رواية عمياء وسط الذئاب 2 الفصل الخمسون 50 بقلم محمد طه

رواية عمياء وسط الذئاب 2 الفصل الخمسون 50 بقلم محمد طه

رواية عمياء وسط الذئاب 2 البارت الخمسون

رواية عمياء وسط الذئاب 2 الجزء الخمسون

رواية عمياء وسط الذئاب 2 الحلقة الخمسون

_نور بثقه_
الباشا الكبير واحد فيكم إنتم الاتنين..
لأن بكل سهوله.. غلط لما قلع القناع قدامي
(وتقلع نور النضاره وتصدم الدكتوره وسمير..
إنها بتشوف وتبص للدكتوره وسمير)_
والدكتوره وسمير يبصوا لبعض..
ومش مصدقين إن نور بتشوف)_
_(وتدخل الظابط نوره ومعاها قوه من العساكر.. وتوجه السلا،ح على سمير)_
_(وتدخل أم محمد تقف قدام شاكر إبنها
عشان ما حدش يأذيه)_
_الظابط نوره_
نزل سلا،حك يا سمير.. وسلم نفسك
_نور_
بعد إذنك يا حضره الظابط..
أنا عندي معلومات مهمه..
عن القضيه اللي حضرتك شغاله فيها
_نوره_
وحضرتك تبقي مين
_نور_
أنا نور ممدوح.. وبتهم الدكتوره سناء..
برئاسه شبكه إجراميه للمتاجره بالج،نس..
والأعضاء البشريه
_(الدكتوره بدأت الدموع تتجمع في عينيها..
ومصدومه ومش مصدقه..
إن نور توجهلها إتهام زي ده)_
_الدكتوره بدموع_
أنا يا نور.. أنا يا نور.. طب إزاي
_(الظابط نوره تشاور ل أتنين..
من العساكر عشان يمسكوا الدكتوره)_
_الظابط نوره _
بس الأدله اللي عندي كلها ضد سمير
_نور بثقه_
وأنا بأكد لحضرتك ان الدكتوره هي الباشا الكبير
_الظابط نوره_
حتى لو كلامك صحيح..
سمير متهم في جرائم قت،ل..
يعني كلكم هتشرفوا معايا في القسم..
واللي عنده حاجه يقولها هناك
_(سمير ينزل سلا،حه ويحطه في وسطه)_
_الظابط نوره_
لأ..حضرتك هتسلمنا السلا،ح
_سمير بنظره صقر مع إبتسامه_
لأ مش هينفع أسلمك سلا،حي..
(ويطلعلها كارنيه ويوريه ليها)
(الظابط نوره بسرعه تنزل سلا،حها..
وتقدمله التحيه العسكريه)
_نوره_
تمام يا أفندم
_نور بإستغراب_
هو أنت مين
(سمير يقرب شويه من الدكتوره..
والدكتوره منهاره وغرقانه في دموعها)
_سمير بنظره إنتصار_
أنا إبن البلد دي يا نور..
أنا شغال على القضيه دي من زمان يا نور..
وكانت مهمتي إني أجيب الراس الكبيره..
(ويقلع الدكتوره البالطو الأبيض..ويكمل كلامه)
البالطو ده مش على مقاسك ولا لايق عليكي..
البدله الحمرا هي المناسبه ليكي..
(ويتكلم بجديه وصوت مخيف)
كان في بنت أخدتيها من قدام النادي.. هيا فين
(والدكتوره غرقانه في دموعها ومش قادره تنطق)
_شاكر بخوف_
ف.ف.ف.ف.في الغرفه السريه
_سمير بنظره لشاكر_
وأنت بقى مع مين
أم محمد بخوف_
والله يا باشا إبني ما عمل حاجه..
ولا ليه دعوه بأي حاجه
_سمير_
التحقيقات هتبينلنا كل حاجه..
(ويقرب من الدكتور اللي جاي مع نور)
ما تعرفناش بحضرتك
_نور_
دا الدكتور اللي عملي العمل،يه..
وكان عينيا اللي بشوف بيها..
طول الفتره اللي كنت مخطو،فه فيها..
لأن كان لازم أمثل عليهم إني عميا..
وعلى فكره هو اللي جا هنا المستشفى وعالجك
(سمير يروح يلبس الدكتور البالطو الأبيض)
_سمير_
البالطو الأبيض ده من حقك أنت..
(ويمد إيده عشان يسلم عليه)
أنا مش هقولك شكرا.. عشان ده واجبك..
بس هقولك ربنا يكتر من اللي زيك
(ويبص للظابط نوره)
بلغي المخبرين اللي عند النادي إن المهمه إنتهت (ويطلع تليفونه ويتصل بسمر)
أيوه يا سمر هاتي نهله وتعالي المستشفى..
المهمه إنتهت
_سمر_
حاضر يا أفندم..
بس أبعتلنا إسعاف تاخد ج،ثه البنت اللي معانا دي
_سمير_
إيه اللي حصل
_سمر_
حاولت تن،تحر وللأسف نجحت..
وأنا ما لحقتهاش
_سمير_
هبعتلك قوه عشان يرفعوا البصمات
(ويقفل معاها)
_الظابط نوره_
هيا سمر بتشتغل مع حضرتك
بقلم…محمد طه
_سمير_
سمر في نفس رتبتك يا حضره الظابط..
والظابط اللي كان نبطشيه في القسم..
في ليله الهروب يبقى جوزها..
وكان عارف بعمليه الهروب فقط..
عشان ما يشتبكش معانا..
وإنتي قمتي بدورك على أكمل وجه..
مبروك الترقيه مقدما
_الظابط نوره_
الله يبارك في حضرتك يا أفندم..
إحنا كلنا في خدمه الوطن.. وبعدين أنا عملت إيه حضرتك اللي قفلت القضيه..
وبعدين أنا كنت حاسه ان القضيه دي مش بتاعتي كنت كل أما أوصل لحاجه الاقيني ما وصلتش لحاجه
_سمير يقف قدام الدكتوره _
المهم في النهايه وصلنا لراس الحيه..
(ويعلي صوته)
لبسيها الأساور يا حضره الظابط وخديها من قدامي
(الدكتوره وهي خارجه تبص لنور)
_الدكتوره بدموع_
مش أنا يا نور.. مش أنا يا نور
(وبعد خروج الدكتوره)
_أم محمد بدموع_
مستحيل الدكتوره تأذي حد..
بقى ده جزاء المعروف يا نور..
أنا مش هسيب الدكتوره..
وهقوملها أكبر محامي في البلد
(وتخرج تجري ورا الدكتوره)
_سمير_
شاكر.. إنزل مع العساكر الغرفه..
وسلمهم البنت اللي فيها
_شاكر_
حاضر يا أفندم
(ميري وهي خارجه)
_ميري بلهفه على أختها_
أختي فين يا نور.. عملتو ف أختي إيه يا نور..
مش هسيبك يا نور إنتي وسمر.. مش هسيبكم
(بعد خروج ميري)
(سمير يقرب من نور ويبص في عينيها)
_سمير بشوق_
عينيكي حلوه أوى يا نور..هوا فيه جمال كده
_نور تتكسف وتغير الموضوع_
هوا علي فين.. أنا ليا معاه عتاب كبير أوي..
كان فين لما نهله اتبهدلت وحصلها اللي حصلها ده كله أنا مش هسامحه.. ده أنا كنت مطمنه على نهله..
عشان هو جنبها..
(وتبص لسمير وشاكر تلاقيهم بيدمعو)
_نور بخوف_
هوا علي فين.. ردوا عليا..علي فين..
(وتصرخ بصوت عالي كله دموع)
علييييييييييييييييييي
(وسمير ياخدها في حضنه)
_سمير بدموع_
الله يرحمه.. إحنا إحتسبناه عند الله شهيد
_نور بدموع_
كان نفسي أشوفه..الله يرحمك يا علي..
مسامحاك يا علي.. أنا آسفه يا علي
(مع دخول نهله وسمر..
ونور تجري على نهله وتحضنها)
_نهله بدموع وفرحه_
نور إنتي بتشوفي
_نور بدموع_
وحشتيني أوي يا نهله
_نهله بدموع_
علي ما،ت يا نور.. قت،لوا علي يا نور..
بس أنا جبت حقه.. أنا جبت حقه يا نور
_نور بدموع_
وأنا جبتلك حقك يا نهله..
ورميتلك هبه في الزباله.. تاكل وتشرب وتنام فيها
(سمر تحط إيدها على كتف نور)
_سمر بحب_
حمدلله على السلامه يا نور..
وحمدلله على سلامه رجوع النور لعينيكي
(نور تبص لسمر وهي حاضنه نهله)
_نور_
الله يسلمك يا سمر.. قصدي يا حضره الظابط..
ما إنتي وسمير باشا بصراحه فاجئتونا كلنا
_سمير_
على فكره أنا كنت هقولك وإحنا راكبين الطياره ومسافرين على ألمانيا بس قولت..
أخليهالك بعد ما تعملي العم،ليه..
وعلى فكره داليا أختي ما كانتش تعرف..
إني دخلت كليه الشرطه أصلا..
هسيبكم أنا بقى دلوقتي..
عشان أروح أبدأ التحقيقات عشان أقفل القضيه..
يلا يا سمر
_نور_
أستنى يا سمير باشا
_سمير بجديه_
إيه سمير باشا دي..
لو إتقالت تاني هفسخ الخطوبه..
(ويبتسم) وهخطب جدتك
_نور بشوق_
جدتي.. جدتي وحشتني أوي
_سمير يطمنها_
إطمني أنا كنت متابعها..
ولما كنت عيان ولما كنت محجوز في القسم.
سمر كانت متابعاها
_سمر_
والحق يتقال.. الدكتوره هي كمان كانت متابعه..
جدتك.. وبزياده كمان
_نور بحيره_
الدكتوره وهيا خارجه.. دموعها محيراني..
مش عارفه دي دموع مظلومه..
ولا دموع ندم ولا دموع خوف
_سمير_
أكيد دموع ندم وخوف..
المهم إنت وقفتيني ليه.. كنت عايزه إيه
_نور تبص للدكتور_
أكتبلو يا دكتور رقم التليفون اللي سبناه في الفيلا (وتبص لسمير)
الفيلا دي اللي إحنا كنا مخطوفين فيها..
هتلاقي فيها أكبر تجمع جن،سي..
وهتلاقي هناك فهد الدراع اليمين للدكتوره
_سمير بجديه_
سمر حددي موقع التليفون ده بسرعه..
وأتصلي بالإداره وجهزي حمله بسرعه..
_سمر_
تمام يا أفندم
(وتاخد الرقم وتخرج بسرعه)
_سمير_
شاكر.. قول لأمك تبعد عن الدكتوره..
عشان ما تتاخدش في الرجلين
_شاكر_
حاضر يا باشا
_سمير_
وأنت يا دكتور.. أستلم إداره المستشفى دي..
لحد ما أتواصل مع المسؤولين عن المستشفى..
عشان يعينوك رسمي..
أنت تستاهل أكتر من كده كمان
_الدكتور_
تحت أمرك يا باشا
_سمير_
إحنا كلنا تحت أمر الوطن وخدمه الوطن
(ويشاور لشاكر والدكتور)
خلوا بالكم من نور ونهله..
(ويسيبهم ويخرج)
_نور بشوق_
وحشتني قوي يا هبله..
وحشني هبلك وجنانك ومقالبك
_نهله بحزن_
علي راح وأخد معاه كل حاجه حلوه
_نور_
ربنا يرحمه ويصبرك ويعوضك باللي زيه..
بس تعرفي كان نفسي أشوفه
_شاكر بإستعجال_
أنا
(نور ونهله يبصوله بإستغراب)
_نور_
أنت إيه
_شاكر بلخبطه_
أنا ممكن أخليكي تشوفي علي
_نهله بلهفه_
إزاي..إزاي والنبي يا شاكر
_شاكر_
هجيب تسجيلات قديمه من على الكاميرات..
لما كان علي هنا في المستشفى..
وبكده نور تقدر تشوفه
_نور بإستعجال_
إعمل كده بسرعه.. أنا بجد نفسي أشوفه
__(بعد ساعات)__
_تم تحديد مكان الفيلا..
وتم القبض على أكبر تجمع جن،سي..
لكن للأسف فهد قدر يهرب ولم يتم القبض عليه
بقلم…محمد طه عبد المجيد
__________________________
__(بعد أسبوع)__
_(عند جده نور)_
_أم محمد_
شوفوا بقى يا جماعه.. من غير مقدمات..
وأنا عارفه إن الوقت ممكن ما يكونش مناسب..
بس الخير والحلال ما يتأجلش..
أنا عايزه أخطب نهله لأبني شاكر
(نور تبص لنهله ونهله تهزلها راسها بالموافقه)
_نور تبص لشاكر_
وأنا مش موافقه.. إحنا نروح كلنا نزور علي..
ونقرأ له الفاتحه.. وتطلبوها منو
_شاكر بإبتسامه_
ما فيش قول بعد قولك يا نور
(نور يترسم على وشها الحزن..
وتسرح وكأن ضميرها مش مرتاح)
_جده نور_
مالك يا نور جدتك..من ساعه ما رجعتي..
وإنتي زعلانه والتفكير والسرحان واخد كل وقتك
_نور بحزن وحيره_
مش عارفه يا جدتي.. حاسه إن ضميري مش مرتاح حاسه إني ظلمت الدكتوره..
بس أنا شوفتها لما كانت خطفاني..
قلعت القناع قدامي.. ومستحيل يكون حد شبهها
_شاكر_
أنا كمان يا نور..
لحد دلوقتي مش مصدق ومش قادر أقتنع..
إن الدكتوره هيا اللي كانت مشغله الناس دي
_أم محمد_
أنا أعرف الدكتوره من زمان أوي..
عمرها ما أذت حد..
كانت بتساعد اللي ما تعرفوش قبل اللي تعرفه..
أنا مش عارفه أنتو ليه منعتوني إني أقوملها محامي
_شاكر_
بقولك إيه يا نور..
كان فيه سر كده بيني وبين الدكتوره..
وكانت مأكده عليا ما أقولش لحد
_نور بإهتمام_
سر إيه يا شاكر
_شاكر_
كان فيه هارد مع الدكتوره..
وقالتلي إنه بتاعها وإنها نسيت الباسورد بتاعه..
وكانت عايزاني اشغله
_نور_
عادي يا شاكر أي حد ممكن ينسى الباسورد..
إيه السر في كده يعني
_شاكر_
السر في كده إن الهارد ده مش بتاع الدكتوره..
لأنه لو كان بتاعها كانت هتبقى عارفه..
إن الهارد عليه برنامج حمايه..
أي باسورد غلط هيدخل على الهارد هيفرمته..
وأي برنامج هيحاول يخترق الباسورد..
برده الهارد هيتفرمت
_نور_
الهارد ده فين
_شاكر_
معايا.. أنا أخدته من مكتب الدكتوره..
بعد ما أتقبض عليها
_نور بعد تفكير_
وإحتمال يكون بتاعها..
(ومسكت نور الهارد وفضلت تبص فيه وتقلب فيه فتره كبيره لحد ما شافت حاجه غريبه في الهارد)
_نور_
شاكر شوفلي كده إيه ده
_شاكر_
دي زي ما يكون ورقه صغيره جدا
(وبدأ شاكر يحاول يطلعها بإبره من الهارد..
وطلعها بصعوبه جدا)
_شاكر_
دا مكتوب فيها تاريخ ميلاد
_نور_
يبقى هوا ده الباسورد.. يلا شغله بسرعه
(شاكر دخل تاريخ الميلاد..
وبالفعل الهارد أشتغل..وبدأ يقلب فيه)
_شاكر بقرف_
دي كلها فيديوهات جن،سيه..
_نور_
تسلم الهارد ده لسمير..
عشان يقبض على كل الناس اللي فيه
_شاكر_
أستنى يا نور..
فيه فيديو ف فولدر لوحده مالوش دعوه بالج،نس
(وبدأوا كلهم يتفرجوا على الفيديو..
والفيديو كان واحده والده طفلين توأم)
_أم محمد_
دي تبقى أم الدكتوره.. وده يبقى جوز أمها
_نور بتفكير_
ومين الطفلين دول
(نور بعد تفكير تتصل بسمير)
_نور_
لو ملف قضيه الدكتوره قدامك..
طلعلي تاريخ ميلادها
_سمير بعدم فهم_
عايزه تاريخ ميلادها ليه نور
_نور_
هقولك بعدين.. وعايزاك تخليني أقابل الدكتوره
_سمير_
حاضر يا نور.. تعالي المكتب في أي وقت..
وهخليكي تقابليها
(وبالفعل تاريخ ميلاد الدكتوره..
كان هو الباسورد بتاع الهارد)
_نور بإستعجال_
أم محمد..إنتي وشاكر تروحوا المستشفى بسرعه وتدوروا في الأرشيف أنا عايزه..
أعرف أسامي الطفلين دول
بقلم…محمد طه عبد المجيد
__________________________
_(في القسم مكتب سمير باشا)_
_نور_
قوليلي يا دكتوره..
الهارد اللي كان ف مكتبك بتاعك
_الدكتوره بحزن_
لأ مش بتاعي
_نور_
بتاع مين
_الدكتوره_
أنا لقيته في الغرفه السريه
_نور_
إنتي عارفه إن الباسورد بتاع الهارد ده..
كان تاريخ ميلادك
_الدكتوره بغضب_
هوا إنتي مش شيلتيني قضيه..
إيه جايه تشيليني قضيه تانيه
_نور بتجاهل لكلام الدكتوره_
إنتي ليكي إخوات
_الدكتوره بغضب_
فيه إيه يا نور.. إنتي عايزه توصلي لإيه بالظبط
_نور تكرر سؤالها_
إنت ليكي إخوات
_الدكتوره_
لأ ماليش أخوات..
وللأسف كنت بعتبركم أخواتي
_سمير بغضب _
نور أنا لحد دلوقتي مش فاهم حاجه
_نور بثقه_
الدكتوره بريئه يا سمير
_سمير بإنفعال_
القضيه خلصت يا نور.. وكلها أيام وهيتحكم فيها
_نور_
شاكر.. شغل الفيديو..
(وتبدأ نور تشرح الفيديو)
دي تبقى أم الدكتوره.. وده جوز أمها..
ودول طفلين توأم.. الدكتوره وأختها..
بس للأسف دورنا في أرشيف المستشفى..
ما لقيناش أي حاجه عن أختها.
لا شهاده ميلاد ولا شهاده وفاه..
(وتبص للدكتوره)
أختك هيا الباشا الكبير
_سمير بإنفعال_
نور.. إزاي تبقى أختها..وإنتي بتقولي..
إن ملهاش لا شهاده ميلاد ولا شهاده وفاه..
يعني أختها ملهاش وجود أصلا
(عسكري يخبط على الباب ويدخل)
_العسكري_
في واحد بره يا باشا..
وبيقول إنه عايز حضرتك ضروري
_سمير بإنفعال_
مش فاضي.. أطلع بره
(والشخص اللي بره يدخل قبل العسكري ما يطلع)
_نور_
ده فهد
_فهد_
أنا عارف مكان الباشا الكبير..بس ليا طلب
(سمير لسه هيتعصب عليه نور تشاورله يهدى)
_نور_
إيه طلبك يا فهد
_فهد يبص لنوره_
حضره الظابط نوره..
هيا تبقى رئيسه الحمله اللي هتروح تقبض على الباشا
(نور تبص لسمير وتهزله راسها إنه يوافق)
_سمير يبص لنوره_
أكتبي الطلب عشان أمضيلك عليه..
(ويبص لسمر)
حضري قوه بسرعه
(ويبص لفهد)
فين بقى الباشا
_فهد_
في المزرعه.. في مكان تحت الأرض..
ولازم نروح بسرعه قبل ما يهرب
بقلم..محمدطه عبدالمجيد
___________________________
__(في المزرعه)__
_كلهم راحوا المزرعه.. وفهد فتح باب النفق..
اللي بينزل على الفيلا اللي تحت الأرض..
وأول ما فهد فتح الباب..
كان الباشا طالع عشان يهرب
(الباشا والدكتوره وجهه لوجه..
والدكتوره تمد إيدها وتقلعها القناع..
وكانت شبه الدكتوره نسخه منها بالظبط)
_الدكتوره بدموع_
إنتي مين
_الباشا_
أنا أختك يا سناء
_الدكتوره بغضب ودموع_
أنا مليش أخوات.. ولو ليا أخوات..
(تشاور على نور وسمير وشاكر وام محمد ونهله)
يبقى دول هما اللي أخواتي
_الباشا_
اليوم اللي اتولدنا فيه..
أتحدد مصير كل واحده فينا..
جوز أمنا أخدني.. وقال لأمنا إني إتو،فيت..
ولما كبرت.. بدأت نظراته الوسخه تكشفه..
وبدأت أعرف الحقيقه واحده واحده..
واتأكدت إن هوا اللي قت،ل أبونا..
وبعد كده قت،ل أمنا..
جوز أمنا كان هو الكبير بتاع الشغلانه دي..
وأنا قررت إني آخد شغله وكله ممتلكاته..
وشغلته زي الكل،ب تحت إيدي..
عشان مو،ته كان هيبقى رحمه ليه
_الدكتوره بدموع_
كان ممكن تبلغي عنو.. وتيجي في حضني
_الباشا_
فكرت كتير..لكن ما قدرتش..
خوفت وجودي جنبك يأذ،يكي..
وبعدين كان لازم أكمل في الطريق ده..
عشان أذل الكل،ب اللي عمل فينا كل ده..
كملي حياتك يا دكتوره..
وأنسى إنك عرفتي إن كان ليكي أخت
_الظابط نوره بصوت عالي_
حطوا الكلبشات ف إيديها وخدوها على البوكس
_نور تمسح دموع الدكتوره_
إحنا آسفين يا دكتوره
_سمير بتأنيب ضمير_
ظلمناكي يا دكتوره
_أم محمد بحب_
وكتاب الله أنا كنت متأكده إنك بريئه
_شاكر يغير الموضوع_
طب إيه يا جدعان..
مش هنروح نزور علي بقى ولا إيه..
عايزين نقرأ الفاتحه
(وخرجوا كلهم من المزرعه..
وهما ماشيين في الطريق..
شافوا هبه في مقلب الزباله..
ونور شاورت لنهله عليها..
وكانت هبه واقعه في الطين..
وفيه كلا،ب مسعو،ره حواليها
بقلم…محمدطه
________________________
_(بعد شهر)__
__(عند جده نور)__
_تم كتب كتاب سمير ونور..
وتمت خطوبه شاكر ونهله..
والجميع بيباركلهم والكل في سعاده
_سمير بحب_
بقولك إيه يا نور..
إعملي حسابك إنك هتشتغلي معايا
_الدكتوره_
لأ..نور هتيجي تشتغل معايا في المستشفى
_نور بجديه _
أنا لا هشتغل معاك ولا معاها..
أنا هشوف عصابه تانيه تخط،فني..
وهشتغل معاهم..جاهز يا دكتور
_الدكتور بجديه _
جاهز يا ريسه
_نور_
إلا قولي صحيح يا دكتور.. هو أنت أسمك إيه
_الدكتور_
ياااااااااه يا نور..
إنتي لسه فاكره تساليني أسمي إيه..
أنا أسمي..الدكتور محمد طه
_نور_
عاش يا دكتور
____________________
_(بعد التحقيقات ما خلصت)_
_تم الحكم على أخت الدكتوره بالإ،عدام
_وتم الحكم على ميري بالمؤبد
_وتم الحكم على فهد ب 10 سنين
_وتم تكليف الدكتوره والدكتور..
بإداره المستشفى..(إداره مشتركه)
_وتم تغيير أسم المستشفى على أسم نور..
وبقى إسمها.._(مستشفى النور)_
__<<النهايه>>__
<_تمت بحمد الله_>

لقراءة باقي حلقات الرواية اضغط على : (رواية عمياء وسط الذئاب 2)