رواية هوس حد الجنون الفصل السادس 6 بقلم شروق حسام

رواية هوس حد الجنون الفصل السادس 6 بقلم شروق حسام

رواية هوس حد الجنون البارت السادس

رواية هوس حد الجنون الجزء السادس

رواية هوس حد الجنون الحلقة السادسة

بعد يومين
في بيت جميل علي أحد الجزر الأوروبية
صحيت بفزع وهي بتبص حواليها بصدمة هي أزاي جت المكان ده آخر حاجة فاكراها أنها طردت أخوها بره أوضتها بغضب بعد ما ضغط عليها في الكلام
خرجت برا البيت واتصدمت من اللي شايفاه هي في مكان حواليه مياه من كل الإتجاهات
فتحت بؤها بصدمة وكان هيغمي عليها من المنظر لأن أكتر حاجة بتكرهها هي المياه
_” أقفلي بؤك شوية يا عائشتي عارف إنك منبهرة بالمكان ”
عائشة بصراخ ” اععع أنت مين أكيد أنت اللي خطفتني ”
إتنهد بغرام وقال ” مش خطفتك إسمها خدتك وسافرنا إجازة ”
_” أنت هتستهبل ”
_” وأنا كمان بحبك يا عائشتي ”
_” هو أنت أهبل ولا عندك عم أو خال هُبل ”
_” عايزة ولادنا يبقي إسمها بحر وجاسم يااا حلويين أوي ”
_” مجنون ”
_” وأنتي كل حياتي يا سكرتي ”
عائشة سكتت وهي كانت هتتجنن من الشخصية اللي قدامها إستحالة ده يكون شخص متزن ده أكيد مجنون لسه خارج من مستشفي العباسية
_” وأنا فين بقي ”
_” في قلبي يا كل قلبي ”
_” أووووف لو هتفضل كده كتير أنا هسكت ”
_” معقولة حبيبتي أخيرا وافقتي معقول بعد كل ده وافقتي تتجوزيني أنا بعشقك يا نبضي ”
عائشة بذهول ” مين اللي هتتجوزك ليكون قصدك عليا ”
_” يلا أدخلي عشان المأذون جوا وهنكتب الكتاب ”
ملحقتش تتصدم وكان ماسكها من إيديها وسابها علي جوا البيت
…………….
بعد شوية
_” موافقة يا بنتي ”
_” أووووف لا مش موافقة هو خاطفني وجايبني هنا غصب عني ”
المأذون بهمس ” وأنا كمان ”
عائشة بتنهيدة ” أنا لسه في عدتي ”
أكملت بكذب ” ده غير إنِ حامل وعدة الحامل بتنتهي لما تضع مش كده ولا إيه يا شيخ ”
_” أيوه ”
إبتسم بجنون ” تمام مش مشكلة ”
عيونه إتحولت من الجنون للغضب ، خرج المسدس من جيبه ورفعه ناحية بطنها
_” هتضعي دلوقتي وبعدين نتجوز إيه رأيك ”
عائشة بخوف ” قصدك إيه ”
_” هنتجوز يا عائشتي ”
بصت له بخوف وشافت في عينيه الإصرار
_” أنا مش حامل ولا قرب مني بس إبعد البتاع ده عني ”
بعد السلاح وضحك بصوت عالي وهو بيقرص خدها ” عارف يا قمري بس عشان تحرمي تقولي كده
_” يلا أبدأ كتب الكتاب من الأول وعائشة هي وكيلة نفسها ومش عايز كلام كتير ملهوش لازمة ”
وبالفعل دقائق وكانت مراته والمأذون مشي بس مشي وتوكل للسما جنب ربنا
……………..
في مصر
دخل الفيلا وهو بيصرخ بهمجية
_” أنت يا زفت يا ريان أخرج هنا فين أختي ”
_” وأنا إيه اللي يعرفني أنا مشوفتهاش من ساعة ما طلقتها ”
يوسف بغضب ” كداب أكيد خطفتها عائش بقي لها يومين مختفية ”
ريان بصدمة حاول إخفائها ” يومين إزاي ”
أكمل بجدية ” روح شوف هي هربت مع مين متجيش تتهمني بحاجات أنا معملتهاش شوف هي ماشية مع مين ”
يوسف أول ما سمع كده راح نزل فيه ضرب من غير رحمة وبعد ما خلص قام وتف في وشه
_” الحق عليا إنِ طاوعتها من الأول في كل اللي كانت بتعمله أنت بني آدم زبالة متستحقش أي حاجة ”
_” والصور والفيديوهات اللي كانت بتتبعت لك هي اللي كانة بتبعتهم ”
ريان بسخرية ” هو أنت شايفني عيل صغير عشان أصدق الكلمتين الهُبل دول ”
_” عايز تصدق صدق مش عايز تصدق إن شاء الله عنك مة صدقت وروحت أخبط رأسك مليون مرة في الحيطة ”
خلص كلامه وضربه برجله في معدته فمسكها بآلم والتاني خرج من الفيلا وهو بيتمتم بكلمات غاضبة
و ريان بيبص له بتوعد وغضب

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية هوس حد الجنون)