رواية هوس حد الجنون الفصل الثاني 2 بقلم شروق حسام

رواية هوس حد الجنون الفصل الثاني 2 بقلم شروق حسام

رواية هوس حد الجنون البارت الثاني

رواية هوس حد الجنون الجزء الثاني

رواية هوس حد الجنون الحلقة الثانية

صحيت من النوم بخضة وهي بتبص حواليها برعب بصت علي هدومها لقتها زي ما هي
رجعت بصت تاني جنبها لقت ريان نايم جنبها
اتنهدت بإرتياح وعرفت ان كل اللي حصل ده كان حلم لا مش حلم ده كان كابوس
رجعت بصت له تاني بغضب وزقته برجليها فوقع علي الأرض
ريان بخضة ” اااااه عملتي ايه يا غبية ”
حركت عائشة ايديها بسرعة وغضب بمعني ” بقي يا حيوان عايز تخلص مني ان شاء الله أنت اللي تتخطف وتموت مش أنا ”
ريان بحدة ” يا ريتك تتخطفي بجد يا شيخة وكنت هرتاح منك ومن قرفك لسه متجوزين إمبارح وبجد قرفت منك بتحلمي بأحلام بجد نفسي تتحقق ”
عائشة مسكت كوباية المياه اللي جنبها علي الكوميدينو ورمتها في وشه
عائشة ابتسمت بسخرية علي مظهره وهو كان عايز يقوم يخنقها بس سابها
_” ليكي يوم يا خارسة ”
طلعت له لسانها وهو سابها ودخل التويلت
…………….
بعد أسبوعين بجد مش حلم
كان قاعد في كافيه مع واحدة فيه بينهم شغل وقاعدين يتكلموا في تفاصيل الشغل وهيعملوا ايه فموبايل ريان رن
ريان بإبتسامة ضيق ” معلش هرد علي المكالمة دي البني آدم عمال يرن كتير هشوف هو عايز وأرجعلك ”
لارا بعملية ” تمام مش مشكلة ”
ريان قام وخد جنب بعيد ورد بضيق ووقاحة ” آلو مين عمال ترن ترن ترن ايه مش بتزهق ”
_” مراتك معايا ولو عايزها سليمة تعال علي العنوان اللي هقولك عليه ومعاك مبلغ مش أقل من 10 مليون دولار ”
ريان بصدمة حاول يخبيها واتكلم بجمود ” عائشة عند أهلها بطل حوارات ”
_” ههه لو مش مصدقني شوف الصورة اللي بعتهالك ”
ريان فتح الصورة لقاها صورة رقبة واحدة وعليها وحمة
_” دي مش عائشة ”
الخاطف بسخرية ” ريان باشا شكله لسه مشافش اللي أنا شوفته يااا ده أنا حظي حلو أوي ”
ريان قفل الخط في وشه واتصل علي عائشة مرة واتنين وثلاثة بس مفيش رد اتصل علي مامتها وبردوه مفيش رد رن علي والدها رد عليه
_” آلو عائشة فين يا عمي ”
_” نايمة يابني فيه حاجة ”
_” لا مفيش برن عليها مش بترد اديهاني عايز اقول لها حاجة ”
_” نايمة يا ريان بقي لها من الصبح بتساعد مامتها ونامت تعبانة ”
ريان اتنهد براحة ” تمام مش مشكلة لما تصحي خليها تبعت لي واتس أو ماسنجر ”
_” تمام يا بني ”
_” اه قبل ما أقفل هي عائشة عندها وحمة في جسمها ”
يحي والد عائشة بإستغراب ” اه في رقبتها وبعدين مش انتم متجوزين المفروض تكون عارف ”
_” أصل عائشة بتتكسف أوي انت عارف كسوف البنات وكده ”
_” اه ربنا يهنيكم ببعض ”
ريان فضل يكلمة لدقيقتين وبعدين قفل يحي عارف انه اتجوز عائشة عشان الفضايح بس بعدين لما كان بيكلمهم كانوا بيبنوا انهم كويسين ومرتاحين مع بعض وهو استغرب انهم خدوا علي بعض بالسرعة دي وماشكش في أي حاجة
موبايل ريان رن تاني بس برقم غريب
ريان بعصبية ” آلو مين ”
_” يحي قالك كلمتين طمنوك بس هو بيكدب عليك والحلوة مش هرجعهالك هتسلي معاها شوية ونقضي وقت لطيف هي قمر أوي أوي أوووي ”
الخاطف قفل في وشه وريان اتجنن وساب المطعم حتي انه نسي لارا اللي كانت مستنياه
راح بسرعة علي بيت أهلها وخبط جامد علي الباب لحد ما والدتها فتحت له دخل بسرعة وفضل يدور في كل أوضة ملقهاش لحد ما اتصدم باللي شافه

يتبع…..

لقراءة الفصل التالي : اضغط هنا

لقراءة باقي حلقات الرواية اضغط على : (رواية هوس حد الجنون)