رواية هو انت مين الفصل السابع 7 بقلم سحر السحرتي

رواية هو انت مين الفصل السابع 7 بقلم سحر السحرتي

رواية هو انت مين البارت السابع

رواية هو انت مين الجزء السابع

رواية هو انت مين الحلقة السابعة

*زارت شروق معتز في مرسم عنود اكثر من مره …. عنود لم تهتم ولم تحتك بها وتعمد اياد التحدث الى عنود طوال فتره تواجد شروق في المرسم ظنا منه انها تكن المشاعر لمعتز فأراد أن يخفف عنها …. الى ان اتى يوم المعرض
*كل شيء كان مرتب ومنظم وكانت اللوحات جميعها مبدعه وكانت لجنه التحكيم في حيره الى ان استدعى المسؤولين عن المعرض دكتور عزيز و دكتور اياد لمسؤوليتهم عن الجامعه الخاصه بهم وشرح لهم ان هناك لوحه مكرره من قبل جامعه اخرى وسيتم التحقيق لمعرفه من هي صاحبه اللوحه الاصليه ومن قام بالتزوير
*تعجب كل منهم واتضح انها لوحه عنود دافع عنها كليهما وان من المستحيل ان تفعل ذلك وأنها اشتركت في السابق وفازت بالمركز الأول فمن المستحيل أن تفعلها
*استدعى رئيس اللجنه الفتاتين وتحدث معهم وكل واحده شرحت لوحتها
*كان كلام عنود اكثر اقناعا غير انها تحدت الفتاه الاخرى في رسمها مره ثانيه دون النظر للوحه وطالبت ايضا ان تحضر كل واحده اللوحه المصغره للوحه المعرض
بقلمي سحر السحرتي
*توترت الفتاة الأخرى ورفضت التحدي فتحدثت عنود بكل ثقه
:اظن واضح مين فينا اللي م-زوره اللوحه انا بطالب اني اعمل محضر ان لوحتي اتس-رقت
*توسلت الفتاه الا تفعل ذلك
:خلاص مين اللي ادى لك اللوحه بتاعتي وطلب منك تقلديها
*رفضت الفتاه الاعتراف فه-ددتها عنود كي تعترف
: خلاص هقدم بلاغ و تشيليها انت
*اترع-بت الفتاه واعترفت ان فتاه تدعي شروق سميح اعطتها اللوحه مرسومه لتشارك بها في المعرض دون مقابل
*استمعت عنود لما قالت الفتاه ونظرت لهم بعيون دامعه وفضلت الصمت تحدث عزيز مع عنود
: انا هجيب لك حقك وهخلي شروق تعتذر لك
: اهم من الاعتذار انها تبعد عني انا كان ممكن اح-بسها هي والبنت دي بس شروق مسنوده البنت هي اللي ممكن تتأذي لو شروق انكرت …. بلغ دكتور سميح يبعد بنته عني
*لم يستطع معتز الدفاع عن شروق او التحدث عموما فهو يعتبر من أدخلها المرسم وقامت بس-رقه لوحه عنود من خلال علاقته بها …. وهو السبب في غي-رتها منها مما جعلها تريد الانت-قام
*أيقن معتز ان بعد ما فعلته شروق لا يوجد امل في العوده الى عنود مره اخرى
*ظهرت نتيجه المسابقه وفازت لوحه عنود بالمركز الاول هي و الجامعه
*استلمت عنود مبلغ كبير من الجامعه فقررت ان تاخذ والدتها وتذهب بها الى احد الشواطئ كي ترفه عن امها فرفضت والدتها
: و لازمتها ايه البع-زقه دي
:يا ماما انت بقى لك سنين ما رحتيش في حته واحنا هنروح حاجه رخي-صه شويه هي اينعم مش شرم ولا الساحل بس عشان تغيري جو بس بعد اسبوع هستأذن من مستر جاد في ثلاث ايام
:اللي تشوفيه يا حبيبتي
*استأجر اياد المرسم من عنود بشكل مستمر يذهب اليه بعد الجامعه لم تكن عنود متواجده لعودتها للعمل في المطعم
*قامت عنود باخذ اجازه يومين من العمل بجانب الجمعه وقامت بالسفر مع والدتها وبالفعل شعرت فاطيما بالتحسن
:هاه يا حبيبتي عامله ايه وانت قاعده قدام البحر
: كويسه قوي ربنا يخليكي يا حبيبتي بس
:بس ايه يا ماما ناقصك حاجه
:البحر بيفكرني بأبوكي وهو وحشني قوي
: لا يا طمطم دي ما اقدرش اعمل لك حاجه فيها ادعي انت ربنا يجمعنا بيه قريب هو قال اخر مره انه قرب يخلص المبلغ اللي عليه عشان يدفع و يتصالح ويقدر يرجع
: أبوك مش هيرجع غير لما يعمل مبلغ عليهم عشان يقدر يشتغل ثاني هنا او يقدر يصرف علينا هو كان بيقول كده عشان يصبرنا
: المهم انه عايش و بنطمن عليه مش ده كلامك ليا اول ما سافر وقلت انه بيوحشني
: اه وكمان أخواتك وحشوني
:انسيهم بقى يا ماما
:انا ام ما اقدرش انسى اولادي حتى لو هما نسيوني
:ماما انا جايباكي تغيري جو مش تقلبي على نفسك المواجع افتكري انهم عايشين و كويسين ولو فيهم حاجه كان زمانهم ناطين على راسنا استمتعي بكل لحظه يا عالم هيجيني فلوس ثاني امتى واقدر افسحك تاني
:عارفه اني مت-قله عليك
: ليه بتقولي كده يا حبيبتي حياتي من غيرك ملهاش طعم …. استني انا هقعد في الارض و ادفن رجلك في الرمله زي ما كنت بعمل و انا صغيره تيجي تقومي تعملي نفسك اتكعبلتي
: هههههه انت لسه فاكره ده انت كنت صغيره قوي و بتعملي حركات تضحك
بقلمي سحر السحرتي
:طب فاكره لما بتول ضحكت عليا و اتحدتني اكل الرمل وعملت طبق كبير وقالت لو خلصته هاخد شيكولاته كبيره
: هههههه وانت كنت هب-له و طف-صه و مقلبظه اكلتي معلقتين رمل وهي قعدت تضحك عليك لما كانت هتم-وت من كثر الضحك يا هب-لة
:طب ايه رايك اني كنت هخلص طبق الرمل عشان الشوكولاته
: لو كنت خلصتيه كان زمانك في المستشفى لولا لحقتك و غسلت فمك كويس وكل ده ليه عشان شيكولاته يا مف-جوعة
: طب فاكره لما كانوا بيزقوني عليك لما يعملوا حاجه غلط عشان تسامحيهم
:اه ما اعرفش انك مرتش-يه و مديينك شوكولاته وانت سوسه جايه … دول اخواتي …. انا قلبي بيت-قطع عليهم …. سامحيهم عشان خاطري … و تقعدي تبصي لي بعيون القطط وانت عامله بريئه و تسبكيها بزياده و تعيطي كمان
:طب فاكره عرفت ازاي
: هههههه اتخ-انقتوا لانهم قالوا هيدوا لك شوكولاته كبيره و ادولك نص واحده رحتي وهما نايمين اخذتي كل الشوكولاته بتاعتهم كلتيها كلها و جريوا وراكي عشان يض-ربوكي … الا صحيح هو انت كنت بتاكليها ولا بتستحمي بيها كلك كان شوكولاته حتى شعرك
: هههههه كنت بفتري و بعاقبهم وعايزه اخلصها قبل ما يصحوا
:طول عمرك مشكله بس مشكله حلوه
: انت بتقولي كده من زمان
:كل اما ابص لك اندم اني كنت عايزه انزلك الوحيده اللي شايلاني فعلا وعسى ان تكرهوا شيئا
: احكي لي بقى ايه حكايه تنزليني اعترفي وادي قعدة
:كان بين اخوك و اختك ثلاث سنين اكتفيت بيهم وبعد فتره كبيره حملت فيك زعلت عشان خلاص اتاقلمت ان خلاص عندي اثنين ولسه هعيده وابقى مسؤوله عن طفل وكنت كمان كبرت في السن زعلت و عيطت بس باباكي كان مبسوط قوي وقال لي يمكن الطفل ده اللي يشيلنا لما نعجز وكان عنده حق كنت قطعه عسل اخر العنقود فعلا
:عشان كده كنت بدلع واخواتي كره-وني من كتر الدلع
: هما مين اللي كره-وكي دول كانوا بيحبوك قوي و بيلعبوا بك
:قصدك معايا
:لا بيكي هههههه وكنت دائما اتخ-انق معاهم عشان بيهزوكي ويرجوكي كنت ببقى خايفه عليك
: عشان كده طلعت هب-له
: احلى هب-له يا قلب ماما تعالي في حضني
: حبيبتي يا مامتي ربنا يخليك ليا
*عادت عنود مع والدتها سعداء بذلك التغيير وجدت رساله في المساء من اياد
:رجعتي
:اه
:حمد لله على السلامه ينفع نفطر سوا بكره قبل شغلك في المطعم عايزك في حاجه مهمه
:ماشي نفس المكان
: اه الساعه 9:00 هستناكي
*في صباح اليوم التالي ذهبت متاخره نصف ساعه جلست وهي تنهج
:اسفه يا دكتور العربيه بهدلتني من ساعه ما اخذتها من السواق الزف-ت زي ما يكون باصصلي فيها سافرت بيها بالعافيه وبعمل قدام ماما اننا كنا في رست
: طب خدي نفسك وحشتيني
:هاه بتقول ايه
:مش اي اصحاب بيوحشوا بعض
: اه اكيد بس دول كلهم ثلاث ايام بس
:انا بهزر معاكي
*تنفست بارتياح
: خير يا دكتور بتقول موضوع مهم
:انت ناويه تخلصي السنه دي
:للاسف لا مش قادره اوفق بين المطعم والمحاضرات
:هو ده بقى اللي عايزه منك حاولي تحضري المحاضرات وبالنسبه للمشاريع هنفذها معاك
:بس ده غلط
:شوفي معظم الطلبه بتنفذ مشاريعها بره في مكاتب و بتقدمها واحنا بنبقى عارفين و ساكتين …. ايه المشكله معاك
:هبقى باخذ شيء مش من حقي
:اولا احنا مش في ثانويه عامه هتدخلي كليه مكان حد بمجموع بعد ما غشيتي واكيد مش هتتعيني مهما جبت تقدير امتياز لانك مش مترتبه على الدفعه يبقى فين الحق اللي هتاخديه
:وحضرتك بتعمل ده ليه
:عشان احنا اصحاب ويهمني مصلحتك مش عاجبني شغلك في المطعم وانت فنانه موهوبه فعلا لما تتخرجي هتقدري تشتغلي في مكتب ديكور عليه القيمه بدل الب-هدله و المرم-طه اللي انت فيها
:انت قلت لي متجوز بقالك كام سنه
:ما قلتش ليه
: نفسي اعرف مستحملاك ازاي اكيد لو عملت اكله وحش-ه بتقول فيها شعر بكلامك الجميل ده
:سيبك مني وخلينا فيكي ايه رايك
: مش عارفه هو اقتراح حلو و هيرحمني من المرم-طه بصراحه لاني تعبت بجد
:خلاص احضري المحاضرات والمشاريع هساعدك فيها
:المشكله مش في المشاريع
:قصدك التكلفه هعملها لك باقل التكاليف لاني دكتور وعارف ايه اللي بيتقبل وايه اللي بيترفض
:اتفقنا شكرا على مساعدتك
: على ايه طب مش هتكملي حكايه شهرزاد
:في جزء مش كويس وص-عب زي ما قلت لك لو ينفع احكي بعدين
: على ما تاخدي عليا و تثقي فيا يعني
: لا على اخر السنه لانك لما هتعرفه يمكن تغير رايك فيا وما تعرفنيش ثاني
: للدرجه دي
:اذا كان انا شخصيا مش مسامحه نفسي و مبرراتي اني كنت صغيره
: خلاص اجلي لغايه ما تثقي فيا لان لو في ثقه هتحكي كملي الباقي جزء خطوبتك لمعتز
:خطوبتي لمعتز زي اي اثنين كانوا زمايل في اعدادي وكنا شاطرين قوي و بنتنافس على ترتيب الدفعه …. طبعا الترم الاول طلعت الاولى خطبني في الترم الثاني يمكن عشان يعطلني بس على مين طلعت الاولى برضو بس في اجازه الصيف حصل لبابا اللي حكيت لك عنه وماما دخلت المستشفى …. مامته جريت تاخذ الشبكه وقالت كل شيء نصيب لانه مش هيقدر يقف جنبي و يساعدني هي بتصرف عليه في الجامعه بالعافيه ومصاريف الجامعه كتير وهو مستواه كان اقل مننا بس بابا وافق عليه لان اخلاقه كانت كويسه لما سال عليه
: هو كان طم-عان فيكم
:ما اعرفش وما يهمنيش اللي ضايقني في الموضوع انه ما كلمنيش بنفسه واعتذر عن الجواز جت مامته اللي كانت نظراتها لينا ص-عبه ولا تحتمل الفتره دي
: هو ما حاولش يكلمك نهائي
: لا حاول بعد ما حس ان امورنا استقرت كلمني وقال ان مامته عملت كده من وراه
:و سامحتيه
: لا طبعا ده خطب بعد ما سابني بشهرين شروق زميلتنا اللي انت شفتها و تعرفها
:زعلتي عليه او لسه بتحبيه
:انا الفتره الص-عبه دي زعلت من الناس كلها مفيش حد بجد لجأت له الا و خذلني
: مش اجابه على سؤالي لسه بتحبيه
بقلمي سحر السحرتي
*نظرت له بارت-ياب من إعادته للسؤال
:مصر قوي تعرف اجابه السؤال ده
:لو تضايقك الاجابه بلاش
: لا مش بتضايق بس هو كان اعجاب متبادل حبينا نحطه في اطار رسمي عشان نقدر نقرب من بعض اكتر ونتعرف على بعض لكن عمري ما حبيته ولا نطقتها طول فتره الخطوبه اللي هي كام شهر او ترم تقدر تقول كده
:يعني عمرك ما حبيتي
:الحقيقه لا ومش عارفه ليه مع ان اتحبيت كثير وجهه نظري في الموضوع ده اللي بيحب بدري وهو صغير بيبقى ناقص حب الاب والام وانا كنت شبعانه بيهم قوي و مرتبطه بيهم جدا بس ….. انت عمرك ما حكيت لي عن نفسك وعمال تستجوبني
:اصل ما فيش حاجه مختلفه شاب اتخرج و اتجوز بنت عمه وخلف ولد بس …. و بشتغل في الجامعه وليا شغل خاص و بيستعينوا بيا في مكتب ديكور
:مش بتقعد في البيت خالص
:الفنان عمره ما بيقعد في البيت يلا بقى البازار اللي وعدتك اعرفك على صاحبه عشان ياخذ منك شغل ميعاده دلوقتي
: ابعت لوكيشن عشان جايه بعربيتي
:سيبيها و هرجعك عشان عندي محاضره متأخرة
*ذهب بها واوقف السياره في الطريقه المعاكس للمكان
:هركن هنا و نعدي الطريق البازار هناك لان الركنه صع-به قدامه
:ماشي يلا بينا بس العربيات بتجري بسرعة
*امسك يدها وعبر بها الطريق كانت سعيده لا تدري لماذا وبمجرد ان عبرت الطريق حاولت سحب يدها لكنه كان متمسك بها فخجلت ان تسحبها مره اخرى
بقلمي سحر السحرتي
#هل ستأخذ علاقة اياد و عنود مجرى اخر ام أنها ستستمر دكتور وطالبة كما هي

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية هو انت مين)