاله كتير جايين حواليهم
بيتر : بالطبع لقد استطعنا ان نختبر المخدر علي بعض الحثاله بعض عمال شركتنا لا تقلق يا سيدي لقد جمعنا عنهم المعلومات فقراء وليس لديهم أقارب او عائله تبحث عنهم بعض مغتربون حثاله ….. نعم بالفعل اثر ذلك المخدر عليهم وخلال كام يوم ذهبت روحهم الي الجحيم وحملنا جثثهم للتشريح ولم يتم إثبات وجود أي ماده غريبه داخل الجسد تؤدي الي وقوف القلب وبعض الخبراء ظنو حقا انه قد يكون هناك مرض جديد بدون علاج وفي القريب العاجل سيملا البلاد ولكن بعد اختبار بسيط اخير لصنع المصل بالطبع
اتصدمت شهد وشافوها بعض الرجاله
بيتر بغضب : ألم تأمنو المكان جيدا ايها الأغبياء احضروها الي هنا الان
بدأت شهد تجري بخوف وكتبت لرندا : ( لو شوفتيني في اي مكان انتي متعرفينيش انتي فاهمه نتقابل في الفندق )
خافت رندا جدا بعد ما قرات الرساله : ربنا يسترها عليكي دخلتي نفسك في مصيبه اي بس يا ربي الأحسن اني اروح استناها في الفندق
بعد شويه من الجري والناس وراها دخلت المطعم اللي كانت فيه مع رندا وقعدت قدام رامي علي التربيزه
شهد : انت كدا أمور يعني فرحان بنظرات البنات عليك يا خويا
رامي : اه خليكي في حالك ي انتي تاني ده انتي يومك معايا مش هيعدي هاتي الخاتم
شهد : اقفل زراير قميصك ونزل كم القميص وسيب اللي بتقراءه وبتلفت بيه نظرات البنات ده الاول انت بتعمل كل ده بجد عشان تعجب البنات
رامي بابتسامه : ايوه بعمل ده فعلا ومبسوط بنظراتهم اي اللي مضايقك انتي
شهد بتوتر : مش متضايقه طبعا هتضايق ليه أن شاء الله بس من وقت ما لبستني الخاتم كا دبله وانا ليا حق عليك نسيت انك خطبتني قدام الناس يا حلو
رامي بضيق : هاتي الخاتم ده حالا بدل ما اكلم الأمن ولا تحبي تتسجني
شهد باستفزاز : هديهولك اكيد بس اعتذر مني الاول يلا بسرعه خلصت نفسك يا باشا
رامي بابتسامه : لا والله وانتي فاكره الموضوع هيعدي كدا مش هعتذر وهتجيبي البتاع ده قدامي وسحبها بقوه بره المكان واول ما فتحو الباب لقو رجاله بيتر اتصدمت شهد ووسعت عيونها ونبضات قلبها اتسارعت وفجاه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية بالصدفه بحب)